كورسات هندسية

اللهم أهل علينا رمضان بالأمن والإيمان والسلامة والإسلام اللهم سلمنا إلى رمضان وسلم رمضان إلينا وتسلمه منها مقبولاً

كل عام وأنتم بخير أيها السادة الأعزاء

2 weeks ago | [YT] | 30

كورسات هندسية

فيديو مهم جدا علي القناة

https://youtu.be/DGdi1RWXn5w

2 weeks ago (edited) | [YT] | 10

كورسات هندسية

فيديو جديد علي القناة

كتير من الناس بيسألوا:
إزاي نعرف إذا كان حديد التسليح جوه الخرسانة بدأ يصدأ… من غير ما نكسر؟

في الفيديو ده بشرح جهاز Half-Cell Potential – Profometer PM8500 شرحًا عمليًا من أرض الموقع، وببساطة توضح الفكرة الكهروكيميائية للاختبار، وإزاي الجهاز بيقيس احتمالية تآكل حديد التسليح باستخدام القطب اليدوي Rod Electrode بدون عجلات.

هتشوف في الفيديو:

يعني إيه اختبار Half-Cell وإيه المقصود بالجهد الكهروكيميائي

تنفيذ القياس عمليًا وتسجيل القراءات

تفسير النتائج طبقًا لمعيار ASTM C876

أخطاء شائعة ناس كتير بتقع فيها وبتطلع بنتائج مضللة

الفيديو ده مهم لأي مهندس، فني، أو صاحب منشأ مهتم يفهم إمتى نقلق وإمتى نفحص ونختبر، بدل الاعتماد على التخمين.

الجهاز موجود في مختبر سمارت تك - Smart Tech
🎥 رابط الفيديو على يوتيوب في أول تعليق 👇
لو شايف المحتوى مفيد، شاركه مع اللي يهمه الموضوع.

1 month ago | [YT] | 9

كورسات هندسية

النجاح صعب، لكن طعمه الحلو يستحق أيها السادة
لله الحمد، إنجاز جديد في طريق تطوير الذات
الشهادة معتمدة من مكتب معايير التطوير المهني المستمر البريطاني (CPD Standards Office)

3 months ago | [YT] | 19

كورسات هندسية

الفيديو الجديد علي القناة الان
شاهدوه من هنا https://youtu.be/bnbPg-v9wkc

3 months ago | [YT] | 9

كورسات هندسية

يا جماعة، سواء كنت مهندس أو صاحب بيت بتبنيه
أكيد يهمك إن الخرسانة بتاعتك تكون قوية وتعيش العمر كله.

كتير مننا فاكر إن الخرسانة دي مجرد أسمنت ورمل وزلط/حصي ومياه...
بس الحقيقة إن فيه "مكون سري" بيغير اللعبة كلها: الإضافات الكيميائية.

طب إيه هي الإضافات دي أصلاً؟
ببساطة، دي مواد كيميائية بنضيفها بكميات صغيرة جداً على خلطة الخرسانة قبل أو وقت الخلط. تخيلها كده زي "بهارات" الأكل، كل نوع بيدي طعم وميزة مختلفة.

الهدف منها هو تحسين خواص معينة في الخرسانة سواء وهي لسه طرية أو بعد ما تجف وتتصلب.
طيب بتعمل إيه الإضافات دي في الخرسانة؟ (يعني بنستفيد منها إزاي؟)

الإضافات دي بتلعب أدوار كتير ومهمة جداً، زي مثلاً:بتخلي الخرسانة سهلة في الصب (زيادة قابلية التشغيل): أحياناً الخرسانة بتكون "ناشفة" وصعبة في التعامل معاها وتشكيلها. الإضافات دي بتخليها "طرية" وسلسة أكتر من غير ما نزود مياه كتير، وده بيضمن إنها توصل لكل حتة في الشدة الخشبية بسهولة.

•بتتحكم في سرعة الشك او سرعة التصلب:•في الجو الحر: بنحتاج نبطّأ عملية الشك عشان الخرسانة متنشفش بسرعة قبل ما نصبها ونفردها كويس. هنا بنستخدم "إضافات تأخير الشك".

•في الجو البرد: بنكون عايزين نسرّع عملية الشك عشان ننجز الشغل، فبنستخدم "إضافات تعجيل الشك".•بتقوي الخرسانة وتزود عمرها: فيه إضافات بتقلل كمية المياه في الخلطة، والقاعدة الهندسية بتقول "كل ما قلت المياه، زادت قوة الخرسانة ومتانتها".

ده بيخليها مقاومة أكتر لعوامل الزمن والمناخ الصعب.•بتحمي حديد التسليح: بعض الإضافات بتعمل طبقة حماية على الحديد عشان تمنع الصدأ والتآكل، وخصوصاً في المناطق الساحلية أو المعرضة للرطوبة.

•بتوفر في التكاليف: على الرغم من إن الإضافات دي ليها تكلفة، لكن استخدامها بيقلل من هدر المواد وبيحسن من جودة الخرسانة، وده بيوفر في تكاليف الصيانة على المدى الطويل.

•الخلاصة:الإضافات الكيميائية مش رفاهية، دي بقت جزء أساسي من تكنولوجيا الخرسانة الحديثة. هي العلم اللي بيخلينا نتحكم في سلوك الخرسانة ونطوّعها عشان تناسب احتياجات كل مشروع وظروفه، من أول بناء بيت صغير لحد بناء الكباري وناطحات السحاب.

شاركوني بآرائكم وتجاربكم... هل استخدمتوا الإضافات دي قبل كده في شغلكم؟
#مهندس_سيد_داود #هندسة #بناء #خرسانة #تشطيبات #معلومات_هندسية

3 months ago | [YT] | 14

كورسات هندسية

اللي ظاهر في الصورة دي مش مجرد صب لبشة، لكن نموذج عملي لصبة كبيرة محتاجة تنظيم ودقة في التنفيذ.

في الموقع ده ظاهر حوالي 15 مضخة خرسانة شغالة في وقت واحد لتغطية كامل مساحة اللبشة، وكل مضخة معاها فريقها الخاص (مشغل المضخة، عاملين لتوجيه الخرطوم، عامل دمك بالهزاز، وفني مختبر لقياس الـ slump ودرجة الحرارة ومتابعة جودة الخرسانة، وفورمان )
يعني تقريباً ٥ أفراد لكل مضخة، بإجمالي يقارب ٤٠ عامل ومشرف داخل منطقة الصب فقط، غير السائقين والمراقبين والفنيين في الخارج.

العملية دي بتعتمد على الصب المتصل (Continuous Pour) بدون أي توقف، لأن أي توقف ولو قصير ممكن يسبب فواصل صب باردة (Cold Joints)، ودي من أخطر العيوب اللي ممكن تضعف تماسك الخرسانة. عشان كده بيكون ترتيب دخول الخلاطات محسوب، وكل مضخة بتغذيها خلاطات من نفس المحطة أو من أكثر من محطة معتمدة مسبقًا، بشرط التأكد إن تصميم الخلطة (Mix Design) متطابق في كل المصانع اللي بتورد للموقع، بحيث تفضل الخواص موحدة في جميع النقاط داخل اللبشة.

العمال هنا بيتحركوا مع تقدم الصب تدريجياً، وكل قطاع بيتم صبه ودمكه بشكل متصل قبل الانتقال للقطاع التالي.
الشغل من النوع ده مش استثنائي، لكنه محتاج تنسيق بين فرق المضخات، السائقين، وفريق الجودة، عشان في النهاية تطلع لبشة خرسانية متجانسة قوية بدون أي فواصل أو اختلافات في اللون أو الملمس.

📍باختصار:
صب اللبشة الكبيرة مش محتاج تعقيد… محتاج تخطيط بسيط، عمالة منظمة، وخرسانة متجانسة من مصادر متطابقة — وساعتها النتيجة دايمًا تكون ناجحة.

#الخرسانة #اللبشة #اختبارات_الخرسانة #الهندسة_المدنية #المشاريع_الكبرى #صب_الخرسانة #فواصل_الخرسانة #جودة_الخرسانة #Continuous_Pour #Concrete_Pump #Concrete_Quality #مهندسين #موقع_تنفيذي #خرسانة_جاهزة #فحص_الخرسانة #ConcreteWorks #CivilEngineering #Smartech #كورسات_هندسية #إشراف_موقعي #ConcretePouring #ConcreteMixDesign

3 months ago | [YT] | 4

كورسات هندسية

بعد توقف عن تصوير الفيديوهات لمدة عام كامل، كواليس تصوير الفيديو الجديد

اللهم اجعله خالصاً لوجهك 🤲

3 months ago | [YT] | 19

كورسات هندسية

هل الطرق اللي بنمشي عليها فعلاً بالجودة اللي المفروض تكون عليها؟
الجواب والتقييم الحقيقي مش بالكلام، ولا حتى بالنظر… الجواب بيكون عن طريق عينات الكور الأسفلتي كما بالصور.

العينات الصغيرة دي هي الطريقة الأدق لقياس وتقييم حالة الرصف الفعلية، لأنها ببساطة مأخوذة من جسم الرصف نفسه، وتكشف كل تفاصيل التنفيذ — من أول نوع الخلطة لحد الترابط والالتصاق بين الطبقات.

🔹
بيتم أخذ العينات بمعدلات تتناسب مع مواصفة المشروع وبيتم اختيار أماكن اخذ العينات عشوائياً

أول ما بتوصل العينات للمختبر، بتبدأ الاختبارات:
يتم تنظيف السطح وتسويته، بعد كدا بيتم قياس سمك كل طبقة علي حدة ومقارنتها بالسمك المطلوب حسب مواصفات المشروع.
لو في فرق أكبر من الحدود المسموح بها (±5 مم مثلًا)، يبقى في خلل في التنفيذ ، بيتم تطبيق خصم علي المقاول حسب مقدار النقص في السمك
لو النقص كبير بيطلب من المقاول وضع طبقة تعويضية لا تقل عن ٣ سم

بعد ذلك بتقاس الكثافة Bulk Density بدقة طبقًا للمواصفة ASTM D2726..

لكن 👇
لو الهدف هو تحليل نسبة البيتومين الفعلية أو التدرج الحبيبي أو نسب الخلط (JMF)، فالعينة اللبّية غير كافية.
السبب إن عملية الاستخلاص (Extraction) بتحتاج إلى بلاطة أسفلتية مقطوعة بعناية من الموقع (Saw-Cut Slab Sample) طبقًا لـ ASTM D979، لضمان تمثيل حقيقي ومتجانس للخلطة دون تأثر بعوامل الحفر أو الحرارة أثناء السحب.

نسبة الرابط الأسفلتي (Binder Content) تعتبر العنصر الحاكم في أداء الخلطة الأسفلتية:

الزيادة تؤدي إلى نزيف (Bleeding) وتقليل ثبات الطبقة.

النقص يسبب تشققات مبكرة (Cracking) وضعف الترابط بين الحبيبات.

عشان كده، أي تقييم لنوعية الخلطة لازم يعتمد على عينات البلاطة، بينما الكور يظل الأداة الأساسية لتقييم التنفيذ الموقعي والكثافة الفعلية وسمك الطبقات.

باختصار:
🟩 الكور = سمك + كثافة + جودة تنفيذ.
🟨 البلاطة = نسب + تدرج + محتوى بيتومين.

ومن التجارب الميدانية، العينات اللي بيظهر فيها ضعف ترابط بين الطبقات (Debonding) بتكون دايمًا مؤشر أولي لتشققات طولية أو تقشر سطح الطريق بعد فترة قصيرة.

شرح الموضوع كامل في فيديو علي القناة، اللنك في التعليقات
#كور_أسفلتي #اختبارات_الطرق #Binder_Content #JobMixFormula #هندسة_الرصف #جودة_الطرق #Smartech_Lab #ASTM_D2726 #ASTM_D979
#AsphaltCore #اختبارات_الطرق #هندسة_الرصف #ASTM #فحص_الأسفلت #مختبر_هندسي #جودة_الرصف #RoadTesting #Smartech_Lab

4 months ago | [YT] | 8

كورسات هندسية

لما تلاقي المنظر ده إعرف إن في عدم تنسيق في المشروع
والدنيا ما شية بالبركة

مافيش في حاجة اسمها ddep test ولا لها مواصفة من الأساس

لو المقاول ردم أكثر من طبقة بدون اختبارات ، الاستشاري يجبره يعمل plate load test بدلا من اختبار الدمك

Skip the Carousel

1 2 3 4

4 months ago | [YT] | 6