Series4u

ဘယ်နေရာရောက်ရောက် ဇီးသီးဖေါ်ယူ အတွက် အလုပ်လုပ်နိုင်ဖို့
Apple MacBook Air 13" M5/16GB/512GB လေး ဝယ်လိုက်ပြီဗျာ။
အရင်တုန်းက window gaming laptop နဲ့ ဆိုတော့ စက်ကလည်း
သယ်ရတာ အလေးကြီး ဘက်ထရီကလည်း ၂ နာရီလောက်ဘဲ
သုံးရတော့ အဆင်မပြေ။ Encoding လုပ်လိုက်ရင် ဘက်ထရီက
ကုန်ရော ... .အခုတော့ macbook ရဲ့ M chip အစွမ်းကြောင့်
ဘက်ထရီ ပြသနာတွေ ကင်းပါပြီ။

ဒီနှစ်ထဲမှာတော့ movie ထက် စီးရီးတွဲ တွေ ဆက်တိုက် တင်ဆက်
ပေးနိုင်ဖို့ ကြိုးစားနေပါတယ်။ better call Saul ပြီးရင် Viking စီးရီး
ဆက်တိုက် လာပါမယ်လို့ ကြိုတင်သတင်းပေးလိုက်ပါတယ်ဗျာ။

ခင်မင်ရင်းနီးစွာဖြင့်
ကိုရခိုင်ကြီး
ဇီးသီးဖေါ်ယူ

1 week ago | [YT] | 565

Series4u

ကိုအံ့ နဲ့ ဇီးသီး ကွဲပြဲကြပြီလား ဆိုတာ
ခဏ ခဏ အမေးခံရတဲ့ ကိစ္စတခု ဖြစ်နေလို့
ဘယ်နှစ်ကြိမ်မြောက်မှန်းမသိ ထပ်မံရှင်းပြလိုက်ပါရပါတယ်။

ဒီဖက်နှစ်တွေပိုင်းမှာ ကိုအံ့ အနေနဲ့ ကိုယ်ပိုင်ချန်နယ်တွေ
များလာသလို အသံကွာလတီကို ထိန်းချင်တာ ကြောင့်
တော်ရုံချန်နယ်တွေကိုလည်း လက်မခံတော့တာ အတော်
လေးကို ကြာပါပြီ။

ပြီးတော့ ကျနော်တို့လို recap ဆိုတာက ၅ မိနစ်စာ တပိုင်း
လောက် သွင်းပေးရုံနဲ့ မပြီးသွားတာပါဘဲ.။ အထူးသဖြင့်
ဇီးသီးကနေ တင်ဆက်တဲ့ စီးရီးတွဲတွေက အတော်လေးကို
ရှည်တဲ့အတွက် ကိုအံ့ အတွက်လည်း စဉ်ဆက်မပြတ် ဖြစ်အောင်
အတော်လေးကို အချိန်ပေးရပါတယ်။

ဒါကြောင့်လည်း တယောက်နဲ့ တယောက်နဲ့ မိတ်မပျက်ရအောင်
ငွေပေးတိုင်း လုပ်ပေးရမယ်ဆိုတာမျိုးလည်း မဖြစ်ရအောင်
ကိုအံ့ နဲ့ ဇီးသီး တို့ အသေအချာ တိုင်ပင်ပြီးမှ ဆက်ပြီး အသံ
မသွင်းဖို့ ဆုံးဖြတ်လိုက်ကြတာပါ။ ဒီအတွက်လည်း ဘာပြသနာ
မှ မရှိပါဘူး။ အရင်လို ခင်မင်နေဆဲ ၊ မိတ်ဆွေ ၁ ယောက်
ယူတူဘာ လုပ်ဖေါ် ကိုင်ဖက် ၁ ယောက် အနေနဲ့ဘဲ ရှိပါဦးမယ်။

နောက်ပိုင်း ဇီးသီး ချန်နယ်မှာ ကိုအံ့ အသံကို ပြန်ကြားရတယ်
ဆိုရင် အဲဒါက ကိုအံ့ ရဲ့ လူကိုယ်တိုင်သွင်းထားတဲ့ အသံ အစစ်
မဟုတ်ဘဲ ၊ ကိုအံ့ အသံကို train ထားတဲ့ AI Model အသံဘဲ
ဖြစ်ပါလိမ့်မယ်။ ဒီအတွက်တော့ ကိုအံ့ ဖက်က ခွင့်ပြုချက်
ပေးထားပေမယ့်လည်း ဇီးသီးတို့အနေနဲ့ အသုံးပြုမယ် မသုံးဘူး
ဆိုတာကို အခုထိ မဆုံးဖြတ်ရသေးပါဘူး။

အားလုံးကို ကျေးဇူးတင်ပါတယ်။

3 weeks ago | [YT] | 535

Series4u

ဇီးသီးဖေါ်ယူရဲ့ အဖွဲ့ဝင် တဦးကနေ
အာဆင်နယ် သတင်း သီးသန့် တင်ဆက်
ပေးမယ့် ဘောလုံး ချန်နယ်ပါ။
ဇီးသီးဖေါ်ယူ ရဲ့ ပရိတ်သတ်တွေထဲမှာ ဂန်းနား
ဖန်တွေ ရှိခဲ့ရင် Follow ထားလို့ ရပါတယ်။

ကိုရခိုင်ကြီးတော့ မဟုတ်ပါဘူးဗျာ။ ကိုရခိုင်ကြီးက
ဆိုက်ကား ဂိတ်မှူးလေး ၁ ယောက်ပါ။






ချန်နယ်လင့်ခ်

youtube.com/@championscornerbkk

ကိုရခိုင်ကြီး ၊ ဂိတ်မှူး တဦး

1 month ago | [YT] | 74

Series4u

စီးရီးခေတ် နှင့် Reel ခေတ်- ပျောက်ဆုံးသွားသော ကျွန်ုပ်တို့၏ မှတ်ဉာဏ်များ

တစ်ခါတုန်းက ကျွန်တော်တို့မှာ "စောင့်ကြည့်ရတဲ့" ခေတ်တစ်ခေတ် ရှိခဲ့ဖူးတယ်။ ရုပ်မြင်သံကြားရှေ့မှာ အချိန်ကိုက် နေရာယူ၊ လျှပ်စစ်မီး လာမလား ပျက်မလား ရင်တမမနဲ့ စီးရီး (Series) ဇာတ်လမ်းတွဲတွေကို စောင့်ကြည့်ခဲ့ရတဲ့ အချိန်တွေပေါ့။ နောက်ပိုင်း နည်းပညာတွေ တိုးတက်လာတော့ ဖုန်းလေးတစ်လုံးနဲ့ Complete Season တွေကို တစ်ထိုင်တည်း အစအဆုံး ကြည့်နိုင်တဲ့အထိ အခွင့်အရေးတွေ ရလာခဲ့တယ်။ အဲဒီ "စီးရီးခေတ်" မှာ ကျွန်တော်တို့ဟာ ရုပ်ရှင်ကြည့်ရင်းနဲ့ ကိုယ်တိုင်တောင် သတိမထားမိဘဲ မှတ်ဉာဏ်စွမ်းရည်တွေ၊ အာရုံစူးစိုက်မှုတွေကို လေ့ကျင့်နေခဲ့ကြတယ်။ ဒါပေမဲ့ အခု... ၁ မိနစ်တောင် မပြည့်တဲ့ Reel တွေ၊ Short တွေ ခေတ်ရောက်လာတဲ့အခါမှာတော့ အရာရာဟာ ပြောင်းလဲသွားခဲ့ပါပြီ။

စီးရီးခေတ်- အာရုံစူးစိုက်မှု၊ စိတ်ရှည်သည်းခံနိုင်စွမ်းနှင့် ရေရှည်မှတ်ဉာဏ်တို့၏ ကမ္ဘာ

စီးရီးဇာတ်လမ်းတွဲ တစ်ခုကို ကြည့်တယ်ဆိုတာ အလွယ်လေး မဟုတ်ဘူး။ ဇာတ်ကောင် အများကြီး၊ နာမည်တွေ အများကြီး၊ သူတို့ရဲ့ နောက်ခံသမိုင်းကြောင်းတွေ၊ စရိုက်လက္ခဏာတွေကို အသေးစိတ်ကအစ မှတ်သားထားနိုင်မှ ဇာတ်လမ်းရဲ့ အနှစ်သာရကို အပြည့်အဝ ခံစားနိုင်တာ။ ဂိမ်းအော့ဖ်သရုန်း (Game of Thrones) လို၊ Prison Break လို ဇာတ်လမ်းမျိုးဆို မျိုးနွယ်စုတွေ၊ မိသားစု အရှုပ်အထွေးတွေ၊ ဇာတ်ကောင်တွေရဲ့ လျှို့ဝှက်ချက်တွေကို မှတ်ရလွန်းလို့ မှတ်ဉာဏ် စာမေးပွဲ ဖြေနေရသလိုပဲ။ Season 1 က အဖြစ်အပျက်လေး တစ်ခုက Season 4 ကျမှ ပြန်ပေါ်လာတာမျိုးဆိုရင် ကိုယ့်ဦးနှောက်က အဲဒါကို ပြန်ချိတ်ဆက် (Connect the dots) နိုင်တဲ့အထိ အာရုံစူးစိုက်မှု အားကောင်းခဲ့ကြတယ်။

နောက်တစ်ချက်က စိတ်ရှည်သည်းခံနိုင်စွမ်း (Delayed Gratification) ပါပဲ။ တစ်ပတ်နေမှ တစ်ပိုင်းလာတဲ့ ခေတ်တုန်းကဆို နောက်တစ်ပတ်ကို ရင်တမမနဲ့ စောင့်ခဲ့ရတယ်။ ကျောင်းရောက်ရင်၊ ရုံးရောက်ရင် မနေ့ညက အပိုင်းအကြောင်း သူငယ်ချင်းတွေနဲ့ ဝိုင်းဖွဲ့ဆွေးနွေးကြ၊ နောက်ဘာဆက်ဖြစ်မလဲဆိုပြီး သီအိုရီတွေ ထုတ်ကြ၊ ငြင်းကြခုံကြနဲ့ အဲဒီလို စောင့်ရတဲ့၊ တွေးတောရတဲ့ အရသာက ဦးနှောက်ကို အတော်လေး လေ့ကျင့်ခန်း လုပ်ပေးသလို ဖြစ်ခဲ့တာပါ။

ဇာတ်ကောင် တစ်ယောက်ချင်းစီနဲ့ အချိန်ကြာကြာ ဖြတ်သန်းရတဲ့အတွက် သူတို့အပေါ် သံယောဇဉ်တွေလည်း ရှိလာတယ်။ ကိုယ်ချစ်တဲ့ ဇာတ်ကောင်တစ်ယောက် သေသွားရင် တကယ့် လက်တွေ့ဘဝက ဆွေမျိုးတစ်ယောက် ဆုံးရှုံးသွားသလို ခံစားရတဲ့အထိ စိတ်ခံစားမှုပိုင်း (Emotional Connection) နက်ရှိုင်းတယ်။ ခက်ခဲနက်နဲတဲ့ ဇာတ်ကွက်တွေ၊ ရှုပ်ထွေးတဲ့ ဇာတ်လမ်းသွားတွေကို နားလည်အောင် အချိန်ပေးပြီး စူးစိုက်ကြည့်ခဲ့ရတယ်။ ဇာတ်လမ်းနဲ့အတူ လိုက်ပါစီးမျောရင်း ကျွန်တော်တို့ရဲ့ ဦးနှောက်က အချက်အလက်တွေကို စနစ်တကျ လက်ခံမှတ်သားနိုင်ခဲ့တယ်။ ဒါဟာ ရေရှည်မှတ်ဉာဏ် (Long-term memory) ကို အားကောင်းစေပြီး၊ အကြောင်းအရာတစ်ခုကို နက်နက်ရှိုင်းရှိုင်း တွေးတောဆင်ခြင်နိုင်စွမ်း (Critical thinking) ကိုလည်း သဘာဝကျကျ မြင့်မားစေခဲ့ပါတယ်။

Reel ခေတ်- အပေါ်ယံ လှည့်စားမှုနှင့် မှတ်ဉာဏ်တိုတောင်းလာခြင်း

အခုခေတ်မှာတော့ လက်ချောင်းလေး တစ်ချက် ပွတ်ဆွဲလိုက်ရုံနဲ့ အရာရာဟာ စက္ကန့်ပိုင်းအတွင်း ပြောင်းလဲသွားပြီ။ Reel တွေ၊ Short တွေ၊ TikTok တွေဟာ ကျွန်တော်တို့ရဲ့ အချိန်တွေကိုသာမက အာရုံစူးစိုက်မှုကိုပါ သိမ်းပိုက်သွားကြပြီ။

၁ မိနစ် မပြည့်တဲ့ ဗီဒီယိုလေးတွေထဲမှာ အချက်အလက်တွေကို အမြန်ဆုံး၊ အကြမ်းဆုံး ဖြတ်ပြသွားတယ်။ ဘာအကြောင်းအရာလဲဆိုတာ သေသေချာချာ နားမလည်လိုက်ခင်မှာပဲ နောက်ထပ် ဗီဒီယိုအသစ်တစ်ခုက ရောက်လာပြန်ပြီ။ ဒီလိုနဲ့ ကျွန်တော်တို့ဟာ အကြောင်းအရာတစ်ခုလုံးရဲ့ အနှစ်သာရကို မသိရတော့ဘဲ အပေါ်ယံ အပိုင်းအစလေးတွေနဲ့တင် ကျေနပ်နေရ၊ လှည့်စားခံနေရတယ်။

ပျော်ရွှင်မှု ဟော်မုန်း (Dopamine) ကို အမြန်ဆုံးနဲ့ အလွယ်တကူ ရယူချင်တဲ့ စိတ်ကြောင့် တစ်ခုပြီးတစ်ခု ဆက်တိုက် ပွတ်ဆွဲ (Endless Scrolling) နေမိတယ်။ ဒီအလေ့အထက ကျွန်တော်တို့ရဲ့ ရေရှည်မှတ်ဉာဏ်ကို တဖြည်းဖြည်း တိုက်စားသွားပြီး၊ အာရုံစူးစိုက်နိုင်စွမ်းကိုလည်း သိသိသာသာ ကျဆင်းစေတယ်။ "သိသလိုလို" ထင်ရပေမယ့် တကယ်တမ်းကျတော့ ဘာကိုမှ နက်နက်ရှိုင်းရှိုင်း မသိတော့တဲ့ အခြေအနေကို ရောက်လာတာဟာ အတော်လေးကို စိုးရိမ်စရာပါ။

ဆိုရှယ်မီဒီယာများ၏ လွှမ်းမိုးမှုနှင့် အယ်လဂိုရစ်သမ် (Algorithms) ထောင်ချောက်

ဒီလို ပြောင်းလဲသွားရတဲ့ အဓိက တရားခံကတော့ ဆိုရှယ်မီဒီယာ (Social Media) ပလက်ဖောင်းတွေပဲ ဖြစ်ပါတယ်။ သူတို့က "အာရုံစိုက်မှု စီးပွားရေး (Attention Economy)" ကို ကစားနေကြတာ။ ကျွန်တော်တို့ရဲ့ အချိန် (Screen time) ကို တတ်နိုင်သမျှ များများရဖို့အတွက် အလွယ်တကူနဲ့ မြန်မြန်ဆန်ဆန် ကြည့်နိုင်တဲ့ ဗီဒီယိုတိုလေးတွေကို ပိုပြီး တွန်းအားပေး (Push) လာကြတယ်။

သူတို့ရဲ့ လျှို့ဝှက်လက်နက်ကတော့ အယ်လဂိုရစ်သမ် (Algorithm) တွေပါပဲ။ ကျွန်တော်တို့ ဘာကြိုက်လဲ ဆိုတာကို သေချာလေ့လာပြီး၊ ကြိုက်နှစ်သက်နိုင်မယ့် ဗီဒီယိုလေးတွေကိုပဲ ဆက်တိုက် ပြသပေးနေတယ်။ ဒါက ကျွန်တော်တို့ကို ကိုယ့်ရဲ့ "ပူဖောင်းလေး (Filter Bubble)" ထဲမှာပဲ ပိတ်လှောင်ထားပြီး၊ ရှည်လျားတဲ့၊ ခက်ခဲတဲ့ အကြောင်းအရာတွေကို သည်းခံကြည့်ရှုနိုင်စွမ်း ကျဆင်းစေပါတယ်။

ဒါ့အပြင် FOMO (Fear Of Missing Out) ဆိုတဲ့ ခေတ်ရေစီးကြောင်း (Trend) နောက်ကျကျန်ခဲ့မှာ ကြောက်တဲ့စိတ်ကလည်း ကျွန်တော်တို့ကို အနားမပေးဘူး။ အကြောင်းအရာ တစ်ခုတည်းကို အချိန်ယူ လေ့လာတာထက်၊ အပေါ်ယံ အချက်အလက် အများကြီးကို အမြန်ဆုံး ကြည့်ရှုဖြတ်သန်းသွားဖို့ တွန်းအားပေးနေတယ်။ အနုပညာ ဖန်တီးသူတွေကလည်း လိုက်ခ် (Likes) နဲ့ ပြန်လည်မျှဝေမှု (Shares) တွေ ရဖို့အတွက် နက်နဲတဲ့ ဇာတ်လမ်းတွေထက်၊ ချက်ချင်း အာရုံဖမ်းစားနိုင်တဲ့ အပေါ်ယံ ဖျော်ဖြေမှုတွေကိုသာ ပိုပြီး ဖန်တီးလာကြတော့တယ်။

နိဂုံး- ကျွန်ုပ်တို့ ဘာတွေ ဆုံးရှုံးနေပြီလဲ

Reel တွေ၊ ဗီဒီယိုတိုတွေက ဖျော်ဖြေမှု သက်သက်အတွက်ဆိုရင်တော့ မဆိုးပါဘူး။ ဒါပေမဲ့ ကျွန်တော်တို့ရဲ့ အာရုံစူးစိုက်မှု၊ တွေးခေါ်နိုင်စွမ်းနဲ့ ရေရှည်မှတ်ဉာဏ်တွေကိုပါ အခကြေးငွေအဖြစ် ပေးဆပ်နေရတယ် ဆိုရင်တော့ ပြန်လည်စဉ်းစားဖို့ လိုအပ်လာပါပြီ။

ကျွန်တော်တို့ဟာ ဇာတ်လမ်းကောင်း တစ်ပုဒ်ရဲ့ အနုပညာရသကို ခံစားတတ်တဲ့ အလေ့အထကို ဆုံးရှုံးနေပြီလား။ ခက်ခဲတဲ့ ပြဿနာတွေကို အချိန်ယူ စဉ်းစားဖြေရှင်းနိုင်စွမ်းတွေ ကျဆင်းနေပြီလား။ နည်းပညာရဲ့ အမြန်နှုန်းကြားမှာ ကိုယ်တိုင်ရဲ့ တွေးခေါ်နိုင်စွမ်းနဲ့ ရေရှည်မှတ်ဉာဏ်ကို ဘယ်လို ပြန်လည်ထိန်းသိမ်းကြမလဲ ဆိုတာဟာ ဒီနေ့ခေတ်မှာ ကျွန်တော်တို့ အားလုံး အလေးအနက်ထား စဉ်းစားရမယ့် မေးခွန်းတစ်ခု ဖြစ်လာပါတော့တယ်။

#ကိုရခိုင်ကြီး
#ဇီးသီးဖေါ်ယူ

2 months ago | [YT] | 196

Series4u

လမ်းလျှောက်နေသော အသေကောင်များ : အခြောက်တို့ရဲ့မြို့တော်
စီစန် အသစ် ထွက်ပါပြီ။

#ကိုရခိုင်ကြီး

2 months ago | [YT] | 161

Series4u

S4U Show Update V1.0.2 လာပါမယ်။

ဘာတွေ ပါလာမလဲ အရင်ကထက် ကောင်းတဲ့ ဆာဗာလင့် တွေ
တိုးလာမယ်။

ဘောလုံးသတင်း အစုံအလင် ပိုဖြစ်လာမယ်။

ဟိုက်လိုက် တွေကို အမြန်ဆုံး အသင်းစုံ ကြည့်လို့ရအောင်
လုပ်ပေးထားပါတယ်။

နောက်တခုက အပြောင်းအရွှေ့ သတင်းစုံ ထပ်တိုးလာပါမယ်။

နောက်ထပ်တခုကတော့ update အသစ် ထွက်ပြီဆိုရင်
app ထဲမှာ ကြိုတင်အကြောင်းကြားပါမယ်။

ကြာသပတေးနေ့ လောက် update ထုတ်ပေးပါမယ်။

#ကိုရခိုင်ကြီး

3 months ago | [YT] | 68

Series4u

ဘ၀က ဘယ်လို ဖြစ်နေလဲဆိုရင်
ကရင်ကိုလည်း မဝေဘင်ရဲဘူး အိမ်ပြန်ရင် မြ၀တီလမ်းက
ပြန်နေကျဆိုတော့ လမ်းမှာ စစ်ပြီး အဖျော့ခံရမှာ စိုးရသေး
ဟော မွန်တွေကိုလည်း မဝေဘင်ရဲပြန်ဘူး။ တခါတလေ
အလုပ်ကိစ္စကြောင့် ဘုရားသုံးဆူ ဖက်ကနေ ပြန်ရတာလည်း
ရှိသေးသကိုး။ မသကာ လူဖက်ထုပ် ဖြစ်သွား ဘယ်နှယ့်လုပ်
ရမလဲ
အပေါ်ကဖက်က ကချင်ကြီးတို့ဆို အို .. ပြောမနေပါနဲ့တော့
ဝေဘင်ဖို့ကို မစဉ်းစားရဲတာ .
ဒါနဲ့အမျိုးအချင်းချင်း အေအေ ကို ဝေဘင်မယ်ဆိုတော့လည်း
ဘေး ၂ အိမ်ကျော်က ရခိုင်သား ငမူးကောင်တွေလည်း ကြောက်
ရသေး သကိုး နင့်မေလပြွတ်ကို ဖြစ်ရော ..
အန်ယူဂျီလား အားလုံးကောင်းပါသည် ဖျား သာ လုပ်ပေး
မလုပ်ပေးရင် ပြည်တွင်းနေရင် ဒလန် လို့ သတ်မှတ်
ထိုင်းမှာနေရင် ရဲလက်ကို တို့ ... ၊ တတိယနိုင်ငံဆိုရင်လည်း
အကူအညီမပေး ဘေးကို ဝိုင်းပို့ ..
ဒါနဲ့ဘဲ လွတ်ရာကျွတ်ရာကနေ ယူကျူ့ ချန်နယ် ထောင်ပြီး
နာမည်ပေးထားလိုက်ပုံက စကစ ကို ဗျင်းမယ့် ရခိုင်သား
အခုတော့ ဒေါ်လာလေးတွေ ဝင်နေပြီမို့ သွားဆဲလတ်ဦးမေ

#ကိုရခိုင်ကြီး

3 months ago | [YT] | 279

Series4u

S4UShow App
ဒီည မန်ယူပွဲလေး စမ်းကြည့်လို့ရအောင် app လုပ်ထားပါတယ်။
တယ်လီဂရမ် ချန်နယ်ထဲမှာ အသေးစိတ် ဝင်ဖတ်ပြီး ဒေါင်းလိုက်
နော်။ ဒီမှာ စာရေးရင် ကွန်မြူနတီ စတန်းဒတ် ရှိနေလို့ပါ။

ဒေါင်းလော့ခ်ယူရန် တယ်လီဂရမ် လင့်ခ်
t.me/Series4uBKK

4 months ago | [YT] | 108

Series4u

ဇီးသီးရဲ့ ပရိတ်သတ်တွေ အတွက် ဘောလုံးပွဲ အဆင်ပြေပြေ
ကြည့်လို့ရမယ့် App တခု ထုတ်ပေးမယ် ဆိုရင် အိုခေမလား
ဘောပွဲ ကြည့်ခါနီးပြီဆို ဟိုအနားရှာ ဒီအနားရှာ နဲ့ တိုင်ပတ်
နေတဲ့ လူတွေ အတွက်ပါ။ လောလောဆယ် Android ဘဲ ရ
ဦးမှာပါ။

ကိုရခိုင်ကြီး

4 months ago | [YT] | 450

Series4u

ဖာဂီ အနားယူပြီးတည်းက ဆယ်စုနှစ် တခု ကျော် ထဲမှာ စိတ်အချမ်းသာရဆုံးက

မိုက်ကယ် ကာရစ် ရဲ့ ၄ ပွဲဆက် အနိုင် ရထားတဲ့ အချိန်ကာလဘဲ။

#ကိုရခိုင်ကြီး #ဆိုက်ကား

5 months ago | [YT] | 428