Welcome to Life is Life — a space where words, stories, and imagination come together to celebrate every shade of life.
Here, we believe that life isn’t just meant to be lived — it’s meant to be felt, understood, and expressed. We explore the beauty, struggles, and emotions that make life truly meaningful.
🌼 Motivational stories & life lessons — to lift your spirit and give hope.
🌈 Heart-touching poems & reflections — to inspire your inner voice.
📘 Creative writing & thoughts — to remind you how powerful words can be.
🌟 Fun and meaningful kids’ stories — filled with imagination and morals.
💡 Knowledge and learning videos — to open your mind and spark curiosity.
Discover inspiration, imagination, and meaning in every story and every word — because life is not perfect, but it’s still wonderful… and life is life. 🌻
#LifeIsLife #Motivation #Poetry #Stories #Inspiration #LifeLessons #Knowledge
Life Is Life - ජීවිතයට ජීවිතයෙන්
"නිහඬකමත් පිළිතුරක්"
අඩුවෙන් කතා කරන තරමට,
වැරදි තේරුම් ගැනීම් අඩුයි.
නිහඬකම සමහර විට,
හොඳම පිළිතුරයි.
හැම ප්රශ්නයකටම
වචන අවශ්ය නැහැ.
සමහර අවස්ථාවල,
නිහඬකම තමයි බුද්ධිමත්ම තීරණය.
වචනවලින් ඇතිවන තුවාල,
නිහඬකමෙන් වළක්වා ගන්න පුළුවන්.
ඒ නිසා... හැමෝටම
හැම දේම කියන්න ඕනෑ නැහැ .
අඩුවෙන් කතා කරන්න,
වැඩියෙන් නිරීක්ෂණය කරන්න...
ජීවිතයේ බොහෝ ප්රශ්න
එතැනින්ම අවසන් වෙයි.
#life #quotes #ideas #love #happy #sad #motivation #enjoy #CalmVibes #success #quoteoftheday #motivationspeaker
1 week ago | [YT] | 1
View 0 replies
Life Is Life - ජීවිතයට ජීවිතයෙන්
පමණ ඉක්මවා පුරවන
සෑම බඳුනකම
ජලය පිටාර ගොස්
වටිනාකම නැති වී
යන්නා සේ ම
පමණ ඉක්මවා කරන
සෑම සොයාබැලීමක් තුළ ම,
තමන්ගේ වටිනාකම ද
නැති වී යනු ඇත ...
සමහර විට,
නිහඬව ඉඩ දී සිටීම
තමන්ගේ වටිනාකම රැකගන්නා
හොඳම ක්රමය විය හැක...
#life #quotes #ideas #love #happy #sad #motivation #enjoy #CalmVibes #success #quoteoftheday #motivationspeaker
2 weeks ago | [YT] | 1
View 0 replies
Life Is Life - ජීවිතයට ජීවිතයෙන්
ජීවිතේට එන්න ඕන,
කියනදේත් නොදැනෙන මිනිස්සු නෙවෙයි...
නොකියනදේත් දැනෙන,
නොකියනදේත් හදවතින් තේරුම් ගන්න මිනිස්සු...✨🌸
#life #quotes #ideas #love #happy #sad #motivation #enjoy #CalmVibes #success #quoteoftheday #motivationspeaker
2 weeks ago | [YT] | 1
View 0 replies
Life Is Life - ජීවිතයට ජීවිතයෙන්
"සමහර වෙලාවට ජීවිතේ අපිට හොඳ දෙයක් දෙන්න කලින් අතාරින්න කියලා ඉල්ලනවා.
හරියට පිලා කෝෂය දාලා යන සමනලුන් වගේ,
අපි ඕනෑවට වඩා තදින් අල්ලගෙන ඉන්න එක නවත්තනකොට අවස්ථා එනවා.
ක්රියාවලිය විශ්වාස කරන්න,
ඉවසීම වැළඳ ගන්න,
සෑම ප්රමාදයකටම අරමුණක් ඇති බව විශ්වාස කරන්න.
ඔබේ ජීවිතයේ හොඳම පරිච්ඡේද තවමත් ලියවී අවසන් නැහැ.
"ඉවසිලිවන්ත වන්න. ඔබ අදහස් කළ දේ කිසිදා ඔබව මග හරින්නේ නැත."
#life #quotes #ideas #love #happy #sad #motivation #enjoy #CalmVibes #success #quoteoftheday #motivationspeaker
2 weeks ago | [YT] | 2
View 0 replies
Life Is Life - ජීවිතයට ජීවිතයෙන්
ජීවිතයට ආපු😔
නරකම කාලය වුණත්
සමහර තැන්වල
කාටවත්ම උගන්වන්න බැරි වෙච්ච
පාඩම් උගන්වනවා...💯
ඒ තමා අපිට ලෙන්ගතුයි කියලා
ළඟින් ම ඇසුරු කරන
මිනිස්සුන්ගේ 🎭
ඇත්තම ස්වරූපය පෙන්නලා දෙන එක...
#life #quotes #ideas #love #happy #sad #motivation #enjoy #CalmVibes #success #quoteoftheday #motivationspeaker
3 weeks ago | [YT] | 1
View 0 replies
Life Is Life - ජීවිතයට ජීවිතයෙන්
🌸 අසෙනිය මල්🌸
36 කොටස (අවසාන කොටස Part 02)
අප බොහෝ විට රිඳවන්නේ ඇල්මක් දක්වන්නන්ටමය. කඳුල දුක දැක සතුටු වීම අපරිමිත දයාකරුණා ආදරයේම කොටසකි. රිදවා විඳීමකින් තොර තෘප්තිකර ආශාවන් කොයින්ද...? පවින්තට අමුතු ආවේගයක් ඇති උනේ කෙසේදැයි නොහැඟේ.
❛❛ඇයි තක්කඩියෙක්ව බලන්න ආවේ...?❜❜
(තවමත් ඉවතට හැරීය.)
එවදන් සමඟම ඇගේ ලෝකය අහස උසට ගොඩ නැඟී තිබුණා නම් අසුරු සැනයකදී මහපොළොව මතම කඩා පතිත විය. අහිංසක හදවතකට නොකල වරදකට දැඩිව දඬුවම් කිරීම ගැන ඔහුට එරෙහි වීමට සාධාරණ අයිතියක් ඇත. ඒ වචන තිරව ස්මෘතියේ තබාගෙන ඇති සැටි!.
❛❛මගේ අතින් සිදු වෙච්ව වැරදි සියල්ලටම සමාව ලබාගන්නයි මම අද ආවේ පවින්ත.❜❜
❛❛හහ් සමාව...? සල්ලි බලයක් කරගෙන අනුන්ගේ ජීවිත වලට එබිකම් කරන මිනිස්සු සමාව දෙන්න දන්නවැයි.❜❜
තමා පැමිණියේ ඔහුගේ මෙවදන් වලින් හදවත රිද්දවා ගැනීමටද...? ඒ ලස්සන බලාපොරොත්තූන් රැස මේ විදිහට දියාරු කර දමන්නට තරම් ඔබ අහිතවත් උනේ ඇයි...? කුමුදුනීට දමා ගසා යන්නටද සිතුණි. එහෙත් ගැහැණු සිතක් එතරම්ම රළු දරදඬු කරගන්නේ කෙසේද...? සිතක් හැඬවීම ඉතාමත්ම පහසුය. එහෙත් හදවතක් හිනැස්සවීම කොතරම් දුෂ්කරද...? මේ මොහොතේ ඔහුට සැනසුමක් ලබා නොදෙන්නේ නම් තමාගේ හිස් ජීවිතයේ ලැබිය හැකි සතුට කුමක්ද...? තවත් ඔහු රිදවීම තමා ලෝකයටම කරන අවැඩක් නොවන්නේද...?
❛❛මට සමාව දෙන්න පවින්ත. වරදක් තවත් වරදකින් නිවැරදි කරන්න පුලුවන්ද?❜❜
(කුමුදුනී ඉතා මෘදුව ඇසුවාය.)
❛❛බැරුව ඇති. ඒත් අසරණ ජීවිතයක් කඳුලින් මකලා විනාශ කරලා දාන්න පුලුවන්.❜❜
ඔහුගේ හැම වචනයක් පාසාම ඇත්තේ හිතේ අමාරුවේ සන්තාපය යැයි හැඟේ.
❛❛වැරදි කරනවටත් වඩා වැරදි කරලා සමාව ඉල්ලන එක ලේසියි. ඒත් වැරදි නොකර ඉන්න එක හුඟාක් අමාරුයි.❜❜
ඒ වචන යුක්ති ගරුක වුවත් අයහපත් වැඩිය.
❛❛ඒත් නොදැන කල වරදකට සමාව දීමේ පොදු අයිතියක් තියෙනවා නේද...?❜❜
ඇත්තෙන්ම ඇය තමා සිතුවාටත් වඩා තර්කයට දක්ෂ යැයි පවින්තට හැඟුණි.
❛❛ඒ උනාට තක්කඩියොන්ට ඔය පණ්ඩිත කතා තේරුම් ගන්න බැහැ.❜❜
ඔහු තමාට පහර දෙන්නේ කොතරම් සියුම් ලෙසදැයි දැනුණි.
❛❛ඔච්චරටම දරුණු නපුරු වෙන්න එපා පවින්ත. මට දරාගන්න බැහැ.❜❜
ස්වරය හැඬීමට ළං වී ඇති බව දුක මිශ්රිත ප්රමාණය පවසයි.
❛❛පොඩ්ඩක් හෙමින් සැරේ ආපස්සට හිතලා බලන්න. කවුද මෙච්චර කල්ම දරුණු නපුරු උනේ කියලා. එදා තවකෙනෙක්ව රිදවන්න බැරිවුනු අත්වැරැද්දට අසමාන දුක්වින්දේත් අදත් දුක්විදින්නේත් එදා හැඬුවේත් අදත් හෙටත් හඬා වැටෙන්නට සිදු වෙලා තියෙන්නේ මම කුරිරු වුණු නිසාද...? මට කියන්න. හොඳයි ඇත්තටම මමද කුරිරු කම් කලේ...?❜❜
හඬනවා හැර වෙන ඒ සඳහා දෙන්නට මොනම පිළිතුරක්වත් නැත. කල යුත්තේ හදවත පලා ගැනීමය. හැබැයි දැන් මට ස්ථීරවම එකක් කියන්න පුලුවන් ඔබට. මින්පසු කවදාවත්ම ඔබ මා පිණිස මා නිසා හඬා නොවැටෙනු ඇත. ඔයා මාව රිදෙව්වත් මේ ආත්මයේදී මට කවදාවත් නැවත ඔයාව රිදවන්නට බැහැ.
❛❛පවින්ත මම ඒ වැරදි සියල්ලටම මගේ ජීවිතයෙන් වන්දි ගෙවන්නට සූදානම්’ ඒ වරදට ඔබ දෙන ඕනම දඬුවමක් විඳින්නත් ලෑස්තියි❜❜
ඔහු නිහඬය. අහක බලාගෙන.
❛❛අනේ පවින්ත. දැන්වත් මගේ දිහා බලලා කතා කරන්න. ප්ලීස් පවින්ත.❜❜
ඒත් ඔහු ගොළුය.
❛❛මගේ හිත හැදෙන්න සැනසෙන්න එකම එක වචනයක් කියන්න පවින්ත.❜❜
(අසරණ ආයාචනයක්. ඉතාමත්ම අසරණ බැගෑපත් වීමක්.)
❛❛ඔයා පරක්කු වැඩියි දැන්. මම දැන් එක්කෙනෙක්ට පොරොන්දුවක් දීලා ඉවරයි.❜❜
දෙවියනේ!... මා සුපැතූ සිත පිනවන වදන එයද...? ඔබට කිසිදාක එවැන්නකට හදවත එකඟ කරගන්නට බැරි බව මා දන්නවා. නිසැකව විශ්වාස කරන්නට අමාරුය. ඒත් මාව රිදවන්නට වුවත් එතරම් දරුණු කතාවක් කියන්නේ ඇයි.? දැන්නම් මේ දුක තවත් මේ පරිශ්රය තුල සිට දරන්නට බැරිය. නෙතු සැරසෙන්නේ කුමටදැයි දනී.
මම ඔයාට බොහෝම ලොකු වරදක් කරපු බව ඇත්ත. පිළිගන්නවා. හෙලූ කඳුලු වල නාමයටවත් විශ්වයට මට සමාව දෙන්න බැරිද...? ඔබේ හදවත ඊට එකඟ නැතිද...? කමක් නැහැ. මම ඔයා එක්ක බිංඳක්වත් තරහා නැහැ මගේ දෙයියෝ. දැන් මා දන්නවා ඔබ මා පිණිස කඳුළු හෙලූ තරම. ඔබ මගෙන් පලිගත යුතුවම තියෙනවා. දඬුවම් කල යුතුව තිබුනේ මීට කලින්. මීට බොහෝ කලින්.
ඒත් ඔබ ඉවසුවා. පුදුමාකාර ලෙස. මා ඔබ වෙනුවෙන් තවත් හැඬිය යුතුමයි. මේ ජීවිතය මිය යන්නට පෙර ඒ වන්දිය කඳුලින් ගෙවන්නට ලැබුනොත්...? මම කොතරම් වාසනාවන්තියක් වේවිද...? ඇයට තවත් නම් සිත වාවාගත නොහැකිය. දෙනෙත කඳුලු වැස්සකට අපැහැදිලි අහසක් වන්නට ඔන්න මෙන්නට ආසන්නය.
ඔබ ඉක්මනට සුවපත් වෙන්න!. ඔබ මට ද්වේශ කරත් මා ඔබට දොස් කියන්නේ නැහැ. මම කොහොමද ඔබම කියුවා සේ මගේ ජීවිතාත්මයට පිටුපාන්නේ...?
කඳුළු බිංඳු දෙකොපුල් උණුසුම් කරනු දැනේ. කඳුලු දැක්කොත් ඔහුට දුක හිතෙයි!.
ඒ ආදරය ආත්මය නම් හදවතින් විශ්රාම දෙන්නේ කොහොමද...? ජීවිතයේ නියමිත කැමැත්තට එකඟව පොරොන්දු දස දහසක් වුවද බිඳ දැමිය හැකි බව පවින්ත දනී.
“❛❛හෙටත් මාව බලන්න එනවද කුමූ...?❜❜
දෑතින්ම මුහුණ වසාගෙන ඔහුට කඳුලු සඟවාගෙන වාට්ටුවෙන් පිටවී පසු නොබලා දුවන්නට සැරසෙත්ම ඇසුනු ඒ දයාබර හඬ කාගේද...? තමා මෙතෙක් වේලාම සෙව් පවින්තගේ ප්රකෘති පියෙවි ජීවී ලයාන්විත හඬින් මෝහනයට පත් වී නතර වුණි. අසමාන සෙනෙහසින් නෙතු විහිදා තමා දෙස බලා සිටින ඔහු වෙත මොහොතක් නෙත් රැඳවූ කුමුදුනී වහාම දුවගොස් ඔහුගේ ළයමත මුහුණ හොවාගෙන ළදැරියක සේ හඬා වැටුණාය.
❛❛මම හොඳ මිනිහෙක්!.❜❜
පපුව මැද කොටා ඇති පචිචය දැක ඇයගේ හදවත පැලී යන ශෝකී දුකක් දැනිණ. ඔබ මා කී සෑම වචනයක්ම අකුරටම පිළිපැදලා. ඔබ කෙලෙස වේදනා ඉවසුවාද...? ඔබට මා කුරිරු වී දරුණු වී රිදෙව්වේ කොතරම් නිකරුනේද...? අපරාදේද...?
මට සමාවෙන්න මගේ රත්තරං!. අදින් පස්සේ කවදාවත් ඔය නෙත් මා නිසා හඬන්නේ නැහැ!.
❛❛හෙට විතරක් නොවේ පවින්ත. මගේ ජීවිතය හුස්ම ගන්න හැම දවසක් පුරාවටම මම ඔයා ළඟ.❜❜
❛❛ඔය ඇත්තමද කුමු...?❜❜
පවින්ත ඇගේ සුකුමල සුරත මෘදුව මිරික ගත්තේය. අනන්තයක් සොයා යන සිහින් මදනලක් සමඟ ඔහු සුවපත් සුසුමක් පා කර හැරියේය.
තිර අධිෂ්ඨානයෙන් යුතුව කුමුදුනී මෙතුවක් කල්ම සැඟවී තිබූ නොදත් නොහදුනනා අත්යන්ත සුන්දර ලොවකට පිවිසුණි.
හදවත් දෙකම එකම හදවතක් වන සැටි දෙදෙනා බලා සිටියේ සතුටිනි.
❛❛මේ අත හැමදාටමත් මගේමයි!❜❜
ඇය පවින්තගේ සුරත ගෙන සැහැල්ලුවෙන් ළය මඬලට තුරුළු කරගත්තාය.
නැවත හමුවෙමු!.
#life #quotes #ideas #love #happy #sad #motivation #enjoy #CalmVibes #success #quoteoftheday #motivationspeaker #AseniyaMal #NewNovel #HeartfeltStory #SriLankanNovel #SinhalaNovels #LoveAndLife #Shortstory #Novels
3 weeks ago (edited) | [YT] | 1
View 0 replies
Life Is Life - ජීවිතයට ජීවිතයෙන්
🌸 අසෙනිය මල්🌸
36 කොටස (අවසාන කොටස Part 01)
මේ ජීවිතය දෙස ආපසු හැරී බැලීමක් කරන්නට තරම් තමා ජීවත් වූ කාලය තවමත් මදිය. ආ මඟ යායුතුව ඇති මඟ සේම දුෂ්කර බව දනී. එහෙත් දැන් කුමුදුනීට අචල බලාපොරොත්තුවක් ඇත. සතත බලාපොරොත්තුවක් ඇති ජීවිතයකට රිද්මයක් සොයා ගැනීම අපහසු නොවේ.
තම දෙනෙත් පියවෙන්නට ඔන්න මෙන්න කියා තිබියදී පිණිබර යාමයේ දුටු ඒ සිහිනය බොහෝ අකාරුණිකය. නොසැලෙන පොරොන්දුවක් ලැබිය යුතු මොහොතක ස්වප්නයේදීවත් එබන්දක් පෙනීම උචිත යැයි අනුමත කල නොහැකිය. තමාගේ කෑගැසිල්ලට හොඳ වෙලාවට මව අවදි නොවීම වාසනාවකි. කලබලයටත් බියටත් පත් නංගී දුවවිත් තමාට වතුර පොවා මනස සැහැල්ලු කල සැටි මතකය. ඇයි දෙවියනේ ඒ වගේ දෙයක් දැක්කේ...? ඔබ මට බොහෝම දරුණු විදිහට බැණ වැදිලා නපුරු රාක්ෂයෙකු මෙන් මාව පන්නා ගත්තේ මගේ කඳුලු ආයාචනය බැගෑපත්වීම තුට්ටුවකට හෝ මායිම් නොකර නේද...?
❛❛ඔය පිස්සු විකාර හිතන්නේ නැතුව සබ්බ පාපස්ස ගාථාව කියලා සතුටින් නිදාගන්න අක්කේ...❜❜
නංගී බොහෝ වේලාවක් යනතුරුම තම හිස පිරිමදිමින් සිටිනවා දැනුණි.
මේ ප්රබෝධමත් ලෙස පිපෙන ප්රියකරු උදෑසනකි. පාන්දර කණිසමේ විදුලි අකුණු කොටමින් මහා ධාරාණිපාත වැසි කඩා හැලුණි. ඒ වැස්සෙන් සියලු ගස් කොළන් සෝදා පවිත්ර කොට ඇත. හරියටම අද මගේ හදවත පැහැදිලිවම පිරිසිදු වෙලා වගේ! තුරුවැල් සියල්ලම දිගුකලකට පසු කඩා වැටුනු ප්රාර්ථනා වැස්සෙන් නව ජීවිතයක් ලබා දළු ලා ඇත. කුරුල්ලෝ අතුපතර ගැවසෙමින් අනන්ත වූ සතුටක් භුක්ති විඳියි. අපත් ඒ පුංචි කිරිල්ලියක සතු නිදහස වෙසෙසින්ම ලබාගත යුතුය. පසු වූයේ විහාර මහා දේවී උද්යානයයි. අචලාගෙන් මහත් උවමනාවෙන් අසා දැනගත් වාට්ටුවේ අංකය හොඳින් මනසට කා වැදී ඇත. බසය තවමත් එතරම් සෙනඟින් පිරී නැතත් දැන් මගේ මුලු ලෝකයම සංතෘප්ත වී ඇතැයි හැඟේ.
කොතෙක් සතුට ළඟා වී තිබුණත් ගැඹුරුම ගැඹුරු ඉසව්වක පසු තැවීම් බොහෝ නැත්තේ නොවේ. කාලතරණය පිළිබඳ විවිධාකාර වූ මතවාද නානා විධ සංකල්ප කොතෙකුත් බිහිවෙමින් ඇත. එහෙත් තවමත් කිසිවෙකුටවත් කාලතරණය පිණිස සමත් යන්ත්රයක් නිමවීමට නොහැකි වී ඇත. මගේම අවාසනාවක්!. කාල වළල්ලක නැඟී කාලත්රය තරණය කරමින් අවකාශය තුලින් මටත් අතීතයට යාමේ හිතවත් සඵලතාවය තිබුණා නම්! ඔබට සිදු වූ වරද අකාමකා කලු පැල්ලම් පිරුණු මේ ආදර කතාවේ ප්රස්ථාවනාව සොඳුරුතම මාධුර්යයන් පිරුණු මල් මල් ලොවක් කරන්නට තිබුණා. කමක් නැහැ. පසු වු යළි කවදාවත් නිවැරදි කල නොහැකි දේ පිළිබඳව පුන පුනා තැවීම යුතු නැහැ. මේ කණගාටුව කම්පාව සාධාරණ වුවත් දැන් සිහින මැවිය යුත්තේ සම්පූර්ණයෙන්ම අදින් ඇරඹෙන හෙට ගැනය. ඇත්තමයි අදින් පසු මා ජීවත්ව සිටිනතාක්කල් මගේ ජීවිතයත් අරමුණත් ඔබ පිණිසම පවතීවී!.
ජීවත් වූ කෙටි අවුරුදු දහනවය පුරාවටම මට තරුගනින සිතක මිහිර කියා දිය හැකි වූ එකම අසෙනිය තැනැත්තා ඔබය. මා ඔබෙන් උගෙනගත් ඒ රසාඥ පාඩමට තුති පඬුරු වශයෙන් දිවිපිදුවද කම් නැත.
යෞවනත්වයේ මල්බර වසන්තය වැසී තිබූ අමිහිරි කඩතුරාව කීතු කීතු කොට හදේ තිමිර මකා දැමුයේ ඔබය. උපතත් මරණයත් අතර ගෙවෙන ජීවිතය අරුත්බර කලේ ඔබය. ඔබ අත ළඟ සිටී නම් ලෝකාන්තයකට යන්නට වුවත් දැන් මා නොපැකිලවම සූදානම්ය. චුට්ටක්වත් බිය නැත.
මෙරු වෙන්නෙත් වේයාමයි. ඒත් බලන්න, මුලින් ඔවුන් අතර කොතරම් විපරීත බවක් තියෙනවාද...? වේයාට තටු නැහැ. ඒත් මෙරු වෙනකොට ක්රමයෙන් තටු ලැබෙන සැටි!. ආදරය අභිමුව ඔබෙන් තටු ලද මා නොසැලෙන ආත්ම විශ්වාසයකින් ඔබ වෙතම පියඹා එනවා හැර දැන් වෙන කුමක් කරන්නද...? මෙරුවියකට අර අඳුරු තුඹසේම තවත් සුන්දරව විසිය හැකිද...?
❛❛ආදරය❜❜යන වචනය ආදරය නොවනු ඇත. සැබවින් තේරුම් ගත්තාට පසු ඔබේ පැහැදිලි දර්ශන මාත්රයකින් මගේ මුලු ලෝකයම වෙනස් කල අපූර්වතම කතන්දරය ඔබට මා කෙසේ කියම්ද...? අද දැන් එය නියතවම පැවසිය යුතුව ඇත.
කුමුදුනී නවලෝක රෝහල තුල අදාල වාට්ටුව සොයා ගියාය. මෙවන් ගමනක් හෝ මෙවන් තැනකට මින්පෙර තනිවම මෙවන් හැඟීමක් දෝත දරාගෙන මේ ආත්මය තුල පැමිණ නැත. කාමර අංක 101, 103, 105. ඊළඟ කාමරය තුල ඔහුගේ රුව රැඳෙනු ඇත!. ඇගේ දෙකකුල් සීතලින් හිරි වැටී වෙව්ලන්නට විය. මෙතුවක් කල්මත් එදා රැයෙහිත් තමා කල නොකට යුතුකම් වලට ඔහුගේ ප්රතිචාරය කුමක් වේවිද...?
දෙවියනේ සිහිනෙන් දුටු දේ සැබහින් දකින්නට තරම් අවාසනාවක් මට නොලැබේවා!... හදවත සීඝ්රගාමී දුම්රියක රෝද මෙන් බොහෝ වේගයෙන් සැලෙයි. සිත චකිතයෙන් පිරී ඇත. වරුවක් තිස්සේ අචලා පිළිණ දුන් ශක්තිය සියල්ලමද උකහා ගෙන කුමුදුනී සෙමින් සෙමින් පවින්ත අභියසට ගමන් කරන්නට විය. ඔබට දහසක් දේ කිවයුතුව තිබෙනවා!.
ඒත්, දැන්මම මගේ උගුර වියලිලා. වචන හිරවෙලා.
අරමුණු අප අත් නොහරින්නේ එකම එක බලාපොරොත්තුවක් හෝ හදවතේ දිවිගෙවනතුරු පමණි. සියලුම පැතුම් මළවුන් අතරට වැදී ගැඹුරු නින්ද වැළඳ ගත් කල ජීවමානව සිටිය හැකි කිසිවෙකුත් පෘථග්ජනයන් අතර නැති බව පවින්ත දනී. ටිකට් කපා ඇත. අද හවස අකමැත්තෙන් වුවත් ගෙදර යායුතුමය. මේ දැන්ද තවත් මේ කන්දොස්කිරියාව තුල ආශාවෙන් රැඳී සිටින්නේ එකම එක පුංචි බලාපොරොත්තුවක් වෙනුවෙන්ය. ඒ සාතිශය අවශ්යතාවය කුමක් දැයි පවින්තගේ අභ්යන්තරය හොඳින්ම දනී. අවසන් තත්පරයේදී හෝ ඔබ මාව බලන්නට පැමිණෙතැයි තිර විශ්වාසයක් ඇත. ඒත් මෙතෙක් දවසක් නාපු එන්න තරම් නිරහංකාර නොවූ හදවතක් හෙට අනිද්දාටවත් මෘදු මොලොක් වෙයි කියා කියන්නේ කොහොමද...? සිතන්නේ කෙලෙසකද...?
❛❛මොකෝ...? ගෙදර යන්න කල්පනාවක් නැත්ද? හොස්පිට්ල් එක දාලා යන්න බෑ වගේද?❜❜
සංලග්නතා හැඟීමෙන් යුතුව තමාට බොහෝ උවටැන් කල හෙදි තරුණිය ප්රභාණි ඇඳ අසලටම පැමිණ ඇසුවාය. මුහුණේ පිරුණු සිනහවක් රැඳී ඇත.
❛❛නෑ මිස් හවසට යනවා.❜❜
❛❛අනේ මන්දා. මම දැන් කීපාරක් කියලා තියෙනවද පවින්තට මගේ නම කියලා කතා කරන්න කියලා.❜❜
(මවාගත් අමනාපයෙන් ඉවත බලාගෙන.)
❛❛හොඳයි මිස්...❜❜
(සිනාසෙමින්)
ඇය හැඟුම්බර නිහඬතාවයකින් පවින්ත දෙස බලා සිටියාය. ඒ ආකර්ශණීය බැල්මට එක එල්ලේ මුහුණ දිය නොහැකිව බිම බලාගති.
❛❛පවින්ත!❜❜
(ලොවම නිසලයි. නිහඬයි.)
❛❛මම අහපු දේට ඔයා තවම නිශ්චිත පිළිතුරක් දුන්නේ නැහැනේ...❜❜
❛❛මට ෂුවර් එක්කෙනෙක් ඉන්න බව. මේ බලන් ඉන්නේත් එයා එනකම් නේද...?❜❜
තම නිහඬ ගොළු බව හමුවේ ඇය සමුගත්තේ කැමැත්තකින් නොවන බව දනී.
ප්රභාණි තමාට පෙම්වතියක් සිටීදැයි අසමින් කීප දිනක්ම කීප වතාවක්ම මහත් උවමනාවෙන් සංවේදී වදයක් දුන් සැටි අමතක වන්නේ නැත. එක් පැත්තකින් තුෂාරි! තවත් පැත්තකින් ප්රභාණි! සියුම් මාධුර්යයක් වෙනුවෙන් හදවත සුසුම් හෙලයි.
කොතෙක් දුර ගමන් කලත් විසිරී යන සිත කවුරුන් ගැන සිතුවත් ක්ෂණයකින් ආත්මය යළිත් ඔබවම වැළඳ ගනී. ඔබට එදිරිව යා නොහී ඔබටම අවනත වේ. කවුරු හරි මා මහා පිස්සෙක් මෝඩයෙක් කියලා හාස්යයෙන් චෝදනා කරාවි!.
ඒත් මම ඔවුන්ට චුට්ටක්වත්ම බණින්නේ නැහැ. මේ සංවේදිත්වයේ නෑඹුල් අත්දැකීමක් ප්රකෘතියෙන් කවදාවත්ම නොවිඳි නොදැනුවත් කමට කරන ඒ අපහාසයට මා අනුකම්පා කරනවා. මේ අරුමයෙහි රහස මට දැනගන්නට පුලුවන් උනානම් පෙලන දුකටත් හෙලන කඳුලකටත් විසඳුමක් සොයා ගන්නට හැකියාව තිබුණි.
අඛිල විශ්වයම තමන්ගේම සන්තකයට සතුවුවත් තමන්ගේම නමට ලියා දුන්නත් ආදරයෙන් පතන එකම එක පුංචි සුන්දරත්වය අහිමි නම් ඉන් ඵලක් නැත. ඇත්තෙන්ම අප ජීවිතය නිවැරදිව දකින කල සැබවින්ම ජීවිතය අපෙන් සමුගැනීමේ කණිසම එළඹ ළඟා වී තිබෙනු ඇත.
ඒ හැසිරීම් එකකින් එකකට පරස්පරය. මොහොතින් මොහොතකට වෙනස් වන සුලුය. චංචල විපර්යාසය අදහා ගැනීම මහත් අපහසුය. කුඩේ යටට කතා කලේ මොනතරම් ආදරයක් ඇතුවද...? ඇය කුඩය අකුලා තමාත් සමඟ වැස්සේ තෙමෙන්නට හවුල් වන්නට සැදූ සොඳුරු අපුරුව!. එහෙත් ගේට්ටුවෙන් ඇතුලටවත් නොගෙන ලේ පෙරාගෙන මහත් අපහසුවෙන් තමා සිටින තත්වය ගැන හෝ චුට්ටක්වත් නොසලකා විසකුරු ලෙස පන්නා ගත්තේ මොනතරම් පුදුමාකාර ලෙසද...? ඒ තත්පරයකින් විසදෘශ වීමට තිබූ හේතුව අහංකාර කමද...? නැත්නම් හදවතක් එතරම් දරුණු කරගන්න විධායක බලතල ලැබුනේ කොහොමද...?
ඇය තමාව ඝාතනය කලේ එක වරක් විතරක්ම නොවේ. ඒ අතීතය පුරාවටම සිතුවම්ව ඇත්තේ අසුන්දරද අතෘප්තකරද කලු පැල්ලම්ය. ඇගේ යහපතට පෙරදැරිව ආත්මයක කැළලක් වසනු වස් මල්ලීගේ බෑන්ඩ් කණ්ඩායමට නොයන ලෙස ඉතා කාරුණිකව අයද සිටි මොහොතේ අදූර දර්ශි ලෙස බැණ වැඳුනු සැටි ජීවිතයේ හුස්ම රැඳෙන තුරු මියන්නේ නැත. එවන් ශෝකාන්තයන් තව කොතෙකුත් සිහිපත් කල හැකිය.
❛❛දෙවියනේ...?❜❜
එක පැහැර නෙතු තිළිණ කල ආශ්චර්යක් පිළිගත නොහැකිව මුලු සිතම මොහොතකට සියලු සංවේදනයන් නතරව විස්මෘතියේ නිමග්නව වුණි. කුමුදුනී මේ ඔබ සැබවින්මද...?
❛❛පවින්ත!❜❜
කුමුදුනී බොහෝ අපහසුවෙන් උකහාගත් ශක්තියෙන් ලිහිල් ස්වරයෙන් සෙනෙහසින් නිමන්ත්රණය කලාය. ඉවත බලා සිටින ඔහු නිහඬය.
❛❛පවින්ත මම ආවේ ඔයාව බලන්නයි.❜❜
අනේ ඇයි ඔබ මා දෙසවත් නොබලා ගොළු මුව නොඅරින්නේ...?
සතියකට විරාමයක්....
Life is Life Page එක follow කරලා ඔබත් ඒ අහිංසක, සංවේදී, සුන්දර ආදර කතාවේ කොටස්කරුවෙක් වෙන්න.
#life #quotes #ideas #love #happy #sad #motivation #enjoy #CalmVibes #success #quoteoftheday #motivationspeaker #AseniyaMal #NewNovel #HeartfeltStory #SriLankanNovel #SinhalaNovels #LoveAndLife #Shortstory #Novels
3 weeks ago | [YT] | 1
View 0 replies
Life Is Life - ජීවිතයට ජීවිතයෙන්
🌸 අසෙනිය මල්🌸
35 කොටස (අවසානයට පෙර කොටස)
සතුටට කරුණු පැමිණි කල උද්දාමයට පත් වන අප දුකට කරුණු පැමිණි කල හැඬීමට පැකිලෙනු කිම...? මේ ගෙවී යමින් ඇත්තේ අහිතවත් අඳුරු යුගයක අවසාන කාල පරිච්ජේදයේ අන්තිම රාත්රිය බව කුමුදුනී දනී. හෙට උදාවිය යුතුව ඇත්තේ නැවුම් බව පිරුණු ලස්සනම ලස්සන සොඳුරු ජීවිතයක පූර්වාරම්භයයි. ඒත් ඒ අචින්ත්ය සිදුවීම් පෙලගැස්මට හිතාදර කතාවක ලෙසින් සොම්නස දනවන ප්රස්ථාවනක් ලිවිය නොහැකිය. කුළුදුල් ආදරයේ පෙරවදන ශෝකාන්තයක් උනේ තමාගේම නපුරුවීමේ අහිතවත් කමට විශ්ව දඬුවමේ ප්රතිඵලයක් ලෙසිනි.
❛❛මම❜❜ඔබට නිරපරාදේ බොහෝම කුරිරු ලෙස සැර උනා. නිකරුනේ අමානුෂික ලෙස දරුණු උනා. ඇත්තටම මා අද ගෙවන මේ ජීවිතයේ අයිතිය මට සතු නැත. ගන්නා සෑම හුස්මක් පාසාම මේ ආත්මය ඔබට ණයගැතිය. ඉතිං එසේ නම් නිබඳවම ඒ කැමැත්තට ඉඩදී ආත්මය ඔබට භාරකල යුතුයි නේද? ඔහුගේ අසමාන කැපකිරීමද සැලකිල්ලද නොවන්නට අද මේ ජීවිතයට අර්ථවත් අරමුණක් තවත් ඉතිරි නොවනු ඇත.
ලෝකයම ගිලගත් අඳුරට රාත්රියද බිලි වී ඇත. අදින් පසුව එළඹෙන සෑම දිනයකම ගෙවෙන සෑම රාත්රියක්ම පවා ප්රමුදිත ආලෝකයෙන් දිදුලන බව දනී. කුමුදුනී නිදන ඇඳුමින් සැරසී සයනයේ සැහැල්ලුවට දිගෑදුනාය. කෑම පිළිබඳ කොහෙත්ම අවශ්යතාවයක් නැතිවීම පුදුමයකි. සිතන්නට කොතෙකුත් දේ ඕනාවටත් වඩා ඇත. ඊයේ පෙරේදා මේ හදවතට තිබුණු නිදහස අද කොයින්ද? සිතේ පරවශතා අයිතියත් අන්සතු වෙලා. මේ ජීවිතය අවකලනය කල හැකි නොවේ. ඉදිරියට සිදුවන සිදුවීම් මේ මේ යැයි කුලක ගත කලද සම්භාවනාව නිසා මිස සූත්රයකට අනුව ඔප්පු කල හැකි කිසිවක්ම සැබෑ ජීවිතයේදී ප්රයෝගිකව අත්දකින්නට නැත. කොතරම් වැට කඩුලු බැන්දත් සියලුම පවුරු පදනම් බිඳගෙන කොහොම හරි ඔබට මගේ කැමැත්ත හොරකම් කරන්න පුලුවන් උනා.!
දවසේ සිදුවීම් පෙලින් පෙලට එකින් එකට මතකයට ගලා එයි. සිත සනසාගන්නට දයාබර මිතුරිය අචලාගෙන් ලැබුණු නොමඳ සහාය අගය කල යුතුමය. මිතුරා කෙරෙහි දයාබරත්වයෙන් තමාට නොසෑහෙන්නට බැණ වැඳුනු කසුන් කෙරෙහි ඇල්පෙනෙති තුඩක තරමවත් සිතේ අහිතක් නැත. ඒ කෝප වීම සාධාරණය. මා කලේ කිසිදා සමාව ලැබිය හැකි වරදක් නොවේ. අචලා අනතුරු ඇඟවූ පරිදි ඔහුගේ මානසිකත්වය විකෘති වුවහොත්...? අනේ දෙවියනේ! මම සියලුම දෙවියන්ගෙනුත් ගෞතම බුදුන්ගෙනුත් දැඩි විශ්වාසයෙන් යුතුව අයද සිටිමි!. මට කරුණාවෙන් ඔහුට එබන්දක් සිදු නොවනු මැනවි!. පුද්ගලයෙකු සුමඟට ගැනීම කොතරම් දුෂ්කරමුත් එකම එක තත්පරයකදී ජීවිතයත් නොමඟ යාහැකිය. තමාගේ ග්රහණයෙන් මිදුනු පළමු ඇසිල්ලේම සිත අයාලේ යාහැකිය. ජීවිතයත් විනාශ වී යාමට කාලයක් සැලසුම් කරමින් ලකලෑස්ති වී සූදානම් විය යුතු නැත. අත්වැල කඩාගත් ජීවිතය දඩාවතේ දුවයාම කිසිවෙකුටවත් ආත්ම හික්මීමෙන් නතර කල නොහැකිය. ඒ පිළබඳ ඉතිහාසයෙන් ඕනාතරම් උපහැරන ගෙන දැක්විය හැකිය. එකම එක අවිහිංසක වචනයක් නිසා අහිංසක මහා දාමරික අංගුලිමාලයකු වූ කතාවෙන් කියවෙන්නේ මහඟු පාඩමකි. ඒ අතින් සලකා සසඳා බැලුවද පවින්ත උතුම්ය. තමාගේ රළු පරළු කර්කශ රුදුරු වීම හමුවේ ඔහු දරුණු පුද්ගලයෙකු විය යුතුව තිබුනේ මීට බොහෝ කාලයකට පෙරය. කුමුදුනීගේ දෙනෙත් කඳුලින් තෙත් වුණි.
විදුලි බුබුල දල්වාගෙන තිලානි නංගී එක්වරම අනවසරයෙන්ම කාමරයට ඇතුල් වූවාය.
❛❛අක්කේ දැන් කීයද වෙලාව? දොළහාමාරත් පහුවෙලා. කන්නේ නැත්ද? කෑම පිලුනු වෙනවා.❜❜
❛❛මට කන්න බැහැ නංගී. බඩගිනි නැහැ.❜❜
❛❛කෝ අම්මා නිදිද...?❜❜
❛❛ඔව්. මතක ඇතුව අක්කව ඇහැරවලා කන්න දෙන්න කියලා නිදාගත්තා. මහන්සියට දැන් හොඳටම නින්ද ගිහින්.❜❜
❛❛අදවත් පවින්ත අයියව හම්බ උනාද අක්කේ...?❜❜
(පහත් ස්වරයෙන්)
❛❛හ්ම්... නැහැ නංගී. අචලා කිව්වා පවින්ත ඉස්පිරිතාලේ කියලා.❜❜
මේ කඳුලු නංගී දැක්කාට කම් නැත. නංගී කිසිත් නොපවසා මුනිවත රකිමින් නිහඬව ඉවත බලාසිටින්නේ තමා සමඟ තරහින්ද අමනාපයෙන්ද බව දනී.
❛❛මම හෙට යනවා නංගී. පවින්තව බලන්න.❜❜
(අදහස් විමසීය. තමාටත් වඩා සංවේදීව සිතන්නට දැන් නංගී පුරුදුව සිටී.)
❛❛අක්කා පවින්ත අයියව බලන්න යායුතුමයි.❜❜
(අවවාදාත්මක අණකිරීමක්. අනතුරු ඇඟවීමකටද සමානය.)
❛❛ඉතිං එන්න අක්කේ කන්න.❜❜
(අකුටිල ආයාචනයක්)
❛❛මට කන්න බැහැමයි නංගී. නංගී ගිහින් නිදාගන්න. හා... හා... ලයිට් එක තියලා යන්න.❜❜
හුදකලාව අවැසි පසුතැවීම සොයන හදවතට තනිවීමේ නිදහස් හිමිකම පවරා නංගී කාමරයෙන් ඉවත්ව ගියාය.
කොට්ටය යට පරිස්සමට සඟවා තැබූ ඔහු එවූ දීර්ඝ ලිපිය දෑතින් ගෙන කුමුදුනී එය දැඩි සෙනෙහසකින් සිපගත්තාය. ඔහුගේ පියෙවි සුවඳ එහි රැඳී ඇත. අචලා දුන් පවින්තගේ සෙලියුලර් දුරකථන අංකයට ඇමතුමක් ලබාගත්තේ දුරින් හෝ ඔහු සමඟ සම්බන්ධ වී කතාබහ කිරීමේ දැඩි බලාපොරොත්තුවක්ද ආශාවක්ද ඇතුවය. ඒත් ඉන් ඵලක් වූයේ නැත. සමහර විට අචලා කියූ අංකය තමා ලියාගත්තා වැරදි වන්නට පුලුවන. ඒ අහිතවත් තරුණිය කවුදැයි තමාට දැනගැනීමට අවශ්යය නැත. හැඟෙන එකම දෙය නම් කල පවට තවත් බොහෝ වන්දි ගෙවිය යුතු බවය. හදවත කොතරම් පලා දමන්නට උත්සාහ කරන තරම් වේදනාවක් තිළිණ කරත් නැවතත් පෙම් හසුන කියවීමේ අතිශය උවමනාවක් ඇත්තේ එබැවිනි. ඔහුට දුන් දුකට ලන්සු තැබිය හැක්කේ මගේ කඳුලු වලින්ම පමණි. ඒ විරහවේ ප්රතිමූර්තියේ සෑම අකුරක් අකුරක් පාසාම කඳුලු සාගරයක් දෙකම්මුල සිඹීම වැළැක්විය හැකි නොවේ.
මම ඔබෙන් දෙන්න බැරි දෙයක් ඉල්ලුවේ නැහැ. කරන්න අමාරු අපහසු වැරදි දෙයක් කරන්න කිව්වෙත් නැහැ. මා ඉල්වා සිටියේ මගේ අකුටිල ජීවිතය මට දෙන්න කියලා විතරමයි.
ඔව් පවින්ත!... ඒ බව දැන් මා හෙඳින්ම දන්නවා. ඒත් සත්යය තේරුම් ගන්නට හුගාක් ප්රමාද උනා වැඩියි. මේ කඳුලත් පසුතැවීමත් එනිසාවෙනි. මට සමාවෙන්න!. පවින්ත මම දහස් වාරයක් සමාව අයදින්නම්!.
සාජහාන් රජු ටජ්මහල හැඳුවේත් ලයිලා මප්නු දිවි පිදුවේත් ලෝක පුදුම අතරට එකතු වන්නටවත් කාගෙන්වත් ගරු බුහුමන් ලබන්නටවත් නොවේ කියලා අද මා දන්නවා. මුම්ටාස් කුමරිය කිසිම දිනක ටජ්මහල දුටුවේ නැත. ඒ හදවත් තුල තිබුණු සංකීර්ණත්වයේ ආදර අරුතේ රහස අද මා දන්නවා. ඉතිහාසගත වීමේ අදහසක් නැහැ. ඒත් මට ඔබ පිණිස ඕනම දෙයක් කරන්න පුලුවන් රත්තරං එකම එක දෙයක් හැර. ඔබ මට ඔබෙන් සමුගන්නට කිව්වොත් මම මැලිවෙන්නේ අන්න ඒ අමිහිරි සංසිද්ධියේ ස්පර්ශය ලබන්නට විතරමයි. මොකද ඔබ මගෙන් සමුගත්තත් මට ඔබෙන් දුරස් වන්නට සිදු උනත් මට අහිමි වෙන්නේ මගේම ආත්මය. මගේම ජීවිතය. ඉතිං කියන්න...? මට මගේම ජීවිතාත්මයට පිටුපාන්න පුලුවන්ද කියලා.
වරදක් කරලා දඬුවම් ලැබීම දරාගන්න පුලුවන්. ඒත් හේතු විරහිතව නොකල වරදකට අකාරුණිකව එරෙහිවීම හදවතක් තියෙන මා ඉවසා සිටින්නේ කොහොමද...? එක පිරිමියෙකු කරපු වරදකට ඇයි මාව මේ විදිහට රිඳවන්නේ...? හඬවන්නේ...? මා මගේ ජීවිතයේදී මෙතෙක් ඔයා පිණිස බොරු කරලා නැහැ. කරපු හැම කැපකිරීමක්ම කලේ හදවතට අවංකව සිතට එකඟව පිරිසිදු චේතනාවෙන් මිසක් කිසිම වෙලාවක පටු ආකල්පයක්වත් අමන ආශාවක්වත් මුදුන් පමුණුවා ගැනීමේ කූඨ අරමුණකින් නොවේ. ඒත් ඔයාගේ දරුණු සම්මතය වැරදි වැටහීම අවංකත්වයේ නාමයෙන්වත් මා කොහොම දරාගන්නද? මෙතරම්ම අභූත චෝදනා වලට ගැති වන්නට අප තවත් මෙලොවට බරක්ව රැඳී සිටින්නේ මන්ද?
කොට්ටය කඳුලින් සංතෘප්ත වී ඇත. මේ ලිපිය සාහිත්යමය වශයෙන් ආගනිත කලද වටිනාකම තක්සේරු කල නොහැකි තරම්ය. මොහොතකට නතරව කුමුදුනී සුසුම් හෙලුවාය. පවින්ත මට සමාවෙන්න!. මට සමාවෙන්න දෙවියනේ!.
මට හැම මොහොතක් පාසාම සිතෙන්නේ මාව මෙතරම්ම මට අහිමි කරලා තවත් ඔබෙන් තොර සුන්දර කිසිවක්ම නොමැති තරමට මගේ ජීවිතය කාලකණ්ණි කරලා චමත්කාරය විරාජමාන කල තත්පරයේදීම විප්රයෝගය ආත්මයට බද්ධ කරලා මාව අවිහිංසක ලෙස සතුටේ ප්රතිසන්ධියක් ලැබිය නොහැකි ගන්ධබ්බයෙකු ලෙස හුදකලා අවකාශයක තනි කෙරුවේ ඇයි කියලා...?
මට ඔබෙන් තොර සතුට පිරුණු තවත් ලෝකයක පැවැත්මක් කොහේ හරි තිබුණා නම් මෙතරම් ඔබ ඉදිරියේ බැගෑපත් වෙමින් ඔබට කොහෙත්ම මේ විදිහට කරදර කරන්නේ නැහැ රත්තරං.
මගේ දයාබර කුමුදුනියනි, කියන්න...? ඔයාට ඕනවෙලා තියෙන්නේ මගේ සොඳුරු ආත්මය ජීවිතයෙන් උඳුරගෙන මාව මරලා දාන්නද...? ඒත් කමක් නැහැ. ඒක ඔයාගේ සතුටට සැනසීමට හේතුවන පැතුමක් නම් මම හුඟාක්ම ආශාවෙන් ඒ සිහිනය සැබෑ කරන්නම්!. බලාපොරොත්තුව ඉෂ්ඨ කරන්නම්!.
අනේ දෙවියනේ!... ඔහු මෙතරම්ම දුක හිතෙන වදන් ලියා එව්වේ ඇයි? ඒ හදවත තවමත් ජීවත් වීම පුදුම වාසනාවකි. කුමුදුනී ඇතිවනතුරු හැඬුවාය. ඔහු නොකල වරදකට තමාගේම අමනකමකට ඔබ ඔබේම ජීවිතයෙන් වන්දි ගෙවන්නට සැරසීම මා දරන්නේ කොහොමද...? මටත් උණුවන හදවතක් තියෙනවා දෙවියනේ!. මේ උණු කඳුලු නොනවත්වාම කඩා හැලෙන්නේ ඒකයි දෙවියනේ. ඒ ශෝකයේ උණු ජලයෙන් දෙකම්මුල් පමණක් නොව මුලු ඇඳමත තෙත් වී ඇත.
තමා මෙතෙක් කල් ගමන් කල මඟ කිසිසේත්ම කිසිවෙකුටවත් අනුමත කල නොහැකි දුෂ්ඨාන්තයක් බව කුමුදුනී හොඳින්ම පසක් කර ගත්තාය. දෙවියනේ මා පිණිස අනුකම්පා කරන්න!.
දෙවියනේ ඔහු කඳුලින් ලබන්නට ඇත්තේත් මේ ලුණු රසම නේද? ඒ වරදට මට සමාව ලැබිය හැකිනම්! වන්දි ගෙවිය හැකිනම්! කමක් නැහැ. ගිය දේ ගියා. ඔබව රිදෙව්වේ ඔබව හඳුනානොගෙන කවුදැයි නොදැන මිසක් හදවතින්ම නොවේ. ඔබ මට සමාව නොදෙන්නට තරම් දරුණු නොවන බව දන්නවා. අචලා දුන් ධෛර්යය හදවතේ රැඳී ඇත. හෙට වෙනකම් විතරක් ඉවසන්න. මගේ පවින්ත, හෙටින් පස්සේ සදාකාලයටම ඔයාගේ ජීවිතය තුරාවටම ඔයා සදාතනිකයි කියලා ඔයා ඉල්ලපු ඒ සතුට සැපත සැනසීම නොමඳවම ලබා දෙන බවට පොරොන්දු වෙනවා. හෝ!... ඔරලෝසුවේ දෙකත් වැදුනි. නින්ද ලොකු නිවාඩුවක් අරගෙන විනෝද චාරිකාවක ගොසින් මෙනි. ඇත්තෙන්ම දැන් ඒ දවස ජීවිතයට බද්ධ වන්නට හිරු වඬිනු වස් ඇත්තේ තවත් කෙටි හෝරා කීපයක් පමණි.
ඇය ශෝකාකූල පසුතැවීම් මැද්දේ බොහෝ සතුට දනවන බලාපොරොත්තූන් පිරි රැයක් නින්දේ නොනින්දේ පහන් කලාය.
❛❛අනේ පවින්ත ඇයි?❜❜
කුමුදුනී මහා හඬින් බෙරිහන් දුන්නාය.
සතියකට විරාමයක්....
Life is Life Page එක follow කරලා ඔබත් ඒ අහිංසක, සංවේදී, සුන්දර ආදර කතාවේ කොටස්කරුවෙක් වෙන්න.
#life #quotes #ideas #love #happy #sad #motivation #enjoy #CalmVibes #success #quoteoftheday #motivationspeaker #AseniyaMal #NewNovel #HeartfeltStory #SriLankanNovel #SinhalaNovels #LoveAndLife #Shortstory #Novels
1 month ago | [YT] | 2
View 0 replies
Life Is Life - ජීවිතයට ජීවිතයෙන්
නොදත් සසරේ
යළි බැඳෙන්නට
හිතේ ලෝබය
අත්හරිනු බෑ...
කැඩපතින් ඔබ දුටුව රෑපෙට
කාරි නෑ වෙනු නෝක්කාඩුව
යට ගියාවේ හදේ ඇඳිරුව
තාම තරුණයි මගේ නෙතු ඊට
දින ගෙවෙද්දී
සැකයි නුඹ මට
අහිමි වයසට
ළඟද කියලා
හිත බයයි
මග තනිව දාලා
කලින් යන්නට
වෙයිද කියලා
හදවතේ අවනඩු අහන්නට
දෙවියෝ සන්සුන් නෑ...
#life #quotes #ideas #love #happy #sad #motivation #enjoy #CalmVibes #success #quoteoftheday #motivationspeaker #life #quotes #ideas #love #happy #sad #motivation #enjoy #CalmVibes #success #quoteoftheday #motivationspeaker
1 month ago | [YT] | 2
View 0 replies
Life Is Life - ජීවිතයට ජීවිතයෙන්
🌸 අසෙනිය මල්🌸
34 කොටස (Part 02)
පවින්ත දත්මිටි කමින් කොට්ටය විකාගෙන දෑතින්ම හිස බදා ගත්තේය. ඇත්තටම ඇයි? පිස්සෙක් නොවී තවමත් ප්රකෘතියෙන් සිටින්නේ? තමන් සාතිශය ආශාවෙන් පතන සුන්දර දයාබර පූජනීය වන්දනාවන් ලබාගත නොහැකි ලොවක දුක්විඳින්නට පමණක්ම අප ඉපදුනේ මොකටද...? ඇයි මට බැරි තවත් කෙනෙකු ගැන හිතන්න. මා මහා මෝඩයෙක් කියලා මුලු ලෝකයම විහිළු කරාවි!.
ඒත් කොතරම් ඉල්වා සිටියත් මොනතරම් අවස්ථාව තිබුණත් කොතෙක් වේදනා වින්දත් ඔබ හැර තවත් තැනැත්තියකට ජීවිතය භාරදී සදාකාලික ප්රේම පොරොන්දුවක් දෙන්නට ආත්මය එකඟ වන්නේ නැත. ඇත්තටම හිතාගන්නට බැහැ. ප්රථම පෙම මෙතරම්ම පුදුමාකාර ලෙස අචින්ත්යය උනේ කොහොමද කියලා.
මා හදවත සමඟ ඇති කරගත් ඒකපාර්ශවික ගිවිසුමට අනුව ඔබ පිණිස මට නොලියුනු අයිතියක් තියෙනවා. ඒ වගකීම වෙනුවෙන් මම මගේ මුලු ආත්මයම බිංඳුවක් බිංඳුවක් පාසා කැප කරනවා. ඔබ මොනවා කලත් ඔබ පිණිස මට අයහපත් චින්තනයක් ස්ථීරව ඇති කරගන්නට බැරි සැටි!. මේ දුකත් කඳුලත් නිබඳවම හිමි එබැවිනි.
සෑම ජීවිතයක්ම උත්සාහ දරන්නේ ජීවත් වීම පිණිස කිසියම් අරමුණක් සොයා ගන්නටය. අර්ථ ශූන්ය ජීවිතයකට හිමිකම් කියන්නට කිසිවෙකුත් කැමති නැත. බැඳීම කොතරම් මිහිරි සොඳුරු වුවත් මෙතරම්ම දුක් වේදනා ප්රකෘතියෙන් ජීවත් වෙමින් දරාගන්නට බැරිය. සිත විඳින තැවෙන බොහෝ දුක්ඛ්ය චෛතිසිකයන් වචනයට පෙරලිය නොහැක. ඒ අසෙනිය හදවත වේදිකාවට ගෙන ඒමට හැකි වූ දාට කිසිඳු තරුගනින සිතක් තවත් දුක් කඳුළු සලන්නේ නැත.
සිසිල්ම යැයි හැඟිය පැවසිය නොහැකි මදනලක් පැමිණ බලෙන්ම ගත දැවටෙනු දැනේ. මේ විශ්වය මෙච්චරටම අවිහිංසක නම් යුක්තිය වෙනුවෙන් අවංක වීමේ ඇති ඵලය කුමක්ද...? ලැබිය හැක්කේ උණුසුම් කඳුලක් පමණි.
❛❛පවින්ත අයියේ... මොනවද අයියා ඔය තරම් වහල දිහා බලාගෙන කල්පනා කරන්නේ?❜❜
වාට්ටුවට ඇතුලු වූ තුෂාරිගේ උස් කතාවෙන් පවින්ත කලබලයෙන් හැරී බැලුවේය. දෙන්නට පිළිතුරක් නැතිව ආයාසයෙන් සිනාවක් මවාගති.
❛❛මම දැන් ඇවිල්ලා හුඟාක් වෙලා. දවස් ගානක ඉදන් නෝට් කරා. පවින්ත අයියා හැම වෙලාවෙම මහා කල්පනාවක ඉන්නේ.❜❜
(උනන්දුවෙන්)
මේ ජීවිතය අපට ලැබුන දෙයක්ද...? ලබාගත් දෙයක්ද...? කොයි කොහොම උනත් එය අපට කිසිවිටක අවනතවත් අයිතිවත් නොවන දෙයක් බව නම් පැහැදිලිව දනී.
❛❛මම පවින්ත අයියා වෙනුවෙන්ම අද සුප් එකක් හදාගෙන ආවා.❜❜
❛❛නංගී මා වෙනුවෙන් හුඟාක් කරදර වෙනවා.❜❜
❛❛හා හා! කෝ ඉන්න. මම පොවන්නම්. සතුටෙන් කරන දෙයක් කරදරයක් වෙන්නේ නැහැ අයියේ.❜❜
(ආත්මීය සතුටක්)
පවින්ත තනිවම සුප් වීදුරුව පානය කරන්නට සැරසෙද්දී වීදුරුව අතින් උදුරාගත් තුෂාරි ඒ රාජකාරිය ඈ වෙත පවරා ගනිමින් ඔහු වළකාලීය. පවින්ත කොට්ටය ඉහළට තබාගෙන මදක් එසවී හාන්සි වුණි.
❛❛මොනවද පවින්ත අයියේ ඔයා ඔය තරම් කල්පනා කරන්නෙ...?්❜❜
තුෂාරී හැන්දෙන් සුප් පොවමින් ඇසුවාය.
❛❛මගේ ජීවිතය ගැන හිතන්න බොහෝ දේවල් තියෙනවා නංගී.❜❜
❛❛අයියට මොනවද අයියේ ජීවිතය ගැන අමුතුවෙන් හිතන්න තියෙන්නේ? ඕනාතරම් සල්ලි තියෙන්නේ. ඉතිං කරන්න බැරි දෙයක් තියෙනවයි. සල්ලි වැඩි වෙලා මොනවද කරන්නේ කියලා හිතාගන්න බැරුවද?❜❜
තුෂාරි මහා හඬින් සිනාසුනි. ඒ සිනහව මුලු මහත් මනුෂ්යත්වයටම කරන නිග්රහයකැයි ඇය නොදන්නා සැටි!.
❛❛ඔන්න ඔතන තමයි නංගී අපි හැමෝටම වරදින වැරදුනු තැන. මේ ලෝකේ සල්ලිම වලින් මනින්ට බැරි සංවේදී දේවල් හුඟාක් තියෙනවා. නංගී සල්ලි වලින් විශ්මිත දේවල් කරන්න පුලුවන් බව ඇත්ත. ඒත් නංගී හැම දේම සල්ලි නොවේ.❜❜
❛❛හොඳයි මට කියන්න සල්ලි තියෙන පලියට හැම මිනිස්සුම ඉන්නේ හදවතේ සතුටින්ද කියලා. පොඩි උදාහරණයක් ගන්න. නංගිට පුලුවන්ද කියන්න සල්ලි වලින් හැමදේම ජීවිතේට ලබාගන්න. ආ...?❜❜
❛❛හිරවෙයි. බීලා ඉවරවෙලා කතා කරන්න.❜❜
තුෂාරි කතා කලේ අපහසුවෙන් ඉවත බලාගෙනය. ඒ පැනය පහර දුන්නේ තම සිතේ ගැඹුරුම ගැඹුරු විසංවාදී කොදෙව්වකට බව දනී. ඒ සත්යය පූර්ණව වටහා ගත්තේ බොහෝ කලකට පෙර එදා උපන්දින සාදයේදී ඔබව දුටු මොහොතේ පටන්මය.
❛❛තවත් පරම්පරාවක ප්රවර්තනය පිණිස ජීවත් වෙනවා හැරුණු කොට ඊට වඩා අයුතු දෙයක් මා මේ ජීවිතය ජීවත් කරවීම තුල බලාපොරොත්තු උනේ නැහැ. ඒත් අද වෙනකොට දැන් මට සතුටින් කල් ගෙවන්න තිබුණු අහිංසක අයිතියත් ආත්මයෙන් දෛවය කුරිරු ලෙස උදුරාගෙන ගිහින් ඉවරයි නංගී.❜❜
❛❛ඔච්චරම දුක හිතෙන කතා කියන්න එපා පවින්ත අයියේ. ඕනෙම දෙයක් ගැන ඕනාවට වඩා හිතන්න එපා.❜❜
(කරුණාවෙන්, අපරිමිත)
❛❛තමන්ගේම ජීවිතේ ගැන තමන් විසින්ම කළකිරෙන්න එපා අයියේ.❜❜
තුෂාරි හිස් බඳුන පසෙක ටීපෝව මත තබා පවින්ත අසලින්ම සයනයේ අසුන් ගත්තාය.
❛❛ක්ලීන්ක්... ක්ලීන්ක්...❜❜
ඇපල් ගෙඩිය පොතු හැර කපන්නට සූදානම්වත්ම තමා සන්තකයට පත්ව ඇති පවින්තගේ සෙලියුලර් දුරකථනය නාද දෙන්නට විය.
❛❛හෙලෝ! කවුද කතා කරන්නේ?❜❜
❛❛මම කවුරු උනාම මොකද? ඔය කවුද කතා කරන්නේ කියනවා. හෙලෝ හෙලෝ!❜❜
❛❛කෝ දෙන්න නංගී? මම බලන්න කවුද කියලා.❜❜
❛❛කවුද පිස්සු ගෑනියෙක් අයියේ. තමන් කවුද කියලා නොකියා මගෙන් අහනවා මම කවුද කතා කරන්නේ කියලා?❜❜
(තරහින්!)
❛❛නංගී කෙලින්ම මට දුන්නා නම් හරිනේ.❜❜
(පුංචි අමනාපයක්)
අතපසු වීම් මත බොහෝ බොරු දුරකථන ඇමතුම් ලැබෙන්නට පුලුවන් බව දනී. ඒත් ඒ මා ඇමතුවේ ඔබ නම්!. නැහැ. ඔබට එතරම් සානුකම්පිත හදවතක් හිමිව නැත. පවින්ත අපහසුවෙන් සිත සනසා ගති.
❛❛පවින්ත අයියේ පවින්ත අයියට පුලුවන්ද මගේ ජීවිතේට වැදගත් වන ලොකු උදව්වක් කරන්න.❜❜
තුෂාරිගේ දෙනෙත් ආශාවේ බැඳීමෙන් දිලිසෙයි.
ඇපල් කෑල්ලක් කවන අතරතුර ඇය දැඩි ආත්ම විශ්වාසයකින් මුත් සැලෙන හදින් ඇසුවාය. තොදොල් වුවද ස්වරය වෙව්ලයි.
❛❛නංගී මගේ ජීවිතය බේරා ගැනීම නිසාවෙන් මම ඇත්තටම නංගිට ණයගැතියි. කියන්න නංගී. මට කරන්න පුලුවන් ඕනම උදව්වක් බොහෝමත්ම කැමැත්තෙන් ඉටු කරනවා.❜❜
පවින්ත අවංකවම හැඟීම් බරව කීවේය. මේ හදවත හෙළිකර සිත විමසන්නට හොඳම වෙලාවයි. සියලු වපසරිය සැදී පැහැදී මඟ විවෘතව ඇත. ආත්මයේ දැඩි උවමනාව මත සම්මතයට එරෙහි වීමේ වරදක් නැත. ඔහුගේ සිතේ ඇත්තේද පැවසීමට ඇති බියේ මැලිකම වන්නට පුලුවන.
❛❛පවින්ත අයියේ අයියට පුලුවන්ද මගේ?❜❜
❛❛ආහ් තුෂාරි! ඔයාද අපේ අයියගේ තනි මකන්නේ...?❜❜
තුෂාරි පවින්තට ළංවී ඇපල් කවමින් සිටි සංලග්නතා දසුන දුටු ධනූජා මහත් විස්මෘතියට පත් වූවාය. ඇඳහිය නොහැක. කිසිදා නොවිය යුත්තකි.
❛❛ඔව් ඉතිං තමන්ගේම නංගිට අමතක වෙලා නම් අපිවත් බලන්න එපැයි.❜❜
මුහුණ සඟාගෙන දැඩි අපහසුවෙන්ද වරදක් කළ ලැජ්ජාවෙන්ද යුතුව දෙලොව රත්වී හීන් දහඩිය දමයි.
මිතුරියගේ කතාව තුල සදය උපහාසයක් ඇති බව තුෂාරිට හැඟේ. දෙවියනේ ඇය පැමිණියේ මොනතරම් කරුම වෙලාවකද? මගේ ජීවිතයට තීරණාත්මක ගිවිසුමක් සපථ කරගන්නට තිබුණ මොහොතක. ධනූජාගේ කඩා පාත් වීම ආත්මය පුරාවටම දෛවය කල ශාපයක් වේවී.!
සතියකට විරාමයක්....
Life is Life Page එක follow කරලා ඔබත් ඒ අහිංසක, සංවේදී, සුන්දර ආදර කතාවේ කොටස්කරුවෙක් වෙන්න.
#life #quotes #ideas #love #happy #sad #motivation #enjoy #CalmVibes #success #quoteoftheday #motivationspeaker #AseniyaMal #NewNovel #HeartfeltStory #SriLankanNovel #SinhalaNovels #LoveAndLife #S
1 month ago | [YT] | 1
View 0 replies
Load more