Radio Rwanda

Kuri uyu wa Gatanu, Perezida Kagame yakiriye muri Village Urugwiro Umunyamabanga Nshingwabikorwa wa Komisiyo ya Loni ishinzwe Ubukungu muri Afurika (UNECA), Ambasaderi Claver Gatete.

Ibiganiro byabo byagarutse ku iterambere ry’ubukungu bw’u Rwanda n’uburyo rihuzwa n’intego z'Igihugu z’iterambere rirambye. #RBAAmakuru

Skip the Carousel

1 2

4 hours ago | [YT] | 57

Radio Rwanda

Kuri uyu wa Gatanu, u Rwanda rwasinyanye na Leta Zunze Ubumwe za Amerika, amasezerano agenga ishyirwa mu bikorwa ry’ibyo impande zombi ziyemeje mu myaka itanu ishize, byerekeye ubutwererane mu rwego rw’ubuzima.

Aya masezerano ashimangira ubufatanye bw’u Rwanda na Amerika ndetse atanga urubuga rwo kurushaho guteza imbere imikoranire no gushyigikira ibikorwa by’ingenzi mu rwego rw’ubuzima mu Rwanda. #RBAAmakuru

Skip the Carousel

1 2 3 4

5 hours ago | [YT] | 57

Radio Rwanda

Ambasaderi Lt Gen (Rtd) Karenzi Karake Emmanuel yashyikirije Minisitiri wungirije w’Ububanyi n’Amahanga w’u Bushinwa, Hong Lei, kopi y’impapuro zimwemerera guhagararira u Rwanda muri iki gihugu. #RBAAmakuru

6 hours ago | [YT] | 29

Radio Rwanda

Kuri uyu wa Gatanu, Minisitiri w’Intebe, Dr. Nsengiyumva Justin, yakiriye Umuyobozi w'Inama y'Ubuyobozi y’Urwego rushinzwe Isoko ry’Imari n’Imigabane mu Rwanda (CMA), Marc Holtzman.

Baganiriye ku kurushaho guteza imbere isoko ry’imari n’imigabane mu Rwanda, gushyigikira ibikorwa by’abikorera no kubyaza umusaruro amahirwe y’ishoramari hagamijwe kugera ku ntego z’iterambere rirambye ry’u Rwanda. #RBAAmakuru

Skip the Carousel

1 2 3

8 hours ago | [YT] | 43

Radio Rwanda

Kuri uyu wa Gatanu, Umuyobozi w’Akarere ka Rusizi, Sindayiheba Phanuel, yakiriye indahiro y'abanyamahanga batatu bahawe ubwenegihugu bw’u Rwanda.

Barimo ukomoka muri Repubulika Iharanira Demokarasi ya Congo, uwo muri Uganda n’Umurundi, bose babuhawe nyuma yo kuzuza ibisabwa. #RBAAmakuru

Skip the Carousel

1 2 3 4

11 hours ago | [YT] | 84

Radio Rwanda

🚨AMAKURU AGEZWEHO🚨

Kuri uyu wa Gatanu, Guverinoma y’u Rwanda yashyikirijwe ku mugaragaro Ibitaro bya Masaka nyuma y’imyaka ine bivugururwa hagamijwe kubyongerera ubushobozi.

Imirimo yo kwagura Ibitaro bya Masaka bizimurirwamo ibya CHUK, yatumye bigira ubushobozi bwo kwakira abarwayi barenga 2000 ku munsi barimo n’abivuza bataha ndetse ibitanda by’abarwayi byariyongereye biva ku 127 bigera kuri 837. #RBAAmakuru

Skip the Carousel

1 2 3

12 hours ago | [YT] | 53

Radio Rwanda

Guverineri w'Intara y'Iburasirazuba, Rubingisa Pudence, yashimiye abikorera n’abafatanyabikorwa b'iyi Ntara, ku ruhare rwabo mu iterambere ry’Igihugu rishingiye ku byo bakora, anabasaba gukomeza kuzamura ubushobozi bw’amakoperative no kubungabunga ibidukikije.

Ni ubutumwa yabahaye ku gicamunsi cyo ku wa Kabiri, ubwo yatangizaga Imurikagurisha ry'Intara y'Iburasirazuba, riri kubera i Mukarange mu Karere ka Kayonza, hagati ya tariki 19 Kanama kugeza tariki 6 Nzeri 2026.

Abamurika ibikorwa byabo 232 bari mu nzego z'ubuhinzi, ubworozi, ubukorikori, ubukerarugendo, inganda zo mu Burasirazuba n'izindi. #RBAAmakuru

Skip the Carousel

1 2 3 4 5 6

2 days ago | [YT] | 158

Radio Rwanda

Bruce Melodie yashyizwe mu bahatanye mu bihembo bya The Headies Awards bizatangirwa i Toronto muri Canada, ku wa 25 Ukwakira 2026.

Uyu muhanzi uhagarariye u Rwanda muri ibi bihembo bigiye gutangwa ku nshuro ya 18, ahatanye mu cyiciro cy'umuhanzi mwiza wo muri Afurika y'Iburasirazuba n'abarimo Joshua Baraka wo muri Uganda, Bien wo muri Kenya ndetse na Abigail Chams na Harmonize bo muri Tanzania.

Muri rusange abahanzi 213 ni bo bahatanye mu byiciro bitandukanye by'ibihembo bya The Headies bifite insanganyamatsiko igira iti 'Afurika ku Isi yose'. #RBAShowbiz

Skip the Carousel

1 2 3 4 5 6

2 days ago | [YT] | 318

Radio Rwanda

Kuri uyu wa Kabiri, Minisitiri w'Ububanyi n'Amahanga n'Ubutwererane, Ambasaderi Olivier Nduhungirehe, yakiriye kopi z’impapuro zemerera Ambasaderi Tinyiko George Hlungwane guhagararira Afurika y'Epfo mu Rwanda. #RBAAmakuru

Skip the Carousel

1 2 3 4

3 days ago | [YT] | 322

Radio Rwanda

🚨MURARARITSWE🚨

Mu kanya katarambiranye, Perezida Kagame aragirana ikiganiro n’abanyamakuru.

Ni ikiganiro gitambuka mu ndimi eshatu, hakoreshejwe imiyoboro ikurikira:

Floor: 🔗 tinyurl.com/ykftksat

Icyongereza:🔗 tinyurl.com/mrxcekt2

Igifaransa:🔗 tinyurl.com/m7w6zw9h

#RBAHafiYawe

4 days ago | [YT] | 323