Sigiri TV Online
🙏 ආයුබෝවන්..! 🙏
SIGIRI TV ONLINE YouTube නාලිකාවට ඔබ සැම සාදරයෙන් පිළිගනිමු.
🎙️ "හඬක් අවදි කළ සන්නාමය" සමඟින්, ශ්‍රී ලංකාවේ දේශපාලනය, ආර්ථිකය, සමාජය සහ වත්මන් සිදුවීම් පිළිබඳ විශ්වාසනීය තොරතුරු, කරුණු සහිත විශ්ලේෂණ මෙන්ම වෙනස්ම කෝණයකින් ඉදිරිපත් කිරීමට අපි කැපවී සිටිමු.
🇱🇰 නිවැරදි තොරතුරු සමඟ දැනුවත් ශ්‍රී ලංකාවක් ගොඩනැගීමේ ගමනට ඔබත් අප සමඟ එක්වන්න.
🔔 අලුත්ම වීඩියෝ නරඹන්න, අපගේ නාලිකාව Subscribe කර, Bell 🔔 සක්‍රීය කරන්න.
💜 SIGIRI TV ONLINE සමඟ රැඳී සිටින ඔබ සැමට හෘදයාංගම ස්තුතියි!
🎙️ SIGIRI TV ONLINE – "හඬක් අවදි කළ සන්නාමය."
Sigiri TV Online
අපේ වනාන්තර අපේ අනාගතයේ හුස්මයි…
පසුගිය සැප්තැම්බර් 26 වැනිදා, නුවරඑළිය සදතැන්න වන විද්‍යායතනයේදී පරිසර අමාත්‍යවරයා ලෙස මමත්, නියෝජ්‍ය අමාත්‍ය ඇන්ටන් ජයකොඩි මහතා ඇතුළු නිලධාරීන්ගේ සහභාගීත්වයෙන්, වනාන්තර 20ක් රක්ෂිත වනාන්තර ලෙස ගැසට් කිරීමට අපි කටයුතු කළා.
හෙක්ටයාර් 9,538.68ක පමණ භූමි ප්‍රමාණයක් ආවරණය වන මෙම වැඩපිළිවෙළ හුදෙක් ගස් රැකගැනීමක් පමණක් නොවෙයි. එය අපේ ජෛව විවිධත්වය, ජල මූලාශ්‍ර, වනජීවී වාසස්ථාන සහ සංවේදී පරිසර පද්ධති අනාගත පරපුර වෙනුවෙන් නීතිමය ආරක්ෂාවට ලක් කිරීමේ වැදගත් පියවරක්.
මෙලෙස රක්ෂිත කළ සෑම වනාන්තරයකටම තමන්ටම ආවේණික වූ පාරිසරික වටිනාකමක් සහ විශේෂත්වයක් තිබෙනවා.
එම වනාන්තර 20 පිළිබඳ ඒවායේ පිහිටීම, ප්‍රමාණය, පාරිසරික වටිනාකම සහ විශේෂත්වයන් ඔබ සමඟ බෙදාගැනීමට මම බලාපොරොත්තු වෙනවා.
වනාන්තරයක් රැකගැනීම යනු ගසක් පමණක් රැකගැනීම නොවේ.
එය ජලය, ජීවය සහ අපේ අනාගතය රැකගැනීමයි. 🌿🇱🇰
5 hours ago | [YT] | 42
View 0 replies
Sigiri TV Online
දිට්වා සුළි කුණාටුවෙන් හානියට පත් වූ හලාවත දිස්ත්‍රික් මහ රෝහලේ ප්‍රතිකාර හා රෝගී සත්කාර සේවා යළි ශක්තිමත් කිරීම සඳහා ඩයලොග් ආසියාටා පීඑල්සී සමාගම වෙතින් රුපියල් මිලියන 87ක වටිනාකමකින් යුත් නවීන ශල්‍ය හා වෛද්‍ය උපකරණ ලබාදීමේ අවස්ථාවට අමාත්‍ය නලින්ද ජයතිස්ස මහතා (07) හලාවත දිස්ත්‍රික් මහ රෝහල් පරිශ්‍රයේදී සහභාගී වීමි.
මෙම පරිත්‍යාගය යටතේ ගංවතුරින් බලපෑමට ලක් වූ රෝහලේ ශල්‍යාගාර ද්විත්වය සඳහා අවශ්‍ය නවීන ශල්‍ය හා වෛද්‍ය උපකරණ, නවීන එන්ඩොස්කොපි පද්ධතියක් මෙන්ම Defibrillators, Multipara Monitors, Syringe Pumps සහ Pulse Oximeters ඇතුළු අත්‍යවශ්‍ය වෛද්‍ය උපකරණ රැසක් රෝහල වෙත භාර දෙන ලදී. රජය ක්‍රියාත්මක කරන ‘Rebuilding Sri Lanka’ ජාතික වැඩපිළිවෙළට දායක වෙමින් ඩයලොග් සමාගම ලබාදෙන රුපියල් මිලියන 420ක සමස්ත මූල්‍ය සහාය යටතේ මෙම ව්‍යාපෘතිය ක්‍රියාත්මක වේ.
මෙම අවස්ථාව සඳහා පුත්තලම දිස්ත්‍රික් පාර්ලිමේන්තු මන්ත්‍රීවරුන් වන අජිත් ගිහාන්, ගයාන් ජානක, හිරුණි විජේසිංහ, හලාවත නගරාධිපති නීතිඥ සුමේධ පෙරේරා, ශ්‍රී ලංකා විදුලි සංදේශ නියාමන කොමිෂන් සභාවේ අධ්‍යක්ෂ ජනරාල් එයාර් වයිස් මාර්ෂල් (විශ්‍රාමික) බන්දුල හේරත්, හලාවත ප්‍රාදේශීය සෞඛ්‍ය සේවා අධ්‍යක්ෂ වෛද්‍ය පී.ඒ.ඩී.ඩී.එස්. පොන්වීර, හලාවත දිස්ත්‍රික් මහ රෝහලේ අධ්‍යක්ෂ වෛද්‍ය සුමිත් අත්තනායක, නියෝජ්‍ය අධ්‍යක්ෂ විශේෂඥ වෛද්‍ය දිනේෂ් කොග්ගලගේ, ඩයලොග් ආසියාටා පීඑල්සී සභාපති ඩේවිඩ් ලෝ, අධ්‍යක්ෂ හා සමූහ ප්‍රධාන විධායක නිලධාරී සුපුන් වීරසිංහ, සමූහ ප්‍රධාන ආයතනික නිලධාරී අසංග ප්‍රියදර්ශන යන මහත්ම මහත්මීන් ඇතුළු වෛද්‍යවරුන්, සෞඛ්‍ය වෘත්තිකයන් සහ රාජ්‍ය නිලධාරීන් එක්ව සිටියහ.
5 hours ago | [YT] | 47
View 0 replies
Sigiri TV Online
2026.01.01 සිට 2026.10.05
විෂ මත්ද්‍රව්‍ය ගෙන රිය පැදවූ 19764ක් අත්අඩංගුවට
5 hours ago | [YT] | 21
View 0 replies
Sigiri TV Online
අයිස් මත්ද්‍රව්‍ය කිලෝග්‍රෑම් 4 කට අදික ප්‍රමාණයක් සමග සැකකරුවකු ජා-ඇලදි අත්අඩංගුවට....
5 hours ago | [YT] | 17
View 0 replies
Sigiri TV Online
ශ්‍රී ලංකාවේ කෘෂිකර්මාන්තය නගා සිටුවීමේලා දිවා රෑ වෙහෙසෙන ගොවි මහත්ම මහත්මීන්ගේ සමාජ ආරක්ෂණය තහවුරු කරන ප්‍රධානතම වැඩසටහනක් ලෙස ගොවි විශ්‍රාම වැටුප් යෝජනා ක්‍රමය හැඳින්විය හැක.
මේ වන විට මෙම විශ්‍රාම වැටුප් යෝජනා ක්‍රමය යටතේ දායකත්වය ලබා වයස අවුරුදු 60 සම්පූර්ණ කරන ලද ගොවීන් 170,950 කට පමණ සිය විශ්‍රාම වැටුප් හිමිකම ලැබෙමින් පවතී. ඒ අනුව, දිවයින පුරා පිහිටි තැපැල් කාර්යාල 3975 ක් හරහා රුපියල් මිලියන 415 කට වැඩි මුදලක් මාසිකව විශ්‍රාම වැටුප් ලෙස ඔවුන් වෙත ගෙවනු ලබයි.
කෙසේ වෙතත්, මෙම යෝජනා ක්‍රමය යටතේ දායක වී 2014 ජනවාරි 01 දින සිට වයස අවුරුදු 60 සම්පූර්ණ වී ගොවි විශ්‍රාම වැටුප් ලබා ගැනීමට සුදුසුකම් ලබා සිටි ගොවීන් විශාල පිරිසකට සිය හිඟ විශ්‍රාම වැටුප් ලබා ගැනීමේදී ගැටලුවකට මුහුණ දීමට සිදු විය. ඒ, ඔවුන්ගේ හිඟ විශ්‍රාම වැටුප් ගෙවීම් කටයුතු යම් කාලසීමාවකට තාවකාලිකව අත්හිටුවා තිබීම හේතුවෙනි.
මෙම ගැටලුව සම්බන්ධයෙන් ගොවි ජනතාව විසින් පසුගිය කාලය පුරාවටම පැවති ආණ්ඩු වෙත විවිධ ඉල්ලීම් සහ දුක්ගැනවිලි ඉදිරිපත් කළද, ඒ සඳහා නිසි පියවරක් ගෙන නොතිබුණි. එහෙත්, වර්තමාන ආණ්ඩුව ගොවි ජනතාවගේ මෙම දුක්ගැනවිලි කෙරෙහි විශේෂ අවධානයක් යොමු කරමින් එම වගකීම භාරගැනීමට කටයුතු කර ඇත. එහි ප්‍රතිඵලයක් ලෙස, අත්හිටුවා තිබූ හිඟ විශ්‍රාම වැටුප් ගෙවීමේ ක්‍රියාවලිය මේ වන විට නැවතත් ආරම්භ කර තිබේ.
ඒ අනුව, මහා භාණ්ඩාගාරයෙන් මුදාහැරෙන ප්‍රතිපාදන මත පදනම්ව, 2025 වසරේ ජූනි, ජූලි, අගෝස්තු සහ සැප්තැම්බර් යන මාසවලට මෙන්ම 2026 වසරේ අප්‍රේල් සහ මැයි මාසවලට අදාළ හිඟ විශ්‍රාම වැටුප් ගෙවීම් කටයුතු 2026 අගෝස්තු මාසයේ සිට ආරම්භ කර ඇත. මේ වන විටත් ඒ යටතේ රුපියල් මිලියන 38 කට ආසන්න මුදලක් ගොවීන් වෙත ගෙවා අවසන් කර ඇති අතර, මෙම ක්‍රියාවලිය ඉදිරියටත් අඛණ්ඩව ක්‍රියාත්මක කිරීමට ආණ්ඩුව පියවර ගෙන තිබේ.
පැවති ආණ්ඩු තුලින් කිසිදු සාධනීය පියවරක් නොගැනුණු පසුබිමක, ගොවි දුක්ගැනවිලි හඳුනාගනිමින් කෘෂිකර්ම පශුසම්පත් ඉඩම් හා වාරිමාර්ග අමාත්‍යාංශ්‍ය යටතේ ඇති කෘෂිකාර්මික හා ගොවිජන රක්ෂණ මණ්ඩලය විසින් සිදු කරන ලද මෙම සෘජු මැදිහත්වීම සහ කඩිනම් විසඳුම් ලබාදීම, මෙරට ගොවි ජනතාව ලැබූ සුවිශේෂී ජයග්‍රහණයක් ලෙස පෙන්වා දිය හැක
5 hours ago | [YT] | 4
View 0 replies
Sigiri TV Online
චීන ආධාර යටතේ දිට්වා ව්‍යසනයෙන් හානි වූ පාලම් 14 ක් නැවත ඉදිකිරීම වෙනුවෙන් පසුගිය 29 වන දින ගිවිසුම් අත්සන් කෙරුණා ...!
5 hours ago | [YT] | 23
View 0 replies
Sigiri TV Online
ජනපති සහ මහා සංඝරත්නය අතර විශේෂ සාකච්ඡාවක්
භික්ෂුන්වහන්සේලා බන්ධනාගාර තුළ රැඳී සිටින ආකාරය සහ බන්ධනාගාරයෙන් බැහැරට ගෙන යන ආකාරය පිළිබඳ පවතින නීති සංශෝධනය කරමින් නව නිත්‍ය නියෝග සහ රෙගුලාසි ඉදිරිපත් කිරීමට කමිටුවක් පත් කරන බව ජනාධිපති අනුර කුමාර දිසානායක මහතා පැවසීය.
නීතිපති, අධිකරණ අමාත්‍යාංශය, රාජ්‍ය පරිපාලන අමාත්‍යාංශය, බෞද්ධ කටයුතු අමාත්‍යාංශය, බන්ධනාගාර නිලධාරීන් සහ බන්ධනාගාර කොමසාරිස්වරයා ඇතුළත් වන අන්දමින් එම කමිටුව පත් කරන බවත්, සති දෙකක් ඇතුළත මේ පිළිබඳ අධ්‍යයනය කර සංශෝධන ඉදිරිපත් කිරීමට එම කමිටුවට පවරන බවත්, එහි භික්ෂූන් වහන්සේලාට බලපාන කොටස් මහා සංඝරත්නය සමග සාකච්ඡා කර අනුරූප ලෙස වෙනස් කිරීමට කටයුතු කරන බවත් ජනාධිපතිවරයා පැවසීය.
එසේ නොමැතිව නීති තිබියදී, තනි තනි පුද්ගලයන් වෙනුවෙන් නියෝග ලබා දීමට තමන් සූදානම් නොමැති බවත්, නීතිය වර්තමානයට උචිත නොවේනම් කළ යුත්තේ නිසි පරිදි නීතිය සම්පාදනය කරගැනීම බවත් ජනාධිපතිවරයා පෙන්වා දුන්නේය.
ජනාධිපති අනුර කුමාර දිසානායක මහතා මේ බව සඳහා කළේ අද (08) දහවල් ජනාධිපති කාර්යාලයේදී මහා සංඝරත්නය සමග විශේෂ සාකච්ඡාවකට එක් වෙමිනි.
පූජ්‍ය ගලගොඩඅත්තේ ඤානසාර හිමියන්ගේ චීවරය ඉවත් කර ගිහි වස්ත්‍ර සහිතව අධිකරණයට ඉදිරිපත් කිරීමට බන්ධනාගාර දෙපාර්තමේන්තුව කටයුතු කිරීම සම්බන්ධයෙන් මහානායක හිමිවරු බන්ධනාගාර කොමසාරිස්වරයා වෙත යොමු කර ඇති ලිපිය සහ මෙම සිදුවීම පාදක කරගනිමින් සමාජයේ ඇතිවී තිබෙන තත්ත්වයත්, මෙවැනි තත්ත්වයන් වළක්වා ගැනීම සඳහා ඉදිරියේදී ගතයුතු ක්‍රියාමාර්ග පිළිබඳව සාකච්ඡා කිරීමේ අරමුණින් මෙම සාකච්ඡාව පැවැත්විණි.
සිය ආරාධනය අනුව මෙම සාකච්ඡාවට එක්වීම පිළිබඳ ජනාධිපතිවරයා මෙහිදී මහා සංඝරත්නය වෙත සිය ගෞරවය පුද කළේය.
5 hours ago | [YT] | 21
View 1 reply
Sigiri TV Online
ගුරුගෙදරින් දිට්වා සහන අරමුදලට රු. මිලියනයක්
"දිට්වා" සුළි කුණාටු හදිසි ආපදා තත්ත්වය හේතුවෙන් විනාශයට පත් වූ ජන ජීවිත හා දේපොළ නැවත නගා සිටුවීමේ ජාතික මෙහෙවර සඳහා එක් වෙමින් සී/ස අධ්‍යාපන සේවා නියුක්තිකයින්ගේ සමුපකාර සකසුරුවම්කම හා ණය දෙන සමිතියේ (EDCS) සේවක මණ්ඩලය විසින් සිය එක් දින වැටුප පරිත්‍යාග කරමින් එකතු කරන ලද රුපියල් මිලියනයක ( රු.1,009,583.29 ක) මුදලට අදාළ චෙක්පත ජනාධිපති ලේකම් ආචාර්ය නන්දික සනත් කුමානායක මහතා වෙත නිල වශයෙන් භාරදීම ඊයේ ( 08) ජනාධිපති ලේකම් කාර්යාලයේදී සිදු කරන ලදී.
මෙම අවස්ථාවට අධ්‍යාපන සමුපකාර සමිතියේ සභාපති එම්.ජී.පී.එල්. ලාල් කුමාර, ලේකම් ක්‍රිශාන්ත කවිකාර, උප ලේකම් සංගීත් ගයාන් එදිරිසිංහ, ප්‍රධාන විධායක නිලධාරී චන්දන ගුණසේන, නියෝජ්‍ය සාමාන්‍යාධිකාරී (සැපයුම්) එම්.ඩී.එස්. ගුණවර්ධන, නියෝජ්‍ය සාමාන්‍යාධිකාරී (මානව සම්පත් හා නීති විමර්ශන) ටී.එච්. නන්දන කුමාර, සහකාර සාමාන්‍යාධිකාරී සුදීපා ප්‍රනාන්දු, පරිපාලන නිලධාරීනි ඕෂධී ගම්මන්පිල, යන මහත්ම මහත්මීහු මේ අවස්ථාව සඳහා සම්බන්ධ වූහ.
5 hours ago | [YT] | 50
View 1 reply
Sigiri TV Online
සුරක්ෂිත නිවසක සැබෑ වන සිහිනය
දිට්වා ආපදාවෙන් අවතැන් වූ බදුල්ලේ පවුල් 27 ක් සඳහා නව නිවාස ඉදිකිරීමට මුල්ගල් තැබේ
පසුගියදා ඇති වූ දිට්වා ආපදාව හේතුවෙන් පූර්ණ හානියට පත්ව අවතැන් වූ බදුල්ල ප්‍රාදේශීය ලේකම් කොට්ඨාසයේ පවුල් සඳහා නව නිවාස ඉදිකිරීමේ ව්‍යාපෘතියට මුල්ගල් තැබීම ඊයේ දින (ඔක්.08) සිදු කෙරිණි.
මෙම ව්‍යාපෘතියේ පළමු අදියර යටතේ පූර්ණ හානියට පත් වූ පවුල් 27 ක් වෙනුවෙන් නව නිවාස 27ක් ඉදිකිරීමට සැලසුම් කර ඇති අතර, එම නිවාස සඳහා මුල්ගල් තැබීම බදුල්ල තෙල්බැද්ද ප්‍රෙද්ශයේ පිහිටි ඉඩමකදී සිදු කරන ලදී.
මෙම නිවාස ව්‍යාපෘතිය අදියර කිහිපයක් යටතේ ක්‍රියාත්මක කිරීමට නියමිත අතර, එහි පළමු අදියරේ ඉදිකිරීම් කටයුතු මෙලෙස ආරම්භ විය.
මෙම අවස්ථාවට වැවිලි හා ප්‍රජා යටිතල පහසුකම් අමාත්‍ය සමන්ත විද්‍යාරතන , බදුල්ල ප්‍රාදේශීය සභා සභාපති පාලිත ජයවර්ධන, උප සභාපති ක්‍රිෂ්ණකුමාර් ඇතුළු ප්‍රාදේශීය සභා මන්ත්‍රීවරුන්, බදුල්ල දිස්ත්‍රික් ලේකම් සුනිල් ගලගම මහතා, බදුල්ල ප්‍රාෙද්ශීය ලේකම්තුමා ඇතුළු රාජ්‍ය නිලධාරී මහත්ම මහත්මීන් සහ ප්‍රදේශවාසී ජනතාව එක් වූහ
5 hours ago | [YT] | 44
View 2 replies
Sigiri TV Online
සුරක්ෂිත නිවසක සැබෑ වන සිහිනය
දිට්වා ආපදාවෙන් අවතැන් වූ පස්සර පවුල් 34 ක් සඳහා නව නිවාස ඉදිකිරීමට මුල්ගල් තැබේ
පසුගියදා ඇති වූ දිට්වා ආපදාව හේතුවෙන් පූර්ණ හානියට පත්ව අවතැන් වූ පස්සර ප්‍රාදේශීය ලේකම් කොට්ඨාසයේ පවුල් සඳහා නව නිවාස ඉදිකිරීමේ ව්‍යාපෘතියට මුල්ගල් තැබීම ඊයේ දින (ඔක්.08) සිදු කෙරිණි.
මෙම ව්‍යාපෘතියේ පළමු අදියර යටතේ පූර්ණ හානියට පත් වූ පවුල් 34 ක් වෙනුවෙන් නව නිවාස 34ක් ඉදිකිරීමට සැලසුම් කර ඇති අතර, එම නිවාස සඳහා මුල්ගල් තැබීම පස්සර බිලැනිවත්ත ප්‍රෙද්ශයේ පිහිටි ඉඩමකදී සිදු කරන ලදී.
මෙම නිවාස ව්‍යාපෘතිය අදියර කිහිපයක් යටතේ ක්‍රියාත්මක කිරීමට නියමිත අතර, එහි පළමු අදියරේ ඉදිකිරීම් කටයුතු මෙලෙස ආරම්භ විය.
මෙම අවස්ථාවට වැවිලි හා ප්‍රජා යටිතල පහසුකම් අමාත්‍ය සමන්ත විද්‍යාරතන , බදුල්ල ප්‍රාදේශීය සභා සභාපති පියසේන, උප සභාපති නවරාජ් ඇතුළු ප්‍රාදේශීය සභා මන්ත්‍රීවරුන්, බදුල්ල දිස්ත්‍රික් ලේකම් සුනිල් ගලගම මහතා, පස්සර ප්‍රාෙද්ශීය ලේකම්තුමිය ඇතුළු රාජ්‍ය නිලධාරී මහත්ම මහත්මීන් සහ ප්‍රදේශවාසී ජනතාව එක් වූහ
5 hours ago | [YT] | 8
View 0 replies
Load more