මා දුටු ලෝකය
මෙම චැනලය ශ්‍රී ලංකාව තුළ සහ ඉන් පිටත මා කළ සංචාරයන්හි දී ඇස ගැටුනු සුන්දර ස්ථානයන්හි ඩිජිටල් එකතුවකි. මේ දවස්වල නවාතැන බෙල්ජියමේ බ්‍රසල්ස් නගරය. එන්න මා දුටු ලෝකය තුළින් අපි ලෝකයේ ලස්සන බලමු !!!
මෙම චැනලය ශ්‍රී ලංකාව තුළ සහ ඉන් පිටත මා කළ සංචාරයන්හි දී ඇස ගැටුනු සුන්දර ස්ථානයන්හි ඩිජිටල් එකතුවකි. මේ දවස්වල නවාතැන බෙල්ජියමේ බ්‍රසල්ස් නගරය. එන්න මා දුටු ලෝකය තුළින් අපි ලෝකයේ ලස්සන බලමු !!!
මා දුටු ලෝකය
මේක එයාලගේ බයිසිකලය...✨️🧸❤️🚲 - බෙල්ජියමේ බ්‍රසල්ස් ....
1 month ago |[YT] | 4
View 0 replies
මා දුටු ලෝකය
දෙවන ලෝක යුධ සමයේ ජර්මානු හමුදා සිරකඳවුරක් හැටියට යොදාගත් බෙල්ජියමේ තියෙන ෆෝට් බ්‍රීැන්ඩොන්ක් (Fort Breendonk) කඳවුර තමා මේ.
අද වන විට මෙතන යුධ ස්මාරකයක් සහ කෞතුකාගාරයක් ලෙස ජාත්‍යන්තර අවධානයට ලක්වෙලා තියෙනවා.
බෙල්ජියම යටත් කරගැනීමෙන් පස්සෙ, 1940 සැප්තැම්බර් මාසයේදී ජර්මානු SS ආරක්ෂක අංශ විසින් මෙම බලකොටුව තම භාරයට ගන්නවා. ඊට පස්සේ මෙතන නිල වශයෙන් හඳුන්වන ලද්දේ "SS-Auffanglager Breendonk" (බ්‍රීැන්ඩොන්ක් සංක්‍රමණික කඳවුර) කියලා. මේක ජර්මනියේ පිහිටි ප්‍රධාන ගෑස් කාමර සහිත සමූලඝාතන කඳවුරක් නොවුණත්, මෙතන සිදු වූ වධහිංසා නිසා යුරෝපයේ දරුණුතම කඳවුරක් හැටියට මේක ප්‍රසිද්ධ වුණා.
බලකොටුව වටේ තිබ්බ පස් කඳු ඉවත් කිරීම සහ බරපතල ඉදිකිරීම් කටයුතු සඳහා සිරකරුවන් ලවා දිනකට පැය ගණනාවක් අතිශය දුෂ්කර ලෙස මෙතනදී වැඩ අරගෙන තියෙනවා. සිරකරුවන්ට දිනකට ලැබුණේ ඉතා සුළු ආහාර ප්‍රමාණයක්. බොහෝ අවස්ථාවල ඒ පරණ පාන් කැබැල්ලක් සහ දියාරු සුප් වර්ගයක්.
යුද්ධයෙන් පස්සේ 1947 දී බෙල්ජියම් රජය විසින් මෙය "ජාතික ස්මාරකයක්" (National Memorial) ලෙස ප්‍රකාශයට පත්කළා.
සම්පූර්ණ වීඩියෝවට : https://youtu.be/EXsQCjLkSF8
2 months ago |[YT] | 4
View 0 replies
මා දුටු ලෝකය
Museo dell'Opera del Duomo කියන්නේ ඉතාලියේ පීසා නගරයේ තියෙන ඉතාමත් සුවිශේෂී කෞතුකාගාරයක්.
ඊට හේතුව පීසාහි සුප්‍රසිද්ධ ඇලවෙන කුළුණ (Leaning Tower) සහ ඒ අසල ඇති අනෙකුත් පැරණි ගොඩනැගිලිවල තිබූ වටිනා මුල්කාලීන ප්‍රතිමා, වැස්සෙන් සහ අව්වෙන් බේරාගැනීම සඳහා මෙම කෞතුකාගාරය තුළ තැන්පත් කර තිබීමයි.
මේ ගොඩනැගිල්ල මුලින්ම 9 වන සියවසේදී ආගමික නායකයින්ගේ නිවසක් ලෙස ඉදිවුණා. පසුකාලීනව එය කන්‍යා සොහොයුරියන්ගේ ආරාමයක් (nunnery) බවට පත් කෙරුණා. මෙතන මුලින්ම කෞතුකාගාරයක් ලෙස විවෘත කළේ 1986 අවුරුද්දේදී. 2019 වසරේදී මෙයට විශාල නවීකරණයක් සිදු කෙරුණා.දැන් එහි ඇති කාමර 26 ක් පුරා ප්‍රදර්ශන භාණ්ඩ 380 කට වඩා ඉතා ක්‍රමවත්ව සකස්කරලා තියෙනවා.
මධ්‍යතන යුගයේ (13-14 සියවස්වල) විසූ ලෝක ප්‍රකට ප්‍රතිමා ශිල්පීන් වන නිකොලා පිසානෝ සහ ජියෝවානි පිසානෝ විසින් නෙළන ලද මුල්ම ප්‍රතිමා, අතීතයේ රජවරුන් සහ ආගමික නායකයින් පූජා කළ රන්, රිදී, මැණික් සහ ඇත්දත්වලින් (ivory) කළ ඉතා සියුම් කැටයම් සහිත භාණ්ඩ, ක්‍රිස්තු වර්ෂ 1180 දී බොනන්නෝ පිසානෝ ශිල්පියා විසින් සාදන ලද, ජේසුස් වහන්සේගේ ජීවිත කතාව රැගත් "සැන් රීනියර්" (San Ranieri) නම් දැවැන්ත ලෝකඩ දොර, පීසා වැසියන් අතීතයේ මුහුදු සටන්වලින් ජයගෙන රැගෙන ආ අලංකාර ඉස්ලාමීය රටා සහිත පිඟන් මැටි භාණ්ඩ ආදිය මෙහිදී දැකගන්න පුලුවන්.
ඒ වගේම කෞතුකාගාරයේ ඉහළ මහලේ තියෙන ආපනශාලා බැල්කනියෙන්, ඇලවෙන කුළුණ ඉතාම සමීපව දැකගන්නත් නිදහසේ ඡායාරූප ගන්නත් පුලුවන්.
පීසා නගරය බලන්න වීඩියෝව : https://youtu.be/xfrG9hVTEns
2 months ago |[YT] | 4
View 0 replies
මා දුටු ලෝකය
මේ වගේ දේශසීමා මීට කලින් දැකලා තියෙනවද ?
මේ අපූරු දේශසීමා පිහිටි කළාපය හඳුන්වෙන්නේ බාර්ලේ (Baarle) කියල. ඒක පිහිටලා තියෙන්නේ නෙදර්ලන්තය සහ බෙල්ජියම අයිති දේශසීමාවේ.
හරියටම කිව්වොත් නෙදර්ලන්තය ඇතුළේ බෙල්ජියමට අයිති බිම් කොටස් දකින්න පුලුවන්. ඒ බෙල්ජියම් බිම් කොටස් ඇතුළේ නෙදර්ලන්තයට අයිති බිම් කොටස් තියෙනවා.
මේ වගේ බිම් කොටස් හඳුන්වෙන්නේ Enclaves කියලා. ලෝකයේ විවිධ රටවල මේ වගේ බිම් කොටස් දකින්න පුලුවන්. හැබැයි මෙතන තියෙන බිම් කොටස් 30ක් වගේ ලොකු ගාණක් එක්ක මේ තරම් සංකීර්ණ Enclaves තියෙන්නේ ලෝකෙන්ම මෙතන විතරයි.
වීඩියෝව : https://youtu.be/m0aMABZoyQs
2 months ago |[YT] | 5
View 0 replies
මා දුටු ලෝකය
ඉතාලියේ පීසා නගරය එක්ක බැඳුණු ප්‍රධානතම චරිතය තමයි ගැලීලියෝ ගැලීලි.
ගැලීලියෝ ගැලිලි උපන්නේ 1564 පෙබරවාරි 15 වන දින මේ පීසා (Pisa) නගරයේදී. ඔහු ඉපදුණ නිවස අදටත් දකින්න තියෙනවා. හැබැයි ඉතාම අනපේක්ෂිත විදිහට මට මගේ පීසා නගර සංචාරයේදී මේ නිවස මගහැරෙනවා. ඒ හින්දා අන්තර්ජාලයෙන් ගත්ත පින්තූරයක් මම මේ සටහනට එකතු කරනවා.
සංගීතඥයෙකු වූ වින්සෙන්සෝ ගැලිලි සහ ජූලියා අම්මානාති යුවළට දාව උපත ලබන මේ ගැලීලියෝ බෞතීස්ම කරන්නේ අපි කලින් කතා කරපු පීසා බැප්ටිස්ට්ටරි එකේදි.
මුල් අවධියේදී සාම්ප්‍රදායික පාසලකට නොයන ගැලීලියෝ ඉගෙන ගන්නේ පෞද්ගලික ගුරුවරුන් ගෙන සිය නිවසේදී.
1581 දී ගැලීලියෝ වෛද්‍ය විද්‍යාව හදාරන්න පීසා විශ්ව විද්‍යාලයට ඇතුළ්වෙනවා. නමුත් පසුකාලීනව ගණිතය සහ භෞතික විද්‍යාව ගැන උනන්දු වන ඔහු උපාධිය සම්පූර්ණ නොකර විශ්ව විද්‍යාලයෙන් ඉවත්වෙලා තමන්ගේම පර්යේෂණ පටන් ගන්නවා.
හැබැයි දෛවයේ සරදමකට වගේ ගැලීලියෝ, පීසා විශ්ව විද්‍යාලයේම මහාචාර්යවරයකු හැටියට අවුරුදු 25 ක් තරම් තරුණ වයසේදී (1589 අවුරුද්දේදී) සේවය ආරම්භ කරනවා. ඒ ඔහු විසින් ස්වාධීනව කළ පර්යේෂණවල වටිනාකම නිසා.
1589 සහ 1592 අතර කාලයේදී, ගැලීලියෝ පීසා හි ඇලවෙන කුළුණේ සිට එකිනෙකට වෙනස් බරින් යුත් වස්තූන් දෙකක් බිමට අතහැර කළබව පැවසෙන පර්යේෂණය ඉතා වැදගත්. වස්තුවක බර කුමක් වුවත්, ඒවා එකම වේගයකින් බිමට වැටෙන බව ඔප්පු කිරීම මෙහි අරමුණ වුණා.
මෙයින් ඇරිස්ටෝටල්ගේ පැරණි මත වැරදි බව ඔප්පු වුණා. කොහොම උනත් මේ කතාව මුලින්ම වාර්තා කළේ ගැලීලියෝගේ අවසාන ශිෂ්‍යයා වූ වින්සෙන්සෝ විවියානි (Vincenzo Viviani) විසින් ඔහු මියගොස් වසර ගණනාවකට පසුව ලියූ චරිතාපදානයකයි. ගැලීලියෝගේ කිසිදු පෞද්ගලික සටහනක හෝ එවකට විශ්වවිද්‍යාල වාර්තාවල කුළුණෙන් වස්තූන් අතහැරි බවක් සඳහන් වෙන්නේ නැහැ. ඒ නිසා බොහෝ ඉතිහාසඥයන් සිතන්නේ මෙය සැබවින්ම සිදුකළ පරීක්ෂණයකට වඩා සිද්ධාන්තිකව සිතා පෙන්වූවක් (Thought experiment) බවයි.
ගැලීලියෝගේ Pendulum සිද්ධාන්තය ඔහුගේ පළමු ප්‍රධාන විද්‍යාත්මක සොයාගැනීම හැටියට සඳහන් වෙනවා. ඔහු 1583 දී පීසා විශ්වවිද්‍යාලයේ 19 හැවිරිදි වෛද්‍ය ශිෂ්‍යයෙකුව සිටියදී මෙම නියමය සොයාගෙන තිබෙනවා. ඉතිහාස වාර්තාවලට අනුව, ගැලීලියෝ පීසා ආසන දෙව්මැදුරේ (Cathedral of Pisa) ආගමික වතාවත්වලට සහභාගී වෙමින් සිටියදී, පිරිසිදු කිරීම සඳහා සොලවා තිබූ ලෝකඩ පහන් කූඩුවක් (chandelier) සිවිලිමේ සිට එහා මෙහා පැද්දෙන ආකාරය නිරීක්ෂණය කිරීම හරහා මේ සිද්ධාන්තය අවබෝධ කරගත් බව පැවසෙනවා.
පීසා නගරය සහ ගැලීලියෝ ගැලීලි අතර තියෙන මේ සබඳතාවය හින්දම ඔහුගේ ප්‍රතිමා දෙකක් පීසා නගරයේ තැන් දෙකකදී අපිට දකින්න පුලුවන්.
පීසා නගරයේ සංචාරය : https://youtu.be/xfrG9hVTEns
2 months ago |[YT] | 4
View 0 replies
මා දුටු ලෝකය
ඉතාලියේ පීසා නගරය කිව්ව ගමන්ම අපිට මතක් වෙන්නේ ඇලවුණු කුළුණ. හැබැයි ඒ භූමියේම තවත් ඓතිහාසික ගොඩනැගිලි කීපයක්ම තියෙනවා. මේ පීසා දෙව්මැදුරත් (Pisa Cathedral) ඒ වගේ එක් ගොඩනැගිල්ලක්.
ඉතාලි භාෂාවෙන් Duomo di Santa Maria Assunta ලෙස හැඳින්වෙන මේ දෙව්මැදුරේ ඉදිකිරීම් කටයුතු ක්‍රි.ව. 1064 දී බුස්චේටෝ (Buscheto) නැමැති ගෘහ නිර්මාණ ශිල්පියා යටතේ ආරම්භ වෙලා තියෙනවා. දේවස්ථානයේ වැඩකටයුතු අවසන් කර එය දෙවියන් වෙනුවෙන් කැප කරල තියෙන්නේ 1118 අවුරුද්දේ.
'පීසාන් රොමානෙස්ක්' (Pisan Romanesque) වාස්තුවිද්‍යා ශෛලියට අනුව නිර්මාණය කරල තියෙන මේ දෙව්මැදුරට මුහුදු සංචාරකයින් නිසා මරක්කල (Moorish) සහ බයිසැන්තීන් (Byzantine) කලා ආභාෂය ද ලැබිල තියෙනවා.
11 වන සියවසේදී පීසා (Pisa) නගරය ප්‍රබල නාවික බලවතෙක්ව පැවතුණා. මුස්ලිම් බලඇණි පරදා ලබාගත් යුද ජයග්‍රහණ සහ වෙළඳාමෙන් උපයාගත් අතිවිශාල ධනය ප්‍රදර්ශනය කිරීම සඳහා මෙම විසිතුරු දේවස්ථානය ගොඩනැගූ බව සඳහන් වෙනවා.
මේ දේවස්ථානය හා බැඳුණු ප්‍රසිද්ධ ජනප්‍රවාදයක් වන්නේ මෙහි කිරිගරුඬ බිත්තියක ඇති යක්ෂයාගේ නියපහරවල් (The Devil's Scratches). ජනප්‍රවාදයට අනුව, මේ දේවස්ථානයේ අලංකාරයට ඊර්ෂ්‍යා කළ යක්ෂයා, මෙහි ඉදිකිරීම් නැවැත්වීමට බිත්තිය දිගේ ඉහළට නැගීමට උත්සාහ කරල තියෙනවා. එහිදී දේවදූතයෙකු මැදිහත් වී යක්ෂයාව පලවා හැර ඇති අතර, පලා යාමට පෙර යක්ෂයා සිය නියපහරවලින් කිරිගරුඬ ගල හාරලා තියෙනවා. මේ කථාවේ ඇති පුදුමාකාර සිදුවීම නම්, මිනිසුන් කී වතාවක් මෙම සිදුරු ගැන්නත් සෑම අවස්ථාවකදීම ලැබෙන අගය වෙනස් වීමයි (එකම ගණන දෙවරක් ලැබෙන්නේ නැති බව කියැවෙනවා). කෙසේ වෙතත්, ඉතිහාසඥයන් පවසන්නේ මේවා රෝම යුගයේ පැරණි ගොඩනැගිලි කොටස් නැවත භාවිත කිරීමේදී ඇති වූ සිදුරු බවයි.
ඒ වගේම බොහෝ දෙනෙක් දන්නේ මෙයට යාබදව තියෙන "පීසාහි ඇලවෙන කුළුණ" (Leaning Tower) සම්බන්ධ ඇලවීම ගැන විතරයි.
නමුත් මේ ප්‍රධාන දේවස්ථාන ගොඩනැගිල්ල ද එම අස්ථාවර පස නිසාම සුළු වශයෙන් බිමට ගිලා බසිමින් ඇලවී පවතින බව සොයාගෙන තියෙනවා.
වර්තමානයේ මේ දෙව්මැදුර පීසාහි ඇලවෙන කුළුණ (Leaning Tower of Pisa) සමඟ යුනෙස්කෝ (UNESCO) ලෝක උරුම අඩවියක් ලෙස ප්‍රකාශයට පත් කරල තියෙනවා.
Video : https://youtu.be/xfrG9hVTEns?si=ZJwMg...
2 months ago (edited) |[YT] | 5
View 0 replies
මා දුටු ලෝකය
මේ මොන්ට්-සැන්-මිෂෙල් ඇබේ (Mont-Saint-Michel Abbey) කියන්නේ ප්‍රංශයේ නෝමැන්ඩි වෙරළට ඔබ්බෙන් පිහිටි ඓතිහාසික බෙනඩික්ටයින් ආරාමයක්. ක්‍රිස්තු වර්ෂ 709 දී මයිකල් අග්‍රදේවදූතයාගේ (Archangel Michael) දර්ශනයකින් පසු අව්රාන්චේස් හි ඕබර්ට් රදගුරුතුමා විසින් තමයි මේ දේවස්ථානය ඉදිකිරීම ආරම්භ කරල තියෙන්නේ.
ක්‍රිස්තු වර්ෂ 966 දී නෝමැන්ඩිහි රිචඩ් (Richard I) රජු විසින් මේ දේවස්ථානයේ "බෙනඩික්ටයින්" (Benedictine) නිකායේ පූජකයින් රැගෙනවිත් තිබෙනවා. ඊටපස්සේ මධ්‍යකාලීන යුරෝපයේ ප්‍රධානතම ආගමික, අධ්‍යාපනික සහ පොත්පත් පිටපත් කරන කේන්ද්‍රස්ථානයක් බවට මේ දෙව්මැදුර පත්වුනා.
1337-1453 අතර කාලයේ ප්‍රංශය සහ එංගලන්තය අතර පැවති දීර්ඝ යුද්ධයේදී ආරාමය වටා විශාල ආරක්ෂක පවුරු ඉදි කර එය යුධ බලකොටුවක් බවට පත් කරනු ලැබුවා. ඉංග්‍රීසි හමුදාවන් කිහිප වතාවක්ම මෙයට දරුණු ලෙස පහර දුන්නත් වඩදිය සහ බාදියෙහි ස්වභාවික ආරක්ෂාව නිසා මෙතන කිසිදා සතුරන්ට යටත් කරගන්න හැකිවුනේ නෑ.
1789 අවුරුද්දේ ප්‍රංශ විප්ලවයෙන් පස්සේ, නව රජය විසින් මෙම ආරාමය සතු සියලු දේපල රාජසන්තක කරලා පූජකයින් සියලු දෙනාම එලවා දමනු ලැබුවා. ඊට පස්සේ මේ පූජනීය ස්ථානය දරුණු දේශපාලන සිරකරුවන්, විප්ලවවාදීන් සහ සාමාන්‍ය අපරාධකරුවන් රඳවන අධි-ආරක්ෂිත බන්ධනාගාරයක් බවට පත්කළා. අවට ප්‍රදේශය මුහුදෙන් සහ මඩ වගුරු වලින් පිරී තිබූ නිසා මෙයින් පැන යාම කළ හැකි දෙයක් වුනේ නැහැ. මේ නිසා මේ ආරාමය "මුහුදේ බැස්ටිලය" (Bastille of the Seas) ලෙස හඳුන්වනු ලැබුවා.
පසුකාලීනව, ප්‍රංශයේ සුප්‍රසිද්ධ ලේඛක වික්ටර් හියුගෝ (Victor Hugo) ඇතුළු පිරිසක් මෙම ඓතිහාසික උරුමය සිරකඳවුරක් ලෙස විනාශ වීමට ඉඩ නොදිය යුතු බවට දැඩි හඬක් නැගුවා. එහි ප්‍රතිඵලයක් හැටියට 1863 දී මේ සිරකඳවුර වසා දමා මෙය රජයේ ඓතිහාසික ස්මාරකයක් ලෙස ප්‍රකාශයට පත් කර ප්‍රතිසංස්කරණය ආරම්භ වුණා.
1979 වසරේදී මෙම ආරාමය සහ එය පිහිටි මුහුදු බොක්ක යුනෙස්කෝ (UNESCO) සංවිධානය විසින් ලෝක උරුම අඩවියක් ලෙස ප්‍රකාශයට පත් කළා. මෑතකදී, එනම් 2023 වසරේදී මෙහි ප්‍රධාන ආරාම දේවස්ථානයේ (Abbey Church) 1000 වන සංවත්සරය උත්කර්ෂවත් ලෙස සමරනු ලැබුණා.
මේ අපූරු දූපතේ අපේ සංචාරය බලන්න මෙන්න ලින්ක් එක : https://youtu.be/XcVH-Jd0Dko
2 months ago |[YT] | 6
View 0 replies
මා දුටු ලෝකය
Spellbinder කතා මාලාවේ මායාබන්ධකයින්ගේ පැරණි මාළිගාව.....
Netflix නිෂ්පාදනයක්වූ The Witcher හි Battle of the Sedan Hill සටනේ මාළිගාව....
ඇතුළු කලා නිර්මාණ රැසක් සඳහා පසුබිම් තලය වූ පෝලන්තයේ Ogrodzieniec මාළිගාව....
මොංගෝලියානු ආක්‍රමණ, ස්වීඩන් ආක්‍රමණ හමුවේ විනාශවී නටබුන් බවට පත්වූ මධ්‍යතන යුරෝපයේ ස්මාරකය....
මේ ඔක්කොම අතීත මතක එක්ක යමු Ogrodzieniec මාළිගාවේ සංචාරයක්....
වීඩියෝව : https://youtu.be/fZMKNKhOhv4
2 months ago |[YT] | 6
View 0 replies
මා දුටු ලෝකය
යමුද ඉතාලියේ පීසාහි ඇලවෙන කුළුණ (Leaning Tower of Pisa) බලන්න ?
මේක තියෙන්නේ ඉතාලියේ පීසා (Pisa) නගරයේ පිහිටි "පියස්සා ඩෙයි මිරාකොලි" (Piazza dei Miracoli - ආශ්චර්යයන්ගේ චතුරශ්‍රය) පරිශ්‍රයේ.
මේ කුළුණ හදන්නේ මෙතනම තියෙන පීසා ආසන දෙව්මැදුරට (Pisa Cathedral) අයත්, වෙන්ව පිහිටි සීනු කුළුණක් හැටියට. වර්තමානයේ මේක යුනෙස්කෝ (UNESCO) ලෝක උරුම අඩවියක් ලෙස ප්‍රකාශයට පත් කරල තියෙනවා.
පීසා කුළුණේ ඉදිකිරීම් කටයුතු ආරම්භවුනේ ක්‍රි.ව. 1173 දී. කුළුණේ අත්තිවාරම මීටර 3ක් වැනි සුළු ගැඹුරකින් යුක්ත වීම සහ ඒ අවට පස මැටි, වැලි සහ මඩ සහිත අස්ථිර එකක් වීම නිසා කුළුණේ බර දරාගත නොහැකිව එය එක් පැත්තකට ගිලා බසිමින් ඇලවීමට පටන් ගත්තා.
ඒ වගේම ඉදිකිරීම් අතරතුර ඇති වූ යුද ගැටුම් හේතුවෙන් වසර 100කට ආසන්න කාලයක් වැඩ නතර කර තිබුණා. මෙම කාලය තුළ පස ස්ථාවර වීම (settle වීම) නිසා කුළුණ මුළුමනින්ම කඩා වැටීම වැළකී ගිය බව ඉංජිනේරුවෝ විශ්වාස කරනවා. පසුව පැමිණි ගෘහ නිර්මාණ ශිල්පීන් ඇලවීම සමබර කිරීමට කුළුණේ ඉහළ මහල්වල එක් පැත්තක් උසින් වැඩි වන සේ සකස් කළා. ඉදිකිරීම් අවසන් වුනේ ක්‍රි.ව. 1372 දී 200කට ආසන්න කාලයක් ගතවුනාට පස්සේ.
පීසා කුළුණේ බර ටොන් 14,500ක් විතර වෙනවා. උස, පහත පැත්තෙන් මීටර 55.86ක් සහ උස පැත්තෙන් මීටර 56.67ක් පමණ වෙනවා. සීනු කුටීරය එක්ක මහල් 8ක් තියෙන මේ කුළුණේ මුදුනට නගින්න ඇතුළතින් පියගැට 294ක් විතර තියෙන සහිත සර්පිලාකාර පඩිපෙළක් දකින්න පුලුවන්.
කොහොම වුනත්, 1990 වන විට කුළුණේ ඇලවීම අංශක 5.5ක් දක්වා භයානක ලෙස වැඩිවෙන්න පටන්ගත්තා. ඒ හින්දා ප්‍රතිසංස්කරණ සහ ආරක්ෂාව හේතුවෙන් 1990 දී එය මහජනතාවට වසා දැම්මා. පස්සේ ඉංජිනේරුවන් විසින් කුළුණේ උස් පැත්තෙන් ක්‍රමවත්ව පස් ඉවත් කරල, ප්‍රති-බර (Counterweights) යොදා කුළුණේ ඇලවීම අංශක 3.97 දක්වා අඩු කරලා ස්ථාවර කරන්න සමත්වුණා. 2001 වසරේදී පීසා කුළුණ ආයෙත් මහජනතාට විවෘත කෙරුණු අතර, ඉදිරි වසර 200ක් පුරා මෙය සුරක්ෂිතව පවතිනු ඇතැයි දැනට ගණන් බලලා තියෙනවා.
පීසා කුළුණ එක්ක මේ ආශ්චර්යයන්ගේ චතුරස්‍රයේ අපේ සංචාරය බලන්න වීඩියෝව : https://youtu.be/xfrG9hVTEns
2 months ago |[YT] | 6
View 0 replies
මා දුටු ලෝකය
"යුද්ධය මිනිසුන් ශ්‍රේෂ්ඨ කරන්නේ නැත, නමුත් එය හොඳ මිනිසුන් තුළ ඇති ශ්‍රේෂ්ඨත්වය ඉස්මතු කරයි."
මේ ප්‍රංශයේ නෝමැන්ඩිහි යූටා මුහුදු තීරය ආසන්නයේ තියෙන අමෙරිකානු හමුදාවේ නිලධාරියෙක් වූ මේජර් රිචර්ඩ් වින්ටර්ස්ගේ ස්මාරකයයි.
දෙවන ලෝක යුද්ධයේදී 1944 ජූනි 6 දින D-Day ආක්‍රමණයේදී ඔහු දැක්වූ සුවිශේෂී වීරත්වය හේතුවෙන් ඔහු සහ අමෙරිකානු හමුදාවේ කණිෂ්ට නිලධාරීන් සිහිකරමින් මේ පිළිරුව නිරාවරණය කෙරුණේ 2012 අවුරුද්දේදී.
1944 ජූනි 6 වන දින ප්‍රංශයේ යූටා වෙරළට (Utah Beach) ගොඩබසිමින් සිටි මිත්‍ර පාර්ශවීය ඇමරිකානු සෙබළුන්ට ජර්මානු කාලතුවක්කු බලඇණියකින් දරුණු ප්‍රහාර එල්ල වෙමින් පැවතුණා. එවකට ලුතිනන්වරයකු වූ වින්ටර්ස්, සෙබළුන් 12 දෙනෙකුගෙන් යුත් කුඩා කණ්ඩායමක් මෙහෙයවමින්, ආරක්ෂක අගල් පද්ධතියක් තුළ සිටි 60කට අධික ජර්මානු සෙබළුන් පිරිසක් පරාජය කර කාලතුවක්කු හතරම විනාශ කිරීමට සමත් වුණා. ඔහු එදින භාවිතා කළ සටන් උපක්‍රම කෙතරම් විශිෂ්ටද යත්, ඒවා අදටත් ඇමරිකානු එක්සත් ජනපදයේ 'වෙස්ට් පොයින්ට්' (West Point) හමුදා ඇකඩමියේ පෙළපොත් පාඩමක් ලෙස උගන්වනවා.
D-Day ආක්‍රමණයේදී ඔවුන්ගේ ප්‍රධාන අණදෙන නිලධාරියා මියයාමෙන් පසු වින්ටර්ස් හට 'ඊසි කම්පැනි' (Easy Company) සේනාංකයේ වගකීම පැවරුණා. ඔහු සැමවිටම තම සෙබළුන් පිටුපස සිට නියෝග දෙනවා වෙනුවට, සටන් පෙරමුණේ ඉදිරියෙන්ම ගමන් කරමින් ආදර්ශමත් නායකත්වයක් සපයා තිබෙනවා.
මේවගේ විස්තර එක්ක එදා මහා සටන් බිමක් වුණු ප්‍රංශයේ යූටා මුහුදු තීරයේ අද තත්ත්වය පහළ වීඩියෝවෙන් ඔයාලටත් බලන්න පුලුවන්.
වීඩියෝව : https://youtu.be/ntZZ23GeXzs
#madutulokaya #ලෝකෙවටේ #සංචාර #travelwithme #travel #ww2 #france #DDay
2 months ago |[YT] | 7
View 0 replies
Load more