肥佬Brian攝食仁

下面呢條係我以 DCFever 編輯身份所拍嘅最後一條片，原本我都有打算低調少少等大家自己發現就算，但考慮過為免有錯誤傳聞而影響到 DCFever，我都係想講返幾句。

首先，我今次離職係我主動提出嘅，主要原因係我覺得自己年齡到咗唔後生但又唔算老嘅尷尬階段，希望可以喺自己變老之前學習更多唔同領域嘅事情，同埋可以作出更多唔同嘅嘗試。

對於 DCFever 我係心存感激，喺呢幾年我透過 DCFever 編輯身份學習同見識到喺攝影領域內外更多更深入嘅知識，亦讓我攝影技術上有一定嘅提升。而當中我有份以 DCFever 員工身份參與公司所舉辦 HKCiF 香港相機及影像博覽 2022，更加係一圓我喺攝影路上嘅其中一個夢（雖然我只係參與咗極少嘅部份，但都叫有啦），好多謝老闆們畀到我呢啲機會。

另外 DCFever 亦係我現時為止職業生涯上同同事關係最親密嘅其中一間公司，希望未來可以 keep 住同大家打邊爐同燒吓嘢食啦~

現階段我正在思考自己同呢個頻道嘅未來方向，但應該無論如何都仍然會繼續做一啲同攝影有關嘅事情。仲記得最初最初我幫當時公司搞頻道嘅時候，我心裡面就好自大咁同自己講咗句：「我希望可以為香港攝影圈做到一啲事情」，雖然過程中有好多變數出現，但呢個初心我係到依家都未曾改變過。希望未來可以學習到更多，再結合我喺 DCFever 中學習到嘅知識，令我真係可以為香港攝影圈帶嚟更多正面嘅影響。

1 year ago (edited) | [YT] | 12

View 2 replies

肥佬Brian攝食仁

講得好！肥佬送你 Emil Tse 專業攝影課程

唔少朋友都覺得影相用自然光最正、最自然，但其實當大家可以自己控制到光，先會發現影相係可以隨心所欲，想要誇張又可以誇張、想要自然又可以自然。早前肥佬邀請咗專業攝影師 Emil Tse 同大家講咗一啲後生仔入行嘅事宜，當中有提及過 Emil 一直有開班同大家分享攝影專業嘅事情。依家機會嚟喇，事關 Emil 喺今個月會有兩日全日嘅 Workshop，內容主要係會由零開始教大家如何掌控燈光，無論你係零知識嘅完全新手或者係有返咁上下攝影知識而又想再升級自己控光能力都啱架！

而 Emil 今次更會免費送出一個位畀我肥佬嘅觀眾，只要大家玩以下遊戲勝出即可得到。遊戲內容如下：

1, Like 咗我個 facebook Page 同 Follow 我嘅 Youtube 頻道先（其實唔一定要做，不過最好做啦！）
2, Share 呢個 post 畀你嘅朋友（都係其實唔一定要做，不過最好做啦！）
3, 留言講下你點解想讀呢個課程，唔好超過 50 字呀！（怕醜嘅可以 pm 比我）

呢個遊戲只係限時今日（10 月 3 號）內玩，我會喺今晚半夜揀出最觸動到我嘅一位朋友，pm 通知勝出。由於 Emil 會以 Whatsapp 聯絡各位同學，所以要明日內 pm 覆返我你嘅 Whatsapp。仲有一樣嘢要留意，因為唔想有朋友因為免費，到時 no show 浪費咗個位，Emil 會要求勝出者先邀付 $1000，只要該朋友兩日都有出席，Emil 就會將呢 $1000 原銀奉還。有意嘅朋友記得拿拿林參加喇～

課程日期：2023年10月22日及 10月29日
上課時間：11:00-19:00（中間有 1 小時食飯時間）

課程嘅詳情可以去以下網址：
www.emil-photography.com/lighting_workshop

2 years ago (edited) | [YT] | 18

View 0 replies

肥佬Brian攝食仁

有時有啲朋友會奇怪點解我影model會唔用反光板, 其實真係因為去公圍影model一拎反光板出嚟就會畀人趕, 試過好幾次之後我慢慢就習慣咗唔用反光板盡量搵反現場光靚嘅角度去影。

3 years ago | [YT] | 8

View 0 replies

肥佬Brian攝食仁

其實我心裡面好唔開心，因為覺得好可惜地我喺件事嘅參與真係太少太少太少太少, 但絕對為願意冒大風險仲有落手落腳做嘅老闆們、主理件事嘅同事 Jerry、Ming 同埋 Wesley 感到光榮。

大家唔嫌辛苦、唔計較賺蝕，真真正正為香港攝影界咁做咗一件大事！喺呢度向大家致以無限嘅敬意。

3 years ago | [YT] | 13

View 0 replies

肥佬Brian攝食仁

今次輪到我肥佬送 HKCIF 嘅門票喇！我可以送嘅門票唔多，先到先得架！每張門票可以於 HKCIF 其中一日內任意出入，咁大家可以慢慢行慢慢玩，甚至睇晒全日所有講座都得啦~

只要大家到以下連結填上基本資料，連結就會畀返個CODE你, 你再去返 shop@dcfever 旺角店同同事講返個 CODE 就可以拎到飛架喇~

肥佬送飛連結：
www.hkcif.com/vipticket/index.php?vip=D1F6bgc7

3 years ago | [YT] | 18

View 0 replies

肥佬Brian攝食仁

龍友客席相談室：HKCIF 2022前曕之我哋四個會有場stage show?!

直播我哋開會現場🤣
傾下到時大家想講啲咩，又或者大家想聽我哋分享啲咩？

轉頭9點，六呎龍友個YouTube頻道見！

3 years ago (edited) | [YT] | 9

View 0 replies

肥佬Brian攝食仁

如果問我搞頻道的初心，我可以肯定的答大家，我是希望以自己有限的能力，能為香港攝影界做些什麼。雖然以我有限的攝影技術肯定不能直接透過攝影做出什麼偉大的事情，但以我當時接近 20 年介紹和測試攝影產品的經驗，我估計自己至少可以在「宣傳攝影」這項目上做到一點什麼。

傳媒工作者之間流傳著一句說話，就是「有怎樣的讀者就有怎樣的傳媒」，這句話我一向都認同的。但在自己搞頻道的這些年，感受更深。事實上現在的我，根本不太理會其他人的做法，因為我相信「物以類聚」、「有怎樣的觀眾就有怎樣的頻道」，相信現在仍真心支持我的觀眾，也都是認真對待攝影的朋友。當然也有不少認真對待攝影只是單純覺得我做得不好而不支持我的朋友（頭盔模式），但不論是否支持我，我都可以肯定認真對待攝影的朋友們，都不會做出一些讓人討厭攝影界的事情。

有人的地方便會有是非，喜歡「食花生等睇戲」亦是人之常情。但我最討厭的，就是為了讓「花生事件」延長，而不顧別人會否因此討厭攝影，在過程中推波助瀾的人。別跟我說這些人喜歡攝影，這些人喜歡的只有自己。

我不會把這些人當成自己的支持者，我希望擁有的，是跟我一樣真心喜歡攝影的支持者。

＊嗚謝pbhk借圖一share

www.instagram.com/pbhk/