Life Tastes with Nway

Don’t forget to like, subscribe, and taste life with me!

ဒီနေ့မိုးအေးအေးနဲ့ ဟိုနေ့က ရောက်လာတဲ့ ဆရာ သိုးဆောင်းရဲ့ “ဤအရပ်တွင် မိုးရွာခဲ့သည်” စာအုပ်လေးကို ကောက်ကိုင်ဖတ်ဖြစ်တယ်။

ဖတ်ပြီးတာနဲ့ စိတ်ထဲကို စွမ်းအင်လေးပြန်ဝင်လာသလို တက်တက်ကြွကြွခံစားမိလာတယ်။လူငယ်နှစ်ယောက်ရဲ့ ရည်ငံမှုကို ပါးပါးလေးနဲ့ ရိုးရိုးလှလှဖော်ပြထားပေမဲ့၊ စာသားတိုတိုတွေအတွင်းမှာ နူးညံ့သိမ်မွေ့တဲ့ အတွေးအခေါ်တွေနဲ့ စိတ်ဓာတ်မြှင့်ပေးတဲ့ စာစုလေးတွေကို တွေ့ရတယ်။

ကိုယ်ကတော့ အသက်ရလာလို့လားမသိ၊ နူးနူးညံ့ညံ့ဖော်ပြနေတဲ့ သမီးရည်းစားအပြောတွေထက် ဒီတည်းက အားတက်စရာ စကားစုတွေကို ပိုမြင်မိတယ်။ ဥပမာ —

“အင်အားမရှိပဲ လူမိုက်တွေအပြိုင်မိုက်နေရင်၊ ကိုယ့်ရဲ့ တန်ဖိုးရှိတဲ့အချိန်တွေဟာ လူဆိုးလူမိုက်တွေအတွက် ကုန်ဆုံးသွားရလိမ့်မယ်။”

ဒီစကားစုလေးကတော့ ကိုယ့်အတွေးနဲ့ကိုယ် တွေးလို့ရပါတယ်။စာအုပ်တည်းကတော့ အင်အားမမျှတဲ့အတွက် လက်တုန့်ပြန်ဖို့ထက် ခွင့်လွှတ်လိုက်ဖို့ပေါ့လေ ကိုယ်ကတော့ ကိုယ့်စိတ်ကိုဖြစ်ချင်စရာဖြစ် လွှတ်ထားမိတဲ့ မိုက်စိတ်တွေနဲ့ အပြိုင် လေလွင့်မိနေပြီး လုပ်သင့်လုပ်ထိုက်တဲ့အလုပ်ကိုမလုပ်နေတဲ့ စိတ်ကိုပဲတွေးမိတာပါ။

အထူးသဖြင့် “အတ္ထာဟိ အတ္ထာနော နာထော” ဆိုတဲ့စကားအတိုင်း - စိတ်ဓာတ်ကျနေချိန်၊ လမ်းမသိနေချိန်တွေမှာ ကိုယ်ကိုယ်တိုင်ကို ပြန်လှည့်ကြည့်ဖို့၊ ကိုယ်ပိုင်အာဏာကို မှတ်မိဖို့ သတိပေးလိုက်သလို ခံစားရတယ်။

မိုးရွာသံနဲ့အတူ ကိုယ့်စိတ်ကို ပြန်သုံးသပ်မိစေတဲ့ စာအုပ်တစ်အုပ်ပါပဲ။ 🌧️

#lifetasteswithnway