Kerala Government
Official YouTube Channel of Information Public Relations Department, Government of Kerala.
Official YouTube Channel of Information Public Relations Department, Government of Kerala.
Kerala Government
സംസ്ഥാനത്തെ മുഴുവൻ കുടുംബങ്ങൾക്കും ₹25 ലക്ഷം രൂപയുടെ ചികിത്സാ പരിരക്ഷ ഉറപ്പാക്കുന്ന ‘ഉമ്മൻചാണ്ടി ആരോഗ്യ ഇൻഷുറൻസ് പദ്ധതി’ യാഥാർഥ്യത്തിലേക്ക് നീങ്ങുന്നു. പദ്ധതിയുടെ ഡി.പി.ആർ 4 മാസത്തിനകം സമർപ്പിക്കാൻ വിദഗ്ദ്ധ സമിതി രൂപീകരിക്കും
#KeralamGovernment #iprdkeralam #healthinsurance
4 days ago | [YT] | 60
View 3 replies
Kerala Government
ഭിന്നശേഷിക്കാരെ ചേര്‍ത്തു പിടിച്ച് സംസ്ഥാന സര്‍ക്കാര്‍. ഭിന്നശേഷിക്കാര്‍ക്കുള്ള മോട്ടോര്‍ വാഹന നികുതി ഇളവ് പരിധി 7 ലക്ഷത്തില്‍ നിന്ന് 15 ലക്ഷം രൂപയായി ഉയര്‍ത്തി. കേരള മോട്ടോര്‍ വാഹന നികുതി നിയമത്തില്‍ ഭേദഗതി വരുത്തി പുതിയ വിജ്ഞാപനം പുറത്തിറക്കി. ഭിന്നശേഷിക്കാര്‍ക്കുള്ള മോട്ടോര്‍വാഹന നികുതിയിളവ് പരിധി ഉയര്‍ത്തുമെന്ന് 2026ലെ ബജറ്റില്‍ സര്‍ക്കാര്‍ പ്രഖ്യാപിച്ചിരുന്നു.
#KeralamGovernment #Iprdkeralam #disablefriendly
5 days ago | [YT] | 41
View 3 replies
Kerala Government
പോളിടെക്‌നിക് കോളേജുകള്‍ കേന്ദ്രീകരിച്ച് നടപ്പാക്കുന്ന സമഗ്ര ലഹരിവിരുദ്ധ പ്രവര്‍ത്തന പദ്ധതിയായ സ്റ്റാന്‍ഡ് വിത്ത് തൂഫാന് തുടക്കമായി. നാഷണല്‍ സര്‍വീസ് സ്‌കീം ടെക്‌നിക്കല്‍ സെല്ലിന്റെ നേതൃത്വത്തില്‍ സംസ്ഥാന വ്യാപകമായയാണ് പദ്ധതി നടപ്പാക്കുന്നത്. പോളിടെക്‌നിക് കോളേജുകളെയും കോളേജുകളുടെ ഒന്നര കിലോമീറ്റര്‍ ചുറ്റളവിലുള്ള പ്രദേശങ്ങളെയും കേന്ദ്രീകരിച്ചാണ് 'സ്റ്റാന്‍ഡ് വിത്ത് തൂഫാന്' പദ്ധതിയുടെ പ്രവര്‍ത്തനങ്ങള്‍ ആസൂത്രണം ചെയ്തിരിക്കുന്നത്
#KeralamGovernment #StandWithToofan #Iprdkeralam
5 days ago | [YT] | 14
View 0 replies
Kerala Government
ശബരിമല തീര്‍ഥാടനത്തോടനുബന്ധിച്ച് തീര്‍ഥാടകരുടെ സുരക്ഷയും സൗകര്യങ്ങളും ഉറപ്പാക്കാന്‍ നടപടികളുമായി സര്‍ക്കാര്‍. തിരക്ക് നിയന്ത്രിക്കുന്നതിന് തീര്‍ഥാടകര്‍ വെര്‍ച്വല്‍ ക്യു സംവിധാനം പരമാവധി പ്രയോജനപ്പെടുത്തണമെന്ന ബോധവത്കരണം നടത്തും. തമിഴ്‌നാട്, ആന്ധ്രാപ്രദേശ്, തെലങ്കാന, കര്‍ണാടക എന്നിവിടങ്ങളിലെ പോലീസ് മേധാവികള്‍ക്ക് ഇത് സംബന്ധിച്ച് കേരള ഡിജിപി നേരിട്ട് അറിയിപ്പ് നല്‍കും.
അടിയന്തര സാഹചര്യങ്ങള്‍ നേരിടാന്‍ റാപ്പിഡ് ആക്ഷന്‍ ഫോഴ്‌സിന്റെയും ഫയര്‍ ആന്‍ഡ് റെസ്‌ക്യൂ ഫോഴ്‌സിന്റെയും സേവനം കാര്യക്ഷമമായി വിന്യസിക്കും. മരക്കൂട്ടം ഉള്‍പ്പെടെയുള്ള പ്രധാന പാതകളിലെ ഫയര്‍ ഹൈഡ്രന്റുകള്‍ പ്രവര്‍ത്തനക്ഷമമാണെന്ന് ഉറപ്പാക്കാന്‍ മോക്ക് ടെസ്റ്റുകളും നടത്തും. സന്നിധാനം, പമ്പ, നിലയ്ക്കല്‍ എന്നിവിടങ്ങളില്‍ സുരക്ഷാ സംവിധാനങ്ങളും പോലീസ് സേവനങ്ങളും കുറ്റമറ്റ രീതിയില്‍ ഏകോപിപ്പിക്കും. തീര്‍ഥാടകരുടെ യാത്രാസൗകര്യം മെച്ചപ്പെടുത്തുന്നതിന്റെ ഭാഗമായി നിലയ്ക്കലിലും ചക്കുപാലത്തും പാര്‍ക്കിങ് സൗകര്യം കാര്യക്ഷമമാക്കും.
ചക്കുപാലത്തെ മണ്ണ് നീക്കി 400 മുതല്‍ 500 വരെ അധിക വാഹനങ്ങള്‍ പാര്‍ക്ക് ചെയ്യാനുള്ള സൗകര്യമൊരുക്കും. തീര്‍ഥാടക വാഹനങ്ങളുടെ ഫിറ്റ്‌നസും വേഗവും കര്‍ശനമായി പരിശോധിക്കും. സന്നിധാനം, പമ്പ, നിലയ്ക്കല്‍ എന്നിവിടങ്ങളിലെ സിസിടിവി നിരീക്ഷണം ശക്തിപ്പെടുത്തി പോലീസ് കണ്‍ട്രോള്‍ റൂമുമായി ബന്ധിപ്പിക്കും. കുന്നാര്‍ ഡാം, പാണ്ടിത്താവളത്തെ വാട്ടര്‍ ടാങ്ക്, എല്‍പിജി സിലിണ്ടര്‍ സംഭരണ കേന്ദ്രങ്ങള്‍, വെടിമരുന്ന് സൂക്ഷിപ്പ് എന്നിവയ്ക്ക് പ്രത്യേക സുരക്ഷ ഏര്‍പ്പെടുത്തും. ആവശ്യമായ സ്ഥലങ്ങളില്‍ മതിയായ വെളിച്ചവും ഉറപ്പാക്കും. സന്നിധാനത്തും പമ്പയിലും വ്യാപാരസ്ഥാപനങ്ങളില്‍ ജോലി ചെയ്യുന്നവര്‍ക്ക് നിര്‍ബന്ധമായും പോലീസ് വെരിഫിക്കേഷന്‍ നടത്തും. ഇവര്‍ തിരിച്ചറിയല്‍ കാര്‍ഡ് കൈവശം വെക്കണമെന്നും നിര്‍ദേശിച്ചിട്ടുണ്ട്. പമ്പാ നദിയില്‍ വസ്ത്രങ്ങള്‍ ഉപേക്ഷിക്കുന്നത് കര്‍ശനമായി തടയും
#KeralamGovernment #Sabarimala #Iprdkeralam
5 days ago | [YT] | 12
View 0 replies
Kerala Government
വെയിലിലും മഴയിലുമുള്ള ഓട്ടത്തിനിടയിൽ ഒരിടവേള… വിശ്രമിച്ച് വീണ്ടും മുന്നേറാൻ ഗിഗ് തൊഴിലാളികൾക്കായി ‘ഗിഗോൺ’ വിശ്രമകേന്ദ്രങ്ങൾ ഒരുക്കി സർക്കാർ. കസേര, കുടിവെള്ളം, ശുചിമുറി, വൈഫൈ, ചാർജിങ്, ഭക്ഷണം കഴിക്കാനുള്ള സൗകര്യങ്ങൾ ഉൾപ്പെടെയുള്ള അടിസ്ഥാന സൗകര്യങ്ങൾ ഇവിടെ ഒരുക്കിയിട്ടുണ്ട്. ദിവസവും രാവിലെ 8 മണി മുതൽ രാത്രി 10 മണി വരെ രണ്ട് ഷിഫ്റ്റുകളിലായാണ് ഇവിടം പ്രവർത്തിക്കുക. ഓരോ ഷിഫ്റ്റിലും രണ്ട് ജീവനക്കാരെ വീതം മേൽനോട്ടത്തിനായി നിയോഗിച്ചിട്ടുണ്ട്.
ആദ്യഘട്ടത്തിൽ തിരുവനന്തപുരം, എറണാകുളം, കോഴിക്കോട് ജില്ലകളിലാണ് കേന്ദ്രങ്ങൾ പ്രവർത്തിക്കുന്നത്. അടുത്ത ഘട്ടത്തിൽ കൂടുതൽ ജില്ലകളിലേക്ക് വിശ്രമകേന്ദ്രങ്ങൾ വ്യാപിപ്പിച്ച് ഗിഗ് തൊഴിലാളികൾക്ക് കൂടുതൽ സൗകര്യങ്ങളും കരുതലും ഒരുക്കുകയാണ് സർക്കാരിന്റെ ലക്ഷ്യം.
#KeralamGovernmemt #Iprdkeralam #GIGON #gigworkers
1 week ago | [YT] | 1
View 0 replies
Kerala Government
വൃക്ക - കരള്‍ രോഗികള്‍ക്കും ജനിതക രോഗം ബാധിച്ചവര്‍ക്കും ആശ്വാസമേകി സര്‍ക്കാര്‍.
'സമാശ്വാസം' പദ്ധതിക്ക് 4.8 കോടി രൂപ അനുവദിച്ചു. സാമൂഹ്യ നീതി വകുപ്പിന് കീഴിലെ കേരള സാമൂഹ്യ സുരക്ഷാ മിഷന്‍ വഴി നടപ്പാക്കുന്ന 'സമാശ്വാസം' പദ്ധതിയുടെ 2026- 27 സാമ്പത്തിക വര്‍ഷത്തെ പ്രവര്‍ത്തനങ്ങള്‍ക്കാണ് 4.8 കോടി രൂപ അനുവദിച്ചത്. ഡയാലിസിസ് ചെയ്യുന്നവര്‍, വൃക്ക അല്ലെങ്കില്‍ കരള്‍ മാറ്റിവെച്ചവര്‍, ഹീമോഫീലിയ, അരിവാള്‍ രോഗം തുടങ്ങിയവ ബാധിച്ചവര്‍ എന്നിങ്ങനെ അര്‍ഹരായ 3640 ഗുണഭോക്താക്കള്‍ക്ക് പദ്ധതി വഴി പ്രതിമാസ ധനസഹായം ലഭിക്കും.
വൃക്ക അല്ലെങ്കില്‍ കരള്‍ മാറ്റിവെക്കല്‍ ശസ്ത്രക്രിയയ്ക്ക് വിധേയരായിട്ടുള്ള 360 പേര്‍ക്കും രക്തം കട്ടപിടിക്കാന്‍ ആവശ്യമായ ക്ലോട്ടിംഗ് ഫാക്ടറുകളുടെ കുറവുമൂലം ഹീമോഫീലിയയും അനുബന്ധ രോഗങ്ങളും ബാധിച്ച 1400 പേര്‍ക്കും 1000 രൂപ വീതം പ്രതിമാസം അനുവദിക്കുന്നതാണ്. വൃക്ക സംബന്ധമായ തകരാറ് സംഭവിച്ച് ഡയാലിസിസിന് വിധേയരാകുന്ന 1680 പേര്‍ക്ക് പ്രതിമാസം 1100 രൂപ നിരക്കിലും അരിവാള്‍ രോഗം ബാധിച്ച 200 രോഗികള്‍ക്ക് പ്രതിമാസം 2000 രൂപ നിരക്കിലും 'സമാശ്വാസം' പദ്ധതിയിലൂടെ ധനസഹായം ലഭ്യമാകും.
#KeralamGovernment #iprdkeralam
1 week ago | [YT] | 5
View 2 replies
Kerala Government
റേഷൻ കൃത്യമായി വാങ്ങാത്തവർ ശ്രദ്ധിക്കുക!
സ്മാർട്ട് പി.ഡി.എസ് പദ്ധതിയുടെ ഭാഗമായി ആറുമാസമായി റേഷൻ വിഹിതം കൈപ്പറ്റാത്ത കാർഡുകൾ ‘Silent Ration Cards’ ആയി കണ്ടെത്തി ഡീആക്ടിവേറ്റ് ചെയ്യും. ഡീആക്ടിവേറ്റ് ചെയ്ത കാർഡിലെ എല്ലാ ഗുണഭോക്താക്കളും മൂന്ന് മാസത്തിനകം eKYC പൂർത്തിയാക്കിയാൽ മാത്രമേ കാർഡ് വീണ്ടും ആക്ടിവേറ്റ് ചെയ്യുകയുള്ളൂ. സമയപരിധിക്കുള്ളിൽ eKYC പൂർത്തിയാക്കാത്ത കാർഡുകൾ അസാധുവാക്കി ഡാറ്റാബേസിൽ നിന്ന് നീക്കം ചെയ്യും.
ഒന്നിലധികം റേഷൻ കാർഡുകളിൽ ഉൾപ്പെട്ടതായി കണ്ടെത്തുന്ന ഗുണഭോക്താക്കൾ മൂന്ന് മാസത്തിനകം eKYC പൂർത്തിയാക്കി നിലനിർത്തേണ്ട കാർഡ് തിരഞ്ഞെടുക്കുകയും മറ്റ് കാർഡുകളിൽ നിന്ന് പേര് നീക്കം ചെയ്യുകയും വേണം. നിശ്ചിത സമയപരിധിക്കുള്ളിൽ eKYC ഉൾപ്പെടെയുള്ള നടപടികൾ പൂർത്തിയാക്കാത്ത കാർഡുകളും ഗുണഭോക്തൃ വിവരങ്ങളും ഡാറ്റാബേസിൽ നിന്ന് നീക്കം ചെയ്യും. റേഷൻ ആനുകൂല്യം തുടർന്നും ലഭിക്കുന്നതിന് ആവശ്യമായ നടപടികൾ സമയബന്ധിതമായി പൂർത്തിയാക്കുക.
സ്മാർട്ട് പി.ഡി.എസ് പദ്ധതി സംസ്ഥാനത്ത് നടപ്പാക്കുന്ന അവസരത്തിൽ ഇതു സംബന്ധിച്ച കൂടുതൽ വിവരങ്ങൾ ഗുണഭോക്താക്കളെ അറിയിക്കുമെന്ന് പൊതുവിതരണ ഉപഭോക്തൃകാര്യ കമ്മീഷണർ അറിയിച്ചു
#keralagovernment #iprdkeralam #RationCard #CivilSupplies
1 week ago | [YT] | 11
View 0 replies
Kerala Government
2026 സെപ്തംബര്‍ മാസത്തെ ക്ഷേമപെന്‍ഷന്‍ നാളെ (24/09/2026 വ്യാഴം)മുതല്‍ വിതരണം ആരംഭിക്കും. പെന്‍ഷന്‍ വിതരണത്തിനായി സംസ്ഥാന സര്‍ക്കാര്‍ ആകെ 1,068.79 കോടി രൂപ അനുവദിച്ചു. ക്ഷേമപെന്‍ഷന്‍ വിതരണത്തിനായി 957.93 കോടി രൂപയും, വിവിധ ക്ഷേമനിധി ബോര്‍ഡുകള്‍ വഴിയുള്ള പെന്‍ഷന്‍ വിതരണത്തിനായി 110.86 കോടി രൂപയുമാണ് അനുവദിച്ചത്.
#KeralamGovernment #CMOKeralam #iprdkeralam #welfarepension
1 week ago | [YT] | 81
View 14 replies
Kerala Government
മന്ത്രിസഭാ യോഗ തീരുമാനങ്ങള്‍ 23-09-2026
1. മലപ്പുറം, ഇടുക്കി, കോട്ടയം ജില്ലകളിലായി മഴക്കെടുതിയില്‍ ജീവന്‍ നഷ്ടപ്പെട്ടവരുടെ കുടുംബങ്ങള്‍ക്ക് 8 ലക്ഷം രൂപ വീതം ധനസഹായം നല്‍കാന്‍ തീരുമാനിച്ചു.
2. വയോജന ക്ഷേമ വകുപ്പിനെ 'ഡിപ്പാര്‍ട്ട്‌മെന്റ് ഫോര്‍ സീനിയര്‍ സിറ്റിസണ്‍സ്' (മുതിര്‍ന്ന പൗരന്മാര്‍ക്കുള്ള വകുപ്പ്) എന്ന് പുനര്‍നാമകരണം ചെയ്തു.
3. വര്‍ധിച്ചുവരുന്ന റോഡപകടങ്ങളും മരണനിരക്കും കുറയ്ക്കുന്നതിനായി ഗതാഗത വകുപ്പിന്റെ നേതൃത്വത്തില്‍ വിവിധ വകുപ്പുകളെ ഏകോപിപ്പിച്ച് റോഡ് സുരക്ഷാ ക്യാമ്പയിന്‍ സംഘടിപ്പിക്കും. ബോധവല്‍ക്കരണത്തോടൊപ്പം നിയമലംഘനങ്ങള്‍ക്കെതിരെ കര്‍ശന നടപടികളും സ്വീകരിക്കും.
4. കേരളപ്പിറവിയുടെ 70ാം വര്‍ഷത്തോടനുബന്ധിച്ച് 'ഫെസ്റ്റിവല്‍ കേരളം' എന്ന പേരില്‍ രാജ്യമെമ്പാടും ആഘോഷങ്ങള്‍ സംഘടിപ്പിക്കും. ടൂറിസം, നിക്ഷേപം എന്നിവ ആകര്‍ഷിക്കുക, സംസ്ഥാനത്തിന്റെ വികസന പദ്ധതികളും നിക്ഷേപ സാധ്യതകളും തനത് കലാരൂപങ്ങളും രാജ്യത്തിന് മുന്നില്‍ അവതരിപ്പിക്കുക എന്നിവയാണ് ലക്ഷ്യം. ഡല്‍ഹി, മുംബൈ, ചെന്നൈ, ബെംഗളൂരു, കൊല്‍ക്കത്ത എന്നീ പ്രമുഖ നഗരങ്ങളില്‍ ഫെസ്റ്റിവല്‍ കേരളം സംഘടിപ്പിക്കും. സംഘാടനത്തിനായി മുഖ്യമന്ത്രി ചെയര്‍മാനും സാംസ്‌കാരിക ടൂറിസം വകുപ്പ് മന്ത്രി കണ്‍വീനറുമായി പ്രത്യേക മന്ത്രിസഭാ ഉപസമിതി രൂപീകരിച്ചു.
5. പ്രവാസി ക്ഷേമത്തിനായി കാര്യക്ഷമമായ ബദല്‍ സംവിധാനം കൊണ്ടുവരും. നിലവിലുള്ള ലോക കേരള സഭ പിരിച്ചുവിടാന്‍ തീരുമാനിച്ചു. പ്രവാസികളുടെ പണത്തെ നിക്ഷേപമാക്കി മാറ്റുന്നതിന് (Remittance Economy to Investment Economy) വിപുലമായ പദ്ധതി തയാറാക്കും. ഇതേക്കുറിച്ച് പഠിച്ച് നടപടിയെടുക്കാന്‍ മുഖ്യമന്ത്രി ചെയര്‍മാനായി വ്യവസായം, ആഭ്യന്തരം, ആരോഗ്യം, ജലസേചനം എന്നീ വകുപ്പ് മന്ത്രിമാര്‍ ഉള്‍പ്പെടുന്ന ഉപസമിതിയെ നിയോഗിച്ചു.
6. ഇ.എസ്.എ വിഷയത്തില്‍ ജനവാസ കേന്ദ്രങ്ങളും സി.എച്ച്.ആര്‍ (CHR) പ്രദേശങ്ങളും പൂര്‍ണ്ണമായും ഒഴിവാക്കിക്കൊണ്ടുള്ള നിര്‍ദ്ദേശങ്ങള്‍ സംസ്ഥാന സര്‍ക്കാര്‍ കേന്ദ്രത്തിന് സമര്‍പ്പിക്കും. 8590 ചതുരശ്ര കിലോമീറ്റര്‍ പരിധിയിലുള്ള 98 വില്ലേജുകള്‍ എന്ന നിലപാടില്‍ മാറ്റമില്ല. ഇത് സംബന്ധിച്ച് മുഖ്യമന്ത്രിതലത്തിൽ ചർച്ചകൾ നടന്നു വരുന്നു. പരിസ്ഥിതി വകുപ്പ് സമഗ്രമായ മാപ്പ് തയ്യാറാക്കി വരികയാണ്.
1 week ago | [YT] | 71
View 1 reply
Kerala Government
ഓരോ ദിവസവും ഒരുപാട് സ്ത്രീകൾ യാത്രതിരിക്കുന്നു - സന്തോഷങ്ങളിലേക്ക്, സ്വന്തം സ്വപ്നങ്ങളിലേക്ക്...
ആ യാത്രകൾക്ക് താങ്ങായി, പ്രിയദർശിനി 100 ദിനങ്ങൾ പൂർത്തിയാക്കുന്നു.
തികച്ചും സാധാരണക്കാരായ തൊഴിലാളികൾ, സ്വകാര്യ സ്ഥാപനങ്ങളിലെ ജീവനക്കാർ, വിദ്യാർത്ഥിനികൾ തുടങ്ങി സമൂഹത്തിന്റെ നാനാതുറകളിലുള്ള സ്ത്രീകൾക്ക് യാത്രാവകാശത്തോടൊപ്പം വലിയൊരു സാമ്പത്തിക ആശ്വാസവുമാണ് പ്രിയദർശിനിയിലൂടെ സർക്കാർ ഉറപ്പുവരുത്തിയത്.
#KeralamGovernment #iprdkeralam #Priyadarshini #KSRTC
1 week ago | [YT] | 33
View 1 reply
Load more