Marlon Roshan
Welcome to Marlon Roshan Channel.
👉 Enjoyed these songs? Subscribe for more
I am Marlon Roshan, a lyricist (ගීත රචක) and melody maker (තනු නිර්මාණකරු) living in Australia. This channel is dedicated to my original musical creations in the Sinhala language.
From the lyrics to the melodies, I focus on crafting authentic, original songs. Thank you for visiting and listening to my work.
I create my own melody and artistically crafted lyrics as well as stems for music with the help of modern techniques and technology.
Marlon Roshan
Marlon Roshan
මේ Image එකේ තියෙන්නේ මොකක්ද දන්නවද?
මේ තියෙන්නේ AI වලින් හදපු සින්දුවකට වාදක භාණ්ඩ කීපයක් එකතු කරපු විදිහ.
උඩ තියෙන්නේ ට්රැක් එක. ඒ කියන්නේ සින්දුව AI වලින් දුන්න. පල්ලෙහා තියෙන්නේ ඒක හොඳ මදියි කියලා හිතලා එක එක තැන්වලට එකතු කරපු instrument. (වාදක භාණ්ඩ වලින් කරන ලස්සන කිරීම්)
ඉස්සෙල්ලාම කියන්න ඕනේ කාගෙ හරි සින්දුවක කවර් එකක් කරන එක හරිම ලේසියි. මොකද ඒකේ තනුව දැනටම හදලා තියෙන නිසා.
අපි අලුත්ම සිංදුවක් ලියලා AI දුන්නහම මගේ අත්දැකීම අනුව නම් දහයකින් එකක් තමයි හොඳ එකක් හම්බවෙන්නේ.
ඒකෙත් කොටසක් හොඳ වෙනකොට ඉතුරු කොටස හරියන්නෙ නැති වෙන්න පුළුවන්.
මේකට හේතුව ශ්රී ලාංකික සන්දර්භයට මේ AI train වෙලා නැහැ. මොකද ලංකාවේ භාෂාව කුඩයි. සිංදු අඩුයි. ඉංග්රීසි, ප්රන්ස, ස්පාඤ්ඤ, චීන වගේ භාෂාවලින් හදපු සින්දු ලක්ෂ මිලියන ගණන් තියෙන නිසා ඒවට හොඳට ට්රේන් වෙලා තියෙන්නෙ මේ සිංදු හදන කෘතිම බුද්ධිය.
ඒ නිසා අලුතෙන්ම සිංදුවක් ගන්නකොට හරිම අමාරුයි. AI මත රඳා පවතින්න.
දැකලා ඇති කවර් song ලංකාවේ උනත් මිලියන ගණන් බලල තියනව. ඒකට හේතුව ඔරිජිනල් සින්දුව මිනිස්සු දන්නවා සහ ඒකෙ තනුව දැනටම තියෙනවා. ඉතින් ඒ තනුව ලස්සන නිසා කොහොමත් A.I එකෙන් දෙන සින්දුව තවත් ලස්සන වෙන්න පුළුවන්. හැබැයි ඉතින් ඒවා ප්රසිද්ධ වෙච්ච ගමන් කොපි රයිට් වදිනවා.
අලුතෙන්ම සිංදුවක් හදනකොට මේ වැඩේ කරන්න බැහැ. දැනට A.I එකට අදහසක් දුන්නත් හරි හපන් සින්දුවක් ලියාගන්න බැහැ. මේකට භාවිතා කරන්න පුළුවන් හොඳම AI එක වන Gemini හරියට තාලෙට සිංදුව ලියන්න බැහැ. ඒකට මනුස්ස දායකත්වය අවශ්යමයි.
විශේෂයෙන් ශ්රී ලංකාවේ බාසාවට. මං කලින් කිව්වා හේතුව. මොකද මේක කුඩා භාෂාවක් නිසා. මේකේ මාත්රා කැඩෙන තැන්, ඇදෙන තැන් ගැන අවබෝධයක් නැහැ AI වලට. නැත්නම් මේ වෙනකොට අලුතෙන්ම හැදිච්ච සිංදු සීයක් විතර, මිලියන ගණන් මිනිස්සු බලලා,අහලා තියෙන්න ඕන. කෝ එහෙම නෑ නේද? දැන් මේ A.I සිංදු තාක්ෂණය ඇවිල්ලත් මාස අට නවයකට වැඩියි. ඒක තමයි කිව්වේ දැනටම තියන මෙලඩියකට ඇරෙන්න එහෙම දෙයක් හරියට හදාගන්න බැරි නිසා එහෙම ඔය කියන ලේසියෙන් ප්රසිද්ධ වෙන්නෙ නෑ අලුතෙන් සිංදුවක් හැදුවට.
තවත් කතා කරොත්, සමහරු හිතනවා AI නිසා ගායකයන්ට තැන නැති වෙනවා කියලා. මේක බොරුවක්ම කියන්නෙ නෑ. හැබැයි ඔය කියන තරම් ඇත්තකුත් නැහැ.
උදාහරණයට වයලින් ගහන වෘත්තිය නැවතිලා නැහැ. keybord එකෙන් වයලින් ගහන්න පුළුවන් උනාට. ඔන්න ඔය වගේ. තව Electric drum machine එක ආවෙ 80 ගණන්වල. එහෙම ආව කියල acoustic drums නැතිවෙලා නැහැ. මනුස්ස ශිෂ්ඨාචාරය තාක්ෂණය දියුණු වෙනකොට විවිධ විවිධ පාරවල් හම්බෙනවා යන්න. බොහොම කලාතුරකින් තමා එකක් සම්පූර්ණයෙන්ම නැවතිලා අනික එන්නේ. උදාහරණයට දැන් ටයිප් රයිටරය නැහැ computer එක තියෙන නිසා. හැබැයි acoustic guitar එක electric guitar එකෙන් රිප්ලේස් වුනේ නැහැ.
සමහරු තරහයි AI එක්ක
මගේ සින්දු වලටත් පනහක් ලයික් කරොත් පහක් විතර අකමැතියි කියල ඩිස්ලයික් වැටෙනවා. හේතුව මම දන්නවා. සමහරුන්ගේ හිත රිදෙනවා තමන්ගේ වෘත්තිය නැති වෙනවා කියලා. එහෙම වෙන්නේ නැහැ. ගායකයෙකුට ස්ටේජ් එකකට නැගලා සින්දු කියන්න පුළුවන්. A.I වලට එහෙම කියන්න බැහැ.
සාමාන්යයෙන් දන්න විදිහට වාදක භාණ්ඩයක් ප්ලේ කරන්න අමාරු නම්, මෙලඩියක් දාගන්න බැරිනම් ලාංකික සන්දර්භයේ අමාරුයි මේ තාක්ෂණයෙන් ගීතයක් හදන්න. ඉංග්රීසි භාෂාවේ නම් පුළුවන් ඇති. මොකද ඕන තරම් ට්රේන් වෙලා තියෙන නිසා.
කලාතුරකින් මෙලඩියක් මේකෙන්ම ගත්තොත් ඇරෙන්න මම නම් බොහෝ වෙලාවට වචන වලට ගිටාර් එකෙන් ගහලා මෙලඩියක් දාලා හෝ, මෙලඩියට අනුව වචන ලියලා තමයි සිංදුවක් හදන්නේ.
එහෙම කරත් සමහර සිංදු වලට මිනිස්සු පොඩ්ඩක්වත් කැමති නැහැ. සමහර ඒවට කැමතියි. ඕක එක එක අයගේ කැමැත්ත. සීයට පනහක් dislike වැටුණත් ඒක බාරගන්ඩ සූදානම් වෙලා තමා මම නම් සිංදුවක් දාන්නේ youtube. 🙂
තව පෝස්ට් එකකින් හම්බෙමු. ජය.
3 months ago (edited) | [YT] | 1
View 0 replies
Marlon Roshan
AI ගීත කියන්නේ සංගීතයේ අභාවයද එහෙම නැත්නම් Spotify ඒක කලින්ම කරාද?
AI Music වලට සමහරු කැමති නෑ. කෙලින්ම dislike කරනවා. සමහරුන්ට ප්රශ්නයක් නැහැ.
මේ ඇයි?
මේක පොඩ්ඩක් දාර්ශනිකව බලන්න ඕන. ඉස්සෙල්ලාම කැමති නැති සෙට් එකේ psychology පොඩ්ඩක් බලන්න වෙනවා.
කවුරුහරි කෙනෙක් musician කෙනෙක් නම්, මෙයා දන්නවා කොච්චර වෙහෙසක් ගන්න ඕනද instrument එකක් ඉගෙන ගන්න. Music theory ඉගෙන ගන්න. ගායකයෙක් නම්, අවුරුදු ගාණක් practice කරන්න. කොච්චර කාලයක් ගත වෙනවද කටහඬ හදාගන්න, pitch එකට කියන්න.
එතකොට මේ AI music generator වලින්, මේ වැඩේ කවියාට භාර දෙනවා, එහෙම නැත්නම් තනු නිර්මාපකයාට භාර දෙනවා. සිංදු කියන්න ඕනෙත් නෑ, guitar ගහන්න ඕනෙත් නෑ. ඉංග්රීසි බාසාවෙ නම් තනු නිර්මාපකයවයි පද ලියන්නවයි දෙන්නවත් ගලවනවා..
කුඩා භාෂාවක් වන සිංහල නිසා ඒ දෙන්නට තාම ලංකාවේ ඉන්න පුළුවන්.
එතකොට මේ ක්ෂේත්රවල හිටිය අයගේ මහන්සිය devalue වෙනවා කියලා තේරෙනවා. මේ අය කෙලින්ම මේ තාක්ෂණය සමග අවිඥානික ඝට්ටනයක් ඇතිකර ගන්නවා.
Giorgio Agamben කියන දාර්ශනිකයා මේකට කියන්නේ 'gesture' එක කියලා. AI music වලින් මේක තමයි නැති වෙන්නේ. ඒ කියන්නේ අවුරුදු ගාණක මහන්සිය දරපු කෙනාට තමන්ගේ මහන්සියට වටිනාකමක් හම්බෙන්නේ නැති වීම.
අපිට පුරුදු වෙලා තියෙනවා මනුස්සයෝ හැටියට කලා කෘතියක් දැක්කහම ඒ කලා කෘතියේ idea එක පමණක් නෙවෙයි, ඒක කරන්නට ගත වූ වෙහෙස ගැනත් බලලා ඒක අගය කරන්න.
උදාහරණයකට සිංදුවක් මනුස්සයෙක් කිව්වොත් "ආ මේ මනුස්සයා මේක කරා නේද අමාරුවෙන්" කියලා අපි ඒකට කැමති වෙනවා, යම්කිසි දුරකට සිංදුවටත් වඩා. ඒ නිසා අපි ඒකට value එකක් දෙනවා.
ඔන්න ඕක AI වලින් නැති වෙනවා. Idea එක සම්පූර්ණයෙන්ම ප්රේක්ෂකයාගේ ඉස්සරහට ගෙනල්ලා තියෙනවා. කරපු කෙනා පිළිබඳ අවබෝධයක් නෑ.
මම මේක හොඳයි කියනවා නෙමෙයි. මේක තමයි වෙන්නේ.
හැබැයි අපි දැනගන්න ඕන, මේ දේ දැනටමත් වෙලා තියෙන බව බහුතරය දන්නේ නෑ කියලා. AI වලටත් කලින්.
උදාහරණයකට Streaming music platform ගන්න, Spotify වගේ.
දැන් උදාහරණයකට තමන් 2025 හින්දි සිංදුවක් අහනවානම්, අපි දන්නෙ නෑ ඒක කිව්වේ කවුද කියලාවත්, ඒක කොහොම music කරාද කියලාවත්. ඒක ලස්සන නම් අපි අහනවා. අපි ඒ කියන ගායකයා සමග බැඳෙන්නේ නෑ.
හැබැයි රූකාන්ත සිංදුවක් කරනවා නම් අපි දන්නවා රූකාන්ත ඒකට කොච්චර මහන්සි වුණාද කියලා. අමරදේව සිංදුවක් කළොත්, නන්දා මාලනී සිංදුවක් කළොත්, අපි දන්නවා ඒකට කොච්චර මහන්සි වුණාද කියලා. එතකොට අපි ඒ ගායකයා සමග බැඳෙනවා. එහෙම නැත්නම් තනු නිර්මාපකයා පද රචකයා සමග බැඳෙනවා.
AI වලින් කරලා තියෙන්නේ මේ බැඳීම අයින් කරලා කෙලින්ම ප්රේක්ෂකයාට, අසන්නාට සිංදුව දීම; පුද්ගලයා කවුද කියලා බලන්නේ නැතුව දීම.
හැබැයි මේ දේම මම ඉස්සෙල්ලා කිව්වා විදියට Spotify වලිනුත් වෙලා තියෙනවා. එතකොට මේ අලුත් සමාජ වෙනස AI වලින් කරපු දෙයක් නෙමෙයි, ඊට කලින් වෙලා තිබුණු දෙයක්. AI වලින් කරන්නේ ඒ දේ කූටප්රාප්තියට පැමිණවීම.
අවසාන අදහස නම්, සමහරුන්ට සිංදුව feel වෙන්නේ කොහොමද කියන එක විතරයි වැදගත්. හැදුවේ කවුද, කොච්චර අමාරු වුණාද කියන එක ගැටලුවක් නෑ. හැබැයි සමහරුන්ට ඒක තාම ගැටලුවක්. ඒ අය මේකට කැමති නැති වෙන්න පුළුවන්.
හැබැයි තාමත් ශ්රී ලාංකික ගීත රචකයාට, තනු නිර්මාපකයාට තැන තියෙනවා. ඇයිද කිව්වොත්, මේ AI tools ඔක්කොම train වෙලා තියෙන්නේ විශාල languages වල, ඒ කියන්නේ English, Spanish, French වගේ. එතකොට AI වලට කියලා පද රචනයක් හරියට ලියාගන්න බැහැ සිංහලෙන්, තාම තියෙන හොඳම language model එකට වුණත්.
මොකද, ලඝු ගුරු අක්ෂර, vowels වලින් ඉවර වෙන වචන පිළිබඳ තාම මේ language models වලට අවබෝධය අඩුයි. ඒ නිසා ගීත රචකයෙක් තමන්ගේ හැකියාවෙන් සිංදුවක් ලිව්වොත්, ගීත රචකයා හොඳ නම්, ඒ සිංදුව බොහෝ විට AI වලින් ලිව්වට වඩා හොඳයි. AI වලට හරිම අමාරුයි හරි තාලයට සිංදුවක් ලියාගන්න.
මේක English වලින් පුළුවන් වුණාට සිංහල සංගීතයට බැහැ. අපි හිතමු තව අවුරුදු පහ දහයකට බැරිවෙයි කියලා.
මේ නොහැකියාව සහ තනු නිර්මාණයේ AI වලට දැනට ඇති දුර්වලතාවය ප්රයෝජනයට අරගෙන මමත් සිංදු වගයක් කරලා තියෙනවා. කැමතිනම් බලන්න, මගේ channel එකේ ඇති.
ආපහු post එකකින් හමුවන්නම්.
Marlon Roshan
5 months ago | [YT] | 5
View 2 replies