Ayesha Sandagiri

උපදේශනය යනු කුමක්ද?
------------------------------------------
මගේ වෘත්තිය නිසාවෙන් බොහෝ සේවාලාභීන් මට මුණගැහෙනවා විතරක් නෙවෙයි මගේ හිතවතුන් පවා මාත් එක්ක උපදේශනය පිළිබඳව කතා කරනවා.

"ඔයාගේ ජොබ් එක අඩු වැඩි වශයෙන් මමත් කරනවා.අදත් කෙනෙක්ව අල්ලගෙන හොඳ උපදේශනයක් දුන්නා."

මෙහෙම කියන අය ඕනෑතරම් .මේ කතාවලින් මට පෙනෙන තේරෙන එක් දෙයක් තියෙනවා. ලෝකෙ කොයිතරම් දියුණු උනත් අපි තවම උපදේශනය (Counseling ) ගැන දන්නේ නෑ කියන කාරණාව.

ඉතින් අපි සරළව මේක ලිහා ගමු.

🤔 උපදේශනය කියන්නේ උපදෙස් දෙන එකටද? ඔයාට උපදෙස් දෙන්නද මනෝ උපදේශකවරයෙක් ඉන්නේ?

නැහැ.උපදේකවරයා ඔයාට උපදෙස් දීම කොහොමටවත් කරන්නේ නැහැ.ඔයාටම ඔයාගේ ජීවිතේ ගැන නිවැරදි තීරණ ගන්න ඔහු මනෝවිද්‍යාත්මකව ඔබට උදව් කරනවා උපදෙස් දීමකින් තොරව..

🤔 මොකක්ද ඇත්තටම උපදේශනය කියන්නේ???

පුද්ගලයාට විවිධ අර්බුධ නිසාවෙන් මානසික ගැටලු ඇති වීම සිදු විය හැකි අතරම එම මානසික ගැටලු සඳහා මනෝවිද්‍යාත්මක මැදිහත්වීමක් අත්‍යවශ්‍ය වෙනවා. එසේ මැදිහත්වීමක් අවැසි වන අවස්ථාවන්හිදී උපදේශනය පුද්ගලයාට සේවය සලසනවා.

උපදේශකවරයා මනෝවිද්‍යාත්මක අංශ වලින් පුද්ගල විභවතාවයක් සංවර්ධනය කොට ,අදාල මානසික ගැටලුව අවම කර ගැනීමට සේවා ලාභියාගේ මනස ශක්තිමත් කිරීම් උපදේශනය තුළින් සිද්ධ වෙනවා.

සරළවම ඔයාගේ ප්‍රශ්නෙ ඔයාට විසඳගන්න ඕනෙ කරන ශක්තිය ඔයා තුළ ගොඩනගනවා.

🤔 මේකෙදි බෙහෙත් බොන්න දෙනවද??

උපදේශක වරයෙක් බෙහෙත් බොන්න දෙන එක සිද්ද කරන්නේ නැහැ .ඒ දේ කරන්නේ මනෝචිකිත්සක වරයෙක්.ඒ වගේම උපදේශනයේදී බෙහෙහෙත් නියම කළ යුතුම වෙන්නේ නැහැ.උපදේශනයේදී බෙහෙත් දෙන එකට වඩා අවධානය යොමු කරන්නේ ඔයාගේ ගැටලුව විසඳගන්න ඔයාගේ මනස ශක්තිමත් කරන එක.

🤔 ඔයා උපදේශනයට යනවා කියලා අනිත් අයත් දැන ගනීද?

උපදේශනය කියන්නේ ඉතා වෘතීමය කාරණාවක්.ඒකෙදි පළමු දේ වෙන්නේම රහස්‍යභාවය .ඔයාගේ කැමැත්තකින් තොරව කිසිම දෙයක් අනෙක් කෙනෙක්ට නොකියන්න උපදේශකවරයා බැදිලා ඉන්නවා.

🤔 කාට හරි බලේට එයාගේ උවමනාවක් නැතිව උපදේශනය කරන්න පුළුවන්ද?
බැහැ .මේක මනස,චර්‍යාව, චිත්තවේග එක්ක කරන ක්‍රියාවලියක්. ඒ නිසා ඒ වෙනුවෙන් පුද්ගල කැමැත්ත අත්‍යවශ්‍යයි .

🤔 තවත් විස්තර දැන ගන්න ඕනේ වගේද?

අනිවාර්යයෙන්ම කමෙන්ට් එකක් දාන්න

අයේෂා සඳගිරි

2 months ago | [YT] | 16

Ayesha Sandagiri

"නායකයෙක් පළමුවෙන්ම වෙනස් විය යුත්තේ අභ්‍යන්තරයෙන්. යමෙක් සිය අභ්‍යන්තරික අභියෝග ජයගත් විට ඔහුට නායකත්ව භූමිකාව මනාසේ හැසිරවිය හැකියි. ඒ නිසාවෙන් අභ්‍යන්තරික ගුණාංග හා දුර්වලතා හදුනාගනිමින් තමා සවිබල ගැන්වීම අතිශයින් වැදගත්. "

මේ ඇල්ලලමුල්ල ශ්‍රී රණතුංගාරාමයේ දහම් පාසලේ 2026 වසරේ අභිනව ශිෂ්‍යනායක මණ්ඩලය. නිල ලාංජන පැළඳවීමට පෙරාතුව ශිෂ්‍ය නායකයන් දිශානුගත කිරීමේ වැඩසටහන් මාලාවේ පළමු වැඩසටහන 2026 පෙබරවාරි 22 දිනයේ සිදු උනා.

පුරා හෝරා දෙකක් තිස්සේ " Authentic self" හදුනාගනිමින් ස්වයං නායකත්වයක් වර්ධනය කිරීම වෙනුවෙන් එදින ක්‍රියාකාරකම් පාදක කරගනිමින් දරුවන් අභිප්‍රේණය කරන්නට මා හට අවස්ථාව ලැබුනා.

දෙවන වතාවටත් මේ වෙනුවෙන් මා හට ආරාධනා කළ නිට්ටඹුව විද්‍යානන්ද පිරිවෙන් විහාරවාසී නිට්ටඹුව විද්‍යානන්ද ජ්‍යාත්‍යන්තර දහම් පාසලේ නියෝජ්‍ය ප්‍රධානාචාර්‍ය, අධ්‍යාපනවේදී පදියපැලැල්ලේ විපුලසාර ස්වාමීන්වහන්සේට බෙහෙවින්ම ස්තූතියි.

Skip the Carousel

1 2 3 4 5

4 months ago | [YT] | 10

Ayesha Sandagiri

ඔබ මේ මොහොත ජීවත් වෙන්නේ අසීරු අවස්ථාවක නම් මම ඔබට මතක් කරනවා ඔබේ ජීවිතයේදී ඔබ මුහුණපාන අති දුෂ්කර දේ ඔබේ ජීවිතය විශිෂ්ට එකක් බවට පත් කිරීමට උදව් කරනවා කියලා.මේ මොහොතේ ඔබට දුකක් පීඩාවක් වෙන දේ ඔබව මානසිකව සවිමත් කරනවා කියන දේ අතිශෝක්තියක් නෙවෙයි.  අධික පීඩනයක් යටතේ තමයි මේ ලෝකෙට වටිනාකමෙන් වැඩි මැණික් ගලක් බවට පරිවර්තනය වෙන්නේ.


මේ මොහොතේ එය වේදනාවක් හැටියට දැනුනත් ඉදිරියට ගිහින් බලනකොට " ඒ දේ වුනේ හොඳට " කියලා අපිට හිතෙන්න පටන්ගන්නවා.

ඒ නිසා අත නොහැරම අසීරු අවස්ථාවන්වලට සන්සුන්ව මුහුණ දෙන්න. නැවතිල්ල හිතල බලලා ප්‍රශ්න වලට හොඳම විසඳුමට යන්න. තනිව විසඳා ගත නොහැකි ගැටළුවක් නම් වෘත්තීය සහායක්  වෙත යොමු වෙන්න.


සුබ දවසක් ඔයාට💐


අයෙෂා සඳගිරි.

වෘත්තීය මනෝ උපදේශක

📞 071 5912591 (Whatsapp)

4 months ago | [YT] | 10

Ayesha Sandagiri

හිතන්න,ඔයා දකිනවා ඔයා ඉන්න තැනට එහා පැත්තෙන් සිමෙන්ති කොට්ටයක් තියෙනවා කියලා.ඒ සිමෙන්ති කොට්ටේ නිසා අපිට දුකක් හරි සතුටක් හරි ඇතිවෙන්නේ නැහැ.මොකද ඒක අපේ නොවන නිකම්ම නිකන් සිමෙන්ති කොට්ටයක් විතරයි.

ටික වෙලාවකින් ඔයා මේක ඔයාගේ කරගන්න හිතාගෙන මේ සිමෙන්ති කොට්ටෙ කරේ තියාගන්නව. සිමෙන්ති කොට්ටෙ බරයි. ඔයාට වෙහෙසක් ඇතිවෙනවා.වේදනාවක් ඇති වෙනවා. "අනේ මේ සිමෙන්ති කොට්ටේ උස්සන්න මට කවුරුත් උදව් කරන්නේ නෑනෙ" කියලා හිතලා දුකක් ඇතිවෙන්න පටන් ගන්නවා. ඊට පස්සේ අපේ ළඟම ඉන්න මිනිස්සු ගැන කේන්තියක් එනවා.

පැයකට විතර පස්සේ ඔයා සිමෙන්ති කොට්ටෙ බිම තියෙනවා.ඔයාට පුදුම තරම් සැහැල්ලුවක් දැනෙනවා.සැනසීමක් දැනෙනවා.සතුටක් දැනෙනවා.

මුලින්ම මගේ නොවෙන සිමෙන්ති කොට්ටේ මගේ කරගත්තහම දැනෙන වේදනාවත් ,ඒක බිමින් තිබ්බහම දැනෙන සතුටත් කියන්නේ මගේ ක්‍රියාව සිතුවිලි නිසාම ගොඩනැගෙන දෙයක්.එහෙම නැතුව වරද තියෙන්නේ සිමෙන්ති කොට්ටෙ නෙවෙයි.

ඉතින් ඔයා දන්නවද ඔයයි මමයි එකතු වෙලා මේ වගේ සිමෙන්ති කොට්ට ගොඩාක් කරේ තියාගෙනඉන්නවා. ඒ නිසාම අපි දුකින් වේදනාවෙන් පීඩාවෙන් ඉන්නවා. ඒක එහෙමනම් ඇත්තටම අපි මොකක්ද කරන්න ඕනේ?

මට පුළුවනි සිමෙන්ති කොට්ටෙ මගේ නොකරගෙන හදවතට එකඟව අවංකව මගේ රාජකාරිය කරන්න. සිතුවිල්ලකින්වත් වැරැද්දක් නොකර මම කළ යුතු දේ කරන්න. අනිත් අයගේ දෛනික ගමනට සිමෙන්ති කොට්ටේ බාධාවක් නම් අපිට පුළුවන් ඒක අයිනට තල්ලු කරන්න. සිමෙන්ති කොට්ටේ වැස්සට තෙමෙනවා නං අපිට පුළුවන් ඉටි කොලයකින් වහලා දාන්න.ඒකට සිමෙන්ති කොට්ටේ මගේ කරගෙන උස්සගන්නම ඕනේ නැහැ.

ඒත් මේ කියන මටත් තවමත් බිමින් තියාගන්න බැරි උන සිමෙන්ති කොට්ට කිහිපයක් තියෙනවා. ඒ දේවල් මගේ කරගෙන ඉන්න නිසා මගේ හිතට පීඩාවක් අසහනයක් දැනෙන අවස්ථා නැතුවම නෙවෙයි.ඒත් ඒ හැම වෙලාවකම මේ දර්ශනය යළි යළිත් මතක් කරගන්න මම උත්සාහහ කරනවා.

========================
📷 Shashiranga Sandagiri

✒️අයේෂා සඳගිරි

7 months ago | [YT] | 19

Ayesha Sandagiri

මම ඔබට නැවත නැවතත් මතක් කරනවා, සතුට කියලා කියන්නේ ඔබේ ජීවිතයේ එක්තරා තීරණාත්මක තෝරාගැනීමක්.
ඔබේ ජීවිතය පුරාවටම දුකත් සතුටක් එක හා සමානව පවතිනවා. ඒ දෙක අතරින් සතුට කියන දේ ඔබ විසින් තෝරාගත යුතුයි.
ඔබ තෝරා ගත් දේ ඔබට ලැබෙන්න පටන් ගන්නවා. හැබැයි මේකට ඉතා කුඩා රහසක් තියෙනවා.
ඔබේ සතුට වෙනුවෙන් ඔබ අභ්‍යන්තරිකවත් වෙනස් විය යුතුයි. සියල්ලන්ටම යහපත ප්‍රාර්ථනා කරන මානසිකත්වයක් ගොඩනගා ගත යුතුයි. අනෙකාගේ අයහපත ප්‍රාර්ථනා කරන ගමන් ඔබට ඔබේ යහපත දක්වා යන මාර්ගය හොයාගැනීමම අපහසු වෙනවා.
ද්වේශ සහගතව සමාජය දිහා බලන ගමන් ඔබේ ජීවිතයේ සාමය ප්‍රාර්ථනා කිරීම විහිළුවක් බවට පත්වෙනවා.
ඒ නිසා පළමුව ඔබ වෙනස් වෙන්න.ඔබේ අභ්‍යන්තරය සුවපත් කරගන්න.ඔබ තුළ ඇති ගැටළු තුළින් එළියට එන්නට මාවත සකසා ගන්න.
අන්න ඒ මොහොතේදී ඔබේ ජීවිතයේ සැබෑ සතුට ඔබ කරා පැමිණේවි.
සුවදායී සතියක් වේවා♥️

8 months ago | [YT] | 7

Ayesha Sandagiri

ඔබට හැමදාමත් හිතෙනවද ජීවිතේ එකම තැන කියලා.මොන තරම් දේවල් කළත් හරියන්නෙ නැහැ කියලා. ඔබ අවාසනාවන්තයි කියලා?

මේකට හේතුව ඔබේ අවාසනාව හෝ දිනන්නාගෙ වාසනාව නොවෙයි. අපි හැම වෙලාවෙම එකම දේ එකම විදියට කරන ගමන් වෙනස් ප්‍රතිඵල බලාපොරොත්තු වෙනවා. ඔබට උසස් බලාපොරොත්තු , අරමුණු තියෙනවා. නමුත් ඔබ එකම ක්‍රියාවලිය සිදු කරමින් ඔබේ අරමුණ ඉටු නොවන වගට චෝදනා කරනවා.

ඔබ අවදි වෙන්නේ උදේ 6ට .සුපුරුදු විදියට ඔබ ප්‍රමාදයි. වැඩට යනකොට රතු ඉර වැදිලා.බොස්ගේ මූණ දෙක වෙලා. ඔබ චෝදනා ලබලා. ඒත් ඔබ හිතනවා ඔබ ක්ෂේත්‍රයේ දක්ෂයෙක්.ඒ නිසා ඔබට ප්‍රමෝෂන් එක ලැබෙන්න ඕනේ කියලා. ඒක නොලැබෙන්නේ බොස් ඔබට ඊර්ෂ්‍යා නිසා කියලා. හැමදාම මේ ක්‍රියාවලිය වෙනවා. ඔබට ප්‍රමෝෂන් , ඉන්ක්‍රිමන්ට් මග හැරෙනවා.ඔබේ ක්‍රමය වෙනස් කරලා බලන්න. හැමදාම කරන දේට වඩා ධනාත්මක වෙනසක් කරලා බලන්න.

ඔබ ෆෝන් එකත් එක්ක හරිම සමීප ගනුදෙනුවක් තියෙනවා. ඔබට ඒ හරහා මුණගැහුන දුරස්ථ යාලුවො ගොන්නක් ඉන්නවා. එයාලා එක්ක චැට් කරන්න, ශෝෂල් මීඩියා ඇතුළෙ කරක් ගහන්න ඔබට ලොකු වෙලාවක් වෙන් වෙනවා. අද දවසේ කරන්න තියෙන පාඩම් ටික මඟ හැරෙනවා. විභාගෙ ළං උනාම ඔබ ස්ට්‍රෙස් වෙනවා. විහාගය රිපීට් වෙනවා, ෆේල් වෙනවා. මේක හැමදාම වෙනව. ඔබට ඉගෙන ගන්න එක එපා වෙනවා. ඉගෙනීම අත් හැරීම පසෙක දාලා ඔබේ ගමන වෙනස් කරලා බලන්න.

ඔබේ යහපත් අරමුණු වෙනස් කරන්න එපා.එයට යන පාර වෙනස් කරලා බලන්න.

සුබ දවසක්.!

11 months ago | [YT] | 8

Ayesha Sandagiri

මගේ යූ ටියුබ් චැනලය හරහා උපදේශනය සම්බන්ධව ඔබේ ගැටලු වලට පිළිතුරු දෙන්න මම සූදානම්.
ඔබේ ගැටලුව මෙහි කමෙන්ටුවක් ලෙස හෝ Ayesha Sandagiri face book පිටුවේ පණිවිඩයක් ලෙස හෝ තබා යන්න.
මාර්තු අවසානයේ අපි ඒ ගැටලු සමඟ මුණගැහෙමු .

1 year ago | [YT] | 19

Ayesha Sandagiri

ඔබ දන්නවා සමනලයෙකුගේ ජීවන චක්‍රය ගැන.සමනලයා ජීවිතය පටන් ගන්නේ බිත්තරයකින්.ඊට පස්සේ පණුවෙක් විදිහට.හැබැයි එයා කාලයක් එක්ක හරි ලස්සන සමනලයෙක් වෙනවා.පණුවයි සමනල යැයි කියන්නේ දෙන්නම එක්කෙනෙක්.ඒත් සමනලයගේ සහ පණුවගේ බාහිර ස්වරූපය,සංචරණය කරන ආකාරය,ආහාර අවශ්‍යතාවය ආදී මේ සියල්ලම වෙනස්.

ඉතින් ඔබ දන්නවද? ඔබ ළඟ ඉන්න දරුවත් මේ වගේ.දරුවා වැඩෙන්නේ වයසින් විතරක් නෙමෙයි.මානසිකව වැඩෙන දරුවගේ අවශ්‍යතාවයන් ඒ ඒ වයසට අනුව වෙනස් වෙනවා කියන කාරණාව අතිශයෝක්තියක් නෙමෙයි.ඒ ඒ වයසට දරුවාට ආදරය කළ යුතු ආකාරය පවා වෙනස්.

දෙමාපියභාවය,කියන්නේම මේ අවබෝධය ඔස්සේ යන විද්‍යාත්මක කාරණාවක්. මේ කාරණාව ගැඹුරින් සාකච්ඡා කරන්නට පසුගිය දිනක British Way English Academy ආයතනයේ නිට්ටඹුව ජාත්‍යන්තර පාසලේ 2025වසර සඳහා පළමු ශ්‍රේණියට දරුවන් ඇතුළත් කර ගැනීමේ උත්සවයට ආරාධනා ලැබීම අතිශය සතුටට කරුණක්.

ඉතින් ආදරණීය දෙමව්පියනි, දරුවා වෙනුවෙන් මුදල් වියදම් කරනවා සේම දැනුවත් වෙන්න,වෙනස් වෙන්න එය ඔබේ දරුවාගේ අනාගතය වෙනුවෙන් විශාල ආයෝජනයක් වේවි.

Ayesha Sandagiri
Professional counselor,
Visiting Lecturer
📞+94715912591

1 year ago | [YT] | 21

Ayesha Sandagiri

නාසිස්ම සහකරුගෙන් ඉවත්ව මාසය යි...

මේ තීරණේ ගන්න ගොඩාක් බය වුනා. එයාට බයේ, සමාජයට බයේ අවු.10 හිර වෙලා හිටියා. තාමත් මගේ දරුවා එයා ලග.දරුවා ගන්න නීතියෙන් කටයුතු කරමින් ඉන්නේ . එතන විතරයි පොඩ්ඩක් හිර වෙලා ඉන්නේ . නමුත් මේ එයාගෙන් ඉවත් වුනු මගෙ ජීවිතේ ගැනයි.

1. හැම වේලේම බයින් හිටපු, කතා කරන්න , හිනාවෙන්න බය වුනු ජීවිතය නැති වුනා .

2. නිදහසේ හුස්ම අරගෙන , මම මමම වෙමින් ඉන්නවා. මානසික නිදහස දැනෙනවා 100% .
3. හැමදාම තිබුණු කායික ලෙඩ ( හිසරදය , දත් කැක්කුම් , ඇග රිදීම්, කන් කැක්කුම් , කරකැවිල්ල , ගැස්ටිුක්) 100% ක්ම හොඳයි.
4. හැම තිස්සේම හිත සතුටින්, සැහැල්ලුවෙන්.
5. ඉස්සර කන්න ආසාවෙන් හිටපු හැම කෑම ජාතියක්ම සතුටින් කෑවා.
6. අදින්න අකමැති කිසිම ඇදුමක් ඇන්දේ නෑ .
7. ඉස්සර යන්න තහනම් වුනු, යන්න ආසාවෙන් හිටපු මගේ ම නංගීගේ මහත්තයාගේ මහ ගෙදරට ගියා. ඒ පවුලේ අයත් එක්ක කෑම වේලක් කෑවා.
8. ඉස්සර යන්න තහනම් වුනු මගේම මල්ලිත් එක්ක ටවුන් එකට ගියා බයික් එකෙන් .
9. ආසාවෙන් හිටපු විදියටම බස් එකේ ගියා කුරුණෑගලට.
10. ⁣පොත් කඩ ගානේ ඇවිද්දා . මම කැමති පොත මිලදී ගත්තා. නිදහසේ පොත් තේරුවා.
11. නිදහසේ සැහැල්ලුවෙන් වාඩිවෙලා කොත්තුවක් කෑවා.
12. අවු. 10 කටම ලග ඉදන් සමරන්න නොලැබුණු අප්පච්චිගේ උපන් දිනය සතුටින් සැමරුවා.
13. අවු. 10 කටම හෝදලා දෙන්න බැරි වුනු අම්මාගේ රෙදි ටිකක් හෝදලා දුන්නා .
14. අක්කා කෙනෙක් හැටියට මගේ නංගිගේ දෝණිව ආදරෙන් බලාගන්න මට බැරි වුනා. මේ මාසෙම ආදරෙන් එයාව බලා ගත්තා. එයා ආසා දේවල් ගෙනත් දුන්නා.
15. මගේම පෝන් එකට දාන්න තහනම් වුනු මම කැමති දේවල් ආයෙත් මගේ පෝන් එකට එකතු වුනා .
16. ෆේස්බුක් එක ආයේ හදලා පාසල් කාලේ යාළුවෝ ටික ආයේ එකතු කරගත්තා.
17. පුංචි ව්‍යාපාරයකට පලවෙනි අඩිය තිබ්බා.
18. යන්න බැරි වුනු අංගුලිමාල සෑය වදින්න තනියම ගියා .
19. නීති රීති නැතිව මගේ පවුලේ අයත් එක්ක අවු .10 පස්සේ සැනසීමෙන් , සතුටින් ජීවත් වුනා.
20. මම කැමති විදියට කොණ්ඩය පාට කලා. මූණට ෆේෂල් එකක් කලා.

ඇත්තටම මට දැන් දැනෙනවා ජීවිතේ හරි ලස්සනයි කියලා . මේ තීරණය ගන්න මට හයිය දුන්නු මගේ දෙමාපියන්ට, නංගීට ,මල්ලීට , අයේෂා මහත්මියට, දරුවා ගන්න උදව් කරන හැමෝටම ගොඩාක් පින්. 🙏
නාසිස්ම කෙනෙක් එක්ක දුක් විදිනවා නම් කවුරු හරි ඒ ජීවිතය ශක්තිය ලැබේවා ගැලවෙන්නට.

====================================
මේ මාහා සම්බන්ධ වූ සේවාලාභිනියකගේ වචන වන අතර ඇගේ කැමැත්ත මත, තවකෙකුගේ හිතසුව පිණිස එය මගේ පිටුව මත මෙසේ රදවා තබමි.
ස්තූතියි ඇයට♥️

අයේෂා සඳගිරි
වෘත්තීය මනෝඋපදේශක

1 year ago (edited) | [YT] | 27

Ayesha Sandagiri

"People are disturbed not by events along.But by the viwes they take of them"
-Epictetus-

ඔයා මේ වෙලාවෙ ඉන්නේ දුකකින් අවුලකින්නම්, අපහසුතාවයකින් නම්, ඒකට හේතුව මොකක් කියලද ඔයා හිතන්නේ? මේකට එක තප්පරයක් උත්තර දීලා ඉදිරියට යන්න.
.
.
ඔයාට ඔයාගේ අපහසුතාවයට දුකට හේතු ගොඩක් ඇති ඒම ඒකට ඔයා වටේ ඉන්න අය,සිදුවීම් හේතු වුණා කියලා ඔයා හිතනවා ඇති. විනාඩියක් හිතුවොත් , ඒ සිදුවීම හෝ පුද්ගලයන්ව වෙනස් කරන්න ඔයාට බැහැ.
නමුත් ඒ සිදුවීමට,පුද්ගලයින්ට ඔයා දක්වන ප්‍රතිචාරය වෙනස් කරන්න ඔයාට පුළුවන්.

අපි ගොඩක් වෙලාවට ප්‍රශ්න ඇති කරගන්නේ ඇතිවෙන සිදුවීම් නිසා නෙවෙයි.ඒ දෙස අපි බලන දෘශ්ඨිකෝණය මත හෝ ඒ දේට අපි දක්වන ප්‍රතිචාරය මත. එකම සිදුවීමකට පුද්ගලයන් දෙදෙනෙක් දක්වන්නේ ප්‍රතිචාර ද්විත්වයක්. ඒ නිසාම එයාලගේ ජීවිතේ ඒකෙන් සහමුලින්ම වෙනස් වෙනවා.
මට මුණගැහෙනවා එක වතාවක් විභාගය අසමත් වූ නිසා නැවත කිසිම දිනයක එම විභාගයකට මුහුණ දීමට කැමැත්තක් නැති දරුවෙක්. නමුත් ඒ විභාගයටම අනෙක් දරුවන් මුහුණ දීලා ඒ කඩුල්ලෙන් එතෙර වෙනව.

එකම සිදුවීම, නමුත් ප්‍රතිචාර ද්විත්වයක්.
ඉතින් ආදරණීය හිතවත, සිදුවීම වෙනස් කරන්න බැහැ ඔයාට.හැබැයි ඒ සිදුවීම දකින කෝණය සහ ඔයාගේ ප්‍රතිචාරය වෙනස් කරන්න පුලුවන් ඔයාට.

සුබ දවසක්♥️

අයේෂා සඳගිරි
වෘත්තීය මනෝඋපදේශක

1 year ago | [YT] | 7