• Radio SHARRI… është radio e parë shqiptare në Dragash, e themeluar më 25 qershor të vitit 1999, dhjetë ditë pas çlirimit të Kosovës. Si medium i vetëm në shqip dhe i pavarur, dëgjueshmëria ishte e pakontestueshme në atë kohë, por që edhe sot, kur mbi këtë hapësirë janë shtuar mediat, si dhe përqëndrimin e qytetarit e marrin rrjetet sociale dhe format tjera në internet, Radio SHARRI vazhdon të mbetet në rolin e pazëvëndësueshëm!
Radio SHARRI... sipas sondazheve më të fundit, llogaritet të ketë qasje tek një audiencë, prej afërsisht 500 mijë banorësh, prej të cilëve, rreth 55% i përcjellin programet tona, në frekuencat 96.4 MHz, si dhe përmes internetit.