Swaminarayan Dhun

🌿 સ્વામિનારાયણ ધૂન ના મુખ્ય ફાયદા

1️⃣ મનને શાંતિ મળે છે
ધૂન સાંભળવાથી મન શાંત થાય છે, ચિંતા અને તણાવ દૂર થાય છે.

2️⃣ એકાગ્રતા વધે છે
વિદ્યાર્થીઓ અને ધ્યાન કરનાર માટે ખૂબ લાભદાયી છે.

3️⃣ નકારાત્મક વિચારો દૂર થાય છે
ધૂન મનમાંથી નકારાત્મકતા દૂર કરી સકારાત્મક ઊર્જા ભરે છે.

4️⃣ ભક્તિભાવ મજબૂત બને છે
ભગવાન સાથેનો આત્મિક સંબંધ વધુ ગાઢ બને છે.

5️⃣ ઊંઘ સારી આવે છે
રાત્રે ધૂન સાંભળવાથી ઊંઘની સમસ્યા દૂર થાય છે.

6️⃣ ક્રોધ અને અશાંતિ ઘટે છે
મન સ્થિર થાય છે અને સ્વભાવ શાંત બને છે.

7️⃣ ઘરનું વાતાવરણ પવિત્ર બને છે
ઘરમાં ધૂન વગાડવાથી સકારાત્મક વાતાવરણ રહે છે.

8️⃣ ધ્યાન અને યોગમાં મદદરૂપ
મેડિટેશન અને યોગ દરમિયાન ધૂન ખૂબ અસરકારક છે.

1 month ago | [YT] | 7

Swaminarayan Dhun

સત્સંગનું ફળ

કૃપાવચનમ્ : સત્સંગમાં આવ્યા પછી We want Result. Result મળ્યું કોને કહેવાય ?

માત્ર કથાશ્રવણ, સેવા, દાન-ધર્માદા કરવા એ રિઝલ્ટ નથી. આપણા વાણી-વર્તનમાં બદલાવ આવે, દેહદૃષ્ટિ ટળી દિવ્યદૃષ્ટિ થાય ત્યારે રિઝલ્ટ મળ્યું કહેવાય. સૌ અનાદિમુક્તોનો દિવ્ય સમાજ છે એવો દિવ્યભાવ વર્તે ત્યારે આપણાં વાણી અને વર્તન બેયમાં દિવ્યભાવના ફુવારા છૂટે.

પ્રસંગમ્ : એક વખત મુક્તરાજ સોમચંદબાપા તેમનાં બહેન દિવાળીબાના ઘરે ગયા હતા. દિવાળીબા તેમના દીકરાને ભૂલ બદલ વઢતાં વઢતાં એક અપશબ્દ બોલી ગયાં.

સોમચંદબાપાના કાન પર આ શબ્દો પડયા. સાંભળતાંની સાથે જ તેઓ અતિશે ઉદાસ થઈ ગયા. સોમચંદબાપાને જમવા માટે બોલાવ્યા તો તેઓએ જમવાની ના પાડી. કારણ પૂછ્યું તો બહેનથી બોલાયેલા અપશબ્દના પ્રાયશ્ચિત્ત રૂપે પોતે જમવાના નથી એમ જણાવ્યું.

આ સાંભળી દિવાળીબા ખૂબ દિલગીર થઈ ગયાં અને સોમચંદબાપાની ખૂબ માફી માગી, દીકરાની માફી માગી અને ફરીથી ક્યારેય આવા અપશબ્દ નહિ બોલવાનું વચન આપ્યું ત્યારે સોમચંદબાપા રાજી થયા.

આમ, સત્સંગી થયા બાદ એક સત્સંગીને શોભે તેવી દિવ્યભાવ સોતી વાણી બોલવી જોઈએ.

સ્વદર્શનમ્ : સત્સંગમાં કે વ્યવહારમાં ક્યારેય આપણાથી કટુ વાણી કે અપશબ્દો ન બોલાવાં જોઈએ.

1 month ago | [YT] | 0

Swaminarayan Dhun

અહંકારયુક્ત વાણી

અહંકારી, ઉગ્ર અને અવિવેકી વાણી આપણાં તન-મન બેય ઉપર આડઅસર કરે છે તેમ મૃદુ અને વિવેકી વાણી આપણા તન-મનને તંદુરસ્ત રાખે છે.

રશિયાના એક રાજમાર્ગ પર એક લશ્કરી અધિકારી ઊભા હતા. ત્યાં એક ગામડિયા જેવા લાગતા માણસે આવીને પૂછ્યું કે, “કાલેગા જવાનો રસ્તો ક્યાં છે?”

અધિકારીએ તોછડાઈ વાપરીને કહ્યું: “મને સલામ કર્યા સિવાય કશું પૂછતાં શરમ નથી આવતી?” ગામડિયાએ કહ્યું: “આપ કોણ છો?”

અધિકારીએ કહ્યું: “હું રશિયન સૈન્યનો મેજર છું. મારા હાથ નીચે ત્રણ હજારનું લશ્કરી દળ છે. પણ તું કોણ છે ? શું કરે છે ? તારું નામ શું છે?”

ગામડિયાએ કહ્યું: “હું પ્રભુનો ભક્ત છું અને પ્રજાનો સેવક છું. મારું નામ ઍલેક્ઝાંડર છે.” અધિકારી પગમાં ઢળી પડયો અને કહ્યું, “મને માફ કરો."

સમ્રાટે કહ્યું, “પ્રજા પ્રત્યે સૌજન્ય રાખવું. નમ્રતાથી જ ઊંચા થવાય છે. અક્કડ રહીશ તો એક દિવસ તૂટી જઈશ.”

આમ, અહંકારવાળી વાણી પતન કરાવે છે.

સ્વદર્શનમ્ : અહંકારી વાણીનો પ્રયોગ ન કરીએ.

1 month ago | [YT] | 2

Swaminarayan Dhun

1 month ago | [YT] | 18

Swaminarayan Dhun

હે મહારાજ, હે દયાળુ ! અનાદિકાળથી પંચવિષયમાં પ્રીતિવાળો બનેલો આ જીવ, આજના મહાવિષયી વાતાવરણમાં દારૂ, માંસ, સિગારેટ, બીડી, તમાકુ, પાન-મસાલા, ગુટખા, ચા, કૉફી, આદિ અનેક નાનાંમોટાં વ્યસનોનો ગુલામ બની તમને રાજી કરી શકતો નથી. તો હે નાથ ! આપના ને આપના સત્પુરુષના મળેલા આ મહામોંઘા યોગ પછી આવા કોઈ અલ્પ વ્યસનનો પણ કદી પણ સ્પર્શ સુધ્ધાંય ન થાય ને આપના ન ગમતા આ તમામ વ્યસનરૂપ પદાર્થો મારા માટે ઝેરરૂપ બની રહો એવી કૃપા કરો... કૃપા કરો... કૃપા કરો.

2 months ago | [YT] | 4