Phoo Kyaw Zin

ကျွန်တော်တို့လည်း လူသားတွေမို့လို့ တစ်ခါတလေမှာ စိတ်ညစ်စရာ၊ Negative အတွေးတွေ ဝင်တတ်တာပါပဲ။

ဒါပေမဲ့ အမြဲတမ်း စိတ်ကြည်နေအောင် ကြိုးစားတဲ့နေရာမှာ ကျွန်တော် ကြိုးစားပြီး 'ကျင့်ကြံနေထိုင်တာလေး'ကို မျှဝေပေးချင်ပါတယ်။

အရေးအကြီးဆုံး ကျင့်ကြံနေထိုင်မှုကတော့ တရားဓမ္မနဲ့ အမြဲမပြတ် ကြိုးစားနေထိုင်ကြည့်ခြင်းဖြစ်ပါတယ်။

အချိန်ရရင် ရသလို တရားစခန်းဝင်တယ်၊ တရားအားထုတ်တယ်၊ နေ့စဉ်လည်း တရားနာဖြစ်ပါတယ်။ တရားရဲ့ အကျိုးကျေးဇူးက ဘာလဲဆိုရင် 'ကိုယ့်စိတ်ကို ကိုယ်ပြန်ကြည့်တတ်လာတာ' ပါပဲ။

အဓိကကတော့ 'လက်ခံခြင်း' နဲ့ 'သိနေခြင်း' ပါ။

စိတ်ထဲမှာ Negative အတွေးတွေ ဝင်လာတဲ့အခါ
'ငါ ဘာလို့ ဒါတွေ တွေးနေမိတာလဲ' ဆိုပြီး ကိုယ့်ကိုယ်ကိုယ် ပြန်ပြီး အပြစ်မတင်ပါနဲ့။ အဲ့ဒီလို အလိုမကျတာက စိတ်ကို ပိုပင်ပန်းစေပါတယ်။

'ဪ... ငါ့စိတ်ထဲမှာ Negative ဖြစ်နေပါလား' လို့ သတိလေးနဲ့ သိလိုက်ရုံပါပဲ။ အမှောင်က အလင်းကို မယှဉ်နိုင်သလို၊ 'သိတယ်' ဆိုတဲ့ အသိလေးက Negative အတွေးတွေကို အလိုလို အားပျော့သွားစေပါတယ်။

တရားအားထုတ်တယ်ဆိုတာ အေးအေးဆေးဆေး ထိုင်နေမှမဟုတ်ပါဘူး။ နေ့စဉ် ရုန်းကန်နေရတဲ့ အလုပ်တွေကြားမှာ သတိလေးကပ်ထားတာဟာလည်း တရားအားထုတ်တာပါပဲ။

တရားနာတာ၊ အားထုတ်တာတွေက စိတ်ကို တည်ငြိမ်စေပြီး ဘယ်လိုလောကဓံမျိုးကိုမဆို ရင်ဆိုင်နိုင်တဲ့ 'စိတ်ဓာတ်ခွန်အား' ကို ပေးပါတယ်။

နောက်တစ်ခုက 'စေတနာ' ကို အလုပ်ထဲမှာ ထည့်တာပါ။ လူတွေပေါ်မှာ "စိတ်ကောင်း" နဲ့ ဆက်ဆံတာ၊ မေတ္တာထားတာ၊ ကောင်းကျိုးကို လိုလားပေးတာဖြစ်ပါတယ်။

နေ့စဉ် ရုန်းကန်နေရတဲ့ အလုပ်တွေမှာ 'ငါ့အလုပ်ကြောင့် ဘယ်သူတွေ အဆင်ပြေသွားမလဲ' ဆိုတဲ့ စိတ်ကောင်း၊ စေတနာလေးကိုပါ ထည့်ပြီး မေတ္တာရှေ့ထား လုပ်ကြည့်ပါ။

အဲ့ဒီအခါ အလုပ်က တာဝန်တစ်ခုမဟုတ်တော့ဘဲ ပေါ့ပါးတဲ့ ကုသိုလ်တစ်ခု ဖြစ်သွားပါလိမ့်မယ်။ အေးချမ်းတဲ့ ဘ၀ဖြတ်သန်းမှုဖြစ်လာပါလိမ့်မယ်။

စာလေးတွေတွေ့လို့ သတိပြန်ဝင်လာတယ်ဆိုရင်ပဲ ဒါဟာ ညီမလေးအတွက် အောင်မြင်မှုတစ်ခုပါပဲ။

စိတ်ညစ်စရာတွေ ဝင်လာတိုင်း ကျွန်တော့် Page မှာ တင်ထားတဲ့ စာလေးနဲ့ YouTube မှာ တင်ထားတဲ့ Video လေးတွေကို သတိရပေးပါ။ စာတွေ Video တွေ အသစ်တက်လာတိုင်း တိုက်ရိုက်သိနေချင်ရင်တော့ Telegram Channel လေးကို Join ထားနိုင်ပါတယ်။

ဖြည်းဖြည်းချင်း လေ့ကျင့်ယူပါ။ အမြဲတမ်း စိတ်အေးချမ်းပြီး ပျော်ရွှင်တဲ့ နှစ်သစ်ကို ပိုင်ဆိုင်နိုင်ပါစေလို့ ဆုတောင်းပေးပါတယ်ခင်ဗျာ။

14.4.2026
Phoo Kyaw Zin - Future Wave
Future Wave Training
Future Wave စာပေ

1 day ago (edited) | [YT] | 472

Phoo Kyaw Zin

ခေါင်းဆောင်မှုစွမ်းရည်ကို နောက်တစ်ဆင့်မြှင့်တင်ဖို့ အသင့်ဖြစ်ပြီလား?

ခေါင်းဆောင်မှုဆိုတာ ရာထူးတစ်ခုတည်းကို ဆိုလိုတာမဟုတ်ဘဲ အဖွဲ့သားတွေနဲ့ အဖွဲ့အစည်းကို လမ်းကြောင်းမှန်ပေါ် တင်ပေးနိုင်တဲ့ "ဦးဆောင်မှုအရည်အချင်း" တစ်ခုဖြစ်ပါတယ်။

"ခေါင်းဆောင်မှုဆိုတာ မွေးရာပါပါလာတာထက် လေ့ကျင့်ယူလို့ရတဲ့ အတတ်ပညာတစ်ခု ဖြစ်ပါတယ်။"

သင်ဟာ လုပ်ငန်းခွင်မှာပဲဖြစ်ဖြစ်၊ ကိုယ်ပိုင်စီးပွားရေးမှာပဲဖြစ်ဖြစ် အောင်မြင်တဲ့ခေါင်းဆောင်တစ်ယောက်အဖြစ် ရပ်တည်ချင်တယ်ဆိုရင်တော့ -

အခုဖွင့်လှစ်တော့မယ့် Future Wave Training ရဲ့ နာမည်ကျော်သင်တန်းတစ်ခုဖြစ်တဲ့ Level Up Your Leadership (Batch 9) သင်တန်းဟာ သင့်အတွက် အကောင်းဆုံးအခွင့်အလမ်းတစ်ခုပါပဲ။

________

ဒီသင်တန်းမှာ ခေါင်းဆောင်မှုဆိုင်ရာ ဟောပြောမှုနှင့် သင်ကြားရေးအတွေ့အကြုံ (၁၃) နှစ်ကျော်ရှိပြီး -

ကုမ္ပဏီ၊ လုပ်ငန်းတွေနဲ့ အဖွဲ့အစည်းပေါင်း (၁၂၀) ကျော်တို့ကို Leadership Corporate Training သင်တန်းတွေ ပြုလုပ်ပေးနေတဲ့ Future Wave Training ရဲ့ ဦးဆောင်သူ Founder -

ဆရာဖူးကျော်ဇင် Phoo Kyaw Zin - Future Wave က Zoom Meeting ဖြင့် အနီးကပ်တိုက်ရိုက်သင်ကြားပေးသွားမှာ ဖြစ်ပါတယ်။

________

🎯 ဒီသင်တန်းကနေ ဘာတွေရရှိမလဲ?

🚩 Growth Mindset for Leaders
ခေါင်းဆောင်ကောင်းတိုင်းတွင် ရှိရမည့် တိုးတက်မှုကို ရှေးရှုသော စိတ်နေစိတ်ထား။

🚩 Problem Solving & Decision Making
ရှုပ်ထွေးသော ပြဿနာများကို စနစ်တကျ ဖြေရှင်းပြီး မှန်ကန်သော ဆုံးဖြတ်ချက်များ ချမှတ်နိုင်မှု။

🚩 Team Building & Motivation
အဖွဲ့သားများ၏ စွမ်းဆောင်ရည်ကို မြှင့်တင်ပေးပြီး စည်းလုံးသော Team တစ်ခု တည်ဆောက်နည်း။

🚩 Self-Awareness & Self-Leadership
မိမိကိုယ်ကို သိမြင်နားလည်ပြီး ဖိအားများကို ကြံ့ကြံ့ခံနိုင်သော ခေါင်းဆောင်မှုစွမ်းရည်။

🚩 The 5 Levels of Leadership
ခေါင်းဆောင်မှု၏ အဆင့်များကို နားလည်စေပြီး တစ်ဆင့်စီ တက်လှမ်းနည်း။

- စတာတွေအပြင်… အခြားသော မရှိမဖြစ် ခေါင်းဆောင်မှု အရည်အချင်းတွေကို စနစ်တကျ လေ့လာရပါမယ်။

________

💻 သင်တန်းအသေးစိတ်

🗓️ သင်တန်းစတင်မည့်ရက် - May 2, 2026 (စနေနေ့)
⏰ သင်တန်းအချိန် - ည 7:00 pm to 9:00 pm
⏳ သင်တန်းကာလ - (၅) ပတ် (စနေ၊ တနင်္ဂနွေ - တစ်ပတ် ၂ ရက်)
💻 သင်ကြားမည့်ပုံစံ - ZOOM MEETING Online Class

(Zoom Record Video တွေကို သင်တန်း Group ထဲမှာ
ပြန်တင်ပေးထားမှာဖြစ်လို့ အချိန်မရွေး ပြန်ကြည့်နိုင်ပါတယ်)

(သင်တန်းကို ပြီးဆုံးသည်အထိတက်ရောက်ရမည်ဖြစ်ပြီး
သင်တန်းဆင်းလက်မှတ် E- Certificate ကိုရရှိမှာဖြစ်ပါတယ်)

________

💡 ဘယ်သူတွေ တက်ရောက်သင့်သလဲ?

🔺 အဖွဲ့အစည်းအတွင်း ရာထူးတိုးမြှင့်ခံရပြီး ခေါင်းဆောင်မှုစွမ်းရည် လိုအပ်နေသူများ။

🔺 ကိုယ်ပိုင်စီးပွားရေးလုပ်ငန်းကို စနစ်တကျ ဦးဆောင်လိုသော လုပ်ငန်းရှင်များ။

🔺 အနာဂတ်မှာ ခေါင်းဆောင်ကောင်းတစ်ယောက် ဖြစ်လာဖို့ အခုကတည်းက ပြင်ဆင်လိုသူ လူငယ်များ။

________

ဒီသင်တန်းအတွက် သင်တန်းကြေးကတော့ -

💵 ပုံမှန် သင်တန်းကြေး - ၂၅၀,၀၀၀ ကျပ် ဖြစ်ပြီး
🥇 (ပထမဆုံးအပ်နှံသူ ၃၀ ဦးအတွက် Early Birds Promotion 20% Discount သက်သာခွင့်ရမှာဖြစ်လို့ ...)
💸 Early Birds သင်တန်းကြေး - ၁၉၉,၀၀၀ ကျပ်သာ ဖြစ်ပါတယ်။

(ကုမ္ပဏီ၊ အဖွဲ့အစည်းများမှ မိမိဝန်ထမ်းများအား အဖွဲ့လိုက်တက်ရောက်စေလိုပါက - အထူးနှုန်း သင်တန်းကြေးသက်သာခွင့် အစီအစဉ်များ ထပ်မံစီစဉ်ပေးထားပါတယ်။)

________

📩 သင်တန်းအသေးစိတ်စုံစမ်းရန်နှင့် စာရင်းပေးသွင်းရန်

📋 အသေးစိတ်သိရှိလိုပါက -
📲 09 4538 91188 သို့ ဆက်သွယ်မေးမြန်းနိုင်သလို

📧 Future Wave Page Messenger ကတဆင့်လည်း ဆက်သွယ်နိုင်သလို
ဒီ Post အောက်မှာလည်း "Leadership" လို့ Comment ပေးထားနိုင်ပါတယ်ခင်ဗျာ။

💻 Batch-9 မှာ အတူတူ Level Up လုပ်ဖို့ အခုပဲ စာရင်းပေးသွင်းလိုက်ပါ။ လူဦးရေ ကန့်သတ်ထားတာမို့ မြန်မြန်လေးတော့ လိုမယ်နော်!

💢 Join Now ‼️
Level Up Your Leadership ‼️

🚩 ခေါင်းဆောင်မှုစွမ်းရည်ကိုမြှင့်တင်လိုက်ပါ
©️ LEVEL UP YOUR LEADERSHIP (BATCH-9)
FUTURE WAVE TRAINING CO., LTD

#PhooKyawZin
#FutureWaveTraining
#LevelUpYourLeadership
#ခေါင်းဆောင်မှုစွမ်းရည်ကိုမြှင့်တင်လိုက်ပါ

Skip the Carousel

1 2 3 4

1 day ago | [YT] | 78

Phoo Kyaw Zin

သင်္ကြန်ဆိုတာ ရေပက်ရုံတင်မဟုတ်ဘဲ "မင်္ဂလာရှိစွာ စိတ်ကို ဆေးကြောခြင်း" ပါ...

ဒီနေ့ဟာ မြန်မာတို့ရဲ့ ရိုးရာအတာသင်္ကြန် အကြိုနေ့ဖြစ်ပါတယ်။ လမ်းမှာ ရေပက်နေကြတာတွေ၊ သင်္ကြန်သီချင်းသံတွေနဲ့အတူ ပျော်စရာကောင်းနေသလို တစ်ဖက်မှာလည်း ကျွန်တော် တွေးမိတာလေး တစ်ခုရှိတယ်...

"သင်္ကြန်" ဆိုတာ အဟောင်းကနေ အသစ်ကို ကူးပြောင်းခြင်းပါ။

ကျွန်တော်တို့ တစ်နှစ်ပတ်လုံး အလုပ်တွေလုပ်ရင်း၊ လူမှုရေးတွေ နယ်ပယ်ပေါင်းစုံမှာ ကျင်လည်ရင်းနဲ့ စိတ်ထဲမှာ အညစ်အကြေးတွေ စွန်းထင်ခဲ့ကြပါလိမ့်မယ်။

အမုန်းတရားတွေ၊ အာဃာတတွေ၊ နောင်တတွေနဲ့ ပင်ပန်းနွမ်းနယ်မှုတွေဟာ ကျွန်တော်တို့ရဲ့ စိတ်ဓာတ် (Mindset) ကို လေးလံစေပါတယ်။

ဒါကြောင့် ဒီသင်္ကြန်မှာ...

စိတ်ကို အထူးဆေးကြောပါ။
ခန္ဓာကိုယ်ကို ရေနဲ့ဆေးသလိုပဲ၊ စိတ်ထဲက မကောင်းတဲ့ အညစ်အကြေးတွေကိုလည်း "ခွင့်လွှတ်ခြင်း" ဆိုတဲ့ ရေအေးနဲ့ ဆေးကြောပစ်လိုက်ပါ။

နှစ်သစ်ကို စိတ်သစ် လူသစ် ခွန်အားသစ်နဲ့ စတင်ပါ။
အဟောင်းတွေမှာပဲ နစ်မနေဘဲ နှစ်သစ်မှာ ဘယ်လိုမျိုးနဲ့ ရှေ့ဆက်မလဲ၊ ဘယ်လို စေတနာမျိုးနဲ့ ကိုယ့်ပတ်ဝန်းကျင်ကို အကျိုးပြုမလဲဆိုတဲ့ "စိတ်သစ် လူသစ် ခွန်အားသစ်" တွေကို မွေးမြူပါ။

နောက်ပြီး မင်္ဂလာရှိစွာ အနားယူပါ။
ပျော်တာထက် "မင်္ဂလာရှိဖို့" က ပိုအရေးကြီးပါတယ်။ မိသားစု၊ မိတ်ဆွေတွေနဲ့အတူ စိတ်အေးချမ်းရတဲ့ အချိန်လေးတွေကို တန်ဖိုးထားဖြတ်သန်းပါ။

မြန်မာပြည်သူပြည်သားအားလုံးနဲ့ ကျွန်တော့်ရဲ့ စာဖတ်သူ ဓမ္မမိတ်ဆွေများအားလုံး... ဒီအတာရေနဲ့အတူ စိတ်နှလုံးများ အေးချမ်းကြပါစေ။

နှစ်ဟောင်းက အညစ်အကြေးတွေ အားလုံး လွင့်စင်ပြီး၊ နှစ်သစ်မှာ ကျန်းမာခြင်း၊ ချမ်းသာခြင်း၊ အောင်မြင်ခြင်းတွေနဲ့အတူ "စိတ်သစ်၊ လူသစ်၊ ဘဝသစ်" ကို ပိုင်ဆိုင်နိုင်ကြပါစေကြောင်း ဆုတောင်းမေတ္တာ ပို့သအပ်ပါတယ်။

အားလုံးပဲ မင်္ဂလာရှိသော သင်္ကြန်ကာလ ဖြစ်ပါစေခင်ဗျာ။

၁၃.၄.၂၀၂၆
Phoo Kyaw Zin - Author
Future Wave Training
Future Wave စာပေ

#PhooKyawZin #တွေးမိတက်ရေး
#MyanmarThingyan #သင်္ကြန်အကြိုနေ့

Skip the Carousel

1 2

2 days ago | [YT] | 607

Phoo Kyaw Zin

တချို့က ရူးသလို ပေါသလိုသာ လုပ်နေတာ...
တကယ်တော့ အဲ့ဒါ သူတို့ရဲ့ "မဟာဗျူဟာ" ဖြစ်နေတတ်တယ်။

လောကမှာ ကိုယ်က တော်ကြောင်း၊
တတ်ကြောင်းကို အမြဲထုတ်ပြနေတဲ့ သူတွေရှိသလို၊
တစ်ဖက်မှာတော့ ဘာမှမသိသလို၊
အေးအေးဆေးဆေးနဲ့ ဘာမှမသိလို၊
ရူးသလို ပေါသလို နေပြတတ်တဲ့သူတွေလည်း ရှိပါတယ်။

တကယ်တမ်းမှာတော့
အဲ့ဒီလို "ရူးချင်ယောင်ဆောင်" နေတာဟာ
သူတို့ရဲ့ မဟာဗျူဟာ တစ်ခု ဖြစ်နေတတ်ပါတယ်။

▪️ ရန်သူကို လျှော့တွက်စေတယ်

ကိုယ့်ကို ငပေါလို့ ထင်နေတဲ့သူဟာ
ကိုယ့်အပေါ်မှာ သတိလက်လွတ် ဖြစ်သွားတတ်ပါတယ်။

ကိုယ်က အကာအကွယ်မဲ့နေသလို ဟန်ဆောင်ပြီး
ကိုယ့်ရဲ့ အားသာချက်ကို တည်ဆောက်တာမျိုးပါ။

သူတစ်ပါးက ကိုယ့်ကို လျှော့တွက်ထားတာ၊
အထင်သေးနေတာဟာ ကိုယ့်အတွက်တော့ အေးအေးဆေးဆေးနဲ့ ပန်းတိုင်ဆီ လျှောက်လှမ်းဖို့
"အခွင့်အရေး" တစ်ခုပါပဲ။

▪️ မလိုအပ်တဲ့ ပဋိပက္ခတွေကို ရှောင်ရှားနိုင်တယ်

"ငါသိတယ်၊ ငါတော်တယ်" လို့ အော်နေတဲ့သူဟာ
မနာလိုသူတွေရဲ့ ပစ်မှတ် ဖြစ်သွားတတ်ပါတယ်။

ဘာမှ မသိသလို၊ ရူးသလို ပေါသလို နေပြခြင်းက
မလိုအပ်တဲ့ ပြိုင်ဆိုင်မှုတွေနဲ့
စိတ်ပင်ပန်းစရာ ပဋိပက္ခတွေထဲကနေ ၊ အရှုပ်တွေထဲကနေ၊
ကိုယ့်ကိုယ်ကိုယ် ကာကွယ်ပြီးသား ဖြစ်သွားစေပါတယ်။

▪️ အကဲခတ်ခြင်း အနုပညာတစ်ခုပဲ

ကိုယ့်ကို အရူးအပေါလို့ ထင်တဲ့အခါ
လူတွေဟာ ကိုယ့်ရှေ့မှာ
သူတို့ရဲ့ အစစ်အမှန် စရိုက်တွေကို
ဖုံးကွယ်မထားဘဲ ထုတ်ပြတတ်ကြပါတယ်။

အဲ့ဒီအခါမှာ ဘယ်သူက စေတနာအစစ်နဲ့ ဆက်ဆံသလဲ၊
ဘယ်သူက ကိုယ့်အပေါ် အမြတ်ထုတ်ချင်သလဲဆိုတာကို
ဘေးကနေ အသာလေး အကဲခတ်နိုင်တာပေါ့။

▪️
တချို့သူတွေ အဲ့သလို
ရူးသလို ပေါသလို နေတယ်ဆိုတာ
ပညာမဲ့လို့ မဟုတ်ပါဘူး။

လိုအပ်တဲ့အချိန်မှာမှ
ဓားကို ဓားအိမ်ထဲက ထုတ်ပြတတ်တဲ့သူမျိုးပါ။

တကယ်တော်တဲ့သူဟာ
နေရာတိုင်းမှာ "ငါသိတယ်" လို့ ထုတ်မပြောပါဘူး။

ကိုယ့်ရဲ့ ခွန်အားနဲ့ အသိဉာဏ်ကို အချိန်အခါမဟုတ်
ဖြုန်းတီးမပစ်ချင်လို့သာ ဖြစ်ပါတယ်။

အသံအကျယ်ဆုံး စည်ဟာ
အတွင်းမှာ ဗလာဖြစ်နေတတ်ပြီး၊
အနက်ဆုံး ရေကန်ဟာ ငြိမ်သက်နေတတ်ပါတယ်။

ဒါကြောင့် တစ်ခါတလေမှာ
ကိုယ့်ပတ်ဝန်းကျင်ကလူတွေကို အပေါ်ယံကြည့်ပြီး
ဒီကောင်က ပေါတောတောပါကွာလို့ အထင်မသေးလိုက်ပါနဲ့။

သူတို့က ရူးချင်ယောင်ဆောင်ပြီး
သင့်ကို ပြန် "ကစား" နေတဲ့ ပညာရှိတွေလည်း
ဖြစ်နေနိုင်လို့ပါပဲ။

မိတ်ဆွေတို့ရော….
ကိုယ့်ကို အထင်သေးနေတဲ့သူတွေရှေ့မှာ
ကိုယ့်ရဲ့ အရည်အချင်းကို တိတ်တိတ်လေးပဲ
တည်ဆောက်ခဲ့ဖူးတဲ့ အတွေ့အကြုံမျိုး ရှိလား?

▪️
Phoo Kyaw Zin - Author
Future Wave Training
Future Wave စာပေ

#PhooKyawZin #တွေးမိတက်ရေး
#StrategyOfSilence #WisdomInSilence

5 days ago | [YT] | 798

Phoo Kyaw Zin

ဒီနေ့ - ကျင်းလုံမြန်မာ (Machinery Trading Co.,) ကြီးအတွက် * ဒုတိယအကြိမ် (Batch-2)* အဖြစ် နောက်ထပ် ဝန်ထမ်းပေါင်း ၆၀ ဦး အား ….

Positive Attitude, Growth Mindset & Personal Development Program (၁) ရက်တာ Corporate Training သင်တန်းကို ပြုလုပ်ပို့ချပေးခဲ့ပါတယ်။

ဒုတိယအကြိမ် သင်တန်းမှာလည်း ကျင်းလုံမြန်မာ ဝန်ထမ်းတွေရဲ့ တက်ကြွမှု၊ အချင်းချင်း ပွင့်ပွင့်လင်းလင်း မျှဝေဆွေးနွေးမှုတွေနဲ့ မေးမြန်းမှုတွေက အားရစရာကောင်းလှပါတယ်။

အခုဆိုရင် ကျင်းလုံမြန်မာရဲ့ ဝန်ထမ်းပေါင်း ၁၂၀ အထိ ကို သင်တန်းပို့ချပေးပြီးဖြစ်ပါတယ်။

နောက်ထပ် ကျင်းလုံမြန်မာရဲ့ ဝန်ထမ်းငယ်များအားလုံးအတွက် Mindset ပြောင်းလဲခြင်း ခရီးစဉ်အတွက် နောက်ထပ်သင်တန်းအစီအစဉ်တွေလည်း ဆက်တိုက်ဆိုသလို ရှိနေပါသေးတယ်။

ဒီအစီအစဉ်ဖြစ်မြောက်အောင် ယုံကြည်စွာ လက်တွဲခဲ့ကြတဲ့ ကျင်းလုံမြန်မာ မှ BOD လူကြီးမင်းများနှင့် HOD များအားလုံးကို Future Wave Training က အထူးပင် ကျေးဇူးတင်ရှိပါတယ်။

BOD , HOD လူကြီးများအတွက်ကတော့ Zoom Meeting မှ တဆင့် ၃ လ ကြာ Executive Coaching Program ကို လည်း ပြုလုပ်ပေးနေပါတယ်။

ရှေ့ဆက်ပြီး ကျင်းလုံမြန်မာ ကုမ္ပဏီ (ရန်ကုန်) ရဲ့ ခေါင်းဆောင်ကြီးများ နဲ့ ဝန်ထမ်းများအားလုံး အပြုသဘောဆောင်တဲ့ စိတ်ဓာတ်တွေနဲ့ အောင်မြင်မှုအသစ်တွေ ဆွတ်ခူးနိုင်ကြပါစေလို့ ဆုတောင်းပေးလိုက်ပါတယ်။

31.3.2026
ချစ်ခင်လေးစားစွာဖြင့်...

Phoo Kyaw Zin - Future Wave
Future Wave Training
Corporate Training Service 2026

#ကျင်းလုံမြန်မာ #Mindset #CorporateTraining
#PhooKyawZin #FutureWaveTraining

Skip the Carousel

1 2 3 4 5 6 7 8 9 10

2 weeks ago | [YT] | 437

Phoo Kyaw Zin

Mindset မကောင်းရင်
Money ရှာရခက်တတ်တယ်။

Money များများဝင်ချင်ရင်
Mindset ကောင်းကောင်းထားပါ။

ငွေဆိုတာ စွမ်းအင်တစ်ခုလိုပါပဲ။

စိတ်ချမ်းသာစွာနေမှ၊ စိတ်နေစိတ်ထားက
ကြွယ်ဝအေးချမ်းပြီး အပြုသဘောဆောင်မှသာ
အဲ့ဒီစွမ်းအင်တွေက သင့်ဆီကို စီးဆင်းလာမှာပါ။

စိတ်ဓာတ်ကိုက ဆင်းရဲနေရင်
အတွေးခေါ်က အမြဲတမ်း အဆိုးမြင်နေရင်၊
ငွေဝင်မယ့် လမ်းကြောင်းတွေ ပိတ်နေတတ်ပါတယ်။

ဒါ့ကြောင့် -

အိတ်ဖောင်းချင်ရင် စိတ်ပြောင်းပါ။
စိတ်ပြောင်းရင် အိတ်ဖောင်းလိမ့်မယ်။

ဒါက အင်မတန် ရိုးရှင်းတဲ့ အမှန်တရားပါ။

ကိုယ့်ရဲ့ အိတ် ပိုဖောင်းဖို့ထက်
ကိုယ့်ရဲ့ စိတ် ပိုကောင်းအောင်
အရင်ဆုံး ပြောင်းလဲကြည့်လိုက်ပါ။

သင့်ရဲ့ စိတ်ပြောင်းလဲမှုနောက်မှာ
သင့်ရဲ့ အိတ်ကလည်း လိုက်ဖောင်းလာပါလိမ့်မယ်။

💰
Phoo Kyaw Zin - Future Wave
Future Wave Training
Future Wave စာပေ

#MoneyMindset
#PhooKyawZin
#တွေးမိတက်ရေး

Skip the Carousel

1 2

3 weeks ago | [YT] | 856

Phoo Kyaw Zin

“အချစ်မှာ မျက်စိမရှိဘူး” လို့ ပြောလေ့ရှိကြတယ်။

ပဋိစ္စသမုပ္ပာဒ်တရားသဘောအရ -

မျက်စိမရှိတာ (မမြင်တာ) = "အဝိဇ္ဇာ"
အချစ် (စွဲလမ်းခြင်း) = "တဏှာ"

အဲ့ဒီ အချစ် (အဝိဇ္ဇာ နဲ့ တဏှာ) ဟာ
သံသရာစက်ဝိုင်းထဲမှာ ရုန်းမထွက်နိုင်အောင်
ချည်နှောင်ထားတဲ့ အဓိက အကြောင်းအရင်းခံတွေပါပဲ။

တကယ်တော့ - နိဗ္ဗာန်နဲ့ ဝေးနေတယ်ဆိုတာ
သူ့ကို ချစ်တဲ့ အချစ်တွေကြောင့်ပါ။

🤭

😅

😁🥰

14.2.2026
Phoo Kyaw Zin - Future Wave

#တွေးမိတက်ရေး #valentinesday
#PhooKyawZin #PhooKyawZinQuotes

1 month ago | [YT] | 635

Phoo Kyaw Zin

မနက်ပိုင်းမှာ “ကုသိုလ်ရှာ”
ကောင်းမှုပြုလုပ်ပါ။

နေ့ပိုင်းမှာ “ဥစ္စာရှာ”
အလုပ်ကြိုးစားပါ။

ညပိုင်းမှာ “ပညာရှာ”
သင်ယူလေ့လာပါ။

အကျိုးရှိစွာ ဖြတ်သန်းပါ
သင့်ရဲ့တစ်နေ့တာ။

✔️
Phoo Kyaw Zin - Future Wave

#တွေးမိတက်ရေး
#PhooKyawZin

1 month ago | [YT] | 1,233

Phoo Kyaw Zin

တဖက်လူက ဒေါသနဲ့လောင်နေလေလေ …
ကိုယ်က တိတ်ဆိတ်စွာနဲ့ ခပ်အေးအေးငြိမ်သက်ပြလေလေပဲ…။

ကိုယ့်ရှေ့မှာ ဒေါသတွေထွက်ပြီး လောင်နေတာကို...
ဘာမှ မတုံ့ပြန်ဘဲ အေးအေးဆေးဆေး ထိုင်ကြည့်နေဖူးတယ်။

ကြိုက်သလောက် လောင်နေစမ်း … ‼️
သူလောင်နေတာကို ထိုင်ကြည့်နေလိုက်တယ်…။

ဘယ်တော့မှ ဖက်ပြိုင်ပြီး လိုက်မလောင်တတ်ဘူး။

လောင်ချင်သူ အစွမ်းကုန်လောင်နေပစေ…
လောင်လို့ဝ ရင် အရှိန်ကျသွားလိမ့်မယ်…
လောင်လို့မဝသေးရင်လည်း ဆက်လောင်ပေါ့…
သူ့အပူမီးနဲ့ သူပဲလေ …။

**(တစ်ခုရှိတာက တဖက်သူလောင်နေရတာ
ကိုယ်ရှို့တဲ့မီးတော့မဖြစ်စေနဲ့ပေါ့။) **

ပူလောင်ခြင်း၏သဘော =
ပူသောသူ လောင်၍ လောင်သောသူ ပူ၏။

🔥 လောင်သောသူဟာ ပူလောင်ရလိမ့်မယ်။
🔥 လောင်သောသူဟာ ပင်ပန်းရလိမ့်မယ်။
🔥 လောင်နေသူဟာ တပန်းရှုံးတယ်။

✔️ မလောင်တတ်သူဟာ တပန်းသာတယ်။
✔️ မလောင်တတ်သူဟာ အေးချမ်းတယ်။
✔️ မလောင်တတ်သူဟာ အနိုင်ရတယ်။

▪️ တည်ငြိမ်ခြင်းမှာ စွမ်းအားရှိတယ် ‼️
▪️ တိတ်ဆိတ်ခြင်းဟာ ပညာပဲ ✨
▪️ ငြိမ်သက်ခြင်းဟာ သမာဓိပဲ ✨

ပြဿနာတစ်ခုဆိုတာ တည်တည်ငြိမ်ငြိမ်နဲ့
ခေါင်းအေးအေးထားပြီး ဖြေရှင်းမှ အဖြေထွက်တယ်…။

ဖြစ်နေတဲ့ ပြဿနာကို လောင်နေခြင်းဖြင့် အဖြေရှာလို့ မရနိုင်ဘူး။

▫️ ဒေါသထွက်နေရင် 😡
▫️ အဖြေမထွက်ဘူး ❌
▫️ အဖြေထွက်ချင်ရင် အဖြေပဲရှာ …
▫️ ပြဿနာမရှာနဲ့ …။ 🚫

ဒါပေမယ့် တချို့သူတွေက ပြဿနာပဲရှာချင်ကြတာ။
အဖြေတွေ ဘယ်လောက်ရှာပေးပေး… အဖြေကို မလိုချင်ဘူး။

ပြဿနာပဲဖြစ်ချင်တဲ့ သူတွေက သက်သက်ကို ရှိတာ။
လောင်နေရတာကိုမှ ကြိုက်တဲ့
ကို လောင်ကြိုက်တွေ၊ မ လောင်ကြိုက်တွေ တပုံကြီးပဲ…။

အဲ့လို လောင်ကြိုက်တွေနဲ့ကြုံလာတဲ့အခါ
ဘာမှပြန်ပြောမနေနဲ့… လွှတ်ထားလိုက်…။

တိတ်ဆိတ်ခြင်းဟာ ပညာပဲ ✨
တိတ်ဆိတ်စွာနဲ့ အေးဆေးထိုင်ကြည့်နေလိုက်ပါ ‼️

လောင်ကြိုက်တွေ ကြိုက်သလောက်လောင်ကြစမ်း…🔥
လောင်နေသူတွေကို အေးဆေးထိုင်ကြည့်နေလိုက်ပါ‼️

သူ့မီးနဲ့သူ လောင်နေလိမ့်မယ်…။

**(လောင်နေသူတွေကို အပူငြိမ်းအောင်
လုပ်ပေးနိုင်ရင်တော့ အကောင်းဆုံးပေါ့)**

ဒါပေမယ့် ဘယ်တော့မှ
သူတို့နဲ့တော့ ပြိုင်မလောင်နဲ့ ။

ကိုယ်ပါ အတူ ပြာကျသွားလိမ့်မယ်။

အေးအေးဆေးဆေးနဲ့ ဝေးဝေးကနေသာရှောင် …။

© Phoo Kyaw Zin - Future Wave

#တွေးမိတက်ရေး #ဖူးကျော်ဇင်
#PhooKyawZin #PhooKyawZinQuotes

1 month ago | [YT] | 636

Phoo Kyaw Zin

ဆေးရုံကုတင်ပေါ်ရောက်တဲ့အခါ
ကျန်းမာခြင်းရဲ့ အဖိုးတန်မှုကို
ပိုသိ နားလည်လာလိမ့်မယ်။

အဲ့ဒီအခါကျ …
ကိုယ်အရေးကြီးတယ်လို့ ထင်ခဲ့တဲ့အရာတွေက
ကျန်းမာခြင်းလောက် အရေးမကြီးတော့ဘူး။

အဲ့ဒီအချိန်မှာ
ဘာဖြစ်ချင်သလဲ ဘာလိုချင်သလဲမေးရင်
ကျန်တာတွေ ဘာမှမလိုဘူး …
ပြန်ကျန်းမာလာဖို့ပဲ လိုချင်တော့လိမ့်မယ်။

ဒါကြောင့်
ခုနေ ကျန်းမာနေတာကိုက
ဘဝရဲ့ဆုလာဘ်ကြီး တစ်ခုပါပဲ။

သင် ဒီနေ့ ကျန်းမာနေသေးတယ်ဆိုရင်
ပျော်ရွှင် ကျေးဇူးတင်လိုက်ပါ။

မနက်ဖြန်တွေမှာလည်း
ကျန်းမာအောင် ဂရုစိုက်နေထိုင်ပါ။

ကျန်းမာရင် ချမ်းသာပါတယ်။
အားလုံး ကျန်းမာ ချမ်းသာကြပါစေ။

▪️
Phoo Kyaw Zin - Future Wave

#တွေးမိတက်ရေး #ကျန်းမာရေး
#PhooKyawZin

1 month ago | [YT] | 763