Harsha de Silva

දඹුල්ලේ එළවළු ගොවියා අර්බුදයේ. විවෘතකළා යැයි කී කෘෂි ගබඩාව කෝ?

අද දඹුල්ලේ එළවළු ගොවියා තමන්ගේ අස්වැන්න විකුණා ගන්න බැරුව පෝලිමේ දුක් විඳිමින් සිටී. අප විසින් ගොඩනැගූ " ප්‍රභාෂ්වර" උෂ්ණත්වය හා තෙතමනය පාලිත කෘෂි ගබඩා සංකීර්ණය ජනාධිපතිවරයා විසින් ඔන්ලයින් විදිහට විවෘත කළත් එය තාමත් ක්‍රියාත්මක නොවේ. අපට වාර්තාවන විදිහට අද දිනය (17) තුළදී පමණක් දඹුල්ල ආර්ථික මධ්‍යස්ථානයට එළවලු කිලෝ ලක්ෂ 20 කට වඩා මේ වනවිට පැමිණ තිබේ.

ගොවියෝ උදෑසන 4.00 සිට පෝලිම්වල තමන්ගේ වාරය පැමිණෙන තුරු සිටිති. අප විසින් ආරම්භකළ කෘෂි ගබඩා සංකීර්ණය ක්‍රියාත්මක වන්නේ නම් කෙටිකාලීනව මේ අතිරික්ත අස්වැන්නෙන් කොටසක් ගබඩාකර පසුව වෙළෙඳපොළට මුදාහැරිය හැකිය. දැන් ගොවියාගේ අස්වැන්න විකිණෙන්නේ කුණු කොල්ලයටයි. වැස්ස නිසා එළවළු ඉක්මනින් නරක්වෙන නිසා නිකංම වගේ තම අස්වැන්න වෙළෙන්දාට දී යන්නට ගොවියාට සිදුව තිබේ. මේ ප්‍රශ්නය අද ඊයේ ඇතිවූවක් නොවන අතර මේ සඳහා විසඳුමක් ලෙසයි අපි දඹුල්ලේ කෘෂි ගබඩා සංකීර්ණය ආරම්භ කළේ. නමුත්, මේ ආණ්ඩුවට තවමත් එය ක්‍රියාත්මක කරගැනීමට නොහැකිවීම කණගාටුවට කරුණකි.

මා ආණ්ඩුවෙන් ඉල්ලා සිටින්නේ විවෘත කළායැයි අඬබෙර ගැසූ මේ ගබඩාව ගොවියා වෙනුවන් සැබෑ ලෙස විවෘත කරන ලෙසයි.

#HarshadeSilva

2 months ago | [YT] | 66

Harsha de Silva

හදවතින්ම සතුටු වෙමි.
ඇමරිකාව විසින් මෙරට භාණ්ඩ සඳහා අයකරන තීරු බදු අනුපාතය 20% ක් දක්වා අඩුකිරීම ජයග්‍රහණයක් වන අතර ඒ තුළින් අපගේ අපනයනවල කලාපීය තරගකාරීත්වය තවදුරටත් පවත්වාගෙන යෑමට හැකිවනු ඇත.
ඒ පිළිබඳව මා හදවතින්ම සතුටුවන අතර මේ වෙනුවෙන් කැපවී කටයුතු කළ (තිරය ඉදිරිපස හා පිටුපස) සියල්ලන්ටත් කුඩා රටක් ලෙස අප හමුවේ ඇති අභියෝග තේරුම් ගනිමින් එම සහනය ලබාදුන් ඇමරිකාවටත් ස්තූතිවන්ත වෙමි.
මෙවැනි තත්ත්වයන් තේරුම් ගනිමින් ශ්‍රී ලංකාවේ තිබෙන වෙළෙඳ සීමා මායිම් ලිහිල් කරමින් ලංකාව ලෝකය සමග එකතු කිරීමට කටයුතු කිරීම තුළින් තවත් ජයග්‍රහණ රැසක් අත්පත් කරගැනීමට හැකිවනු ඇතැයි අවධාරණය කරමි
#HarshadeSilva #Lka #tariffs

5 months ago | [YT] | 317

Harsha de Silva

මා පසුගියදා කුඩා කර්මාන්ත මණ්ඩලයේ සාමාජිකයින් සමග ඉතාමත් ඵලදායී සාකච්ඡාවක් සිදුකළා.

මෙහිදී, ඉහළ යන බදු බර, පරාටේ නීතිය ක්‍රියාත්මක කිරීමේ අභියෝග, දේශීය හා ජාත්‍යන්තර වෙළඳපොළට ප්‍රවේශ වීමට ඇති බාධක, ද්විපාර්ශ්වික සහයෝගයේ අවශ්‍යතාවය සහ තොරතුරු තාක්ෂණ අංශයට වැට් බද්දේ බලපෑම ඇතුළු කුඩා හා මධ්‍ය පරිමාණ ව්‍යවසායකයින් මුහුණ දෙන ගැටළු කිහිපයක් පිළිබඳව සාකච්ඡා කළා.



#HarshadeSilva

5 months ago | [YT] | 83

Harsha de Silva

Happy Sinhala and Tamil New Year!

9 months ago | [YT] | 1,957

Harsha de Silva

මෙරට ව්‍යාපාරික ලෝකයේ එක් යුගයක් සනිටුවහන් කළ පතාක යෝධයින් දෙදෙනෙකු වූ හැරී ජයවර්ධන මහතාගේත් කෙන් බාලේන්ද්‍ර මහතාගේත් වියෝව පිළිබඳව මා කණගාටු වෙනවා. ඔබ දෙදෙනාම තමන්ගේ අනන්‍යවූ ව්‍යාපාරික හැඩතල භාවිතා කරමින් මෙරට ආර්ථිකයට ජීවය සපයමින් අපිට කියාදුන් පාඩම් ඉතා වැදගත්.
අභියෝග ජයගනිමින් තමන් කරන දේ කැපවීමෙන් හරියටම කරන්නේ කෙසේදැයි ඔබ දෙපළ අපිට ප්‍රායෝගික උදාහරණ රැසක් සපයා ති⁣බෙනවා. ඔබ වැනි මහත්මා ගතිගුණ ඇති නායකයින් ඇසුරු කිරීමට ලැබීම සැබවින්ම භාභ්‍යයක්. ඔබ දෙදෙනාටම සුබ ගමන්.
#harshadesilvamp

11 months ago | [YT] | 104

Harsha de Silva

2025.01.30 | මාධ්‍ය නිවේදනය

සහල් ආනයනය නතර කිරීමට රජය තීරණය කර ඇති බව මුදල් අමාත්‍යාංශ නිලධාරීන් රජයේ මුදල් පිළිබඳ කාරක සභාවට දන්වයි..

වී මිලදී ගැනීම සඳහා වී අලෙවි මණ්ඩලයට ලබාදීමට නියමිත රුපියල් බිලියන 5 ඵලදායීව යෙදවීමට වැඩපිළිවෙලක් අවශ්‍යයි - කාරක සභා සභාපතිවරයා අවධාරණය කරයි.

ජාතික විගණන කාර්යාලයේ 2025 වාර්ෂික කාර්ය වැඩසටහන අධ්‍යයනය කරමින් එම වැඩසටහන් තවත් දුරටත් ඵලදායී කිරීම සඳහා යෝජනා ඉදිරිපත් කර වර්තාවක් සැකසීමට අනුකමිටුවක්.

මෙරට පවතින සියලු වත්කම් පිළිබඳ පැහැදිලි අවබෝධයක් ලබාගැනීම සඳහා ඒ සම්බන්ධව කටයුතු කරන අදාළ සියලු නිලධාරීන් කාරක සභාව හමුවට කැඳවීමට කාරක සභාවෙන් තීරණයක්..

මේ වනවිට සහල් ආනයනය නතර කර තිබෙන බව මුදල් අමාත්‍යාංශ නිලධාරීහු රජයේ මුදල් පිළිබඳ කාරක සභාවට දැන්වුහ. මේ පිළිබඳ කරුණු සාකච්ඡා වුයේ ගරු පාර්ලිමේන්තු මන්ත්‍රී ආචාර්ය හර්ෂ ද සිල්වා මහතාගේ සභාපතිත්වයෙන් රජයේ මුදල් පිළිබඳ කාරක සභාව පසුගිය 28 වැනිදා පාර්ලිමේන්තුවේදී රැස්වූ අවස්ථාවේදීය.

මෙදින කාරක සභාව හමුවේ 1969 අංක 1 දරන ආනයන සහ අපනයන (පාලන) පනත යටතේ අංක 2416/11දරන සහ අංක 2415/35 දරන අති විශේෂ ගැසට් පත්‍රවල පළ කර ඇති රෙගුලාසි දෙකක් , 2017 අංක 12 දරන විදේශ විනිමය පනත යටතේ අංක 2415/56 දරන අතිවිශේෂ ගැසට් පත්‍රයේ පළ කර ඇති නියෝගයක් සහ ජාතික විගණන කාර්යාලයේ 2025 වාර්ෂික කාර්ය වැඩසටහන සලකා බැලීම සිදුවිය.

ඒ අනුව 1969 අංක 1 දරන ආනයන සහ අපනයන (පාලන) පනත යටතේ සහල් ආනයනය 2025 ජනවාරි මස 10 වැනිදා දක්වා පමණක් දීර්ඝ කරමින් සහ පළමූ අදියරේ මෝටර් රථ ආනයනය සඳහා වූ තාවකාලික අත්හිටුවීම ඉවත් කිරීම සඳහා අනුමැතිය යන මැයෙන් පළ කර අති විශේෂ ගැසට් පත්‍ර දෙකෙහි සඳහන් රෙගුලාසි දෙක සලකා බලා අනුමත කරන ලදී. කෙසේ වෙතත් එම ගැසට් පත්‍ර දෙක කල් ඉකුත් වී ඇති බව කාරක සභා සභාපතිවරයා පැවසුවේය. ඒ අනුව කල් ඉකුත්වූ ගැසට් පත්‍ර නොව, ඉදිරියේදී සාකච්ජා කිරීමට පවතින කරුණු ඇතුළත් ගැසට් පත්‍ර පමණක් කාරක සභාව හමුවේ සලකා බැලීමේ වැදගත්කම පිළිබඳව කාරක සභා සභාපතිවරයා මෙහිදී අවධාරණය කර සිටියේය.

කෙසේ වෙතත් සහල් ආනයනය සම්බන්ධයෙන් කාරක සභා සභාපතිවරයා යොමුකළ ප්‍රශ්නයකට පිළිතුරු ලබාදෙමින් මුදල් අමාත්‍යාංශ නිලධාරීහු සහල් ආනයනය නතර කර ඇති බවත් වර්තමානය වන විට අස්වනු නෙලීම ආරම්භ කර ඇති හෙයින් අවශ්‍ය සහල් තොග ලබා ගත හැකි බවයි. එමෙන්ම පසුගිය කාරක සභා රැස්වීමකදී 2024 මහ කන්නයේ සහල් අස්වනු ප්‍රමාණය පිළිබඳ මුදල් අමාත්‍යාංශ නිලධාරීන් කාරක සභාවට ඉදිරිපත් කළ දත්ත නිවැරදි නොවීම පිළිබඳවද කාරක සභා සභාපතිවරයා මෙහිදී විමසා සිටි අතර එය සන්නිවේදනයේදී සිදු වූ අතපසුවීමක් බව කෘෂිකර්ම අමාත්‍යාංශ නිලධාරීහු කාරක සභාවට දැන්වුහ. ඉදිරියේදී වී මිලදී ගැනීම සඳහා මහා භාණ්ඩාගාරයෙන් වී අලෙවි මණ්ඩලයට ලබා දීමට නියමිත රුපියල් බිලියන 5 පිළිබඳව ද කාරක සභා සභාපතිවරයා මෙහිදී විමසා සිටි අතර එම මුදල් ඵලදායීව යෙදවීමේ වැඩපිළිවෙලක අවශ්‍යතාවයද අවධාරණය කළේය. ඒ අනුව මෙම වී මිලදී ගැනීමේ ක්‍රියාවලිය දැඩි අධීක්ෂණයක් ඔස්සේ සිදු කිරීමටත් ඒ ඔස්සේ ඇතිවන අක්‍රමිකතා මග හරවා ගැනීමටත් රජය දැඩි ස්ථාවරයකින් පසුව බව කාරක සභා සාමාජික ගරු නියෝජ්‍ය අමාත්‍ය චතුරංග අබේසිංහ මහතා පැවසුවේය.

අනතුරුව මෝටර් රථ ආනයනය සඳහා වූ තාවකාලික අත්හිටුවීම ඉවත් කිරීම සම්බන්ධයෙන් කාරක සභා සභාපතිවරයා අදහස් දක්වමින්, මේ වන විට නිකුත් කර ඇති දෙවන අදියරේ මෝටර් රථ ආනයනය සඳහා වූ තාවකාලික අත්හිටුවීම ඉවත් කිරී සම්බන්ධයෙන් වූ ගැසට් පත්‍රය සහ පෙබරවාරි මස නිකුත්වීමට පවතින තෙවැනි අදියරේ මෝටර් රථ ආනයනය සඳහා වූ තාවකාලික අත්හිටුවීම ඉවත් කිරීම සම්බන්ධයෙන් වූ ගැසට් පත්‍රය එකවර සලකා බලන බව පැවසුවේය.

අනතුරුව ජාතික විගණන කාර්යාලයේ 2025 වාර්ෂික කාර්ය වැඩසටහන රජයේ මුදල් පිළිබඳ කාරක සභාවේ අනුමතියට ඉරිපත් කළ අතර කාරක සභාව තුළ ඒ පිළිබඳව දීර්ඝ ලෙස සාකච්ජා කර අනුමතිය ලබා දෙන ලදී.එහිදී විගණකාධිපති ඩබ්ලිව්.පී.සී.වික්‍රමරත්න මහතා විසින් ජාතික විගණන කාර්යාලය මගින් සිදුකරන කටයුතු හා ක්‍රියාවලිය පිළිබඳව කාරක සභාව දැනුවත් කළේය. ආයතන 2000කට අධික ප්‍රමාණයක් විගණනයට ලක් කරන බව පෙන්වා දුන් ඒ මහතා තම වාර්තා තුළින් අනාවරණය කරන කරුණු හා ක්‍රියාත්මක කිරීමට යෝජනා කරන කරුණු වඩාත් ඵලදායී කිරීමට වැඩපිළිවෙක් අවශ්‍ය බවද පෙන්වා දුන්නේය. ඒ අනුව ජාතික විගණන කාර්යාලයේ 2025 වාර්ෂික කාර්ය වැඩසටහන අධ්‍යයනය කරමින් එම වැඩසටහන් තවත් දුරටත් ඵලදායී කිරීම සඳහා යෝජනා ඉදිරිපත් කර වර්තාවක් සැකසීමට කාරක සභා සාමාජික ගරු නිමල් පලිහේන මහතාගේ ප්‍රධානත්වයෙන් අනුකමිටුවක් පිහිටුවීමටත් ඒ සඳහා අනෙකුත් සාමාජිකයින් ලබන රැස්වීම් වාරයේදී නම්කිරීමටත් කාරක සභා සභාපතිවරයා තීරණය කළේය. ඒ සම්බන්ධ වාර්තාව මාස 3ක් තුළ අවසන් කර පාර්ලිමේන්තුවට ඉදිරිපත්කර විවාදයක් ලබාගැනීමටද කරක සභාව තීරණය කරන ලදී. එමෙන්ම මෙරට පවතින සියලු වත්කම පිළිබඳ පැහැදිලි අවබෝධයක් ලබාගැනීම සඳහා ඒ සම්බන්ධව කටයුතු කරන සියලුම නිලධාරීන් කාරක සභාව හමුවට කැඳවීමටද කාරක සභාව තීරණය කරන ලදී.

අනතුරුව 2017 අංක 12 දරන විදේශ විනිමය පනත යටතේ අංක 2415/56 දරන අතිවිශේෂ ගැසට් පත්‍රයේ පළ කර ඇති නියෝගය ද කාරක සභාව හමුවේ සලකා බලා අනුමත කරන ලදී. ඒ අනුව මෙමගින් විගාමිකයෙක් විසින් ආරම්භක සම්ක්‍රමණික දීමනාව යටතේ සිදුකරන ප්‍රතිමුඛ ප්‍රේෂණ එ.ජ.ඩො 100,000 හෝ වෙනත් ඕනම නම් කරන ලද විදේශ ව්‍යවහාර මුදලකින් එයට සමාන ප්‍රමාණයක් දක්වා සීමා කිරීම හා ශ්‍රී ලංකාවේ නේවාසික තැනැත්තෙක් විසින් විදේශයන්හි ආයෝජනය සිදුකිරීම් සඳහා ප්‍රතිමුඛ ආයෝජන ගිණුම් හරහා සිදු කරන ගෙවීම් හැර අනෙකුත් ගෙවීම් අත්හිටුවීම සිදුකරනු ලැබේ. මෙය 2024 දෙසැම්බර් 19 සිට මාස 6ක කාලයකට වලංගු වේ .

මේ රැස්වීම සඳහා ගරු නියෝජ්‍ය අමාත්‍ය චතුරංග අබේසිංහ, ගරු පාර්ලිමේන්තු මන්ත්‍රීවරයන් වන, ෂානක්කියන් රාජපුත්තිරන් රාසමාණික්කම්, (ආචාර්ය) කෞෂල්‍යා ආරියරත්න, නිමල් පලිහේන, විජේසිරි බස්නායක, (නීතීඥ) ලක්මාලි හේමචන්ද්‍ර යන මහත්ම මහත්මීහු සහභාගි වූහ.

Skip the Carousel

1 2 3 4 5

11 months ago | [YT] | 182

Harsha de Silva

2025.01.07 | මාධ්‍ය නිවේදනය

ගරු ආචාර්ය හර්ෂ ද සිල්වා මහතාගේ ප්‍රධානත්වයෙන්, ප්‍රථම වරට රජයේ මුදල් පිළිබඳ කාරක සභාව රැස්වේ

රජයේ මුදල් පිළිබඳ කාරක සභාව ඊයේ (06), එහි අභිනව සභාපති ගරු ආචාර්ය හර්ෂ ද සිල්වා මහතාගේ ප්‍රධානත්වයෙන් රැස්විය.

පාර්ලිමේන්තුවේ ස්ථාවර නියෝගවල විධිවිධාන ප්‍රකාරව පාර්ලිමේන්තු මන්ත්‍රී ගරු ආචාර්ය හර්ෂ ද සිල්වා මහතා විපක්ෂය නියෝජනය කරමින් කාරක සභා සභාපතිධූරයට, තේරීම් කාරක සභාව විසින් පත්කරගන්නා ලදි.

සභාපතිවරයා විසින් කාරක සභාවේ ඉදිරි වැඩකටයුතු සහ කාර්යයන් පිළිබඳව මෙන්ම පසුගිය කාරක සභා ක්‍රියාකාරකම් පිළිබඳව කාරක සභා සාමාජිකයින් දැනුවත් කරන ලද අතර සාමාජිකයින් ද විවෘත සාකච්ඡාවකට සම්බන්ධ කරගන්නා ලදි.

ඉන්පසු මුදල් අමාත්‍යංශයේ ලේකම් මහින්ද සිරිවර්ධන මහතා ඇතුළු අමාත්‍යංශය නිලධාරීන් සහ ශ්‍රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතා විසින් 2024 වසර මැද මුල්‍ය තත්වය පිළිබඳ වාර්තාව (Mid Year Fiscal Position Report 2024) මෙන්ම මෑතකදී සිදුවී ඇති ආර්ථික වර්ධන තත්වයන් පිළිබඳව කරුණු කාරක සභාවට ඉදිරිපත් කරන ලදී. සලකා බැලීමෙන් අනතුරුව, 2024 වසර මැද මුල්‍ය තත්වය පිළිබඳ වාර්තාවට කාරක සභාවේ අනුමතිය හිමිවිය.

එසේම කාරක සභාව විසින් LMD වසරේ ශ්‍රී ලාංකිකයා ලෙස සම්මානයට පාත්‍ර වූ ශ්‍රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතාට සුභාශිංසන එක් කළ අතර රටේ ආර්ථික ස්ථායිතාවය වෙනුවෙන් ඔහුගේ සහ නිලධාරීන්ගේ කැපවීම ද මෙහිදී ඇගයීමට ලක්විය.

තවද ජාතික විගණන කාර්යාලයේ 2025 සඳහා වන වාර්ෂික වැඩසටහන් යෝජනාවලිය ද මෙම කමිටුවේදී සාකච්ඡාවට ලක් කරන ලද අතර එය සංශෝධනවලට යටත්ව ඊට අදාළ අනුමතිය හිමි විය.

මෙම රැස්වීම සඳහා රජයේ මුදල් පිළිබඳ කාරක සභාව නියෝජනය කරන නියෝජ්‍ය අමාත්‍යවරුන් වන ගරු ආචාර්ය හර්ෂණ සූරියප්පෙරුම, ගරු චතුරංග අබේසිංහ, පාර්ලිමේන්තු මන්ත්‍රීවරයන් වන ගරු රවී කරුණානායක, ගරු හර්ෂණ රාජකරුණා, ගරු ෂානක්කියන් රාසමානික්කම්, ගරු ආචාර්ය කෞෂල්‍යා ආරියරත්න, ගරු අක්‍රම් ඉල්ලියාස්, ගරු නිමල් පලිහේන, ගරු විජේසිරි බස්නායක, ගරු තිළිණ සමරකෝන් සහ ගරු නීතීඥ ලක්මාලි හේමචන්ද්‍ර යන මහත්ම මහත්මීහු ද පාර්ලිමේන්තුවේ සහකාර ලේකම් හංස අබේරත්න මහතා ඇතුළු පිරිසක් ද සහභාගී වූහ.


සම්පුර්ණ මුදල් කමිටුව: https://youtu.be/6fxlfSg-kQ0

Skip the Carousel

1 2 3 4 5

1 year ago | [YT] | 276

Harsha de Silva

2025 ඔබට සතුට සහ සෞභාග්‍යය සපිරි නව වසරක් වේවා! 2025 மகிழ்ச்சியும் சுபீட்சமும் நிறைந்த புத்தாண்டு வாழ்த்துக்கள்! May 2025 bring you and your loved ones nothing but happiness!

1 year ago | [YT] | 1,089

Harsha de Silva

සෑම වසරකම නව අවුරුදු උදාව රටටත් අප පවුලේ සියලු දෙනාටත් යහපත් වේවායි ප්‍රාර්ථනා කරමින් හුණුපි⁣⁣ටිය ගංගාරාම විහාරස්ථානයට ගොස් ආගමික වතාවත්වල යෙදීම අප පවුලේ සිරිතක්.

අදත් අපි එලෙසම ගංගාරාම විහාරස්ථානයට ගොස් ආගමික වතාවත්වල යෙදුණා.

#HarshadeSilva

1 year ago | [YT] | 1,005

Harsha de Silva

අභාවප්‍රාප්ත වූ ඉන්දියානු ආර්ථික පුනරුදයේ නිර්මාතෘවරයා වන ආචාර්ය මන්මෝහන් සිං මහතා වෙනුවෙන් මා කොළඹ පිහිටි ඉන්දියානු තානාපති කාර්යාලයේදී ශෝක පණිවුඩයක් සටහන් කළා.

#HarshadeSilva

Skip the Carousel

1 2

1 year ago | [YT] | 284