ලයන්මා L i o n m a 🦁

RSS

View channel on YouTube

Switch Invidious Instance

Videos

Shorts

Posts

ලයන්මා L i o n m a 🦁

ඒක දැකපු අම්මගේ ඇස් වල කදුලු පිරෙන්න ගත්තා 🥺❤️

අම්මෙක්ට පුතෙක් කියන්නෙත් පුතෙක්ට අම්මෙක් කියන්නෙත් මහමෙරක් වගේ.
ඉතින් කුඩා අවදියේ ඉදන්ම විවිධ අවලාද අවමන් විදිමින් තමන් වෙනුවෙන් තමන්ගේ ඉගනීම වෙනුවෙන් බත් පැකට් කඩවල් වලට විකුණා තමාව උස්මහත් කල අම්මා වෙනුවෙන් පුතෙකු කල විශාල කැපකිරීමක් අපට අසන්නට ලැබුනා.

අද කාලේ මෙවැනි සිදූවීම් දකින්නට ලැබෙන්නේ ඉතමත් කලාතුරකිනි. ඉතින් මේ කතාව අපට මහත් සතුටක් සහ ගැනීමට බොහෝ දේ ඇති නිසා මේ ආදරණීය පුතාගේ කතාව අප මෙසේ සටහන් කරමි. 👌

" පොඩි කාලේ ඉදලම මගේ අම්මා මාව ලොකු මිනිහෙක් කරන්න ගොඩක් දුක් වින්දා. අපේ තාත්තා අපි දෙන්නව දාලා ගිහින් තිබුනේ මට අවුරුදු තුනේදි විතර. එදා ඉදන් අම්මා විතරයි මට හිටියේ.

පොඩි කාලේ ඉදන් අපේ අම්මා කලේ කඩවල් වලට බත් පැකට්, ඉදිආප්ප මුල් හා කඩයප්පම් දාන එක. එකෙන් ලැබෙන මුදලෙන් තමයි අපි ජීවත් උනේ.

උදේ පාන්දර අම්මා දෙකට විතර නැගිටලා තමයි දුන් ගගලා ලිපේ කෑම ටික උයන්නේ. අපේ ගමේ කඩවල් කීපයකටම අම්මා කෑම දැම්මා.

අපේ අම්මාගේ කෑම හරි රසයි. ඉතින් මිනිස්සු ඒ කැම ගත්තා. ඒත් සමහර කඩවල් වලින් අපේ කැම වැඩියෙන් බිස්නස් වෙනකොට එයාලම ඒවා හදන්න ගත්තා. ඒක නිසා අම්මට පාඩු උනා. සමහර දවස්වලට අම්මා ඉදි අප්ප මුල් ඉතුරු උන එවා ගොඩක් අරන් එනවා. ඒ දවස් වලට අපිට පාඩුයි ගොඩක්. ඒදාට අම්මාගේ ඇස් වල කදුලු.
අම්මා පැත්තකට වෙලා කල්පනා කරන්නේ හෙට කෑම හදන්න බඩු ගන්න සල්ලි කෝ කියලා.🥺

සමහර දවස් වලට අපි ඒ ඉතුරු වෙන කෑම තමයි කන්නේ. මොකද බත් පැකට් එකක් හරි අහක දානවා කියන්නේ ලොකු අපරාදයක්. මට මතකයි බත් පැකට් එකින් එක ලිහලා අම්මා ඒකේ සුවඳ බලනවා. පිලුනු වෙන්න වගේ තියෙන් කෑම මට දීලා නෑ. ඒත් අම්මා ඒවා කනවා. මට ඒ කාලේ ලොකු තේරුමක් නෑ. නැත්තම් මන් අම්මට කාවදාවත් ඒ කෑම කන්න දෙන්නේ නෑ.

ඉස්කෝලේ කාලේ ඉදන්ම අපිව කොන් කරලා තිබුනේ. මට එක එක නම් කිය කියා ඉස්කොලේ යලුවෝ විහිලු කරනවා. මන් අම්මත් එක්ක ඒවා කිය කිය අඩනවා. ඒතකොට අම්මාත් මාව තුරුල් කරගෙන අඩනවා. ඒ හැම වතාවකම අම්මගේ ඇස්වල කදුලු. මම අම්මාගේ ඇස් වලින් කදුලු වැටෙනවාට පොඩ්ඩක්වත් කැමති නෑ. ඉතින් සමහර දේවල් මන් අම්මටවත් කිව්වේ නෑ.

කඩවල් වල මුදලාලිලාත් අපේ අම්මට නරක කතා කියලා විහිලු කලා. අම්මා ඉවසන් හිටියේ කරන්න දෙයක් නැති කමටමයි. මොකද එයාලා තරහ කරගත්තොත් ඒ කඩවල් වලට කෑම දාන්න බැහැනේ.

ඔහොම කාලයත් ගතවුනා. ටික ටික මන් ලොකු උනා. ඉගෙනගෙන ජොබ් එකක් කලා.
මන් හැමදාම හිතුවේ අම්මට එයා වෙනුවෙන් ලොකු දෙයක් කරන්න ඕනි කියලා.
මන් ටික ටික පඩියෙන් සල්ලි ඉතුරු කලා. පස්සේ මන් ලෝන් එකක් අරගෙන පර්චස් 4ක පාර අයිනේ පොඩි ඉඩමක් ගත්තා. ටිකෙන් ටික මන් ඒ ඉඩමේ පුංචියට ලස්සනට රෙස්ටුරන්ට් එකක් හැදුවා.
මේ එකක්වත් මන් අම්මට කිව්වේ නෑ. අඩු තරමේ මන් මට කියාලා බයික් එකක්වත් ගත්තේ නෑ.
ඒ මේ මගේ හීනය අම්මගේ හීනය හැබෑ කරන්න ඕනි නිසා. 😌🙏

කඩේ ඔක්කොම වැඩ ඉවර උනා.ඉතින් දවසක් මන් අම්මව මේ කඩේට එක්කන් ගියා. අම්මට පෙන්නුවා අම්මාගේ රෙස්ටුරන්ට් එක. අම්මාට ඒක හිතාගන්න බැරි උනා. අම්මාගේ ඇස්වල කදුලු පිරෙනවා මන් දැක්කා. ඉස්සර අම්මා අඩපු විදිය මට එතකොටත් මතක් උනා. ඒත් අද අම්මව මන් නැවැත්තුව්වේ නෑ. මොකද අම්මා ඉස්සර ඇඩුවේ දුකට ඒත් අද එයාගේ ඇස්වලින් වැටෙන්නේ සතුටු කදුලු. 😍

ඉතින් මගේ ජීවිතේ සතුටුම දවස එදා. අම්මා රෙස්ටුරන්ට් එක එයාගේ අතින්ම විවෘත කලා. මන් අම්මා වෙනුවෙන් ආසාවෙන් කරන්න හිටපු දේ කලා.
දැන් අපේ අම්මා ඒක ලස්සනට කරගෙන යනවා. ගොඩක් අය එයාගෙන් රසට කෑම ටිකක් කලා යනවා . එයා ආසාවෙන් කෑම හදන නිසා එයාට මහන්සියක් නෑ. අදවෙනකොට තව දෙන්නෙක් රෙස්ටුරන්ට් එකේ වැඩ කරනවා.
එදා ගමේ බැනපු හැමෝම අද අම්මාත් එක්ක හොදට කතා කරනවා. 👌
මගේ ජිවිතේ වැඩියෙන්ම මන් ආදරේ මගේ අම්මට 😘"

ඉතින් මේවගේ ආදරණිය පුතෙක් ලැබීම එ මවට විශාල ශක්තියක්. ඒවගේම මේ දෙන්නටම අපි සුභ පතනවා එයාලා කරන දේවල් සාර්ථක වෙන්න කියලා. 🙏❤️

ඉතින් ඔයාගේ පුංචිම කමෙන්ට් එකකින් හරි එයාලට අපි සුභ පතමු. අපේ පිටුව follow කරන්න අමතක නොකර. ඒ වගේම ඔයාගේ මේ වගේ ලස්සන කාතාවත් අපිට එවන්න 🙏😍