Educational Channel

🌾 “तो हरला नाही… तो फक्त शेतकरी आहे” 🌾

एका छोट्या गावात गणू नावाचा शेतकरी राहत होता.
सकाळी कोंबड्यांच्या आरवण्याआधीच तो उठायचा. अंगावरची चादर टाकून तो थेट शेताकडे निघायचा. हातात नांगर, डोक्यावर टॉवेल, आणि मनात एकच विचार — “या वेळी पीक चांगलं आलं पाहिजे.”

पण निसर्गाचं काय?
कधी अतिवृष्टी, कधी दुष्काळ…
पाऊस कधी जास्त, तर कधी अजिबात नाही.
गणूने मेहनत केली, पण प्रत्येक वेळी काहीतरी अडचण आलीच.

धान्याचं पीक आलं, पण बाजारात भाव पडले.
व्यापारी हसले, सरकारचं आश्वासन पुन्हा हवेत विरलं.
गणूच्या डोळ्यात पाणी आलं, पण त्याने कुणाकडे हात पसरला नाही.

तो पुन्हा दुसऱ्या दिवशी शेतात गेला, मातीला स्पर्श केला आणि म्हणाला,
“हरलो नाही गं माती… अजून लढायचं आहे!”

त्याच्या ओल्या डोळ्यांत जिद्द होती.
त्याच्या तळहातावरची घट्ट झालेली त्वचा हेच त्याचं सोनं होतं.

अतिवृष्टी करून पाऊस जिंकला,
भाव पाडून व्यापारी जिंकले,
खोटं बोलून सरकार जिंकलं,
पण कष्ट करूनही न हरलेला जो उभा आहे,
तो फक्त — शेतकरी!