නැණ පියුම (Nena Piyuma)

සම්මා සම්බුදුරජානන් වහන්සේගේ ප්‍රථම ලංකාගමනය වූයේ..?

1 month ago | [YT] | 0

නැණ පියුම (Nena Piyuma)

බුදුවරයෙක් ගේ අග්‍රශාවකයෙක් වෙනවා කියන එක හිතා ගන්නවත් බැරි පුන්‍ය මහිමයක්..🌻🌻

අපේ ගෞතම බුදුරජාණන් වහන්සේගේ දකුණත් ශ්‍රාවකයා වුනේ, ප්‍රඥාවෙන් අගතැන්පත් සාරිපුත්ත මහා රහතන්වහන්සේයි...
වමත් ශ්‍රාවකයා වුනේ ඉර්ධි බලයෙන් අගතැන්පත් මහා මොග්ගලාන මහරහතන් වහන්සේයි..🌻

මේ මහා භද්‍ර කල්පයේම පහල වන මෛත්‍රී බුදුරජාණන් වහන්සේගේ අග්‍ර ශ්‍රාවකයන් වහන්සේලා දෙනම වෙන්න පින තියෙන්නේ කාටද??

ඒ පින තියෙන්නේ අපේ මේ ලංකාද්වීපයේ ඉපදිලා, තම දිවි දෙවෙනි කොට, සම්බුද්ධ සාසනයත්,සිංහල ජාතියට රැක ගත්තු මහා වීරයෝ දෙන්නෙක්ට...

කව්ද මේ වීර උත්තමයෝ දෙන්නා??🌻🌻

🔸සාරිපුත්ත මහා රහතන් වහන්සේ වගේම, මෛත්‍රී බුදුරජාණන් වහන්සේගේ දකුණත් ශ්‍රාවකයා වෙන්නේ අපේ "දුටුගැමුණු" මහා රජතුමායි..🙏

🔹එතකොට අපගේ මොග්ගල්ලාන මහරහතන් වහන්සේ වගේ වමත් ශ්‍රාවකයා වෙන්නේ අපේ "සද්ධාතිස්ස" රජතුමායි...🙏

▪️එතකොට මතුබුදු වන මෛත්‍රී බෝසතාණන් වහන්සේගේ අම්මා වෙන්නේ දුටුගැමුණු රජතුමාගේ මෑණියන් වූ "විහාර මහා දේවියයි"..

▪️පියා වෙන්නේ, දුටුගැමුණු රජතුමාගේ පියා වූ "කාවන්තිස්ස" රජතුමායි..

▪️බිරිඳ වෙන්නේ, කාවන්තිස්ස රජතුමාගේ නැගණියක් වූ "අනුලා" දේවියයි..

▪️මෛත්‍රී බෝසතාණන් වහන්සෙගේ පුතා වෙන්නේ, අපේ දුටුගැමුණු රජතුමාගේ පුතා වෙච්ච "සාලිය" කුමාරයයි..

▪️එතකොට මෛත්‍රී බුදුවරජාණන් වහන්සේගේ අග්‍ර උපස්ථායක වන්නේ දුටුගැමුණු රජතුමාගේ භාණ්ඩාගාරය භාරව සිටි "අංග" නැමැති ඇමතිවරයායි..

අසිරිමත් මෛත්‍රි බුද්ධ සාසනය හොබවන්නේ මේ ලංකාද්වීපයේම උපන්, පින්වන්ත පිරිසක්..

මෛයිත්‍රී බෝධිසත්වයෝ සහ අනාගත අගසව් දෙනම වූ දුටුගැමුණු සහ සද්ධාතිස්ස රජවරු දැන් කොහේ ඇත්ද??

මීට කාලයකට කලින් ලක්දිව රහතන් වහන්සේලාගේ යුගයේ, රුහුණේ හිටපු "කම්බෝජගමේ මලය" නම් ඉර්ධිබල සම්පන්න තෙරුන් වහන්සේ නමක් දහවල පිණ්ඩපාතේ වැඩියා..
උන් වහන්සේව දැකපු ගමේ මනුස්සයෙක් උපුල් මල් මිටක් දුන්නා උන් වහන්සේට..

ස්වාමින්වහන්සේ කල්පනා කලා...මං මේ මල් ටික කොහෙට්ටද පුදන්නේ??
ස්වර්ණමාලි සෑ රජාණන් වහන්සේට පුදනවද?? එහෙම නැත්තං ජයශ්‍රී මහා බෝධීන් වහන්සේට පුදනවද??

ආයෙත් කල්පනා වුනා තව්තිසාවේ සිලුමිණ සෑයේ වැඩ ඉන්න දකූණු දළදා වහන්සේට පුදන්න ඇත්නම් හොදයි කියලා..

ඒ මොහෝතෙම උන් වහන්සේ මල් ටිකත් අරගෙන ඉර්ධියෙන් "තව්තිසාවේ" - "සිලුමිණ සෑය" අසල පහල වුනා..
සිලුමිණ සෑය යොදුනක් වට ප්‍රමාණයෙන් යුක්තයි..
ස්වාමින්වහන්සේ සිලුමිණ සෑයේ අට තැනක වන්දනා කලා..

වන්දනා කරලා ඉවරවෙනකොට, සක්දෙවිඳුත් ආවා සෑය වන්දනා කරන්න...එතකොට ස්වාමින් වහන්සේව දැකලා උන් වහන්සේටත් වන්දනා කලා..
ස්වාමින් වහන්සේ සක් දෙවිඳුගෙන් ඇහුවා..

🔸දෙවිඳුනේ, මෛත්‍රී බෝසතුන් මෙහි වන්දනා කරන්න එන්නේද??

🔹එසේය ස්වාමීනී, අද අටවක දවසක් නොවැ..බෝසතුන් අද සෑය වන්දනා කරන්න මෙහි එන්නේය..

මෙහෙම කතා බහේ ඉන්නකොට, ලස්සන දෙවි කෙනෙක් දෙවිවරු පිරිවරාගෙන නැගෙනහිර දිසාවෙන් එනවා දැක්කා..

ස්වාමින් වහන්සේ සක්දෙවිඳුගෙන් ඇහුවා,
මේ එන්නේ බෝසතාණන් වහන්සේ ද ? කියලා..

නෑ ස්වාමිනී, මේ ලංකාද්වීපයේ අනුරාධපුරයේ හිටපු ඇඳුම් මසා ජිවත්වූ "තිස්ස" සන්නාලියායි..

ඒ දෙවියා සෑය වන්දනා කරලා දකුණු පැත්තේ හිට ගත්තා..

තව ටිකකින් තවත් දෙවි කෙනෙක් පිරිස සමඟ ආවා..ස්වාමින් වහන්සේ ඇහුවා ඒ දෙවියද මෛත්‍රි බෝසතාණන් කියලා??

නෑ ස්වාමිනී, ඒ ලංකාද්වීපයේ සංඝයාට දන් දී දෙව්ලොව උපන් "හරිතාලතිස්සයි"...

ඒ දෙවියත් සෑය වන්දනා කරලා බටහිර දිසාවේ හිට ගත්තා..

ටික වෙලාවකින් තවත් ලස්සන දෙවි කෙනෙක් ආවා..ස්වාමින් වහන්සේ ඇහුවා ඒ කව්ද කියලා..

ස්වාමීනී ඒ තමයි, අපගේ දුටුගැමුණු රජතුමාගේ බාල සොහෝයුරු වූ "සද්ධාතිස්ස" රජතුමා..

ඒ දෙවියත් සෑය වන්දනා කරලා උතුරු දිසාවේ හිටගත්තා..

ඊලගට තවත් මහේශාක්‍ය දෙවි කෙනෙක් දෙවිවරුන් පිරිවරාගෙන ආවා..ස්වාමින්වහන්සේ ඇහුවා මේ කව්ද කියලා??

ස්වාමිනී, යමෙක් භාග්‍යවතුන් වහන්සේගේ මහා සෑය ඉදිකලා නම්,ඒ මහා සෑය ඉදිකල අපගේ "දුටුගැමුණු" මහා රජතුමාය..

අපගේ දුටුගැමුණු දෙවියන්, සෑය වන්දනා කරලා නැගෙනහිර දිසාවේ හිට ගත්තා..

ඔන්න ඊලඟ දෙවිලොව තව්තිසා දෙව්ලොව බබුලුවාගෙන දෙවි කෙනෙක් ආවා..

ඒ තමයි "අජිත" නමින් තුසිත දෙව්ලොව වැඩසිටින අපගේ මෛත්‍රී බෝධිසත්වයන් වහන්සේ..
බෝධිසත්වයන් වහන්සේ සෑ රජාණන් වහන්සේ වන්දනා කරලා ඇවිල්ලා ස්වාමින්වහන්සේ ට වන්දනා කලා..

ඉන් පස්සේ මෛත්‍රී බෝසතාණන් වහන්සේත්, උන් වහන්සේගේ බුද්ධ සාසනයේ අගසව් දෙනම වන දුටුගැමුණු දිව්‍ය රාජයාත්, සද්ධා තිස දිව්‍ය රාජයත් යලිත් තුසිත දෙව්ලොවට පිටත් වුනා..

තුසිතයේ එක දවසක් මනුස්ස ලෝකයේ වගේ අවුරුදු 400ක් වෙනවා..දුටුගැමුණු රජතුමා තුසිතයේ තවමත් ගතකරලා තියෙන්නේ දින හතරක් වගෙ සුලු කාලයක්..තවමත් දෙව්ලොව වැඩ සිටිනවා..

දුටුගැමුණු මහා රජතුමාත්, සද්ධාතිස්ස රජතුමාත් මේ මහා භද්‍ර කල්පයේ අනගතයේ දවසක,
මෛත්‍රි බුද්ධසාසනයේ අසිරිමත් අගසව් දෙපල බවට පත් වී, සසර දුකින් නිදහස් වේවී!!!

මහාවංශය සහ සිහළවත්ථු ඇසුරෙනි..🙏

#bana
#banakatha
#pirith
#sadhaham

1 month ago (edited) | [YT] | 2