Hash Music Diaries

Welcome to Hash Music Diaries 🎶
Original Kannada songs written from the heart.
Lyrics by me, music created with Suno AI.
If you love Kannada music, please support and subscribe ❤️

View channel on YouTube

Switch Invidious Instance

Videos

Shorts

Livestreams

Playlists

Posts

Hash Music Diaries

ಅಪ್ಪಾ… ನನ್ನ ಮೊದಲ ದೇವರು
ಬದುಕೋದ ಕಲಿಸಿದ ಗುರು

ನೂರಾರು ಮಾತುಗಳು
ನನ್ನಪ್ಪನ ಮೌನದಲಿ
ಎಣೆಯಿರದ ಕನಸುಗಳು
ನೀರಾಡದ ಕಣ್ಣಿನಲಿ

ಮಾತು ಕಲಿಸಿದ
ಕೈ ಹಿಡಿದು ನಡೆಸಿದ
ಹೆಗಲ ಮೇಲೆ ಹೊತ್ತು ಊರ ಜಾತ್ರೆ ತಿರುಗಿದ
ಬಾಳ ಪಾಠವೆಲ್ಲ ಹೇಳದೇನೆ ತಿಳಿಸಿದ

ಭರವಸೆಗೆ ಇನ್ನೊಂದು ಹೆಸರು
ನಮಗಾಗಿ ಮುಡಿಪಾದ ಉಸಿರು
ನಿಸ್ವಾರ್ಥ ಪ್ರೀತಿಯ ಭಾವ
ನೆರಳಾಗಿ ಕಾದ ಜೀವ

ನನ್ನ ಎಲ್ಲ ಕನಸಿಗೆ ರೆಕ್ಕೆ ಕಟ್ಟಿದ
ಏಣಿ ಮೆಟ್ಟಿಲಾಗಿ ತನ್ನ ಬದುಕು ಸವೆಸಿದ
ಬೆವರು ಹರಿಸಿದ
ಪ್ರೀತಿ ಮಳೆಯ ಸುರಿಸಿದ
ಮರೆಯಲಾಗದ
ನೆನಪು ಉಳಿಸಿದ

ಅಪ್ಪಾ… ನನ್ನ ಮೊದಲ ದೇವರು
ಬದುಕೋದ ಕಲಿಸಿದ ಗುರು
- ಹರೀಶ ಪಟಗಾರ

3 days ago | [YT] | 1

View 2 replies

Hash Music Diaries

ಈ ಹಾಡು ಕೇಳಿ....

ಗುಲಾಬಿ ಕೆನ್ನೆಯ ಬೆಡಗಿ
ಹಂಸ ನಡಿಗೆಯ ಹುಡುಗಿ
ರವಿಯ ರಶ್ಮಿಯ ಕಾಯ್ವ ಇಳೆಯಂತೆ
ಮರವ ತಬ್ಬಿದ ಬಳುಕೊ ಲತೆಯಂತೆ
      ಆರಂಭಿಸು
      ಆರಾಧಿಸು
      ಪ್ರೀತಿಸು ನೀ
      ಹಾಗೇ ಸುಮ್ಮನೆ

ಹೆಚ್ಚಾಗಿದೆ ಹೃದಯದ ಬಡಿತ
ಉಸಿರಾಟವು ತಪ್ಪಿದೆ ಸ್ಥಿಮಿತ
ಕಡಲ ಸೇರುವ ನದಿಯ ನೀರಂತೆ
ತೀರ ಹುಡುಕುವ ಕಡಲ ಅಲೆಯಂತೆ
      ಆಲಂಗಿಸು
      ಆನಂದಿಸು
      ಪ್ರೀತಿಸು ನೀ
      ಹಾಗೇ ಸುಮ್ಮನೆ

ಸೆಳೆದಾಗಿದೆ ಮೋಹಕ ಚೆಲುವು
ನಿನ ಒಪ್ಪಿಗೆಯೊಂದೇ ಗೆಲುವು
ಇಳೆಯ ಮುದ್ದಿಸುವ ಜಿನುಗು ಮಳೆಯಂತೆ
ಭ್ರಮರದಾಟಕೆ ನಗುವ ಹೂವಂತೆ
      ಆಕರ್ಷಿಸು
      ಆಶ್ವಾಸಿಸು
      ಪ್ರೀತಿಸು ನೀ
      ಹಾಗೇ ಸುಮ್ಮನೆ

ದಾರಿಯ ತಪ್ಪಿದೆ ಮನಸು
ಹಾಡು ಹಗಲೇ ಕನಸು
ಏತಕೆ ಇನ್ನೂ ಮುನಿಸು
ಮಳೆಯ ತರಿಸುವ ನೀಲಿ ನಭವಾಗಿ
ವಸಂತ ಕಾಲದ ಚಿಗುರು ಎಲೆಯಾಗಿ
      ಆಮಂತ್ರಿಸು
      ಆವರಿಸು
      ಪ್ರೀತಿಸು ನೀ
      ಹಾಗೇ ಸುಮ್ಮನೆ