𝗔𝗝 𝗩𝗜𝗦𝗨𝗔𝗟 𝗧𝗥𝗘𝗔𝗧

Myself Ajesh and my house is in Idukki(Kerala), in the Thodupuzha area. I am someone who loves travelling a lot. I have been travelling a lot since childhood.
However, my travel isn’t limited to just this place. When I visited many other locations, I didn’t even think about vlogging them. The idea of sharing my journeys with others as my own signature only occurred to me much later.
Later, the idea came to me to turn those experiences into videos, like a travel vlog, and upload them to YouTube. Now I’ve started this YouTube channel with the desire to share the places I go with others as well. You’ll see my travels on this channel; there will be parts that may not be perfect, but I’ll try my best to deliver the scenes I witnessed in the best way I can. That’s my YouTube channel.

View channel on YouTube

Switch Invidious Instance

Videos

Shorts

Playlists

Posts

𝗔𝗝 𝗩𝗜𝗦𝗨𝗔𝗟 𝗧𝗥𝗘𝗔𝗧

മൂന്നാറിലേക്കുള്ള യാത്രയിൽ നമുക്ക് ടൈം സ്പെൻഡ് ചെയ്യാനും എൻജോയ് ചെയ്യാനും പറ്റിയ ഒരു പെർഫെക്റ്റ് സ്പോട്ട് തന്നെയാണ് ചെങ്കുളം ഡാം. മൂന്നാറിൽ നിന്നും 15 കിലോമീറ്റർ ആണ് ഇവിടേക്ക് ഉള്ളത്. 1957-ൽ പണികഴിപ്പിച്ചതാണ് ഈ ഡാം. ടൂറിസത്തിന്റെ സാധ്യതകൾ നല്ല രീതിയിൽ വിനിയോഗിക്കുന്ന ഒരു ഡാം കൂടിയാണിത്. കേരളത്തിലെ രണ്ടാമത്തെ ജലവൈദ്യുത പദ്ധതിയാണ് എന്നത് ഈ ഡാമിന്റെ ഏറ്റവും വലിയ പ്രത്യേകതയാണ്. പെരിയാറിന്റെ പോഷകനദിയാണ് മുതിരപ്പുഴയാർ. മുതിരപ്പുഴയാറിന്റെ പോഷകനദിയായ ആനച്ചാൽ പുഴയ്ക്ക് കുറുകെയാണ് ഈ ഡാം നിർമിച്ചിരിക്കുന്നത്. 144.50 മീറ്റർ നീളവും 24 മീറ്റർ ഉയരവും ആണ് ഈ അണക്കെട്ടിനുള്ളത്. രാവിലെ 9 മുതൽ വൈകിട്ട് 5 മണി വരെയാണ് ഇവിടത്തെ പാർക്കിന്റെ പ്രവർത്തന സമയം. പാർക്കിലേക്ക് ഒരാൾക്ക് 20 രൂപയാണ് എൻട്രി പാസ്. ബോട്ടിങ്ങിന് വേറെ പ്രത്യേകം ചാർജും ഉണ്ട്. ടിക്കറ്റുകൾ നമുക്ക് ഓൺലൈൻ ബുക്ക് ചെയ്യാവുന്നതുമാണ്. ബോട്ടിംഗ് അല്ലാതെ വേറെയും ഒരുപാട് ആക്ടിവിറ്റീസ് ഇവിടെയുണ്ട്. ഫാമിലിയായിട്ടും ഒക്കെ വരാൻ പറ്റിയ ഒരു സ്ഥലമാണ് ഈ ഡാമും അതിനോട് ചേർന്നുള്ള പാർക്കും.
https://youtu.be/ULyclHCP8Xk?si=LCaLD...
youtube.com/shorts/ulqapbF-JI...
#chenkulamdam #munnar #idukki #Kerala

1 week ago | [YT] | 7

View 0 replies

𝗔𝗝 𝗩𝗜𝗦𝗨𝗔𝗟 𝗧𝗥𝗘𝗔𝗧

St. George Orthodox Syrian Church, Kadamattom is one of the most ancient and famous pilgrim churches in Kerala, India.
Located in Kadamattom, near Kolenchery and Muvattupuzha in Ernakulam district, the church is believed to have been established in the 9th century AD by Mar Abo, an Assyrian monk.
It lies on the Kochi-Madurai National Highway 49, about 2 km beyond Kolenchery Medical College Junction.

The church follows traditional Kerala architecture mixed with European Renaissance, Baroque, and Mannerist styles. It was recently restored using Italian pigments to preserve its mural paintings.

A ritual known as the 'Kadamattom Samprathayam' is observed at Kadamattom Church.

എറണാകുളം ജില്ലയിലെ കുന്നത്തുനാട് താലൂക്കിലാണ് ഈ പള്ളി സ്ഥിതി ചെയ്യുന്നത്. കേരളത്തിലെതന്നെ ഏറ്റവും പഴക്കം ചെന്ന വളരെയധികം ചരിത്ര പ്രാധാന്യമുള്ള പള്ളികളിൽ ഒന്നാണ് സെന്റ് ജോർജ് ഓർത്തഡോക്സ് സുറിയാനി പള്ളി കടമറ്റം.

പണ്ടുമുതലേ നമ്മൾ കേട്ടിട്ടുള്ള കുട്ടിക്കഥകളിലൂടെയും ഏഷ്യാനെറ്റിൽ സംപ്രേഷണം ചെയ്തിരുന്ന കടമറ്റത്ത് കത്തനാർ സീരിയലിലൂടെയും ഒക്കെ നമുക്ക് സുപരിചിതമാണ് ഈ പള്ളിയും കടമറ്റത്തച്ഛനും. AD നാലാം നൂറ്റാണ്ടിൽ പേർഷ്യയിൽ നിന്നും എത്തിയ മാർ ആബോ പിതാവാണ് ഈ പള്ളി നിർമ്മിച്ചതെന്ന് വിശ്വസിക്കപ്പെടുന്നു.

ക്രിസ്തുമതം പ്രചരിപ്പിക്കുന്നതിന്റെ ഭാഗമായി ഒരു ദിവസം വൈകുന്നേരം പിതാവ് കടമറ്റത്ത് എത്തിച്ചേർന്നു. ദൂരയാത്ര ചെയ്ത് ക്ഷീണിതനായിരുന്ന അദ്ദേഹം വിശപ്പടക്കുന്നതിനും രാത്രി താമസിക്കുന്നതിനും ആയി വൃദ്ധയായ ഒരു വിധവയുടെ കുടിലിൽ കയറിച്ചെന്നു. അവിടെ ആ അമ്മയും ഒരു മകനും മാത്രമേ ഉണ്ടായിരുന്നുള്ളൂ. വ്യത്യസ്തമായ വേഷവും ഭാഷയും ഉള്ള പിതാവിനെ അവർ സ്നേഹത്തോടെ സ്വീകരിച്ചു. എന്നാൽ ആ കുടുംബം നാളുകളായി പട്ടിണിയിലായിരുന്നു. ഇത് മനസ്സിലാക്കിയ പിതാവ് ആ അമ്മയോട് അടുപ്പിൽ തീ കത്തിച്ച് കഞ്ഞിക്ക് വെള്ളം വയ്ക്കുവാൻ ആവശ്യപ്പെട്ടു. വെള്ളം തിളച്ചപ്പോൾ കാലിയായ അരി വട്ടിയിൽ നിന്നും ഒരു അരി മണി എടുത്ത് പ്രാർത്ഥിച്ച് പിതാവ് കലത്തിലിട്ടു. ഉടനെ പാത്രത്തിൽ നിറയെ ചോറ് തിളച്ചു മറിഞ്ഞു. തങ്ങളുടെ കുടിലിൽ എത്തിയിരിക്കുന്നത് ഒരു ദിവ്യനാണെന്ന സത്യം അമ്മയും മകനും മനസ്സിലാക്കി. അന്ന് നാട് ഭരിച്ചിരുന്ന ആയക്കുന്നത്ത് കർത്താവിന്റെ ഏക മകൾ പൈശാചിക ബാധ മൂലം കഴിയുകയായിരുന്നു. അടുത്ത ദിവസം രാവിലെ തന്നെ ആ അമ്മ ആബോ പിതാവിനെ നാടുവാഴിയുടെ അടുക്കൽ കൂട്ടിക്കൊണ്ടുപോയി. പിതാവിന്റെ പ്രാർത്ഥന ശക്തിയാൽ നാടുവാഴിയുടെ മകളുടെ ചിത്തഭ്രമം പൂർണമായും സുഖപ്പെട്ടു. അതിൽ സന്തുഷ്ടനായ നാടുവാഴി പരിശുദ്ധ കനികാമറിയത്തിന്റെ നാമത്തിൽ ഒരു പള്ളി നിർമ്മിച്ച് പിതാവിന് പാരിതോഷികമായി നൽകി. അങ്ങനെ മാർ ആബോ പിതാവിനാൽ സ്ഥാപിതമായതാണ് ഇന്നത്തെ കടമറ്റം വലിയ പള്ളി.

വർഷങ്ങൾക്ക് മുമ്പ് ആബോ പിതാവ് ഈ പള്ളിയിൽ വികാരിയായി ഇരിക്കുന്ന സമയത്താണ് പൗലോസ് എന്ന ബാലൻ പിതാവിന്റെ അടുത്ത് എത്തുന്നത്. അനാഥനായിരുന്ന ഈ ബാലൻ വൃദ്ധയായ വിധവയുടെ മകനായിരുന്നു എന്നും കഥകളുണ്ട്. അങ്ങനെ പിതാവ് പൗലോസിനെ സ്വന്തം മകനെ പോലെ വളർത്തി. നല്ല വിദ്യാഭ്യാസം നൽകുകയും സുറിയാനി പോലെയുള്ള ഭാഷകൾ പഠിപ്പിക്കുകയും ചെയ്തു. പൗലോസ് ക്രിസ്തുമതം സ്വീകരിച്ച് ശെമ്മാശനായി. ഇദ്ദേഹമാണ് പിൽക്കാലത്ത് നമ്മുടെ കടമറ്റത്ത് കത്തനാരായത്.

ഒരു ദിവസം പശുക്കളെ മേയ്ക്കാനായി കാട്ടിൽ പോയ പൗലോസ് ഉൾവനത്തിലെ നരഭോജികളായ ഗുഹാവാസികളാൽ പിടിക്കപ്പെട്ടു. ഗുഹാവാസികൾ തന്നെ കൊല്ലുമെന്ന് മനസ്സിലാക്കിയ ശെമ്മാശൻ ദൈവത്തോട് കഠിനമായി പ്രാർത്ഥിച്ചു. മനസലിവു തോന്നിയ മൂപ്പൻ ശെമ്മാശനെ കൊല്ലുവാൻ അനുവദിക്കാതെ അവരിൽ ഒരാളായി ചേർത്തു. ഗുഹാവാസികളുടെ മൂപ്പൻ ആകേണ്ടവൻ അറിഞ്ഞിരിക്കേണ്ടതായ മന്ത്രവാദവും ഇന്ദ്രജാലവും മഹേന്ദ്ര ജാലവും വിദഗ്ധമായി മൂപ്പനിൽ നിന്നും ശെമ്മാശൻ അഭ്യസിച്ചു. ഈ കാലഘട്ടമാണ് കടമറ്റത്തച്ഛന്റെ ജീവിതത്തിന്റെ വഴിത്തിരിവായത്.

വിശ്വസ്തനും സത്യസന്ധമായ പൗലോസിനെ മൂപ്പൻ തന്റെ മകളെ വിവാഹം കഴിപ്പിച്ച് അനന്തരാവകാശിയാക്കാൻ ആഗ്രഹിച്ചു. തനിക്കൊരിക്കലും ഗുഹാവാസിയായി കഴിയാനാവില്ലെന്ന് ശെമ്മാശൻ മൂപ്പനെ അറിയിച്ചു. അതോടെ അവർ ശെമ്മാശന് കാവൽ ഏർപ്പെടുത്തി. നാളുകൾ ഒരുപാട് കഴിഞ്ഞിട്ടും ശെമ്മാശന്റെ തീരുമാനത്തിൽ മാറ്റം ഒന്നും വരാതിരുന്നതിനാൽ മൂപ്പൻ ശെമ്മാശന് തിരികെ പോകുവാൻ മൗനാനുവാദം നൽകി. എന്നാൽ ഗുഹാവാസികളുടെ നിയമം ലംഘിക്കപ്പെടാതിരിക്കാൻ വേണ്ടി അവിടെ നിന്നും പഠിച്ചതൊന്നും പുറം ലോകത്തെ പഠിപ്പിക്കില്ല എന്ന് ശെമ്മാശനെ കൊണ്ട് സത്യം ചെയ്യിപ്പിച്ചു. മൂപ്പനിൽ നിന്നും പഠിച്ച വിദ്യകൊണ്ട് തന്നെ രാത്രിയിൽ കാവൽക്കാരെ ഉറക്കി ശെമ്മാശൻ ഗുഹയിൽ നിന്നും രക്ഷപ്പെട്ടു .

സ്വന്തം മകനെപ്പോലെ സ്നേഹിച്ചു വളർത്തിയ പൗലോസിനെ ഉൾവനത്തിൽ നിന്നും തിരികെ ലഭിച്ചതിൽ സന്തോഷവാനായ ആബോ പിതാവ് പള്ളിയുടെ പൂർണ്ണ ചുമതല ശെമ്മാശനെ ഏൽപ്പിച്ചതിനു ശേഷം ക്രിസ്തുമത പ്രചാരണത്തിനായി യാത്രയായി. ആ സമയത്ത് തന്റെ കയ്യിൽ അണിഞ്ഞിരുന്ന മുദ്രാ മോതിരം പിതാവ് പൗലോസ് അച്ഛന്റെ കൈകളിൽ ഇട്ടുകൊടുത്തതിനുശേഷം ഈ മോതിരം ഊരി വീഴുന്ന ദിവസം താൻ കാലം ചെയ്തുവെന്നും മോതിരം തിരികെ എടുത്തിട്ട് എന്നെ അന്വേഷിച്ചു ഇറങ്ങിയാൽ എന്റെ അടുക്കൽ എത്തിച്ചേരുവാൻ കഴിയും എന്ന വരവും നൽകിയിരുന്നു.

ക്രിസ്തുമതം അറിയിക്കുന്നതിനായി കടമറ്റത്ത് നിന്നും യാത്ര തിരിച്ച മാർ ആബോ പിതാവ് കൊല്ലം തേവലക്കരയിൽ എത്തിച്ചേർന്നു. അവിടെ ഒരു ഹൈന്ദവ കുടുംബത്തിൽ താമസിച്ചു ആ കുടുംബത്തിലെ അംഗങ്ങളെ നേത്രവൈദ്യം അഭ്യസിപ്പിച്ചു. ആ കുടുംബവും ദേശവാസികളും ക്രിസ്തുമതം സ്വീകരിക്കുകയും അവിടെ പരിശുദ്ധ കനികാമറിയത്തിന്റെ നാമധേയത്തിൽ ഒരു പള്ളി പണിയുകയും ചെയ്തു. ആ പള്ളിയാണ് തേവലക്കര വിശുദ്ധ മർത്താമറിയം ഓർത്തഡോക്സ് പള്ളി എന്നറിയപ്പെടുന്നത്. മാർ ആബോ പിതാവിൽ നിന്ന് നേത്രവൈദ്യം പഠിച്ച കുടുംബമാണ് പ്രശസ്തരായ തേവലക്കര കണ്ണുവൈദ്യർ.

പൗലോസ് അച്ഛൻ ധരിച്ചിരുന്ന മുദ്രാ മോതിരം ഒരു ദിവസം ഊരി വീഴുകയും അതിന്റെ പൊരുൾ മനസ്സിലാക്കിയ അച്ഛൻ തന്റെ ഗുരുവിനെ അന്വേഷിച്ച് യാത്ര തിരിക്കുകയും ചെയ്തു. അനേക ദൂരം യാത്ര ചെയ്ത പൗലോസ് അച്ഛൻ തേവലക്കര വിശുദ്ധ മർത്താമറിയം പള്ളിയുടെ മദ്ബഹായുടെ വടക്കുപടിഞ്ഞാറു വശത്തെ മാർ ആബോ പിതാവിന്റെ കബറിടത്തിൽ എത്തിച്ചേർന്നു. തന്റെ ഗുരുവിന്റെ ഭൗതികശരീരം ഒരു നോക്ക് കാണുവാൻ സാധിക്കാത്തതിൽ അതീവ ദുഃഖിതനായ പൗലോസ് അച്ഛൻ ഗുരുവിന്റെ കബറിടത്തിൽ മുട്ടുകുത്തി പ്രാർത്ഥിച്ചപ്പോൾ കബറിൽ നിന്ന് ഗുരുവിന്റെ വലതുകരം വേർപെട്ട് ഉയർന്നുവന്നു. ഗുരു തന്റെ സാമീപ്യം മനസ്സിലാക്കിയതിൽ സന്തുഷ്ടനായ പൗലോസ് അച്ഛൻ ഉയർന്നുവന്ന ഗുരുവിന്റെ വലതു കരം ഭക്തി ആദരവോടുകൂടി കടമറ്റത്ത് കൊണ്ടുവന്ന് വലിയ പള്ളിയുടെ തെക്കേ ഭിത്തിയിൽ അടക്കം ചെയ്യുകയും അവിടെ പേർഷ്യൻ കുരിശ് സ്ഥാപിക്കുകയും ചെയ്തു.

പൗലോസച്ഛൻ ആബോ പിതാവിൽ നിന്നും പഠിച്ച ദൈവീക സിദ്ധികളും ഗുഹാമൂപ്പനിൽ നിന്നും പഠിച്ച വിദ്യകളും ഉപയോഗിച്ച് സമൂഹനന്മയ്ക്കെതിരെ നിലകൊണ്ടിരുന്ന പൈശാചിക ശക്തികളെയെല്ലാം ഉന്മൂലനം ചെയ്തു. പരിസരപ്രദേശങ്ങളിലുണ്ടായിരുന്ന പ്രേതബാധോപദ്രവങ്ങളും അപസ്മാരം ഭ്രാന്ത്‌ എന്നിങ്ങനെയുള്ള മാറാരോഗങ്ങളും അദ്ദേഹം മാറ്റി കൊടുക്കുമായിരുന്നു. അദ്ദേഹത്തിന്റെ പ്രസിദ്ധി നാനാദിക്കുകളിലേക്കും വ്യാപിച്ചു. ജനങ്ങൾ അദ്ദേഹത്തെ ആദരവോടെ കടമറ്റത്തച്ഛനെന്നും കടമറ്റത്ത് കത്തനാരെന്നും വിളിക്കുവാൻ തുടങ്ങി.

പ്രധാന പള്ളിയുടെ അൾത്താരയുടെ വലതു വശത്തായി കടമറ്റത്തച്ഛന്റെ കബറിടം നമ്മുക്ക് കാണാം.

ആബോ പിതാവിനാൽ പരിശുദ്ധ കന്യകാമറിയത്തിന്റെ നാമത്തിൽ സ്ഥാപിതമായ കടമറ്റം പള്ളി പിൽക്കാലത്ത് വിശുദ്ധ ഗീവർഗീസ് സഹദായുടെ നാമധേയത്തിലേക്ക് മാറ്റപ്പെടുകയും ഉണ്ടായി.
https://youtu.be/6S5o5hHmVR8?si=iHvnN...
youtube.com/shorts/dFq8F9DkDS...
#kadamattompally #ernakulam #kerala #ajvisualtreat

1 month ago | [YT] | 5

View 0 replies

𝗔𝗝 𝗩𝗜𝗦𝗨𝗔𝗟 𝗧𝗥𝗘𝗔𝗧

#Homegarden #villagelife #idukki #kerala

1 month ago | [YT] | 9

View 0 replies

𝗔𝗝 𝗩𝗜𝗦𝗨𝗔𝗟 𝗧𝗥𝗘𝗔𝗧

കേരളത്തിലെ തന്നെ പ്രശസ്തമായ വെള്ളച്ചാട്ടങ്ങളിൽ ഒന്നാണ് ഇടുക്കി ജില്ലയിൽ സ്ഥിതി ചെയ്യുന്ന തൊമ്മൻകുത്ത്. മൊത്തം ഏഴു വെള്ളച്ചാട്ടങ്ങളാണ് ഇവിടെയുള്ളത്. തൊടുപുഴയിൽ നിന്നും 20 കിലോമീറ്റർ ആണ് ഇവിടേക്കുള്ള ദൂരം. കരിമണ്ണൂർ ഗ്രാമപഞ്ചായത്തിലാണ് ഈ വെള്ളച്ചാട്ടം സ്ഥിതി ചെയ്യുന്നത്. മുതിർന്നവർക്ക് 40 ഉം കുട്ടികൾക്ക് 20 രൂപയുമാണ് ഇവിടേക്കുള്ള പ്രവേശന നിരക്ക്. ഫോട്ടോഗ്രാഫിക്ക് 50 രൂപയും വീഡിയോഗ്രാഫിക്ക് 250 രൂപയുമാണ്. കാട്ടിലൂടെയുള്ള ട്രക്കിങ്ങിനും ചാർജ് ഉണ്ട്. രാവിലെ 8:00 മുതൽ വൈകിട്ട് 5 മണി വരെയാണ് തൊമ്മൻകുത്തിലെ സന്ദർശന സമയം. ഇടുക്കി ഡാമിന്റെ ഭാഗമായിട്ടുള്ള വനത്തിന്റെ ഭാഗമാണ് ഇവിടം. ഇടുക്കി വനത്തിന്റെ ഭാഗമായതുകൊണ്ട് തന്നെ വിവിധതരം സസ്യങ്ങളാലും മൃഗങ്ങളാലും സമ്പന്നമാണ് ഇവിടം. നമ്മൾ നടക്കുന്ന വഴിയോട് ചേർന്ന് കാളിയാർ പുഴയുടെ മനോഹരമായ കാഴ്ചകളും കാണാം. മഴക്കാലത്ത് കാട്ടിൽ തോട്ടപ്പുഴുവിന്റെ ശല്യം ഉണ്ടാവും. മഴക്കാലത്താണ് ഇവിടെ റെസ്ട്രിക്ഷൻസ് കൂടുതൽ. പരമാവധി മഴ കുറഞ്ഞു നിൽക്കുന്ന ഒരു സമയത്തു വരുകയാണെങ്കിൽ നമുക്ക് വെള്ളത്തിൽ ഇറങ്ങി കുളിച്ചിട്ടും പോകാം.
https://youtu.be/GVi7R9Tvw4c
https://youtu.be/CJ2ZHjsxBoY
https://youtu.be/tQz4I3cyGIQ
https://youtu.be/kqmD2xYAQzI
https://youtu.be/8DAlFKUnNPk
#thommankuth #Waterfalls #idukki #thodupuzha #kerala

2 months ago | [YT] | 10

View 0 replies

𝗔𝗝 𝗩𝗜𝗦𝗨𝗔𝗟 𝗧𝗥𝗘𝗔𝗧

ഇടുക്കിയിലെ കുളമാവിനടുത്തായി നമ്മളെ വിസ്മയിപ്പിക്കുന്ന ഒരു ലൊക്കേഷനാണ് പൊട്ടൻപടി മലനിരകൾ. തൊടുപുഴ പുളിയന്മല ഹൈവേയിലൂടെ നമ്മൾ യാത്ര ചെയ്യുമ്പോൾ ദൂരെയായി കാണുന്ന മൊട്ടക്കുന്നുകളിലേക്ക് ആണ് നമ്മൾ ഓടിയെത്തുന്നത്. മലനിരകൾ മൊത്തം നല്ല പച്ചപ്പാണ്. ആകാശത്തെ തൊട്ടുരുമിയ പോലെയാണ് ഓരോ കുന്നുകളും. താഴേക്കായി വലിയ കൊക്കയുമാണ്. ഈ മലയുടെ മറ്റൊരു പ്രത്യേകത ഇത്രയും വൈഡ് ഏരിയയാണ്.

മലമുകളിൽ നിന്നും കുളമാവ് ഡാമിന്റെ ദൂരക്കാഴ്ചയും നാടുകാണി പവലിയനും ഗ്രീൻബർഗ് റിസോർട്ടും കാണാം. കുളമാവ് ഡാമിൽ നിന്നും 3.5 കിലോമീറ്ററാണ് പൊട്ടൻപടിയിലേക്കുള്ളത്. താഴ്‌വാരക്കാഴ്ചകളിൽ മലങ്കര ജലാശയവും മൂലമറ്റം, കാഞ്ഞാർ ഭാഗങ്ങളും ദൂരെയായി വാഗമൺ മലനിരകളും കാണാം. ഒരുപാട് തിരക്കില്ലാത്ത സ്ഥലം ആയതുകൊണ്ട് നമുക്ക് ഇവിടെ ഇഷ്ടംപോലെ സമയം ചിലവഴിക്കാം. ഇത്രയും ഹൈറ്റ് ഉള്ള സ്ഥലമായതുകൊണ്ട് നല്ല മഴയുള്ളപ്പോഴും ഇടിമിന്നൽ ഉള്ളപ്പോഴും ഇവിടേക്ക് വരാതിരിക്കുന്നതാണ് നല്ലത്. തണുപ്പിറങ്ങിയാൽ ഇവിടെ തോട്ടാപ്പുഴുവിന്റെ ശല്യമുണ്ടാകും.

ഇടുക്കി ജില്ലയിലെ അറക്കുളം ഗ്രാമപഞ്ചായത്തിലാണ് പൊട്ടൻപടി വ്യൂ പോയിന്റ് സ്ഥിതിചെയ്യുന്നത്. തൊടുപുഴയിൽ നിന്നും തൊടുപുഴ പുളിയന്മല സ്റ്റേറ്റ് ഹൈവേയിലൂടെ 33 കിലോമീറ്റർ പിന്നിട്ടതിനു ശേഷം മെയിൻ റോഡിൽ നിന്നും 2 കിലോമീറ്റർ ഓഫ് റോഡ് കൂടിയും കടന്നു വരുമ്പോൾ നമുക്ക് ഈ ലൊക്കേഷനിലേക്ക് എത്തിച്ചേരാം. ചെറുതോണിയിൽ നിന്നും വരുമ്പോൾ 28 കിലോമീറ്റർ ആണ് ഇവിടേക്ക് ഉള്ളത്. ഇടുക്കിയിലേക്ക് നമ്മൾ വരുമ്പോൾ കുറച്ച് ഓഫ് റോഡ് ഒക്കെ പിന്നിട്ട് ഇവിടേക്ക് വന്നാൽ ഈ പ്രകൃതി ഭംഗിയും ആസ്വദിക്കാം.
#pottanpadi #hilltop #kulamavu #idukki #kerala #thodupuzha
https://youtu.be/iILJsoNn6m4?si=720m0...
youtube.com/shorts/OwpvKtJjsw...

2 months ago | [YT] | 16

View 4 replies

𝗔𝗝 𝗩𝗜𝗦𝗨𝗔𝗟 𝗧𝗥𝗘𝗔𝗧

തൊടുപുഴയിൽ നിന്നും ഏകദേശം 20 കിലോമീറ്റർ ദൂരത്തിലായി വണ്ണപ്പുറം ഗ്രാമപഞ്ചായത്തിലാണ് ആനയടിക്കുത്ത് അഥവാ ആനചാടികുത്ത് വെള്ളച്ചാട്ടം സ്ഥിതി ചെയ്യുന്നത്. പണ്ട് ഈ വെള്ളച്ചാട്ടത്തിൽ ആന വീണ് ചരിഞ്ഞാണ് ഈ പേര് വന്നത് എന്ന് പറയപ്പെടുന്നു. ഈ വെള്ളച്ചാട്ടത്തിന്റെ ഏറ്റവും വലിയ പ്രത്യേകത വെള്ളം വന്നു വീഴുന്നിടുത്ത് ആഴം കുറവായതിനാൽ ഏതൊരു സീസണിലും നമുക്കിവിടെ ഇറങ്ങി കുളിക്കാം. അതുകൊണ്ട് നീന്തൽ അറിയാത്തവർക്കും സേഫ് ആയി ഇവിടെ ഇറങ്ങാം. ആനയടികുത്തിൽ എത്തുന്ന സന്ദർശകർക്ക് യാതൊരു തരത്തിലുമുള്ള റെസ്ട്രിക്ഷൻസും ഇല്ല. തൊട്ടു ചേർന്ന് ടോയ്‌ലറ്റ് ഫെസിലിറ്റീസ്, ഡ്രസ്സ് മാറാനുള്ള സൗകര്യങ്ങൾ, ലോക്കർ സൗകര്യം എന്നിവയും ലഭ്യമാണ്.
https://youtu.be/Ldhdlsyrey4?si=yJS5Z...
youtube.com/shorts/I3M6YW8eig...
#anayadikuth #aanachadikuth #vannappuram #idukki #Waterfalls #kerala

2 months ago (edited) | [YT] | 13

View 4 replies

𝗔𝗝 𝗩𝗜𝗦𝗨𝗔𝗟 𝗧𝗥𝗘𝗔𝗧

St. Sebastian's Church Pannimattom
youtube.com/shorts/qa9JMFgByW...
#stsebastian #church #Pannimattom #idukki #Kerala

3 months ago | [YT] | 11

View 4 replies

𝗔𝗝 𝗩𝗜𝗦𝗨𝗔𝗟 𝗧𝗥𝗘𝗔𝗧

എറണാകുളം ജില്ലയിലെ മണ്ണത്തൂർ പാമ്പാക്കുട റൂട്ടിലൂടെ നമ്മൾ യാത്ര ചെയ്തു വരുമ്പോൾ അരീക്കൽ ജംഗ്ഷനിൽ തന്നെയാണ് ഈ ബേർഡ്സ് പാർക്ക് കാണാനാവുന്നത്. ഒരാൾക്ക് 50 രൂപയാണ് ഇവിടേയ്ക്കുള്ള പ്രവേശന നിരക്ക്. ഇവിടെ കൂടുതലായും ഉള്ളത് കോണൂർ പക്ഷികളാണ്. നല്ല ക്യൂട്ട് ആണ് ഇവരെ കാണുവാൻ. അതുകൊണ്ടുതന്നെ ആളുകൾ ഇണക്കി വളർത്താൻ ഒരുപാട് ഇഷ്ടപ്പെടുന്ന പക്ഷികളാണ്. രണ്ടു പാമ്പുണ്ട്, ഒന്ന് 'റോയൽ ബോൾ പൈത്തൺ' രണ്ടാമത്തേത് 'ആൽബിനോ ബോൾ പൈത്തൺ'. മലമ്പാമ്പ് ഇനത്തിൽപ്പെട്ട വിഷമില്ലാത്ത പാമ്പുകളാണ്. ഈ പാമ്പിനെ എടുക്കുവാൻ മാത്രം എക്സ്ട്രാ ഒരു 100 രൂപയും കൂടി ചാർജ് ഉണ്ട്. പിന്നെ ഇവിടെ ഇഗ്വാനയുണ്ട് മുയലുണ്ട്. നമുക്ക് ഇതിനെയൊക്കെ എടുക്കുവാനും സാധിക്കും. ഇവിടുത്തെ അനിമൽസിനെല്ലാം നല്ല ഇണക്കമുണ്ട്. അതുകൊണ്ടുതന്നെ നമുക്ക് പേടിക്കാനുമില്ല. കുട്ടികളും ഒക്കെ ആയിട്ട് വന്നിട്ട് നമുക്ക് എൻജോയ് ചെയ്യാൻ പറ്റിയ ഒരു സ്ഥലമാണ് ഇവിടം. തൊട്ടടുത്ത് തന്നെ അരീക്കൽ വെള്ളച്ചാട്ടവും കാണാം.
https://youtu.be/FJ_AfTJV59k?si=O5Oms...
youtube.com/shorts/ee3smJ3ORo...
#areekkal #exoticbirdspark #ernakulam #kerala

3 months ago | [YT] | 15

View 1 reply

𝗔𝗝 𝗩𝗜𝗦𝗨𝗔𝗟 𝗧𝗥𝗘𝗔𝗧

St. Thomas Church Erattayar
Idukki District
youtube.com/shorts/mULaL_qKtQ...
#idukki #erattayar #kerala #stthomas

3 months ago | [YT] | 7

View 4 replies

𝗔𝗝 𝗩𝗜𝗦𝗨𝗔𝗟 𝗧𝗥𝗘𝗔𝗧

തൊടുപുഴയിലേക്ക് ട്രിപ്പ് വരുന്നവർക്ക് ടൈം സ്പെൻഡ് ചെയ്യാൻ പറ്റിയ ഒരു പെർഫെക്റ്റ് സ്പോട്ടാണ് നഗരവനം. രാവിലെ 7 മണി മുതൽ വൈകിട്ട് 5 മണി വരെയാണ് ഇവിടുത്തെ പ്രവർത്തന സമയം. മുതിർന്നവർക്ക് നാൽപതും കുട്ടികൾക്ക് 20 രൂപയുമാണ് ഇവിടേക്കുള്ള പ്രവേശന നിരക്ക്. കേരള വനം വന്യജീവി വകുപ്പിന്റെ കീഴിലുള്ള ഇടവെട്ടി നഗരവനത്തിന്റെ വിസ്തീർണ്ണം 12.5 ഹെക്ടർ ആണ്. കാട്ടിലൂടെ 730 മീറ്ററോളം നീണ്ടുകിടക്കുന്ന നടപ്പാതയാണ് ഇവിടത്തെ പ്രധാന ആകർഷണം. 1990ൽ വിവിധതരം മരത്തൈകൾ വെച്ചുപിടിപ്പിച്ച് മിസെലീനിയസ് പ്ലാന്റേഷനായി രൂപാന്തരം ചെയ്തിട്ടുള്ളതാണ് ഇവിടം. 1902ൽ ഇവിടം റിസർവ് വനമായി പ്രഖ്യാപിച്ചു. ഈ ചെറിയ വനത്തിൽ വൈവിധ്യമാർന്ന മരങ്ങളും ജന്തുക്കളും ഉണ്ട്. 2022 ലാണ് തൊടുപുഴ വനം റേയ്ഞ്ചിന്റെ ഭാഗമായ ഇവിടെ നഗരവനം പദ്ധതിക്ക് തുടക്കം കുറിച്ചത്. നവീകരണത്തിന് ശേഷം 2024 ഒക്ടോബറിൽ വനംമന്ത്രി A K ശശീന്ദ്രൻ നഗരവനത്തിന്റെ ഉദ്ഘാടനം നിർവഹിച്ചു. തൊടുപുഴ ടൗണിൽ നിന്നും തൊടുപുഴ പൂമാല റൂട്ടിലൂടെ നാല് കിലോമീറ്റർ സഞ്ചരിച്ചാൽ നമുക്കിവിടെ എത്തിച്ചേരാം.
https://youtu.be/g-deDVdl7Ko?si=YDscU...
youtube.com/shorts/ZjYDqcSMYi...
#thodupuzha #edavetty #Nagaravanam #forest #idukki

4 months ago | [YT] | 11

View 6 replies