RideMee 亂配字幕

歡迎來到RideMee頻道！

歡迎投稿各類影片，感謝你的支持！
電郵:ridemeeyt@gmail.com
觀眾有任何問題～
可以直接email與我們溝通～
我們都會回覆email的～

RideMee 亂配字幕

技安好鬼紅！
一日就全網爆紅 ~

https://youtu.be/sDcvrb3uUHI

2 months ago (edited) | [YT] | 268

View 64 replies

RideMee 亂配字幕

有關港鐵阿叔幫大陸人教仔的影片一事
我哋十分感謝當事人來信。
同時表明自己係香港家長，唔係大陸家長
關於影片上嘅所述同現實相差太遠，
所以事主用文字講述當時的情況。
以下係事主的來信內容，感謝來信交代清楚～

信件內容:

你好, 我係有關影片中所謂嘅大陸家長, 今日從朋友分享得知此片係網上流傳, 因為事實同影片所述差太遠, 容我講述下事發經過。

我同兩個小朋友(我外甥)係太子站轉車, 大家係落車果陣有碰撞, 碰撞並唔強烈, 只係有掂到, 人多落車都係自然之事, 我起初都不以為然。然後, 阿叔自言自語地對空氣鬧人, 一開始唔係好大聲, 但係會俾你聽到果種。我問佢使唔使咁, 之後就片中口角, 我全程無講粗口(因為有小朋友), 個阿叔就好大聲同爆晒粗。

首先影片中所說係月台亂跑亂撞係子虛烏有, 因為一落車佢已經開始鬧。我問佢衝埋黎做乜, 阿叔話我行你又行。我明白拍片者係拍唔到開頭, 唔清楚事發係點, 但係至少聽到我同阿叔對話, 我同阿叔都全程廣東話, 點解會變左大陸家長?

我睇左其他片, 都係想分享這是一條教育影片, 大家可以從中學習。其實口角完後上車, 有家長都同我分享佢帶小朋友出街都遇到唔少老人家恃老賣老, 要讓佢地, 因為帶住小朋友佢地多數都選擇唔出聲, 但咁樣係咪對小朋友係件好事呢? 遇上唔公平嘅事唔合理嘅事係咪都要忍呢? 呢個可能真係需要探討嘅問題。

當然每個人觀點角度都唔一樣, 件事本身雙方都有不當之處, 只要一人讓一步俾你行先就無事。但係阿叔係大聲爆粗鬧人, 點解會覺得呢件事係正義之舉? 當然無端話我係大陸家長非常吸引眼球, 希望貴台唔好因為流量而助長欺善怕惡之行為。大家遇上不公義嘅事應該一齊企出嚟。謝謝!