Akayar

အိမ်ရှင် ထိုင်းဖိုက်တာနဲ့ ခေါင်ပွဲထိုးသွားရမယ့် နက္ခတ်မင်း

မြန်မာဖိုက်တာ နက္ခတ်မင်းကတော့ One Championship မှာ ခေါင်ပွဲကစားသွားရဖို့ ရှိနေပါတယ်။ နက္ခတ်မင်းဟာ လာမယ့် အောက်တိုဘာလ (၂)ရက်နေ့မှာ ကျင်းပမယ့် One Friday Fights 173ရဲ့ ခေါင်တွဲဆိုင်းအဖြစ် ထိုင်းဖိုက်တာ Buakaewနဲ့ မွေထိုင်းပွဲ ကစားသွားရမှာပါ။

အိမ်ရှင်ထိုင်းဖိုက်တာ Buakaewက Oneမှာ (၂)ပွဲကစားပြီး (၂)ပွဲလုံး နိုင်ထားပါတယ်။ နက္ခတ်မင်းက One မှာ တစ်ပွဲ ကစားထားဖူးပါတယ်။ ထိုင်းနာမည်ကျော်ဖိုက်တာ ပုံပတ်နဲ့ ကစားခဲ့တာဖြစ်ပြီး တတိယအချီမှာ ဒိုင်ပွဲရပ်နဲ့ ရှူံးနိမ့်ထားခဲ့တာဘဲ ဖြစ်ပါတယ်။

#Natkhatmin #Pompet #Buakaew #OneChampionship #Muaythai #OneFridayFights173

4 hours ago | [YT] | 9

Akayar

မြန်မာအသင်းကို ဘောလုံးဘယ်လို ကစားရမလဲ သင်ပေးခဲ့တဲ့ ကမ္ဘောဒီးယား

FIFA ASEAN 2026 ပြိုင်ပွဲရဲ့ Division (2) အုပ်စု (B)ရဲ့ ပွဲစဉ်တစ်ပွဲအဖြစ် ကမ္ဘောဒီးယားအသင်းနဲ့ မြန်မာအသင်းတို့ ရင်ဆိုင် ကစားခဲ့ကြပါတယ်။ ပွဲပြီးဆုံးချိန်မှာတော့ ကမ္ဘောဒီးယားအသင်းက မြန်မာအသင်းကို တစ်ဂိုး ဂိုးမရှိနဲ့ အနိုင်ယူသွားနိုင်ခဲ့ပါတယ်။

မြန်မာအသင်းရဲ့ ခြေစွမ်းကတော့ အတော်ဆိုးဆိုးပါဘဲ။ လူပေးတောင် မမှန်ဘဲ တောင်ကန် မြောက်ကန်နဲ့ ရပ်ကွက်အဆင့် ကစားဟန်ဖြစ်နေခဲ့တာပါ။ တစ်ဖက်က ကမ္ဘောဒီးယားအသင်းကတော့ ဘောလုံးကို လှလှပပ ကစားပြပြီး အနိုင်ယူသွားခဲ့ပါတယ်။ မြန်မာအသင်းအနေနဲ့ အရှူံးနဲ့ ထိုက်တန်ခဲ့တဲ့ ပွဲတစ်ပွဲပါဘဲ။

#ASEANFootball #Myanmar #FIFAASEANCup #MyanmarFootball #Thanpaing #JørnAndersen #Kaungkhantkyaw #Cambodia

6 hours ago | [YT] | 6

Akayar

စင်ကာပူအသင်းအတွက် ကစားပေးတော့မယ့် အင်္ဂလန်နောက်ခံလူ ပယ်ရီ အန်ဂ်

စင်ကာပူ ဘောလုံးအဖွဲ့ချုပ်နဲ့ ပရိသတ်တွေအတွက်တော့ တကယ်ကို ဝမ်းမြောက်စရာ သတင်းကောင်းတစ်ခု ရောက်ရှိလို့ လာခဲ့ပါပြီ။
အင်္ဂလန်ကလပ် ကာဒစ်ဖ်စီးတီးအသင်းရဲ့ အသက် ၂၉ နှစ်အရွယ် ညာနောက်ခံလူ ပယ်ရီ အန်ဂ်ဟာ စင်ကာပူ နိုင်ငံသားအဖြစ် တရားဝင် ခံယူလိုက်ပြီဖြစ်ပြီး စင်ကာပူအသင်းအတွက် ဝင်ရောက်ကစားပေးဖို့ လမ်းပွင့်သွားခဲ့ပြီ ဖြစ်ပါတယ်။

လီဗာပူးလ်မှာ မွေးဖွားခဲ့သူ ဖြစ်သော်လည်း အဘိုးဖြစ်သူဟာ စင်ကာပူနိုင်ငံသား ဖြစ်တာကြောင့် နိုင်ငံသား ခွင့်ပြုချက်ရရှိခဲ့တာပါ။ ၂၀၂၅ မတ်လမှာ အမြဲတမ်းနေထိုင်ခွင့် ရရှိခဲ့ပြီး ၂၀၂၆ စက်တင်ဘာလမှာတော့ တရားဝင် နိုင်ငံသားအဖြစ် လက်ခံရရှိခဲ့တာ ဖြစ်ပါတယ်။

လက်ရှိ ကျင်းပနေသည့် FIFA ASEAN Cup 2026 ပြိုင်ပွဲအတွက် စင်ကာပူအသင်းရဲ့ လူစာရင်းကို တရားဝင် မှတ်ပုံတင်ပြီးဖြစ်တာကြောင့် ဒီပြိုင်ပွဲမှာတော့ ပါဝင်နိုင်ဦးမှာ မဟုတ်ပါဘူး။
AFC Asian Cup 2027 ပြိုင်ပွဲအတွက် ပြင်ဆင်နေသည့် စင်ကာပူ အမျိုးသားအသင်းအတွက်တော့ နိုင်ငံတစ်ကာအဆင့်မီ ခံစစ်ကစားသမားတစ်ဦးကို အင်အားဖြည့်တင်းနိုင်ခဲ့ပြီပဲ ဖြစ်ပါတယ်။

#PerryNg #Singapore #FifaAseanCup #AFCAsianCup2027 #Cardiff #England

12 hours ago | [YT] | 6

Akayar

၂၀၂၇ ခုနှစ် အစောပိုင်းမှာ ပွဲဖြစ်လာနိုင်တဲ့ ဗန်နဲ့ မာနယ်ကပ်တို့ရဲ့ ချန်ပီယံခါးပတ် စိန်ခေါ်တွဲဆိုင်း

UFC ဖလိုင်းဝိတ်တန်းရဲ့ ချန်ပီယံ မြန်မာနွယ်ဖွား ဂျော့ရှူအာ ဗန်ကို ထိပ်တန်း စိန်ခေါ်သူ မာနယ် ကပ်က စိန်ခေါ်လိုက်ပြီး ဂျော့ရှူအာ ဗန်ရဲ့ ဘောက်ဆင်စတိုင်ဟာ သူ့အတွက် အကောင်းဆုံး ပြိုင်ဘက်မျိုး ဖြစ်တယ်လို့ အခိုင်အမာ ပြောကြားလိုက်ပါတယ်။ ဂျော့ရှူအာ ဗန် ဘက်ကလည်း ဒီပွဲကို ထိုးသတ်ဖို့ လမ်းဖွင့်ထားပေမယ့် ရရှိထားတဲ့ ပခုံးဒဏ်ရာကြောင့် ဒီပွဲစဉ်ဟာ ၂၀၂၇ အစောပိုင်းအထိ ကြန့်ကြာသွားနိုင်ခြေ ရှိနေတာပါ။ 

မာနယ်ကပ်က လူကောင်လဲ ထွားသလို လက်သီးကလဲ ထိကျ ပါဝါရှိတာကြောင့် ဗန်အတွက်တော့ အတော်လေး သတိထားသွားရမယ့် ပြိုင်ဘက်မျိူးပါဘဲ။

#Joshuavan #Thefearless #AlexanderPantoja #Flyweight #UFC #Manelkape

4 days ago | [YT] | 68

Akayar

P4P အကောင်းဆုံးဖိုက်တာ စာရင်းမှာ အဆင့်(၄)အထိ ခုန်ပျံပြီး တက်လာခဲ့တဲ့ ဗန် 

မြန်မာ့ဂုဏ်ဆောင်လေး ဂျော့ရှူအာဗန်ရဲ့ စံချိန်တွေကလည်း တစ်နေ့ထက်တစ်နေ့ ပိုပိုပြီး တိုးများလာနေပါတယ်။ ဗန်က UFC 331 ရဲ့ ခေါင်တွဲဆိုင်းအဖြစ် ဘရာဇီးဖိုက်တာ ချန်ပီယံဟောင်း ပန်တိုဂျာကို အမှတ်ပြတ်အနိုင်ယူပြီး ချန်ပီယံခါးပတ်ကို ကာကွယ်နိုင်ခဲ့ပါတယ်။ 

ချန်ပီယံခါးပတ်ကို နှစ်ပွဲဆက်တိုက် ကာကွယ်နိုင်မှုနဲ့အတူ ဗန်က လက်ရှိမှာ P4P Ranking မှာလည်း အဆင့်(၄)နေရာအထိ ခုန်တက်လာခဲ့ပါပြီ။ ဗန်က တိုပူရီးယား ၊ ဂျက်စတင် ဂေ့ဂျီတို့လို ကမ္ဘာကျော် ထိပ်တန်းဖိုက်တာတွေကို ကျော်တက်ပြီးတော့ အခုလိုနေရာထိ ရောက်ရှိလာခဲ့တာပါ။ ဗန်က အဆင့် (၁၀)ကနေ (၄)အထိ ခုန်တက်လာတာပါ။ 

UFCမှာ P4P ဆိုတာ Pound-for-Pound ကို ဆိုလိုတာဖြစ်ပြီး ဝိတ်တန်း အမျိုးအစား လုံးဝ မခွဲခြားဘဲ UFCအတွင်း အကောင်းဆုံး တိုက်ခိုက်ရေးသမားတွေကို အမှတ်ပေး သတ်မှတ်ထားတဲ့ ရေပန်းစား ဆန်းစစ်မှု အဆင့်သတ်မှတ်ချက်ဘဲ ဖြစ်ပါတယ်။ 

#Joshuavan #Thefearless #UFC #Flyweight #P4P #Myanmar #MMA

5 days ago | [YT] | 26

Akayar

M League အဖွင့်ပွဲစဉ်မှာ နိုင်ပွဲနဲ့ စတင်ခဲ့တဲ့ ဧရာဝတီယူနိုက်တက်အသင်း 

M League 2026-27 ပြိုင်ပွဲရဲ့ ပထမပတ် ပွဲစဉ်အဖြစ် ပုသိမ်မြို့ ကျောက်တိုင်ကွင်းမှာ ယှဉ်ပြိုင်ကစားခဲ့တဲ့ပွဲမှာ ဧရာဝတီယူနိုက်တက်အသင်းက အားကစားနှင့်ကာယပညာသိပ္ပံ (ISPE FC) အသင်းကို ၂ ဂိုး ၁ ဂိုးနဲ့ အနိုင်ယူပြီး ရာသီသစ်ကို နိုင်ပွဲဖြင့် စတင်လိုက်ပြီဖြစ်ပါတယ်။

ISPE FC အသင်းအတွက် ဦးဆောင်ဂိုးကို ပွဲချိန် ၁၁ မိနစ်မှာ ခိုင်ရဲဝင်းက သွင်းယူပေးခဲ့ပေမယ့် ဧရာဝတီယူနိုက်တက်အသင်းက ပြန်လည်ဖိအားပေး ကစားနိုင်ခဲ့ပြီး ပွဲချိန် ၂၇ မိနစ်မှာ လူမင်းချစ်နဲ့ ပွဲချိန် မိနစ် ၃၀မှာ မောင်တော့ပ်တို့ရဲ့ သွင်းဂိုးတွေနဲ့ ရလဒ်ကို အလှည့်အပြောင်း ပြုလုပ်ပြီး အနိုင်သုံးမှတ်ကို အရယူသွားခဲ့ပါတယ်။ 

#Mleague #Ayeyawadyunited #MFF #Myanmar #Football #ISPE

4 weeks ago | [YT] | 30

Akayar

သွင်းဂိုးတွေနဲ့အတူ ဟာလန်းအသစ် ပြန်လာပြီ

ပရီးမီးယားလိဂ်အဖွင့်ပွဲမှာ ဆံပင်တွေညှပ်ခဲ့ပြီးတော့ သွင်းဂိုးမရခဲ့တဲ့ အာလင်းဟာလန်းကို ဝေဖန်သူတွေ များခဲ့ပါတယ်။ ဆံပင်တွေညှပ်လိုက်လို့ ဗိုက်ကင်းစွမ်းအားတွေ ပါသွားပြီဆိုပြီး ဟာလန်းကို သရော် လှောင်ပြောင်ခဲ့ကြပါတယ်။

ဒါပေမယ့် ရာသီဒုတိယမြောက်ပွဲစဉ်မှာတော့ ဟာလန်းက ဝေဖန်သူတွေကို သွင်းဂိုးတွေနဲ့ ချေပလိုက်ပါတယ်။ မန်စီးတီးက ခရစ္စတယ်ပဲလေ့စ်အသင်းကို (၄)ဂိုး (၁)ဂိုးနဲ့ အနိုင်ရခဲ့တဲ့ပွဲမှာ ဟာလန်းက အသင်းအတွက် သွင်းဂိုး(၂)ဂိုးထိ သွင်းယူပေးခဲ့ပါတယ်။ ရွေဖိနပ်ဆုကတော့ သူ့အပိုင်ဘဲဆိုတာကို ဟာလန်း တစ်ယောက် စတင် အချက်ပေး ခေါင်းလောင်း ခေါက်လိုက်ပါပြီ။

#ErlingHaaland #Manchestercity #Norway #Premierleague #Crystalpalace

4 weeks ago | [YT] | 21

Akayar

ကမ္ဘာ့ဖလားဝင်ခွင့်ရမယ့်ဂိုးကို ဖန်တီးခဲ့လို့ အခုထိ ဂုဏ်ယူနေတုန်းဘဲဆိုတဲ့ ငြိမ်းချမ်းအောင် 


တစ်ချိန်က မြန်မာယူ-၁၉ အသင်းရဲ့ ကွင်းလယ်ဗိုလ်ချူပ် ငြိမ်းချမ်းအောင်က ကမ္ဘာ့ဖလားဝင်ခွင့်ရမယ့်ဂိုးကို ဖန်တီးခဲ့လို့ အခုထိ ဂုဏ်ယူနေတုန်းဘဲဆိုတဲ့ အကြောင်း ဖွင့်ဟလာခဲ့ပါတယ်။ 


“ကျွန်တော့်အတွက်တော့ ဒီကမ္ဘာ့ဝင်ခွင့်ရမယ့်ဂိုးကို ဖန်တီးပေးနိုင်ခဲ့လို့ အခုချိန်ထိ ဂုဏ်ယူနေမိပါတယ်။ ကျနော် အသက်ရှင်နေသ၍ ကာလပတ်လုံးလည်း ဂုဏ်ယူနေဦးမှာပါ။ ပရိတ်သတ်တွေလည်း ဂုဏ်ယူနေမယ်လို့ ထင်ပါတယ်။ ဒီအကြောင်းကိုလည်း ပြန်တွေးဖြစ်ပါတယ်။ စိတ်ဓာတ်တွေ ကျနေချိန်မှာပေါ့ ၊ ငါ အားလုံးကို ပျော်အောင် လုပ်ပေးနိုင်ခဲ့တယ် ဆိုပြီးတော့ပါ၊ ဒဏ်ရာကလည်း ရာနှုန်းပြည့် ကြံ့ခိုင်နေပါပြီ။ အသင်းသစ်နဲ့အတူ လာမယ့်ပြိုင်ပွဲမှာ ကျွန်တော့်ကို အများကြီး မြင်တွေ့သွားရမှာပါ”လို့ ငြိမ်းချမ်းအောင်က ဖွင့်ဟခဲ့တာပါ။ 


#Nyeinchanaung #Worldcup #Myanmar #Myanmaru19 #MFF #Thanpaing

4 weeks ago | [YT] | 66

Akayar

ဟာလန်း ဂိုးပေါက်ပျောက်ခဲ့ပေမယ့် အဖိုးတန်နိုင်ပွဲရခဲ့တဲ့ မန်စီးတီး 

လက်ရှိချန်ပီယံ အာဆင်နယ်အသင်းကတော့ ပရီးမီးယားလိဂ်အဖွင့်ပွဲမှာ ကိုဗင်ထွီအသင်းကို ဂိုးပြတ်နိုင်ပွဲနဲ့အတူ အဖွင့်လှထားပါတယ်။ မန်စီးတီးအသင်းကတော့ ဘုန်းမောက်အသင်းကို အတော်လေး ရုန်းကန်နေခဲ့ရပါတယ်။ ဘုန်းမောက်အသင်းရဲ့ ဦးဆောင်ခြင်းကို ခံခဲ့ရပြီး နောက်ကျ ချေပဂိုး ၊ အနိုင်ဂိုးတွေနဲ့အတူ နှစ်ဂိုးတစ်ဂိုးနဲ့ အနိုင်ယူခဲ့တာပါ။

ဘုန်းမောက်တို့ ဦး‌ဆောင်ထားခဲ့ပေမယ့် ပွဲချိန် (၈၄)မိနစ်မှာ ဂွီဟီက ချေပဂိုး ၊ မိနစ် (၉၀)ကျော်မှာ ကဗာဒီယောက အနိုင်ဂိုးတွေကို သွင်းယူခဲ့တာပါ။ နည်းပြ အန်ဇိုမာရက်စကာတစ်ယောက် ဒီနိုင်ပွဲကြောင့် အတော်လေး အသက်ရှူချောင်သွားသလို လက်ရှိချန်ပီယံ အာဆင်နယ်နဲ့ ရမှတ်တူ ရရှိသွားခဲ့ပါတယ်။ စီးတီးအတွက် စိတ်ပျက်စရာကတော့ အားထားရတဲ့ တိုက်စစ်မှူး အာလင်းဟာလန်းတစ်ယောက် ဂိုးပေါက်ပျောက်ခဲ့တာပါဘဲ။ 

#Arsenal #MikelArteta #Premierleague #Manchestercity #EnzoMaresca #ErlingHaaland

1 month ago | [YT] | 38

Akayar

GEGLA26 ပြိုင်ပွဲဝင်မယ့် Team Myanmar MLBB အမျိုးသားအသင်း လူစာရင်းကို တရားဝင် ထုတ်ပြန် 

အမေရိကန်ပြည်ထောင်စု၊ ကယ်လီဖိုးနီးယားပြည်နယ်မှာ ကျင်းပပြုလုပ်မည့် Global Esports Games (GEGLA26) ပြိုင်ပွဲကြီးတွင် မြန်မာနိုင်ငံကိုယ်စားပြု ဝင်ရောက်ယှဉ်ပြိုင်သွားမည့် Team Myanmar MLBB အမျိုးသားအသင်းရဲ့ ကစားသမားစာရင်းကို မြန်မာနိုင်ငံအီလက်ထရောနစ်အားကစားအဖွဲ့ချုပ် (MESF) က တရားဝင် ထုတ်ပြန်ကြေညာလိုက်ပါတယ်။

မြန်မာနိုင်ငံကိုယ်စားပြု Team Myanmar MLBB အမျိုးသားအသင်းဝင်များ -

New Cold
PS
OP
Lucky
Kidx
Royal Milk
Jina
PX7

အဆိုပါ Team Myanmar MLBB အမျိုးသားအသင်းသဟာ ရှေ့ပြေးခြေစစ်ပွဲစဉ်များဖြစ်တဲ့ Global Esports Games Qualifier တွင် စတင်ယှဉ်ပြိုင်သွားရမည်ဖြစ်ပြီး၊ နိုင်ငံတကာအဆင့် အသင်းများနဲ့ ယှဉ်ပြိုင်ကာ ကယ်လီဖိုးနီးယားမှာ ကျင်းပမည့် GEGLA26 Main Eventကို တက်ရောက်ခွင့်ရရှိဖို့ အစွမ်းကုန် ကြိုးပမ်းသွားမည်ဖြစ်ကြောင်း သိရှိရပါတယ်။

#TeamMyanmarMLBB #MLBB #RoyalMilk #Lucky #GEGLA26

1 month ago | [YT] | 126