*Welcome to "Supriya Dash Unfiltered" YouTube Channel, Where honest conversations and unapologetic opinions regin supreme. Join me, Supriya as I dive into the topics that matters most. From Social issues and politics to personal growth and relationships. Expect raw, unfiltered discussions that will make you think, laugh and may be even challenge your perspectives.
#humanrights #socialissue #socialjustice #inequality #poverty #racism #sexism #genderequality #climatechange #mentalhealth #education #healthcare #disparities #disabilityrights #LGBTQ+rights #enviornment #activism #advocacy #community #communitydevlopment #socialimpact #policychange #information #relevant #currentissue #grassrootmovement #socialawareness #civilrights #globalissues #sustainableliving #prisonreform #foodinsecurity #childlabor #indegenousrights #laborrights #poverty #povertyeradication #youth #youthactivism #sustainabledevlopmentgoal #Odisha #Odia #India #Indian #democracy #language #population #education
Supriya Dash Unfiltered (ମୁକ୍ତସ୍ବର)
ଭୂ-ଦାନରୁ ଭୂ-ମୁକ୍ତି
ଭାରତବର୍ଷରେ ଏପରି କିଛି ପ୍ରସଙ୍ଗ ରହିଛି, ଯାହା ପ୍ରମୁଖ ସମସ୍ୟା ମଧ୍ୟ ଏବଂ ତା’ର ସମାଧାନ ହୋଇପାରି ନାହିଁ। ଏପରି ପ୍ରସଙ୍ଗଗୁଡିକ ମଧ୍ୟରେ ଗୋଟିଏ ହେଉଛି ଜମି ବା ମାଟି। ମାଟି, ପାଣି, ପବନ; ଯାହାକୁ ମଣିଷ ସୃଷ୍ଟି କରିନାହିଁ, ମାତ୍ର ତା’ର ବିନାଶ କରିବାରେ ଅବଶ୍ୟ କୌଣସି ପଦକ୍ଷେପ ଏ ମଣିଷ ଛାଡୁନାହିଁ। ଏହି କାରଣରୁ ମାଟି ସମସ୍ୟା ଦିନକୁ ଦିନ ଅଧିକରୁ ଅଧିକ ଜଟିଳ ହୋଇଚାଲିଛି। ମହାତ୍ମା ଗାନ୍ଧୀଙ୍କ ନେତୃତ୍ୱରେ ଭାରତ ରାଜନୀତିକ ସ୍ୱାଧୀନତା ହାସଲ କଲାପରେ ଏହାର ଅର୍ଥନୈତିକ ସ୍ୱାଧୀନତା ପାଇଁ ଚିନ୍ତା କରାଯାଇଥିଲା। ଗାନ୍ଧିଜୀଙ୍କ ଡାକରାରେ ସତ୍ୟାଗ୍ରହ ଆନ୍ଦୋଳନରେ ଯୋଗଦେଇଥିବା ପ୍ରଥମ ସତ୍ୟାଗ୍ରହୀ, ଗାନ୍ଧିଜୀଙ୍କ ଆଧ୍ୟାତ୍ମିକ ଉତ୍ତରାଧିକାରୀ ନରହରି ବିନାୟକ ଭାବେ, ଭାରତରେ ଆର୍ଥିକ କ୍ରାନ୍ତି ଆଣିବାରେ ସଫଳ ହେଲେ। ବିନୋବା ଅର୍ଥନୈତିକ ବୈଷମ୍ୟ ଦୂର କରିବାକୁ, ଦେଶରେ ସମାନତା ପ୍ରତିଷ୍ଠା ପାଇଁ ଭୂ ସମସ୍ୟାକୁ ହାତକୁ ନେଇଥିଲେ। ସ୍ୱାଧୀନତା କାଳରେ ଦେଶରେ ଭୂମିହୀନଙ୍କ ସଂଖ୍ୟା ପ୍ରାୟ ୬୦% ରହିଥିଲା। ଏତେ ଲୋକଙ୍କ ପାଖରେ ଯଦି ଭୂସମ୍ପତ୍ତି ନ ରହେ, ତେବେ ଦେଶରେ ସମାନତା ଆସିବ କିପରି? ବୈଷମ୍ୟ ଦୂର ହେବ କିପରି? ଏହି ପ୍ରଶ୍ନ ବିନୋବା ଭାବେଙ୍କ ମନକୁ ଆସିଥିଲା। ସେହି ସମୟରେ ଦକ୍ଷିଣ ଭାରତରେ ଭୂମିକୁ ନେଇ ରକ୍ତାକ୍ତ ସଂଘର୍ଷ ଆରମ୍ଭ ହୋଇଯାଇଥିଲା। ଉପୁଜିଥିବା ସଙ୍କଟର ସମାଧାନ ପାଇଁ ବିନୋବା ଯାଇ ପହଁଚିଥିଲେ ତେଲେଙ୍ଗାନାରେ ଏବଂ ସେଠାରେ ଗ୍ରାମବାସୀଙ୍କ ସହିତ ଆଲୋଚନା କରି ହିଂସାକୁ ବନ୍ଦ କରି ଅହିଂସକ ସମାଜ ପ୍ରତିଷ୍ଠା ପାଇଁ ଉଦ୍ୟମ କରିଥିଲେ। ବିନୋବାଙ୍କ ଏହି ଉଦ୍ୟମରୁ ଆରମ୍ଭ ହୋଇଥିଲା ଭୂଦାନ ଆନ୍ଦୋଳନ। ସେଥିପାଇଁ ଭୂ-କ୍ରାନ୍ତି ବା ଭୂଦାନ ଆନ୍ଦୋଳନର ଜନକ ରୂପେ ବିନୋବା ପରିଚିତ।
ଆଜିକୁ ୭୫ ବର୍ଷ ପୂର୍ବେ, ସେ ଦିନ ଥିଲା ୧୮ ଏପ୍ରିଲ ୧୯୫୧ ମସିହା। ଏହି ଦିନ ତେଲେଙ୍ଗାନାର ପୋଞ୍ଚମପଲ୍ଲୀ ଗାଆଁରେ ଭୂଦାନ ଆନ୍ଦୋଳନର ଅୟମାରମ୍ଭ ହୋଇଥିଲା। ବିନୋବା ଯେତେବେଳେ ହିଂସାଗ୍ରସ୍ତ ତେଲେଙ୍ଗାନାରେ ପଦଯାତ୍ରା କରୁଥିଲେ ଏବଂ ଲୋକମାନଙ୍କ ସହିତ ବିଭିନ୍ନ ପ୍ରସଙ୍ଗରେ ଆଲୋଚନା କରୁଥିଲେ, ସେତେବେଳେ ସେ ଲୋକମାନଙ୍କୁ ସମସ୍ୟା ବିଷୟରେ ପଚାରିଥିଲେ। କେଉଁ କାରଣରୁ ହିଂସା ହେଉଛି ତାହା ଜାଣିବାକୁ ଉଦ୍ୟମ କରିଥିଲେ। ପୋଞ୍ଚମପଲ୍ଲୀର ସଭାରେ ଏପରି ଏକ ପ୍ରଶ୍ନର ଜବାବରେ ବିନୋବାଙ୍କୁ ଜଣେ ଗ୍ରାମବାସୀ ଜମି ମାଗିଥିଲେ। ଆମକୁ କିଛି ଜମି ଦିଆଯାଉ, ଆମେ ଆମ ଜମିରେ ଚାଷବାସ କରି ଜୀବନ ନିର୍ବାହ କରିବୁ, ଆଉ ହିଂସା ହେବ ନାହିଁ। ଭୂମିହୀନ ଗ୍ରାମବାସୀଙ୍କ ପ୍ରଶ୍ନ ବିନୋବାକୁ ଚିନ୍ତାରେ ପକାଇଥିଲା। ବିନୋବା ଏହି ଜଟିଳ ସମସ୍ୟାର ସରଳ ସମାଧାନ ପାଇଁ ଉପସ୍ଥିତ ଲୋକମାନଙ୍କୁ ଜମି ମାଗିଥିଲେ। ଏପରି କେହି ବ୍ୟକ୍ତି ଏଠାରେ ଅଛନ୍ତି କି, ଯିଏ ବିନୋବାଙ୍କୁ ଭୂସମ୍ପତ୍ତି ଦାନକରି ପାରିବେ? ବିନୋବାଙ୍କ ଏହି ଅନୁରୋଧ ସେ ସଭାରେ ଉପସ୍ଥିତ ଥିବା ଜମିଦାର ବି. ରାମଚନ୍ଦ୍ର ରେଡ୍ଡୀଙ୍କୁ ପ୍ରଭାବିତ କଲା। ସେ ବିନୋବାଙ୍କୁ ୧୦୦ ଏକର ଜମି ଦାନ କଲେ। ରାମଚନ୍ଦ୍ର ରେଡ୍ଡୀଙ୍କ ପ୍ରଥମ ଭୂଦାନରୁ ଭୂକ୍ରାନ୍ତି ଆରମ୍ଭ ହେଲା। ଏହି ଆନ୍ଦୋଳନ ସାରା ଭାରତରେ ପ୍ରସାରିତ ହେଲା, ଏପରି କି ପାକିସ୍ତାନ ଓ ଚୀନରେ ବି ଭୂଦାନ ସ୍ୱର ସୃଷ୍ଟିହେଲା।
ବିନୋବା ଭୂଦାନ ଯାତ୍ରାରେ ଓଡ଼ିଶାରେ ଆସି ପହଁଚିଲେ ୧୯୫୫ ମସିହାରେ, କିନ୍ତୁ ଏହାର ବହୁ ପୂର୍ବରୁ ଓଡ଼ିଶାରେ ଭୂଦାନ ଆନ୍ଦୋଳନ ଆରମ୍ଭ ହୋଇଯାଇଥିଲା ଏବଂ ଯାହାର ନେତୃତ୍ୱ ନେଇଥିଲେ ଗୋପବନ୍ଧୁ ଚୌଧୁରୀ, ମାଆ ରମାଦେବୀ, ଆଚାର୍ଯ୍ୟ ହରିହର ଆଦି ସର୍ବୋଦୟ ସାଧକମାନେ। ଓଡ଼ିଶାରେ ବିନୋବାଙ୍କର ଦୁଇଥର ଭୂଦାନ ପଦଯାତ୍ରା ଏବଂ ଅନ୍ୟମାନଙ୍କ ଉଦ୍ୟମରୁ, ଭୂଦାନ ଯଜ୍ଞ ସମିତି ମାଧ୍ୟମରେ ୪୨ ହଜାର ହେକ୍ଟର ଜମି ଭୂଦାନରେ ମିଳିଥିଲା ଏବଂ ଯାହାକୁ ଭୂମିହୀନ ଗରିବଙ୍କ ମଧ୍ୟରେ ବଣ୍ଟାଯାଇଥିଲା। ଭୂଦାନରୁ ଗ୍ରାମଦାନ ଆନ୍ଦୋଳନ, ପରେ ଜିଲ୍ଲାଦାନ ଓ ରାଜ୍ୟଦାନ ଆଦି ଆନ୍ଦୋଳନ ମାଧ୍ୟମରେ ସାରା ଭାରତରେ ଭୂମିହୀନଙ୍କୁ ଜମିଦେବା, ସେମାନଙ୍କ ଜୀବନଜୀବିକାକୁ ସୁରକ୍ଷିତ ରଖିବା ପାଇଁ ବିନୋବାଙ୍କ ଏହି ପ୍ରୟାସ ସଫଳ ହୋଇଥିଲା। ଉତ୍ତରପ୍ରଦେଶର ମଙ୍ଗରୋ ଠାରୁ ଗ୍ରାମଦାନ ଆରମ୍ଭ ହୋଇଥିଲାବେଳେ ଓଡ଼ିଶାର କେନ୍ଦ୍ରାପଡାର ମାନପୁର ଗାଆଁ, ଦ୍ୱିତୀୟ ଗ୍ରାମଦାନ ଏବଂ ଏହି ଆନ୍ଦୋଳନ ଆଦିବାସୀ ଅଧ୍ୟୁଷିତ ଅବିଭକ୍ତ କୋରାପୁଟ ଜିଲ୍ଲାରେ ବ୍ୟାପକଭାବେ ହୋଇ ଭୂସମସ୍ୟାର ଏକ ସ୍ଥାୟୀ ସମାଧାନ ଦିଗରେ ସକାରାତ୍ମକ ପଦକ୍ଷେପ ହୋଇଯାଇଥିଲା; ମାତ୍ର ଭୂଦାନର ସରକାରୀକରଣ, ସର୍ବୋଦୟ ପରିବାର ଦୁଇଭାଗ ହୋଇଯିବା ପରେ ଭୂଦାନ ଆନ୍ଦୋଳନ ଏକପ୍ରକାର ଶେଷ ହୋଇଯାଇଥିଲା। ଅବିଭକ୍ତ ବିହାର ପରି ଅତି ଗରିବ ରାଜ୍ୟରେ, ଯେଉଁଠି ଏକଦା ଗାନ୍ଧିଜୀଙ୍କ ଡାକରାରେ ଚମ୍ପାରଣ ଭୂ-ସତ୍ୟାଗ୍ରହ ସଫଳ ହୋଇଥିଲା ସେହି ବିହାରରୁ ଦେଶର ସର୍ବାଧିକ ଭୂଦାନ ମିଳିଥିଲା। ବିନୋବା ପ୍ରତ୍ୟେକ ପରିବାରର ସଦସ୍ୟ ଭାବେ ତାଙ୍କର ଭାଗ ଚାହିଁଥିଲେ ଏବଂ ପରିବାରର ଛଅ ଭାଗରୁ ଏକ ଭାଗ ଜମି ମାଗୁଥିଲେ।
ଆଜିର ଭୂ-ସମସ୍ୟା ଅତ୍ୟନ୍ତ ଜଟିଳ। ଭୂଦାନରେ ଗରିବ ଭୂମିହୀନ ଲୋକଙ୍କୁ ଜମି ଦିଆଯାଉଥିଲା। ହେଲେ ଆଜି ଲୋକଙ୍କ ଠାରୁ ସେମାନଙ୍କର ଇଛା ବିରୋଧରେ ମଧ୍ୟ ଜମି ଛଡାଇ ନିଆଯାଉଛି। ବିନୋବା କହିଲେ “ସବ୍ ଭୂମି ଗୋପାଲ କି।” ଆଜି “ସବ୍ ଭୂମି କମ୍ପାନୀ କି” ହେବାକୁ ଯାଉଛି। ଈଶ୍ୱର ଆଜି କମ୍ପାନୀ ଭୂମିକାରେ ହର୍ତ୍ତା, କର୍ତ୍ତା, ଦୈବ ବିଧାତା ହୋଇଯାଇଛନ୍ତି ଏବଂ ଏହି କମ୍ପାନୀର ମାଲିକ “ସବ୍ କା ମାଲିକ୍” ହୋଇଯାଇଛନ୍ତି। ଆଧ୍ୟାତ୍ମିକ ଭୂମି ଭାରତ, ଈଶ୍ୱର ବିଶ୍ୱାସୀ କୋଟି କୋଟି ଭାରତବାସୀଙ୍କୁ ଭୋଗବାଦୀ, ବସ୍ତୁକୈନ୍ଦ୍ରିକ ଓ ପଙ୍ଗୁ କରିଦିଆଯାଉଛି। ଏହାର କେନ୍ଦ୍ରରେ ରହିଛି ଭୂମି ବା ଭୂ-ସମ୍ପତ୍ତି। ଲୋକଙ୍କ ଜମି ସରକାରଙ୍କ ଭୂ-ବ୍ୟାଙ୍କରେ ବନ୍ଧା ପଡ଼ିଛି, ସରକାର ସେହି ଜମିକୁ କମ୍ପାନୀ ହାତରେ ଟେକିଦେଉଛନ୍ତି। କମ୍ପାନୀ ହାତରୁ ଜମିକୁ ଫେରାଇ ଆଣିବା, ଭୂ-ମୁକ୍ତିର ଆବଶ୍ୟକତା ନାହିଁ କି? ଜମିକୁ ଉଦ୍ଧାର କରିବା ଜରୁରି ନୁହେଁ କି? ଭୂମିର ସ୍ୱାଧୀନତା ଆଜି ଲୋଡା ନାହିଁ କି?
ସେହିପରି ଜନସଂଖ୍ୟା ବୃଦ୍ଧି ଦୃଷ୍ଟିରୁ ଖାଦ୍ୟ ସଙ୍କଟ ସମସ୍ୟାରୁ ଅଧିକ ଉତ୍ପାଦନକୁ ଦୃଷ୍ଟିରେ ରଖି ଯେଉଁ ଉପାୟ ବିଦେଶୀ ବିଶେଷଜ୍ଞ ଓ କମ୍ପାନୀମାନଙ୍କ ପ୍ରରୋଚନାରେ ପଡ଼ି କରାଯାଉଛି, ତାହା ଶରୀରକୁ ରୋଗଗ୍ରସ୍ତ କରିବା ସଙ୍ଗେ ସଙ୍ଗେ ମାନବ ସମାଜର ବିଲୟର କାରଣ ହୋଇଯାଇଛି। ରାସାୟନିକ କୃଷି ବା କୃଷିର ରସାୟନୀକରଣ, ଜମିରେ ରାସାୟନିକ ସାର ଓ ରାସାୟନିକ କୀଟନାଶକ ବ୍ୟାପକ ବ୍ୟବହାର ଯୋଗୁଁଁ ଜୀବନ ବିଷାକ୍ତ ହୋଇଯାଉଥିଲା ବେଳେ ମାଟି ବନ୍ଧ୍ୟା ହେବାକୁ ବସିଲାଣି। ରାସାୟନିକ କୃଷି ଫଳରେ ଜମି ତା’ର ଉର୍ବରତା ହରାଇବା ସହିତ ଭୂ-ପରିବେଶ ଜହର ପାଲଟିଗଲାଣି। ମାଟି ମାଆକୁ ଏହି ବିଷ ପ୍ରକ୍ରିୟାରୁ ମୁକ୍ତ କରିବା ଜରୁରି ନୁହେଁ କି? ଶରୀରକୁ ରୋଗମୁକ୍ତ କରିବା ଜରୁରୀ ନୁହେଁ କି?
ଗୋଟିଏ ଉଦାହରଣ ଏଠାରେ ନିଆଯାଇ ପାରେ। ଗୁଜରାଟ ପ୍ରଦେଶରେ ଭାସ୍କର ସାଭେ ନାମକ ଜଣେ ଚାଷୀ ଥିଲେ, ଯିଏ ପ୍ରଥମେ ରାସାୟନିକ କୃଷି କରୁଥିଲେ ଏବଂ ପ୍ରଚୁର ଲାଭ ପାଉଥିଲେ; ମାତ୍ର ଯେତେବେଳେ ସେ ମହାତ୍ମା ଗାନ୍ଧୀଙ୍କ କୃଷି ବିଚାର ବିଷୟରେ ଜାଣିଲେ ସେତେବେଳେ ତାଙ୍କର ଜୀବନ ବଦଳିଗଲା। ଗାନ୍ଧିଜୀ ରଚନାତ୍ମକ କାମ ଭାବରେ ୧୮ଟି କାମର ଅବତାରଣା କରିଥିଲେ ଏବଂ ଏଥିରେ କୃଷି ଏକ ପ୍ରମୁଖ ରଚନାତ୍ମକ କାମ। ଗାନ୍ଧିଜୀଙ୍କ ବହି ପଢିବା ପରେ ଭାସ୍କର ସାଭେ ଏହି ସିଦ୍ଧାନ୍ତରେ ଉପନୀତ ହେଲେ ଯେ,
୧. ମାଟିରେ ପାରସ୍ପରିକ ଲାଭ ସହିତ ସୁସଙ୍ଗତ ସହଭାଗିତା ଥିବା ଅଣୁଜୀବକୁ ମାରିବା ପାଇଁ କୃତ୍ରିମ ଉପାୟ ବ୍ୟବହାର କରା ନଯାଉ।
୨. ପୃଥିବୀ ମାଆର ସବୁକିଛି ଦରକାରୀ, କିଛି ବର୍ଜ୍ୟ ନୁହେଁ।
୩. ଚାଷ କରିବା ମଣିଷର ବ୍ୟବସାୟ ନୁହେଁ, ଏହା ମଣିଷର ନୈତିକ କର୍ତ୍ତବ୍ୟ।
୪. ସବୁ ପ୍ରକୃତିର ଇଛା। ମଣିଷ କେବଳ ଶ୍ରମିକ। ମଣିଷମାନଙ୍କର ଅଧିକାର ସୀମିତ। ସେ କେବଳ ତା’ର ଆବଶ୍ୟତା ଅନୁଯାୟୀ ଗ୍ରହଣ କରିବ।
୫. ବ୍ୟଗ୍ର ହୁଅନାହିଁ। ପ୍ରକୃତି ନିଜେ କିଛି କରେ ନାହିଁ। ମାଟିର ଜୀବନ ଅଛି। ମାଟି ସହିତ ବାର୍ତ୍ତାଳାପ କର।
ଗାନ୍ଧିଜୀଙ୍କର ଏହି ସିଦ୍ଧାନ୍ତକୁ ଗ୍ରହଣକରି ଭାସ୍କର ସାଭେ ପ୍ରାକୃତିକ କୃଷିର ଉପାସକ ହେଲେ। ତାଙ୍କୁ ଲୋକେ ପ୍ରାକୃତିକ କୃଷିର ମହାତ୍ମା ବୋଲି ବିବେଚନା କଲେ। ଦେଶ ଓ ବିଦେଶରୁ ତାଙ୍କୁ ସମ୍ମାନିତ କରାଗଲା। ଆଜି ଭାସ୍କର ସାଭେ ନାହାନ୍ତି ସତ ହେଲେ ତାଙ୍କର ଜୈବିକ କୃଷିର ପ୍ରୟୋଗଶାଳା “କଳ୍ପବୃକ୍ଷ” ଏବେବି ରହିଛି ଏବଂ ଭାରତରେ ପ୍ରାକୃତିକ କୃଷି ବା ପରମ୍ପରାଗତ କୃଷିର ଜନକଙ୍କୁ ମନେପକାଉଛି ଏବଂ ରାସାୟନିକ କୃଷିର ବିକଳ୍ପ ବାଟ ଦେଖାଉଥିଲା ବେଳେ ବିଷ ପ୍ରକ୍ରିୟାରୁ ମାଟି ମାଆକୁ ମୁକ୍ତ କରିବାର ଉପାୟ ମଧ୍ୟ ମିଳିଯାଇଛି। ପ୍ରାକୃତିକ କୃଷିର ମହାତ୍ମା ଭାସ୍କର ସାଭେ କହନ୍ତି- ମାଟି ଗଠନ ହେବା ପାଇଁ କୋଟି କୋଟି ବର୍ଷ ଲାଗିଛି, ମାଟିକୁ କଷ୍ଟଦେବା ଉଚିତ ନୁହେଁ। ମାଟିକୁ କ୍ଷତି ପହଁଚାଇବା ହେଲା ପ୍ରକୃତିର ସଂସ୍କୃତି ବିରୋଧୀ। ସହଯୋଗ ପ୍ରକୃତିର ସିଦ୍ଧାନ୍ତ। ମଣିଷକୁ ଛାଡି କେହି ଅନାହାରରେ ରହୁନାହିଁ। ମାଟି ପାଣି ପବନ ପ୍ରକୃତିର ଉପାଦାନ, ପ୍ରକୃତି ଆମର ପରମେଶ୍ୱର, ତା’ ସହିତ ମିଶିକି ରହିବା ଦରକାର।
କମ୍ପାନୀକରଣ ଓ ବିଷ ପ୍ରକ୍ରିୟାରୁ ଜମିକୁ ମୁକ୍ତ କରିବାକୁ ହେବ। ଏଥିପାଇଁ ଭୁ-ମୁକ୍ତି ଆନ୍ଦୋଳନ ଜରୁରି। ରାସାୟନିକ କୃଷିକୁ ପରିହାର କରି ଜୈବିକ କୃଷିକୁ ଆପଣାଇବା ପାଇଁ ଚାଷୀ ଓ ସାଧାରଣ ଜନତାଙ୍କୁ ସଚେତନ କରାଯିବା ଆବଶ୍ୟକ। ଏଥିପାଇଁ ପ୍ରତିଟି ଗାଆଁରେ ଏକ ଗୋଶାଳା ରହିବା ଜରୁରି। ଜୈବିକ ଖତ, ଜୈବିକ କୀଟନାଶକ ପାଇଁ ଏହା ଆବଶ୍ୟକ। ଏପରି ଗ୍ରାମସ୍ତରରେ ପରିବର୍ତ୍ତନ ସହିତ ଗ୍ରାମ ଗଣରାଜ୍ୟ ଗଠନପୂର୍ବକ ଗାନ୍ଧିଜୀଙ୍କ ସ୍ୱପ୍ନର ଭାରତ ଏବଂ ବିନୋବାଙ୍କ ଗ୍ରାମ ସ୍ୱରାଜ ଗଢିବା ଏବଂ ଏ କାମରେ ଜୈବିକ କୃଷି ଏକ ପଦକ୍ଷେପ ହୋଇପାରିବ। ଭୂ-ମୁକ୍ତି ଅତୀତର ଆଶା, ଆଜିର ଆହ୍ୱାନ, ଭବିଷ୍ୟତର ଆବଶ୍ୟକତା। ଆଜିର ଦିନରେ ଭୂ-ଦାନରୁ ଭୁ-ମୁକ୍ତି ଜରୁରି ମନେହୁଏ
।Bimal Prasad
9 hours ago (edited) | [YT] | 2
View 1 reply
Supriya Dash Unfiltered (ମୁକ୍ତସ୍ବର)
ନିକଟରେ ଆମ ରାଜ୍ୟରେ ରାଜ୍ୟସଭା ନିର୍ବାଚନକୁ ନେଇ ଦଳବଦଳୁମାନଙ୍କ ସମ୍ପର୍କରେ ବିଭିନ୍ନ କୋଣରୁ ଆଇନଗତ ସମୀକ୍ଷା ହେଇ ସାରିଛି । ହଠାତ ପୁଣି ଆମ ଆଦମୀ ପାର୍ଟିର 7 ଜଣ ରାଜ୍ୟସଭା ସାଂସଦ ଦଳ ବଦଳୁ କରି ବିଜେପିରେ ମିଶି ଯିବାପରେ ପୁଣି ଚର୍ଚ୍ଚା ଜୋର ଧରିଛି ।
ପ୍ରଥମ କଥାଟି ହେଲା ଆମର ଦଳ ବଦଳୁ ଆଇନଟି କଣ ?
ଆମେ କେହି ଏହାର ସଠିକ ଉତ୍ତର ଦେଇ ପାରିବା ନାହିଁ । ଯଦି ବି ଦେବା ସମସ୍ତେ ଗ୍ରହଣ କରିବେ ନାହିଁ । କାରଣ ଆମ ସମ୍ବିଧାନ ଆମକୁ ବାକ ସ୍ୱାଧୀନତା ଦେଇଛି । ଅତଏବ କେବଳ ଦେଶର ସୁପ୍ରିମକୋର୍ଟ ଯାହା କହିବେ ଆମେ ସ୍ୱୀକାର କରିବା ।
ଅତଏବ ସୁପ୍ରିମକୋର୍ଟ ନିକଟରେ ପ୍ରଶ୍ନ ରାଜୀବ ଗାନ୍ଧୀ ଯେଉଁ ଦଳ ବଦଳୁ ଆଇନ କରିଥିଲେ ସେଇ ଆଇନର ଏବେ ଅଛି ନା ଚାରିଆଡ଼େ ଭୋଟ ପ୍ରଚାରରେ ଚାଲି ଯାଇଛି ? ଯଦି ଚାଲି ଯାଇଥାଏ ତାହେଲେ ତାକୁ ବାନ୍ଧି ଆଣିବା କ୍ଷମତା ଦଉଡି କେବଳ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପାଖରେ ରହିଛି । ଅତଏବ ମହାମହିମ ରାଷ୍ଟ୍ରପତି ସମ୍ବିଧାନର 142 ଅନୁଛେଦ ଅନୁଯାୟୀ Complete Justice ଲକ୍ଷ୍ୟରେ ସୁପ୍ରିମକୋର୍ଟ ନିକଟକୁ ଗୋଟିଏ Reference କରନ୍ତୁ ଓ ନିର୍ଦ୍ଦିଷ୍ଟ ସମୟ ଅବଧି ମଧ୍ୟରେ day to day ବିଚାର କରି ଦଳ ବଦଳୁ ଆଇନ ସମ୍ପର୍କରେ ରାୟଟିଏ ଶୁଣେଇ ଦିଅନ୍ତୁ । ସବୁ ପ୍ରଶ୍ନର ସମାଧାନ ହେଇଯିବ ।
କିମ୍ବା କେବଳ ଚିଠିଟିଏ ଲେଖି ଦିଅନ୍ତୁ ।
ଭାରତର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ନେହେରୁ ,ପଟେଲ, ରାଜେନ୍ଦ୍ର ପ୍ରସାଦ , ଆମ୍ବେଦକର ପ୍ରମୁଖ ବିଶାଳ ରାଷ୍ଟ୍ରନାୟକ ଯେତେବେଳେ କୌନ ବନେଗା କରୋଡ଼ପତି ର 4ଟି ବିକଳ୍ପ ଭିତରୁ ସଠିକ ଜବାବ ପାଇଁ ଗୋଟିଏ ବାଛିବା ପ୍ରାବଧାନ ଭଳି 3ଟି ବିକଳ୍ପର ସମ୍ମୁଖୀନ ହେଇ ସମ୍ବିଧାନ ପ୍ରଣୟନ ସଭାରେ ବିତର୍କ କରୁଥିଲେ ସେତେବେଳେ ନେହେରୁଙ୍କ ଉକ୍ତି ଥିଲା ନବଜାତକ ଭାରତ ସଂସଦୀୟ ଗଣତନ୍ତ୍ରକୁ ବାଛିବା ହେତୁ ହେଉଛି ଅନ୍ୟ ଦୁଇଟି ବିକଳ୍ପ ଅର୍ଥାତ ସାମରିକ ଏକନାୟକତ୍ୱ ଓ କମ୍ୟୁନିଷ୍ଟ ଏକନାୟକତ୍ୱକୁ ଗ୍ରହଣ କରି ପାରିବ ନାହିଁ । କାରଣ ଏଥିରେ କଥା କହିବା, ମନ ଖୋଲି କଥା କହିବା ସୁଯୋଗ ନାହିଁ । ଏବଂ ଭାରତୀୟମାନେ ଅତ୍ୟନ୍ତ କୋଳାହଳ କରୁଥିବା ନେସନ , ଗପୁଡି ନେସନ । ତାଙ୍କ ସମୟରେ ଯଦିଓ କଂଗ୍ରେସରୁ ନେତାମାନେ ଛାଡିବା ଆରମ୍ଭ ହେଇଥିଲା ତଥାପି ନିର୍ବାଚିତ ପ୍ରତିନିଧି ଦଳ ଛାଡିବା ଘଟଣା ବ୍ୟାପକ ହେଇ ନଥିଲା । ତେଣୁ ସେ ଦଳ ବଦଳୁ ଆଇନ କଥା କହି ନଥିଲେ । ଅନ୍ୟ ପ୍ରକାରେ ତାଙ୍କର ମନକଥା କହିଥିଲେ ।1953, ଡିସେମ୍ବର 13 ତାରିଖରେ କଲିକତାରେ ଗୋଟିଏ ଜନସଭାରେ ଭାଷଣ ଦେଇ ସତର୍କ କରାଇଥିଲେ ଦେଶର ନୀତିକୁ ଯଦି ସାମ୍ପ୍ରଦାୟିକତା ଓ ଆଭ୍ୟନ୍ତରୀଣ ରାଜନୈତିକ ବିଶୃଙ୍ଖଳା ଦୁର୍ବଳ କରେ ଦେଶର ମୂଳଦୂଆ ଦୁର୍ବଳ ହେବ ।
ସମ୍ବିଧାନ ସଭାରେ Tryst with nation ଭାଷଣରେ କହିଥିଲେ, " We cannot encourage communalism or narrow-mindedness , for no nation can be great whose people are narrow in thought and action .
ନେହେରୁଙ୍କ ଦୃଷ୍ଟିଭଙ୍ଗୀ ଥିଲା ଗଣତନ୍ତ୍ର ପାଇଁ ଶୃଙ୍ଖଳା ପ୍ରୟୋଜନ ।
1961, ଜୁନ 27ରେ ମୁଖ୍ୟମନ୍ତ୍ରୀ ମାନଙ୍କୁ ଚିଠିରେ ରାଜନୈତିକ ସଂସ୍କୃତି କ୍ଷେତ୍ରରେ ତୁଚ୍ଛ ଓ ବିନାଶକାରୀ ସମାଲୋଚନାକୁ ନିନ୍ଦା କରିଥିଲେ ।
1967 ସାଧାରଣ ନିର୍ବାଚନ ପରେ ରାଜ୍ୟମାନଙ୍କରେ ଦଳ ବଦଳୁ ବ୍ୟାପକ ରୂପ ନେଇଥିଲା । କୌଣସି ସରକାର କ୍ଷେତ୍ରରେ ସ୍ଥିରତା ନଥିଲା । ବାରମ୍ବାର ସରକାର ଭାଙ୍ଗୁ ଥିଲା । 1967 ରୁ 1971 ମଧ୍ୟରେ ଶହ ଶହ ବିଧାୟକ ଦଳ ବଦଳୁ କରିବା ଯୋଗୁଁ ସରକାର ଭାଙ୍ଗୁଥିଲା ଓ ରାଷ୍ଟ୍ରପତି ଶାସନ ଲାଗୁ ହେଉଥିଲା । 1967 ରେ ହରିୟାଣା ଆୟା ରାମ ଗୟା ରାମ ରାଜନୈତିକ ସଂସ୍କୃତିକୁ ଜନ୍ମ ଦେଲା । ଅଳ୍ପ ଦିନ ବ୍ୟବଧାନରେ ଜଣେ ଜଣେ ବହୁଥର ଦଳ ବଦଳ କଲେ ।
ହରିୟାଣା ନେତା ରାଓ ବୀରେନ୍ଦ୍ର ସିଂହ ଗୋଟିଏ ସାମ୍ବାଦିକ ସମ୍ମିଳନୀରେ ଘୋଷଣା କରିଥିଲେ, Gaya Ram is Aaya Ram . ସେହି ସମୟରେ ଗୋଟିଏ ଦିନରେ ତିନିଥର ଦଳ ବଦଳ ନଜୀର ରହିଛି ।
ଏହାର ନିରାକରଣ ପାଇଁ ଲୋକସଭା ସର୍ବସମ୍ମତି କ୍ରମେ ଦଳ ବଦଳ ସମସ୍ୟା ସମାଧାନ ପାଇଁ ଏକ ପ୍ରସ୍ତାବ ଗୃହୀତ କରିଥିଲେ ।
ସୌରାଷ୍ଟ୍ର ମନ୍ତ୍ରୀ ଯଶୋବନ୍ତ
ଚୌହାନଙ୍କ ଅଧ୍ୟକ୍ଷତାରେ ଏକ କମିଟି ଗଠନ ହେଇଥିଲା ।
1968ରେ ଏହି କମିଟି ପଦବୀ ଓ ଅନ୍ୟାନ୍ୟ ପ୍ରଲୋଭନ ଦେଖେଇ ଦଳବଦଳ ରୋକିବା ନିମନ୍ତେ ଆଇନଗତ ପଦକ୍ଷେପ ସୁପାରିଶ କରିଥିଲେ ।
1973 ରେ 32ତମ ସମ୍ବିଧାନ ସଂଶୋଧନ ଵିଲ,1979ରେ 48ତମ ସମ୍ବିଧାନ ସଂଶୋଧନ ଵିଲ ଆସିଥିଲେ ବି ସହମତି ଅଭାବ ତଥା ରାଜନୈତିକ ସ୍ଥିତିରେ ପରିବର୍ତ୍ତନ ଯୋଗୁଁ ଗୃହୀତ ହେଇ ପାରି ନଥିଲା ।
ଫଳରେ ଦଲବଦଳ ଚାଲୁ ରହିଲା ଓ ମୋରାରଜି ଦେଶାଇ ଙ୍କ ସରକାର ମଧ୍ୟ ଭାଙ୍ଗି ଥିଲା ।
ରାଜୀବ ଗାନ୍ଧୀ 1984 ନିର୍ବାଚନ ରେ ବିପୁଳ ସଂଖ୍ୟାରେ ଜିତିବା ପରେ 1985 ରେ 52ତମ ସମ୍ବିଧାନ ସଂଶୋଧନ ବିଲ ଆଗତ କରିଥିଲେ । ଏହି ସମ୍ବିଧାନ ସଂଶୋଧନ ଵିଲ ଗୃହୀତ ହେଇ ପ୍ରଥମ ଥର Anti-defection law ପ୍ରଣୟନ ହେଇଥିଲା ଓ ସମ୍ବିଧାନର 10ମ ଅନୁଛେଦ ରେ ଯୋଡ଼ି ହେଇଥିଲା । ସେତେବେଳେ ଵିଲ ଉପରେ ବିତର୍କ ବେଳେ ମୋରାରଜି ଦେଶାଇ ସରକାର ବେଳର ରେଳବାଇ ମନ୍ତ୍ରୀ ପ୍ରଫେସର ମଧୁ ଦଣ୍ଡବତେ ବିଭିନ୍ନ ଦିଗରୁ ଆଲୋଚନା କରିଥିଲେ । ସେ ଦଳ ବଦଳ ସମ୍ପର୍କରେ ସ୍ୱଷ୍ଟ ସଂଜ୍ଞା ଉଲ୍ଲେଖ କରିଥିଲେ -
" An elected member of a legislature who has been allotted the reserved symbol of a political party can be said to have defected , if after being elected as a member of either house or of legislative assembly or legislative council of a state he volunatarily renounces allegiance to or association with such political party ,provided his action is not in consequence of a decision of the concerned party .
ସଂକ୍ଷେପରେ କହିଲେ ଜଣେ ନିର୍ବାଚିତ ସଦସ୍ୟ ବ୍ୟକ୍ତିଗତ ଭାବରେ ବା ସାମୁହିକ ଭାବରେ ସଦସ୍ୟ ପଦ ସୁରକ୍ଷିତ କରି ଦଳ ବଦଳ କରିବା ବାଟ ବନ୍ଦ ହେଇ ଯାଇଥିଲା । କିନ୍ତୁ ମଧୁ ଦଣ୍ଡବତେ ଗୋଟିଏ Safety Clause ଯୋଡ଼ି ଥିଲେ । ତାହା ହେଲା Genuine ideological difference କିମ୍ବା ବିବେକାନୁମୋଦିତ ଭୋଟ ଦେଲେ ସିଧାସଳଖ ସଭ୍ୟ ପଦ ହରେଇବେ ନାହିଁ ।
ବିଲକୁ ସମର୍ଥନ କଲା ବେଳେ କହିଥିଲେ," hearing the voice of Jawaharlal Nehru again ." " Evil of political defections that destabilized governments ."
ଅବଶ୍ୟ ସେ ଓ ମଧୁ ଲିମାୟେ ପ୍ରମୁଖ କିଛି ସତର୍କ ବାଣୀ ଶୁଣେଇ ଥିଲେ । ଦଳ ସହ କୌଣସି ବିଷୟରେ ଅସହମତି ଓ ଦଳ ତ୍ୟାଗ ଭିତରେ ସ୍ପଷ୍ଟ ରେଖା ରହିବା ଉଚିତ । ଅତ୍ୟଧିକ କଠୋର ହେଲେ ଗଣତାନ୍ତ୍ରିକ ବିତର୍କ ଓ ସଂସଦୀୟ ପରମ୍ପରା ଆଲୋଚନା କ୍ଷତିଗ୍ରସ୍ତ ହେବ ।
ପ୍ରଫେସର ଦଣ୍ଡବତେ ବ୍ରିଟିଶ ପାର୍ଲିଆମେଣ୍ଟର କିଛି ଉଦାହରଣ ଦେଇଥିଲେ । ହବର୍ଟ ମୋରିସନଙ୍କ ମୁଲତବୀ ପ୍ରସ୍ତାବ ଓ ଉଇନଷ୍ଟନ ଚର୍ଚ୍ଚିଲଙ୍କ ଜାତୀୟ ସରକାର ବିତର୍କ ନଜୀର ଉଲ୍ଲେଖ କରିଥିଲେ -
" In our anxiety to see that defections are totally eliminated and their polluting influence on politics is totally destroyed , we should not allow distinction between dissent and defection to be blurred completely ."
ଅନ୍ୟାନ୍ୟ ସଭ୍ୟ ମଧ୍ୟ କହିଥିଲେ ବାଚସ୍ପତିଙ୍କ ଉପରେ ଅତ୍ୟଧିକ ବୋଝ ପଡିପାରେ ଓ ରାଜନୀତି ହେଇପାରେ ।
ସୂତରାଂ ,ଦଳବଦଳ ଆଇନ ରେ ସୁରକ୍ଷା କବଚ ଉପରେ ଗୁରୁତ୍ୱ ଦେଇଥିଲେ ।
1985 ର ଦଳ ବଦଳ ରୋକିବା ପାଇଁ ଏହି ସମ୍ବିଧାନ ସଂଶୋଧନ 1ମାର୍ଚ୍ଚ,1985 ରୁ ରାଷ୍ଟ୍ରପତିଙ୍କ ନୋଟିଫିକେସନ ପରେ କାର୍ଯ୍ୟକାରୀ ହେଇଥିଲା ।
ସମ୍ବିଧାନର 10ମ ଅନୁଛେଦ ରେ ସଂଶୋଧିତ ଧାରା 101,102,190, 191 ( ସଭ୍ୟପଦ ରଦ୍ଦ ) ଯୋଡ଼ା ଯାଇଥିଲା । ପ୍ରଥମ ଥର ସମ୍ବିଧାନରେ ରାଜନୈତିକ ଦଳ ସ୍ପଷ୍ଟ ଭାବରେ ଉଲ୍ଲେଖ ହେଇଥିଲା ।
ଆଇନର ମୁଖ୍ୟ ଉଦେଶ୍ୟ ଥିଲା ରାଜନୈତିକ ଦଳ ବଦଳର ଦୁଷ୍ଟ ଦୃଷ୍ଟିକୋଣକୁ ସମ୍ପୂର୍ଣ୍ଣ ରୋକିବା ।
ପ୍ରଥମେ ପ୍ରଣୀତ ହେଇଥିବା
10ମ ଅନୁଛେଦର ପାରାଗ୍ରାଫ 2 ଅନୁଯାୟୀ ଜଣେ ସଭ୍ୟ ପଦ ହରେଇବ ଯଦି ସେ ସ୍ବେଚ୍ଛାରେ ମୂଳ ଦଳର ସଭ୍ୟପଦ ତ୍ୟାଗ କରିଥାଏ ଅଥବା ପାର୍ଟିର ହୁଲିଆକୁ ଅମାନ୍ୟ କରି ସଦନରେ ଭୋଟ ଦେଇଥାଏ ଅଥବା ଅନୁପସ୍ଥିତ ରହିଥାଏ ।
ଅବଶ୍ୟ ଏଥିରେ କିଛି ଗଳାବାଟ ଭାବରେ ପ୍ରୋଭିଜୋ ରଖା ଯାଇଥିଲା ।
ପାରାଗ୍ରାଫ 3 ଅନୁଯାୟୀ ଯଦି ଏକ ତୃତୀୟାଂଶ ସଭ୍ୟ ଅଲଗା ହେଇ ସ୍ୱତନ୍ତ୍ର ଗୋଷ୍ଠୀ ଗଠନ କରନ୍ତି, ତାହେଲେ ସଭ୍ୟ ପଦ ରଦ୍ଦ ହେବ ନାହିଁ ।
ପାରଗ୍ରାଫ 4 ଅନୁଯାୟୀ ଯଦି ତିନି ତୃତୀୟାଂଶ ସଭ୍ୟ ଅଲଗା ହେଇ ଅନ୍ୟ ଦଳରେ ଯୋଗ ଦିଅନ୍ତି ।
ପାରାଗ୍ରାଫ 5 ଅନୁଯାୟୀ ବାଚସ୍ପତି / ଉପ ବାଚସ୍ପତିଙ୍କ କ୍ଷେତ୍ରରେ ଲାଗୁ ହେବ ନାହିଁ ।
ପାରାଗ୍ରାଫ 6 ଅନୁଯାୟୀ ସଦନ ର ଚେୟାରମ୍ୟାନ ସଭ୍ୟପଦ ରଦ୍ଦ ଦରଖାସ୍ତ ଶୁଣାଣି କରିବେ । ପାରାଗ୍ରାଫ 7 ଅନୁଯାୟୀ ତାଙ୍କର ନିଷ୍ପତ୍ତିକୁ ଚୂଡାନ୍ତ ବୋଲି ଧରା ଯିବ ।
ପରେ 2003ର 91ତମ ସମ୍ବିଧାନ ସଂଶୋଧନ ହେଇଥିଲା । କାରଣ Split କୁ ଅପବ୍ୟବହାର କରି Mass Defection କରା ଯାଉଥିଲା । ତେଣୁ 1999 ଆଇନ କମିଶନର 170ତମ ରିପୋର୍ଟ ରେ ଅନୁମୋଦନ ଅନୁଯାୟୀ 2003 ରେ 91ତମ ସଂଶୋଧନ ହେଇଥିଲା । ଏହି ସଂଶୋଧିତ ଆଇନ 7 ଜୁଲାଇ 2004ରୁ କାର୍ଯ୍ୟକାରୀ ହେଇଥିଲା ।
ଏହି ସଂଶୋଧନରେ ପାରାଗ୍ରାଫ 3 ରେ ଥିବା Split protection କୁ ହଟେଇ ଦିଆ ଯାଇଥିଲା । ଫଳରେ ଦଳ ବଦଳ ଆଇନ ଆଉ ଟିକିଏ କଠୋର ହେଇଥିଲା । କିନ୍ତୁ ଦୁଇ ତୃତୀୟାଂଶ ମିଶ୍ରଣ ବିକଳ୍ପ ରହିଥିଲା । ଏହି ସଂଶୋଧନ ରେ ଅନ୍ୟ କେତେକ ଗୁରୁତ୍ୱପୂର୍ଣ୍ଣ ଦିଗ ଥିଲା । ଦଳବଦଳୁ ସଭ୍ୟ ସଦନ କାର୍ଯ୍ୟକାଳ ଶେଷ ପର୍ଯ୍ୟନ୍ତ କୌଣସି ମନ୍ତ୍ରୀ ପଦ ଅଥବା ଲାଭଜନକ ରାଜନୈତିକ ପଦବୀରେ ରହି ପାରିବେ ନାହିଁ ( Art.75 & 164 ) ।
1992 ରେ ସୁପ୍ରିମକୋର୍ଟ ଦଶମ ଅନୁଛେଦର ସାମ୍ବିଧାନିକ ବୈଧତା ରକ୍ଷା କରିଥିଲେ , କିନ୍ତୁ
ପାରାଗ୍ରାଫ 7ରେ ବାଚସ୍ପତିଙ୍କ ନିଷ୍ପତ୍ତି ଉପରେ ନ୍ୟାୟିକ ସମୀକ୍ଷା ବାରଣକୁ ରଦ୍ଦ କରିଥିଲେ । କୋର୍ଟ କହିଥିଲେ ସମ୍ବିଧାନର Art 32 ଓ 226 ଅନୁଯାୟୀ ବାଚସ୍ପତିଙ୍କ ନିଷ୍ପତ୍ତି ଯଦି malafide, perverse or violation of natural justice ପରିସର ଭିତରେ ଆସୁଥିବ ତାହେଲେ ସୁପ୍ରିମକୋର୍ଟ ହସ୍ତକ୍ଷେପ କରି ପାରିବେ । ସୁପ୍ରିମକୋର୍ଟ ସ୍ପଷ୍ଟ କରିଥିଲେ ଦଳ ବଦଳ ଆଇନ ବାକ ସ୍ୱାଧୀନତା କିମ୍ବା ସଂସଦୀୟ ଗଣତନ୍ତ୍ରକୁ ଲଙ୍ଘନ କରୁନାହିଁ, କେବଳ ନୀତି ହୀନ ଦଳ ବଦଳକୁ ଖର୍ବ କରୁଛି ।
ପରବର୍ତ୍ତୀ ସମୟରେ ସୁପ୍ରିମକୋର୍ଟ ବାଚସ୍ପତିଙ୍କ ନିଷ୍ପତ୍ତି ଗ୍ରହଣରେ ଅସମ୍ଭବ ବିଳମ୍ବ ଓ ନିଷ୍କ୍ରିୟତାକୁ ଲକ୍ଷ୍ୟ କରି 3 ମାସ ଭିତରେ ଘୋଷଣା କରିବା ପାଇଁ ନିର୍ଦ୍ଦେଶ ଦେଇଥିଲେ । ଏକ୍ଷେତ୍ରରେ ବାଚସ୍ପତି ହେଉଛନ୍ତି Quasi-Judicial ସଂସ୍ଥା । ବିଶେଷଜ୍ଞ ସଂସ୍ଥା ଯଥା ଲ କମିଶନ, ଦିନେଶ ଗୋସ୍ୱାମୀ କମିଟି ଓ ସମ୍ବିଧାନ
କାର୍ଯ୍ୟକାରିତା ସମୀକ୍ଷା ପାଇଁ ଗଠିତ ଜାତୀୟ କମିଶନ କିଛି ସଂସ୍କାର ସୁପାରିଶ କରିଛନ୍ତି ।
ତଥାପି ଦଳ ବଦଳ ଆଇନର ଫ୍ରେମୱାର୍କ 2003 ର ସଂଶୋଧିତ ଆଇନ ଭିତରେ ରହିଛି । ଅର୍ଥାତ ଦଳ ପ୍ରତି ଆନୁଗତ୍ୟ ଓ ସଂସଦୀୟ ଗଣତନ୍ତ୍ର ବ୍ୟବସ୍ଥାର ନୀତି ମଧ୍ୟରେ ବାଲାନ୍ସ ।
2007 ମସିହାରେ ରାଜେନ୍ଦ୍ର ପ୍ରସାଦ ରଣା ବନାମ ସ୍ଵାମୀ ପ୍ରସାଦ ମୌର୍ଯ୍ୟ ମୋକଦ୍ଦମାରେ
ସୁପ୍ରିମକୋର୍ଟ ବାଚସ୍ପତିଙ୍କ ନିଷ୍ପତ୍ତି କୁ ରଦ୍ଦ କରିଛନ୍ତି । ଏହା ବିଏସପି ଓ ସମାଜବାଦୀ ପାର୍ଟି ମଧ୍ୟରେ ଦଳ ବଦଳକୁ ନେଇ ଉତ୍ତର ପ୍ରଦେଶ ବାଚସ୍ପତିଙ୍କର ନିଷ୍ପତ୍ତି ଘଟଣା । ସୁପ୍ରିମକୋର୍ଟ କହିଥିଲେ, ବାଚସ୍ପତିଙ୍କ ନିଷ୍କ୍ରିୟତା ଅଥବା ବିଳମ୍ବ ଦ୍ୱାରା ସଭ୍ୟଙ୍କ ଦଳବଦଳୁକୁ ସୁରକ୍ଷା ଦେଇ ପାରିବ ନାହିଁ । ସୁପ୍ରିମକୋର୍ଟ ସ୍ୱୟଂ ଦଳବଦଳ ତର୍ଜମା କରି ବିଧାୟକମାନଙ୍କ ସଭ୍ୟପଦ ରଦ୍ଦ କରିଥିଲେ ।
1996 ମସିହାରେ ଜି ବିଶ୍ୱନାଥ ବନାମ ତାମିଲନାଡୁ ବାଚସ୍ପତି ମୋକଦ୍ଦମାରେ କୋର୍ଟ କହିଥିଲେ ଥରେ ସଭ୍ୟମାନେ ମୂଳ ପାର୍ଟିରୁ ବହିଷ୍କାର ହେବା ପରେ ସେମାନେ ପାର୍ଟିର ଅଂଶ ବିଶେଷ ନୁହଁନ୍ତି । ସେମାନେ ଯଦି ଅନ୍ୟ ପାର୍ଟିରେ ଯୋଗ ଦିଅନ୍ତି ଅଥବା ପାର୍ଟି ସଭ୍ୟପଦ ତ୍ୟାଗ କରିଛନ୍ତି ଭଳି କାର୍ଯ୍ୟ କରନ୍ତି ତାହେଲେ ସେମାନଙ୍କ ସଭ୍ୟପଦ ରଦ୍ଦ ହେବ ।
ମୋକଦ୍ଦମାରେ କୋର୍ଟ ସ୍ପଷ୍ଟ କରିଥିଲେ ଦଶମ ଅନୁଛେଦ ରେ ' Un attached member concept ' ନାହିଁ ।
2020 ମସିହାରେ ମଣିପୁରରେ
ମେଘଚନ୍ଦ୍ର ସିଂହ ବନାମ ବାଚସ୍ପତି ମୋକଦ୍ଦମାରେ କୋର୍ଟ ବାଚସ୍ପତିଙ୍କ ଦଳତ୍ୟାଗୀ ବିଧାୟକଙ୍କ ସଭ୍ୟପଦ ରଦ୍ଦ ମାମଲା ବର୍ଷେ ବିଳମ୍ବ କରୁଥିବାରୁ ତୀବ୍ର ସମାଲୋଚନା କରି ରାୟ ଦେଇଥିଲେ ବାଚସ୍ପତିମାନେ ଦଳବଦଳ ଆବେଦନଗୁଡିକୁ ତୁରନ୍ତ ଫଇଶଲା କରିବାକୁ ବାଧ୍ୟ ,ଅନ୍ତତଃ ବିଶେଷ କାରଣ ନଥିଲେ 3 ମାସ ମଧ୍ୟରେ ।
ଏହି ରାୟ ବିଭିନ୍ନ ମୋକଦ୍ଦମା ରେ ଉଲ୍ଲେଖ କରା ଯାଉଛି ।
2023 ମସିହାରେ ସୁବାଷ ଦେଶାଇ ବନାମ ମହାରାଷ୍ଟ୍ର ରାଜ୍ୟପାଳଙ୍କ ପ୍ରଧାନ ସଚିବ ମାମଲାରେ କୋର୍ଟ ଦଳ ବଦଳ ଆଇନର କେତେକ ପ୍ରକ୍ରିୟାଗତ ଦିଗ ସ୍ପଷ୍ଟ କରିଥିଲେ । ଏହା ଶିବ ସେନା ବିଭାଜନ ମାମଲା ଥିଲା ।
ତଥାପି ଦଳ ବଦଳ ଆଇନ କାର୍ଯ୍ୟକାରିତା କ୍ଷେତ୍ରରେ ରାଜନୈତିକ ହସ୍ତକ୍ଷେପ ଓ ବାଚସ୍ପତିଙ୍କ ନିରପେକ୍ଷତା ଅଭାବରୁ ଦଳ ବଦଳ ଆଇନ ଠିକ କାର୍ଯ୍ୟକାରୀ ହେଉନାହିଁ ଓ ଦଳ ବଦଳୁ ସଭ୍ୟମାନେ ଗଳା ବାଟରେ ଖସି ଯାଉଛନ୍ତି । ବାଚସ୍ପତିମାନେ ଆଇନକୁ କାର୍ଯ୍ୟକାରୀ କଲେ ଆଉ ଦଳ ବଦଳ ହୁଅନ୍ତା ନାହିଁ । ଯଦି କରନ୍ତେ ତାହେଲେ ସଭ୍ୟପଦ ତୁରନ୍ତ ହରାନ୍ତେ ।
କାରଣ ଦଶମ ଅନୁଛେଦର 4ର୍ଥ ଧାରାରେ ସ୍ପଷ୍ଟ କରା ଯାଇଛି -
Law provides an exception to disqualification when a member's party merges with another party , provided atleast two thirds of the legislature party members agree .
It protects legislators from losing their seats during a recognised party merger , essentially allowing wholesale instead of retail .
ଅର୍ଥାତ କେବଳ ଗୋଟିଏ ପାର୍ଟି ଚାହିଁଲେ ଅନ୍ୟ ପାର୍ଟିରେ ମିଶ୍ରଣ ହେବା ବ୍ୟବସ୍ଥା ଆଇନରେ ରହିଛି, କୌଣସି ନିର୍ବାଚିତ ସଭ୍ୟଙ୍କର ନାହିଁ ।
Bijay Sahoo
1 day ago | [YT] | 3
View 0 replies
Supriya Dash Unfiltered (ମୁକ୍ତସ୍ବର)
https://youtu.be/CSm-EQQQtO0?si=gHmbM...
1 day ago | [YT] | 0
View 0 replies
Supriya Dash Unfiltered (ମୁକ୍ତସ୍ବର)
#ଟ୍ରାନ୍ସଜେଣ୍ଡର_କଲ୍ୟାଣ_ବୋର୍ଡ_ପୁନର୍ଗଠିତ
-ରାଜ୍ୟ ଟ୍ରାନ୍ସଜେଣ୍ଡର କଲ୍ୟାଣ ବୋର୍ଡ ପୁନର୍ଗଠିତ
-ମୁଖ୍ୟ ଶାସନ ସଚିବଙ୍କ ସ୍ଥାନରେ ଅଧ୍ୟକ୍ଷ ହେଲେ SSEPD ମନ୍ତ୍ରୀ
-ଟ୍ରାନ୍ସଜେଣ୍ଡରଙ୍କ ଅଧିକାର ସୁରକ୍ଷା ଓ କଲ୍ୟାଣ ନିମନ୍ତେ କାର୍ଯ୍ୟ କରିବ ବୋର୍ଡ
#Odisha #TransgenderWelfare #TransgenderRights #SSEPD #OdishaGovernment #WelfareBoard
2 days ago | [YT] | 9
View 1 reply
Supriya Dash Unfiltered (ମୁକ୍ତସ୍ବର)
Corporate jobs in India are facing a mental health crisis, characterized by intense, long working hours and high-pressure environments. With nearly 90% of Indian employees experiencing work-related stress and over 40% feeling consistently sad, the corporate culture is increasingly recognized as toxic.
2 days ago | [YT] | 5
View 0 replies
Supriya Dash Unfiltered (ମୁକ୍ତସ୍ବର)
ନର୍କକୁଣ୍ଡ -
ଆମେରିକା ଏମିତି
କାହିଁକି ହେଉଛି ?
(2)
ଅବଶ୍ୟ ମୁଁ ଟ୍ରମ୍ପଙ୍କ ସମ୍ପର୍କରେ ଆଉ କିଛି କହିବାକୁ ଏକ ପ୍ରାଚୀନ ସଭ୍ୟତାର ଦେଶର ଏକ ମାମୁଲି ନାଗରିକ ଭାବରେ ଅପମାନ ବୋଧ କରୁଛି । କିନ୍ତୁ ଡୋନାଲଡ଼ ଟ୍ରମ୍ପ ଜଣେ ବ୍ୟକ୍ତି ନୁହଁନ୍ତି । ସେ ଆମେରିକାର ରାଷ୍ଟ୍ରପତି ,ଯେଉଁ ଆମେରିକା
A country of new migrants ବା A nation of immigrants ଓ ଯାହାକୁ ନିର୍ମାଣ କରିବାରେ ଭାରତୀୟ Migrants ମଧ୍ୟ ଅବଦାନ ରହିଛି ।
ତେଣୁ ସେ ଯେତେବେଳେ ମାଇକେଲ ସାଭେଜ ନାମକ ଜଣେ ରେଡିଓ ହୋଷ୍ଟ ରାଣ୍ଟ କୁ
TruthSocial ରେ ସ୍ଥାନିତ କରି ଆମକୁ ଜଣେଇଲେ ," ଏଠାରେ ପିଲା ଜନ୍ମ ହେଲେ ତୁରନ୍ତ ନାଗରିକ ହେଇ ଯାଉଛନ୍ତି,ତାପରେ ଚାଇନା , ଭାରତ ଇତ୍ୟାଦି ଦେଶର ନର୍କକୁଣ୍ଡ ଗର୍ଭାବସ୍ଥାରେ ପୂରା ଉଠି ଆସୁଛନ୍ତି ଆମେରିକାରେ ପିଲାଜନ୍ମ କରି ନାଗରିକ ହେବା ପାଇଁ , ସେତେବେଳେ ଦେହ ଜଳି ଉଠିଲା ।
ତେଣୁ ଭାବିଲି କିଛି ଲେଖିବି ଆମେରିକା ଏମିତି କାହିଁକି ହେଉଛି ,ଯେଉଁ ଆମେରିକା ପୂର୍ବରୁ ଏମିତି ହେଉ ନଥିଲା ।
କିଛି ଅବଶ୍ୟ କହିବେ ରାଷ୍ଟ୍ରପତି ଟ୍ରମ୍ପ ଇରାନ ଯୁଦ୍ଧରେ ହାରି ଯାଇଥିବାକୁ ଏମିତି କଥା କହୁଛନ୍ତି, ତେଣୁ ଆମ ସରକାର ନୀରବ ରହିବା ଭଲ ।
କିନ୍ତୁ ନୀରବ ରହିବା ମହାପାପ ।
ବିଶ୍ୱକବି ରବୀନ୍ଦ୍ର ନାଥ କହିଥିଲେ,"ଅନ୍ୟାୟ ଯେ କରେ ଆର ଅନ୍ୟାୟ ଯେ ସହେ ତବ ଘୃଣା ତାରେ ଯେନ ତୃଣସମ ଦହେ ।"
ଆମେରିକାର ସ୍ଵାଧୀନତା ପରେ ନବଜାତକ ସାଧାରଣତନ୍ତ୍ରକୁ ପ୍ରଥମ ରାଷ୍ଟ୍ରପତି ଜର୍ଜ ୱାଶିଙ୍ଗଟନ ବର୍ଣ୍ଣନା କଲେ, ଏହାର ପ୍ରବେଶପଥ ସମସ୍ତ ଜାତି ଓ ଧର୍ମର ନିପୀଡ଼ିତ ଓ ଲାଂଛିତ ଜନଗଣଙ୍କ ପାଇଁ ଉନ୍ମୁକ୍ତ ରହିଛି ( Open to the oppressed and prosecuted of all nations and religions ) ।
ଏ କଥା ଉଲ୍ଲେଖ କରା ଯାଇପାରେ ଆମେରିକା କେବେ ପ୍ରାଚୀନ, ଦିର୍ଘ ବସତି ଜାତି ନଥିଲା । ଇଉରୋପ,ଏସିଆ ଇତ୍ୟାଦି ମହାଦେଶର ଦେଶମାନଙ୍କ ଭଳି ଗଭୀର ଜାତିଗତ ସମାନତା ବା ନିବିଡ ସାଂସ୍କୃତିକ ଏକରୂପତା (deep ethnic and cultural homogeneity) ନଥିଲା ।
ପ୍ରାଥମିକ ଅବସ୍ଥାରେ ବ୍ରିଟେନ,ନିଦରଲାଣ୍ଡ, ଫ୍ରାନ୍ସ, ସ୍ପେନ ପ୍ରଭୃତି ଇଉରୋପୀୟ
ମାଇଗ୍ରାଣ୍ଟମାନେ କଲୋନୀ ସ୍ଥାପନ କରି ବସତି ଆରମ୍ଭ କରିଥିଲେ ଯାହା ସମୟକ୍ରମେ ଯୁକ୍ତରାଷ୍ଟ୍ର ଆମେରିକାର ଆଧାରଶିଳା ଭାବରେ ଗଢି ଉଠିଲା ।ଏହି ମାଇଗ୍ରାଣ୍ଟମାନେ ମୂଳ ଜନଜାତିଙ୍କୁ ବାସଚ୍ୟୁତ କରି ଅଥବା ସେମାନଙ୍କ ସହ ସଂଘର୍ଷ କରି କଲୋନୀ ସ୍ଥାପନ ଓ ବିସ୍ତାର କରିଥିଲେ ।
କିନ୍ତୁ କ୍ରୀତଦାସ ଆଫ୍ରେକୀୟ ସ୍ୱେଚ୍ଛାରେ ଆସିଥିବା ମାଇଗ୍ରାଣ୍ଟ ନଥିଲେ । ସେମାନଙ୍କୁ ପଶ୍ଚିମ, କେନ୍ଦ୍ର ଓ ପୂର୍ଵ ଆଫ୍ରିକାରେ ବିଭିନ୍ନ ସମୟରେ ସ୍ଥାନୀୟ ଯୁଦ୍ଧରେ ପରାଜିତ ଓ କବଳିତ କରି ଆଫ୍ରିକା ସମାଜର ନିୟମ ଅନୁଯାୟୀ ଅପରାଧୀ ଘୋଷଣା କରିଥିଲେ ସେମାନଙ୍କ ପାଇଁ ଯେଉଁ ଦାନା ପାଣି ଖର୍ଚ୍ଚ ହେଉଥିଲା ତାହା ସେମାନଙ୍କ ମୁଣ୍ଡରେ ୠଣ ଭାବରେ ବିଚାର କରାଯାଉଥିଲା । ପଞ୍ଚଦଶ ଶତାବ୍ଦୀରୁ ଊନବିଂଶ ଶତାବ୍ଦୀ ଭିତରେ ଇଉରୋପୀୟମାନେ ଆମେରିକାରେ ପ୍ଲାଣ୍ଟେସନ ଶ୍ରମିକ ଭାବରେ ଓ ମୁସଲିମ ରାଜାମାନେ ଘରୋଇ ସେବକ ଏମାନଙ୍କୁ କ୍ରୀତଦାସ ଭାବରେ କିଣି ଆଣିଥିଲେ ।
ତେଣୁ ମାଇଗ୍ରେସନ ଦ୍ୱାରା ହିଁ ଆମେରିକାର ଜନସଂଖ୍ୟା ବୃଦ୍ଧି ଘଟିଥିଲା ।
ଅବିଛନ୍ନ ମାନଵ ବସତି ପ୍ରେକ୍ଷାପଟକୁ ଲକ୍ଷ୍ୟ କଲେ ଚଳମାନ ଆଗମନର ଧାରା ମାଇଗ୍ରେସନ ମାନଵର କୌଣସି ନିର୍ଦ୍ଦିଷ୍ଟ ବୃହତ ଗୋଷ୍ଠୀ ଦ୍ୱାରା ସୃଷ୍ଟି ହେଇନାହିଁ , ବରଂ ସହସ୍ରାବ୍ଦ ପର୍ଯ୍ୟନ୍ତ ଚଳମାନ ଆଗମନ ଓ ବସତି ମାଧ୍ୟମରେ ସୃଷ୍ଟି ହେଇଛି ।
ଉତ୍ତର ୟୁରୋପରୁ ମାଇଗ୍ରାଣ୍ଟ ଓ ଚୁକ୍ତିବଦ୍ଧ ଶ୍ରମିକ ଉନବିଂଶ ଶତାବ୍ଦୀର ମଧ୍ୟ ଭାଗରେ କଲୋନୀ ସୃଷ୍ଟିର ମାଧ୍ୟମ ଥିଲେ ।ଦୁର୍ଭିକ୍ଷ ପ୍ରପୀଡ଼ିତ ଆୟରଲାଣ୍ଡ ଓ ଜର୍ମାନୀ ଏବଂ ବ୍ରିଟେନରୁ ଲକ୍ଷ ଲକ୍ଷ ସଂଖ୍ୟାରେ ଆଗମନ କରିଥିଲେ । ଉନବିଂଶ ଶତାବ୍ଦୀ ଶେଷାର୍ଦ୍ଧରୁ ବିଂଶ ଶତାବ୍ଦୀ ପ୍ରାରମ୍ଭ ପର୍ଯ୍ୟନ୍ତ 20 ମିଲିୟନ ଲୋକ ଯେଉଁମାନେ ଅଧିକାଂଶ ଦକ୍ଷିଣ ଓ ପୂର୍ଵ ୟୁରୋପର ଥିଲେ ସେମାନେ ଆଗମନ କରିଥିଲେ । ଏହି ପର୍ଯ୍ୟାୟକୁ Great Wave ମାଇଗ୍ରେସନ ପର୍ଯ୍ୟାୟ କୁହାଯାଏ । ଏମାନେ ଇଟାଲୀୟ, ପୋଲାଣ୍ଡ ବାସିନ୍ଦା, ଋଷିୟ ଓ ଇହୁଦୀ ଥିଲେ । ଏହା ସାଙ୍ଗକୁ କିଛି ଏସୀୟ ଗୋଷ୍ଠୀ ଥିଲେ ।ସେମାନେ ଶିଳ୍ପାୟନ ପାଇଁ କଳକରଖାନାରେ ଭର୍ତ୍ତି ହେଲେ ଓ ସହରରେ ବସତି ସ୍ଥାପନ କଲେ । ନ୍ୟୁୟର୍କର ଏଲିସ ଦ୍ବୀପ ପ୍ରକ୍ରିୟାକରଣ କେନ୍ଦ୍ର ଭାବରେ ଗଢି ଉଠିଥିଲା ।
1861-1865 ର ଆମେରିକା ଗୃହଯୁଦ୍ଧ ଯୁକ୍ତରାଷ୍ଟ୍ର ଆମେରିକା ସଂଘୀୟ ସରକାର ଅନୁଗତ ରାଜ୍ୟ ଓ ସଂଘରୁ 11ଟି ରାଜ୍ୟ ଅଲଗା ହେଇ ନିଜସ୍ୱ ରାଷ୍ଟ୍ର ଗଠନ କରିବା ନିମନ୍ତେ 1861-1865 ମଧ୍ୟରେ ହିଂସ୍ରକ ଗୃହଯୁଦ୍ଧ ସଂଘର୍ଷ ଘଟିଥିଲା । ଆମେରିକା ଇତିହାସରେ ଏହା ଥିଲା ପ୍ରାଣଘାତକ ଯୁଦ୍ଧ । ପ୍ରାୟ 6 ଲକ୍ଷରୁ 7 ଲକ୍ଷ ପର୍ଯ୍ୟନ୍ତ ସେନା ମୃତ୍ୟୁବରଣ କରିଥିଲେ । ସେତେବେଳର ଆମେରିକା ଜନସଂଖ୍ୟାର ଏହା ଥିଲା 2ଶତାଂଶ । ମୃତକଙ୍କୁ ଛାଡି ଲକ୍ଷ ଲକ୍ଷ ସଂଖ୍ୟାରେ ଆହତ ଅଥବା ବନ୍ଦୀ ହେଇଥିଲେ । ଏହି ମୃତ୍ୟୁ ମଧ୍ୟରୁ ଦୁଇ ତୃତୀୟାଂଶ ବନ୍ଦୀ ଶିବିରଗୁଡିକରେ ଅସ୍ୱାସ୍ଥ୍ୟକର ପରିମଳ ବ୍ୟବସ୍ଥା, ମେଡ଼ିସିନ ଅଭାବ ଯୋଗୁଁ ଘଟିଥିଲା ।
ଏହି ଗୃହଯୁଦ୍ଧର ବିବିଧ କାରଣ ଥିଲା । ଯୁକ୍ତରାଷ୍ଟ୍ର ଆମେରିକା ଗଠନ କାଳରୁ ମୂଳତଃ ଦାସତ୍ୱ ଓ ସେମାନଙ୍କ ଅଧିକାର ଦାବୀ, ଅର୍ଥନୈତିକ ବୈଷମ୍ୟ ,ପଶ୍ଚିମ ଦିଗରେ ସମ୍ପ୍ରସାରଣ ଇତ୍ୟାଦି ଗୃହଯୁଦ୍ଧର କାରଣ ଥିଲା । ଉତ୍ତର ସଙ୍ଘ ଦ୍ରୁତ ଭାବରେ ଶିଳ୍ପାୟନ ହେଇଛି , ଏକ୍ଷେତ୍ରରେ ଛୋଟ ଛୋଟ କୃଷି ଫାର୍ମ ମୁକ୍ତ ଶ୍ରମିକ ,ବ୍ୟାପକ ଯୋଗାଯୋଗ ବ୍ୟବସ୍ଥା ଯଥା କେନାଲ , ରେଳପଥ ,ବ୍ୟାଙ୍କିଙ୍ଗ ସୁଯୋଗ ସୃଷ୍ଟି କରିଛି । ଅନେକ ଉତ୍ତର ରାଜ୍ୟ ସେମାନଙ୍କ ଅଂଚଳରେ ଦାସ ବ୍ୟବସ୍ଥା ସମ୍ପ୍ରପ୍ରସାରଣକୁ ବିରୋଧ କରିଛନ୍ତି । ଫଳରେ ସମ୍ପ୍ରଦାୟଭିତ୍ତିକ ଭାବନା ଦ୍ରୁତତର ହେଇଛି ।
ଦକ୍ଷିଣର ରାଷ୍ଟ୍ରସଙ୍ଘ ବନ୍ଦୀ ଦାସ ଶ୍ରମିକ ବ୍ୟବହାର କରି ପ୍ଲାଣ୍ଟେସନ ଅର୍ଥନୀତି ଉପରେ ନିର୍ଭର କରୁଥିଲେ । 1860 ପର୍ଯ୍ୟନ୍ତ ଏହି ଶ୍ରମିକଙ୍କ ସଂଖ୍ୟା 40 ଲକ୍ଷରେ ପହଞ୍ଚି ଯାଇଥିଲା । ପ୍ଲାଣ୍ଟେସନ ଜମିରେ ମୂଖ୍ୟତଃ ତୁଳା ଉତ୍ପାଦନ ଓ ରପ୍ତାନୀ ବାଣିଜ୍ୟ ହେଉଥିଲା ।
1820 ମସିହା ଓ 1850ର ମିଶୋରୀ ସମଝୋତା ସାମୟିକ ଭାବରେ ଦକ୍ଷିଣ -ଉତ୍ତର ଭିତରେ ଉତ୍ତେଜନା ହ୍ରାସ କରିଥିଲା । କିନ୍ତୁ 1850 ପରବର୍ତ୍ତୀ ଘଟଣା ପୁଣି ଉତ୍ତେଜନା ସୃଷ୍ଟି କଲା । 1854 ରେ Kansas -Nebraska Act ଗଣଭୋଟ ମାଧ୍ୟମରେ ଦାସତ୍ୱ ପ୍ରଶ୍ନରେ ନିଷ୍ପତ୍ତି ଗ୍ରହଣ କରିବା ପ୍ରାବଧାନ ସୃଷ୍ଟି କଲା । ଏଥି ଯୋଗୁଁ ପୁଣି ହିଂସକ ରକ୍ତପାତ ହେଇଥିଲା । ଏହା Bleeding Kansas ଭାବରେ ପରିଚିତ । 1857 ମସିହା Dred Scott ନିଷ୍ପତ୍ତି ଭାବରେ ପରିଚିତ ସୁପ୍ରିମକୋର୍ଟ ରାୟ ଅନୁଯାୟୀ ମୁକ୍ତ କିମ୍ବା ବନ୍ଦୀ କ୍ରୀତଦାସମାନେ ଆମେରିକା ନାଗରିକ ନୁହଁନ୍ତି ବୋଲି ଘୋଷଣା ହେଇଥିଲା ଓ ସେମାନଙ୍କ କୌଣସି ଅଧିକାର ନାହିଁ ବୋଲି ରାୟରେ ଥିଲା । ଏହି ରାୟ ବିଦ୍ରୋହର ନିଆଁ ଲଗେଇଲା । 1859 ମସିହାରେ
ଏମାନଙ୍କ ନେତୃତ୍ୱ ନେଇ John Brown ରାଷ୍ଟ୍ରସଂଘର ଗୋଟିଏ ଅସ୍ତ୍ରାଗାର କରାୟତ କରି କ୍ରୀତଦାସମାନଙ୍କୁ ଅସ୍ତ୍ରଶସ୍ତ୍ର ଯୋଗେଇ ଥିଲେ । ତାଙ୍କୁ ଫାଶୀ ଦିଆ ଯାଇଥିଲା । ଉତ୍ତର ଆମେରିକାରେ ସେ ସହୀଦ ଭାବରେ ଓ ଦକ୍ଷିଣ ଆମେରିକା ରେ ଖଳନାୟକ ଭାବରେ ନାମିତ ହେଇଥିଲେ । କ୍ରୀତଦାସ ବ୍ୟବସ୍ଥା ବିରୋଧୀ ରିପ୍ଲାବିକାନ ରାଷ୍ଟ୍ରପତି ଆବ୍ରହାମ ଲିଙ୍କନଙ୍କ ପ୍ରାର୍ଥୀତ୍ବ ଆମେରିକା ଇତିହାସ ରେ ଏକ ଗୌରବୋଜ୍ବଳ ଅଧ୍ୟାୟ । କ୍ରୀତଦାସ ବ୍ୟବସ୍ଥାର ପତନ ହେଇଯିବ ବୋଲି ଦକ୍ଷିଣ ରାଜ୍ୟମାନେ ଆତଙ୍କିତ ହେଲେ । ଦକ୍ଷିଣ କରୋଲିନା ପ୍ରଥମେ 1860 ଡିସେମ୍ବରରେ ରାଷ୍ଟ୍ରସଂଘରୁ ଅଲଗା ହେଇଗଲା । କ୍ରମନ୍ଵୟରେ ଅନ୍ୟ 10 ଟି ରାଜ୍ୟ ଅନୁସରଣ କଲେ । ଏମାନେ ହେଲେ ମିଶିଶିପି,ଫ୍ଲୋରିଡା,ଆଲବାମା,ଜର୍ଜିଆ,ଲୁସିଆନା,ଟେକ୍ସାସ,
ଭର୍ଜିନିଆ,ଆର୍କାନସାସ ,
ଟେନେସିଆ ଓ ଉତ୍ତର କରୋଲିନା ।
ଏହି ରାଜ୍ୟମାନେ ଜେଫରସନ ଡାଭିସଙ୍କ ରାଷ୍ଟ୍ରପତିତ୍ୱରେ Confederate States of America ପ୍ରତିଷ୍ଠା କଲେ ।
ଏପ୍ରିଲ 12, 1861ରେ Confederate force ଦକ୍ଷିଣ କାରୋଲିନାର Fort Sumter ଉପରେ ବୋମାବର୍ଷଣ କରିବା ପରେ ଯୁଦ୍ଧ ଆରମ୍ଭ ହେଇଥିଲା ।ରାଷ୍ଟ୍ରସଂଘର ସେନା 34 ଘଣ୍ଟା ପରେ ଆତ୍ମ ସମର୍ପଣ କଲେ । ଏହି ବୋମାବର୍ଷଣରେ କେହି ମୃତାହତ ହେଇ ନଥିଲେ ।
1862-1863 ମସିହାର Battle of Antietam ( ସେପ୍ଟେମ୍ବର 17, 1862) ଏକ ଟର୍ନିଙ୍ଗ ପଏଣ୍ଟ ଥିଲା । ଆମେରିକା ଇତିହାସରେ ଗୋଟିଏ ଦିନରେ 23000 ମୃତ୍ୟୁ ହେଇଥିଲା । ଆବ୍ରହାମ ଲିଙ୍କନ 1,ଜାନୁଆରୀ 1863 ରେ Emancipation Proclamation ଜାରୀ କଲେ । ଏହି ଘୋଷଣାନାମ ମାଧ୍ୟମରେ Confederate States ର କ୍ରୀତଦାସମାନେ ଚିରଦିନ ପାଇଁ ମୁକ୍ତ ହେଇଥିଲେ । କିନ୍ତୁ ଏହା କ୍ରମନ୍ଵୟରେ କାର୍ଯ୍ୟକାରୀ ହେଇଥିଲା । ପ୍ରଥମେ କୃଷ୍ଣକାୟଙ୍କୁ ରାଷ୍ଟ୍ରସଂଘର ସେନାରେ ତାଲିକା ଭୁକ୍ତ କରାଗଲା । ଏହି ସଂଖ୍ୟା ପ୍ରାୟ 180000 ଥିଲେ । ଫଳରେ ବ୍ରିଟେନ ଓ ଫ୍ରାନ୍ସ ଇଉରୋପୀୟ ସେନଙ୍କୁ ପ୍ରତିରୋଧ କରା ଯାଇଥିଲା ।
କିନ୍ତୁ ଶେଷ ପର୍ଯ୍ୟନ୍ତ Confederacy ବିଭିନ୍ନ କାରଣ ଯୋଗୁଁ ପରାସ୍ତ ହେଇ ଚାଲିଲେ ।ଏପ୍ରିଲ 9, 1965 ରେ Confederation ର ଜେନେରାଲ ଆତ୍ମସମର୍ପଣ କରିବା ପରେ ଯୁଦ୍ଧର ପରିସମାପ୍ତି ଘଟିଥିଲା । ଆବ୍ରହାମ ଲିଙ୍କନ ଏପ୍ରିଲ 14, 1965ରେ John Wilkes ଙ୍କ ଦ୍ଵାରା ହତ୍ୟା ହେଲେ ।
ଏହା ପରେ ଯୁକ୍ତରାଷ୍ଟ୍ର ଆମେରିକା ଏକତ୍ରୀକରଣ ହେଇଥିଲା । 1965 ର ତ୍ରୟୋଦଶ ସଂଶୋଧନ ମାଧ୍ୟମରେ କ୍ରୀତଦାସ ପ୍ରଥା ବିଲୋପ ଘୋଷଣା ହେଇଥିଲା ।ଚତୁର୍ଦ୍ଦଶ ସଂଶୋଧନ ମାଧ୍ୟମରେ Dred Scott ଙ୍କ ନିଷ୍ପତ୍ତିକୁ ପରିବର୍ତ୍ତନ କରି ଘୋଷଣା ହେଇଥିଲା - All persons born or naturalised in the united states ,and subject to the jurisdiction thereof are citizens of united states . "
ଏହି ସଂଶୋଧନ ପରେ Birthright Citizenship ଆଇନ ସଂଗତ ହେଇଥିଲା ।
ଅର୍ଥାତ ଯେଉଁମାନେ ଆମେରିକା ମାଟିରେ ଜନ୍ମ ହେଇଛନ୍ତି,ପୂର୍ବତନ ବନ୍ଦୀ କ୍ରୀତଦାସ , ସେମାନଙ୍କ ବଂଶଜଙ୍କୁ ସମାନ ଅଧିକାର ପ୍ରଦାନ କରା ଯାଇଥିଲା । ଗୃହଯୁଦ୍ଧର ଏହା ହେଉଛି ଗୌରବୋଜ୍ବଳ ଵିଜୟ । ସମସ୍ତ ଙ୍କୁ ଆମେରିକୀୟ ଜାତୀୟ ପରିବାର ଭାବରେ ପରିଗଣିତ କରା ଯାଇଥିଲା ।
1783 ମସିହା ଠାରୁ 86 ମିଲିୟନ ଲୋକ ଆଇନ ସଂଗତ ଭାବରେ ଆମେରିକାକୁ
ମାଇଗ୍ରେଟ କରିଛନ୍ତି । ବିଭିନ୍ନ ସମୟରେ ସେମାନେ ଓ ସେମାନଙ୍କ ପିଲାପିଲି ଆମେରିକା ଜନସଂଖ୍ୟା ଓ କର୍ମଶକ୍ତିକୁ ସଂଯୋଜନ କରିଛନ୍ତି ।
ଫ୍ରାନ୍ସ ଶ୍ରମିକ ଓ ମେହନତି ଜନଗଣଙ୍କ ଦ୍ଵାରା ପ୍ରଦାନ କରାଯାଇଥିବା " Statue of Liberty " ଓ ଏଥିରେ ଖୋଦିତ Emma Lazarus ଙ୍କ କବିତା " The New Colossus " ମାଇଗ୍ରେସନକୁ ସ୍ୱାଗତ ବାର୍ତ୍ତା ଦେଉଛି - " Your tired ,your poor your huddled masses " ସୁଯୋଗ ହାସଲ ପାଇଁ, ସ୍ୱାଧୀନତା ଉପଭୋଗ କରିବା ପାଇଁ , କଷ୍ଟମୟ ଜୀବନ କୁ ଆରାମ ଦେବା ପାଇଁ ଆସ " !
New America of migrated people ନୂତନ ଆମେରିକା ସଂସ୍କୃତିର ମିଳନ ବିନ୍ଦୁ ଭାବରେ ଗଢି ଉଠିଥିଲା । ଏଥିପାଇଁ ପିଢ଼ି ପରେ ପିଢ଼ି ବିଶ୍ୱର ଅନେକ ମାଇଗ୍ରାଣ୍ଟ ଜନ ଗୋଷ୍ଠୀଙ୍କ ରକ୍ତ,ସଂସ୍କୃତି,ଖାଦ୍ୟ , ଭାଷା ଇତ୍ୟାଦିର ଅବଦାନ ରହିଛି । ଶେଷରେ ଏହା ଆମେରିକା ସଂସ୍କୃତିରେ ମିଶ୍ରଣ ଘଟିଛି ।
ଦୀର୍ଘ ବର୍ଷର ଗୃହ ଯୁଦ୍ଧ ଶେଷରେ ସ୍ୱାଧୀନତା ଅର୍ଜନ କରିବା ପରେ ମଧ୍ୟ ମାଇଗ୍ରେସନ
ତରଙ୍ଗର ଅନ୍ତ ଘଟି ନାହିଁ ।
ପୁରୁଣା ଜାତି ଯେଉଁଠି ଜନସଂଖ୍ୟା ବୃଦ୍ଧି ମୂଳତଃ ନିଜର ଭୌଗଳିକ ସୀମା ଭିତରେ ଘଟିଛି, ଆମେରିକା ଜାତିର ଜନସଂଖ୍ୟା ସେମିତି ହେଇନାହିଁ ।ଆମେରିକାର ଭୂଖଣ୍ଡ, ଅର୍ଥନୈତିକ ଓ ସାଂସ୍କୃତିକ ବିସ୍ତୃତି ମାଇଗ୍ରେସନ ଦ୍ୱାରା ହେଇଛି ।ସେମାନଙ୍କ ବଂଶଜ ଶିଳ୍ପ,ଉଦ୍ଭାବନ,କଳା, ବିଜ୍ଞାନ ଓ ସାମରିକ ସାମର୍ଥ୍ୟ କ୍ଷେତ୍ରରେ ନିରନ୍ତର ଯୋଗଦାନ କରିଛନ୍ତି ।
John F Kennedy 1958 ମସିହାରେ 40-50 ପୃଷ୍ଠାର ଏକ କ୍ଷୁଦ୍ର ପ୍ରଚାର ପୁସ୍ତିକା ଲେଖିଥିଲେ । ଏହାର ଶୀର୍ଷକ ଥିଲା - A nation of immigrants . ଏହାକୁ ଗ୍ରହଣ କରିଥିଲା Anti-Defamation League ( ADL ) . ଏହାର ଆଧାରରେ ଆମେରିକାକୁ ଇମିଗ୍ରେସନ କୋଟା କ୍ଷେତ୍ରରେ ରହିଥିବା ପ୍ରତିବନ୍ଧକଗୁଡିକର କ୍ରମଶଃ ସଂସ୍କାର ହେଇଥିଲା ।
କେନେଡି ନିଜର ରାଷ୍ଟ୍ରପତି କାର୍ଯ୍ୟକାଳ ମଧ୍ୟରେ ଏହି ପୁସ୍ତିକାକୁ ପରିବର୍ଦ୍ଧିତ କରିବା ତାଙ୍କର ଏକ ଗୁରୁତ୍ୱପୂର୍ଣ୍ଣ ଲକ୍ଷ୍ୟ ଥିଲା । କିନ୍ତୁ ସେ ନଭେମ୍ବର 1963 ମସିହାରେ ଏହାକୁ ସଂଶୋଧନ କରିବା ପୂର୍ବରୁ ହତ୍ୟା ହେଇଥିଲେ । ସମ୍ଭବତଃ ଆମେରିକାର ଜିଓନିଷ୍ଟମାନେ
ଇମିଗ୍ରେସନ ସୁଯୋଗକୁ କଠୋର କରିବା ପାଇଁ ସିଆଇଏ ମାଧ୍ୟମରେ ହତ୍ୟା କରିଥିଲେ । ତଥାପି ତାଙ୍କର ପୁସ୍ତକର ପରିବର୍ଦ୍ଧିତ ସଂସ୍କରଣ 1964 ମସିହାରେ ପ୍ରକାଶିତ ହେଇଥିଲା । ଏଥିରେ ଇମିଗ୍ରେସନ ଇତିହାସର କ୍ରମ ବିକାଶ,ବିଭିନ୍ନ ଫଟୋଚିତ୍ର , ତଥ୍ୟ ଇତ୍ୟାଦି ରହିଛି । ଏହାର ମୁଖବନ୍ଦ ଲେଖିଥିଲେ ସେତେବେଳର ଆଟର୍ନି ଜେନେରାଲ ରବର୍ଟ ଏଫ କେନେଡି ।
ତେଣୁ ବର୍ତ୍ତମାନ ରାଷ୍ଟ୍ରପତି ଟ୍ରମ୍ପ ଯିଏ ନିଜେ ମାଇଗ୍ରେସନ ବଂଶଜଙ୍କ ପେଟରୁ ଜନ୍ମ ସେ ଭାରତ, ଚୀନ ଓ ଅନ୍ୟାନ୍ୟ ଦେଶରୁ ମାଇଗ୍ରେଟ କରିଥିବା ନାଗରିକ ଓ ସେମାନଙ୍କ ପିଲାମାନଙ୍କୁ Laptop Gunda ବୋଲି କହିବା ଓ ସମସ୍ତ ଦେଶକୁ Hell Hole କହିବା ତାଙ୍କର ମାନସିକ ବିକୃତି ବ୍ୟତୀତ ଅନ୍ୟ କିଛି ନୁହେଁ ।
Bijay Sahoo
2 days ago | [YT] | 1
View 1 reply
Supriya Dash Unfiltered (ମୁକ୍ତସ୍ବର)
ଅର୍ଥନୀତି : କୁଆଡେ ଗତି...
3 days ago | [YT] | 9
View 0 replies
Supriya Dash Unfiltered (ମୁକ୍ତସ୍ବର)
ତାହେଲେ ବିଜେଡି ସରକାର ସମୟରେ ରତ୍ନ ଭଣ୍ଡାରକୁ ଚୋରୀ କରି ତାମିଲନାଡୁ ପଠାଇ ଦିଆଯାଇଛି ବୋଲି ପ୍ରଧାନମନ୍ତ୍ରୀ ମୋଦି ଓ ଗୣହମନ୍ତ୍ରୀ ଅମିତ ଶାହାଙ୍କ ପର୍ଯ୍ୟନ୍ତ ଯେଉଁ ଭଳି ପ୍ରଚାର କରୁଥିଲେ, ତାହା ମିଛ ଓ ଭିତ୍ତିହୀନ ଥିବା କଥା ଖୋଦ ସରକାର ପ୍ରମାଣ କରିଦେଲେ ।
4 days ago (edited) | [YT] | 9
View 1 reply
Supriya Dash Unfiltered (ମୁକ୍ତସ୍ବର)
The Odisha police headquarters forwarded a panel of three senior officers to the state government. The list includes Sudhanshu Sarangi, Susanta Kumar Nath, and R P Koche.
5 days ago | [YT] | 11
View 0 replies
Supriya Dash Unfiltered (ମୁକ୍ତସ୍ବର)
ଆମେରିକା ଏମିତି
କାହିଁକି ହେଉଛି ?
ଏମିତି ହେବାର କାରଣ ଏହାର ଜେନେଟିକ ପ୍ରୋବ୍ଲେମ । ଲଣ୍ଡନ କମ୍ପାନୀ / ଭର୍ଜିନିଆ କମ୍ପାନୀର ଦଳେ ଇଂରେଜ ଲୁଟେରା 1607ମସିହା ମେ 14 ତାରିଖରେ ସୁନା,ରୂପା ଓ ଅନ୍ୟାନ୍ୟ ମୂଲ୍ୟବାନ ଧାତୁ ସନ୍ଧାନ କରି ଲୁଟିବା ପାଇଁ ଉତ୍ତର ଆମେରିକାର ଜେମସ ନଦୀ କୂଳରେ ପହଞ୍ଚି ଥିଲେ । ଏଇଟା ପରେ ଜେମସ ଟାଉନ ନାମରେ ପରିଚିତ ହେଲା ।
ଇଂରେଜମାନଙ୍କ ଏଇଟି ହେଉଛି ପ୍ରଥମ ବସତି କଲୋନୀ( settlement ) ।
ଭର୍ଜନିଆ କମ୍ପାନୀ ହେଲା ଗୋଟିଏ Joint Stock Company . ଏହାକୁ କିଛି ଘରୋଇ ପୁଞ୍ଜିଲଗାଣକାରୀ 1606 ମସିହାରେ କିଙ୍ଗ ଜେମସ ସନନ୍ଦ ଅନୁଯାୟୀ ପ୍ରତିଷ୍ଠା କରିଥିଲେ ।
ଯେମିତି ଭାରତ ଉପମହାଦେଶ କୁ ଲୁଟିବା ପାଇଁ ପ୍ରଥମ ରାଣୀ ଏଲିଜାବେଥଙ୍କ ରୟାଲ ସନନ୍ଦ ଅନୁଯାୟୀ ଡିସେମ୍ବର 31,1600 ମସିହାରେ ଇଷ୍ଟ ଇଣ୍ଡିଆ କମ୍ପାନୀ ଗଠନ ହେଇଥିଲା ।
ପ୍ରଥମ ବସତିର ଅବସ୍ଥିତି ଏମିତି ଥିଲା ଯାହାକି ତିନି ପଟେ ପାଣି ଦ୍ୱାରା ସ୍ପାନିଶ ଆକ୍ରମଣରୁ ସୁରକ୍ଷିତ ଥିଲା ଓ ଚତୁର୍ଥ ପଟେ ନେଟିଭ ଆମେରିକୀୟ ରହୁଥିଲେ । କିନ୍ତୁ ସେମାନେ ସେ ପର୍ଯ୍ୟନ୍ତ ବିକ୍ଷିପ୍ତ ଭାବରେ ଥିଲେ ।
ଅବଶ୍ୟ ଇଂରେଜମାନେ 1580 ମସିହା ବେଳକୁ ଏଠାରେ କଲୋନୀ କରିବା ଉଦ୍ୟମ କରି ବିଫଳ ହେଇ ଥିଲେ । ସେତେବେଳେ ମାତ୍ର 104 ଜଣ ପୁରୁଷ, ବାଳକ, ଇଂରେଜ ଜେଣ୍ଟିଲମେନ,ସେନା ଓ କାରିଗର ଆସିଥିଲେ ଓ ସୁନା ଖୋଳିବା ଆରମ୍ଭ କରିଥିଲେ ।କିନ୍ତୁ ଏମାନେ ଖାଦ୍ୟ ନ ପାଇ ଛଟପଟ ହେଲେ ।
ଶେଷରେ ସଫଳତା ଅର୍ଜନ କଲେ କ୍ୟାପଟେନ ଜନ ସ୍ମିଥ । Powhatan ନେଟିଭ ଆମେରିକୀୟ ସର୍ଦ୍ଦାରଙ୍କ ସହ କିଛି ବାଣିଜ୍ୟ ସମ୍ପର୍କ ପ୍ରତିଷ୍ଠା କରି କଲୋନୀ ଆରମ୍ଭ କଲେ ।ପରବର୍ତ୍ତୀ ସମୟରେ କୃଷି ଉପରେ ଗୁରୁତ୍ୱ ଦେଇ କଲୋନୀ Viable ହେଲା । ପ୍ରଥମେ ତମାଖୁ ଚାଷ, ତାପରେ ଅନ୍ୟାନ୍ୟ କୃଷି ଓ ପ୍ଲାଣ୍ଟେସନ ମାଧ୍ୟମରେ John Rolfe ଏହାର ବିକାଶ କଲେ ।ଏହା 1612 - 1614 ମସିହା କଥା ।
କୃଷି ଓ ପ୍ଲାଣ୍ଟେସନ ବୃଦ୍ଧି ପାଇଁ ବେଶି ଜମି ଓ ଶ୍ରମ ଦରକାର ହେଲା । 1619 ମସିହାରେ ପ୍ରଥମେ ଆସିଲେ ବେଡିପକା କ୍ରୀତଦାସ ଆଫ୍ରେକୀୟ । UncleTom's Cabin ଉପନ୍ୟାସ ପଢିଲେ ହୃଦୟ ବିଦାରକ କ୍ରୀତଦାସ ଜୀବନୀ ଜାଣି ପାରିବେ । ଏହା ଓଡ଼ିଆ ଭାଷାରେ ମଧ୍ୟ ଉପଲବ୍ଧ ,ସାହିତ୍ୟିକ ତଥା ସାମ୍ବାଦିକ ଉଦୟନାଥ ଷଡଙ୍ଗୀ ବହୁବର୍ଷ ତଳେ ଓଡ଼ିଆରେ ଛାପି ଥିଲେ ।
1776 -1789 ମସିହା ବେଳକୁ 13ଟି ବ୍ରିଟିଶ କଲୋନୀ ବସି ସାରିଥିଲା । ଏହି ସମୟ ପର୍ଯ୍ୟନ୍ତ ବଡ଼ ଧରଣର ସାମରିକ ସଂଘର୍ଷ ହେଇ ନଥିଲା, ଯଦିଓ ନେଟିଭ ଆମେରିକୀୟ ସହ ସର୍ବଦା ଦ୍ବନ୍ଦ୍ୱ ରହୁଥିଲା । ସେମାନଙ୍କୁ ପାଦ୍ରୀମାନେ ଖ୍ରୀଷ୍ଟିୟ ନୀତିବାଣୀ ଓ ସଭ୍ୟ କରିବାକୁ ଆସିଛନ୍ତି କହି ଭୁଲେଇ ଦେଉଥିଲେ । ଏହା ପରେ ଆମେରିକା କଂଗ୍ରେସର ବଡ଼ ଯୁଦ୍ଧ ଘୋଷଣା ହେଉଛି 1812 ମସିହାର ଯୁକ୍ତରାଷ୍ଟ୍ର ଆମେରିକା ଓ ବ୍ରିଟିଶ ସାମ୍ରାଜ୍ୟ ମଧ୍ୟରେ ଯୁଦ୍ଧ । ବ୍ରିଟିଶ ସାମ୍ରାଜ୍ୟ ସହିତ ଯୁଦ୍ଧରେ ବ୍ରିଟିଶ ଉତ୍ତର ଆମେରିକା ଅର୍ଥାତ କାନାଡ଼ା ସାମିଲ ଥିଲା । ଏହି ଯୁଦ୍ଧ ଜୁନ 18, 1812ରୁ ଫେବୃଆରୀ 17, 1915 ପର୍ଯ୍ୟନ୍ତ ଚାଲିଥିଲା । ଦ୍ୱିତୀୟ ବଡ଼ ଯୁଦ୍ଧ ହେଉଛି ମେକ୍ସିକୋ-ଆମେରିକା ଯୁଦ୍ଧ, ତୃତୀୟ ବଡ଼ ଯୁଦ୍ଧ ହେଉଛି
ସ୍ପାନିଶ -ଆମେରିକା ଯୁଦ୍ଧ , ଚତୁର୍ଥ ବଡ଼ ଯୁଦ୍ଧ ହେଉଛି ପ୍ରଥମ ବିଶ୍ୱଯୁଦ୍ଧ ଓ ପଞ୍ଚମ ବଡ଼ ଯୁଦ୍ଧ ହେଉଛି ଦ୍ୱିତୀୟ ବିଶ୍ୱଯୁଦ୍ଧ । ଅର୍ଥାତ ଆମେରିକା ଦ୍ଵିତୀୟ ବିଶ୍ୱଯୁଦ୍ଧ ପର୍ଯ୍ୟନ୍ତ ଅଧିକାଂଶ ସମୟରେ ଯୁଦ୍ଧରେ ସାମିଲ ହେଇଛି । ତେଣୁ ଏହି ସମୟ ଭିତରେ ଖୁଵ ଅଳ୍ପ ବର୍ଷ ବଡ଼ ଧରଣର ଯୁଦ୍ଧରେ ନାହିଁ । ଏହାକୁ ଆମେ ଆମେରିକାର ଶାନ୍ତି ସମୟ କହି ପାରିବା । ଐତିହାସିକ ତଥ୍ୟ ଅନୁଯାୟୀ ଆମେରିକାର 250 ବର୍ଷ ଇତିହାସରେ ପ୍ରାୟ 90%-93 % ସମୟ ଯୁଦ୍ଧରେ ବିତିଛି ।
ପୁଣି ଆମେ ଯଦି ଦେଖିବା ପ୍ରଥମ ଓ ଦ୍ଵିତୀୟ ବିଶ୍ୱଯୁଦ୍ଧ ପରବର୍ତ୍ତୀ ସମୟରେ କୋରିଆ ଯୁଦ୍ଧ, ଭିଏତନାମ ଯୁଦ୍ଧ, ଉପସାଗରୀୟ ଯୁଦ୍ଧ, ଆଫଗାନିସ୍ତାନ ଯୁଦ୍ଧ, ଇରାକ ଯୁଦ୍ଧ ,ସିରିଆ ଓ ସୋମାଲିଆ ଯୁଦ୍ଧ ଓ ବିଗତ 50 ବର୍ଷ ଧରି ଇସ୍ରାଏଲ ଯୁଦ୍ଧ, ଇରାନ ସହିତ ପ୍ରତ୍ୟକ୍ଷ ଓ ପରୋକ୍ଷ ( ଆର୍ଥିକ ବାସନ୍ଦ )ଯୁଦ୍ଧ , କ୍ୟୁବା ଯୁଦ୍ଧ ଇତ୍ୟାଦି ରହିଛି ।
ଅତଏବ ବ୍ରିଟିଶ ଇଂରେଜ ଓ ୟୁରୋପୀୟ, ଫରାସୀ ଇତ୍ୟାଦି ଦଳେ ଲୁଟେରା ଯାଇ ଯେଉଁ ଆମେରିକା ସାମ୍ରାଜ୍ୟ ଗଢ଼ିଥିଲେ ସେମାନଙ୍କ ବଂଶଧରମାନେ ମାନବ ସଭ୍ୟତାରୁ କୋଉ ଭଲ ଦିଗ ଶିଖିଲେ କି ? ସବୁବେଳେ ତ ଖାଲି ଯୁଦ୍ଧ ଯୁଦ୍ଧ । ବିଶ୍ୱର ଖଣିଜ ସମ୍ପଦ, ପ୍ରାକୃତିକ ସମ୍ପଦ, ମାନଵ ସମ୍ବଳ, ବଜାର ଲୁଟ ସମ୍ପଦ ଲୁଟି ଖାଅ ପିଅ ମଉଜ କର ଜୀବନ ଯୁଦ୍ଧ ।ସଭ୍ୟତା, ସଂସ୍କୃତି , ଵିଚାରବୋଧ ଶିଖି ପାରିଲେନି ।
ତେଣୁ ଏମାନଙ୍କ ରକ୍ତ, ମାଂସ, ଅସ୍ଥିରେ କେବଳ ମଣିଷ ରକ୍ତରେ ହୋରୀ ଖେଳିବା ସଂସ୍କୃତି ପ୍ରଭାବିତ ହେଉଛି ।
ବୈଜ୍ଞାନିକ ସମାଜବାଦର ଜନକ କାର୍ଲ ମାର୍କ୍ସ ଓ ତାଙ୍କର ସହ ଯୋଦ୍ଧା ତାଙ୍କର ଐତିହାସିକ ଦସ୍ତାବିଜ କମ୍ୟୁନିଷ୍ଟ ଇତିହାସରେ ଏସବୁ ଇଙ୍ଗିତ କରିଥିଲେ । ଉତ୍ପାଦନ ସମ୍ପର୍କ ଓ ଏହା ଉପରେ ମାଲିକାନା ପ୍ରତିଷ୍ଠା ଦ୍ବନ୍ଦ୍ୱରୁ ହିଁ ସମାଜ ଭାଗ ଭାଗ ହେଇଛି ।ଶୋଷକ ଓ ଶୋଷିତ ଶ୍ରେଣୀ ସୃଷ୍ଟି ହେଇଛି । ଏବଂ ଏହି ଦ୍ବନ୍ଦ୍ୱ ଦାସତ୍ୱ ବ୍ୟବସ୍ଥାରୁ ସାମନ୍ତି ବ୍ୟବସ୍ଥା ଓ ଶେଷରେ ପୁଞ୍ଜିବାଦୀ ଉତ୍ପାଦନ ବ୍ୟବସ୍ଥା ସୃଷ୍ଟି କରିଛି ।
ତେଣୁ ମାର୍କ୍ସ ଓ ଏଞ୍ଜେଲସ କମ୍ୟୁନିଷ୍ଟ ଇସ୍ତାହାର ପ୍ରାରମ୍ଭରେ ହିଁ କହିଥିଲେ ," history of all hitherto existing society is the history of class struggles ".
ପୁଞ୍ଜିବାଦୀ ବ୍ୟବସ୍ଥାରେ ପୁଞ୍ଜିର ମାଲିକ ପୁଞ୍ଜିପତିଶ୍ରେଣୀ ଓ ସର୍ବାହରା ଶ୍ରେଣୀ ମଧ୍ୟରେ ମୁଖ୍ୟ ଦ୍ବନ୍ଦ୍ୱ ହେଇ ଦେଖା ଦେଇଛି । ସର୍ବାହରା ଶ୍ରେଣୀ ( ମେହନତି ମଣିଷ ) ତାର ଶ୍ରମକୁ ବିକ୍ରି କରୁଛି ଓ ପୁଞ୍ଜିପତି ଶ୍ରେଣୀ ତାର ମୁନାଫା ( surplus value ) ବାହାର କରୁଛି ।
ଏହି ଦ୍ବନ୍ଦ୍ୱ ଆକସ୍ମିକ ନୁହେଁ, ବ୍ୟବସ୍ଥାଗତ । ଏବଂ ଏହା ସଂକଟ ଜନ୍ମ ଦେଇଛି, ପରସ୍ପର ଠାରୁ alianate କରିଛି ଓ ଶେଷରେ ଶ୍ରମିକ ଶ୍ରେଣୀ ଭିତରେ ଚେତନା ସୃଷ୍ଟି କରି ଅତୀତରେ ସମାଜବାଦୀ ବିପ୍ଳବ କୁ ଜନ୍ମ ଦେଇଛି । ଏହା ହେଲା ଗୋଟିଏ ଦିଗ । ଅନ୍ୟ ଗୁରୁତ୍ୱପୂର୍ଣ୍ଣ ଦିଗଟି ହେଲା ସାମ୍ରାଜ୍ୟବାଦ ଓ ପୁଞ୍ଜିପତି ଶ୍ରେଣୀ ଭିତରେ ଆଭ୍ୟନ୍ତରୀଣ ଦ୍ବନ୍ଦ୍ୱ ଯାହାକୁ କାର୍ଲ ମାର୍କ୍ସ ଓ ଏଞ୍ଜେଲସ ଶ୍ରେଣୀ ଦ୍ବନ୍ଦ୍ୱ ତତ୍ତ୍ୱର ଆଲୋକରେ ଲେନିନ ଦର୍ଶାଇଛନ୍ତି । ଏହା ପୁଞ୍ଜିବାଦର ଆଉ ଏକ ପର୍ଯ୍ୟାୟର ବିଶ୍ଳେଷଣ । ପୁଞ୍ଜିବାଦର ବିକାଶ ଘଟି ସାମ୍ରାଜ୍ୟବାଦ ପର୍ଯ୍ୟାୟରେ ଉପନୀତ ହେଇଛି ।ବିକଶିତ ପୁଞ୍ଜିପତି ଶ୍ରେଣୀ ଓ ପୁଞ୍ଜିବାଦୀ ରାଷ୍ଟ୍ର ନିଜର ଉତ୍ପାଦିତ ପଣ୍ୟ ପାଇଁ ବଜାର , ସାଧନ ,କଞ୍ଚାମାଲ ସନ୍ଧାନ ଓ ପ୍ରଭୂତ୍ୱ ବିସ୍ତାର ଦିଗରେ ଗତି କରିଛି ।
ଏହି ପ୍ରତିଦ୍ବନ୍ଦିତା ହିଁ ଅଧିକାଂଶ ସମୟରେ ଯୁଦ୍ଧକୁ ଜନ୍ମ ଦେଇଛି ଓ ବେଳେ ବେଳେ ଏହି ଦ୍ୱନ୍ଦ/ ପ୍ରତିଦ୍ବନ୍ଦିତାକୁ ସାମୟିକ ଭାବରେ ହ୍ରାସ କରିବା ପାଇଁ ବ୍ୟାକୁଳ ହେଇଛନ୍ତି । କାରଣ ପ୍ରତିଦ୍ବନ୍ଦିତା ଯୋଗୁଁ ଅତ୍ୟଧିକ ଉତ୍ପାଦନ ହେଉଛି ଓ ମୁନାଫା ହ୍ରାସ ପାଉଛି ,ରାଷ୍ଟ୍ରମାନଙ୍କ ଅଭ୍ୟନ୍ତରରେ ଅଶାନ୍ତି ଓ ବିଦ୍ରୋହ ସୃଷ୍ଟି ହେଇଛି । ଏହି ବ୍ୟାକୁଳତାର ସମାଧାନ ପାଇଁ ଯୁଦ୍ଧ , ଅନ୍ୟ ରାଷ୍ଟ୍ରର ଆଭ୍ୟନ୍ତରୀଣ ବ୍ୟାପାରରେ ହସ୍ତକ୍ଷେପ, ଅଞ୍ଚଳ ସମ୍ପ୍ରସାରଣ ପାଇଁ ନିଜ ଦେଶର ମେହନତି ଜନଗଣକୁ ତଥାକଥିତ ଶତ୍ରୁ ଦେଶ ଭାବରେ ଚିହ୍ନଟ କରି , ରାଷ୍ଟ୍ରଭକ୍ତି ଉନ୍ମାଦନା ସୃଷ୍ଟି କରି ରାଷ୍ଟ୍ର ଅଭ୍ୟନ୍ତରରେ ଦାନା ବାନ୍ଧୁ ଥିବା ଶ୍ରେଣୀ ଦ୍ବନ୍ଦ୍ୱକୁ ହ୍ରାସ କରିବା ପ୍ରୟାସ ହେଇଛି ।
ଅତୀତରେ ଆମେରିକାର ଲାଟିନ ଆମେରିକରେ ସାମରିକ କ୍ରିୟାନୁଷ୍ଠାନ ଅର୍ଥାତ Banana wars, ମଧ୍ୟ ପ୍ରାଚ୍ୟ ରେ ତୈଳ ତସ୍କରୀ ଓ ଦ୍ଵିତୀୟ ବିଶ୍ୱଯୁଦ୍ଧ ପରବର୍ତ୍ତୀ ଯୁଦ୍ଧ ଓ ତଥାକଥିତ ଶାନ୍ତି ନୀତି ଏହି ସମସ୍ତ ଦିଗର ପ୍ରତିଫଳନ । ଏଥିରେ ଜାତୀୟ ନିରାପତ୍ତା ମିଥ୍ୟା ପ୍ରଚାର ( narratives) କେବଳ ଗୋଟିଏ ଗୋଟିଏ ବାହାନା ପୁଞ୍ଜିପତି ଶ୍ରେଣୀର ସ୍ୱାର୍ଥ ରକ୍ଷା ହିଁ ବାସ୍ତବ ଲକ୍ଷ୍ୟ ।
ଏହି ଲକ୍ଷ୍ୟ ପୂରଣ ପାଇଁ ଯେତେବେଳେ ସାଧାରଣ ମଣିଷର ପ୍ରୟୋଜନୀୟ ଖାଉଟି ବଜାର ପର୍ଯ୍ୟାପ୍ତ ଭାବରେ ଉପଲବ୍ଧ ହେଉନାହିଁ, ସେତେବେଳେ ରାଷ୍ଟ୍ର ,ସେନାବାହିନୀ ଓ ସାମରିକ-ଇଣ୍ଡଷ୍ଟ୍ରିଆଲ ଗୋଷ୍ଠୀ ସୃଷ୍ଟି କରି ଓ ଯୁଦ୍ଧ ସାମଗ୍ରୀ ଉତ୍ପାଦନ ,ଏହାର ବିକ୍ରି ବୃଦ୍ଧି କରି ମୁନାଫା ଅର୍ଜନ କ୍ଷେତ୍ରରେ ସ୍ଥିରତା / ବୃଦ୍ଧି ଆଣିବା ପ୍ରୟାସ ହେଉଛି । ସେଥିପାଇଁ ପ୍ରତିରକ୍ଷା ଡିଲ ହେଉଛି । ଦ୍ଵିତୀୟ ବିଶ୍ୱଯୁଦ୍ଧ ପରବର୍ତ୍ତୀ କାଳରେ ଆମେରିକା ସର୍ବାଗ୍ରେ ରହିଛି । ବିଶ୍ଵ ବାଣିଜ୍ୟ କ୍ଷେତ୍ରରେ ପ୍ରଭାବ ବିସ୍ତାର କରିଛି । ଯେଉଁଠି ଅନ୍ୟ ପ୍ରତିଦ୍ବନ୍ଦୀ ଆସୁଛନ୍ତି, ସେ କ୍ଷେତ୍ରରେ ଯୁଦ୍ଧ , ପରୋକ୍ଷ ଯୁଦ୍ଧ ଅବଶମ୍ଭାବୀ ହେଉଛି ।
ଆମକୁ ଇରାନ ଉପରେ ଆମେରିକା-ଇସ୍ରାଏଲ ଆକ୍ରମଣ ସେଇ ଦୃଷ୍ଟି ଭଙ୍ଗୀରୁ ବିଚାର କରିବାକୁ ହେବ ।
ବାସ୍ତବ ଓ ନିରନ୍ତର ଶାନ୍ତି ସେତେବେଳେ ସମ୍ଭବ ଯେତେବେଳେ ବିଶ୍ୱର ଶାନ୍ତିକାମୀ ଜନଗଣ ଦେଶ ଭିତରେ ଓ ବିଶ୍ୱ ସ୍ତରରେ ଶାନ୍ତି ଆନ୍ଦୋଳନକୁ ଜୋରଦାର କରିବେ ଓ ବିକଳ୍ପ ସମାଜ ବ୍ୟବସ୍ଥା ପ୍ରତିଷ୍ଠା ପାଇଁ ସକ୍ରିୟ ଭାବରେ ପ୍ରୟାସ କରିବେ ।
Bijay Sahoo
5 days ago | [YT] | 7
View 0 replies
Load more