Study with Gimi

කිසිම හේතුවක් නැතුවම, මං වගේ අහස දිහා බලන් ඉන්න කැමති කෙනෙක්ද ඔයත් ???

අහස මොන පාට වුණත්, වෙලාව කීය වුණත්,, කිසිම හේතුවක් නැතුවම ඔයත් මං වගේ අහසෙ පින්තූර එකතු කරනවද ?? අහස දිහා වරු ගණන් බලන් ඉන්නවද ???

ඕනම වෙලාවක අහස දිහා බලලා හිත සනසගන්න පුළුවන් මනුස්සයෙක්ද ???

විශ්වාස කරන්න,,, අපි හැමෝම එකම vibe එකේ මිනිස්සු 💖...

අහස ගැන ඔයාලගෙ රස කතා වලට අපේ comment තීරුව විවෘතයී...

මම ඔයාලගෙ ආදරණීය ගිමී….

හීන වෙනුවෙන් කැප වෙන ඔයාට ජයෙන් ජය..

✍🏻 Heart Talks | 15.08.2026

© Study with Gimi

#studywithgimi #gimhani_senarathne #positivevibes #fyp #ගිමීගේඩයරිය #skylovers #sky #skycaptures

6 days ago | [YT] | 68

Study with Gimi

සතියෙ දවස් 5ම වැඩ කරන කෙනෙක්ට, සති අන්තය කියන්නෙත් තවත් කාර්‍යබහුලම දවස් කීපයක්...

ඔයත් හැමදාම උදේම වැඩට ගිහින්, හවසට ගෙදර එනවා කියන්නෙ ඒක ටිකක් කාර්‍යබහුල ජීවිතයක් (මම නම් හුඟක් වෙලාවට උදේ 6.20ට වගේ ගිහින් රෑ 9ට වගේ එන්නෙ.. ශෝචනීය තත්ත්වයක් 🫠🫠.. ඒ ගැන වෙන දවසක අපි කතා කරමූ..)..

රැකියාවකදි විතරක් නෙමෙයී, තමන්ගෙම business එකක් වුණත් හරියට කරන කෙනෙක් මේ දේ මේ විදිහටම බලපානවා ඇතී.. මං හිතන්නෙ ගෑණු කෙනෙක්ට ඒ දේ වැඩිපුර බලපානවා..

මාත් ගෑණු කෙනෙක් නිසා, අත්දැකීමෙන්ම මං දන්නවා ඇත්තටම weekend එකේ තියෙන වැඩ කන්දරාව ගැන (හැබැයී ඉතින් husband එක්ක වැඩ බෙදාගෙන නම් තියෙන්නෙ මේ මං වගේ, ලොකූම අවුලකුත් නෑ 🙈..).. ඉතින් මේක ඔයත් marry කරපු කෙනෙක් නම් වැඩි හෝ අඩුවෙන්නත් පුළුවන්. තව බබාලා ඉන්න අම්මා කෙනෙක් නම් අනිවාර්යයෙන්ම තවත් වැඩි ඇතී...

හැබැයී,,

එහෙමයී කියලා ඔයාට ඔයා ගැන අමතක වෙනවා නම් ඒක අනුමත කරන්න බෑනේ.. බලමූ ඔයා ගැනත් හිතන ගමන් කොහොමද ඔයාගෙ weekend එක හොඳට plan කරගන්නෙ කියලා..

සෙනසුරාදා දවස මෙහෙමයි වෙන්නේ..

💁🏻‍♀️සිකුරාදා රෑ ඉඳලා laundry පටන් ගමූ..

මේකෙදි මං නම්; ඇඳුම් washing machine දානකොට කොටස් කීපයකට බෙදනවා. ඒ underwear, ගමන් අඳින t shirts අනං මනං, denims, home wear nd bed sheets/towels විදිහට. ඔය විදිහට කොටසෙන් කොටස රෙදි සෝදන නිසා Friday night ඉඳලම laundry පටන් ගන්නවා.

එතකොට saturday උදේම එක set එකක් අව්වට දැම්මැහැකී.. පොඩි පොඩි ඇඳුම් නම් සතියම rack එකේ තිබිලා තමයි වේලෙන්නෙ.

කවදහරි මගෙ dream එකක් තමයී මං financially ටිකක් strong වුණහම once a week ඇඳුම් ටික ඔක්කොම laundry දාන එක. එතකොට මට අල්මාරියෙ දාගන්න විතරයිනෙ ඕන වෙන්නෙ (මට බනින්න එපා. මගේ විදිහට මේවා තමයී මගෙ goals ළමයී)..

💁🏻‍♀️ටිකක් දවල් වෙනකන් නිදාගන්න.

මොකද ඔයා හැමදාම උදේ පාන්දර ඇහැරෙන කෙනෙක්නේ.. දවල් කියන්නෙ උදේ 7/8 වගේ හොඳේ.. ඇහැරිලා තේ එකක් බොන ගමන්, කෑම මොනාහරි හදාගන්න. මං නම් කරන්නෙ දවසටම මොනාහරි හදාගන්නවා. උයන්න බෑ කියලා හිතුණොත් ඉතින් කඩෙන් කනවා..

මටවත් husbandටවත් ගෙදරින්ම කන්න ඕන කියල කිසීම වුවමනාවක් නෑ.. අනික අපේ ගෙදර ගාව හොඳ rice & curry තියෙන තැනක් තියෙනවා.. හැබැයී දැන් එතන chef මාරු වෙලා නිසා, වැඩේ පොඩ්ඩක් අවුල් වෙලා තියෙන්නෙ 💔.. අලුත් chefගෙ කෑම රස නෑ.. ඒ නිසා උයලා කන්න මං කැමතියී..

💁🏻‍♀️ගෙදර අස්පස් කරන එක..

සාමාන්‍යයෙන් මං සතියකට දවසක් තමයී ගෙදර අස්පස් කරන්නෙ සම්පූර්ණයෙන්ම. අනිත් දවස් වලට නම් කාමරෙයි, කුස්සියයි, පාඩම් කාමරෙයි තමයී අස් වෙන්නේ.. (හැබැයී marry කළාට පස්සෙ cleaning ඔක්කොම husband තමයී කරන්නෙ 🙈..)

Marriage එක නිසා මට ලැබුණු ලොකුම benefit එක තමයී මේ 💖..

💁🏻‍♀️මගෙ face mask time..

මොකද මං මං ගැනත් හිතන්න ඕනනේ...

💁🏻‍♀️මගෙ study time.

💁🏻‍♀️හවසට මගෙ Sweck boyව brush කරනවා. සමහර weekend වල උදේ එයාව නාවනවා..

ඉරිදා දවස ගෙවෙන්නෙ මෙහෙමයී..

💁🏻‍♀️උදේ 7ට විතර ඇහැරිලා මොනාහරි හදාගන්නවා. නැත්නම් කඩෙන් කනවා..

💁🏻‍♀️ඔළුවට හොඳට තෙල් දාලා massage කරගන්නවා.

💁🏻‍♀️Bathroom එක clean කරනවා (දැන් husband 🙈)

💁🏻‍♀️Bed sheets, towel change කරනවා (මේකත් husband's duty)

💁🏻‍♀️ Next week එකේ office ඇඳින හැම ඇඳුමක්ම තෝරලා, iron කරන්න ඕන නම් iron කරලා තියෙනවා.. හැබැයී දැන් නම් මං iron කරන්නෙමත් නැතිම තරම්..

මේ තමයී සරලවම මගෙ weekend එක ගෙවෙන විදිහ. මීට අමතරව weekend එකේදි මං classes තිබ්බොත් ඒවට යනවා. Lectures තිබ්බොත් ඒවට යනවා. හිතුණොත් පන්සල් යනවා. හවසට beach එකට යනවා. Sweck boy එක්ක සෙල්ලම් කරනවා.

හැබැයි weekend එකේ මොන වැඩේ තිබ්බත්, ඉඳලා හිටලා හිතුණ ගමන් මුළු weekend එකේම තියෙන වැඩ ඔක්කොම අත් ඇරලා අපි දෙන්නා trip යනවා..

ඉතින් ජීවිතේ තියෙන වැඩ කන්දරාවත් එක්ක කිසිම දවසක ඔයාට ඔයාව අමතක වෙන්න දෙන්න එපා. Time management ඉගෙනගන්න. ඒක practice කරන්න. ඔයාගෙ වැඩත් එක්කම, ඔයා වෙනුවෙනුත් ඔයාගෙ ආදරණීයයන් වෙනුවෙනුත් වෙලාවක් අනිවාර්‍යෙන්ම වෙන් කරගන්න. ඔයාගෙ ජීවිතේ වෙනුවෙන් quality time එකක් invest කරන්න...

එහෙනම් ඔයාලා හැමෝටම, නිදහස පිරුණු, සුභම සුභ සති අන්තයක්..

මම ඔයාලගෙ ආදරණීය ගිමී….

හීන වෙනුවෙන් කැප වෙන ඔයාට ජයෙන් ජය..

✍🏻 Life Tips | 14.08.2026

© Study with Gimi

#studywithgimi #gimhani_senarathne #positivevibes #fyp #ගිමීගේඩයරිය #selfcare #worklifebalance #weekendplans #qualitytime #lifestyletips #lifetips

1 week ago | [YT] | 49

Study with Gimi

192K. 🤍🧿✨

මේ මොහොත වෙද්දි මං තාමත් වත්කම් වලින්, මුදල් වලින් පොහොසත් කෙනෙක් නෙමෙයි.. ඒත් 'Study with Gimi' මුහුණු පොත දිහා බලද්දි මට දැනෙන හැඟීම තමයී සල්ලි වලට ගන්න බැරි ඊට වඩා හුඟක් වටින දෙයක් මං ළඟ තියෙනවා කියලා.

මට අවුරුදු 29ක් වෙද්දි මං ජීවිතේ උපයපු, ගොඩනගාගත්ත ලොකුම වත්කම තමයී - 192,000ක් මිනිස්සු Study with Gimi මුහුණු පොතට එකතු වුණ එක. එයාලා මං ආදරෙන් ලියන මගෙ වචන කියවන එක. ඒ වචන එයාලගෙ ජීවිතේ හීන වලට යන්න එයාලට පුංචි හරි උදව්වක් වෙන එක.

මං විශ්වාස කරනවා මගෙ මුහුණු පොතේ ඉන්නෙ..

✨ඇත්තටම ජීවිතේ දිනන්න හීන දකින මිනිස්සු
🕊️මානසික නිදහසට අසීමිත වටිනාකමක් දෙන මිනිස්සු
🧿ජීවිතේ කවදහරි දවසක දිනන්න ඕන කියලා ලොකු වුවමනාවක් තියෙන මිනිස්සු
🍃valus එක්ක ජීවත්වෙන මිනිස්සු

මේක කෙනෙක්ට අංකයක් වගේ පෙනුණට. මට අංකයක් වගේ නෙමෙයි පේන්නෙ.

ඒක විශ්වාසය, ආදරය, අවුරුදු ගාණක නිර්මාණශීලිත්වය, ඉගෙනීම්, කැපකිරීම් ඔය හැමදේම එකතුවක්..

ඉතින් අද, ඒ නිසාම මං ආශිර්වාදලත් මනුස්සයෙක් වෙලා.. ඒ තරමටම ඔයාලා හැමෝටම මං හුඟාක් ස්තූතිවන්ත වෙනවා.. මොකද මාව අපූරු මනුස්සයෙක් කරන්න මටත් උදව් වුණේ මගෙම මේ වචන.. මට මං විදිහට ජීවත්වෙන්න මේ වචන මට උදව් කරනවා..

ආයිමත් හුඟාක් ස්තූතියි 'Study with Gimi' මුහුණු පොතේ කොටස්කාරියෙක් වුණාට 💖🙇🏻‍♀️✨...

මං ප්‍රාර්ථනා කරනවා ඔයාලා හැමෝගෙම හැම හීනයක්ම හැබෑ වෙන්න කියලා.. ඒ වගේම මං විශ්වාස කරනවා ඒ හැම හීනයක් වෙනුවෙන්ම අපිට එකට යන්න පුළුවන් ලොකු ගමනක් තියේවි.. වැටෙන තැන් වලදි ඔයාලට ආයිමත් නැඟිටින්න හේතුවක් මගෙ මුහුණු පොතට ආවොත් මතක් කරලා දේවී..🌷

ඉතින් අවුරුදු 29ක් වෙද්දි, ඒ කාලෙන් අවුරුදු 5ක් ආයෝජනය කරලා ගොඩනගපු මගේ ජීවිතේ වටිනාම වත්කමට ජයෙන් ජය ✨..

ස්තූතියි ඔයාලා හැමෝටම..

මම ඔයාලගෙ ආදරණීය ගිමී….

හීන වෙනුවෙන් කැප වෙන ඔයාට ජයෙන් ජය..

✍🏻 Gimi's Diary | 14.08.2026

© Study with Gimi

#studywithgimi #gimhani_senarathne #positivevibes #fyp #ගිමීගේඩයරිය #dreamchaser #chaseyourdreams #dailyinspiration #LifeJourney #dailymotivation

1 week ago | [YT] | 30

Study with Gimi

හොටෙල් එකක වැඩ කරන එක මොන වගේ ද???

මං Hospitality Industry එකට අලුත් කෙනෙක්. දැන් නම් චුට්ටක් පරණයි (හරියටම අවුරුදු 01යි මාස 10යි) 🙈..

මේ indusry එකට එද්දි මං කවදාවත් හිතුවෙ නෑ මං මේ තරම්ම මේ industry එකට ආදරෙන් බැඳෙයි (මේ වචන ටිකක් සංවේදී වැඩි කියලා කෙනෙක්ට හිතෙන්න පුළුවන්.. මොකද මේක job එකක් නිසා) කියලා.. හැබැයි මං මේ industry එකට මාරම ආදරෙයි..

හේතුව, මට මේ industry එක හුඟක් දැනෙනවා. සාමාන්‍යයෙන් එහෙම දැනෙන industry එකක work කරද්දි ඒ රස්සාව නිසා අපි වෙහෙසට පත්වෙන්නෙ හරිම අඩුවෙන් කියලා මං විශ්වාස කරනවා..

මගේ Hospitality Industry එකේ ගමන පටන් ගත්තෙ අපේ රටේ තියෙන හොඳම තැනින් මං විශ්වාස හිතන්නෙ.. ඒ
Cinnamon Life..

මුලින්ම join වෙද්දි මං industry එකට අලුත් නිසා, මට challenge එකක් තිබ්බා. මොකද ඊට කලින් මං හිටියෙ Finance industry එකේ. ඒ කියන්නෙ මීට හාත්පසින්ම වෙනස් industry එකක්.. ඒත් මං challenges වලට කැමති නිසයි, මගෙත් එක්ක ළඟින් හිටපු අය මටත් වඩා මාව විශ්වාස කරපු නිසයි, දවසින් දවස මං මේ industry එකට ආදරේ කරන්න ගත්ත නිසයී,, මං හිතුවටත් වඩා හොඳට මං perform කළා... ඉක්මනින්ම දේවල් ඉගෙනගත්තා..

ඒකට හොඳම සාක්ෂිය මං හිතන්නෙ ගිය අවුරුද්දෙ මට ලැබුණු 'Rockstar of the Year' කියන award එක.. මට හුඟාක් සතුටුයි මට මං ගැන තව තවත් විශ්වාස කරන්න ඒ වගේ සාක්ෂියක් මගේ ජීවිතේට ලැබුණු එකට. ඒ වෙනුවෙන් මේ මොහොත වෙද්දිත් අසීමිතව මං ස්තූතිවන්ත වෙනවා.. සහ මගෙ අනාගතේ හැම දවසකමත් ඒ වෙනුවෙන් මං ස්තූතිවන්ත වෙයී.. මොකද ඒ තමයී මගෙ අඩිතාලම.

Life Finance එකේ ඉඳලා අවුරුද්දයි මාස දෙකක් වෙද්දි මගෙ ජීවිතේ වටිනම opportunity එක මට ලැබුණා. ඒ Revenue වලට මාරු වෙන්න. Revenue Management කියන්නෙ Hospitality Industry එකේ key role එකක්.. මං විශ්වාස කරනවා ඒක මට ලැබුණු ආශිර්වාදයක් කියලා..

මොකද ඒ දේත් එක්ක foreign Revenue leader කෙනෙක්ට direct report කරන්න, එයත් එක්ක closely වැඩ කරන්න, එයා ඒ feild එකේ ලස්සනට play කරන විදිහ ළඟින් ඉඳලා ඉගෙනගන්න මට අවස්ථාවක් ලැබුණා.. මං ඒක හරිම අපූරුවට දැන් විඳිනවා, enjoy කරනවා.. දේවල් ඉගෙනගන්නවා..

ඒ වගේම operation එකත් එක්ක directly වැඩ කරන්න ලැබුණු එක තමයී මගෙ ලොකුම සතුට.

දවසින් දවස අලුතින් අලුතින් එන එක එක ප්‍රශ්න වලට solutions හොයන එක. අපේ competitorsලා ගැන, market එක ගැන touch එකේ ඉන්න ඕන එක, එක එක extranets වල foreign account managersලා එක්ක වැඩ කරන්න වෙන එක... පුදුම තරම් intersting.

හැම දවසකම ජීවිතේ අලුත් දෙයක් අත් විඳින්න ලැබෙනවා කියන්නෙම ආශිර්වාදයක් නෙමෙයි ද??

ඉතින් ඒක නෙමෙයි කතාව..

මුලින්ම Cinnamon Life එකට join වුණහම තමයි මං දන්නෙ මේ uniform කතාව. නැත්නම් කලින් අපි කැමති office ඇඳුමක්නෙ අපි office ඇඳන් යන්නෙ.

හැබැයි Hospitality Industry එකේ ඒක වෙනස්. එයාලා හැම employee කෙනෙක්ටම uniform එකක් දෙනවා. අපිට තියෙන්නෙ උදේට යද්දි uniform room එකෙන් අලුත් uniform එකක් අරගෙන locker room එකට ගිහින් change කරගෙන අපේ department එකට යන්න (කැමති නම් wash එකක් වුණත් දාගන්න පුළුවන්. අපිට ඕන towels පවා අපිට uniform room එකෙන් ගන්න පුළුවන්. Bathroom facilities හැම එකක්ම locker rooms වල තියෙනවා)..

හවසට අපි ගෙදර යද්දි ආයිමත් අපි ඇඳගෙන ආපු ඇඳුම ඇඳගෙන, uniform room එකට දීලා යන්න තමයී තියෙන්නෙ.. එතකොට එයාලා ඒක සෝදලා, iron කරලා අපි වෙනුවෙන් hang කරලා තියෙනවා.. මේ විදිහට හැම employee කෙනෙක්ටම uniform sets 3ක් තියෙනවා..

✨ඉතින් දන්නවද මේකෙ තියෙන ලොකුම වටිනාකම මොකක්ද කියලා..

අපි ගෙදර ඉඳලා ඇවිත් අපේ uniform එක ඇඳගෙන අපේ department එකට යද්දි ඒක වෙනමම feeling එකක්. ඒ හැඟීම මට දැනුණෙ මුල් දවස් වල ඉඳලමයී..

ඒක හරියට නිකන් අපිට responsibility එකක් ලැබෙනවා වගේ. අනිත් එක ගෙදරින් එද්දි මොන mood එකක ආවත් මේ uniform change එකත් එක්ක මට දැනෙන්නෙ මගෙ mood එකත් switch වෙනවා වගේ. ඒක positive switch එකක්. අනිත් එක මගෙ job එකට ඒකෙන් ලොකු impact එකක් තියෙනවා කියලා මට දැනෙනවා..

මං හිතන්නෙ ඒක මටත් වඩා තදින්ම දැනෙනවා ඇති guestලා එක්ක directly වැඩ කරන අයට. Front Office team එකට, F&B අයට, Guest Relationship Executivesලට මේ හැඟීම තදින්ම දැනෙනවා ඇති..

කොයිතරම් නම් අපූරුද හැමදාම වෙන මේ positive switch එක..

ඉතින් මං විශ්වාස කරනවා මගේ වෘත්තීය ජීවිතේ වුණු හොඳම දේ තමයි මං Hospitality Industry එකට join වුණු එක කියලා.. ඒ වගේම මං විශ්වාස කරනවා මං ලෝකෙ කොහේ හිටියත්, මොන Hotel Chain එකක හිටියත් හැමදාමත් ඒ ගෞරවය Cinnamon Life එකට ලැබේවි කියලා. මොකද ඒ තමයි Hospitality Industry එකේ මගෙ අඩිතාලම නිසා..

Hospitality Industry එක කියන්නෙ හරිම live industry එකක්.. වැඩ කරන්න ආස විදිහෙ තැනක්.. කෙනෙක්ට මේක මේ විදිහට දැනෙන්නෙ නැති වෙන්න පුළුවන්,, ඒත් ඔයත් මගේ vibe එකේ වගේ කෙනෙක් නම් (ඔයා Study with Gimi page එකේ කෙනෙක් නම් අනිවාරෙන්ම මගෙ vibe එක අඳුනනවා), කවදහරි දවසක Hospitality Industry එක explore කරන්න.. අනිවාරෙන්ම ඒක ඔයාලගෙ ජීවිත වලත් හරිම අපූරු අත්දැකීමක් වේවි...

මම ඔයාලගෙ ආදරණීය ගිමී….

හීන වෙනුවෙන් කැප වෙන ඔයාට ජයෙන් ජය..

✍🏻 Gimi's Diary | 13.08.2026

© Study with Gimi

#studywithgimi #gimhani_senarathne #positivevibes #fyp #ගිමීගේඩයරිය #hotellife #hospitalityindustry #CareerGrowth #revenuemanagement #lifelessons #hotelier

1 week ago | [YT] | 61

Study with Gimi

කොහොමද ඔයාගෙ 2026 ජූලි මාසෙ ??

හිතෙන්නෙ නැද්ද නිකන් කාලෙ හුඟක් ඉක්මනින් ගෙවෙනවා වගේ.. මට නම් තේරෙන්නෙ 2025 අවුරුද්ද පටන් ගත්ත දවසෙ ඉඳලම කාලෙ පුදුම තරම් ඉක්මනින් ගෙවුණා වගේ..

ඉතින් ඔයාටත් එහෙමද දැනුණෙ ??

2026 අගෝස්තු මාසෙට යන්න කලින්, 2026 ජූලි මාසෙ ගෙවුණෙ කොහොමද කියලා පොඩ්ඩක් ආපස්සට ගිහින් බලමු ද ??

ඒකෙන් ඔයාලගෙ අගෝස්තු මාසෙ හොඳ විදිහට ගෙවන්න ඔයාට ලොකු මඟ පෙන්වීමක් ලැබේවි..

💫Promotions + Town Hall

මාසයක් පටන් ගන්න හොඳම විදිහ තමයී මං හිතන්නෙ ජූලි 01 පටන් ගත්ත විදිහ.. Office එකේ දන්න අඳුනන හුඟක් දෙනෙක්ට promotions හම්බුණා.. හිතන්නකො මාසෙ මුලම මෙහෙම ආරංචියක් එද්දි සතුට කොහොමද කියලා.. මට නම් පුදුම තරම් සතුටුයී...

ඊට පස්සෙ කාලෙකින් අපේ townhall meeting එක තිබ්බා. අලුත් quote එකක් ජීවිතේට හම්බුණා.. "GROW WITH PURPOSE LEAD WITH HEART"..

💫New Year Photo Booth Pic

අප්‍රේල් 30 තිබුණු අවුරුදු උත්සවේ photo booth එකේ ගහපු pic එකක් හම්බුණා. ඒක අමතක වෙලා තිබ්බෙ. ඒක ඊට පස්සෙ හිතුවෙවත් නැති වෙලාවක ආයිමත් හම්බුණා..

එදාම ගෙදර ගිහින් ඩයරි එකේ අප්‍රේල් 30ට පෙරළලා ඒක ඇලෙව්වා..

💫Finally, Department Party

හරි විදිහට මගෙ department එකේ party එකකට යන්න පුළුවන් වුණා.. මං Revenue & Reservations එකට join වෙලා හරියටම මාස 06කට විතරම පස්සෙ තමයී මෙහෙම කට්ටියත් එක්ක outing එකකට යන්න පුළුවන් වුණේ..

ඒක හරිම ජොලි දවසක්. පාන්දර 2 විතර වෙනකන් අපි හොඳට නැටුවා..

💫නුවර trip එකක් ගියා

දළදා මාළිගාව කියන්නෙ මං personally පුදුම තරම් ආස තැනක්.. ඉතින් කාලෙකින් යන්න පුළුවන් වුණා. වැඩි වෙලාවක් ඉන්න බැරි වුණත්, ටික වෙලාවක් හරි වාඩිවෙලා ඉන්න පුළුවන් වුණ එකෙන් හිතට පොඩි සැනසීමක් දැනුණා..

කාලයක් තිස්සෙ තමයී wax museum එකට යන්න ආසාවෙන් හිටියෙ. කොහොමහරි ඒකත් හරී..

මේ ගමන යන්න Shakiලත් අපිත් එක්ක join වුණා.. එයාලා අද USA යන නිසා 1st time අපි මෙහෙම ගියපු එක අපිට හොඳ memory එකක් වුණා..

💫නුවරඑළියෙ trip එක

කාලෙකින් මගෙ පරණ office එකේ යාළුවො එක්ක trip එකක් යන්න පුළුවන් වුණා..

අපි හැමදාම සීතල පැත්තකට කොහේ හරි යන්න plan කළා. ඒත් ඒක කවදාවත් වුණේ නෑ.. Finally අපි කොහොමහරි නුවරඑළියෙ trip එකක් දාගත්තා..

1st time සින්දුවක් කිව්වා.. සාමන්‍යයෙන් මං කවදාවත් මේ දේ උත්සාහ කරලා නෑ.. ඒත් ජීවිතේ පළවෙනි පාරට මං ඒ දේ උත්සාහ කළා.. හැබැයී මං දැන් දන්නවා මට සින්දු කියන්න බෑ කියලා 🙈...

💫Kushan's crew එකේ 2nd trip එක

අපි මේ පාර ගියේ රත්නපුරේ කිට්ටුව 'Handunkanda Nature Escape' කියලා තැනකට.. එතන හරිම නිදහස් තැනක්.. හරීම ලස්සන තැනක්.. නිදහස කියන එක උපරිමේටම තිබුණා..

ඒ ගමනෙ මං හුඟක් දේවල් වලට පුදුම තරම් ආසයී..

දිය ඇලි හුඟක් බලපු එක, ගෙදර එන ගමන් දිය ඇල්ලක නාපු එක, වැස්සෙ තෙමුණු එක, උණු උණුවෙන් රොටි හදලා කාපු එක.. ඔය හැමදේම මගේ ජීවිතේ මට ආයි ලැබෙන අත්දැකීමක් වෙයිද දන්නෙ නෑ.. ඒත් ඒ මොහොතට මං පුදුම තරම් ආදරෙයී..

💫නිමන්තගෙ Cinnamon Life journey එකේ අන්තිම දවස් ටික

උදේට office එකට යන්න කලින් තෝසෙ එකක් කන්න හිතුණහම, office ඉවර වෙලා හවසට කොත්තුවක් කන්න හිතුණහම, රසම රස තේ එකක් office එකේදි බොන්න හිතුණහම මං හැමවෙලේම වගේ කතා කළේ නිමන්තට..

Finance එකේ ඉඳපු කාලෙ මගෙ ජීවිතේ හුඟාක් දේවල් වලදි උදව් කළේ නිමන්ත. එයා මට හොඳ යාළුවෙක්.. මගෙන් බැනුම් අහපු තැන් ඕන තරම් තිබුණත්, කවදාවත් මං උදව්වක් ඉල්ලුවොත් එයා නොකර ඉඳලා නෑ..

ඒත් එයා දැන් එයාගෙ මේ journey එක පොඩ්ඩක් වෙනස් කරන්න හදන්නෙ. Cinnamon Life එකේ මට ඉන්න best buddy මට නැතිවෙනවා. ඉතින් ඒ නිසා හැමවෙලේම මං පොඩ්ඩක් try කරනවා මේ දවස් ටිකේ හවස එයා එක්ක කොත්තුවක් එහෙම කන්න යන්න..

මේ එහෙම train එක එනකන් අපි කොත්තුවක් කන්න ගිය දවසක්..

💫කාලෙකින් රෑ. 8.20 කෝච්චියෙ ගෙදර එන්න පුළුවන් වුණා

මං ආසයි ඒ රෑ 8.20 කෝච්චියට.. ඒ වගේම ඒ කෝච්චිය නිසාම තමයී මට හිතුණෙ කවදහරි දවසක මං 'Jaffna train එකේ තනියම Jaffna ගිහින් එන්න ඕන' කියලත්..

මොකද මෙහෙම තනියම කොහේ හරි යද්දි මගෙ ඔළුවෙ හැංගුණු, ලස්සන දේවල් එළියට එනවා..

💫Finance යාළුවො ටිකක් එක්ක ගියපු කොත්තු date එක

ඉඳලා හිටලා කට්ටියත් එක්ක එහෙම යද්දි හිතට පොඩ්ඩක් හොඳයී.. එතන තව කීපදෙනෙක් හිටියා නම් ඒ ගමන තවත් සම්පූර්ණයී..

💫Solo Date එක

මං පුදුම තරම් ආසයී galle face එකේ බිම ගල් බැම්මෙ ඉඳගෙන මුහුද දිහා බලන් ඉන්න. Office එකෙන් ඈත අහස පේද්දි මං හැමදාම හිතනවා අනේ මට galleface එකට ගිහින් sunset එකක් බලන්න ඕන කියලා..

කොහොමහරි හිතලා හිතලා දවස් ගාණකට පස්සෙ sunset එකක් බලන්න ටිකක් පරක්කු වෙලා හරි යන්න පුළුවන් වුණා.. අහසෙ වළාකුළු පිරිලා තිබ්බත් යන්තම් ඉර බහිනවා බලාගන්න පුළුවන් වුණා..

Braces adjust කරලා, දත් ටික හොඳටම් රිදුණත් ඔන්න ඔහේ කමක් නෑ කියලා ඉස්සො වඩේ දෙකකුත් කන්න ගත්තා.. මුහුද දිහා බලාගෙන මුහුදෙ ලුණු රස විඳින ගමන් පොඩ්ඩ පොඩ්ඩ ඉස්සො වඩේ එකත් කෑවා..

💫First time Pasta Mania ගියා

කවදාවත් මං Pasta Mania එකට ගිහින් තිබ්බෙ නෑ. ඉතින් 2026 ජූලි මාසෙ පළවෙනි පාරට මං Pasta Mania ගියා..

මට නම් කෑම හරිම රසයී.. Reasonable prices.

අපි හිතාගත්තා හැමදාම Thalappakatti යන්නෙ නැතුව වෙන වෙන restaurants try කරන්න ඕන කියලා.

💫බව්වො බලන්න ගියා

පුංචිලාගෙ ගෙදර හිටපු පුංචි බව් පැටව් දැන් ලොකු වෙලා. තව ලොකු වුණොත් වඩාගන්න බෑනෙ ඊට කලින් යන්න ඕන නිසා එහෙ ගිහින් එන්න ගියා.

කොහොමටත් මට කාලෙකට සැරයක් පුංචි, මිස්, එහෙ නංගිලා මල්ලිලා බලන්නෙ නැතුව ඉන්න අමාරුයී.. මට කිසීම දෙයක් නැති කාලෙ අසීමිතව මට රැකවරණය දීපු මිනිස්සු.

💫"Voicemails for Isabelle"

මං සාමාන්‍යයෙන් ලේසියෙන් film බලන කෙනෙක් නෙමෙයී.. ඉතින් මට කාලෙකින් හිතට බරට දැනුණු film එකක් හම්බුණා..

මේ film එක ගැන අපි වෙන දවසක කතා කරමූ. නැත්නම් ඒකට මං කරන අසාධාරණයක්.

💫JKH Speakers Club එකට join වුණා

මේක කාලෙක ඉඳලා කරන්න හිතාගෙන හිටපු දෙයක්. හැබැයි කල් දදා හිටියෙ. ඇයි මං තවත් දේවල් කල් දාන්නෙ කියලා හිතලා මං මේ පාර club එකට ගියා..

1st time තමයි මං මෙහෙම experience එකක් ගත්තෙ. ඒකෙ වෙන්නෙ මොකක්ද කියලා මං එදා ටිකක් තේරුම් ගත්තා. ඊළඟ එකේදි මං speech එකක් දෙන්න හිතුවා.

මේකට මට join වෙන්න මාව පෙළඹෙව්වෙ කෙනෙක්. එයාට හුඟක් ස්තූතියී.. ඒ වගේම අපේ department එකේ ඉන්න තවත් යාළුවෙක් නිසා මං හොඳටම inspire වුණා.. එයාටත් ගොඩාක් ස්තූතියී..

💫කාලෙකින් පාර අයිනෙ ඉඳගෙන මං කැමති vibe එක experience කරන්න පුළුවන් වුණා

මේ ගැන මං article එකක් ලිව්වා.. එදා මං ඒ විඳපු දේ ගැන..

පාර ටිකක් කාර්‍යබහුල වෙලාවක, මිනිස්සු වාහන හුඟක් එහෙ මෙහෙ යද්දි, හොඳ හුළං පාරක් විඳින ගමන්, කාටවත් වැඩිය notice වෙන්නෙ නැති තැනකට වෙලා තනියම සන්සුන්ව ඒ හැමදේම විඳින එක..

එදා Air Force ground එකේ තිබුණු concert එකයි, හුළඟයි ඒ පුංචි වෙලාව හුඟක් ලස්සන කළා..

💫Cinnamon Life mall එකට ගියා

Husbandට ඕන වුණා අපේ mall එක පැත්තෙ යන්න. Vito එකත් open කරපු නිසා අපි ඒ පැත්තටත් ගිහින් ආවා..

Vito එකේ රස නම් කොහෙත් ඒ වගේමයිනේ.. හැබැයී Life mall එකේ Vito vibe එක next level. වෙනමම experience එකක්..

ඔයාලටත් දැන් පුළුවන් Cinnamon Life mall එකට එන්න.

💫ලිලී

කාලෙකින් මං මට මල් ගත්තෙ නෑ.. ඒත් එදා හදිස්සියෙ level 24th එකට ගියහම දැක්කෙ මුළු lobby එකම lilies වලින් සරසලා.. මට සතුටු හිතුණා ඒක දැක්කහම. ඒ නිසා පින්තූරෙකුත් ඉතින් මං අරගත්තා..

ඊයෙ lobby එක lilly ලෝකයක්..

💫JKH Rugby Sevens

ගිය අවුරුද්දෙ හිතාගත්තා මං මේක බලන්න යනවා කියලා.. මොකද මට ගිය අවුරුද්දෙ ඒක miss වුණා..

කන්න, බොන්න වැඩිය mood එකක් තිබ්බෙ නැතත් ඒ පොඩි වෙලාව දන්න අඳුරන අය එක්ක කතා කරලා, නටලා පොඩ්ඩක් enjoy කරන්න පුළුවන් වුණා..

ඔක්කොටම වඩා මං enjoy කළේ හීනියට වැටුණු වැස්ස. ඒ වෙලාවෙ ground එක මැද්දට දුවලා ගිහින් අත් දෙකත් දිග ඇරලා වටයක් දෙකක් කැරකෙන්න ආස හිතුණා..

‼️ප.ලි.

ඉතින් මේ ඔක්කොමත් එක්ක ජූලි මාසෙත් හරිම ඉක්මනින් ගෙවිලා ගියා..

කාලය පුදුම තරම් ඉක්මනින් ගෙවෙනවා.. එක අතකට ජීවිතේ ඉක්මනින් ඉවරවෙන එකත් හොඳයී කියලා හිතෙනවා.. දන්නවද මේ මාසෙ මං ඉගෙනගත්ත ලොකුම පාඩම් මොකක්ද කියල..

"සාමාන්‍යයෙන් මං මට දෙයක් ඕනමයි කියලා හිතුණොත් මං කොහොමහරි ඒ දේ ලබාගන්නවා. ඒ මගෙ හැටී..

ඒත් මේ පාර මං ඉගෙනගත්තා කොච්චර ලබාගන්න ඕන වුණත්, සමහර දේවල් ජීවිතේ අපිට අත් හරින්නම වෙනවා කියලා..

ඒ සමහරවිට මං වෙනුවෙන් නෙමෙයී.. තවත් වෙන ජීවිතයක් වෙනුවෙන්.. සමහර විට ඒක හරිම ආදරෙන් කරන හරි අපූරු පරිත්‍යාගයක් වෙන්න පුළුවන්..

මොකද ජීවිතේ සමහර දේවල් කොහොමහරි අයිති කරගන්නවට වඩා, ඒ දේවල් වලට නිදහසේ ජීවත්වෙන්න දීලා අත්හැරියම ජීවිතේ ටිකෙන් ටික සැහැල්ලු වෙන්න පුළුවන් වේවි කියලා මං හිතනවා..

තුවාලයක් වුණත් අලුත් කාලෙදි විතරනෙ රිදෙන්නෙ. ටිකෙන් ටික වේලිලා තුවාලෙ හොඳ වෙද්දි රිදෙන එක ටිකෙන් ටික අඩුවෙනවා.. හැබැයි ඉතින් හොඳ වේගෙන එන තුවාලෙ පාරගන්නෙ නැතුව පරිස්සම් කරගන්න තරම් අපි ශක්තිමත් වෙන්න ඕන..."

ඉතින් හුඟාක් ස්තූතියි මේ ගෙවුණු ජූලි මාසෙට, ඒ වගේම හුඟාක් ස්තූතියී ජීවිතේට කියලා දීපු හැම පුංචි පාඩමකටම..

බලමූ,,

මං හිතනවා අගෝස්තු මාසෙ මගේ ජීවිතේ තවත් අපූරු මාසයක් වේවි කියලා. ඔයාටත් එසේම වෙන්න කියලා මං ආදරෙන් සුභ පතනවා..

මම ඔයාලගෙ ආදරණීය ගිමී….

හීන වෙනුවෙන් කැප වෙන ඔයාට ජයෙන් ජය..

✍🏻 Gimi's Diary | 01.08.2026

© Study with Gimi

#studywithgimi #gimhani_senarathne #positivevibes #fyp #ගිමීගේඩයරිය #julyrecap #collectingmemories #LessonsFromLife #MemoriesOverThings #journeyoflife #HelloAugust

Skip the Carousel

1 2 3 4 5 6 7 8 9 10

2 weeks ago | [YT] | 100

Study with Gimi

පාඩම් කරන්න ඕන වුණත්, කොහෙන්ද පටන් ගන්නෙ කියලා හිතාගන්න බැරුවද ඉන්නෙ ???

ඔයත් පාඩම් වැඩ මඟ ඇරුණු කෙනෙක් නම්, ආයිමත් වැඩ කරන්න පටන් ගන්නෙ කොහෙන්ද කියලා හිත හිත ඉන්න කෙනෙක් නම්,, මේ article එක ඔයාලා වෙනුවෙන්මයී. මේ ක්‍රමේ හුඟක් සාර්ථකයි. ඒක මං අත්දැකීමෙන් දන්නවා. ඉතින් ඔයාලටත් පුළුවන් try කරලම බලන්න.

මේකෙදි ඔයාලා පියවර කීපයක් අනුගමනය කරන්න ඕන.

ඒත් එක්කම කියන්න ඕන, ඔයා O/L කරන කෙනෙක් වුණත්, A/L කරන කෙනෙක් වුණත්, කැම්පස් ‍යන කෙනෙක් වුණත්, වෙන ඕනම විභාගයකට සූදානම් වෙන කෙනෙක්ට වුණත් මේ ක්‍රමේ උත්සාහ කරලා බලන්න පුළුවන්.

පියවර 01

ඔයා ගාව තියෙන notes, text books, past papers ඔය ඔක්කොම ඔයා ගාවට ගන්න. ඒ කියන්නෙ තැන් තැන් වල තියෙන පොත් එකම තැනකට ගන්න.

පියවර 02

ඊළඟට ඔයාට කොළ කීපයක් වුවමනා වෙනවා. A4 හරි ෆුල්ස්කැප් හරී. ඒ කොළ වල ඔයාට පාඩම් කරන තියෙන. විෂයයන් වල නම් ලියාගන්න. එක විෂයයකට, එක කොළයක් ගානෙ.

ඊළඟට ඔයා හදාගන්න subject wise පොඩි overall plan එකක්. ඒ කියන්නෙ අපි හිතමු Econ කියලා, ඒ විෂයයට අදාළව විභාගෙට කලින් ඔයා කරන්න ඕන මොනාද කියන එක ගැන තමයි මේකෙදි ඔයා දළ සටහනක් දාගන්නෙ.

උදා -:

Econ වලට අදාළව;
- පාඩම් ඔක්කොම 12
- අවුරුදු 5ක past papers හෝ ඒ ඒ පාඩමට අදාළව ප්‍රශ්න මෙච්චර ගාණක් කරන්න තියෙනවා
- MCQs 100
- Short note පාඩමෙන් පාඩමට හදාගන්න තියෙනවා (විභාගෙ හුඟක් ළඟ නම් short notes හදන්න යන්න එපා)

මේ සටහන ගහගත්තට පස්සෙ ඔයාට idea එකක් එනවා, හැම විෂයයකටම අදාළව ඔයා කරන්න ඕන මොනාද කියන එක.

පියවර 03

ඔයා දැන් ඉන්නෙ කොතනද කියන දේ ගැන idea එකක් ගන්න ඕන. මේ වෙනකොට ඔයා ගාව ඔයාගෙ විෂයයන් වලට අදාළව වෙන වෙනම maps තියෙනවා (පියවර 2දි හදාගත්තෙ ඒක). ඊළඟට ඒ map එකේම ඔයා mark කරගන්න, මේ වෙනකොට ඔයා කරලා තියෙන දේවල්.

හිතන්නකො පළවෙනි පාඩම කියලා. පළවෙනි පාඩමට අදාළව ඔයා ගාව දැනටමත්,
- short note එක තියෙනවා
- ඒකට අදාළව ඔක්කොම past papers ප්‍රශ්න කරලා තියෙන්නෙ
ඔය විදිහට මේ වෙනකොට ඔයා කරලා තියෙන දේවල් ටික mark කරගන්න.

දැන් ඔයාට සම්පූර්ණ අදහසක් තියෙනවා; ඔයාට කරන්න තියෙන සම්පූර්ණ වැඩ කොටස මොකක්ද සහ ඔයා මේ වෙනකොට ඒ වැඩ වලින් කොයිතරම් ප්‍රමාණයක් කරලද කියලා.

පියවර 04

ඊළඟට ඔයා calendar එක අරගෙන බලන්න, ඔයාගෙ විභාගෙට දවස් කීයක් තව තියෙනවද කියලා. ඊට පස්සෙ A4 හරි ෆුල්ස්කැප් හරි කොළ ටිකක් අරගෙන, ඒ දවස් ගාණට පොඩි කොටු ටිකක් ගහගන්න. හරියට කැලැන්ඩර් එකේ වගේ.

ඊළඟට ඔයාට කරන්න තියෙන්නෙ, ඔයාට කරන්න තියෙන වැඩ ටික ඔය දවස් ගාණට බෙදාගන්න එක. ඒ වැඩ බෙදාගන්නකොට,
- මුල් දවස් වල වැඩ ටිකක් අඩුවෙන් දාගන්න. ක්‍රමක්‍රමයෙන් ඊට පස්සෙ වැඩ කරන ප්‍රමාණය සහ කාලය වැඩි කරන්න (ඒ කියන්නෙ මුල් දවසෙ පැය 2ක්, ඊළඟ දවසෙ පැය 3ක්, ඊළඟ දවසෙ පැය 4ක් වගේ).
- ඒ වගේම අන්තිම දවස් 3 වගේ revision කරන්න තියාගන්න

පියවර 05

දැන් ඔයාට තියෙන්නෙ, ඔයාගෙ වැඩ ටික කරගෙන යන්න.

කම්මැලි හිතුණොත්,
- ඔයාගෙ අරමුණු මතක් කරගන්න
- ඔයා ඒ අරමුණු හැබෑ කරගත්තහම, අවංකවම සතුටුවෙන අයගෙ මූණු මතක් කරගන්න
- ඔයාට ඒ අරමුණ හැබෑ කරගත්තට පස්සෙ, ඔයාට ලැබෙන දේවල් ගැන හිතන්න

මං හිතනවා මේ පියවර ටික ඔයාලට උදව්වක් වෙයී කියලා. ඉතින් ඔන්න අදම වැඩ පටන් ගන්න.

මම ඔයාලගෙ ආදරණීය ගිමී….

හීන වෙනුවෙන් කැප වෙන ඔයාට ජයෙන් ජය..

✍🏻 Study Tips | 16.07.2026

#studywithgimi #gimhani_senarathne #positivevibes #fyp #ගිමීගේඩයරිය #studytips #StudySmart #studymotivation #YouCanDoIt

1 month ago | [YT] | 87

Study with Gimi

"ඇයි අපිට බැරි හැම මනුස්සයෙක්ටම කරුණාවන්ත වෙන්න ??"

ඊයෙ office එකේ රෑ 8.30 වගේ වෙනකන් ඉන්න වුණා. ඒ අන්තිම වෙලාවෙ ආපු වැඩක් නිසා. ඇත්තටම ඒ ඉන්න වුණ එක ගැන මේ මොහොත වෙද්දි මට හුඟක් සතුටුයී..

මොකද මට කෙනෙක්ගෙ ඇතුළාන්තෙ ගැන කතාවක් අහන්න ලැබුණා.. හුඟක් වෙලාවට මිනිස්සු මං එක්ක විවෘත වෙනවා. මං දන්නෙ නෑ ඒක ජීවිතේ ලැබුණු ආශිර්වාදයක්ද කියලා. කාලයක් මං counselling කරන්න ආසාවෙන් හිටියා. ඒත් මං තේරුම් ගත්තා මට ඒක දරාගන්න බෑ කියලා. ඒ නිසා මං Counselling & Psychology diploma එකක් විතරක් කරලා ඒ ගමන අත් ඇරියා..

ඒ කෙනාට අපේ office එකේ හුඟක් දෙනෙක් අකමැතියී.. ඇත්තටම එයාගෙ වැඩ අවුල්. පිස්සු කරන්නෙ. එහෙම එක එක ඒවා කතාවෙන අවස්ථා වල මාත් හිනාවෙලා තියෙනවා. මාත් 'අයියෝ පිස්සු එයාට' කියලා තියෙනවා. මට ඊයෙ ඇත්තටම මං ගැන ලැජ්ජ හිතුණා..

'ඇයි මං එහෙම කළේ' කියලා මං හිතුවා.. ඒත් okay.. මං ඒකෙන් මගෙ ජීවිතේටම දෙයක් ඉගෙනගත්තා.. ආයි කිසිම දවසක මං කිසිම මනුස්සයෙක්ට, කිසීම දෙයක් කියන්නෙ නෑ.. මොකද එහෙම හැසිරෙන්න එයාලට එයාලගෙම හේතු ඇතී...

වැඩ ටික හරියට focus කරන්න බැරිවෙන්න තරම් එයාට එයාගෙ ජීවිතේ ප්‍රශ්න ඇතී.. දන්නවා job එකෙන් ගෙවන පඩිය අරගෙන වැඩේ හරියට නොකරන එක වැරදියී.. ඒත්,, එයාගෙ ඔළුවෙ තියෙන ඒ ප්‍රශ්න කන්දරාවත් එක්ක ඒ කෙනා ඒක overcome කරන එක එයාගෙ දෙයක්.. හැබැයී එහෙමයී කියලා එයාව විවේචනට කරන්න පරිබාහිරින් ඉන්න මට, කොහෙත්ම අයිතියක් නෑ කියලා මං හොඳටම ඊයෙ තේරුම් ගත්තා.

‼️ප.ලි.

ජීවිතේ අපි හැමෝගෙම ඇතුළාන්තෙ ප්‍රශ්න තියෙනවා. ඒවා ගෙදර ප්‍රශ්න, ළමයින්ගෙ ප්‍රශ්න, පවුලෙ ප්‍රශ්න, අසනීපයක් ඔය ඕන එකක් වෙන්න පුළුවන්. ඒ හැමදේමත් එක්ක තමයී අපි අපේ අනිත් දේවල් කරන්නෙ..

ඇත්ත අපි ඒ ප්‍රශ්න office එකට යද්දි office එකේ දොර ගාවින් දාලා තමයී ඇතුළට යන්න ඕන.. ඒ වුණත් සමහර ප්‍රශ්න අපේ ආත්මයත් එක්ක බද්ධ වෙලා තියෙන්නෙ.. එහෙම වුණහම ඒවා අපේ ආත්මයෙන් වෙන් කරන්න බෑ..

අන්න ඒ නිසා අපි ඇතුළාන්තය නොදන්න හැම මනුස්සයෙක්ටම වැඩිපුර කරුණාවන්ත වෙන්න. මොකද එයා එයාගෙ මුළු ආත්මයම පුපුරු ගහන ප්‍රශ්නයක ඒ මොහොතෙ ඉන්නවා වෙන්න පුළුවන්... අපි දන්නෙ නෑ.. අපිට අයිතියක් නෑ එහෙම කෙනෙක්ව තවත් තලන්න. අපි එහෙම කෙනෙක්ගෙ හිතට තවත් පීඩනයක් කරනවා කියන්නෙ එක අතකට අපි කරන්නෙ මහ පවක්..

ඒ වගේම කවදාහරී දවසක ඔයාට එහෙම ප්‍රශ්නයක් එක්ක office යන්න වුණොත්,,, අමාරුම නම් sick leave එකක් ගන්න. නැත්නම් ඔයාගෙ හිතේ තියෙන හැඟීම් පොඩ්ඩක් calm කරගෙන office එකට යන්න. ඒක ඔයා ඔයාටම කරන ලොකුම ලොකු උදව්වක්...

අපේ ඇස් ඉස්සරහට මුණ ගැහෙන හැමෝගෙම වගේ අපි ඇතුළාන්තෙ දන්නෙ නෑ.. ඒ මිනිස්සු මොනා එක්ක struggle කරනවද කියලා අපි දන්නෙ නෑ... ඉතින් ගෙවෙන හැම මොහොතකම, ඇතුළාන්තය නොදන්න ඒ හැම මනුස්ස ජීවිතයකටම කරුණාව විතරක්ම දක්වන්න....

ඉතින් ඔයාට හුඟාක් ස්තූතියී,, මගේ ජීවිතේට තදින්ම කාවදින විදිහට මට මේ පාඩම ඉගැන්නුවට..

මම ඔයාලගෙ ආදරණීය ගිමී….

හීන වෙනුවෙන් කැප වෙන ඔයාට ජයෙන් ජය..

✍🏻ගිමීගේ ඩයරිය | 23.05.2026

#studywithgimi #gimhani_senarathne #positivevibes #fyp #ගිමීගේඩයරිය #kindness #bekind #bekindalways

2 months ago | [YT] | 186

Study with Gimi

Exam ළඟ වුණත්, පාඩම් කරන්න හිතෙන්නෙ නැද්ද ??

මං හිතන්නෙ ඉගෙනගන්න හැම කෙනෙක්ටම වගේ තියෙන ලොකුම ලොකු ප්‍රශ්නයක් තමයී මේ. ඉගෙනගන්නත් ඕන, exam එකත් ළඟ එනවා.. ඒ ඔක්කොමත් දැනගෙන සමහර වෙලාවට පාඩම් කරන්න ගියහම පාඩම් කරන්න කම්මැලියී. එහෙම නැත්නම් හිතෙන්නෙ නෑ. කල් දානවා..

ඉතින් ඕක අමුතු දෙයක් නෙමෙයි. හුඟක් වෙලාවට මටත් නිතරම වගේ වෙන දෙයක්. මේ දැනුත් ඒක එහෙම වෙලා තියෙන නිසයී, මටත් එක්කම මං මේ article එක ලියන්නෙ 🙈.. ඔයාලත් අනිවාරෙන්ම මේ සිද්ධියට මුහුණ දීලා ඇතී..

මට දැනෙන විදිහට නම් මේකට බලපාන මූලිකම හේතුව තමයී, අපිට අපි ඉන්න තැන ගැන හරි idea එකක් නැතිකම. ඒ කියන්නෙ අපිට idea එකක් නෑ ඒ exam එක ගොඩදාන්න නම් අපි මොනාද ඇත්තටම කරන්න ඕන කියලා.

ඒක හරියට නිකන්, අපේ ඔළුවෙ මහා හුඟක් දේවල් කරන්න තියෙනවා. හැබැයි ඒවා එකක්වත් හරියට අපි plan එකකට අරගෙන නෑ. ඒ නිසාම අපේ target එකට direction එකක් නෑ.

අර කතාවකුත් තියෙන්නෙ,,, "නොදැන ගියොත් අතරමඟ, දැනගෙන ගියොත් කතරගම" කියලා.. අන්න ඒ වගේ එකක් තමයි..

ඉතින් අද අපි බලමු කොහොමද පාඩම් වැඩ කරන්න පටන් ගන්න කලින් අපි ඉන්න තැන ගැන හරියටම idea එකක් ගන්නෙ කියලා.

ඔයාලටත් පුළුවන් මේ steps ටික follow කරන්න. විෂයයන් කීපයක් තියෙනවා නම් මේකට ටික වෙලාවක් යයී.. හැබැයී විශ්වාස කරන්න ඒ යන වෙලාව නාස්තියක් නම් නෙමෙයී.. සම්පූර්ණ ආයෝජනයක්..

👉🏻 ඔයාට ඉස්සරහට ළඟම එන exam එකේ විෂයයන් ඔක්කොටම අදාළ පොත් ළඟට අරගන්න. Soft copies නම් තියෙන්නෙ ඒ folders open කරගන්න. දැන් ඔයා ගාව ඔයාට ළඟ එන exams වලට අදාළව ඕන කරන lecture materials, අච්චු පොත්, papers ඔක්කොම තියෙනවා.

👉🏻 දැන් ඒ ඒ විෂයයට අදාළව A4 කොළයක් හෝ ෆුල්ස්කැප් එකක් අරගන්න. ඒ එක එක විෂයය නමින් එක කොළයක් වෙන් කරන්න.

👉🏻 ඔයා ඒ ගත්ත කොළේ තීරු 5කට බෙදාගන්න. පළවෙනි තීරුව පාඩම් වල නම් විදිහට නම් කරගන්න.
අනිත් තීරු ඔයාලට පුළුවන්; notes, short notes (ඔයා short notes ගහන කෙනෙක් නම්), past papers, model papers.... ඔය වගේ ඔයා කරන්න ඕන වැඩ අනුව බෙදාගන්න.

👉🏻 ඊළඟට ඔයා කරන්න ඕන ඒ sheets fill කරගන්න එක.

💁🏻‍♀️ වැඩිපුර පැහැදිලි කරගන්න ලේසි වෙන්න අපි උදාහරණයක් අරන් කතා කරමූ...

අපි හිතමු econ කියලා.

Econ වල තීරු ටික යන්නෙ මේ විදිහට නම්;

1. පාඩම්
2. Class notes
3. short notes
4. past papers

දැන් අපිට කරන්න තියෙන්නෙ පාඩමෙන් පාඩමට මේ තීරු වල තියෙන දේවල් අපි ළඟ තියෙනවද/ අපි ඒ දේවල් කළාද කියලා බලලා mark කරගන්න එක.

මේ අන්තිම step එක කරලා, සම්පූර්ණයෙන්ම sheets ටික fill වුණාට පස්සෙ අපිට හරි idea එකක් එනවා අපි දැන් ඉන්නෙ කොතනද කියන දේ ගැන.

ඒ විතරක් නෙමෙයි, අපි මේ වෙනකන් මොනාද කරලා තියෙන වැඩ සහ අපිට තව මොනාද කරන්න තියෙන්නෙ කියලත් අපිට දැනගන්න පුළුවන්කම ලැබෙනවා..

ඉතින් මේක මේ විදිහටම හදන්න ඕන කියලා දෙයක් නෑ. ඔයාට පහසු විදිහට හදාගන්න ඔයාට පුළුවන්.. වැදගත් වෙන්නෙ අපි දැනට ඉන්න තැන ගැන overall හරි idea එකක් ගන්න එකයී... මොකද ඒකෙන් අපේ වැඩ ටික පටන් ගන්නෙ කොතනින්ද කියන එක ගැන අපිට හිතන්න ඉඩක් ලැබෙනවා..

ඊළඟ සතියෙ article එකෙන් අපි කතා කරමූ, කොහොමද මේ ටික පාවිච්චි කරලා ඉතිරි වෙලා තියෙන කාලෙත් එක්ක Study Plan එකක් හරියටම හදාගන්නෙ කියලා.

ඉතින් ඔයාටත් පාඩම් වැඩ මඟ ඇරුණ නම්, එන්න අපි අද ඉඳලා පටන් ගමූ... ගෙවුණු කාලෙ ගැන දුක් නොවී, ඉස්සරහට පුළුවන් උපරිමෙන් මහන්සි වෙලා exam ටික ගොඩදාමූ...

එන්න අපි අපිට ඒ මඟ ඇරුණු තැනින් පටන් ගමූ...

මම ඔයාලගෙ ආදරණීය ගිමී....

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

#studywithgimi #gimhani_senarathne #positivevibes #fyp #ගිමීගේඩයරිය #studytime
#studymotivation #motivation #studytips

4 months ago | [YT] | 66

Study with Gimi

ඔයාට හිතපු A/L result එක ලැබුණෙ නැද්ද?

මුලින්ම ඔයාලා බලාපොරොත්තු වුණ ප්‍රතිඵල ලැබුණු හැම නංගි කෙනෙක්ටම, මල්ලි කෙනෙක්ටම මං හරිම ආදරෙන් සුභ පතනවා..

මං දන්නවා ඔයාලා දැනටමත් ඔයාලගෙ ඊළඟ පියවර ගැන සැලසුම් කරලා ඇතී. නැත්නම් මේ වෙද්දිත් කරන ගමන් ඇත්තේ.. ඔයාලගෙ ආදරණීයයන් ඔයා ගැන හුඟාක් ආඩම්බර වෙනවා ඇතී.. ඉතින් ඔයාලා හැමෝටම මගෙන් සුභ පැතුම..

හැබැයි, අද මේ article එක මං ලියන්නේ ඔයාලා බලාපොරොත්තු වුණ ප්‍රතිඵල ලැබුණෙ නැති නංගිලා මල්ලිලා වෙනුවෙන්. මොකද මේ එක exam එකක ප්‍රතිඵල ටිකක් එහෙ මෙහෙ වුණා කියලා ඔයාලගෙ ජීවිතේ කඩා වැටෙන්නෙ නෑ කියන එක මට එයාලා එක්ක බෙදාගන්න ඕන.. ඔයාලගෙ වචනෙන් කියනවා නම් සමහර වෙලාවට ජීවිතෙත් පොඩ්ඩක් ඩාම් වෙනවා ඩූම් වෙනවනෙ. එහෙමයී කියලා අපිට ජීවිතේ give up කරන්න බෑනේ..

ඉතින් අපි බලමු ඊළඟට ඔයාලට කරන්න පුළුවන් මොනවද කියලා..

💁🏻‍♀️ Option 01 - ආයිමත් A/L කරමූ

විශ්වාස කරන්න, ඔයා දෙයක් එක අත් නොහරින තාක් ඔයා fail වෙන්නෙ නෑ. ඔයා fail වෙන්නෙ ඔයා ඔයාගෙ target එක අත් ඇරියොත් විතරයි.

ගිය පාර ඔයාගෙ අතින් වුණ වැරදි මොනාද කියලා හොයාගෙන, ඒ වැරදි අඩුපාඩු මේ පාර හදාගමූ. ගිය පාරටත් වඩා මහන්සි වෙලා වැඩ කරලා මේ පාර කොහොමහරි A/L exam එක හුඟක් ඉහළින් ගොඩදාමූ..

ඔයා දැන් කරපු stream එක ඔයාට ගැළපෙන්නෙ නෑ කියලා හිතනවා නම් අපි වෙන stream එකකින් A/L කරමූ.. මොකද සමහර වෙලාවට අපිට ගැළපෙනම දේ තෝරගන්න වෙන්නෙ අත්දැකීම් වලින්.

💁🏻‍♀️ Option 02 - German tech එකේ වගේ course එකක් කරමූ.

ඔයාලා technical පැත්තට දක්ෂ කෙනෙක් නම්, මං හිතන්නෙ German Tech කියන්නෙ ඔයාලට වෘත්තීය ජීවිතේට ආරම්භයක් ගන්න හොඳම තැනක්. මොකද හරි විදිහට පුහුණුවක් එක්ක, හරි දැනුමක් එතනින් ලැබෙන නිසා කවදහරී ඔයාට ඔයාගෙම ව්‍යාපාරයක් පටන් ගන්න ලොකූ පන්නරයක් ලැබෙනවා..

මං German Tech එක ගැන ලොකූ විස්තරයක් දන්නෙ නෑ. හැබැයී ඔයත් මෙතනින් course එකක් කරන්න හිතනවා නම් සතියෙ දවසක උදේ වරුවක රත්මලානෙ එයාලගෙ office එකට ගිහින්, එයාලව මුණ ගැහිලම හැම විස්තරයක්ම අරගන්න.

💁🏻‍♀️ Option 03 - රට යන්න උත්සාහ ගමූ.

ඔයාලා කවදහරී පිට රටක job එකක් කරන්න ආසාවෙන් හිටියා නම්,, කවදාහරි දවසක රට යන්නම ඕන කියලා dream එකක් තිබ්බා නම්,, ඔයාට පුළුවන් ඒ දේට උත්සාහ කරන්න.

ඔයාලට යම්කිසි වියදමක් දරන්න පුළුවන් නම් මේ වැඩේ තවත් ලේසි වෙයී.. ටිකක් කට්ටක් කන්න පුළුවන් නම් කොරියන් වගේ language එකක් ඔයාලට කරන්න පුළුවන්. ඒ මාර්ගෙන් ඔයාලට ඊට පස්සෙ කොරියා වගේ රටකට ගිහින් හොඳට මුදල් උපයන්න පුළුවන්. ටික කාලයක් මහන්සි වෙලා වැඩ කරලා අවුරුදු 3කින් වගේ සැළකිය යුතු මුදලක් ඉතිරි කරගත්තොත් ඔයාට ඔයාගෙම ව්‍යාපාරයක් පටන් ගන්න වුණත් පුළුවන්.

ඔයාට හොයලා බලලා ඔයා ආස වෙන රටකට වුණත් ඔයාට try කරන්න පුළුවන්.. ඒ ගැන හොඳට self research එකක් කරන්න.

💁🏻‍♀️ Option 04 - Private degree එකක් හරී professional qualification එකක් හරී කරමූ.

ඔයාලගෙ අම්මලට ඔයා වෙනුවෙන් යම්කිසි සැලකිය යුතු මුදලක් වියදම් කරන්න පුළුවන්කමක් තියෙනවා නම්, අනිවාර්යයෙන්ම මේ option එක ඔයාට හුඟක් වැදගත්. මොකද ඔයාගෙ A/L results පොඩ්ඩක් මදි වුණත්, ඔයාගෙ O/L results වලින් ඔයාලට private degree එකක් හරි professional qualification එකක් හරි කරන්න පුළුවන්.

මුලින්ම ඔයා A/L කරපු විෂයයන් එක්ක බලලා, ඔයා කවදහරි කරන්න කැමති job එක ගැන හිතන්න. සමහර විට ඒ දේ ඔයාගෙ A/L විෂයයන් මතම නෙමෙයී ඔයාගෙ passion එක මතත් තීරණය කරන්න පුළුවන්..

ඊළඟට ඔයා කරන්න ඕන ඔයා කරන්න හිතන degree එක ගැන හරී professional qualification එක හරී ගැන හොඳට හොයලා බලන එක. ඒකෙ අන්තර්ගතය කොයි වගේද, ඒකෙන් පස්සෙ මොනාද තියෙන opportunities, කොච්චර කාලයක් යනවද, වියදම කොච්චරක්ද..

Google, Chatgpt වගේ දේවල් පාවිච්චි කරලා ඔයාට මේ self research එක තනියමම කරන්න පුළුවන්..

💁🏻‍♀️ Option 05 - Job එකක් කරන ගමන් බාහිර උපාධියක් හරී, professional qualification එකක් හරි කරමූ..

ඔයාගෙ පවුලෙ ආර්ථික අපහසුතා තියෙනවා නම්, ඉතින් අම්මලට කරදර නොකර ඔයාලට පුළුවන් මේ option එකට යන්න. හැබැයි ඒක පොඩි challenge එකක්. ඒත් විශ්වාස කරන්න ඔයා හිතුවොත් ඔයාට අනිවාරෙන්ම මේ දේ කරන්න පුළුවන්..

Company එකක entry level එකේ පොඩි job එකක් කරන ගමන්, අතට යම්කිසි මුදලකුත් උපයන ගමන්ම ඔයාලට ඔයාලගෙ qualifications හදාගන්න පුළුවන්. මේක මුලදි පොඩි challenge එකක් වගේ දැනෙයී, ඒත් ටික දවසක් යනකොට අනිවාර්යයෙන්ම ඔයාලා ඒකට හුරු වේවී..

විශ්වාස කරන්න,, experience එක ගන්න ගමන්ම ඔයා හරියට qualifications ටික හදාගත්තොත් අවුරුදු 5ක් වගේ යද්දි ඔයාට ඔයාගෙ ජීවිතේම turn කරන්න පුළුවන්..

💁🏻‍♀️Option 06 - ඔයාගෙම business එකක් පටන් ගමූ.

ඔයාට හැකියාවක් තියෙනවා නම් යම්කිසි දෙයකට. ඔයාට හිතෙනවා නම් ඔයාට අනිවාරෙන්ම දක්ෂ ව්‍යවසායකයෙක් වෙන්න පුළුවන් කියලා. ඉතින් මේ වෙන්න පුළුවන් ඔයාට ලැබුණු හොඳම අවස්ථාව.

ඉතින් නංගී මල්ලී මේ පුංචි දේවල් ටික හොඳට හිතට ගන්න..

🤗 ජීවිතේ මෙහෙම අසමත් වුණ පළවෙනි කෙනා ඔයා නෙමෙයී

🤗 ඔයාලා, මට අපි හැමෝටම තියෙන්නෙ වෙනස් විදිහෙ කාල රාමු. ඒ කියන්නෙ පළවෙනි පාර exam ගොඩදාපු අය ඉන්නකොට, දෙවෙනි තුන්වෙනි පාර exam ගොඩදාන අයත් මේ ලෝකෙ ඉන්නවා.. ඒ තමයී එයාගෙ time frame එක. එහෙමයී කියලා එයා ජීවිතේ පරාජිතයෙක් වෙන්නෙ නෑ..

🤗 එක පාරක් ඔයා අසමත් කියන්නෙ, ඔයා අදක්ෂයෙක් කියන එක නෙමෙයී.. ඔයා ඒ දේ එක පාරක් උත්සාහ කළා කියන එකයී..

🤗 හැමදේම වෙන්නෙ හොඳටයි කියන දේ මතක තියාගන්න.. දන්නවද හැම අඳුරු වළාකුළකම රිදී රේඛාවක් තියෙනවා.. අපි ඒක් හොයාගමූ..

අදම අපි පටන් ගමූ. ගෙදර අය පොඩ්ඩක් බනියී. වටේ අයගෙන් පොඩ්ඩක් නෝක්කාඩු අහන්න වෙයී.. තවත් සමහරු මෝඩයෙක් ගාණට ඔයා දිහා බලයී.. කමක් නෑ.

අපි ඔය ඔක්කොම ගල් මුල් ටික එකතු කරන් හදමු ශක්තිමත් බලකොටුවක්.. අනිවාර්යයෙන්ම ඔයාට පුළුවන් ඒ දේ කරන්න. ඒ වෙනුවෙන් ඔයාට ඔයාගෙ විශ්වාසයයි කැපවීමයි විතරයි ඕන.. මං විශ්වාස කරනවා එක පාරක් හරි fail වුණහම තමයී මනුස්සයෙක් එයාලගෙ ජීවිතේ හරි ගාණට පදම් වෙන්න්නෙ කියලා.. ඒ වගේම එහෙම මිනිස්සු තමයී තවත් කෙනෙක්ව තේරුම් ගන්නෙත් කියලා..

ඉතින් එන්න අපි ඔයා වෙනුවෙන් මේ game එක පටන් ගමූ.. ඔයාගෙ හීන වෙනුවෙන් අපි කොහොමහරී මේ දේ කරමූ..

මම ඔයාලගෙ ආදරණීය ගිමී....

හීන වෙනුවෙන් කැප වෙන ඔයාට ජයෙන් ජය💪..

#studywithgimi #gimhani_senarathne #positivevibes #fyp #ගිමීගේඩයරිය #alevelsrilanka #examresults

4 months ago | [YT] | 59

Study with Gimi

කලින්ම ලැබුණු, ජීවිතේ හොඳම උපන්දින තෑග්ග..

Cinnamon Life එකට මං join වෙන්නෙ 2024 නොවැම්බර් 1. ඒක සැලසුම් නොකරපු අහම්බයක්. හැබැයී මේ මොහොත වෙද්දි මං දන්නවා ඒ දේ මගේ ජීවිතේ වෙන්නම තිබුණු සිදුවීමක් කියලා..

සාමාන්‍යයෙන් මං තදින්ම විශ්වාස කරනවා මේ ලෝකෙ අපිට වෙන්න තියෙන සමහර සිදුවීම්, අපිට මේ ලෝකෙ මුණ ගැහෙන්න තියෙන සමහර මිනිස්සු, අපි මේ ලෝකේ වෙනුවෙන් මොනාද තෑගි කරන්නෙ වගේ දේවල් අපි ඉපදෙනකොටමයී තීරණය වෙලා තියෙන්නෙ කියලා.. ඒ වගේම ඒ දේවල් විවිධ හේතු නිසා වෙනස් වුණත්, ඒ වෙන්න ලියැවිලා තියෙන දේ අනිවාරෙන්ම වෙනවා..

හරී.. දැන් මේ අතුරු කතා ඇතී... 🙈

ඊයෙ Cinnamon Life එකේ 2025 Financial Year එකේ Annual Get Together එක.. ඒ event එක මගේ ජීවිතේට මේ තරම්ම වටිනාකමක් එකතු කරන දවසක් වෙයී කියලා මං කිසිම දවසක හිතලා තිබුණෙ නෑ..

මං මගෙ මුල්ම 'Aurum' එකට ගියෙ 2025 මාර්තු 18. එදා හුඟක් අයට awards ලැබුණා.. Rockstar of the Year/Month/Quarter, Leader of the Month/Year/Quarter, Director of the Year.. ඔය වගේ awards හුඟාක්... ඒ moment එක පුදුම තරම් සතුටු පිරුණු මොහොතක්..

හැමෝටම හුඟාක් සතුටින් අත්පුඩි ගහන ගමන් මං හිතුවා දවසක මටත් මෙහෙම තෑග්ගක් ලැබුණොත් කියලා.. ඒක එදා ඒ දවසෙ එහෙම්මම දැනිලා ඉඳහිට සමහර දවස් වලදි මතක් වුණා.. Townhall meeting වලදි වගේ. මොකද ඒ award එක හරි ලස්සනයී 🙈.. ඒ නිසා මගේ නම ගහපු එහෙම award එකක් මටත් ඕන වගේ මට පොඩ්ඩක් හිතිලා තිබුණෙ..

ඉතින් ඔන්න කොහොමෙන් කොහොම හරී,,,

'ROCKSTAR OF THE YEAR 2025' award එක ගන්න මට පුළුවන් වුණා.. 💖✨🧿

මට මේ award එක පුදුම තරම් විශේෂයී.. ඒකට හේතු කීපයක් තියෙනවා..

💫මේ වෙද්දි මං Cinnamon Life එකට Join වෙලා අවුරුද්දයී මාස 5යී,,, ඒ වෙලත් මං 2025 අවුරුද්දෙ 'ROCKSTAR OF THE YEAR' වුණා කියන්නෙ, ඒක මගෙ career එකේ මං ලබපු ලොකුම ලොකු ජයග්‍රහණයක්..

මොකද ඒ දෙයින්ම ඔප්පු වෙනවා, මෙච්චර පිරිසක් අපේ office එකේ ඉඳලත්, මං මෙච්චර අඩු කාලයක් මේ organization එක ඇතුළෙ ඉඳලත්, මං significant දෙයක් අපේ company එක වෙනුවෙන් කරලා කියලා..

ඒක මට ලැබෙන පුදුම තරම් වටින සහතිකයක්.. සනාථ කිරීමක්.. වටිනාකමක්..

💫 ඔයාලටත් දැන් හිතෙනවා ඇතී ඇත්තටම මං මොනාද ඒ තරමටම කළේ කියලා..

මට දැනෙන විදිහට, අවුරුදු ගාණක් ඉස්සරහට වටින ලොකූම දේ කියලා මට තේරෙන්නෙ මං හදපු Hotel Budget Model එක. ඒක මං හැදුවෙ blank excel sheet එකකින් පටන් අරන්. මං join වෙලා මාස 6ක් වෙද්දි මං ඒ model එක හැදුවා..

මං hotel industry එකෙන් ආපු කෙනෙක් නොවුණත්, මං ඒ දේ කළා. මං දන්නවා ඒ නිසා කී දෙනෙක්ට පුදුම තරම් ලේසියක් වුණාද, ඉස්සරහට කී දෙනෙක්ට පුදුම තරම් ලේසියක් වෙනවද කියලා..

ඇත්තටම ඒකට ස්තූතිවන්ත වෙන්න ඕන මගෙ කලින් බොස්ට. මොකද Hotel Industry එකේ හෝඩිය මට කියලා දුන්නෙ එයා.. ඒ පාඩම මට තාමත් මතකයී.. ඒ තමයී Hotel Industry එකේ මගෙ අඩිතාලම.. ඒකත් එක්ක තමයී මේ හැමදේම ටිකෙන් ටික ගොඩනැගුණේ..

මට දැනුණු ලොකුම දේ මේ දේ වුණාට, මං ඊට වඩා තව ගොඩාක් significant දේවල් මේ අඩු කාලෙදි කරලා.. මගෙන් වෙලා..

💫 මං ගැන කතා කරපු වචන.

Award එක ලැබෙන්නෙ කාටද කියලා announce කරන්න කලින් Excom member කෙනෙක් ඒ winner ගැන කතා කරනවා. එයා ඇයි මේ award එක ලබන්න සුදුසුම කෙනා වෙන්නෙ කියලා එයා එතනදි කියනවා..

මං ගැන මගෙ ගුරුවරයෙක් ඇරෙන්න, මෙහෙම stage එකක් ඉස්සරහදි කරපු පළවෙනි කතාව තමයී ඒ.. ඒක කළේ මගෙ කලින් බොස්. ඒක ගැන මං පුදුම තරම් සතුටුයී.. මොකද මං දන්නවා Cinnamon Life එකේ මාව හොඳටම read කළේ එයා.. මගෙ talent එක දැකලා, මාව groom කළේ එයා. මං මේ දැන් experience කරන, මේ opportunity එක ගන්න මාව encourage කළේ එයා.. ඇත්තටම එයා Boss කෙනෙක් නෙමෙයී,, ඇත්තම Leader කෙනෙක්..

හුඟක් අය කිව්වා exactly එයා මාව describe කළා කියලා...

ඒ කතාවෙ වචන ගැන අපි වෙන දවසක කතා කරමූ... මොකද ඒ තරමටම ඒ හැම පුංචි වචනයක්ම මට පුදුම තරම් වටිනවා.. මොකද මං මේ කාලෙ පුරාවට කරපු දේවල් වල trailer එකක් බලන්න ඊයෙ ඒ වචන නිසා මට පුළුවන් වුණා..

💫 ආදරණීය wishes..

මට wish කරපු හුඟාක් අය, මං එක්ක closely වැඩ කරපු නැති අය පවා කිව්වේ,, 'Gimi, this is well deserved, you’ve earned it' කියලා.. ඉතින් මට පුදුම තරම් සතුටුයී.. මොකද මේක ලබන්න මං සුදුසුයී කියලා තව හුඟක් දෙනෙකුත් සාක්ෂි දරනවා... ඒ හැම ආදරණීය සුභ පැතුමකටම, හැම ආදරණීය වැළඳගැනීමකටම හුඟාක් ස්තූතියී..

💫 මගේ වෘත්තීය ජීවිතේ Finance කියන chapter එක මේ තරම් ලස්සනට ඉවර කරන්න පුළුවන් වුණ එක..

ඔයාලා මේ වෙද්දිත් Study with Gimi පවුලෙ සාමාජිකයෙක් නම් දන්නවා, මං Finance වලින් Revenue වලට 2026 අවුරුද්දෙ මුල මාරු වුණා කියලා..

ඉතින් මට මාරම සතුටුයී, මගේ ඒ Finance Journey එක අවසන් කරපු එක, මට මේ වගේ award එකකින් කරන්න පුළුවන් වුණු එක.. ඒ ගැන මං පුදුම තරම් ස්තූතිවන්ත වෙනවා.. ඒක මගේ ජීවිතේ මට ලැබුණු දුර්ලභ ආශිර්වාදයක් වගේ මට දැනෙන්නෙ..

ඉතින් ඔන්න ඔහොම තමයී මේ award එකේ කතාව... Finally මාත් මගෙ නම ගහපු award එකක් ගත්තා 🙈🌸🧿...

‼️ප.ලි.

ඔයා කරන දේ, ඔයාගෙ වෘත්තිය, ඔයාගෙ job එක හරීම ආදරෙන් කරන්න.. ඔයා කරන දේට අසීමිතව ආදරේ කරන්න. ස්තූතිවන්ත වෙන්න..

ඔයාගෙ වටේ ඉන්න මිනිස්සුන්ට ආදරේ කරන්න. කාරුණික වෙන්න. උදව් කරන්න. එයාලා හොඳින්ද බලන්න. ඔයා දන්න දෙයක් තියෙනවා නම් කියලා දෙන්න. එයාලගෙ සාර්ථකත්වයෙදි අවංකවම සතුටු වෙන්න.. අත්පුඩි ගහන්න..

ලොකු, පොඩි ඕනම මනුස්සයෙක් එක්ක අවංකව හිනාවෙලා කතා කරන්න. කොයිම වෙලාවකවත් ලොක්කො, පොඩ්ඩො කියලා බෙදන්න එපා..

ඔයා කරන වැඩ හැමවෙලේම ඔයා නැති දවසක වුණත්, කවදාහරී තවත් කෙනෙක්ට පහසුවක් වෙන විදිහට කරන්න. ලේසි කරන්න පුළුවන් දේවල් ලේසි කරන්න. ඒ වෙලාවෙ ඒ වෙනුවෙන් ඔයා ලොකු මහන්සියක් වුණත්, ඔයා ඒ කරන දේ නිසා තව හුඟාක් දෙනෙක්ට පහසුවක් වෙන එක ගැන කොච්චර හොඳද කියලා හිතලා හැමවෙලේම සතුටු වෙන්න..

Office එකේ ගෙවෙන හැම මොහොතකම කාගෙම හරි මූණකට, හිනාවක්, සැහැල්ලුවක් අරගෙන එන්න පුළුවන් මනුස්සයෙක් විදිහට ඒ වෙලාව ගත කරන්න....

කිසිම දෙයක් ආපස්සට බලාපොරොත්තු නොවී,, ඔයා ඒ company එකේ ඉන්න ටික කාලෙදි ඔයාට දෙන්න පුළුවන් උපරිමේ ඒ company එක වෙනුවෙන් දෙන්න..

🧿✨ මේ වගේ හීන දකින ඔයාලා හැම කෙනෙක්ගෙම හැම හීනකයක්ම, ඉක්මනින්ම හැබෑ වෙන්න කියලා මං ආදරෙන් ප්‍රාර්ථනා කරනවා...

මම ඔයාලගෙ ආදරණීය ගිමී....

හීන වෙනුවෙන් කැප වෙන ඔයාට ජයෙන් ජය💪..

#studywithgimi #gimhani_senarathne #positivevibes #fyp #ගිමීගේඩයරිය #hardworkpaysoff #Cinnamonlife #careerachievement

Skip the Carousel

1 2 3 4

4 months ago | [YT] | 430