أهلا بكم في "الخلاصة مع شريف علاء". القناة دي حتلاقي فيها الخلاصة عن المشاكل والموضوعات اللي بنقابلها في الشغل والدراسة، وإزاي نتعامل معاها، وإزاي نحسن من نفسنا في الشغل وحياتنا العملية والشخصية. إزاي أطور من نفسي ومهاراتي، إزاي أنظم وقتي، إزاي أتعامل مع مدير سيء، إزاي ألاقي شغل أو منحة للسفر بره، إزاي أتفاوض على زيادة في المرتب، يعني إيه بيئة عمل سامة وكيفية جمايتي منها، إزاي أوفق بين شغلي ودراستي وبيتي، إزاي أشتغل ريموت أو من البيت وأزود إنتاجيتي. دي شوية من الموضوعات اللي حنتكلم فيها في القناة دي.
أنا مين؟
أنا شريف علاء، ماجستير في العلاقات الدولية من جامعة كينغز كولدج لندن (King's College London) من خلال منحة تشيفننج Chevening. وحاصل على بكالوريوس علوم سياسية من جامعة القاهرة. عندي خبرة عملية ل ١٨ سنة من ساعة أول تدريب (internship) عملته في ٢٠٠٦. اشتغلت مدير إقليمي لشمال أفريقيا والشرق الأوسط لمنظمة دولية كبيرة، انضميت لفريق خبراء الأمم المتحدة في مجالي، عندي ١٠ سنين خبرة في إدارة الأشخاص والمشروعات، وكمان مُحاضر زائر في جامعة "دارمشتات" الألمانية واشتغلت وعشت في ٧ دول مختلفة.
El kholasa - Sherif Alaa
لايف مهم جدًا لكل اللي ناوي يقدم على منحة تشيفنينج 2026! الإثنين 11 أغسطس، والرابط تحت في البوست وفي أول تعليق.
شكرا على تفاعلكم الفيديو اللي فات. جالي أكتر من 300 تعليق عاوزين جلسة لايف.
هنجاوب مع بعض على كل أسئلتكم عن منحة تشيفنينج 2026، من أول الشروط والتغييرات الجديدة، لحد المقالات وكل حاجة تانية في الأبليكشن وإزاي تزود فرصك للقبول.
اللايف هيكون الإثنين 11 أغسطس الساعة 7 مساء بتوقيت القاهرة ولمدة ساعة. البث حيكون متاح للجميع لكن المشتركين فقط هم اللي يقدروا يكتبوا أسئلة في التعليقات، فاشتركوا في القناة لو لسه ما اشتركتوش.
رابط الفيديو:
youtube.com/live/GMHowtbpd6w
#تشيفنينج #Chevening2026 #منح_دراسية #السفر_لبريطانيا #الماجستير #منحة_تشيفنينج #الدراسة_في_الخارج #منح #منح_مجانية #Elkholasa #تشيفنينغ #منحة_تشيفنينغ شريف_علاء
5 months ago | [YT] | 21
View 5 replies
El kholasa - Sherif Alaa
زي ما وعدت، هعمل فيديو لايف للإجابة على أسئلتكم بخصوص منحة تشيفنينغ. أي يوم يناسبك أكثر للمشاهدة؟ لو الميعادين مناسبين، اختر آخر اختيار.
6 months ago | [YT] | 6
View 5 replies
El kholasa - Sherif Alaa
كل عام وأنتم بخير وسعداء ومحققين أهدافكم
10 months ago | [YT] | 2
View 0 replies
El kholasa - Sherif Alaa
خلاص بعد أيام منحة تشيفنينج حتبعت إيميل للأشخاص اللي تم اختيارهم للمرحلة القادمة، وهي المقابلة الشخصية أو ال interview. ده حيكون موضوع الفيديو الجاي اللي حتكلم فيه عن التحضير للمقابلة، شكلها وطريقتها، وإيه هي الأسئلة المتوقعة وإجاباتها، وحاجات تانية. لو عندكم أي سؤال عن مقابلة تشيفنينج، اكتبولي في التعليقات.
1 year ago | [YT] | 16
View 9 replies
El kholasa - Sherif Alaa
من كام يوم في حد كان بيسألني عن امتحان الـ IELTS وكان متوتر من جزء الاستماع. فقررت أشارك تجربتي وأقولكم شوية نصايح بسيطة ممكن تساعدكم
خليني أقسمها معاكم لمرحلتين:
قبل الامتحان:
وده نصيحتي ليك إنك تسمع Podcasts و تشوف أفلام أو فيديوهات إنجليزي من غير ترجمة. ممكن تشوفها مرة من غير ترجمة خالص، وبعدها مرة بترجمة إنجليزي علشان تشوف الكلام اللي فاتك.
هتلاحظ فرق كبير وهتلقط الكلمات أسرع.
وطبعا، جاوب كل أسئلة ال listening اللي محطوطة على موقع IELTS Ready Member
في الامتحان:
اقرأ الأسئلة الأول بسرعة، ركز على الكلمات المفتاحية وخد ملاحظات سريعة، لإن مش دايمًا كل اللي بيتقال مهم. وافتكر إن الإجابات بتتقال بالترتيب. يعني إجابة السؤال الأول هتتقال قبل الثاني، وإجابة الثاني قبل الثالث وهكذا. وأخيرا، الإجابة اللي تفوتك إنساها وركز في اللي بعدها. تفوتك إجابة واحدة أحسن ما يفوتك كل اللي بعدها.
الـ Listening مش معقد، بس محتاج شوية تدريب وثقة.
اكتبلي لو في جزء معين بتواجه فيه صعوبة وحابب إني اتكلم عنه.
وما تنسوش تشوفوا الفيديو الكامل، والرابط في أول تعليق
#شريف_علاء #الخلاصة
#امتحانات_الأيلتس
#IELTS
1 year ago | [YT] | 11
View 5 replies
El kholasa - Sherif Alaa
لو رايح سوق العمل في 2025 لازم تكون فاهم إن المهارات اللي كانت مطلوبة زمان مبقتش كفاية دلوقتي....
مع تطور التكنولوجيا مفيش شك إن المهارات التقنية زي تحليل البيانات والذكاء الاصطناعي بقى عامل أساسي للنجاح بس لاقيت إن المهارات الشخصية زي التواصل والقدرة على التكيف مع بيئة العمل مهمة بنفس الدرجة برضه.
في الفيديو ده انا شاركت معاك خلاصة تجربتي عن أهم المهارات اللي لازم تكتسبها والوظائف اللي عليها طلب عالي الفترة الجاية، وكمان نصايح مهمة عن إزاي تتعامل مع الرفض وتقدم نفسك بشكل احترافي.
شوف الفيديو كامل دلوقتي على القناة واللينك في أول كومنت، وهتلاقي فيه كل اللي محتاج تعرفه عشان تجهز نفسك لسوق العمل في 2025.
#الخلاصة #شريف_علاء #سوق_العمل
1 year ago | [YT] | 20
View 7 replies
El kholasa - Sherif Alaa
الأصدقاء والصديقات والمتابعين الأعزاء، حصل عطل فني في الفيديو فمضطر أعيد التصوير وللأسف مش هينزل النهاردة.
انتظروا الفيديو القادم عن الاستعداد لسوق العمل في 2025 والمجالات والمهارات الأعلى طلباً ودخلاً وكل سنة وأنتم طيبين.
1 year ago | [YT] | 17
View 1 reply
El kholasa - Sherif Alaa
في سنة من السنين مرتبي زاد 5 أضعاف!
وقتها قولت بس مرحبًا بحياة الأغنياء، والاستقرار المالي!
لكن الحقيقة إن وضعي فضل زي ما هو ولاقيت إن المرتب بيتصرف على نفس الحاجات!
وده لأني مكانش عندي لإدارة الفلوس لما مرتبي كان محدود، فلما زاد ما عرفتش أديره.
ومن هنا بدأت رحلتي في البحث الشامل لأحسن نظام لإدارة الفلوس، لحد ما وصلت لطريقة لإدارة الدخل بتاعي بشكل يخليني مأمن نفسي في المستقبل و عارف أتبسط في الوقت الحاضر ، وده اللي قررت اشاركه معاكم النهاردة.
النظام عبارة عن تحديد نسب من أول الشهر حتروح للمصاريف الثابتة، والإدخار، والاستثمار، والجزء الأخير هو المفضل بالنسبة لي، وده بيتصرف على الحاجات اللي بحبها.
الطريقة دي تقدر تنفذها فورًا لو مش ملتزم بأي ديون، وكمان عندك مبلغ مالي على جنب يكفيك لمدة ٦ شهور، طيب كم النسب دي؟ وإزاي أوصل للحرية المالية؟ وإيه الأخطاء اللي بتخلي ناس لا تنبسط بفلوسها ولا تأمن مستقبلها؟
ده اللي بتكلم فيه بالتفصيل في فيديو حيساعدك في إدارة حياتك المالية. تقدروا تشوفوا الفيديو كامل على اليوتيوب في أول كومنت👇
#شريف_علاء #الخلاصة #ادخار #استقرار_مالي
1 year ago | [YT] | 24
View 2 replies
El kholasa - Sherif Alaa
بصراحة من 4 شهور لما بدأت القناة كان هدفي بسيط: أقدم محتوى يفيد الناس فعلاً سواء في شغلهم، دراستهم، أو حتى حياتهم الشخصية.
النهارده بفضل دعمكم القناة تجاوزت 5000 مشترك و100,000 مشاهدة! حاجة عمري ما كنت أتخيلها في الوقت القصير ده.
شكر خاص لكل واحد منكم سواء شاف فيديو، كتب تعليق، أو اشترك. القناة كبرت بيكم ومعاكم وإن شاء الله الجاي يكون أحسن ومفيد ونكمل رحلتنا سوا.😄
محتاج آرائكم للفترة الجاية حابين المحتوى يكون عن إيه؟
1 year ago | [YT] | 35
View 6 replies
El kholasa - Sherif Alaa
ركز معايا في الدقيقة دي، عشان النص مليون دقيقة اللي جايين ما يضيعوش زي اللي فاتوا.
لو إنت من الناس اللي كل سنة جديدة بيبدأوا بأهداف كتير وحماس أكبر، بس التنفيذ قليل… تعالى أقولك على طريقة جربتها كانت سبب في إن حياتي تتغير للأحسن.
بعد ما اتخرجت، كان هدفي أخس. كل سنة كنت ببدأ بنفس الحماس وأقول عاوز أخس 10 كيلو، عاوز أخس 15 كيلو بس السنة بتخلص، وأنا لسه معرفتش أعمل ده.
لحد ما قررت أغير الطريقة. ف بدل ما أركز على النتيجة، ركزت على النظام. وكنت حريص جدًا إن النظام ده يكون متوافق مع طبيعة حياتي ف بطلت سكريات، أكلت أكل بيتي طول الأسبوع، وسيبت يوم واحد حر، مع شوية حاجات ضيفتها مع عاداتي اليومية اللي أنا أصلًا متعود أعملها.
وكانت النتيجة إني بدون ما ألاحظ، خسيت أكتر من الرقم اللي كان في بالي.😅
ولكن خليني أقولك إنك لو عايز فعلًا السنة الجديدة دي تكون مختلفة وتقدر تحول الأهداف بتاعتك لعادات سهلة التنفيذ، وتربطها بعادات هي أصلًا كانت عندك بطريقة واقعية، ف أنا هنقلك خلاصة اللي الخبراء قالوه و تجربتي الشخصية كمان،
وهسيبلك في أول كومنت لينك لفيديو عن دليلك الكامل لتحقيق أهدافك في 2025 وإيه هي الأدوات اللي تستخدمها عشان تحقق الأهداف دي.
#شريف_علاء #الخلاصة #سنة_جديدة_بقرارات_جديدة
1 year ago | [YT] | 32
View 4 replies
Load more