Ratnapura News

රෑ අහස යට අලංකාරවත් ලෙස දිදුලන අපේ හදවත...❤️

#RatnapuraNews #Ratnapura #RatnapuraCity #CityLights #NightPhotography #SriLanka #ClockTower #BeautifulSriLanka

6 days ago | [YT] | 6

Ratnapura News

සබරගමුවට අභිමානයක්!
ශ්‍රී ලංකාවේ අති නවීනතම විශාලතම වෛද්‍ය පීඨය ජූලි 04 වැනිදා සිසු අයිතියට! 🎓

අතිවිශාල මූල්‍ය ආයෝජනයක් සහිතව, රත්නපුර නව නගරය ආශ්‍රිතව අක්කර 20ක භූමි භාගයක ඉදිකරන ලද සබරගමුව විශ්වවිද්‍යාලයීය වෛද්‍ය පීඨය එළඹෙන ජූලි මස 04 වැනිදා නිල වශයෙන් සිසු අයිතියට පැවරේ.

2019 වර්ෂයේදී සිසුන් 70 දෙනෙකුගෙන් කුරුවිට පිහිටි රජයේ විගණන දෙපාර්තමේන්තු ගොඩනැගිල්ලක් ඇතුළු තාවකාලික ස්ථාන කිහිපයක දේශන පවත්වමින් ආරම්භ කළ මෙම වෛද්‍ය පීඨය, අද වන විට සිසුන් 750 කට අධික පිරිසකට සෙවණ සලසන දැවැන්ත අධ්‍යාපන කේන්ද්‍රස්ථානයක් බවට පත්ව තිබීම සුවිශේෂී ජයග්‍රහණයකි.

මෙම වර්ෂය සඳහා ද නවක වෛද්‍ය සිසුන් 162 දෙනෙකු මීට ඇතුළත් කරගෙන ඇත.

මෙය ශ්‍රී ලංකා රජයේ රුපියල් මිලියන 1096ක සහ සෞදි අරාබි රාජ්‍යයේ ඇමරිකානු ඩොලර් මිලියන 50ක ඒකාබද්ධ මූල්‍ය ප්‍රදානයකි.

සිසුන් 1060 කට එකවර අසුන්ගත හැකි ප්‍රධාන ශ්‍රවණාගාරයක්, අසුන් 250ක් සහිත දේශනාගාර 02ක්, අසුන් 200ක එක් දේශනාගාරයක් සහ අසුන් 160 බැගින් වූ දේශනාගාර 03ක් මෙහි අන්තර්ගතය.

එකවර සිසුන් 500 කට නවාතැන් ගත හැකි දැවැන්ත නේවාසිකාගාර සංකීර්ණයක්, අංගසම්පූර්ණ ආපනශාලා සහ කාර්ය මණ්ඩල නිවාසවලින් ද මෙය සමන්විතය.

මීට සමගාමීව, රත්නපුර ශික්ෂණ රෝහල ආශ්‍රිතව ඇඳන් 418 කින් සහ අංගසම්පූර්ණ විද්‍යාගාර සහ රසායනාගාරවලින් සමන්විත මහල් 09ක අති නවීන ඒකකයක් ද වෛද්‍ය පීඨය වෙනුවෙන් මේ වන විටත් ඉදිවෙමින් පවතී.

මෙරට සෞඛ්‍ය ක්ෂේත්‍රයේ නවමු පරිච්ඡේදයක් සනිටුහන් කරමින්, හෙට දින දැයේ නිරෝගීකම උදෙසා කැපවන විශිෂ්ට වෛද්‍යවරුන් බිහිකරන මෙම අති නවීන අධ්‍යාපන ක්ෂේමභූමියට සමස්ත ජාතියේම ප්‍රණාමය හිමිවිය යුතුය.

සබරගමුවට පමණක් නොව සමස්ත ශ්‍රී ලංකාවටම මෙය මහත් ආඩම්බරයකි.

#RatnapuraNews #SabaragamuwaMedicalFaculty #SriLanka #MedicalStudents #Ratnapura #MedicalEducation #SabaragamuwaUniversity #Sabaragamuwa #SriLankaNews

Skip the Carousel

1 2 3

2 weeks ago | [YT] | 13

Ratnapura News

රත්නපුර කළු ගඟේ ජල මට්ටම අවදානම් මට්ටමට! ⚠️ | Kalu Ganga Water Level Ratnapura

පවතින අධික වර්ෂාව හේතුවෙන් අද (29) පස්වරු 3.40 වන විට රත්නපුර කළු ගඟේ ජල මට්ටම මීටර් 6.24 දක්වා ශීඝ්‍රයෙන් ඉහළ ගොස් ඇත.

මේ වන විටත් 'Alert Flood' මට්ටම (මීටර් 5.20) පසුකර ඇති බැවින්, කළු ගඟ අවට සහ පහත් බිම්වල ජනතාව දැඩි අවධානයෙන් පසුවන්න.

තවදුරටත් වැසි පැවතුණහොත් සුළු ගංවතුර තත්ත්වයක් ඇතිවීමේ අවදානමක් පවතී.

අලුත්ම තොරතුරු දැනගන්න අපේ නාලිකාව Subscribe කරන්න.

#RatnapuraNews #KaluGanga #RatnapuraFlood #WeatherUpdate #SinhalaNews #TrendingSriLanka

2 weeks ago | [YT] | 4

Ratnapura News

රත්නපුරේ වටේම තියෙන දන්සල් සේරම එකම තැනකින්!

සියලු දෙනාටම පින්බර පොසොන් මංගල්‍යයක් වේවා! 🪷✨

#RatnapuraNews #PosonDansal #Ratnapura #Poson2026 #SriLanka #DansalGuide #Sabaragamuwa #SinhalaNews #PosonPoya

3 weeks ago | [YT] | 15

Ratnapura News

රත්නපුරය ඩෙංගු අධි අවදානම් කලාපයක් වේ! 🚨

රත්නපුර දිස්ත්‍රික්කය තුළ ඩෙංගු රෝගීන්ගේ අතිශය ශීඝ්‍ර වර්ධනයක් සමඟ මේ වනවිට සමස්ත දිස්ත්‍රික්කයම ඩෙංගු අධි අවදානම් කලාපයක් බවට පත්ව තිබෙනවා.

"මෙය හුදෙක් ආරම්භයක් පමණක්" බවත්, ඉදිරියේදී තත්ත්වය තවත් දරුණු විය හැකි බවත් සෞඛ්‍ය අංශ දැඩිව අනතුරු අඟවයි.

පසුගිය මැයි මාසයේ ඩෙංගු රෝගීන් 713ක් වාර්තා වූ අතර, මෙම ජූනි මාසය තුළදී පමණක් එම සංඛ්‍යාව 1,823ක් දක්වා දැඩි ලෙස ඉහළ ගොස් ඇත.

රත්නපුර, ඇඹිලිපිටිය, පැල්මඩුල්ල, නිවිතිගල සහ උඩවලව යන ප්‍රදේශ දැනට අධි අවදානම් කලාප ලෙස නම් කර තිබේ.

මේ වනවිට රත්නපුර දිස්ත්‍රික්කයෙන් ඩෙංගු මරණ 3ක් ද, සමස්ත සබරගමුව පළාතෙන් මරණ 5ක් ද වාර්තා වී ඇත.

ඩෙංගු ව්‍යාප්තිය අනුව සබරගමුව පළාත ලංකාවෙන්ම 3 වන ස්ථානයටත්, රත්නපුර දිස්ත්‍රික්කය 5 වන ස්ථානයටත් පැමිණ තිබේ.

⚖️ නීති දැඩි වෙයි!

තම ගෙවත්තේ සහ අවට පරිසරයේ මදුරුවන් බෝවන ස්ථාන විනාශ නොකරන පුද්ගලයන්ට එරෙහිව ඉදිරියේදී නීතිය දැඩිව ක්‍රියාත්මක කිරීමට අදාළ අංශ තීරණය කර ඇත.

ප්‍රමාද වීමට පෙර අදම ඔබේ ගෙවත්ත පිරිසිදු කරගන්න.

ඩෙංගු මාරයාගෙන් ඔබේ පවුලත්, දරුවනුත් ආරක්ෂා කරගැනීම ඔබේ වගකීමකි!

අන් අයව දැනුවත් කිරීම සඳහා මෙම පුවත හැකිතාක් Share කරන්න.

#RatnapuraNews #DengueAlert #Ratnapura #Sabaragamuwa #Embilipitiya #Pelmadulla #Nivithigala #Udawalawa #SriLankaNews #HealthUpdateLKA #LKA

3 weeks ago (edited) | [YT] | 3

Ratnapura News

ගිනිගත් රත්නපුර පොළ සංකීර්ණයට නව පණක්!

රුපියල් මිලියන 200කින් යළි ඉදිවෙයි! ✨

ඉදිකිරීම් අවසන් වන තෙක් බිම් මහලේම පොළ පවත්වා ගෙන යාමට තීරණයක්...

ගින්නෙන් දැඩි ලෙස හානියට පත් වූ රත්නපුර මහ නගර සභා පොළ සංකීර්ණය නවීන පහසුකම් සහිතව යළි වැඩිදියුණු කිරීමට මේ වනවිට තීරණය කර තිබෙනවා.

දැනට පවතින බිම් මහලේ පොළ ඉදිරියටත් ඉදිකිරීම් අවසන් වන තෙක් ආරක්ෂිතව පවත්වාගෙන යාමටත්, කොන්ක්‍රීට් සහ වානේ ව්‍යුහ (Concrete & Steel Structure) භාවිතයෙන් නව මහලක් එක් කිරීමටත් සැලසුම් කර ඇත.

ව්‍යාපෘතිය සඳහා වැය කෙරෙන මුළු මුදල රුපියල් මිලියන 200කි.

ඉන් රුපියල් මිලියන 100ක් රත්නපුර මහ නගර සභාවෙන් ද, ඉතිරි මිලියන 100 සබරගමුව පළාත් සභාවේ ප්‍රතිපාදන මගින් ද ලබාදීමට නියමිතය.

රත්නපුර නගරයේ වෙළෙඳ ප්‍රජාවට සහ පාරිභෝගික ජනතාවට මෙය ඉතාමත් සතුටුදායක ආරංචියක් වේවි!

මේ ගැන ඔබේ අදහස කුමක්ද? පහළින් කමෙන්ට් කරන්න. 👇

#RatnapuraNews #Ratnapura #RatnapuraTown #DevelopmentLKA #Sabaragamuwa #SriLankaNews #GoodNewsLKA #NewsUpdate

3 weeks ago | [YT] | 3

Ratnapura News

🚂 රුවන්පුර දුම්රිය මාර්ගයේ ශක්‍යතා අධ්‍යයනය ආරම්භ වෙයි! 2026 වසරට මිලියන 500ක්!

අවිස්සාවේල්ලේ සිට රත්නපුර දක්වා රුවන්පුර දුම්රිය මාර්ගය යළි ඉදිකිරීමේ ශක්‍යතා අධ්‍යයන කටයුතු ආරම්භ කර මේ වන විට මාසයක් ගතවී ඇති බව රත්නපුර දිස්ත්‍රික් ලේකම් කාර්යාලයේ පැවති විශේෂ රැස්වීමකදී අනාවරණය විය.

• 💰 මූල්‍ය ප්‍රතිපාදන: මාර්ගයේ වැඩ ආරම්භ කිරීම සඳහා 2026 අයවැයෙන් රුපියල් මිලියන 500ක මුදලක් වෙන් කර දී තිබේ.

• 📊 අධ්‍යයන කටයුතු: ශක්‍යතා අධ්‍යයනය 'Resource Development Constructions' ආයතන වෙත පවරා ඇති අතර, මාර්ගය අවට පදිංචි ප්‍රජාව පිළිබඳ සමාජ සමීක්ෂණයක් කොළඹ විශ්වවිද්‍යාලය මගින් ලබන සතියේ ආරම්භ කිරීමට නියමිතය.

• 🎯 අරමුණ: කිසිදු පාර්ශ්වයකට අගතියක් නොවන පරිදි කඩිනමින් මෙම අධ්‍යයනයන් නිම කර රත්නපුර දක්වා යළිත් දුම්රිය ධාවනය කිරීම.

කිසිවෙකුටත් හානියක් නොවී රුවන්පුර දුම්රිය සිහිනය සැබෑවක් වේවා.🙏🙏🙏

#RatnapuraNews #RuwanpuraRailway #Ratnapura #Sabaragamuwa #SriLankaNews #LKA

1 month ago | [YT] | 14