Darunaim Multimedia

KUTAA 3ғғᴀᴀ
𝗜𝗠𝗣𝗔𝗔𝗬𝗘𝗥𝗔 𝗠𝗢𝗡𝗚𝗢𝗢𝗟 - 𝗗𝘂'𝗮 𝗚𝗲𝗻𝗴𝗵𝗶𝘀_𝗞𝗵𝗮𝗻 𝗕𝗼𝗼𝗱𝗮

𝗩𝗶𝗱𝗲𝗼 𝗶𝗹𝗮𝗮𝗹𝘂𝘂𝗳 YouTube 𝗶𝗿𝗿𝗮...

Kana irraa kan ka'e:
Namni Tattaarota irraa dhufe tokko ganda tokko seenee namoota hiriirsee dabaree dabareen isaan qala. Isaan keessaa namni tokko illee of ittisuuf hin yaalu ture.
Namni tokko akkas jechuun hima: "Yeroo tokko namoota kudha torba (17) taanee osoo jirru Taattaarichi tokko dhufe. Sana booda tokkoon keenya isa kaan ofii keenyaa haadaan (geemadaan) akka wal hiinu nu ajaje. Hiriyoonni koo waan inni jedhe raawwachuu jalqaban. 'Inni namuma tokko, maaliif hin ajjeesnu?' yoon ani isaanin jedhu. 'Ni sodaanna' naan jedhan. Sana booda ani bilaawaa (albee) fidee isa ajjeeseen haala sanaan miliquu dandeenye!" Jedha.

Kuni gidiraa hedduu keessaa muraasa qofa!. Shormaajaan (hogganaan waraanaa) bakka to'ate hundatti miila isaa gadi dhaabbate. Namni tokkos osoo isa hin mormin bara 629-634 Hijiraatti waggoota shanan keessatti weerara dhaabee aangoo isaa cimse.

Muslimoonni Masrii, Shaam (Soriyaa), Hijaaz fi kutaalee biraa jiran "Anas yoo na hin tuqin maaltu na dhibe?" jechuun gurra ofii cufatanii rafan.

Bara 634-649 Hijiraatti, yeroo gabaabaa keessatti biyyoonni Taattaarota irraa bilisa ba’anii turan kan akka: Armeeniyaa, Joorjiyaa (lamaanuu Kiristaana), Chichiniyaa fi Daagiistaan deebisanii tattaarotaan to’atan. Waggaadhuma kana keessa waraanni Taattaarotaa Turkootattis duula jalqabe. Tattaaronni Bara 635 Hijiraatti weerara bal’aa Raashiyaa irratti jalqaban. Waggaa 2 qofa keessatti magaalaawwan akka Ridaan, Kolomonaa fi magaalaa jabduu Vilaadmiir, Sozaal, akkasumas magaalaan guddoon Raashiyaa Moskoon Taattaarotaan diigaman. Dabalataanis tattaaronni magaalaawwan Raashiyaa gurguddoo jaha too’achuun, haala Kanaanis Raashiyaan guutuun waggaa lama keessatti harka Taattaarota galte. Bara 638 Hijiraatti waraanni Taattaarotaa bulchiinsa Yukireenitti duulee qabeenya ishee saamee, uummata ishees weeraree ajjeese. Bara 639 Hijiraatti ammoo bulchiinsa Poolaand weeraran. Ammas yeroma sanatti Waraana Hangaarii (Hungary) dhabamsiisuun Hangaarii, Siloovaakiyaa fi Kirooshiyaas harkatti fudhatan.

Haala Kanaan tattaaronni walakkaa Awurooppaa to’atan. Isaan keessaa bulchiinsonni baay’een kaafira haa ta’an malee, magaalaawwan Muslimaa muraasnis ni jiru ture.

Bara 639 Hijiraatti ammoo waan haaratu uumame. Du’a jinkiiz khaanin booda mootii Taattaarotaa kan tahe Okitaay (Ogedei) ni du’e. Du’a Okitaay hordofee, Raashiyaa weeraraa kan ture Shormaajaani fi weeraraan Awurooppaa Baatuu Khaan filannoo mootii haaraatiif bakka bu’oota isaanii erganii gara magaalaa teessoo Taattaarota kan taate (Mongooliyaatti) deebi’an.

Waggaa kana keessa tattaaronni guutummaa Eeshiyaa (Saawudii fi Shaam irraa kan hafe) fi walakkaa Awurooppaa to’atanii jiru.

Amma mootiin haaraan tattaarotaa muudamuufi.
Du’a Okitaay booda ilmi isaa Kiyook Okitaay bakka isaa bu'ee aangoo dhaale. Tartiibni hoggansaas: Jinkiiz Khaan itti aansee > Okitaay, sana booda > Kiyook ta'e. Bara Kiyook keessa weerarri tattaarotaa yeroof ni dhaabbate.

Haa ta'u malee:
Yeroo kanatti Taattaaronni weerara isaaniitiin addunyaa Muslimaa liqimsanii jiru. Biyyoonni Muslimaa Eeshiyaa keessatti argaman hundi sivilizaashinii (qaroomina) isaanii waliin dhabamsiifamaniiru. Addunyaan Muslimaa inni walakkaa (Middle East) weerara Taattaarotaa akka waan fiilmii ilaaluutti callisee ilaaluu malee, waan furmaata ta'e tokkos hin goone. Haalli bulchiinsota Islaamaa biroos kana irraa adda hin turre.

Kiristaanonni Awurooppaas kan yeroo muraasaf ulee Tattaarotaatiin Muslimoota rukutaa turan, Uleen tattaarotaa osoo hangamuu hin turin gara isaaniittis naannofte. Waldaaleen Kiristaanaa (bet-kiristaanni) isaanii ni diigaman; uummata isaanii miliyoonaan lakkaa’amutu ajjeefame; manneen isaaniis ni gubatan. Garuu, gidiraa kana hunda dhandhamataa osoo jiraniis, Muslimoota dhabamsiisuuf Taattaarota waliin tumsuu (walii galuu) hin dhiisne...ITTI FUFA

𝓑𝓪𝓻𝓻𝓮𝓮𝓼𝓼𝓪𝓪𝓷: 𝑰𝒃𝒏 𝑨𝒉𝒎𝒆𝒅
𝔻𝔸ℝ𝕌ℕ𝔸𝕀𝕄 𝕄𝕌𝕃𝕋𝕀𝕄𝔼𝔻𝕀𝔸
#History #Tattar #AfaanOromo #Seenaa #Part3

1 week ago | [YT] | 8

Darunaim Multimedia

Sahaabota Nabiyyii (S.A.W) Keessaa Kan Hayyuu Seenaa Fi Nama Hundee Gosoota Arabaa Lakkaa'uu Danda'a Jedhamu Eenyu?

1 week ago | [YT] | 9

Darunaim Multimedia

KUTAA 2ғғᴀᴀ
𝗜𝗠𝗣𝗔𝗔𝗬𝗘𝗥𝗔 𝗠𝗢𝗡𝗚𝗢𝗢𝗟 - 𝗗𝘂'𝗮 𝗚𝗲𝗻𝗴𝗵𝗶𝘀_𝗞𝗵𝗮𝗻 𝗕𝗼𝗼𝗱𝗮


𝗩𝗶𝗱𝗲𝗼 𝗶𝗹𝗮𝗮𝗹𝘂𝘂𝗳 YouTube 𝗶𝗿𝗿𝗮...


"Marsaa Lammaffaa Weerara Taattaarotaa"
Erga Jinkiiz Khaan du'ee booda hoggansa Taattaarotaa Okitaay (Ogedei) tu fudhate. Okitaay waggoota darban keessatti Mongooliyaa keessatti aangoo isaa cimsee tasgabbeesse. Mormii keessoo isaanii jiru balleessuun boqonnaa weerara haaraatiif haala mijeessaa ture.


Taattaaronni addunyaa Muslimaa weeraruun dura, bulchiinsa Raashiyaa isa kanaan dura irratti mo'amanii turan deebisanii harkatti galfachuun, achirraan ammoo gara Awurooppaatti seenuu filatan. Itti gaafatamummaa kana akka ba'uuf Shormaajaan ni filatame. Shormaajaan waraana garmalee guddaa hordofsiisee weerara jalqabe. Addunyaan Muslimaa gama isheetiin qoccolloo fi waldhabdee hammaataa keessa turte. Amiironni biyyoota akka daabbootti cicciranii gargar hiraataniiru. Waa’ee aangoo isaanii malee ija isaanii fageessanii ilaaluu hin dandeenye. Hunduu waa'ee bulchiinsa isaa qofa yaadda'a. Tarii biyyi inni bulchu garuu magaalaa tokkoo fi ganda naannoo ishee jiru qofa ta'uu danda'a. Sababaalee xixiqqoo Uumuudhaan seeyfii walitti luqqifachuun alatti, Ollaan isaa yommuu weeraramu "itti aansee dabareen kan kooti" jedhanii fageessanii yaaduullee hin dandeenye.


Bara 628 Hijiraatti Jalaaluddiin Amiira Jaziiraa kan tahe Ashiraaf Aadil waliin lola yeroo dheeraa irra turee waan mo'ameef humni isaa hedduu dadhabee ture. Kana hordofuun diinonni isaa garee shii’aa kan tahan "Ismaa'iliyyaawwan" haaloo isa ba'uuf jecha dadhabina Jalaaluddiin Taattaarotatti himan. Taattaaronni ergaan kun yommuu isaan ga'u yeroo osoo hin qisaasessin gara Jalaaluddiin qajeeelan. Imala isaanii keessatti magaalaa argatan hunda saamaa, ajjeesaa fi booji'aa dabru turan. Xumura irrattis bulchiinsa Jalaaluddiin qaqqabuun waraana hammaataa irratti Banan. Jalaaluddiin Taattaarota waliin lolee kufaatiin guddaan erga isa mudatee booda, akkuma abbaa isaa baqachuu jalqabe. Magaalaa irraa gara magaalatti, ganda irraa gara gandatti baqachuu itti fufe. Magaalaawwan inni yeroo baqatu keessa darbu hunda Taattaaronni harkatti fudhachaa isa hordofuu jalqaban. Dhumarratti kaaba Iiraaq "Al-Jaziiraa" yommuu ga'u, waraanni isaa hunduu jalaa faffaca'anii kophaa isaa hafe.


Xumura irrattis Isas akkuma abbaa isaa osoo baqachuu irra jiru duuti hin oolle itti dhufte. Haalli du'a isaa garuu ajaa’iba ture.

Jalaaluddiin kophaa isaa faaya isaa waliin osoo jiruu qonnaan bulaan tokko isa argee eenyummaa isaa gaafate. Jalaaluddiin kabaja argachuu waan barbaadeef, koorummaan "Ani mootii Khawaarizimiiti" jechuun qonnaan bulaa sanatti hime. Qonnaan bulichis gara mana isaatti galchee nyaata dhiyeessuun bareechee isa keessumeesse. Jalaaluddiin imala dheeraa baqachaa waan tureef dadhabbiirraa boqochuuf manuma qonnaan bulichaa akkuma rafeen, qonnaan bulichi kanaan dura gocha Jalaaluddiiniin onneen isaa madaa’ee waan tureef osoo inni rafaa jiru isa ajjeese. Subhaanallah,


xumurri mootota abbaa irree tahanii hunduu hedduu nama ajaa’iba. Yeroo tokko Mootii guddaa hogganaa loltoota hedduu ture.


Muslimoonni yeroo hunda Taattaarotaan moo’amuu irraa kan ka’e, kuffitii hafuuraa fi moralii keessa seenan. Taattaarota injifachuun waan hin danda'amne itti fakkaachuu jalqabe. Taattaaronni Muslimoota mo'achuu yoo barbaadan weeraruu qofa ture kan isaanirraa eegamu. Muslimoonni of ittisuu (self-defense) wanti jedhu onnee isaanii keessaa badee jira. Kun ammoo Taattaarotaaf galma isaanii gahuuf baay’ee isaaniif laaffiseera...ITTI FUFA

1 week ago | [YT] | 18

Darunaim Multimedia

𝐊U𝐓A𝐀 𝟏
𝗜𝗠𝗣𝗔𝗔𝗬𝗘𝗥𝗔 𝗠𝗢𝗡𝗚𝗢𝗢𝗟 - 𝗗𝘂'𝗮 𝗚𝗲𝗻𝗴𝗵𝗶𝘀_𝗞𝗵𝗮𝗻 𝗕𝗼𝗼𝗱𝗮

𝗩𝗶𝗱𝗲𝗼 𝗶𝗹𝗮𝗮𝗹𝘂𝘂𝗳...

" Biyya Biyyoo diimaa lafa onaa biyya Mongooliyaa keessaa, loltoonni lakkoofsi isaanii xiqqoo tahe fardeen yaabbatanii fi meeshaa waraanaa salphaa hidhatan tokko ka'anii, akkamitti impaayera dachee kana irratti bal'ina qabaachuun seenaa keessatti isa jalqabaa tahe ijaaruu danda'an laata? Mootummoota gurguddoo walduraa duuban dhufanii dabranii fi magaalaawwan gurguddoo bulchiinsa yeroo dheeraatiin lafa qabatanii jiran dachee irraa kan haxaa’e, nama tokko qofa: innis hundeessaa mongol empire kan tahe “Jiingis Khaani (Genghis Khan).

Kanaan dura Mata duree TATTAAR jedhuun ka’umsa Jingiiz khaan irraa eegallee hanga du’a isaatti Akkamittiin tattaaronni akka babal’atani fi bulchiinsonni Islaamaa waggoota dhibba hedduuf turan akkamittiin akka diigaman seenaa dheeraa channel kana irratti ilaallee jirra.

Har'ammoo, seenaa Sodaachisaa Impaayera Mongool, Impaayera walakkaa addunyaa koochoo isaa jala galchuuf dhihaatee, du’a hundeessaa isaa jinkiiz khaanin booda haala kamiin akka itti fufe gad fageenyaan ilaalla.
⚔️ ════════ ⋆★⋆ ════════ ⚔️
"Bara 1227 A.L.A... Addunyaan sagalee hafuuraa waraana Jiingis Khaan jalaa ba'uuf osoo mala dhahaa jirtu, namni sodaatamaan kun addunyaa kanarraa du’aan boqote. Garuu, waraanni fi sodaan inni Aadunyaa irratti uume achumatti dhaabbate moo itti fufe laata. Yeroo sana Mootummoonni Aadunyaa hedduun Diigamiinsa Impaayera Mongool eegaa turan.

Jinkiiz Khaan?! Allaahan gatii isaa haa kennuuf! Du'a Jinkiiz Khaanin booda sochiin Tattaarotaa magaalaawwan sanaan dura to’ataman qofa keessatti daangeffamee hafe. Waggoonni 624-627 akka Hijiraatti, waggoota duuti Jinkiiz Khaan Tattaarotatti qaawwa itti uume turan.

Muslimoonni waggoota kanneen keessatti dadhabina Taattaarotaatti fayyadamanii tokkummaa isaanii cimsuun Taattaarota dhabamsiisuu yommuu qaban, gargar faffaca’insa isaanii bifa hamaa ta’een itti fufan. Jalaaluddiin obboleessa isaa Giyaasuddiin waliin walitti bu'ee, Giyaasuddiin ammoo diinota Jalaaluddiin waliin wal ta'uun Jalaaluddiin irratti duule. Falmiin aangoof godhamu kuni Faaris fi Iiraaq qofa keessatti hin dangeffamne. Amiironni Shaam (Soriyaa) fi Gibxii jiranis bal'ina qoccolloo kanaatti makaman. Shaam qofatti bulchiinsi baay'een uumaman. Isaanis biyyoota har'a: Soriyaa, Joordaan, Libaanos fi Filisxiin jedhamanii gargar qoodamaniidha.

Hundi isaanii sanyii Salaahuddiin Al-Aayuubii haa ta'an malee, akaakayyuu isaanii Salaahuddiiniin fakkaachuu garuu hin dandeenye. Dheebuun aangoof qaban obboleessa obboleessaan, ilma abbaan walitti buuse; seeyfii walitti luqqisachiise.

Qoccolloo fi waldhabdee isaanii kanatti fayyadamanii waraanni "Masqalootaa" (Crusaders) weerara isaanii akka haaraatti jalqaban. Amiironni Filisxiin Masqaloonni bulchiinsa isaanii akka hin tuqneef jecha, bara 626 Hijiraatti Magaalaa Qudsii (Jerusalem) Masqalootaaf dabarsanii kennan. Subhaanallaah!

Masjiidni Al-Aqsaa kan kaleessa Salaahuddiin irratti dadhabe fi dhiigni Mujaahidoota hedduu irratti dhangala'ee argame sun, har'a garuu Amiirota aangoo jaallataniin gurgurame. Yeroon itti Bulchitoonni Muslimaa Fiixee salphinaa irra gahan yeroo sana ture.

Gama biraatiin Jalaaluddiin lola isaa isa suukanneessaa itti fufe jira. Magaalaan Ahlaat yommuu isatti finciltu irra deebiin ishee marse. Dhumarratti Ahlaat harka Jalaaluddiinitti kufte. Jalaaluddiin yeroo irra gara yerootti Ajjeechaa baay'isaa deemuu jalqabe.

Kuni osoo kanaan jiruu, du’a hogganaa isaanii jinkiiz khaanin wal qabatee weerarri isaanii guutumatti dhaabbatee kan ture Tattaaronni, Ammas Weerara marsaa haaraa eegaluun isaanii dhagahame...ITTI FUFA

𝓑𝓪𝓻𝓻𝓮𝓮𝓼𝓼𝓪𝓪𝓷: 𝑰𝒃𝒏 𝑨𝒉𝒎𝒆𝒅
𝔻𝔸ℝ𝕌ℕ𝔸𝕀𝕄 𝕄𝕌𝕃𝕋𝕀𝕄𝔼𝔻𝕀𝔸

#History #Tattar #AfaanOromo #Seenaa #Part1

1 week ago | [YT] | 7

Darunaim Multimedia

ABBAA EMPAAYERA WAGGAA 600 Olii.
𝗦̼𝗘̼𝗘̼𝗡̼𝗔̼𝗔̼ ̼𝗗̼𝗛̼𝗨̼𝗚̼𝗔̼𝗔̼ ̼𝗢̼𝗦̼𝗠̼𝗔̼𝗔̼𝗡̼ ̼𝗚̼𝗔̼𝗔̼𝗭̼𝗜̼𝗜̼ - (𝗞𝘂𝘁𝗮𝗮 – 𝟏𝗳𝗳𝗮𝗮 )
𝗩𝗶𝗱𝗲𝗼 𝘆𝗼𝗼 𝗯𝗮𝗿𝗯𝗮𝗮𝗱𝗱𝗮𝗻 𝗟𝗶𝗻𝗸 𝗖𝗼𝗺𝗺𝗲𝗻𝘁 𝗶𝗿𝗿𝗮.

Yeroo tokko Mootummaa islaamaa Isa guddicha addunyaa keenyaa ture. ‘OTHOMAN EMPIRE’ Impaayerri Otomaan hundeeffama fi diigamiinsi isaa seenaa guddaa of keessaa qaba. Akkana ture…

Dhuma jaarraa 13ffaa keessa, Anatooliyaan awwaala mootummoota caccabanii turte. Dhufaatii mootummaa usmaan dura, mootummaa guddicha Islaamaa kan ture Mootummaan Seljuq Sultanate jaarraa kana keessa humna waraanaa Mongolotaatiin kukkufee jira. Iddoowwan waraana mongolootaatiin osoo hin qabamin hafanis bulchiinsawwan beelaa fi seer dhablummaan guutaman tahanii jiru.

Kuni osoo kanaan jiru, Gaara qilleensi itti baay'atu tokko irraa , Abbaan fardaa kophaa isaa dhaabbatu tokko kan 'Osman' jedhamu dachee caccabdee jirtu kana gadi ilaala. Gosti isaa baay'ee xiqqoo, jiraattonni gosichaas hiyyeeyyii, fi addunyaa irratti kan hin beekamne turan. Ta'us garuu namoota jajjaboo sammuun isaanii fageesse yaadu hedduu qabu turan.

Gosa isaa kan taate gosti Kayi dhabama irraa ooluuf lola hammaataa keessa jirti. Kallattii hundaan Ollaa diina taheen kan marfaman yoo ta'u, jaarsoliin gosaa warri gosa hoogganan of-eeggannoodhaan jiraatu. dacheen isaaniis gabbattuu hin turre. Jiraatonni gosattii gara gaarreenitti baqatanii, humnoota gurguddoo naannichaa jalaa dhokachuun, nagaa dhuunfaa isaanii guyyaa guyyaa mirkaneessuuf eeggachuu barbaadu. Ta'us garuu gosattii keessatti wal-dhabdeen siyaasaa jabaan uumamuun isaa hin oolle. sababiin isaa dargaggeessi onnee qabu tokko kan Osman jedhamu jaarsolii gosa hoogganan kanaan kallattiidhaan wal mormuu jalqabe. Inni yeroo hunda dhokachuun du'a suuta jedhee dhufudha, akkasumas yeroo hunda of eeggannoodhaan jiraachuun immoo karaa itti seenaa keessatti dafanii irranfatamaniidha jedhee falma.

Qabsoo isaa tokko jedhe jalqabuudhaan Osman murtii uummata isaa naasise tokko dabarse: gosoota Turkii kan ollaa isaa jiran kanneen isaan morman dhiisee, ija isaa gara daangaa Bizaantaayini (Byzantine) mootummaa gamoo jabaa fi waraana guddaa qabuutti fuula isaa garagalche. Jaarsoliin gosaa, sochiin kun of-ajjeesuun garaagarummaa hin qabu jedhanii morman. Yeroo sanatti Mootummaan Bizaantaayini, loltoota ogummaa qaban kanneen gosa Kayi daqiiqaa tokko keessatti balleessuu danda'an qaba ture. Mormii jaarsolii gosaatiif harka kennuu diduun, Osman halkan walakkaatti hayyama malee deemsa balaa qabu gara daangaa mootummaa bizaantaayin gochuuf loltoota muraasa amanamoo fi goota ta'an walitti qabuu jalqabe.

Osmaan fi gosti isaas Lola dirree bal'aatiif baay'ina loltootaa kan hin qabne fi dallaa dhagaa diiguufis meeshaa waraanaa kan hin qabne ta'us, Osman garuu uummata isaatiif tooftaa waraanaa haaraa uumuu jalqabe. Dukkana halkanii akka tooftaa gargaaraatti fayyadamaa, daangaa irratti ariitiidhaan tooftaa lolaa kan 'dha'anii baqachuu' (hit-and-run) jedhamuun fayyadamuu jalqabe.

Loltootni isaa daangaa bizaantaayinootaa yeroo seenan gootummaadhaan erga lolanii booda, waan isaan barbaachisu qofa fudhatanii osoo fajriin hin ba'in gara dachee onaatti deebi'u. Lola dhokataa fi sirrii ta’een bu’ura daangaa Bizaantaayini isa guddaa irratti miidhaa geessuun meeshaalee barbaachisoo argatu.

Oduun milkaa'ina Osman haala kanaan dura dhagahamee hin beeknen dachee diinotaan caccabdee Anatooliyaa keessa babal’achuu jalqabe. Loltootni amantiidhaaf lolan gaaziiwwan (gazis) jajjaboon oduu geggeessaa hin mo'amne kanaa dhaga'u jalqaban. Kaayyoo fi qabeenya argachuuf jedhanii, imaltootni dhibbaan lakka'aman gara buufata gosa Kayi barbaadaa dhufu eegalan. Maatiiwwan, namoonni dhuunfaa fi tuutni daldalaa (kaaravaanni) meeshaalee daldalaa fe’atan hedduun karaa dheeraa imalanii dhufuun hulaa Osman irratti wal gahuu jalqaban. kunis humna waraana isaa halkan tokko keessatti dacha afuriin dabala, madaallii humna naannichaas bara baraaf jijjiira deemaa...ITTI FUFA

𝓑𝓪𝓻𝓻𝓮𝓮𝓼𝓼𝓪𝓪𝓷: 𝑰𝒃𝒏 𝑨𝒉𝒎𝒆𝒅
𝔻𝔸ℝ𝕌ℕ𝔸𝕀𝕄 𝕄𝕌𝕃𝕋𝕀𝕄𝔼𝔻𝕀𝔸

1 week ago | [YT] | 16

Darunaim Multimedia

1 week ago | [YT] | 4

Darunaim Multimedia

Seenaa Haaraa Guyyaa Rooobii Galgala (July 15) Channel YouTube Keenya irratti... Insha'allah

2 weeks ago | [YT] | 8

Darunaim Multimedia

Bineeldota armaan gadii keessaa kan jannata hin seenne kami?

2 weeks ago | [YT] | 5

Darunaim Multimedia

Hi everyone, welcome to my new YouTube Community! Now you can post on my channel, too. To get started, tell me in a post what you'd like to see next on my channel.
Visit my Community: youtube.com/@DarunaimMultimedia/community

3 weeks ago | [YT] | 2

Darunaim Multimedia

#Seenaa Haaraa Guyyaa Roobii Galgala July 8...

Channel YouTube keenya irratti nu eegaa.

3 weeks ago | [YT] | 16