Teba kitche😋 طاجن ماما

كل عام وانتم بألف خير وسعاده بمناسبة العام الجديد عام قديم مضي لكل مافيه يآرب يكرمنا وإياكم بالعام الجديد عام 2026 ♥️♥️🌹😍 بالتوفيق والنجاح الدائم للجميع كل متابعيني ولكم جزيل الشكر والتقدير والاحترام علي وجودكم معي
ربنا يديمها نعمه علينا امين يارب العالمين 😍😍😍😍

1 week ago | [YT] | 0

Teba kitche😋 طاجن ماما

3 months ago | [YT] | 1

Teba kitche😋 طاجن ماما

كل الشكر والتقدير والاحترام لمتابعيني😍😍😍😍

1 year ago | [YT] | 6

Teba kitche😋 طاجن ماما

أهل للثقة والأمانة ولاأذكيها علي الله بس ما شفنا منها الاكل خير وصدق ربنا يوفقها دائما ابدا

1 year ago | [YT] | 0

Teba kitche😋 طاجن ماما

اسمه أم عبدالرحمن مثال للصدق والأمانة والإخلاص لعملها ولمساعدة كل الناس

1 year ago | [YT] | 1

Teba kitche😋 طاجن ماما

Skip the Carousel

1 2

1 year ago | [YT] | 81

Teba kitche😋 طاجن ماما

اقرأ هذه السوره بعد صلاة العشاء مره وحده تحل كل مشاكلك

1 year ago | [YT] | 0

Teba kitche😋 طاجن ماما

كان حدانا في البلد ...
أي زوجه تقول لأخو زوجها يا عمي حتى لو أصغر منها ب 20 سنه , و أخت الزوج اسمها عمّه , ده لا قهر ولا استعباد , دي موده ومحبه .

كان حدانا في البلد ...
أي راجل بشنب ملو هدومه يقول لأي ست أكبر منه يا خاله حتى لو ماتقربلهوش خاله فلانه , لو كان عندها ألف فدان يقول لها يا خاله , ولو بتبيع جرجير قدام الجامع يقول لها يا خاله .

كان حدانا في البلد ...
العم بيتقال له أبوك فلان , روح هات كذا من بيت أبوك فلان , اللي هو عمك , و الجد بيتقال له سيدي فلان و أي راجل عجوز بيتقال له يا سيدي

كان حدانا في البلد ...
الإبن حتى لو كان أستاذ في الجامعه يبوس إيد أبوه و أمه و عمه الكبير و خالته الكبيره , يوطي و يبوس ضهر إيدهم مش يبوس خدهم .

كان حدانا في البلد ...
لو حد تعب البلد تتقلب , ولو حد مات كله يعزي و يجهز أكل للضيوف اللي جايين يعزو من بره البلد ( كل بيت يجهز أكل ) , و في الفرح كله يحضر من غير كارت دعوه , من غير قاعه , البلد بتبقى هي القاعه .

كان حدانا في البلد ...
ناس بتصحى من الفجر تركّب العده عالحمار و تعلّقه في العربيه الكار و تربط البهايم في العربيه من ورا و صوت ماكينات الري يظهر مع صياح الديوك , و أرض عطشانه بتشرب و عصافير بتسبح ربنا .

كان حدانا في البلد ...
لو ماشي وشايل حاجه بتتاكل جايبها من الارض لازم تعزم عالناس اللي بتقابلك , خد لك شوية بصل أخضر لسه بطينهم أهم , خدي لك كرنبه يا خاله .

كان حدانا في البلد ...
ناس بتنام بعد العشا , إيديهم خشنه و مشققه , بينامو مهدودين و مبتسمين , لا سمعو عن أمراض نفسيه ولا يعرفو المنوم و لا المهدئات ولا لعنو الظروف ولا الدكتور قال لهم محتاجين تطلعو شرم أسبوع عشان تغيرو جو .

كان حدانا في البلد ...
ضحكه بتطلع من القلب و كلام حلو , صباحك نادي , خلّي عنك , العوافي , من يد ما نعدمهاش .

كان حدانا في البلد ...
طرنبة مايه عمرها أكبر من عمر بلاد عالخليج و شجرة عمرها أكبر من عمر أمريكا .

كان حدانا في البلد ...
وشوش بتعرف تبتسم و عواجيز في ملامحهم خريطة بلد , و عيال صغيره بتاخد الحكمه والفلسفه من القاعده مع الاجداد ( لما بيقعد مع سيده ) , مش من كتب ( الخواجات ) .

كان حدانا في البلد يوم الاتنين ويوم الخميس اللي عندة لبن وزبدة وجبنة قريش يوزعهم لكل بيت من جيرانة معندهمش مواشي كان الخير والبركة كتير في كل مكان ........

كان حدانا في البلد اللي يعمل طبيخ يبعت منة لكل بيت من بيوت الجيران طبق كنا ننام والأبواب والشبابيك مفتوحة كان فية أمان و حب وخوف علي بعضنا .......

كان حدانا في البلد ...
أدب و خجل و توقير للكبير و فيها حياه , حاجات كتير اختلفت بس لسه فيها حياه
الله يرحم زمااان وايام وليالي زماان

كان حدانا في البلد

1 year ago | [YT] | 3

Teba kitche😋 طاجن ماما

اسرار المحاشي

١_مقدار الشوربه لمحشي الكرنب تكون الشوربه مغطيه كل طبقات المحشي ماعدا الطبقه الاخيره بس

٢_مقدار الشوربه لمحشي البدنجان تكون الشوربه واصله لتلتين البتنجانه بس

٣_مقدار الشوربه لمحشي الفلفل او الكوسه تكون الشوربه واصله لنص الكوسه بس.

٤_محشي ورق العنب لو خايفه يفك منك بتحط عليه طبق عشان الرز ميخرجش منه

٥_تسويه المحاشي عامة احنا بنسوي الرز مش الخضار
يعني لو محشى باذنجان بتاخدي واحده تفتحها لو الرز استوا يبقا تمام تطفي النار متستنيش جلد الباذنجان نفسه يستوي لأن الرز هيكون عجن منك وده في حاله لو الباذنجان مش طازه ومركون بقاله كام يوم

٦_المحشي بنسيبه علي نار عاليه وبعد كدا بنهدي النار تسويته زي الرز بالظبط مع مراعاه ان المحشي بياخد وقت أطول حسب كل نوع

٧_التلاته كيلو باذنجان ونص فلفل بياخدو كيلو رز مصري عشان ميبقاش مليان
المحشي لو مليان رز جامد مش هيستوي

٨_خضره المحشي بتكون شبت وكسبره

٩_توابل المحشي ملح فلفل كسبره شطه

١٠_بنضيف معلقه صلصه عشان بتعزز اللون ومعلقه صغيره من السكر عشان الحموضه

١١_تخديعه المحشي ممكن ببصل أو توم أو الاتنين مع بعض
بحب اوي بعد ما الصلصة تتسبك انزل بالرز واشوحه فيها لمده خمس دقائق على نار عاليه وبعدين أطفئ واضيف الخلطه دي توم مدقوق في الهون مع قرن فلفل حامي وكسبر وقطعه زبده بلدي كبيره كل الحجات هتسخن من حراره الرز والزبده تسيح والتوم يسخنو وريحتهم هتكون خرافيه
لما بحب اغير ببشر بصلايه وادعكها بملح وفلفل واضيفها بدل خلطه التوم
وبالهنا والشفا 🥰

2 years ago | [YT] | 5