這是一個非營利的 Youtube 頻道,多少人看我上載的 Youtube 影片,
我也不會收到一毫子的,希望大家高抬貴手。
這個頻道會上載一些兒歌的 MV,但不包括動畫版。
動畫版上載至另一頻道。
老孩子兒歌網 oldkid.freevar.com/oldkid/index.html
是一個非牟利的個人網站,由網主老孩子費盡心血時間製作,旨在推廣兒歌,並保留集體回憶。
歌曲及影片的版權屬有關公司,只供非商業用途。如認為本頻道構成你或你公司的任何損失,請通知我,我會盡快採取適當的行動。
聯絡電郵: oldchildhp@yahoo.com.hk
老孩子兒歌網 - 真人版 MV
大家好,2005兒禮嘅候選歌影片,
已經完成上載喇。
兩個播放清單:
2005 兒歌金曲頒獎典禮 - 候選兒歌 MV:
www.youtube.com/playlist?list...
2005 兒歌金曲頒獎典禮 - 候選兒歌的「其他版本」 MV、歌曲、相關影片等,
就會放入另一個播放清單:www.youtube.com/playlist?list...
------------------
或者有網友未知我開咗新嘅動畫歌頻道:youtube.com/@oldkid-anime-mv
用嚟上載舊嘅動畫歌影片,同埋少量新嘅候選歌嘅動畫版 OP 同 ED。
因為我同時上載緊2005年嘅候選歌,
以及我懶嘅關係,上載舊片嘅進度麻麻。
嚟緊呢幾日應該會集中處理動畫歌,
先整最難攪嗰堆「系列類」影片,例如《叮噹》、《IQ 博士》等,
然後先至繼續上載2006兒禮嘅候選歌。
另外,我重新上載舊嘅動畫歌影片去 Youtube 嘅同時,
亦有上載去 FB,部份影片反應好好,好多人分享,令我喜出望外。
3 weeks ago (edited) | [YT] | 7
View 6 replies
老孩子兒歌網 - 真人版 MV
大家好,因為「動畫版 MV」頻道喺5月中俾 Youtube 官方「移除」,
(詳情可以參考上一篇「貼文」)
我開始檢查另外4個頻道嘅所有影片「資訊」。
呢個工作已經完成,我亦重新開設咗一個新頻道:
youtube.com/@oldkid-anime-mv
啲舊片會上載返去呢個新頻道。
至於「上載2005年兒禮嘅候選歌」嘅計劃,
可能會喺我上載晒啲舊「動畫歌」影片先開始,
亦可能會兩邊同時進行,我未有定案。
-------------------
現有4個頻道嘅更新詳情:
1. 刪除「資訊」入面嘅外部連結 (即 Youtube 以外),例如
myTV 連結就改為只係提及 myTV 有呢個節目,或者寫係邊一集;
Facebook 連結就改為「上載至 FB」。
「老孩子兒歌網 - 影片」嘅 Facebook係:www.facebook.com/profile.php?id=100089946473014&sk…
右上角有「搜尋」功能鍵,大家要搵某條片其實都算簡單。
2. 至於「資訊」入面,提及我嘅舊「動畫歌」頻道嘅影片,
我保留咗啲冇效連結,冇刪除;
而喺重新上載咗條片之後會唔會更新,就視乎情況。
3. 將每一條影片放入適當嘅播放清單,
再更新「主頁」設計去配合,
方便網友搵某個時期或者某個種類嘅影片,
呢篇文最後會再詳細講解呢啲比較悶嘅細節。
4. 早期上載影片嘅時候,我冇整「縮圖」(封面圖),
只係揀 Youtube AI 提供嘅版本,今次更新就順便補返。
5. 早期上載影片嘅標題比較隨意,
今次更新順便改為最新嘅格式。
-------------------
-------------------
-------------------
「播放清單」同「主頁」嘅更新詳情:
(部份係以前整嘅,部份係今次更新時整嘅)
1.「真人版 MV」頻道
甲 - 主題
因應歌曲嘅主題或出處,例如有關某節日、無綫以外嘅電視台等,
將影片放入播放清單,
再喺主頁將清單分為兩大類。
第一類係「應節兒歌、影片」,其餘嘅就放埋一齊。
當然唔會每一條片都有符合嘅播放清單。
乙 - 年份
因應歌曲面世或者喺無綫推出 MV 嘅年份,將每一條片分類。
喺1989年,《閃電傳真機》開始播映後嘅,
若果係無綫兒歌頒獎禮 / 兒歌選舉嘅候選歌,
就會放入「候選兒歌 MV」或者『候選兒歌的「其他版本」MV』播放清單,
若果唔係候選歌,就放入「非候選歌」播放清單。
至於1989年之前嘅影片,
就放入「《430穿梭機》年代」或者「《跳飛機》年代及更早期」。
而主頁就因應年份,
將播放清單分為6個時期:
1982年或之前 《跳飛機》年代及更早期的兒歌、動畫歌
1982 - 1989年 《430穿梭機》年代的兒歌、動畫歌
1989 - 1995年 《閃電傳真機》年代 (早期) 的兒歌、動畫歌
1995 - 1999年 《閃電傳真機》年代 (後期) 的兒歌、動畫歌
2000 - 2004年《至 NET 小人類》年代的兒歌、動畫歌
2005年或之後 《放學 ICU》年代及之後的兒歌、動畫歌
若果某個「主題類」播放清單嘅影片係集中喺某個年代出現,
嗰個播放清單會放喺主頁嘅「年份」分類。
例如「430穿梭機 主題曲」播放清單,
就會放喺「1982 - 1989年 《430穿梭機》年代的兒歌、動畫歌」。
丙 - 主唱者
以歌曲嘅主唱者整獨立嘅播放清單,
但若果嗰位歌手 / 藝人得好少影片,就冇整到喇。
而主頁就將播放清單分為3大類:
女歌手、男歌手、組合
-------------------
2. 「兒童節目」頻道
甲 - 節目
每條影片都以佢嘅出處,或者影片內容嘅相關節目,
放入以節目為單位嘅播放清單。
但個別節目因為影片數量太少,所以我以年代或電視台整播放清單:
七八十年代 《跳飛機》及《430穿梭機》以外的無綫兒童節目
香港電台 - 兒童節目
亞視 / 麗的 - 兒童節目
有線 - 兒童節目
另外,重有一個特別嘅播放清單:
「非兒童節目內,有關兒歌或兒童節目的片段」,
例如《K-100》訪問兒童節目主持、電視廣告等,
都會放入呢個播放清單。
主頁以播放清單代表嘅節目類型嚟分類:
兒歌節目
無綫 - 兒童節目
香港電台、亞視/麗的、有線 - 兒童節目
非兒童節目內,有關兒歌或兒童節目的片段
乙 - 環節 / 主題
以環節或主題嚟整播放清單。
主頁以播放清單嘅類型嚟分類。
-------------------
3. 「純歌曲」頻道
甲 - 年份
因應歌曲面世或者喺無綫推出 MV 嘅年份,將每一條片分類。
乙 - 音樂
有兩個特別類型嘅播放清單,
分別係「原裝伴唱音樂」,同埋「音樂盒純音樂」。
主頁將呢兩個播放清單放埋一齊。
-------------------
4. 「譚玉瑛」頻道
甲 - 主題
由於得好少影片,
所以將每一條片以主題嚟分類,放入播放清單。
主頁就簡單咁列出每個播放清單。
1 month ago (edited) | [YT] | 25
View 12 replies
老孩子兒歌網 - 真人版 MV
大家好,今日我要講一個壞消息。
撮要:
日前,「動畫版 MV」頻道俾官方 Youtube「移除」,
我會重新開過一條新頻道,上載返啲舊影片,
而原本「上載2005年兒禮嘅候選歌」計劃就會順延。
-------------------
詳情:
「老孩子兒歌網」嘅「動畫版 MV」頻道
喺5月18日俾官方 Youtube 「移除」,
所有影片已經睇唔到 (包括我自己)。
根據官方俾我嘅電郵,
原因係我違反咗《社群規範》嘅
《垃圾內容、詐欺行為與詐騙處理政策》。
呢個「政策」嘅範圍好廣濶,
所以我問 Youtube 我究竟做錯乜事,
但佢冇答我,只係叫我自己去睇返晒啲規則。
暫時覺得最有可能嘅原因係:
「另外,如果內容的主要目的為誘導觀眾離開 YouTube 並前往其他網站,
我們也一概禁止。」
我咁估,係因為我成日放好多其他網站嘅連結喺「資訊」入面,
例如 Facebook、myTV SUPER 等。
穩陣起見,喺重開「動畫版 MV」頻道之前,
我會先處理返另外四條頻道嘅「資訊」,
將「資訊」入面嘅其他網站連結移除。
若果一啲好值得保留嘅連結,
我就會刪咗網站最頭嘅「http:/」,唔會直接以連結顯示,
而網友就可以複製啲文字去網址欄使用。
由於四條頻道夾埋總共有過千條影片,
所以處理需時,請大家耐心等待,
四條頻道都未會咁快有新影片上載。
-------------------
感想:
其實喺開始建立頻道嘅時候,已經有心理準備隨時俾 Youtube「移除」,
所以我先至將啲影片分開五條頻道嚟上載。
不過,我一直以為頻道會係因為「侵犯版權」而被「移除」,
我完全估唔到會係衰喺《垃圾內容、詐欺行為與詐騙處理政策》。
最後,都係嗰句,大家見到鍾意嘅影片,
記得將段片下載去自己嘅電腦保存。
2 months ago (edited) | [YT] | 53
View 32 replies
老孩子兒歌網 - 真人版 MV
《兒歌金曲頒獎典禮2004》嘅40首候選兒歌已經全部上載喇。
相關播放清單:
「2004 兒歌金曲頒獎典禮 - 候選兒歌 MV」播放清單:
www.youtube.com/playlist?list...
『2004 兒歌金曲頒獎典禮 - 候選兒歌的「其他版本」 MV、歌曲、相關影片等』播放清單:
www.youtube.com/playlist?list...
-------------------
跟住就輪到上載2005年兒禮嘅候選歌,
當然我會循例休息吓先,而今次只係一個小休。
-------------------
大約喺2005年年頭,我就停咗用錄影機或者電腦錄影兒歌 MV 喇,
所以部份兒歌 MV,我只可以上載當年無綫網站的電腦檔,
畫質就明顯差好多。
3 months ago (edited) | [YT] | 4
View 2 replies
老孩子兒歌網 - 真人版 MV
祝大家2025年生活愉快,身體健康!
-------------------
2003年同2002年一樣,亦係有兩次頒獎禮,
而2003年兩次頒獎禮嘅候選歌已經上載晒。
相關嘅播放清單:
1. 2003 兒歌金曲開心嘉年華 - 候選兒歌 MV:www.youtube.com/playlist?list...
2. 2003 兒歌金曲開心嘉年華 - 候選兒歌的「其他版本」 MV、歌曲、相關影片等:www.youtube.com/playlist?list...
3. 2003 兒歌金曲頒獎典禮 - 候選兒歌 MV:www.youtube.com/playlist?list...
4. 2003 兒歌金曲頒獎典禮 - 候選兒歌的「其他版本」 MV、歌曲、相關影片等:www.youtube.com/playlist?list...
-------------------
上載2004年兒禮嘅候選歌之前,
我會休息吓,又或者會隨意咁上載候選歌以外的影片。
另外,有網友留意到,最近上載嘅《音樂看世界》,
同埋《精靈智多 kid》 MV 嘅畫面質素比較差,
原因係我喺電視播呢兩個 MV 嘅時候錄唔到,
所以我就用我錄影網上重播嘅版本 (「網上錄影版」),
呢個版本雖然差過「錄電視」版,
但都好過無綫網站的 MV 檔案版。
嚟緊2004年嘅兒歌 MV,
應該會有更多「網上錄影版」,
主要原因係無綫嘅兒歌節目《兒歌金榜》喺2003年1月11日完結,
之後就冇獨立嘅兒歌節目。
若果我錄唔到 MV 首播,
就少咗一個比較容易補錄 MV 嘅機會。
亦因為《兒歌金榜》完結,
逢星期五嘅《至 NET 小人類》就新加《至 NET 兒歌榜》,
同埋李紫昕主持嘅音樂環節,
令到本來會播全首嘅點唱歌,
好多時放到去節目片尾播。
-------------------
最後,想趁呢個機會又再講吓
2002同03年頒獎禮嘅情況同感想,
上一篇文章都講咗少少:youtube.com/post/UgkxUoqKS0ZgipXgorSAO3gxo5zrUe-DI…
2002年變成兩次頒獎禮,我估其一個原因係啲獎唔夠分,
而一晚頒15個或者20個「兒歌金曲」獎嘅話,
又好似唔係咁好睇,
所以就跟「勁歌金曲季選」的模式。
不過「勁歌」係一年4次「季選」,
「兒歌」就一年兩次「半年選」,
而兒歌嘅「總選」就同第二次「半年選」一齊攪。
跟住睇吓嗰幾年嘅候選歌數目:
2001年 36首
2002年 46首 (兒嘉22首+兒禮24首)
2003年 42首 (兒嘉17首+兒禮25首)
2004年 40首
我自己心中有個標準,就係候選歌數目,
起碼要係得獎歌數目嘅雙倍,
亦即係若果頒10個「兒歌金曲」獎,
最少就應該有20首候選歌,
若果好似2003年兒嘉咁,得17首候選歌,
變咗得獎歌多過冇獎嘅歌,
我就覺得唔合格,
而且投票嗰陣,亦好似變咗係諗唔投邊7首。
同時,我亦都唔明點解無綫唔積極增加候選歌數目。
例如韋然、熊熊、陳以誠、李紫昕等,
一向有好多兒歌存貨未拍兒歌 MV,
無綫只要搵佢哋推多一兩首兒歌,
或者叫《至 NET 小人類》主持翻唱吓啲舊歌,
就可以輕易增加候選歌數目。
其實呢啲都係當年嘅諗法,
而呢排整啲候選歌 MV 時,又自然諗返起,
所以老人家又忍唔住講吓古,笑。
7 months ago (edited) | [YT] | 7
View 6 replies
老孩子兒歌網 - 真人版 MV
大家好,2002年好特別,一年舉辦兩次兒歌頒獎禮,
呢兩次頒獎禮嘅候選歌已經上載晒。
相關嘅播放清單:
1. 2002 兒歌金曲開心嘉年華 - 候選兒歌 MV:www.youtube.com/playlist?list...
2. 2002 兒歌金曲開心嘉年華 - 候選兒歌的「其他版本」 MV、歌曲、相關影片等:www.youtube.com/playlist?list...
3. 2002 兒歌金曲頒獎典禮 - 候選兒歌 MV:www.youtube.com/playlist?list...
4. 2002 兒歌金曲頒獎典禮 - 候選兒歌的「其他版本」 MV、歌曲、相關影片等:www.youtube.com/playlist?list...
-------------------
以往一年只有一次兒歌頒獎禮,有10首「兒歌金曲」;
但係2002年就因為喺年頭 (2月10日) 加多咗一個頒獎禮,
而兩次頒獎禮亦都係頒10首「兒歌金曲」,
變咗2001至2002年度,總共有20首「兒歌金曲」。
多咗一個兒歌頒獎禮,身為兒歌迷嘅我當然好開心,
多咗歌手攞獎,得到鼓勵亦係好事;
當然個獎貶咗值就無可避免,
但我估得好少觀眾會察覺到。
-------------------
2002至2003年度亦一樣係有兩次兒歌頒獎禮,
到2004年就回復返一年一次。
9 months ago (edited) | [YT] | 8
View 0 replies
老孩子兒歌網 - 真人版 MV
大家好, 2001年兒禮嘅候選歌已經上載晒, 播放清單:
1. 候選兒歌 MV - www.youtube.com/playlist?list...
2. 候選兒歌的「其他版本」 MV、歌曲、相關影片等 - www.youtube.com/playlist?list...
-------------------
跟住我會休息返一個星期左右,
然後先上載吓啲「非候選歌」,
之後再繼續上載《2002年兒歌金曲開心嘉年華》嘅候選歌.
-------------------
補充資料:
2002年,無綫舉辦了兩次兒歌頒獎禮,
第一次在2月10日舉行,稱為「開心嘉年華」;
第二次在暑假尾舉行,稱為「頒獎典禮」。
10 months ago | [YT] | 13
View 2 replies
老孩子兒歌網 - 真人版 MV
大家好,最近「動畫版 MV」頻道收到 Youtube 通知,
話我上載嘅《小露寶》OP 因為 TOEI CO.,LTD. (東映) 投訴而要禁播。
我之前都上載咗去 Facebook,暫時冇影響:
www.facebook.com/watch/?v=463619213092656
雖然《小露寶》ED 冇收投訴,
但穩陣起見,我都收返埋條片先,
網友同樣可以去 Facebook 睇:www.facebook.com/watch/?v=2122175461501702
之前我都試過其他片收到「通知」禁播,
我都會整返個截圖版本上載去 Youtube;
但今次係收到「投訴」,同「通知」好唔同。
若果收到三次「投訴」,成個頻道連埋所有片都會消失,
所以我會小心啲處理,唔整截圖版(起碼暫時唔整)。
若果再收到東映「投訴」,我都可能會收番起其他東映嘅影片,
例如《龍珠》系列。
最後又係嗰句,若果網友鍾意某首歌 / 某段片,
唔好懶,快啲將段片下載落去自己嘅電腦儲起。
(唔係 Youtube 會員嗰種離線收看嘅「下載」)
1 year ago (edited) | [YT] | 19
View 1 reply
老孩子兒歌網 - 真人版 MV
大家好, 2000年兒禮嘅候選歌已經上載晒, 播放清單:
1. 候選兒歌 MV - www.youtube.com/playlist?list...
2. 候選兒歌的「其他版本」 MV、歌曲、相關影片等 - www.youtube.com/playlist?list...
-------------------
呢一排, 我整理呢批候選歌嘅時候, 特別感慨, 因為
1. 呢批歌嘅推出時間係由 1999年去到 2000年, 進入新世紀,
而上載候選歌嘅工程, 完成咗我心目中嘅一個階段
2. 無綫的兒童節目由《閃電傳真機》轉為《至 NET 小人類》
3. 喺1999年我重拾返「儲」兒歌嘅習慣, 同時開始製作自己嘅兒歌網
-------------------
喺我上載下一批候選歌 (2001年兒禮) 之前,
我會先上載其他種類嘅影片,
例如兒童節目片段, 非候選歌嘅動畫歌 OP 等等.
重有喺呢幾個月, 幾位熱心網友俾我好多值得同大家分享嘅影片,
我都會趁呢個空檔上載, 希望大家唔會覺得我偷懶啦, 笑.
1 year ago (edited) | [YT] | 15
View 4 replies
老孩子兒歌網 - 真人版 MV
大家好, 1999 兒禮嘅候選歌已經上載晒, 播放清單:
1. 候選兒歌 MV - www.youtube.com/playlist?list...
2. 候選兒歌的「其他版本」 MV、歌曲、相關影片等 - www.youtube.com/playlist?list...
-------------------
下星期係母親節, 所以都會例牌上載啲「應節兒歌」,
跟住亦會休息一吓, 先至到 2000 兒禮嘅候選歌.
1 year ago (edited) | [YT] | 8
View 4 replies
Load more