Angamaly Diary

+-------+--------+--------+-------+

*25-09-2020*

*എസ്.പി. ബാലസുബ്രഹ്മണ്യം - ചരമദിനം*

+-------+-------+-------+--------+

ഇന്ത്യൻ ചലച്ചിത്ര രംഗത്തെ ഒരു ഗായകനും നടനും സംഗീതസംവിധായകനും നിർമ്മാതാവുമായിരുന്നു എസ്. പി. ബാലസുബ്രഹ്മണ്യം അഥവാ ശ്രീപതി പണ്ഡിതാരാധ്യുല ബാലസുബ്രഹ്മണ്യം
(ജനനം: ജൂൺ 4 1946 മരണം: സെപ്തംബർ 25 2020). എസ്.പി.ബി. എന്നും ബാലു എന്നും ഇദ്ദേഹം അറിയപ്പെടുന്നു. പത്മശ്രീ (2001), പത്മ ഭൂഷൺ (2011), പത്മവിഭൂഷൻ (മരണാനന്തരം - 2021) എന്നീ ബഹുമതികൾ അദ്ദേഹത്തിന് ഇന്ത്യൻ സർക്കാർ നൽകിയിരുന്നു. ആറ് ദേശീയ അവാർഡുകൾ നേടിയ അദ്ദേഹം സമകാലികനായ യേശുദാസിനുശേഷം ഏറ്റവും കൂടുതൽ തവണ ഈ പുരസ്കാരം ലഭിച്ച വ്യക്തിയാണ്. 2020 സെപ്തബർ 25 ന് അദ്ദേഹം അന്തരിച്ചു.

*ആദ്യകാല ജീവിതം*

ആന്ധ്രപ്രദേശിലെ നെല്ലൂരിനടുത്തുള്ള കൊനെട്ടമ്മപേട്ട എന്ന സ്ഥലത്ത് 1946 ജൂൺ 4-നാണ് എസ്.പി. ബാലസുബ്രഹ്മണ്യം. ജനിച്ചത്. അദ്ദേഹത്തിന്റെ പിതാവ് അന്തരിച്ച എസ്. പി. സംബമൂർത്തി നാടകങ്ങളിലും അഭിനയിച്ചിരുന്ന ഒരു ഹരികഥാ കലാകാരനായിരുന്നു. 2019 ഫെബ്രുവരി 4 ന് അന്തരിച്ച ശകുന്തളാമ്മയായിരുന്നു അദ്ദേഹത്തിന്റെ മാതാവ്. ഗായിക എസ്. പി. ഷൈലജ ഉൾപ്പെടെ രണ്ട് സഹോദരന്മാരും അഞ്ച് സഹോദരിമാണ് അദ്ദേഹത്തിനുള്ളത്. തന്റെ കുട്ടിക്കാലത്ത് തന്നെ സംഗീതത്തോട് വലിയ താത്പര്യം പ്രകടിപ്പിച്ചിരുന്നു. എന്നാൽ അദ്ദേഹത്തിന്റെ പിതാവ് ആഗ്രഹിച്ചിരുന്നത്, എസ്.പി.ബി. ഒരു എൻ‌ജിനീയർ ആവണമെന്നായിരുന്നു. അനന്തപൂരിലെ JNTU എൻ‌ജിനീയറിംഗ് കോളേജിൽ ചേർന്നുവെങ്കിലും ടൈഫോയിഡ് പിടിപെട്ടതിനാൽ അവിടുത്തെ വിദ്യാഭ്യാസം തുടരാൻ അദ്ദേഹത്തിന് സാധിച്ചില്ല. പിന്നീട് എസ്.പി.ബി. ചെന്നൈയിലെ ഇൻസ്റ്റിട്ട്യൂഷൻ ഓഫ് എൻജിനിയേഴ്സിൽ പ്രവേശനം നേടി. പക്ഷേ അപ്പോഴൊക്കെയും സംഗീതത്തെ അദ്ദേഹം ഹൃദയത്തോടു ചേർത്തുപിടിച്ചിരുന്നു. പല ആലാപന മത്സരങ്ങളിൽ നല്ല ഗായകനായി അദ്ദേഹം തിരഞ്ഞെടുക്കപ്പെട്ടു.

1964 ൽ മദ്രാസ് ആസ്ഥാനമായുള്ള തെലുങ്ക് കൾച്ചറൽ ഓർഗനൈസേഷൻ സംഘടിപ്പിച്ച അമേച്വർ ഗായകർക്കുള്ള സംഗീത മത്സരത്തിൽ അദ്ദേഹം ഒന്നാം സമ്മാനം നേടി. അനിരുത്ത (ഹാർമോണിയം), ഇളയയരാജ (ഗിറ്റാറിലും പിന്നീട് ഹാർമോണിയത്തിലും), ഭാസ്കർ (കൊട്ടുവാദ്യത്തിൽ), ഗംഗൈ അമരൻ (ഗിറ്റാർ‌) എന്നിവരടങ്ങിയ ഒരു ലൈറ്റ് മ്യൂസിക് ട്രൂപ്പിന്റെ നായകനായിരുന്നു അദ്ദേഹം. എസ്. പി. കോദണ്ഡപാണി, ഗണ്ടശാല എന്നിവർ വിധികർത്താക്കളായിരുന്ന ഒരു ആലാപന മത്സരത്തിൽ മികച്ച ഗായകനായി അദ്ദേഹം തിരഞ്ഞെടുക്കപ്പെട്ടു. എസ്. പി. അവസരങ്ങൾ തേടി സംഗീതസംവിധായകരെ പലപ്പോഴും സന്ദർശിക്കാറുണ്ടായിരുന്ന കാലത്ത് അദ്ദേഹത്തിന്റെ ആദ്യത്തെ ഓഡിഷൻ ഗാനം "നിലവെ എന്നിടം നെരുങ്കാതെ" ആയിരുന്നു. മുതിർന്ന പിന്നണി ഗായകനായിരുന്ന പി.ബി. ശ്രീനിവാസ് തെലുങ്ക്, തമിഴ്, ഹിന്ദി, കന്നഡ, മലയാളം, സംസ്‌കൃതം, ഇംഗ്ലീഷ്, ഉറുദു എന്നീ ഭാഷകളിൽ അദ്ദേഹത്തിന് ഗാനങ്ങൾ എഴുതി നൽകാറുണ്ടായിരുന്നു.

*ബാൻഡ്*

ചലച്ചിത്രപിന്നണിഗായകനാകും മുമ്പ് അദ്ദേഹം ഒരു ഗാനമേള ട്രൂപ്പിൽ അംഗമായിരുന്നു. ലളിത സംഗീതത്തിന്റെ ആലാപനത്തിലും ശ്രദ്ധേയനായി.

*ചലച്ചിത്ര ലോകത്ത്*

ചലച്ചിത്രപിന്നണിഗായക രംഗത്തേക്ക് അദ്ദേഹം വന്നത് 1966-ലെ ശ്രീ ശ്രീ ശ്രീ മര്യാദ രാമണ്ണ എന്ന ചിത്രത്തിൽ പാടിക്കൊണ്ടാണ്. അതിനു ശേഷം ഇതുവരെ അദ്ദേഹം 39,000 ലധികം ഗാനങ്ങൾ പതിനൊന്നോളം ഇന്ത്യൻ ഭാഷകളിലായി പാടിയിട്ടുണ്ട്.. ഇതിൽ തെലുങ്ക്, തമിഴ്, കന്നഡ എന്നീ ഭാഷകളിലാണ് അദ്ദേഹം കൂടുതൽ പാടിയിട്ടുള്ളത്. ഇതിൽ ഏറ്റവും കൂടുതൽ പാടിയിട്ടുള്ളത് തമിഴിലാണ്. ദക്ഷിണേന്ത്യയിലെ എല്ലാ പ്രമുഖ സംഗീതസംവിധായകരും അദ്ദേഹത്തെ ഉപയോഗിച്ച് ഗാനങ്ങൾ സൃഷ്ടിച്ചിട്ടുണ്ട്. ഏറ്റവും കൂടുതൽ ചലച്ചിത്രം പിന്നണിഗാനങ്ങൾ പാടിയ ഗായകൻ എന്ന ഗിന്നസ് ലോകറെകോർഡ് എസ്.പി.ബി ക്ക് സ്വന്തമാണ്. (ഗായിക എന്ന റെക്കോർഡ് ലതാ മങ്കേഷ്കർ).

ഗായകനെന്നതിന്റെയൊപ്പം നടൻ, സംഗീതസംവിധായകൻ, ഡബ്ബിങ് ആർട്ടിസ്റ്റ് എന്നീ നിലകളിലും എസ്.പി.ബി. ജനപ്രീതി പിടിച്ചുപറ്റിയിട്ടുണ്ട്. ഏറ്റവും നല്ല ഗായകനുള്ള ദേശീയ അവാർഡ് ആറു തവണ അദ്ദേഹത്തിന്‌ ലഭിച്ചിട്ടുണ്ട്. കെ.ജെ. യേശുദാസിനുശേഷം ഈ അവാർഡ് ഏറ്റവുമധികം തവണ ലഭിച്ചിരിക്കുന്നത് അദ്ദേഹത്തിനാണ്‌.

*സ്വകാര്യജീവിതം*

സാവിത്രിയാണ് എസ്.പി.ബി.യുടെ ഭാര്യ. ഇവർക്ക് പിന്നണി ഗായകനും സിനിമാ നിർമ്മാതാവുമായ എസ്.പി.ബി. ചരൺ എന്നൊരു മകനും പല്ലവി എന്നൊരു മകളുമുണ്ട്. എസ്.പി.ബി. ചരൺ അച്ഛന്റെ വഴി പിന്തുടർന്ന് ഗായകനും നടനുമായി ശ്രദ്ധേയനായി. ബാലസുബ്രഹ്മണ്യത്തിന്റെ മാതാവ് ശകുന്തളാമ്മ 2019 ഫെബ്രുവരി 4 ന് നെല്ലൂരിൽ വച്ച് 89 ആം വയസ്സിലാണ് അന്തരിച്ചത്.

*ഡബ്ബിംഗ് ആർട്ടിസ്റ്റ്*

കെ. ബാലചന്ദറിന്റെ മന്മഥ ലീല എന്ന ചിത്രത്തിലൂടെ അബദ്ധവശാൽ ഒരു ഡബ്ബിംഗ് ആർട്ടിസ്റ്റായിത്തീർന്ന ബാലസുബ്രഹ്മണ്യം ഈ ചിത്രത്തിന്റെ തെലുങ്ക് മൊഴിമാറ്റത്തിൽ കമൽ ഹാസന് ശബ്ദം നൽകി. കമൽ ഹാസൻ, രജനീകാന്ത്, വിഷ്ണുവർദ്ധൻ, സൽമാൻ ഖാൻ, കെ. ഭാഗ്യരാജ്, മോഹൻ, അനിൽ കപൂർ, ഗിരീഷ് കർണാട്, ജെമിനി ഗണേശൻ, അർജുൻ സർജ, നാഗേഷ്, കാർത്തിക്, രഘുവരൻ എന്നിങ്ങനെ വിവിധ കലാകാരന്മാർക്ക് വേണ്ടി വിവിധ ഭാഷകളിൽ അദ്ദേഹം ശബ്ദം നൽകിയിട്ടുണ്ട്. തമിഴ് ചിത്രങ്ങളുടെ തെലുങ്ക് ഡബ്ബ് പതിപ്പുകളിൽ കമൽ ഹാസന്റെ സ്ഥിരം😢ബ്ബിംഗ് ആർട്ടിസ്റ്റായി അദ്ദേഹം പ്രവർത്തിച്ചിരുന്നു. ദശാവതാരം എന്ന ചിത്രത്തിറെ തെലുങ്ക് പതിപ്പിനായി, കമൽ ഹാസൻ അവതരിപ്പിച്ച പത്ത് കഥാപാത്രങ്ങളിൽ ഏഴ് കഥാപാത്രങ്ങൾക്ക് (ഒരു സ്ത്രീ കഥാപാത്രമടക്കം) അദ്ദേഹം ശബ്ദം നൽകി. അണ്ണാമയ്യ, ശ്രീ സായ് മഹിമ എന്നീ ചിത്രങ്ങൾക്ക് മികച്ച പുരുഷ ഡബ്ബിംഗ് ആർട്ടിസ്റ്റിനുള്ള നന്ദി അവാർഡും അദ്ദേഹത്തിന് ലഭിച്ചു. 2012 ൽ ശ്രീരാമ രാജ്യം എന്ന സിനിമയുടെ തമിഴ് പതിപ്പിനായി നന്ദമുരി ബാലകൃഷ്ണയ്ക്കുവേണ്ട് ഡബ്ബ് ചെയ്തു. ബെൻ കിംഗ്സ്ലിയുടെ ഗാന്ധി സിനിമയുടെ തെലുങ്ക് പതിപ്പിന് ശബ്ദം നൽകിയതും ബാലസുബ്രഹ്മണ്യം ആയിരുന്നു.

കമൽ ഹാസൻ (സാഗര സംഗമം, സ്വാതി മുത്യം എന്നിവ ഒഴികെ തമിഴിൽനിന്നു തെലുങ്കിലേയ്ക്ക് മൊഴിമാറ്റം ചെയ്ത എല്ലാ ' ചിത്രങ്ങളും).
കമൽ ഹാസൻ- സിപ്പിക്കുൽ മുത്ത് (1985) (സ്വാതി മുത്തിയത്തിന്റെ തമിഴ് ഡബ്ബിംഗ്) കൂടാതെ ചില നേരിട്ടുള്ള തെലുങ്ക് സിനിമകൾ.
രജനീകാന്ത് (തമിഴിൽനിന്ന് തെലുങ്കിലേയ്ക്ക് മൊഴിമാറ്റം ചെയ്ത ചില ചിത്രങ്ങൾ)
മരണം
2020 ഓഗസ്റ്റ് 5-ന് കോവിഡ് -19 പോസിറ്റീവ് ഫലം ലഭിച്ചതിനെ തുടർന്ന് എസ്.പി.ബിയെ ചെന്നൈയിലെ എം‌ജി‌എം ഹെൽത്ത് കെയറിൽ പ്രവേശിപ്പിച്ചു. അദ്ദേഹം തന്നെയാണ് ഈ വിവരം അറിയിച്ചത്. തനിയ്ക്ക് കാര്യമായ പ്രശ്നങ്ങളില്ലെന്നും രണ്ടുദിവസത്തിനുള്ളിൽ താൻ ആശുപത്രി വിടുമെന്നുമായിരുന്നു അന്ന് അദ്ദേഹം പറഞ്ഞത്. എന്നാൽ, പിന്നീട് സ്ഥിതി വഷളാകുകയും അദ്ദേഹത്തെ തീവ്രപരിചരണവിഭാഗത്തിലേയ്ക്ക് മാറ്റുകയും ചെയ്തു. പ്രമേഹം അടക്കം ധാരാളം ആരോഗ്യപ്രശ്നങ്ങൾ അദ്ദേഹത്തിനുണ്ടായിരുന്നതാണ് സ്ഥിതി വഷളാകാൻ കാരണമായതെന്ന് പറയുന്നു. വെന്റിലേറ്ററിന്റെ സഹായത്തോടെ ശ്വസിച്ചിരുന്ന എസ്.പി.ബി.യുടെ നില മാറ്റമില്ലാതെ തുടർന്നതിനെത്തുടർന്ന് അദ്ദേഹത്തിന് എക്മോ ചികിത്സയും നൽകാൻ തീരുമാനിച്ചു. എസ്.പി.ബി.യുടെ രോഗമുക്തിയ്ക്കായി നിരവധി സ്ഥലങ്ങളിൽ പ്രാർത്ഥനായോഗങ്ങൾ നടന്നു. ഓഗസ്റ്റ് 20-ന് വൈകീട്ട് സൂം ആപ്ലിക്കേഷനിൽ നടന്ന അത്തരമൊരു യോഗത്തിൽ നിരവധി പ്രമുഖർ പങ്കെടുത്തു. എസ്.പി.ബി.യുടെ രോഗമുക്തിയ്ക്കായി ഓഗസ്റ്റ് 21-ന് ശബരിമല ക്ഷേത്രത്തിൽ തന്ത്രി കണ്ഠരര് രാജീവരുടെ നേതൃത്വത്തിൽ പ്രത്യേകപൂജയും മൂന്ന് കലാകാരന്മാരുടെ നേതൃത്വത്തിൽ നാദാർച്ചനയും നടത്തുകയുണ്ടായി. 1980-ൽ പുറത്തിറങ്ങിയ ശങ്കരാഭരണം എന്ന ചിത്രത്തിനുവേണ്ടി എസ്.പി.ബി. പാടിയ ശങ്കരാ.. നാദശരീരാപരാ.. എന്ന ഗാനം നാദസ്വരത്തിൽ വായിച്ചുകൊണ്ടായിരുന്നു നാദാർച്ചന. ഇതിനിടയിൽ അദ്ദേഹത്തിന്റെ ആരോഗ്യസ്ഥിതിയിൽ നേരിയ പുരോഗതിയുണ്ടാകുകയും ഓഗസ്റ്റ് 26-ന് അദ്ദേഹം ബോധം വീണ്ടെടുക്കുകയും ചെയ്തു.

തുടർന്നുള്ള ദിവസങ്ങളിൽ എസ്.പി.ബി.യുടെ ആരോഗ്യനില കൂടുതൽ മെച്ചപ്പെട്ടുവന്നു. ആശുപത്രി അധികൃതരും എസ്.പി.ബി.യുടെ മകൻ ചരണും അദ്ദേഹത്തിന്റെ ആരോഗ്യസ്ഥിതി വിശദമാക്കുന്ന കുറിപ്പുകളും വീഡിയോകളുമായി രംഗത്തുവന്നു. സെപ്റ്റംബർ 4-ന് നടത്തിയ പരിശോധനയിൽ എസ്.പി.ബി. കോവിഡ് മുക്തനായതായി സെപ്റ്റംബർ 7-ന് ചരൺ അറിയിച്ചു. എന്നാൽ, ശ്വാസകോശസംബന്ധമായ ബുദ്ധിമുട്ടുകൾ അനുഭവപ്പെട്ടിരുന്നതിനാൽ അദ്ദേഹം വെന്റിലേറ്ററിൽ തന്നെ തുടർന്നു. തുടർന്നും അദ്ദേഹത്തിന്റെ സ്ഥിതിയിൽ പുരോഗതി കാണുകയും സെപ്റ്റംബർ 19 ആയപ്പോഴേയ്ക്കും ഇരിയ്ക്കാൻ പറ്റുന്ന സ്ഥിതിയിലെത്തുകയും ചെയ്തു. എന്നാൽ, സെപ്റ്റംബർ 24-ന് വൈകീട്ട് ആശുപത്രി പുറത്തിറക്കിയ കുറിപ്പിൽ അദ്ദേഹത്തിന്റെ സ്ഥിതി വീണ്ടും മോശമാകുകയും ജീവൻ രക്ഷാ ഉപകരണങ്ങളുടെ സഹായം പൂർണ്ണതോതിൽ അദ്ദേഹത്തിന് നൽകാൻ തുടങ്ങുകയും ചെയ്തതായി അറിയിപ്പ് വന്നു. പിറ്റേന്ന് (സെപ്റ്റംബർ 25) രാവിലെ അദ്ദേഹത്തിന് ഹൃദയസ്തംഭനം സംഭവിയ്ക്കുകയും ഉച്ചയ്ക്ക് ഒരുമണിയോടെ മരണം സ്ഥിരീകരിയ്ക്കുകയും ചെയ്തു.

എസ്.പി.ബി.യുടെ മൃതദേഹം ചെന്നൈ നുങ്കമ്പാക്കത്തെ വീട്ടിൽ പൊതുദർശനത്തിനു വച്ചശേഷം ചെന്നൈ നഗരത്തിന്റെ വടക്കുഭാഗത്തുള്ള തെങ്കുന്ട്രം (റെഡ് ഹിൽസ്) എന്ന സ്ഥലത്തെ അദ്ദേഹത്തിന്റെ ഫാംഹൗസ് വളപ്പിൽ പൂർണ്ണ ഔദ്യോഗിക ബഹുമതികളോടെ സംസ്കരിച്ചു. കോവിഡ് മാനദണ്ഡങ്ങൾ പൂർണ്ണമായും പാലിച്ചുകൊണ്ടുനടത്തിയ ചടങ്ങിൽ 72 പോലീസുകാർ ആചാരവെടി മുഴക്കി.

*മലയാള ഗാനങ്ങൾ*

1969 കടൽപ്പാലം "ഈ കടലും മറുകടലും" ദേവരാജൻ വയലാർ രാമവർമ്മ
1979 സർപ്പം "സ്വർണ്ണമീനിന്റെ ചേലൊത്ത" കെ.ജെ. ജോയ് ബിച്ചു തിരുമല കെ ജെ യേശുദാസ്, പി. സുശീല, വാണി ജയറാം
1981 മുന്നേറ്റം "ചിരികൊണ്ടു പൊതിയും" ശ്യാം ശ്രീകുമാരൻ തമ്പി
1981 തുഷാരം "മഞ്ഞേ വാ" ശ്യാം ശ്രീകുമാരൻ തമ്പി കെ.ജെ. യേശുദാസ്
1981 ആക്രമണം "ലില്ലി ലില്ലി" ശ്യാം ശ്രീകുമാരൻ തമ്പി
1983 യുദ്ധം "കന്യകമാർക്കൊരു", "താരുണ്യത്തിൻ" ശങ്കർ ഗണേഷ് പൂവച്ചൽ ഖാദർ വാണി ജയറാം
1989 റാംജി റാവു സ്പീക്കിംഗ് "കലികാലം ഇത്" എസ്. ബാലകൃഷ്ണൻ പൂവച്ചൽ ഖാദർ
1991 കിലുക്കം "ഊട്ടിപ്പട്ടണം" എസ്.പി. വെങ്കിടേഷ് ബിച്ചു തിരുമല എം.ജി. ശ്രീകുമാർ, ചിത്ര
1991 അനശ്വരം "താരാപഥം","കല്ലെല്ലാം" ഇളയരാജാ കെ.എസ്. ചിത്ര
1993 ഓ ഫാബി "ഡിങ്കാരാ ഡിങ്കാരാ" ജോൺസൺ
2000 ഡാർലിങ് ഡാർലിങ് ഡാർലിങ് ഡാർലിങ്" (Version I) ഔസേപ്പച്ചൻ
2001 ദോസ്ത് "വാനം പോലെ" വിദ്യാസാഗർ എസ്. രമേശൻ നായർ ബിജു നാരായണൻ
2003 സി.ഐ.ഡി. മൂസ "മേനേ പ്യാർ കിയാ" വിദ്യാസാഗർ

1 day ago | [YT] | 114

Angamaly Diary

മലയാളസിനിമയിലെ മികച്ച തിരക്കഥാകൃത്ത് ലോഹിതദാസിന്റെ മകൻ ഹരികൃഷ്ണന്റെ വാക്കുകൾ..❤️
Mollywood എന്ത് ആവശ്യമുണ്ടെങ്കിലും ആദ്യം ഓടിയെത്തുന്ന കൈകൾ Mammootty യുടെയും Dileep ന്റെയും ആയിരിക്കും. ❤️👏
സിനിമാട്ടോഗ്രാഫറായി ഹരികൃഷ്ണൻ അരങ്ങേറ്റം കുറിച്ച ചിത്രം ധീരൻ🎬.
Mammookka ❤️ Dileepettan ❤️
#Dileep #Mammootty

1 day ago | [YT] | 354

Angamaly Diary

അവാർഡുകൾ വാരിക്കൂട്ടിയ മമ്മൂട്ടി .. ഇനിയും ഒരു 3 നാഷണൽ അവാർഡും 8 സംസ്ഥാനഅവാർഡും കൂടെ വരാൻ ഉണ്ട് #mammootty #NationalAward

1 day ago | [YT] | 1,646

Angamaly Diary

എം. മോഹനൻ
നാട്ടിൻപുറവും, നന്മ നിറഞ്ഞ മനുഷ്യരുമൊക്കെയായി ഈ തലമുറയിലും മികച്ച സിനിമകൾ ഒരുക്കാം എന്ന് തെളിയിച്ച സംവിധായകൻ..!
നടനും സംവിധായകനും തിരക്കഥാകൃത്തുമായ ശ്രീനിവാസന്റെ റിലേറ്റീവ് കൂടിയായ എം. മോഹനൻ ശ്രീനിവാസന്റെ തിരക്കഥയിൽ അദ്ദേഹത്തെ തന്നെ നായകനാക്കി 2007 ൽ "കഥ പറയുമ്പോൾ" ഒരുക്കിയാണ് തുടക്കം കുറിക്കുന്നത്.
ബാർബർ ബാലന്റെയും അശോക് രാജിന്റെയും സൗഹൃദ കഥ പറഞ്ഞ 'കഥ പറയുമ്പോൾ' മലയാളികൾക്ക് പരിചയപ്പെടുത്തൽ ആവശ്യമില്ലാത്ത സിനിമയാണ്. മികച്ച വിജയവും മികച്ച അഭിപ്രായവും നേടി കാലത്തെ അതിജീവിച്ചു ഇപ്പോഴും ആളുകൾ ഓർക്കുന്ന സിനിമ തന്നെയാണ് കഥ പറയുമ്പോൾ.
2011 ലെ പൃഥ്വിരാജ് ചിത്രം "മാണിക്യക്കല്ല്" ആണ് രണ്ടാം ചിത്രം. വിനയചന്ദ്രൻ മാഷിന്റെയും വണ്ണാമല സ്കൂളിന്റെയും കഥ പറഞ്ഞ ഈ സിനിമയുടെ സ്ക്രിപ്റ്റും സംവിധായകൻ മോഹനന്റെ തന്നെയായിരുന്നു. അഭിപ്രായം നേടിയെടുത്ത ഈ സിനിമയും വിജയം നേടി.
2012 ലെ "916" ആണ് എം. മോഹനന്റെ മൂന്നാം സിനിമ. അനൂപ് മേനോൻ, ആസിഫ് അലി, മുകേഷ് തുടങ്ങിയ താരങ്ങൾ പ്രധാന വേഷം ചെയ്ത ഈ ചിത്രം കുടുംബ ബന്ധങ്ങളിലൂടെ കഥ പറഞ്ഞ സിനിമയാണ്. എന്നാൽ സംവിധായകന്റെ മുൻ സിനിമകൾ പോലെ വലിയ ശ്രദ്ധ നേടിയില്ല ഈ ചിത്രം. ഇതും സ്വന്തം സ്ക്രിപ്റ്റിൽ തന്നെയാണ് എം. മോഹനൻ ചെയ്തത്.
സുരേഷ് ഗോപിയേയും ഹണി റോസിനെയും ബാലതാരം ആദർശിനെയും കേന്ദ്രകഥാപാത്രങ്ങളാക്കി 2015 ൽ പുറത്തുവന്ന "മൈ ഗോഡ്" ആണ് നാലാം സിനിമ. ജിയോ മാത്യു, നിജോ കുറ്റിക്കാട്, എം. മോഹനൻ എന്നിവർ ചേർന്ന് സ്ക്രിപ്റ്റ് ചെയ്ത ഈ സിനിമ ഒരു സ്കൂൾ വിദ്യാർത്ഥിയുടെ കഥയായിരുന്നു. ഈ സിനിമയും ശ്രദ്ധിക്കപ്പെട്ടില്ല.
രണ്ടു സിനിമകൾ ശ്രദ്ധിക്കപ്പെടാതെ പോയപ്പോൾ എം. മോഹനൻ 2018 ൽ തന്റെ അഞ്ചാം സിനിമയിലൂടെ മികച്ച വിജയവുമായി തിരിച്ചു വരുന്നതാണ് പിന്നീട് കണ്ടത്. വിനീത് ശ്രീനിവാസൻ, ശ്രീനിവാസൻ, നിഖില വിമൽ ടീമിന്റെ "അരവിന്ദന്റെ അതിഥികൾ" മികച്ച വിജയവും മികച്ച അഭിപ്രായവും നേടിയെടുത്തു. രാജേഷ് രാഘവൻ ആയിരുന്നു സ്ക്രിപ്റ്റ്.
2025 ൽ രാകേഷ് മണ്ടോടിയുടെ സ്ക്രിപ്റ്റിൽ "ഒരു ജാതി ജാതകം" ആണ് നിലവിൽ എം. മോഹനന്റെ ലാസ്റ്റ് റിലീസ്. വിനീത് ശ്രീനിവാസൻ നായകനായ ഈ ചിത്രം ഇദ്ദേഹത്തിന്റെ സ്ഥിരം ശൈലിയിലുള്ള നന്മ നിറഞ്ഞ കഥാപാത്രങ്ങളെയൊക്കെ ഒഴിവാക്കി ഒരു വെറൈറ്റി സമീപനം തന്നെയായിരുന്നു.
മികച്ച അഭിപ്രായം ലഭിച്ചില്ലെങ്കിലും തരക്കേടില്ലാത്ത വിജയം കിട്ടി ഈ ചിത്രത്തിന്.
അഭിലാഷ് പിള്ളയുടെ രചനയിൽ "ചോറ്റാനിക്കര ലക്ഷ്മിക്കുട്ടി" എന്ന പ്രൊജക്റ്റ്‌ ആണ് എം. മോഹനന്റെതായി പുതുതായി അനൗൺസ് ചെയ്ത സിനിമ.
കാലം മാറിയാലും പ്രേക്ഷകരുടെ മനസ്സിൽ ഇടം നേടുന്നത് മനുഷ്യരുടെ കഥകൾ തന്നെയാണെന്ന് തന്റെ സിനിമകളിലൂടെ പലപ്പോഴും ഓർമ്മിപ്പിച്ച എം. മോഹനനിൽ നിന്ന് ഇനിയും നല്ല സിനിമകൾ പ്രതീക്ഷിക്കാം.
"ചോറ്റാനിക്കര ലക്ഷ്മിക്കുട്ടി"യിലൂടെ വീണ്ടും തന്റെ സിനിമാ യാത്ര തുടരുമ്പോൾ, മലയാള സിനിമയിൽ തന്റേതായ ഒരു ഇടം അടയാളപ്പെടുത്തിയ ഈ സംവിധായകന്റെ അടുത്ത കഥയ്ക്കായി കാത്തിരിക്കാം.
എല്ലാവിധ ആശംസകളും.
#MMohanan

1 day ago | [YT] | 46

Angamaly Diary

ഉദിത് നാരായൺ പാടിയതിൽ വച്ച് നിങ്ങൾക്ക് ഏറ്റവും പ്രിയപ്പെട്ട ഗാനങ്ങൾ ഏതാണ്??
എനിക്ക് ഇഷ്ടം ❣️

ഹിന്ദി സിനിമ ഗാനങ്ങൾ :

1: janam dekh lo mit gayi dooriyan main yahaan hoon (veer zara - 2004)

2 : humko humise chura lo (Mohabbatein - 2000)

3 : bholi si surat aankhon mein masti dur khadi sharmaye (dil to pagal hai - 1997)

4 : ae ajnabi tu bhi kabhi aawaaz de kahin se (dil se - 1998)

5 : kaho naa... pyaar hai title song (kaho na pyar hai - 2000)

6 : mehndi laga ke rakhna (dilwale dulhania le jayenge -1995)

7 : dil ne yeh kaha hain dil se ( dhadkhan- 2000)

8 : bechainiyaan betaabiyaan Yeh dooriyaan majbooriyaan Mushkil bada yeh pyaar hai, yeh pyaar hai (gupt - 1997)

9 : yaar badal na jaana mausam ki tarah (Talaash: The Hunt Begins - 2003)

10: hum to dil se hare, ( josh - 2000)

11 : Mujhe Neend Na Aaye (dil - 1990)

12 : aye mere humsafar ek zara intezar (Qayamat Se Qayamat Tak - 1988)

13 : ishq hua kaise hua achcha hua (ishq - 1997)

14 : kitna bechain hoke tumse mila (kasoor - 2001)

15: 0 sathiya o beliya ( saaya - 2003)

16 : Jaadu Teri Nazar (darr -1993)

17 : jo bhi kasme khai thi humne , kitna pyara hai ye chehra (raaz - 2002)

മലയാളം സിനിമ ഗാനങ്ങൾ :

1: ഒരു കിന്നരഗാനം മൂളി ഒളിക്കും (speed track - 2007)

2 : സുന്ദരി ഒന്നു പറയൂ പ്രാണസഖി (lion (ലയൺ) - 2006)

3 : മുന്തിരി പാടം പൂത്തു നിൽക്കണ" (kochi rajavu -2005)

തമിഴ് സിനിമ ഗാനങ്ങൾ :

1 "Thaen Thaen Thaen" : (kuruvi - 2007)

2 : soniya soniya soka vaikum soniya
Kaadhalil nee endha vagai kooru : (Ratchagan - 1997)

3 : Sahana saaral thoovutho

Sahara pookal poothatho oo (sivaji : 2007)

4 : pathinettu vayathil enna pidikkum (villain : 2002 )

5 : kiliye kiliye kiliyakka: (ji -2005)

6 : Engeyo Paartha (Yaaradi Nee Mohini - (2008)

2 days ago | [YT] | 28

Angamaly Diary

🌹 ആദരാഞ്ജലികൾ 🌹

2 days ago | [YT] | 64

Angamaly Diary

🌹 ഓർമ്മപ്പൂക്കൾ 🌹

2 days ago (edited) | [YT] | 203

Angamaly Diary

ഒരു പോസ്റ്റ്‌ കണ്ടു 💔🙏 ; മമ്മൂട്ടി ഇന്ത്യയിൽ ഏറ്റവും കൂടുതൽ നാഷണൽ അവാർഡ് ഉള്ള ആളായിരിക്കും. പക്ഷേ അയാളുടെ സിനിമകൾ കണ്ടവർക്ക് അറിയാം നാലെണ്ണം ഒന്നുമല്ലായിരുന്നു അദ്ദേഹത്തിന് കിട്ടേണ്ടത് എന്ന്. ഒന്നാമത്തെ കാര്യം, ‘ ഇന്ത്യയിൽ ഏറ്റവും കൂടുതൽ നാഷണൽ അവാർഡ് ഉള്ള ആളാണ്’ മമ്മൂക്കയെന്ന് അങ്ങനെ ഏകവചനത്തിൽ പറയുന്നത് ശരിയല്ല. അതായത് ദേശീയ തലത്തിൽ, മികച്ച നടൻ വിഭാഗത്തിൽ അമിതാഭ് ബച്ചനുമുണ്ട് നാല് പുരസ്‌കാരങ്ങൾ. അതിനാൽഏറ്റവും കൂടുതൽ തവണ മികച്ച നടനുള്ള ദേശീയ പുരസ്കാരം നേടിയവരിൽ ഒരാൾ എന്നാണ് മമ്മൂക്കയെ പറയേണ്ടത്. പിന്നെ ആ പോസ്റ്റിൽ പറഞ്ഞ കാര്യം, അത് സത്യമാണ്. അയാളുടെ സിനിമകൾ കണ്ടവർക്ക് അറിയാം നാലെണ്ണം ഒന്നുമല്ലായിരുന്നു അദ്ദേഹത്തിന് കിട്ടേണ്ടത് എന്ന്. കാരണം മമ്മൂട്ടി എന്ന മഹാനടൻ പ്രേക്ഷകർക്ക് നൽകിയ അനുഭവം അത്രത്തോളം വലുതാണ്. സൊ അങ്ങനെ പലതും പറഞ്ഞ് പോകും.
അല്ലെങ്കിലും മമ്മൂട്ടിയുടെ അഭിനയജീവിതത്തിലേക്ക് തിരിഞ്ഞുനോക്കുമ്പോൾ, ദേശീയ പുരസ്കാരത്തിന് പരിഗണിക്കപ്പെടാവുന്ന പ്രകടനങ്ങളായി പ്രേക്ഷകർ തന്നെ വിലയിരുത്തുന്ന ഒട്ടേറെ കഥാപാത്രങ്ങൾ വേറെയുണ്ട്. പക്ഷേ അതൊന്നും ദേശീയ അവാർഡിന് പരിഗണിച്ചില്ല എന്നതാണ് യാഥാർഥ്യം. ചിലതൊക്കെ അതിന്റെ കാലത്ത് പോലും അംഗീകാരത്തിനായി ചർച്ച ചെയ്യപ്പെട്ടില്ല. പക്ഷേ അവയൊക്കെ അംഗീകാരത്തിനപ്പുറം പോയി, പ്രേക്ഷകരുടെ ഓർമ്മയിൽ തന്നെ സ്ഥിരതാമസമാക്കി എന്നതാണ് സത്യം. അതുകൊണ്ടാണല്ലോ ഇപ്പോൾ ഇതുപോലൊക്കെയുള്ള ചില സ്റ്റേറ്റ്മെന്റുകൾ പ്രേക്ഷകർക്ക് പറയേണ്ടി വരുന്നത്.
പിന്നെ പുരസ്കാരമൊക്കെ ഒരു നടന്റെ കഴിവിനെ അംഗീകരിക്കുന്ന ഒന്ന് മാത്രമാണ്. പക്ഷേ ഒരു നടൻ ചെയ്ത കഥാപാത്രത്തെ വർഷങ്ങൾക്കിപ്പുറവും പ്രേക്ഷകർ ഓർത്തുകൊണ്ടിരിക്കുകയാണെങ്കിൽ, അവിടെ ആ നടന് ലഭിക്കുന്ന അംഗീകാരമെന്നത് ഒരിക്കലും ഒരു പുരസ്കാരത്തിന്റെ പരിധിയിൽ ഒതുങ്ങുന്നതല്ല.
ആ അംഗീകാരത്തിലാണ് മമ്മൂട്ടി ഇപ്പോൾ നിലനിൽക്കുന്നത്. ജന്മനസ്സിന്റെ അംഗീകാരം 💔🔥

From a FB Forwarded Message

2 days ago | [YT] | 1,155

Angamaly Diary

Thank You

3 days ago | [YT] | 9

Angamaly Diary

ആദരാഞ്ജലികൾ

വാർധക്യസഹജമായ അസുഖങ്ങളെ തുടർന്ന് സാവിത്രി ശ്രീധരൻ ഓർമയാകുമ്പോൾ ബാക്കിയാകുന്നത് അവർ അഭിനയിച്ചു തീർത്തവേഷങ്ങളാണ്... സത്യത്തിൽ അവർ ആ കഥാപാത്രങ്ങൾ അഭിനയിക്കുകയായിരുന്നില്ല, ജീവിക്കുകയായിരുന്നു... അതുകൊണ്ടാവണം, ആ കഥാപാത്രങ്ങൾ ഇപ്പോഴും പ്രേക്ഷക മനസ്സിൽ അത്രയും തെളിമയോടെ നിൽക്കുന്നത്....

3 days ago (edited) | [YT] | 118