Ashapur Sharif - Invidious

Ashapur Sharif

Official page of the Shrine of Sufi Saint Sani-e-Makhdoom Do Jahaan Hazrat Alaa'uddin Ali Ahmed Sabir (RA)
(Isha'at-e-Deen-e-Haq)

View channel on YouTube

Switch Invidious Instance

Videos

Shorts

Livestreams

Posts

Ashapur Sharif

Tamaam Alam-e-Insaniyat Ko
Dargah-e-Aalia, ASHAPUR SHARIF,
Ki Jaanib Se Maah-e-Ramadan Ki Purkhulus Mubarakbaad.

___________________________________

Maah e Ramazaan-ul- Mubarak.

(माहे रमज़ान-उल-मुबारक)

Ramazaan lafz ‘Ramad’ se bana hai jis ka ma’ana hai Tapaana ya Jala dena.
Is mubarak mahine me musalman Roze ki ibaadat me bhuk pyaas ki shiddat bardaasht karte hain aur ALLĀH ta’ala apne fazl wa rahmat se un ke gunaah jalaakar mita deta hai aur Parhezgaari ki taufiq ata farmaata hai.

Maah e Ramazaan-ul-Mubarak ki fazeelat :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
Qur'ān :

2 Soorah al-Baqarah, Aayat 185 :

Ramazaan ka mahina (mubarak hai) jis me Qur'ān naazil hua hai jo logo ke liye hidaayat hai aur raahnumaai karne waala hai aur (haq wa baatil me) imtiyaaz karne waali nishaaniya hain, Pas tum me se jo koi is mahine ko paa le to wo us ke Roze zaroor rakhe aur jo koi beemaar ho ya safar par ho to dusre dino (ke roze) se ginti puri kare, ALLĀH tumhare haq me aasaani chaahta hai aur tumhare liye dushwaari nahi chaahta, Aur is liye ke tum ginti puri kar sako aur us ne tumhe jo hidaayat farmaai hai us par us ki badai bayaan karo aur is liye ke tum shukr guzaar ban jaao.

Hadeeṡe Nabawi :

Hazrate Abu Huraira radiy-Allāhu ta’ala anhu se riwaayat hai ki :
Huzoor Nabi e kareem sallallāhu alaihi wa sallam ne irshaad farmaaya

“Jab Maahe Ramazaan ki pehli raat hoti hai to shaitaan aur sarkash jinn qaid kar liye jaate hain aur Jahannam ke darwaaze band kar diye jaate hain aur un me se koi darwaaza khola nahi jaata aur Jannat ke darwaaze khol diye jaate hain aur un me se koi darwaaza band nahi kya jaata aur Munaadi pukaarta hai, Aye khair ki talab karne waale, Mutawajjeh ho aur burai ka iraada rakhne wale burai se baaz reh aur ALLĀH ta’ala bahot se logo ko dozakh se aazaad karta hai aur har raat aisa hota hai.”

(Tirmizi; Ibne Maajah)

#ramadankareem #ramadan2025 #ramadan #ramadanmubarak #ramadan1446 #ramadan_nights #ramzanmubarak #ramazan #ramzan #ramzan_kareem #ashapursharif #islam #ramazanulmubarak #roza #fast #fasting #mubarak #quran #ibadat #ibadat_islam #maaheramadan #maaheramzan #1stramadhan