This is Dimple..
Who is complicated yet very very simple..
Dancing, Anchoring,Poetry Debating,Acting are my passion..
I am a performing artist and student by profession..
I prefer creativity along with innovation..
With my lively personality and cheerful aura I wanna bring in a major transformation..
My parents are my everything..
And Thankful to God for making me a Human Being..
I like to express myself in rhythmic presentation..
Because melody merged with words is a beautiful combination and narration..
I wish well for everyone..
I will definitely rise like the indelible sun..
Aspiring to cherish each and every moment of life making memories and having fun..
I just wish..
With genuine people whatever happens let that be only good..
Because they are the ultimate source of humanity and their essence is pleasant as sandal wood..
Nowadays Microphones have become my bffs too..
Expressing emotions, sharing happiness, greeting others and making memories is definitely the best part of life.
Dimple Diaries
I’ll be at Delhi Airport tomorrow(5 oct) from 10:30 AM to 12:30 PM. If anyone is around and would like to meet, please feel free to come by... Would be lovely to meet you all..
3 days ago | [YT] | 29
View 2 replies
Dimple Diaries
Kuch rishte samay ke saath khatam nahi hote... woh bas aankhon se ojhal hokar hriday mein aur gehre utar jaate hain... 🥺🙏
Aaj hamare Gurudev Maharaj hamare beech apne deh roop mein nahi rahe... aur is sach ko sweekar karna shabdon mein jitna aasaan lagta hai... andar se utna hi kathin hai...
Unke saath bitaye hue pal... unka sneh... unka aashirwad... unki vaani... aur unki woh divya upasthiti... aaj sab kuch yaadon ke roop mein mere paas hai...
In tasveeron ko dekhte hue aisa lagta hai jaise samay kuch pal ke liye thehar jaaye... jaise woh abhi bhi hamare saamne baithe hon... aur unki wahi kripa-drishti hum sab par bani hui ho... ❤️🩹
Guru ka sthaan sirf jeevan mein nahi hota... Guru toh jeevan ki disha ban jaate hain... unka sharir hamare beech na ho... lekin unke diye hue sanskaar... unki shiksha... aur unka aashirwad sadaiv hamare saath chalta rahega...
Aaj aankhein nam hain... hriday bhaari hai... lekin mann mein ek hi prarthana hai... Hey Thakur Ji... hamare Gurudev ko apni nitya seva mein sthaan dijiye... aur humein itna saamarthya dijiye ki hum unke bataye hue marg par sada chalte rahein... 🙏
Gurudev Maharaj... aapke charanon mein koti-koti pranam... 🌸
Aap hamare beech nahi hain... par hamare hriday mein... hamari bhakti mein... aur hamari har prarthana mein sadaiv rahenge...
Aapki smritiyan hamare liye sirf yaadein nahi hain... yeh hamare jeevan ki sabse anmol dharohar hain... 🕊️🙏
Radhe Radhe... Gurudev Maharaj... 🌸
3 days ago | [YT] | 45
View 4 replies
Dimple Diaries
Sabke liye achha sochte-sochte bhi kabhi kabhi yahi sansaar rula deta hai...
Jinke liye dil saaf rakha, wahi galat samajh lete hain...
Jinhe apna samjha, wahi kabhi kabhi dil dukha dete hain...
Aur phir insaan chup ho jaata hai... na shikayat karta hai, na kisi se kuch kehta hai.
Par koi baat nahi...
Ye saare aansu bhi seh lenge.
Har woh baat jo dil ko tod gayi, Thakur Ji se keh lenge...
Kyunki duniya ke saamne har baar khud ko samjhana zaroori nahi hota...
Kabhi kabhi bas apne Thakur Ji ke saamne ro lena hi kaafi hota hai.
Sansaar chahe jitna rula le...
Hum apna dil phir bhi kadwa nahi hone denge.
Bas itna sa bharosa rakhenge...
“Thakur Ji, aap dekh rahe ho na?”
Baaki sab aapko keh denge... 🥺
6 days ago | [YT] | 23
View 5 replies
Dimple Diaries
Thakur Ji... ek time tha jab mujhe bhi lagta tha ki meri life mein koi best friend ho... koi favourite person ho... koi aisa insaan ho jiske saath main bina soche sab kuch share kar sakun.
Lekin ab jo kuch aas-paas dekh rahi hoon... uske baad bas ek hi baat mann mein aati hai...
Aap hi mere best friend ban jao na, Thakur Ji... aap hi mere favourite person. ❤️
Mujhe in attachment, expectations aur emotional confusion ke chakkaron mein baar-baar khud ko hurt nahi karna. Kisi se kuch expect karke phir us expectation ke tootne ka dard nahi chahiye.
Aur haan... mujhe har cheez khud experience karke hi seekhni zaroori nahi hai.
Dusron ke experiences dekhkar bhi seekha ja sakta hai... aur maine seekh liya hai.
Isliye mujhe itna samajh de dena ki jo cheez mujhe aapse door kare, usmein mera mann zyada der tak atke hi nahi...
Mujhe duniya se rishton ko todna nahi hai... bas apni shanti kisi ke behaviour ke hawale nahi karni.
Aap mere ho... aur mere liye itna kaafi hai.
Govinda... Govinda. ❤️
1 week ago | [YT] | 7
View 4 replies
Dimple Diaries
Thakur Ji... bas ek kripa karna...
Mujhe kabhi us cheez ki taraf attraction mat dena jo mere liye sahi nahi hai... jo bahar se khoobsurat lage, lekin dheere-dheere mujhe aapse door kar de.
Jo mere liye nahi hai, uske liye mere mann mein itni ichha hi mat jagne dena ki main aapko bhoolkar uske peeche bhaagne lagun.
Mujhe har woh cheez dekhne ka vivek dena jo meri bhakti, meri shanti aur mere character ko kamzor kare... aur usse chhod dene ki strength bhi.
Mujhe woh mat dena jo mujhe aapse door kare...
aur jo mujhe aapke aur paas laaye, uske liye mera mann hamesha khula rakhna.
Govinda... Govinda. ❤️
1 week ago | [YT] | 1
View 5 replies
Dimple Diaries
Thakur Ji... ghosting bhi ajeeb cheez hai na...
Ek din koi aata hai... itni warmth ke saath baat karta hai jaise kal se nahi, saalon se jaanta ho. Phir achanak gayab... bina explanation, bina closure.
Phir kabhi wapas aata hai... jaise kuch hua hi nahi. Thodi baatein, thoda connection... aur phir dobara gayab.
Pehle lagta tha, shayad mujhse kuch galat hua hoga... shayad mujhe samajhna chahiye. Lekin ab lagta hai... har baar kisi ke disappear hone ka reason dhoondhna bhi zaroori nahi hai.
Jo insaan consistently presence nahi de sakta, uski inconsistency ko samajhne mein apni peace kharch karna bhi kyun?
Aapne shayad ye bhi samjha diya, Thakur Ji...
jo baar-baar aata aur jaata rahe, usse pakad kar rakhna zaroori nahi... kabhi-kabhi uska chale jaana hi clarity hoti hai.
Mujhe kisi ke aane-jaane se apni emotional stability decide nahi karni.
Logon ke footsteps temporary ho sakte hain...
lekin aapki presence mere liye kabhi on-and-off nahi hoti.
Govinda... Govinda. ❤️
1 week ago | [YT] | 2
View 3 replies
Dimple Diaries
Thakur Ji... ek cheez jo mujhe sabse zyada disturbing lagti hai, woh hai silent treatment.
Naraz hona samajh mein aata hai... thoda space lena bhi samajh mein aata hai... lekin jaan-bujhkar saamne wale ko silence mein rakhna, usse guess karne dena ki usne kya galat kiya, aur communication ka darwaza hi band kar dena... ye bahut hurt karta hai.
Kabhi-kabhi words se zyada silence confuse karta hai... kyunki words mein kam se kam clarity hoti hai, silence mein insaan khud hi hundred possibilities sochne lagta hai.
Aur Thakur Ji... shayad isi liye aap mujhe sikha rahe ho ki har silence ka answer mujhe kisi insaan se maangna zaroori nahi.
Agar koi baat karna chahta hai, toh woh baat karega...
agar koi clarify karna chahta hai, toh karega...
aur agar koi silence choose karta hai, toh mujhe us silence ke peeche bhaagte rehna bhi zaroori nahi.
Mujhe har unanswered question ka answer kisi insaan se nahi chahiye... kuch answers waqt dega, kuch situations deengi, aur jo sabse zaroori hoga... woh aap samjha doge.
Bas itna seekhna hai...
kisi ke silence ko apni worth ka measurement nahi banana hai.
Govinda... Govinda. ❤️
1 week ago | [YT] | 1
View 1 reply
Dimple Diaries
Thakur Ji... ab mujhe aapki baat samajh aa rahi hai.
Maine kabhi ye nahi kaha tha ki mujhe kisi insaan ke bina jeena hai... ya mujhe kisi par dependent hona hai. Bas itna samajhna chahti thi ki is duniya mein kaun sa rishta kitna sachcha hai... kis par kitna bharosa kiya ja sakta hai.
Lekin aas-paas jo dekh rahi hoon... logon ke rishte, unki priorities, commitment se bachne ka tareeka, aur emotions ko lekar itni uncertainty... usne ek baat bahut clearly samjha di.
Insaan apni jagah khoobsurat ho sakte hain... lekin meri poori emotional duniya banne ke liye koi insaan bana hi nahi hai.
Aur shayad aap mujhe yehi samjha rahe the...
Ki logon se prem karo... unki izzat karo... rishte nibhao... lekin apni poornata unse mat maango.
Kyunki jo sthirta, jo shanti aur jo nishchint belonging main dhoondh rahi thi...
woh kisi insaan ke paas thi hi nahi. Woh toh shuru se aapke paas thi.
Ab kisi se shikayat nahi hai, Thakur Ji...
Bas samajh aa gaya hai.
Duniya mein bahut log apne ho sakte hain...
par ant mein meri sharan, meri shanti aur mera apnapan... aap hi ho.
Govinda... Govinda. ❤️
1 week ago | [YT] | 0
View 2 replies
Dimple Diaries
Thakur Ji... kabhi kabhi sach mein bahut thak jaati hoon aapse baatein karte karte...
Nahi, aapse nahi... is duniya ko samajhte samajhte...
Aapne itna bada sansaar banaya... itne saare rishte banaye... itne saare log ek doosre ki zindagi mein bheje... phir bhi pata hai kya lagta hai? Kisi ko apna kehne se pehle hi darr lagne laga hai... kahin woh badal na jaaye... kahin chhod na de... kahin meri feelings uske liye utni important hi na ho jitni woh mere liye hain...
Kisko apna best friend bolun, Thakur Ji?
Kiske saamne bina soche apna mann kholun?
Kisse kahun ki aaj main theek nahi hoon... bina is darr ke ki kal meri vulnerability hi mere khilaaf use ho jaaye?
Aajkal lagta hai sabko saath chahiye... lekin responsibility nahi.
Sabko attention chahiye... care chahiye... emotional support chahiye... lekin commitment ki baat aate hi sab peeche hat jaate hain.
Aur jo sach mein dil se jud jaata hai... wahi aakhir mein apne hi bharose ke tukde uthata reh jaata hai...
Toh phir aap hi batao na Thakur Ji...
Aapne ye kaisi duniya banayi hai? 🥺
Shayad... dheere-dheere mujhe aapka ishara samajh aa raha hai...
Shayad aap baar-baar yahi sikha rahe ho ki...
“Jise tum bahar dhoondh rahi ho... woh poornata tumhe mere alawa kahin nahi milegi.”
Baaki rishte khoobsurat ho sakte hain... sacche bhi ho sakte hain... lekin koi bhi rishta aapki jagah nahi le sakta.
Isliye ab jab mann bahut bhar jaaye na...
Main kisi se shikayat karne nahi aaungi...
Seedha aapke paas aakar baith jaungi...
Aur bas itna kahungi...
“Thakur Ji... aaj phir ye duniya samajh nahi aayi... aap hi samjha do.” 🥺❤️
Govinda... Govinda... ✨
1 week ago | [YT] | 1
View 3 replies
Dimple Diaries
You wake up some mornings unsure whether you are tired or simply overwhelmed by everything you are expected to figure out. The future, money, work, relationships, family, and the constant question of whether you are doing enough. You open your phone and see people moving forward while you are still trying to decide which direction feels right for you. Someone has a new job, someone is travelling, someone is getting married, someone seems completely sure of their life. You are happy for them, but you still wonder where you are supposed to be.
2 weeks ago | [YT] | 44
View 5 replies
Load more