聰場 Chung Pitch

【正能在你心🫶】呢個世界真係有無限可能，又點估到做了XX年記者，有朝一日會做娛記吖🤣。Viu劇《弊傢伙！我要去祓魔》播完第一集，訊息量實在多到滿瀉，忍唔住要出條片介紹吓，第二朝起身竟然見到「端木零」岑樂怡（阿妹）留咗言🤩！跟住再見到「無邪師傅」強尼、「戚導」戚家基share埋🥳；過幾日再出多條片，連有2300度陰陽眼嘅「路嘉敏」Kathy仔都share咗😍，喂三個主角加導演喎，唔係KK園騙案喎，係真個喎😆（到而家依然覺得好唔真實）。

然後老友私訊我，「我識戚導喎，想唔想搵佢傾吓呀？」我話吓人哋要做宣傳又盛又有其他嘢忙，邊得閒應我呀？結果我老友問完10分鐘後得到回覆，「任你訪」😱😱😱。最後，事就這樣成了。


已經N年未做過訪問，更從未同娛樂圈中人做訪問，自問咁多年亦唔係一個「識得訪問」嘅記者，所以預備時都有點戰戰兢兢（最後我將呢次定位為「傾偈」）。感激阿妹同戚導付出寶貴的時間同包容，成就了我的人生成就解鎖😆，把我那些帶點虛無帶點無聊嘅問題，答得實實在在，內容豐富且有意思。短短傾談，感受到你哋嘅善良、真誠，對信念執著同堅持，仲有對世界依然存著滿心盼望。



期待你哋有更多精彩作品，娛樂大眾之餘，亦令我哋見到更多人性嘅真善美。🤗

出咗四條片講《祓魔》，link喺度，記得CLSS呀！
https://youtu.be/mtkAQR8AE9c
https://youtu.be/DeA7tmHOw-Y
https://youtu.be/KZ6MhNxd-_M
https://youtu.be/u9Vx5UGX9ck

#二次元中二病非現實零科幻勁搞笑超感動有今生冇來世神劇
#弊傢伙我要去祓魔
#正能在你心
#繼續中二
#繼續熱血
#不暴走
#不爛尾
#左膠陰陽眼

7 months ago | [YT] | 204

聰場 Chung Pitch

要記得嘅，始終會記得。

1 year ago | [YT] | 179

聰場 Chung Pitch

胡思久病初癒，為免操勞，是日（22/3） #拉闊天台 暫停一次。🙂

1 year ago | [YT] | 79

聰場 Chung Pitch

好記得這一幅相，是2016年初100毛那個「勁曲金曲分獎典禮」後無幾耐影的（睇番相片檔案名，是2016年1月25日，正正是當年搞到大帽山結冰那個超級寒潮後第二日）。那天返工時在廣播道碰個正著，我二話不說講咗句「HI，可摸耳影張相呀。」（連人哋個名都無嗌，幾無禮貌）

當年「河布仙尼」把《亞視永恆》這首二創歌推到一個地步，就是當大家再聽到《愛是永恆》時，不會再有甚麼感動，而是會忍唔住笑。這晚網上再睇到他當日演出片段，已經忘記了原來他在領獎時講咗一句：「多謝香港人。」

還記得那個晚上，身邊已經N世無睇電視的朋友，成晚望住電視機，笑到肚痛。那時候的香港人，仲會為真心好笑的事情，笑餐飽。

我們永遠都不會明白，他心裡面對的那份痛楚，是怎樣的巨大，才會有這樣的選擇。

感謝你卅多年來，帶給我們一段又一段回憶。

求助熱線
「情緒通」精神健康支援熱線：18111
生命熱線：2382 0000
撒瑪利亞防止自殺會：2389 2222
明愛向晴軒：18288

1 year ago (edited) | [YT] | 402

聰場 Chung Pitch

想告訴不熟悉YouTube運作的朋友一件事——剪這樣一條20分鐘影片，要用了我幾天、前前後後廿幾個鐘頭（因為部laptop太雞😌），又要effect又諗分鏡又加字幕又盛，然後個流量呢（views呀like呀），一定少過我隨口噏直播20分鐘好多🙈，加上因為翻唱別人的歌（YouTube好叻會即時scan到），沒有廣告收入❌💰，所以用成本效益計算的話，絕對是一件蝕本貨。

不過這個世界，不一定所有東西，都必然要計算回報；也不是所有回報，都可以計算出來。

我從來沒把自己channel當作一間公司／一盤生意，也大概沒有本事可以每日出片就輕易賺到基本生活費，但「聰場」可以讓我跟相識與不相識的朋友，分享生活與生命，彼此交流互勉，也令自己可以達成一些從沒想過可以完成的事，例如可以不負責任地虐待大家的耳仔（希望出完兩條唱歌片不會觸發退訂潮吧）。那些歌聲一點都不重要（琴音就很重要，因為樂手真係好勁），重要的是盼望大家能透過音樂，感受到那份情懷、那份記憶、那份激勵。🤗

感謝大家的包容與支持。記得睇最新唱K片呀😁🎤🎵🎹🎸＞＞＞ https://youtu.be/ACWBhgs6bWk

Skip the Carousel

1 2 3 4

1 year ago | [YT] | 156

聰場 Chung Pitch

這首歌，這幾年，伴著很多香港人，走過一段段傷痛之路。

離開香港前一星期，在紅館看小明。當日此曲前奏甫響起，男人老狗的我，也顧不了有幾位中女戰友在旁，淚腺頓時崩塌。那刻想起這個地方變得面目全非，想起對未來的迷茫彷徨，我沒能力把淚水止住。

相隔兩年，不同的時空，同樣的歌聲，我不再感到憂傷，只覺溫暖與親切。小明這晚很努力很努力「講嘢」，說話總長度可能比那一次紅館show多了一倍也不止。她從不用激情來感染觀眾，但她就像朋友一樣，耐心聽著你細意傾訴，然後會溫柔且堅定的跟你說：「你有多難過，我都知。」

多謝妳遠道而來，用充滿感染力的歌聲，帶來安慰與鼓勵。

活著就無悔地，懷著謙卑，一同面對不安天氣。

#方皓玟 #CharmaineFong

1 year ago (edited) | [YT] | 209

聰場 Chung Pitch

朋友在香港搭車時遇到一班目測似七十後的韓國人，原本無乜特別，但赫然發現有人掛著“Leslie Cheung”的鎖匙扣，另一人更有“Leslie Cheung”字樣的紋身。朋友隨即搭訕，原來他們全是專程來港慶祝偶像這天生日（9月12日）的超級fans，仲話每年都會嚟兩次，另一次就是4月1日。

八十年代張國榮在日韓的受歡迎程度，絕不下於今時今日蜚聲國際的韓星。一代巨星殞落廿年，想不到今日仍然可以帶動到香港的旅遊業，為振興香港經濟與GDP出一分力。

如果一啲嘢本身有吸引力，就會好似這班韓國「哥迷」，唔使特登請都自然會來，使鬼搞咁多嘢吖。

（Photo Credit: SK）

2 years ago (edited) | [YT] | 166

聰場 Chung Pitch

唔知係咪錯覺，今日超市特別多人（尤其凍櫃那邊），可能大家都想搵個理由入嚟避暑。

9月的英國南部，連續一星期去到攝氏30度以上，不少本地人都話未試過。今年夏天真係好特別，6月熱到破紀錄，7、8月涼浸浸（有幾日誇張到朝早唔夠10度，見有人著羽絨），然後9月整個遲來的熱浪。

捱埋今個周末啦，下星期會去番十零廿度㗎啦（信住先）。

2 years ago | [YT] | 148

聰場 Chung Pitch

今次是2021年10月「獅子山」襲港後再次 #黑雨，雨帶從南至北「劏穿」香港，大家如果仲未返屋企，留喺安全地點避吓穩陣啲。仲未落完，諸位萬事小心！

2 years ago | [YT] | 119

聰場 Chung Pitch

呢兩日做咗好幾次直播，今晚要抖抖了。蘇拉韌力驚人，埋岸時堅拒減弱，但最後都算放過香港一馬，破壞程度應該比山竹低，實屬萬幸。

願大家都平安。

2 years ago (edited) | [YT] | 191