Dr.Rəfadar Xəlilov
Oftalmoloq cərrah Dr.Rəfadar Xəlilov 25 ildir katarakt, qlaukoma, keratokonus, çəpgözlük, ekzimer lazer kimi əməliyyatları və müalicələrini aparır. Fəaliyyəti dövründə 20 minə yaxını refraktiv olmaqla on minlərlə oftalmoloji cərrahi əməliyyat icra edib. Tibb Elmləri Namizədi Dr.Rəfadar Xəlilov 30-a yaxın elmi məqalənin müəllifi, 2 səmərələşdirici təklifə və 1 elmi yeniliyə görə patent sahibidir. Türkiyə Oftalmoloji, Avropa və Amerika Katarakt və Refraktiv Cərrahiyyəsi Dərnəklərinin üzvüdür. Fəaliyyətini AYNA Göz Lazer Mərkəzində davam etdirir.
Dr.Rəfadar Xəlilov
Ramazan ayınız mübarək!
#RafadarXalilov #Ramazan
1 day ago | [YT] | 12
View 1 reply
Dr.Rəfadar Xəlilov
Eksimer Lazer əməliyyatından sonra gözdə quruluq və nəmləndiricidən istifadə
Ümumiyyətlə, eksimer lazer əməliyyatından sonra 6 ay müddətində quruluq gözlədiyimiz bir narahatlıqdır və mütləq nəmləndirici damcılar yazırıq.
Hazırda monitorla işlər çoxalıb. Buna bağlı olaraq əməliyyat olunsa da, olunmasa da çox insanda gözdə quruluq müşahidə olunur.
Əgər əməliyyatdan sonrakı periodda monitor (kompyuter və ya telefon) işi günün böyük hissəsini təşkil edirsə, istər-istəməz bu pasiyentlərdə quruluq 6 aydan sonra da davam edəcək.
6 aydan sonrakı nəmləndirici istifadəsi artıq əməliyyata bağlı deyil. O bizim peşəmizlə, sənətimizlə, gündəlik işimizlə əlaqədardır.
#RafadarXalilov #Zəifgörmə #GözdəQuruluq #GözDamcısı #Nəmləndirici
5 days ago | [YT] | 10
View 0 replies
Dr.Rəfadar Xəlilov
Bir az yaşa dolmusunuz, yaxın üçün eynək taxırsınız, amma orta və uzaq məsafədə eynəyə ehtiyacınız yoxdur. Yarım saat - 1 saat kitab oxuyarkən eynəyi taxıb otura bilərsiniz. Amma tez-tez həm yaxın, həm orta, həm də uzaq məsafədə yaxşı görüntü lazım olduqda nə etməli? Məsələn, avtomobil sürərkən... Hər dəfə eynəyi taxıb-çıxarmaq yaxşı həll yolu deyil.
Bu vaxt proqressiv şüşəli eynəklər köməyimizə çatır. Onlara multifokal eynək də deyirlər. Eynəyin yuxarı hissəsi ayrı, orta hissəsi ayrı, aşağı hissəsini isə ayrı fokal məsafəyə sahib olur. Aradaki keçidlər də bifokaldakı kimi kəskin xəttlə yox, "yumuşaq" keçidlərdir. Eynəyə alışdıqdan sonra siz eynəyin yuxarısı ilə uzağı, ortası ilə yaxın məsafəni, aşağısı ilə isə yaxını rahat görürsünüz. Bu normal insan gözünün görməyinə yaxın görmə imkanı verir.
#RafadarXalilov #Zəifgörmə #Presbiopiya #Miopiya #OptikEynək
1 week ago | [YT] | 15
View 1 reply
Dr.Rəfadar Xəlilov
Yaşa dolduqca insanlar yaxını pis görməyə başlayırlar. Bunun üçün yaxın eynəyi taxırlar. Buna "oxuma eynəyi" də deyirlər.
Bəzi insanların isə, onsuz da uzaqgörmə ilə bağlı problemləri var idi. Onlar uzaq üçün də eynək taxırlar. Yaşlılıqda yaxın üçün də eynək taxmalı olurlar. Yəni gün ərzində tez-tez eynəklərini dəyişdirməli olurlar.
Bu narahatlığın həlli olaraq bifokal - yəni, iki fokal məsafəli eynəklər icad olunub. Bifokal eynəklərdə həm yaxını, həm də uzağı yaxşı görmək üçün linza quraşdırılıb. Eynəyin yuxarısı ilə uzağı, aşağısı ilə isə yaxını rahat görmək olur.
#RafadarXalilov #OptikEynək #BifokalEynək
3 weeks ago | [YT] | 13
View 0 replies
Dr.Rəfadar Xəlilov
20 yanvar şəhidlərimizi unutmadıq.
#RafadarXalilov #20yanvar
1 month ago (edited) | [YT] | 21
View 0 replies
Dr.Rəfadar Xəlilov
Hər çəpgözlükdə ikili görmə olmaz, amma İkili görmələr çəpgözlük zamanı ortaya çıxır.
İki gözdən gələn görüntülər üst-üstə düşmür və insan hər şeyi 2 dənə görür.
Tutaq ki, pasiyentin çox cüzi çəpliyi var və hər şeyi 2 dənə görür. Amma çəplik o qədər kiçikdir ki, əməliyyatla onu düzəltmək çox çətindir. İkincisi də, çəpliyi əməliyyatla düzəltsək, xəstənin ikili görməsi keçəcəkmi? Bunu hələ ki, bilmirik.
Belə olan hallarda pasiyentlərə prizmatik eynək veririk. Bu prizmatik eynəkdə əgər normal, binokulyar görmə, yəni tək görmə alınırsa, bu o deməkdir ki, biz əməliyyat eləsək, tək görmə, binokulyar görmə əldə etmiş olacağıq.
Bəzi pasiyentlər bu eynəkdən razı qalırlar və əməliyyat olmaq istəmirlər. Amma bəzisi eynək taxmaq istəmir, əməliyyat edib toparlayırıq.
Bundan başqa kəllə sinirlərinin iflicinə bağlı çəpgözlüklər ortaya çıxa bilir ki, bunlarda da ikili görmə çox bariz olur və xəstələri çox narahat edir. Bu çəpgözlüklərdə zamanla ölçülər azalıb arta bilir deyə, ən azı ilk 6 ay əməliyyat edilməməlidir. Ona görə bu ilk 6 ayda biz yenə də prizmatik eynəklər və fresner prizmaları örtüklər vasitəsilə ikili görməni toparlayırıq.
#RafadarXalilov #Çəpgözlük #İkiliGörmə #Eynək #Prizma
1 month ago | [YT] | 6
View 0 replies
Dr.Rəfadar Xəlilov
Eksimer Lazer əməliyyatı qorxuludurmu?
Pasiyentlərin bəziləri deyir: “Eynək, linza taxa bilmirəm, bezmişəm. Əməliyyat olmalıyam, amma qorxuram. Əməliyyat, görəsən, necədir? Mən gözümü necə açıq saxlayacağam? Çoxmu ağrı olacaq?”
1. Əməliyyatdan öncə mütləq həyəcanı götürmək üçün dərman veririk.
2. Əməliyyat otağına girib-çıxmaq 10 dəqiqə çəkir. Hər göz təxminən 5 dəqiqə əməliyyat olunur.
3. Əməliyyat pozitiv əhval-ruhiyyədə keçir, pasiyentlə zarafatlaşırıq, hətta lətifələr danışırıq ki, rahat olsunlar, gərginliklərini atsınlar deyə.
4. Əməliyyat tamamilə ağrısızdır.
Nəticədə, illərdir əziyyət çəkdiyiniz bir problemdən 10 dəqiqəyə azad olursunuz.
#RafadarXalilov #ZəifGörmə #EksimerLazer
1 month ago | [YT] | 10
View 3 replies
Dr.Rəfadar Xəlilov
Hər birinizi Dünya Azərbaycanlılarının Həmrəyliyi Günü və yeni il münasibətilə təbrik edirəm!
#RafadarXalilov #yeniil2026 #newyear2026
1 month ago | [YT] | 16
View 3 replies
Dr.Rəfadar Xəlilov
Zəifgörmə ilə bağlı eynək yazdıqda orada müəyyən qeydlər edirik. Gəlin, onlarla tanış olaq:
ƏSAS MƏLUMATLAR
OD (Oculus Dexter) - Sağ Göz
OS (Oculus Sinister) - Sol Göz
Sph (Sphere) - Görmə dərəcəsi (dioptriya)
"–" olduqda uzağı zəif görmə (miyopiya)
"+" olduqda yaxını zəif görmə (hipermetropiya)
Plano / 0.00: məsafə problemi yoxdur
Cyl (Cylinder) - Astiqmatizm üçün korreksiya göstəricisi
Adətən ±0.25 – ±4.00 aralığında olur.
PD (Pupillary Distance) - Bəbəklər arası məsafə (mm)
Bu göstərici eynək şüşələrinin mərkəzləri arasındakı məsafəni təyin edir. Orta göstərici qadınlar üçün adətən ~62 mm, kişilər üçün ~64 mm ətrafındadır.
ASTİQMATİZMLƏ BAĞLI MƏLUMATLAR
Axis - Astiqmatizmin istiqaməti (1–180°)
Yalnız Cyl qrafasında göstərici qeyd olunubsa Axis də qeyd olunur.
ƏLAVƏLƏRLƏ BAĞLI MƏLUMATLAR
Bifokal və proqressiv şüşəli eynəklər üçün, o cümlədən prizma əlavəsi ilə bağlı məlumatlar bu bölmədə yer alır.
#RafadarXalilov #ZəifGörmə #EynəkResepti
1 month ago | [YT] | 17
View 0 replies
Dr.Rəfadar Xəlilov
Səhər yuxudan qalxandakı qızartı və hətta bəzən göz qapaqlarının burun tərəfi ucunda az miqdarda ifrazat.. Bunların böyük əksəriyyəti burun probleminə bağlı olur. Ya soyuqdəyməyə, ya allergik rinitə bağlı olaraq burun daxilindəki balıqqulağılar şişir.
Göz yaşı kanalı da buruna açılır. Balıqqulağılar şişdikdə bu kanalın ağzı sıxılır, maye buruna axa bilmir. Gözün içərisində qalan mikro tozcuqlar gözdə qıcıqlanmalar əmələ gətirə bilir. Durğunluğa bağlı konyunktivit formalaşır.
Belə hallarda göz dərmanı yazırıq. Faydası da olur. Amma mütləq LOR həkimi müayinəsi də tələb edirik. Problemin əsas səbəbi aradan qalxmasa, təkcə göz dərmanları yetərli olmur.
#RafadarXalilov #konyunktivit
2 months ago | [YT] | 14
View 0 replies
Load more