Dr.Rəfadar Xəlilov

Eynəyi adətən gözün nömrəsi dəyişdikdə yeniləyirik. Bunun üçün "6 ayda bir müayinəyə gəlin" deyirik. Lakin bəzən gözün nömrəsi dəyişməsə belə, yeni eynək yazırıq. Bunun 2 səbəbi olur:

Birincisi, eynək şüşələri həddindən artıq cızılıbsa və görmə keyfiyyətinə təsir edirsə, mütləq yenilənməsini tələb edirik. Eynəyin cızılmaması üçün ona necə qulluq etmək lazımdır, necə təmizləmək lazımdır, bu barədə də pasiyentlərə məlumat veririk.

Şüşələrin xüsusilə də mərkəz hissəsinin cızıqlarsız, tam şəffaf olmasına diqqət etməyi valideynlərdən xahiş edirik. Bunun üçün vaxtaşırı eynəyi işığa tutub baxmalarını, cızıqların olub olmadığnı yoxlamaları da onlara öyrədirik.

Nömrə dəyişməsə belə, hətta cızıqlar olmasa belə, eynəyi yeniləmək üçün başqa bir səbəb də başın ölçülərinin dəyişməsidir.

Eynək hazırlanarkən şüşənin mərkəz hissəsinin gözün bəbəklərinin tam ortasına düşməsinə diqqət edilir. Bunun üçün eynək reseptində PD (pupillary distance) dəyərini yazırıq. Uşaqlar böyüdükcə baş ölçüləri dəyişir və buna bağlı olaraq bəbək arası məsafə artır. Məsələn, 3 il əvvəl uşağın PD ölçüsü 54 mm idisə, fiziki böyümə nəticəsində bu məsafə artıq dəyişmiş olur. Bu zaman da eynəyi dəyişməyə ehtiyac olur.

#RafadarXalilov #Zəifgörmə #Eynək

2 days ago | [YT] | 6

Dr.Rəfadar Xəlilov

Eksimer Lazer əməliyyatından bir müddət sonra bəzi xəstələr təlaşla müarciət edib, gözlərinin sıfır nömrə (emetrop) olmadığını, yenə nömrə qaldığını deyirlər.

Xəstə əslində 100% görür. Amma əlindəki müayinə kağızında da -1 yazılıb. -1 eynək veririk, görməsi pisləşir, öz gözü ilə daha yaxşı görür. Nə baş verir?

Rekfaktometriya dərman tökülmədən çəkilib. Gözdə stressə bağlı mənfi nömrə, görmədə akkomodasiyanın spazmı olub.

Spazmı götürməkdən ötrü 3 dəfə (10 dəqiqədən bir) dərman damızdırır, təkrar refraktometriya etdiririk. Nəticə: 0.0-0.25. Xəstəyə göstəririk, xəstə sakitləşir çıxıb gedir.

#RafadarXalilov #Zəifgörmə #EksimerLazer

Skip the Carousel

1 2

2 weeks ago | [YT] | 7

Dr.Rəfadar Xəlilov

Adi eksimer lazer əməliyyatı ilə gözün rəqəmlərini sıfırlamaq, eynəkdən qurtulmaq mümkündür.

Lakin əvvəlki texnologiya ilə, kəmiyyət olaraq 100% görmə əldə etsək belə, bəzi pasiyentlərdə əməliyyatdan sonra görmədə müəyyən qüsurlar meydana gəlirdi.

Bunlardan biri, xüsusilə də axşamlar meydana gələn görmədə dağınıqlıq, işıqların yayılması, saçılması kimi təsvir edilən "aberrasiyalar" idi. Bu da görmə keyfiyyətini aşağı salırdı.

Hazırda texnologiyanın inkişafı ilə, bu problem də aradan qalxdı. Artıq "aberration free" - yəni işıq yayılmalarının, dağınıq görmənin olmadığı nəticə əldə edə bilirik.

"Aberration free" eksimer lazer əməliyyatına imkan verən ən yeni texnologiyalı SCHWIND AMARIS 750S cizahını klinikamızda quraşdırdıq və artıq görmədə kəmiyyətlə yanaşı keyfiyyətə də nəzarət edə bilirik.

#RafadarXalilov #EksimerLazer #EynəkdənQurtulmaƏməliyyatı #aberration #AberrationFree

1 month ago | [YT] | 5

Dr.Rəfadar Xəlilov

Katarakta əməliyyatı olunacaq xəstələrin psixoloji hazırlığı

Katarakta xəstəərimiz yaşlı olduğuna görə əksər hallarda onların övladları ilə danışırıq. Onlar da bir an öncə məsələni həll etmək istəyirlər.

Baxıram valideynin üzünə, valideyn hazır deyildi katarakta diaqnozuna. Nə də olmasa, “əməliyyat” sözü var. Yəni kənardan asan görünə bilər, amma xəstə psixoloji hazır deyil.

Xəstənin psixoloji halı həm əməliyyatın gedişatında, həm də əməliyyatdan sonrakı sağalma dövründə, reabilitasiya dövründə çox-çox önəmlidir.

Gərgin bir periodda əməliyyat etməklə biz ikinci bir stress, qıcıq mənbəyi yaratmış oluruq və xəstənin toparlanması xeyli vaxt ala bilir.

#RafadarXalilov #Katarakta #MirvariSuyu

Skip the Carousel

1 2

1 month ago | [YT] | 13

Dr.Rəfadar Xəlilov

Kompüter qarşısında çalışanlar həm göz sağlamlığını qorumaq, həm də ümumi fiziki yorğunluğunu azaltmaq üçün 50/10 qaydasını tətbiq edə bilər.

Bunuun üçün hər bir saatın 50 dəqiqəsini işinizə həsr edirsiniz. Saatın qalan 10 dəqiqəsini isə özünüzə və bədəninizin bərpasına ayırırsınız.

Bu 10 dəqiqəlik fasilə iki hissəyə bölünməlidir:
1. Göz əzələlərinin dincəldilməsi (ilk 5 dəqiqə). 2. Ümumi qan dövranının bərpası (ikinci 5 dəqiqə).

Gözün akomodasiya əzələlərini iki yolla gərginlikdən azad edə bilərsiniz:
- Gözləri yummaq: Heç bir şeyə baxmadan, sanki mürgüləyirmiş kimi gözlərinizi yumub əzələlərin tam boşalmasını təmin etmək.
- Uzağa baxmaq: Pəncərədən və ya balkondan qarşınızda maneə (bina və s.) olmadan çox uzaqlara, təxminən 1.5 - 2 kilometr məsafəyə baxmaq.

Qan dövranının bərpasına gəldikdə isə, uzun müddət hərəkətsiz oturmaq qan dövranını pozduğu üçün arada bir 5 dəqiqəlik ayağa qalxmaq vacibdir. İdman dərslərindəki isinmə hərəkətlərinə və ya yoqaya bənzər streç (dartınma) hərəkətləri edərək qan dövranını sürətləndirmək lazımdır.

Bu qaydaya əməl edən pasiyentlərin hamısı ondan fayda gördüklərini bildiriblər.

#RafadarXalilov #GözGigiyenası

1 month ago | [YT] | 7

Dr.Rəfadar Xəlilov

Eksimer lazer əməliyyatı lazerlə icra olunduğuna görə xüsusi bir mövsümlə əlaqəsi yoxdur. Yəni “isti-soyuq”, “yaz-payız”, “toz…” bunların heç birinin əməliyyatın nəticəsinə müsbət və ya mənfi baxımdan bir təsiri yoxdur. İstənilən mövsümdə Eksimer lazer əməliyyatı icra oluna bilər.

Nəyə diqqət etmək lazımdır?

İsti mövsümlərdə dənizə, hovuza giriləcəksə, əməliyyat metodundan asılı olaraq həkiminiz müəyyən müddət özünüzü qorumağı tövsiyə edə bilər.

Günəşdən, küləkdən qorunmaq üçün isə, günəş eynəyindən istifadə oluna bilər.

Əgər bunlara riayət edəcəklərsə, o zaman heç bir mövsümlə əlaqədar problem yaşamazlar.

#RafadarXalilov #Zəifgörmə #EksimerLazer

Skip the Carousel

1 2

1 month ago | [YT] | 15

Dr.Rəfadar Xəlilov

28 MAY
Müstəqillik Günü!

#RafadarXalilov #28May

2 months ago | [YT] | 12

Dr.Rəfadar Xəlilov

Qurban Bayramınız Mübarək!

#RafadarXalilov #QurbanBayramı #EidAlAdha

2 months ago | [YT] | 8

Dr.Rəfadar Xəlilov

Eksimer lazer əməliyyatları flepli və flepsiz əməliyyatlar olaraq iki əsas növə ayrılır.

Flepli cərrahiyyə zamanı gözün buynuz qişasından (kornea təbəqəsi) nazik bir qat (flep) qaldırılır, amma tam qoparılmır, bu qatın altındakı səth lazerlə işlənir, sonra isə, üst qat yerinə oturdulur. LASIK, Femto-LASIK əməliyyatları flepli cərrahiyyəyə aiddir.

Flepsiz cərrahiyyədə isə, flep yaradılmır, buynuz qişannın səthi birbaşa lazerlə işlənir. PRK (No-Touch) flepsiz əməliyyatdır.

Hər iki yanaşmanın öz üstünlükləri olmaqla birlikdə, hər pasiyent üçün hansı cərrahiyənin seçiləcəyinə gözün xüsusiyyətləri nəzərə alınaraq həkim tərəfindən qərar verilir.

#RafadarXalilov #EksimerLazer #Flep #LASIK #PRK #SMILE

2 months ago | [YT] | 4

Dr.Rəfadar Xəlilov

Əslində katarakta diaqnozu qoymaq çox asandır. Cihazlar o qədər inkişaf edib ki, səhv eləmək demək olar ki, mümkün deyil. Amma 5%-dən az da olsa, səhv katarakta diaqnozu ilə qarşılaşırıq.

Səbəblər nələrdir?

1. Bəbək böyüdülmədən müayinə aparılması:
Bəbək böyüdülmədən müayinə aparılmamalıdır. Bəlkə hansısa səbəbdən həkim bəbək böyüdülmədən müayinə edib.

2. Müayinə aparatının köhnə olması:
Ola bilər ki, görüntü keyfiyyəti yüksək olmayan biomikroskop istifadə olunub, o da həkimi yanıldıb.

3. Başqa bulanıqlıqla səhv salınması:
Katarakta, büllurun bulanmasıdır. Bəzən başqa problemlər özünü büllurun bulanması kimi göstərə bilər.

#RafadarXalilov #Katarakta

Skip the Carousel

1 2

3 months ago | [YT] | 8