Vidya Sports

ကွင်းလယ်ဒိုင်ရဲ့ အငြင်းပွားဖွယ် ဆုံးဖြတ်ချက်တွေကြောင့် ရှုံးပွဲကြုံခဲ့တဲ့ မြန်မာ

- ဒီနေ့ည(၇)နာရီခွဲမှာ ထိုင်းနိုင်ငံ ဘန်ကောက်မြို့ ရာဇမင်္ဂလာကွင်းကြီးထဲမှာ ကစားခဲ့တဲ့ ထိုင်းနဲ့ မြန်မာရဲ့ ASEAN Hyundai Cup 2026 အုပ်စု(B) နောက်ဆုံးပွဲမှာတော့ မြန်မာအသင်းဟာ ဂျပန်လူမျိုးကွင်းလယ်ဒိုင်ရဲ့ အငြင်းပွားဖွယ် ပင်နယ်တီ ဆုံးဖြတ်ချက်တွေကြောင့် (၂-၀)ရလဒ်နဲ့ ရှုံးနိမ့်ခဲ့ပါတယ်။

- အးထားရတဲ့ အသင်းခေါင်းဆောင် မောင်မောင်လွင် အနီကတ်ပြစ်ဒဏ်ကြောင့် ပွဲပယ်ခံထားရပေမယ့် မြန်မာအသင်းဟာ အဝေးကွင်းမှာ အိမ်ရှင်ထိုင်းအသင်းကို အကောင်းဆုံး တုန့်ပြန်ကစားနိုင်ခဲ့သလို ဂိုးသွင်းခွင့်တွေလည်း ရခဲ့ပါတယ်။ မြန်မာအသင်းဘက်က သေချာပေါက်ဂိုးဝင်ရမယ့် အခွင့်အရေးတွေ တိုင်ထိထွက်ခဲ့လို့သာ ထိုင်းအသင်း သက်သာရာရခဲ့တာပါ။

- ဒါပေမယ့် ပွဲအစ(၁၁)မိနစ်နဲ့ ဒုတိယပိုင်း(၅၂)မိနစ်တွေမှာ (၅၀-၅၀) အနေအထားကနေ မြန်မာအသင်းသားတွေ ဂိုးဧရိယာအတွင်း ဘောလုံးနဲ့ လက် ထိခဲ့တာတွေကို ဂျပန်လူမျိုး ကွင်းလယ်ဒိုင်က VAR ပြန်ကြည့်ပြီး ထိုင်းအသင်းကို ပင်နယ်တီကန်ခွင့် ပေးခဲ့ပါတယ်။ ထိုင်းဘက်က အဲဒီပင်နယ်တီတွေကို အပိုင်ကန်သွင်းနိုင်ခဲ့တာကြောင့် ပွဲအပြီးမှာ (၂-၀)ရလဒ်နဲ့ မြန်မာအသင်း ရှုံးနိမ့်ခဲ့တာပါ။

- တစ်ချိန်တည်းကန်တဲ့ အခြားအုပ်စု(B) ပွဲတစ်ပွဲဖြစ်တဲ့ မလေးရှားနဲ့ ဖိလစ်ပိုင်ပွဲမှာ အိမ်ရှင် မလေးရှားအသင်းက (၁-၀)နဲ့ အနိုင်ရခဲ့ပါတယ်။ မလေးရှားအသင်းရဲ့ ရလဒ်ကြောင့် မြန်မာအသင်းဟာ (၄)ပွဲကစား (၂)ပွဲနိုင် (၂)ပွဲရှုံး ရမှတ်(၆)မှတ်နဲ့ အုပ်စုအဆင့်ကနေ ထွက်ခဲ့ရပြီဖြစ်ပြီး ထိုင်းနဲ့ မလေးရှား အသင်းတွေကတော့ ဆီမီးဖိုင်နယ်အဆင့်ကို တက်ရောက်ခဲ့ပါတယ်။

Photo Credit : MFF FB Page


Consider Subscribing. 👌
It's FREE and You can always change your Mind. Enjoy! 😉
✅ အသစ်အသစ်သော အစီအစဉ်ကောင်းတွေနဲ့ VIDYA
✅ စဉ်းစားတွေးခေါ်နိုင်စေသော ဗဟုသုတပေါင်းများစွာနဲ့ VIDYA
🇲🇲 VIDYA


#ASEANHyundaiCup2026
#MyanmarNationalFootballTeam
#ThailandNationalFootballTeam
#VidyaSports
#VidyaMyanmar
#KnowledgeToThink

1 month ago | [YT] | 69