𝔻𝕣𝕖𝕒𝕞'𝕤_𝕆𝕦𝕤𝕝𝕪

മൗനം

8️⃣

പ്രിയനേ...

നീയില്ലാത്തയീ ലോകത്തെ
എനിക്ക് മടുത്ത് തുടങ്ങിയിരിക്കുന്നു...

പട്ടാളക്കാരന്റെ അച്ഛനാണെന്ന
അഭിമാനവുമായി ജീവിച്ച
നമ്മുടെ അച്ഛൻ
ഇപ്പോൾ തീർത്തും മൗനത്തിലാണ്..

നാടിനു വേണ്ടി നീ
നിന്റെ ശരീരം ബലി കൊടുത്തപ്പോഴും
പൂക്കൾ വിരിച്ച പെട്ടിയിൽ
ഉമ്മറപ്പടിയിൽ നീ നീണ്ടു
നിവർന്നു കിടന്നപ്പോഴും
അച്ഛൻ മൗനത്തിൽ ആയിരുന്നു..

ആദ്യമായി നമ്മുടെ മകൻ
നിനക്ക് വേണ്ടി സല്യൂട്ട് അടിച്ചപ്പോഴും
വിതുമ്പാതെ, വിങ്ങാതെ
അച്ഛൻ മൗനം പാലിച്ചു..

മകൻ പലയാവർത്തി ചോദിച്ചു എന്നോട്
അച്ഛ എങ്ങോട്ടാ പോയത്,
പെട്ടിയിലാക്കി അവർ എങ്ങോട്ടാ കൊണ്ട് പോയി എന്ന്..

ഞാനും അവിടെ മൗനം പാലിച്ചു..

തിരിച്ചു വരില്ലെങ്കിലും
പ്രതീക്ഷ അർപ്പിച്ചു
മൂന്ന് ആത്മാവുകൾ ഇപ്പോഴും മൗനമായിരിക്കുന്നുണ്ട്..
മകനെ പിരിഞ്ഞ അച്ഛനും
അച്ഛനെ പിരിഞ്ഞ മകനും
ലോകം മടുത്ത ഞാനും..!!

ജു.....ന

1 year ago | [YT] | 0

𝔻𝕣𝕖𝕒𝕞'𝕤_𝕆𝕦𝕤𝕝𝕪

സ്ത്രീ

4️⃣


പ്രിയപ്പെട്ട അനിയത്തിക്ക്...
അതിലേറെ പ്രിയപ്പെട്ട എന്നിലെ നിനക്ക്...
ചിരിച്ചും കളിച്ചും കൂട്ടുകൂടിയും കെട്ടിപിടിച്ചുറങ്ങിയും ജീവിച്ചു തീർത്ത പഴയകാല ഓർമയിലേക്ക് ചിന്തകൾ വീണ്ടും ക്ഷണിക്കുമ്പോളും നിസഹായയായി ഞാൻ തല താഴ്ത്തി നിൽക്കുകയാണ്...
സ്നേഹത്തിന്റെ ആഴത്തിൽ നിന്നും ഒരുപാട് അകന്നു പോയിരിക്കുന്നു നമ്മൾ.. നീയില്ലാതെ എന്തെല്ലാം കഴിഞ്ഞു പോയി എന്റെ ജീവിതത്തിൽ...ഞാനില്ലാതെ എന്തൊക്കെ സംഭവിച്ചിരിക്കുന്നു നിന്റെ ജീവിതത്തിൽ...എത്രപേരെ നഷ്ട്ടപെട്ടു വാശികൾക്കും വെറുപ്പിനുമിടയിൽ...സംസാരം കൊണ്ടും നോട്ടം കൊണ്ടുപോലും എത്രമാത്രം വൈരാഗ്യം കൊണ്ടു നടന്നു...എങ്കിലും ഒന്ന് ഓർമിപ്പിക്കട്ടെ..ഓരോ ദിവസത്തിനവസാനവും ഒരുപാട് കരഞ്ഞു കലങ്ങിയ രാത്രികൾ എന്നിലൂടെ കടന്നുപോയിട്ടുണ്ട്..ഇപ്പോൾ ഞാൻ നീയില്ലാതെ പലതും അതിജീവിക്കാൻ പഠിച്ചിരിക്കുന്നു..നീ വേണ്ടയിടത്തു കള്ളങ്ങൾ പറഞ്ഞു നിൽക്കാനും ഞാൻ പഠിച്ചിരിക്കുന്നു...

പക്ഷെ ഇപ്പോഴും ഞാൻ തോറ്റു പോയത് എവിടെയാണെന്ന് അറിയോ...

"എന്നെ കേൾക്കുന്ന നിന്റെ സ്ഥാനം ഇപ്പോഴും ആളൊഴിഞ പാതയാണ്... ശൂന്യം... വിടവ് നികത്താൻ കഴിയാത്ത.. ഉണങ്ങാത്ത മുറിവ് "...!!😰😰

ജു.....ന

1 year ago | [YT] | 0