mrskk99
A humble offering at Guruji’s Divine Lotus Feet....Om Namashivaya Siva Eva Guru
Please visit Gurujisivananda.com for additional help relating to Guruji's discourses and documented experiences from YouTube subscribers including pdf discourses that you may download at no cost. You are also free to contribute your own inner experiences as Anubhavalu and share with @mrskk99youtube.com Your shared experiences will appear on website which will help other followers. Namaste
mrskk99
Guruji speaks - Truth can speak only the TRUTH: "Guru Upadesam”
ఒకవేళ లోకంలో సంసారంలో ఏదైనా లోటు పాటు కష్టం వచ్చినప్పటికీ కూడా, ఆధ్యాంతిక సౌఖ్యాన్ని నేను కోరుతున్నాను, శాశ్వతమైన సుఖాన్ని నేను ఈశ్వరుని అడుగుతున్నాను. కాబట్టి, ఆ మార్గంలో కష్టం నాకు పరీక్షగా లభించి ఉండవచ్చు. ఈ పరీక్షా సమయంలో నేను ఈశ్వరుడిన్నే ఆరాధించి జ్ఞానము ఇవ్వమని అడుగుతున్నాను. అంటే, దానంతట అదే నేను అడగకముందే ఆ కష్టం తొలగ వచ్చు, తొలగుతుందని ఆశతో అది అడగవద్దు. తొలగవచ్చు లేదా అతడు అంతకంటే మహా ఫలం ఇస్తాడు. ఎప్పుడూ, మనిషికి లాభమే కానీ నష్టం లేదు.
భగవత్ ఆరాధనలో నిమగ్నులై ఉండి, అడగవలసినది మాత్రమే అడగాలి, ఇది గురువు ఉపదేశం.
Om Namashivaya Siva Eva Guru🙏
May Guruji's choicest blessings shower on you today and every day given to us...
19 hours ago | [YT] | 133
View 12 replies
mrskk99
Guruji speaks - Truth can speak only the TRUTH: "Guru the Antaryami"
అంతర్యామిలో ఉండేటటువంటి ఆ గురువు ఈశ్వరుడే. ఆ గురువు ఈశ్వరుడు వేరు కాదు, తనను తాను ఎరుక పరుచుకుంటాడు.
అంతర్యామి అయిన గురువు శాశ్వతుడు, నిత్యుడు. అనేక జన్మల నుంచి అనేక పుణ్య పాపాల యొక్క కర్మఫలాన్ని అనుభవిస్తున్న అనేక జన్మలలో కూడా ఎప్పుడూ వస్తూనే ఉన్నాడు, మరి ఎందుకు చెప్పలేదు? మనం అడగలేదు. సాక్షి మాత్రుడుగా ఉన్నాడు, అడగలేదు మనం. మనం అతన్ని ఆశ్రయించ లేదు. ఏ జన్మలో ఈ సమాధానం ఈ మాదిరిగా తెలుసుకొని, ఏ జన్మలో ఆ జీవుడు గురువును ఆశ్రయిస్తాడో, ఆ జన్మే సార్ధకం అవుతుంది.
అప్పుడే అతడికి యధార్థమైన ఉద్ధరణ కార్యక్రమం ప్రారంభమైంది. అతడికి ఆ జన్మలోనే కళ్యాణం లభించడం మొదలైంది. అతడికి శుభమైన గడియలు వచ్చాయి. ఆ గడియల నుంచి అదే పండగ. గురు చరణములు ఆశ్రయిస్తే గ్రంథములు అయినటువంటి ఈ సుఖదుఃఖములు, రోగములు నశిస్తాయో, ఎవరైతే ఆశ్రయిస్తారో ఆ జన్మ సార్థకం.
Om Namashivaya Siva Eva Guru🙏
May Guruji's choicest blessings shower on you this day and everyday given to us...
2 days ago | [YT] | 213
View 38 replies
mrskk99
Guruji speaks - Truth can speak only the TRUTH: "Guru Sankalpam" (Part 2 0f 2)
అసలు, మీకు ఆశపడడం చేతనవుతుందా, ఏమిటి? మీరు ఆశ పడడం అంతా కూడా అత్యల్పం. "పులిహోర, దద్ధోజనం అని, కాదు. ప్రసాదం అంటే దయ అని అర్థం."
ఆ దయని మనస్సులో, అమ్మవారి దయని, తను దయతో పెట్టడం కాదు. అలా అనుకోని గురువులు చాలామంది ఇవ్వలేకపోతున్నారు. నేను నీకు చాలా దయతో ఇస్తున్నాను అనే గురువులు, వాళ్ళు యోగులే, పాపం! కానీ, అది వారి దయ కాదు, వారు ఇవ్వవలసింది, అది కూడా తప్పే. అమ్మదయని మనం మనస్సులో భావించి వారి చేతిలో పెట్టడం. అది యదార్ధమైన గురువు యొక్క స్వరూపం అలా ఉంటుంది.
శివుడి యొక్క దయ, గురువుకి భక్తులు అంటూ ఎవరూ ఉండరు. ఈశ్వరుడికి భక్తులు ఉంటారు. గురువుకి శిష్యులు అంటారు కానీ, శిష్యులు అనే మాట నేను ఒప్పుకోను, పిల్లలు ఉండాలి. కాబట్టి, దయ అనే మాటకు అర్థం, అన్నపూర్ణ దయ నీకు ఇస్తున్నాను, చేతిలో పెడుతున్నాను, తినమ్మా! అన్నపూర్ణ దయ తన మీద ఉంది. గురువు, తాను ఏదైతే సంపాదించుకున్నాడో, ఆ దయను వీళ్ళకు ఇవ్వడం అని అర్థం. దీనిలో తను కర్తకాడు, భోక్తకాడు, తనకు స్వకీయమైన సంకల్పం ఉండదు. ఆ అన్నపూర్ణ ప్రసాదానికి వీళ్ళను చేర్చడం, అది.
“అన్నపూర్ణే సదాపూర్ణే శంకరప్రాణవల్లభే |
జ్ఞానవైరాగ్యసిద్ధ్యర్థం భిక్షాం దేహి చ పార్వతి.”
Om Namashivaya Siva Eva Guru🙏
May Guruji's choicest blessings continue to shower on all...
3 days ago (edited) | [YT] | 157
View 20 replies
mrskk99
Guruji speaks - Truth can speak only the TRUTH: "Guru Sankalpam" (Part1 of 2)
గురువు, అమ్మా! నువ్వు ఈ ముద్ద తిను అని పెట్టాడు అనుకో, ఐదు నిమిషాల్లో అరిగిపోయే అన్నం ఆయన నీకు ఎందుకు పెట్టడం? అది నువ్వే కలుపుకొని తింటావు, ఆ అన్నం నువ్వే పదిమందికి పెట్టగలవు కదా! ఆయన పెట్టడం ఎందుకు?
గురువుకి ఏదో ఒక సంకల్పం ఉంటుంది. ఈ విధంగా అనేక జన్మల నుండి పేరుకొని పోయిన కర్మలు, ఋణములు, వాసనలు, ఈ లోకానికి బాకీలు, ఈ అగ్నిహోత్రంతో క్షయం కావాలి అని, కాబట్టి, గురువు ఇచ్చే అన్నం ముద్ద అగ్నిహోత్రం, అది. అగ్నిహోత్రం దహిస్తుంది వాటిని. అందుకే, "జాతవేదసే సునవామ నోమ మరాతీయతో నిదహాతివేదః సనః వరుషదతి దుర్గాణి విశ్వానావేవ సింధుం దురితాత్యగ్నిః" అని ఆ దుర్గా అమ్మవారిని తలుచుకుంటాము. దురితములకి అగ్ని, పాపాలను అగ్నిహోత్రంగా తగలబెట్టేస్తుంది.
రెండోది అగ్ని తరువాత జలం, అది సముద్రం అన్నమాట. అది కర్మ సముద్రం, ఇదంతా దాటడానికి నావా. కాబట్టి, అన్ని పంచభూతములలోనూ "జాతవేదసే జాతవేదః" అంటే అగ్ని రూపమే. అన్నపూర్ణ ప్రసాదం అనుకున్నప్పుడు, అమ్మను తలచుకున్నప్పుడు ఒక ముద్ద పెడితే అంత లాభం వాళ్ళకి కావాలని అంత ఆశ గురువుకి. గురువుకి ఉన్నంత ఆశ మీ ఎవరికీ చేతకాదు. అంత ఆశాపరుడు, అంత ambitious గురువంటే, తెలిసిందా! అందుకనే అన్నం. To be continued...
Om Namashivaya Siva Eva Guru🙏
May Guruji's choicest blessings continue to shower on all...
3 days ago (edited) | [YT] | 147
View 18 replies
mrskk99
Guruji speaks - Truth can speak only the TRUTH: "Guru Sampradayam"
ఒక శాఖని మాత్రమే తీసుకొని నాకు మిగతా వాళ్ళతో సంబంధం లేదు అనేవారు సంప్రదాయ గురువులు. 'ఒక సాంప్రదాయ మతాన్ని పోషించి దాని వ్యాప్తి చేసే వాళ్ళు కేవలం ఉద్యమాన్ని నడిపించేవారు.' అది కాదు, లోకానికి కావలసింది. "సాంప్రదాయ గురువు కాదు మనకు కావలసింది గురు సాంప్రదాయం కావాలి.” గురువుకు ఒక సిద్ధాంతం ఉండదు. ఏ సిద్ధాంతాన్ని గురువు అనుసరించడు, అన్ని సిద్ధాంతాల్ని సమర్థిస్తాడు.
Om Namashivaya Siva Eva Guru🙏
May Guruji's choicest blessings shower on you today and every day given to us...
5 days ago | [YT] | 205
View 30 replies
mrskk99
Guruji speaks - Truth can speak only the TRUTH: "Guru Puja“
గురువుని రూపంతో అక్కడ పెట్టుకోవచ్చు కానీ, పూజ అంతా గురు బోధలకే. గురు బోధలకు పూజ చేస్తే శ్రద్ధ వస్తుంది. గురువు యొక్క రూపానికి పూజ చేసి బోధలు మరచిపోవచ్చు, బోధ కదా మనకు కావలసింది. గురుబోధలు మరచిపోయి గురు విగ్రహానికి రోజూ పూజ చేస్తున్నారు, ఏమి లాభం? గురువుఅక్కడే ఉంటాడు దాని చుట్టూ తిరుగుతూ ఉంటాడు. గురుభక్తి ఉంది కానీ, గురుబోధ పట్ల భక్తి కావాలి. గురుబోధ పట్ల భక్తి అంటే గురు బోధలను అనుసరించడం, వాటిని ఆచరణలో పెట్టడం. మార్గదర్శకత్వం, కర్తవ్యబోధ చేసే గురువు కావాలి. మార్గదర్శకత్వం, కర్తవ్యబోధ చేసే గరువు లభించినప్పుడు ఆ బోధలను అర్థంచేసుకొని దీక్షగా ఆచరించడమే నిజమైన గురుభక్తి!
అయ్యా! గురు పూజ చేయమన్నారు. మాకు గురువు లేడు కదా అంటే ప్రమాదము ఏమీ లేదు. ఈశ్వరుడు ఏది అడిగితే అది ఇస్తాడు, బోధ చేయడు అని చెప్పాను కదా! ఈశ్వరుడిని, నీవే నాకు గురువు, నాకు జ్ఞానమును ఇమ్మని అడిగినా ఈశ్వరుడు ఇస్తాడు.
Om Namashivaya Siva Eva Guru🙏
May Guruji's choicest blessings continue to shower on all...
1 week ago | [YT] | 259
View 45 replies
mrskk99
Guruji speaks - Truth can speak only the TRUTH: "Guru Parampara"
మన గురువుని స్మరిస్తే, ఆ గురువు వెనకాల పరంపర ఎంతో మంది ఉంటారు. సదాశివుడు దగ్గరి నుంచి ఏ 10 మందో, 11 మందో మహా యోగులు 1000 సంవత్సరాలకు, 2 వేల సంవత్సరాలకు, 3 వేల సంవత్సరాలకు ఒకరు పుడుతూ ఉంటారు. అదంతా ఒకటే పరంపర. మన గురువును స్మరిస్తే, ఈ గురువు వెనకాల ఉండే సదాశివ పర్యంతం ఎంత వరకు ఉందో వాళ్ళ అందరి అనుగ్రహం, తపస్సు మనకు లభిస్తుంది. వాళ్ళ అందరి అనుగ్రహం మనకు కలుగుతుంది. "అఖండమైన ఐశ్వర్యం" మీరు అనుభవించలేనంత వస్తుంది. ఐశ్వర్యము అంటే, యోగము, జ్ఞానము, బలము, తేజస్సు, సంకల్పసిద్ధి అన్నీ లభిస్తాయి. గురు పరంపరకి మీరు వారసులు అవుతారు. ఇప్పుడు 4 లేదా 3 గురుపరంపరలే ఉన్నాయి. ఆ మూడు పరంపరలో ప్రధానమైనది నాకు ఉన్నది. శివ యోగులు నా hierarchy వేమనారాధ్యులు, రేణుకాచార్యులు.
Om Namashivaya Siva Eva Guru🙏
May Guruji's choicest blessings shower on you today and every day given to us...
1 week ago (edited) | [YT] | 199
View 22 replies
mrskk99
Guruji speaks - Truth can speak only the TRUTH: "Guru never will test the seeker"
"ప్రజలు ఏదైనా నమ్మడానికి సిద్ధంగా ఉంటారు. గురువుగా ఒకరిని నమ్మడానికి, ఆశ్రయించడానికి ముందు పరీక్ష చేసి నమ్మడానికి వీలవుతుందా? ఇతడిని నమ్మవచ్చా లేదా అని పరీక్ష చేయడానికి వీలవుతుందా? అతను మంచి గురువే అయి ఉండవచ్చు, అతనిలో దోషం కనిపిస్తుంది, వీడికి. ఒకడు చెడ్డవాడు అయినప్పటికీ మహానుభావుడిగా కనబడవచ్చు. ఇదొక ప్రమాదం. స్వాతంత్ర్యంలో ఎంత ప్రమాదం ఉందో గుర్తించి, సద్గురుని సంపాదించుకోవాలి. అంటే, తన హితాన్ని కోరేవాడు. తన ధనాన్ని అపహరించేవాడు కాక తన హృదయాన్ని అపహరించేవాడు దొరికితే, భక్తితో ఆరాధించుకోవచ్చు, సేవించుకోవచ్చు. లేదా, "నేనొక గురువుని ఆశ్రయించాను, అతడి మంచిచెడ్డలేవో నాకు తెలియదు. నా తప్పు వల్లగాని, అతని తప్పు వల్లగాని నాకు ఎలాంటి నష్టం రాకూడదు. నాకు నష్టం వచ్చే పని అతడు చేసేటట్టు అయితే ఇప్పుడే అతని నుండి నన్ను దూరం చెయ్యి. ముందర, అతడి నుండి నన్ను రక్షించు," అని భగవంతుడిని అడగాలి."
Om Namashivaya Siva Eva Guru🙏
May Guruji's choicest blessings continue to shower on all...
1 week ago | [YT] | 174
View 22 replies
mrskk99
Guruji speaks - Truth can speak only the TRUTH: "Guru Mantram"
Guru Mantram – Tatvam దాన్ని పంచ కోణంగా రాస్తారు. ఆ గురువుకు ఒక మంత్రం ఉంటుంది. ఆ మంత్రం, ఆ పంచ కోణంను రాగి రేకు మీద యంత్రం వేసి పెట్టుకోండి ఇది గురుతత్త్వం, ఇది గురుయంత్రం, గురు మంత్రం, గురు శక్తి. నీకు ఎంత శక్తి ఉంటే అంత లేకపోతే మూడు సార్లు చదువుకొని అక్కడ పెట్టుకుంటే పిల్లలకు, పాపాలకి, మనకి క్షేమం లోపలి నుంచి ఒక రక్షణ ఉంటుంది. లోపలి నుంచి రక్షణ అంటే కష్టంగాని, నష్టంగాని ఉంటే అక్కడికి పోకుండా చేస్తుంది, అది రక్షణ. అనేక విధాలుగా గురుతత్త్వం మనల్ని రక్షిస్తుంది. పెద్దగా పూజలు అలవాటు లేనివాళ్ళు కూడా ఒకసారి ముట్టుకొని ఆ వాక్యం, మంత్రం చదువుకుంటే చాలు దానికి హారతులు నైవేద్యాలు అటువంటి ఏమి అవసరం లేదు.
Guru Mantram మీరు మహాలక్ష్మిని మీ తలపై పెట్టుకుంటే, మీరు సర్వం కోల్పోతారు. అప్పుడు ఎలా? మహాలక్ష్మి ఎక్కడ ఉండాలి? శరీరంలో మహాలక్ష్మి ఏడు ప్రదేశాలలో నివాసం ఉండాలి. మహాలక్ష్మిని తలపై ఉంచుకున్నవారు వారు ప్రతిదానికీ లొంగిపోతారు, తల మీద అంటే ఏమిటి? తల మీద అంటే మెదడులో & మనసులో అని అర్థం. అహంకారంలో మహాలక్ష్మి ఉంటే నాది నాది అనుకుంటే నీది కాదు అని చెబుతుంది. ఎవరైనా ఇలా ఆలోచిస్తే, నేను నా సొంత డబ్బు అనుకుంటే ఉత్తరక్షణమే మహాలక్ష్మి మనల్ని చూస్తూ ఉంటుంది. ముఖంలో మహాలక్ష్మి ఉన్న వ్యక్తి, అతను జ్ఞాని అవుతాడు మరియు ఇతరులకు జ్ఞానాన్ని ఇస్తాడు. మహాలక్ష్మి గొంతులో ఉంటే అతను సరస్వతికి సమానమైన వ్యక్తి గాత్రంలో, జ్ఞానం, పండిత్యం, శాస్త్రాలలో, తన భుజాలపై మహాలక్ష్మి ఉంటే పరిపాలకుడు అవుతాడు. అతను దేశాన్ని గొప్ప పద్ధతిలో పరిపాలిస్తాడు. ఎవరూ మహాలక్ష్మిని నాభిలో ఉంచుకుంటారో అతను అద్భుతమైన పిల్లలను కలిగివుంటారు. మహాలక్ష్మిని తొడల మీద ఉంచుకునే వ్యక్తి అతను స్వర్గానికి వెళ్తాడు. అతను ఇక్కడ నుండి స్వర్గాన్ని ఆదేశించాడు. మహాలక్ష్మిని తన కాళ్లపై ఉంచుకునే వ్యక్తి, అతని డబ్బు, తనకి ఉన్నవి అందరికి త్యాగం చేసి, మోక్షం పొందుతాడు.
Om Namashivaya Siva Eva Guru
May Guruji's choicest blessings shower on you this day and everyday given to us...
1 week ago | [YT] | 173
View 21 replies
mrskk99
Guruji speaks Truth can speak only TRUTH: "Guru is your Inner man"
మీ గురువు మీలోపలే ఉన్నాడు. ప్రతివాడు తనకు తానే గురువు. అంటే, తనలోని అంతర్యామి తనకు గురువు. సాధన చేసి చూడండి, అక్కడి నుండి ఆ వాక్కు మీకు వినిపిస్తుంది. లేదా, బుద్ధిలో message కనిపిస్తుంది. మంచి మార్గం దొరుకుతుంది. దాన్ని మీరు నమ్ముకున్నారా?
మీకు, ఈ జన్మలోనే సిద్ధి కలుగుతుంది. సత్యం తెలియడమే సిద్ధి. సిద్ధి అంటే ఏవో miracles చేయడం, శక్తి రావడం కాదు. శక్తులు అంటే యోగ విభూతులు కాదు. మిథ్యా శక్తులు - అసత్యమైన శక్తులు అవి. ఏదో ఇంత మట్టి తీసి చేతిలో పోసి, 'నోట్లో వేసుకో,' అంటే అది చక్కెర అయిపోయింది. అంత మాత్రం చేత, జ్ఞానం కలిగిందా?
అవి మిథ్యా శక్తులు, అవి చేయడం చాలా సులభం. అవి నేను కూడా మీకు నేర్పగలను కానీ, అవి మీకు వద్దేవద్దు. మనకు సత్యమేదో అది ఒకటే కావాలి. నిత్య జీవితంలో, సామాన్య జీవితంలో, ఇహంలో, ఇక్కడ కూడా, సత్యమే గెలుస్తుంది. ultimate గా కూడా సత్యమే జయిస్తుంది. ఆ సత్యమే పరమేశ్వరుడు. ఆ పరమేశ్వరుడే అయిన గురువు, మన లోపలే ఉన్నాడు, అని గుర్తుపెట్టుకోండి.
Om NamaShivaya Siva Eva Guru
May Guruji's choicest blessings shower on you today and every day given to us...
1 week ago | [YT] | 142
View 24 replies
Load more