TwoBy Langkongs

Penempa Nasib

Lebuh tua baru deka ngangkat-ngangkat serta ngepun ke pengidup diri, mayuh orang deka nguji ngemaruh serta ngelesey ke tua.

Tang maya tua udah mujur negi ke pengidup diri, mayuh ga orang ngumbai tua tu bidik serta ngembuan nasib ti manah.

Idup tu ukai setegal bepanggai ba nasib aja.Ukai munyi jaku sepenempa tua aja nasib tu. Tang ia bepanggai ba penegar, pemintar serta pengeransing ati tua deka ngulih ke juluk ati tua.

Tua mensia. Sama ngembuan akal runding. Ukai tua tu baka manuk.Amat mih manuk dipeda ba tisik di kaki alai kitai nentu ke nasib iya. Manah pan tisik, menang enggau alah pan empai ditemu idup tauka mati. Seagi-agi iya apin dipeleka ba kelang sabung.

Randau Ujung Tanju

6 months ago | [YT] | 1

TwoBy Langkongs

Nuan nulis ngena jari kanan. Lalu iya nulis ngena jari kiba. Ba nuan, nuan betul lalu chara iya salah. Tang ba iya, chara iya betul lalu chara nuan salah.

Pekara ti betul ba runding nuan, empai tentu ia betul ba sagam ati orang bukai.

Nya alai anang kelalu mejal orang bukai nitih ke pengawa ti digaga nuan. Laban nangi kediri empu pan tentu iya enggai mega dipejal orang kelalu nitih ke pengawa orang.

Muntang.... Aram duduk lalu nunga sechangkir kupi. Manah sama betunga lalu bela berandau ngaga pemansang ti seaum,seati lalu mega sepenemu.

Randau Ujung Tanju

6 months ago | [YT] | 0

TwoBy Langkongs

Kadang-kadang pengidup tu udu ngasa ke ati. Orang ke senang, idup ia enda bula amat nyamai. Tang ba orang ke suntuk, idup ia merinsa.

Anang ngutuk. Laban nya udah nasib siku-siku kitai anak mensia.

Kitai enda nemu, kemaya penyenang dalam pengidup kitai nya ulih nemu nyadi penyuntuk.

Lebuh utai tu nyadi,kada tua sanggup merinsa baka orang ke dipeda tua merinsa ngelama tu? Sanggup ke enda tua beridup makai utai ke enda kala diempa tua? Sanggup ke enda tua bekeradai ngiga pemakai sebelah tanah, sebelah sungai?

Nya alai, lebuh tua meda orang merinsa ari tua selama tu, anang sesekali tua ngemaruh ke sida ia. Pengurang serta pemerinsa sida idup ngelama tu meh nyadi ke pengelebih idup ia bebanding tua selama tu. Enti ia enda ransing,nyau enda iya tetampung ke seput kedap pengidup iya empu.

Randau Ujung Tanju

6 months ago | [YT] | 3

TwoBy Langkongs

Duit enti ia ambis, ia ulih digiga. Penemu sema ia bekurang, ia ulih dipelajar. Tang peluang beridup enggau orang tuai, enda ulih datai dua kali. Nya alai, seagi orang tuai agi idup,bebasa mih ke sida. Beri mih pengaga ke ati sida. Laban enti sida ia udah nadai, pengelengau ati ke sida meruan datai enda disadang.

1 year ago | [YT] | 3

TwoBy Langkongs

Betebu di mulut, Belemetak di Ati.

Enti nuan bekuasa, nuan megai ulu.
Anang nuan nyalah ka kuasa nuan dikena ngemedis ke orang di baruh nuan. Nuan bisi periuk pengidup, lalu orang bukai pan sama mega bela bekeredai beridup ke periuk pengidup diri empu mega.

Enti nuan pemisi ba reta, nuan tampak nyamai, tampak kaya.
Anang nuan ngemegah serta ngemandang kediri bisi keresa nyamai ari orang ke merinsa. Sapa sapa dalam dunya tu pan bela ka idup nyamai. Tang nama daya. Nasib kitai udah atur petara nitih ke jereki tiap iku mensia enda sebaka.

Enti nuan bisi pangkat, bisi derjat, nuan dikelala orang besai pengawa, besai tanggungjawab.
Anang mih nuan sepeneka ati ngincas sampai nyau ngemedis serta ngenusah ke orang. Ingat mih. Besai agi pangkat tua, besai agi tanggungjawab tua ngagai rayat peranak menua.

Silap!Enti nuan nyau beterabai ke pangkat nuan kena beambi ulih ari pemerinsa tauka reta orang. Munyi ko sempama tuai, betebu di mulut, tang belemetak di ati. Bejaku manah di mua, tang ati nemu berubah sepengudah bulih utai dikingin ati.

Ingat, dunia tu bisi pemetang bisi penampak. Bisi bida chelum enggau burak. Bisi takat entara jai tauka manah. Laban pagila lusa tua enda nemu enti dunya nyau bekalih.Engka tekena ke gilir tua ga jai agi ari orang ke kala dikemaruh ke tua.

Saritu kitai senang, pagila lusa engka tua merinsa.Kaban maya nuan senang sigi mayuh tang kaban maya tusah sigi dapat ditiap. Ingat mih, enda semua orang sanggup enggau kitai tusah serta merinsa. Mayuh agi orang ke baka lemetak, udah kenyang ya ngingkas kediri.

Tua idup betungkat ke adat. Tua tinduk bepanggal ke bepengingat. Tengkadah ke langit, tempik ke dada. Aram sama bela berunding.

2 years ago | [YT] | 3

TwoBy Langkongs

Selamat Datang ke TwoBy Langkongs Youtube Channel

2 years ago | [YT] | 0