Ahmed Hassanin - Travel The World

تعديل: الفيديو نزل ياشباب 👇
https://youtu.be/DIeCvnNRZk0?si=VJNIi...

يا مساء الفل عليكم يا شباب ، اخباركم ايه ؟ يارب تكونوا بخير ❤️
الناس اللي متابعاني كويس ، عارفين ان اتكلمت كتير عن احصائيات الحكومة الكندية وطلبهم لمهاجرين ، وانهم استقبلوا العام الماضي في 2025 اكثر من 665,000 مهاجر ، و السنة ديه في 2026 اعلنوا عن طلبهم لـ 765,000 مهاجر جديد من خارج كندا ، منهم 380,000 مهاجر هيحصل علي الاقامة الدائمة من بلده ، من قبل السفر ، وعرضت لكم الاحصائيات ديه سابقا ...
✅ وعرضتها تاني في فيديو اليوم
كندا أعلنت عن برنامج جديد بيسمحلك إنك تسافر انت وأسرتك وتحصل علي اقامة دائمة لك ولأسرتك وبدون اي شروط معقدة
فا فيديو انهاردة هيكون عن واحد من اهم واسهل البرامج واسهل فيزا تقدر من خلالها تهاجر لكندا و تحصل علي الاقامة الدائمة ليك ولأسرتك
وكل شئ انا شرحته بالفيديو هيكون من الموقع الحكومي الكندي الرسمي الخاص بادارة الهجرة الكندية

وكمان شرحت كل شئ نظري وعملي علشان تقدروا تقدموا وتسافروا علي خير بأمر الله ولا تنسونا في دعائكم

مين متحمس ومستني يشوف فيديو انهاردة
توقيت الفيديو :
الساعة 7 م بتوقيت مصر ولبنان و السعودية و سوريا و العراق و اليمن و الاردن و قطر
الساعة 8 م بتوقيت الامارات و سلطنة عمان
الساعة 6 م بتوقيت ليبيا و السودان
الساعة 5 بتوقيت الجزائر و تونس و المغرب

تابعوني علي فيسبوك 👇
www.facebook.com/travel.the.world.with.ahmed
تابعوني علي انستجرام 👇
www.instagram.com/travel_the_world2511/

#الهجرة #هجرة #هجره #كندا #الهجرة_الي_كندا #سفر #السفر_الي_اوروبا

2 days ago (edited) | [YT] | 73

Ahmed Hassanin - Travel The World

هي الناس اللي بتسافر أو تهاجر ، بيسافروا أو يهاجروا ازاي؟ 🤔
لو كانت الناس اللي نفسها تسافر بتبحث بشكل حقيقي و بتبذل مجهود في سماع المعلومة و القراءة عنها ، كان هيوصل للهدف اللي هو بيتمني يوصل له و يحققه .. سواء الهدف ده كان سفر أو اي شي اخر ..
وهنا انا مش بنتقد حد يا صديقي و لا قصدي أن أقوم بالتنظير عليك ، لكن فعلا جزء كبير من الحقيقة أن فيه بعض الناس بتكسل تبحث و تقرأ وتسمع المعلومة اللي ممكن تفيدها.
لكن الاغرب بالنسبة لي ، أن بشوف فئة مش قليلة من الناس بتبدأ تحقد و تحسد و الأمر بيوصل الي الغل وزوال النعمة كمان لما بيشوف حد مسافر أو مهاجر و بينزل صورة له علي السوشيال ميديا.
انا هنا طبعا مش بعمم ، لأن فكرة التعميم ديه خطأ جدا ، كل الناس زي ما فيها الحلو فيها الوحش ، وفيهم الصالح و الطالح .

اللي خلاني اكتب البوست دا بغرض النصيحة فعلا وربنا الاعلم بنيتي الخير
أن شوفت فيديو لأحد صناع محتوي السفر واللي خلاني اكمل الفيديو أن الدولة اللي هو كان فيها انا زورتها سابقا ومن أحب البلاد الي قلبي و الفيديو كان خفيف و الراجل محبوب ومفيش اي شي ، بلقي نظرة علي التعليقات ، لقيت حد كاتب له تعليق اقسم بالله انا شخصيا قلبي اتقبض من الكومنت دا
صانع المحتوي في الفيديو بيقول الرحلة جميلة لكن عايزها تخلص علشان اولادي وحشوني جدا ( غريزة الاب الطبيعية )
يقوم واحد كاتب له في الكومنتات :
" تخلص ليه ، انت بتسافر و بتتفسح و معاك فلوس و بتصرف علي سفرياتك آلاف الدولارات و متجوز ومعاك عيال ، حد طايل اللي انت فيه دا ؟ و كمان بتشتكي أن عيالك وحشوك ؟ "
و لم يكتفي بهذا القدر ، كتب كمان شتيمة للراجل صانع المحتوي المحترم ....

وكأن الشخص اللي كتب الكومنت دا بيصرف علي الراجل اللي عمل الفيديو مثلا ، أو واخد ثمن الرحلة منه .
انا شخصيا والله قولت ربنا يحفظ الراجل دا من عيون البني ادمين اللي زي الشخص الحاقد اللي كتب كومنت بالمنظر دا .
الناس زمان كانت بتحب الخير لبعض ، واللي كان بيحقد و يغل في نفسه من الناس كان بيداري علشان ميبقاش منبوذ من الجميع
لكن دلوقتي فئة كبيرة جدا من الناس أصبح عندها سوء اخلاق رهيب و انحدار أخلاقي وسوء تربية ،وحاجات كتير جدا
و الناس أصبحت مش قادرة تخبئ الحقد والغل وسواد القلب و بقت بطلعه علي الواقع و علي السوشيال ميديا.

ياريت نرجع نحب الخير لبعض و نحب الخير للآخر و متنساش انك لو دعيت لشخص بشئ في ملك بيدعي لك ( ولك بالمثل )
وسواد القلب و الحقد عمره ما هيوصلك لشئ و كل ما الحقد في قلبك وبتتجنن لما بتشوف حد حقق إنجاز في حق نفسه ، عمر ما ربنا هيكرمك بالطريقة ديه .
كلنا بنشوف ناس اعلي مننا في حاجات كتير ( اعلي مننا في الدرجة العلمية أو ظروف الحياة و الأمور المادية أو افضل مننا في الدين و حفظ كتاب الله )
و دا طبيعي
"وَفَوْقَ كُلِّ ذِي عِلْمٍ عَلِيمٌ"

البوست دا انا كاتبه من قلبي فعلا و كل غرضه أن افكر الناس بحاجة واحدة بس:
ربنا بيوزع ارزاقه علي عباده زي ماهو شايف وعلي القدر المناسب لك مش زي ما انت عايز ، والدعاء بيغير القدر ، وكلنا في النهاية ضعاف جدا
شوية برد أو انفلونزا بسيطة بتخليك راقد في السرير مش قادر تاخد نفسك بشكل طبيعي و دماغك بتبقي هتنفجر من كثر الصداع.
افتكروا ربنا يا شباب و علي فكرة الشخص اللي بيسافر كتير مش شرط يبقي غني والله 😅 هي بتكون أولويات
انا عندي اصدقاء حرفيا بيسافر بأخر فلوس في جيبه و يتبسط و يرجع بلده لحياته وشغله عادي ويجمع شوية فلوس بسيطة و يسافر تاني وهكذا .....

ربنا يوفقكم جميعا وتحققوا كل اللي بتتمنوه ❤️

الهجرة #هجرة #هجره #اوروبا #الهجرة_الي_اوروبا #سفر #السفر_الي_اوروبا #المانيا #هولندا #dubai #السفر #الهجره #دبي #travel
#travelling #TravelEurope #هجرة_اوروبا

6 days ago | [YT] | 52

Ahmed Hassanin - Travel The World

الفيديو نزل ياشباب 👇
https://youtu.be/Qpok4dety2k?si=Y3mB7...

يـــا مساء الفل عليكم يا شباب ، اخباركم ايه يارب تكونوا بخير ❤️
فيديو انهاردة عن اسهل فيزا بالمعني الحرفي اللي تقدر تسافر بيها هولندا
بدون اي شروط معقدة ، وحرفيا الفيزا ديه تناسب فئة كبيرة جدا من الناس
وفيزا ممولة بالكامل
وبتشمل سكن + اقامة + راتب شهري
الفيزا ديه موجودة بالفعل علي الموقع الحكومي الرسمي الهولندي وكل كلمة شرحتها من المواقع الرسمية ، مش جايب لكم حاجة من عندي

وشرحت لكم كل شئ في الفيديو اللي هينزل انهاردة
مين متحمس ومستني يشوف فيديو انهاردة
توقيت الفيديو :
الساعة 7 م بتوقيت مصر ولبنان و السعودية و سوريا و العراق و اليمن و الاردن و قطر
الساعة 8 م بتوقيت الامارات و سلطنة عمان
الساعة 6 م بتوقيت ليبيا و السودان
الساعة 5 بتوقيت الجزائر و تونس و المغرب

تابعوني علي فيسبوك 👇
www.facebook.com/travel.the.world.with.ahmed
تابعوني علي انستجرام 👇
www.instagram.com/travel_the_world2511/

#الهجرة #هجرة #هجره #كندا #الهجرة_الي_كندا #سفر #السفر_الي_اوروبا

1 week ago (edited) | [YT] | 153

Ahmed Hassanin - Travel The World

الناس بترجع تسأل نفسها ( ليه سفارات الشنجن بتعطي رفض شكوك في نية العودة ؟ ) ❌
بما اني متخصص في أمور السفر و الهجرة ، عندي رأي بسيط في أمر هروب الـ 2 لاعبين المصارعة المصريين اللي هربوا من البعثة بتاعتهم في أوروبا
وليس الهدف من البوست إثارة الجدل ولا الهجوم علي اللاعبين ولا الاساءة لاي شخص
لكن هل الهروب من البعثة أصبح "إنجاز" ؟! ولا الناس بقت بتشجع بعضها علي الغلط ؟

في أقل من أسبوع…
زياد حجاج مصارع مصري يختفي من بعثة منتخب مصر في سلوفاكيا.
الناس دخلت له علي الصفحات بتاعته كتبت كومنتات تحسسك أنه عمل إنجاز كبير جدا ، وبقوا يكتبوا له في التعليقات :
برافو عليك 👏
عملت الصح
دي فرصة عمرك
اهرب ومتفكرش ترجع
ربنا يوفقك يا حبيبي انت عملت اللي محدش عارف يعمله
دي أوروبا يا عم

طبعا محمد الشامي لما هيشوف حاجة زي كدا هو و اللي مثله ، هيتشجع أنه يعمل نفس الفعل
وبالفعل وبعدها بأيام محمد الشامي، يغادر بعثة منتخب مصر خلال الترانزيت في روما – إيطاليا ولا يعود إلى البعثة.

والأخطر…
ان نفس التعليقات ديه اتكتب له علي صفحته علي فيسبوك كمان و الناس حسسته أنه عمل إنجاز كبير لما هرب....
البعض بدأ يتعامل مع الهروب وكأنه بطولة وإنجاز يستحق الاحتفال!

وهنا أنا مش داخل أهاجم زياد حجاج أو محمد الشامي.
ومش هدفي الإساءة لأي واحد فيهم.

أنا أصلًا متفهم جدًا إن شاب في مقتبل حياته ممكن يكون شايف إن مستقبله صعب، وإن دخله لا يكفي لتحقيق أحلامه.
محمد الشامي نفسه تحدث عن ظروفه وقال بمعنى واضح جدًا إنه لو استمر 15 سنة في نفس وضعه، فلن يستطيع شراء شقة يتزوج فيها.

وده إحساس ممكن يفهمه أي شاب
لكن…
هل معنى إن ظروفك صعبة إن الحل الوحيد هو إنك تهرب؟!
لا ❌
هل هروبك من البعثة يعتبر تصرف صحيح ؟!
لا .. وتصرف غلط تماما ❌

وهنا بقى النقطة اللي محدش بيتكلم عنها:
السفر والهجرة مش طريق واحد اسمه (أدخل أوروبا وبعدين أشوف هعمل إيه)
فيه طرق قانونية كثيرة جدًا.
وأنا كصانع محتوى متخصص في السفر والهجرة، بتكلم عنها باستمرار.

طيب اثنين زي المصارعين دول ، ظروفهم المادية صعبة و مش عندهم قدر كافي من المال ازاي يقدروا يهاجروا لدولة أوروبية مثلا او دولة عالم اول يبدأوا حياتهم فيها ؟ 🤔

اولا: طريق المنح الدراسية الحكومية المجانية و الجامعية ، زي :
1️⃣ منحة الحكومة الرومانية المجانية
2️⃣ منحة ترانسلفانيا في رومانيا المجانية
3️⃣ منحة الحكومة الروسية المجانية
4️⃣ منحة الحكومة الهولندية اللي بتعطي 5000 يورو
5️⃣ منحة الحكومة الايرلندية اللي بتعطي 10,000 يورو وبتوفر السكن وكل شي للناس
6️⃣ منحة حكومة بروناي المجانية تماما وبتوفر السكن للناس
7️⃣ منحة تشيفينج البريطانية
8️⃣ وفيه منح كتير بتقدمها ايطاليا اللي محمد الشامي هرب فيها بتكون مجانا تماما وفيه منح في ايطاليا بتوفر سكن مجانا كمان.
و فيه زي المنح ديه آلاف المنح و افضل منهم كمان ....
و كل ديه منح انا اتكلمت عنها علي يوتيوب وشرحت طرق التقديم لها مجانا ، يعني كان ممكن يختار أنه يقدم لنفسه علي المنح ديه ، بدون ما يدفع لحد اي فلوس ...
تخيل لو كان قدم في كل المنح ديه فقط ، اكيد كانت هتجيله منحة واحدة منهم علي الاقل ، ويهاجر باحترامه يتعلم و بيكون له حق العمل القانوني أثناء الدراسة، وبعد الدراسة بيكمل حياته في الدولة اللي هو فيها.

ثانيا للرياضيين تحديدًا:
دي نقطة أهم.
الرياضي المحترف أو صاحب الإنجازات الرياضية مش بالضرورة يكون مضطر إنه يدخل دولة بطريقة غير قانونية ويختفي.

فيه دول عندها مسارات قانونية للرياضيين مخصوص والمواهب الاستثنائية
ومن أهم الدول ديه
1️⃣ الولايات المتحدة الأمريكية 🇺🇸
عندها تأشيرات للمواهب والرياضيين
2️⃣ بريطانيا 🇬🇧
وفيه دول غيرهم عندها فيز واقامات مخصصة للابطال الرياضيين

يعني حتى لو أنت لاعب محترف وعايز تكمل حياتك الرياضية خارج مصر، فيه أبواب قانونية لازم تبحث عنها أولًا.

المشكلة الأكبر بالنسبة لي ، و الأكبر من قصة هروب اللاعبين ⚠️
هو تشجيع الكثير من الناس ليهم و أنهم دخلوا علي صفحاتهم كتبوا تعليقات كثيرة جدا حسستهم بالفخر و الانجاز أن اللي عملوه دا صح مليون %

وكأن الإنسان لما يعمل شئ غلط و يخالف القوانين أصبح فجأة بطل قومي ؟
لا يا جماعة ، تصرف اللاعبين غلط بكل المقاييس

ممكن تتفهم دوافع الإنسان…
ممكن تتعاطف مع ظروفه…
ممكن تقول إن البلد محتاجة توفر للرياضيين حياة أفضل…
ممكن تنتقد اتحاد أو مؤسسة…

لكن ده كله لا يحول التصرف غير القانوني إلى تصرف صحيح.

وأخطر حاجة ممكن نعملها مع شاب صغير هي إننا نخليه يعتقد أن الهروب هو "الخطة الناجحة".
لأن الشاب اللي شاف آلاف الناس بتبارك لزياد، وبعدها شاف محمد الشامي يعمل نفس الشيء، ممكن ببساطة يقول:
"طالما هو عملها ونجح، أنا كمان هعملها."
وهنا تتحول المسألة من حالة فردية إلى ثقافة.

دا كمان مع الوقت ممكن سفارات الاتحاد الأوروبي تدقق أكثر مع لاعبين منتخبات الالعاب الفردية و ترفض تعطي لبعضهم تأشيرات و بالتالي دا هينعكس علي كل لاعبين الالعاب الفردية و هينعكس علي انجازات مصر في المحافل الدولية.

وكل ما زادت عالميا حالات إساءة استخدام التأشيرات أو عدم الالتزام بشروط الإقامة أو اختفاء أشخاص بعد دخولهم، فمن الطبيعي أن تصبح مسألة نية العودة والالتزام بشروط التأشيرة أكثر حساسية في تقييم المخاطر ( زي ما بتعمل روسيا حاليا ).

وعشان كدا
تصرف فرد واحد ممكن يأثر على الصورة العامة، حتى لو مش هو السبب المباشر في رفض شخص آخر.

وده بالظبط ليه لازم نفرق بين:
أنا عايز أهاجر وأبني مستقبلي .. وبين
أنا دخلت بتأشيرة لغرض معين وهربت عشان أبدأ حياة مختلفة.

وأنا هنا مش بقول للشباب متسافروش.
بالعكس!
أنا واحد من أكثر الناس اللي بشجع الشباب على السفر والهجرة والدراسة والعمل في الخارج.
لكن بقول:
سافر صح.
🎓 ادرس.
💼 اشتغل.
🏆 استغل موهبتك.
💰 ابحث عن المنح.
📑 قدم على التأشيرات المناسبة.
🌍 استخدم البرامج القانونية الموجودة حول العالم.
وابني لنفسك مستقبل يخليك لما تدخل البلد تدخل من الباب، مش من الشباك.

وفي النهاية بتمني لـ زياد حجاج و محمد الشامي كل الخير و التوفيق و ربنا ييسر عليهم غربتهم هما وكل واحد بيسعي علي لقمة عيشه.

#مصر #الهجرة #السفر #تأشيرات #منح_دراسية #الهجرة_إلى_أوروبا #المصريين_في_الخارج #محمد_الشامي #زياد_حجاج #المصارعة

3 weeks ago | [YT] | 12

Ahmed Hassanin - Travel The World

تعديل: الفيديو نزل ياشباب 👇
https://youtu.be/OSS3GMZLQrQ?si=HzLIO...

يـا مساء الفل عليكم يا شباب ، اخباركم ايه ؟ يارب تكونوا بخير ❤️
اولا: سامحوني علي انقطاعي عنكم لمدة تخطت 40 يوم ولكن دا لأن الفترة اللي فاتت كنت في تركيا عندي شغل ولما بيكون عندي سفر لشغلي الاساسي مش بكون فاضي او مش بقدر اهتم بالسوشيال ميديا والفيديوهات
ولكن رجعت لكم بفيزا مفرحة و هتناسب فئة كبيرة من الناس بأمر الله

فيديو انهاردة عن واحدة من اسهل الفيز للهجرة و العمل في هولندا
فيزا محدش اتكلم عنها سابقا نهائياً ، والعبد الفقير الي الله اول صانع محتوي عربي يعرض لكم الفيزا ديه
و للاسف الفيزا ديه فرصة مؤقتة ، يعني مش فيزا دائمة
يعني لازم تلحق تقدم وتاخد فرصتك قبل انتهاء فترة التقديم
فيزا بدون اي شروط معقدة ومدتها 4 سنين كاملين
وشرحت لكم كل شئ في الفيديو اللي هينزل انهاردة

مين متحمس ومستني يشوف فيديو انهاردة
توقيت الفيديو :
الساعة 7 م بتوقيت مصر ولبنان و السعودية و سوريا و العراق و اليمن و الاردن و قطر
الساعة 8 م بتوقيت الامارات و سلطنة عمان
الساعة 6 م بتوقيت ليبيا و السودان
الساعة 5 بتوقيت الجزائر و تونس و المغرب

تابعوني علي فيسبوك 👇
www.facebook.com/travel.the.world.with.ahmed
تابعوني علي انستجرام 👇
www.instagram.com/travel_the_world2511/

#الهجرة #هجرة #هجره #كندا #الهجرة_الي_كندا #سفر #السفر_الي_اوروبا #الهجرة_الي_هولندا #هولندا #السفر_الي_هولندا

3 weeks ago (edited) | [YT] | 114

Ahmed Hassanin - Travel The World

تعديل: الفيديو نزل ياشباب 👇
https://youtu.be/o3lYSj7SRho?si=xDZaL...

يا مساء الفل عليكم يا شباب ، اخباركم ايه ؟ يارب تكونوا بخير ❤️
الناس اللي بتابعني جيدا ، عارفين ان قولت اكثر من مرة ان كندا هي اسهل دولة للهجرة في 2026 ، و دا بناء علي الارقام والاحصائيات مش مجرد رأي وكلام مرسل .
الحكومة الكندية أعلنت خطة الهجرة الجديدة للأعوام 2026 – 2027 – 2028 👇
📌 قبول مليون ونصف مهاجر علي مدار الثلاث سنوات 2026 - 2027 - 2028
📌 68% من القبول هيكون عن طريق ترشيح المقاطعات (PNP) بالإقامة الدائمة
و في 2026 اللي هي السنة ديه كندا هتستقبل تقريبا 765,000 مهاجرجديد منهم 380,000 مهاجر هيحصل علي الاقامة الدائمة مباشرة من بلده ، من قبل ما يسافر كندا

فيديو انهاردة عن برنامج جديد عن الهجرة الي كندا في 2026 مفيش اي صانع محتوي اتكلم عنه سابقا
العبدلله اول صانع محتوي اتكلم عنه
و بيقدم لك الاقامة الدائمة انت واسرتك من قبل ما تدخل كندا
ومحتاج الي ما يقرب لـ 100,000 مهاجر جديد يدخل كندا بالاقامة الدائمة
في فيديو اليوم انا شرحت لكم كل شئ بالتفصيل

مين متحمس ومستني يشوف فيديو انهاردة
توقيت الفيديو :
الساعة 7 م بتوقيت مصر ولبنان و السعودية و سوريا و العراق و اليمن و الاردن و قطر
الساعة 8 م بتوقيت الامارات و سلطنة عمان
الساعة 6 م بتوقيت ليبيا و السودان
الساعة 5 بتوقيت الجزائر و تونس و المغرب

تابعوني علي فيسبوك👇
www.facebook.com/travel.the.world.with.ahmed
تابعوني علي انستجرام 👇
www.instagram.com/travel_the_world2511/

#الهجرة #هجرة #هجره #كندا #الهجرة_الي_كندا #سفر #السفر_الي_اوروبا

2 months ago (edited) | [YT] | 145

Ahmed Hassanin - Travel The World

تعديل : الفيديو نزل ياشباب 👇
https://youtu.be/YjGAMGgsX_8?si=24FG3...

يا مساء الفل عليكم يا شباب ، اخباركم ايه ؟ يارب تكونوا بخير ❤️
ناس كتير بتحلم بالسفر الي اوروبا ولكن دايما بيواجهوا مشكلة عرض العمل ، رغم انها اصبحت مش عائق لكن مازالت الناس بتواجه صعوبات فيه....
فيديو انهاردة جيبت لكم فرصة مهمة جدا للسفر و الانتقال والاقامة في اسبانيا بدوووووووون عقــــــــــــــــد عمـــــــــل
بدون الحاجة الي عقـــــــــد عمــــــــــل
الفرصة ديه محدش شرحها بالتفصيل ده قبل كدا ، ومحدش قدر يشرحها بكل تفاصيلها
يعني العبد الفقير الي الله اول شخص يشرح لكم الفرصة ديه بالتفصيل

وكمان شرحت كل شئ نظري وعملي علشان تقدروا تقدموا وتسافروا علي خير بأمر الله ولا تنسونا في دعائكم
مين متحمس ومستني يشوف فيديو انهاردة
توقيت الفيديو :
الساعة 7 م بتوقيت مصر ولبنان و السعودية و سوريا و العراق و اليمن و الاردن و قطر
الساعة 8 م بتوقيت الامارات و سلطنة عمان
الساعة 6 م بتوقيت ليبيا و السودان
الساعة 5 بتوقيت الجزائر و تونس و المغرب

تابعوني علي فيسبوك 👇
www.facebook.com/travel.the.world.with.ahmed
تابعوني علي انستجرام 👇
www.instagram.com/travel_the_world2511/

#الهجرة #هجرة #هجره #كندا #الهجرة_الي_كندا #سفر #السفر_الي_اوروبا

2 months ago (edited) | [YT] | 169

Ahmed Hassanin - Travel The World

🚨 هو أنا لو فقدت شغلي في الخليج... هاروح فين؟🤔
ده السؤال اللي بقيت بسمعه بشكل متكرر جدا من مصريين وعرب مقيمين في السعودية والإمارات وقطر والكويت وعُمان.
وخلال الشهور الأخيرة، لاحظت إن عدد الرسائل والتعليقات اللي بتوصلني من المقيمين في الخليج زاد بشكل كبير، وكلها تقريبا بتدور حول نفس الفكرة:
( إحنا محتاجين خطة بديلة علشان الدنيا بتقفل علينا في الخليج )

وده مش معناه إن الخليج مكان سيئ، ولا إن فرص العمل انتهت، بالعكس... دول الخليج كانت وما زالت وجهة عمل مهمة لملايين العرب، ولسه فيها فرص حقيقية لكثير من التخصصات.

لكن في نفس الوقت، سوق العمل بيتغير بسرعة.
في السعودية مثلا، برامج توطين الوظائف (السعودة) مستمرة في عدد من القطاعات، وده طبيعي لأنه جزء من خطط الدولة لتوظيف المواطنين.
وفي دول تانية، ناس بتحكي عن صعوبة أكبر في تغيير الوظائف أو تجديد بعض أنواع الإقامات أو الحصول على عروض عمل جديدة مقارنة بالسنين اللي فاتت، بجانب ارتفاع تكاليف المعيشة والإقامة، وده خلى ناس كتير تحس إن وجودها مرتبط بعقد العمل بشكل كامل، وإن أي تغيير مفاجئ ممكن يقلب حياتها بالكامل، وتجارب الناس اللي بتتحكي ليا بتخليني انا نفسي متفاجئ من اللي بيحصل.

وأعتقد إن أكتر إحساس صعب ممكن يعيشه أي مغترب هو إنه يحس إن مستقبله كله متعلق بوظيفة واحدة.
طيب... الحل إيه؟ 🤔
من وجهة نظري، الحل مش إنك تستنى لحد ما تحصل المشكلة.
الحل إنك تبدأ من دلوقتي تبني "الخطة البديلة".

✅ طور لغتك الإنجليزية، ولو هتستهدف دولة معينة زي المانيا ابدأ اتعلم لغتها.
✅ اعمل CV احترافي يكون جاهز لأي فرصة.
✅ قدم باستمرار على الفرص المناسبة لك حتى لو مش ناوي تسافر بكرة.
✅ لو مهنتك مطلوبة في كندا أو أستراليا أو نيوزيلندا أو أوروبا، ابدأ اعرف مطلوب منك ايه و طرق التقديم من دلوقتي.
✅ وفر جزء من دخلك علشان يكون عندك احتياطي يساعدك لو احتجت تغير مسارك ، أو حتي لو رجعت بلدك تقدر تفتح بيزنس وتعيش كويس بدل ما تحتاج دائما للوظائف عند الناس.
✅ ظبط عقلك و اشتغل علي تطوير مهاراتك في الإدارة المالية و البيزنس ، لأن أي تحسن في حياتك هيحصل لما تبدأ تتصرف صح وبالعقل وبالمنطق.

انا مؤمن إن أسوأ قرار هو إن الإنسان يفضل معتمد على خيار واحد فقط.
وجودك في الخليج ممكن يستمر سنوات طويلة بدون اي جدوي حقيقية بل بالعكس كمية الأمراض النفسية اللي هتطلع بيها لا تساوي مال الدنيا، من الحكمة إن يكون عندك دائمًا Plan B

وده السبب اللي خلاني في الفترة الأخيرة أركز بشكل أكبر على شرح برامج الهجرة القانونية، وفرص العمل، والدراسة، والتدريب المهني في دول العالم الاول زي كندا وأوروبا... علشان أي شخص يكون عنده أكثر من طريق يقدر يختاره إذا احتاج في المستقبل.

#الهجرة #هجرة #هجره #اوروبا #الهجرة_الي_اوروبا #سفر #السفر_الي_اوروبا

2 months ago | [YT] | 79

Ahmed Hassanin - Travel The World

تعديل: الفيديو نزل ياشباب 👇
https://youtu.be/lpFzuGRct18?si=KxFJ6...

يا مساء الفل عليكم يا شباب ، اخباركم ايه ؟ يارب تكونوا بخير ❤️
🚨 خبر عاجل لكل الباحثين عن الهجرة الي كندا بالاقامة الدائمــــــــــــة ! 🚨
كندا أطلقت برنامج تجريبي جديد بيسمحلك إنك تسافر انت وأسرتك وتحصل علي اقامة دائمة لك ولأسرتك
برنامج تجريبي يعني برنامج مؤقت للهجرة ، يعني لازم تلحق تقدم قبل الاغلاق

فا فيديو انهاردة هيكون عن واحد من اهم واسهل البرامج واسهل فيزا تقدر من خلالها تهاجر لكندا و تحصل علي الاقامة الدائمة ليك ولأسرتك
وكل شئ انا شرحته بالفيديو هيكون من الموقع الحكومي الكندي الرسمي الخاص بادارة الهجرة الكندية
وكمان شرحت كل شئ نظري وعملي علشان تقدروا تقدموا وتسافروا علي خير بأمر الله ولا تنسونا في دعائكم

مين متحمس ومستني يشوف فيديو انهاردة
توقيت الفيديو :
الساعة 7 م بتوقيت مصر ولبنان و السعودية و سوريا و العراق و اليمن و الاردن و قطر
الساعة 8 م بتوقيت الامارات و سلطنة عمان
الساعة 6 م بتوقيت ليبيا و السودان
الساعة 5 بتوقيت الجزائر و تونس و المغرب

تابعوني علي فيسبوك 👇
www.facebook.com/travel.the.world.with.ahmed
تابعوني علي انستجرام 👇
www.instagram.com/travel_the_world2511/

#الهجرة #هجرة #هجره #كندا #الهجرة_الي_كندا #سفر #السفر_الي_اوروبا

2 months ago (edited) | [YT] | 168

Ahmed Hassanin - Travel The World

الفيديو نزل ياشباب 👇
https://youtu.be/kDNxeHGOBGs?si=GaMlT...

يا مساء الفل عليكم يا شباب ، اخباركم ايه ؟ يارب تكونوا بخير ❤️
ناس كتير جدا بتحلم بالسفر الي اوروبا ، للعمل والكسب
ولكن دايما بتقابلهم مشكلة و هي عقد العمل
في فيديو اليوم انا جيبت لكم فرصة العمل للسفر والهجرة الي دولة اوروبية شهيرة جدا ولكن بدون عقد عمل
بدووووووووون عقــــــــــــــــد عمـــــــــــــــل

الدولة ديه في 2024 قبلت عدد 353,100 شخص في الفرصة ديه
وفي 2025 قبلت عدد 360,300 شخص في نفس الفرصة
يعني علي مدار سنتين فقط الدولة ديه قبلت تقريبا 713 الف و 400 شخص في الفرصة اللي عرضتها ليكم اليوم

مين متحمس ومستني يشوف فيديو انهاردة
توقيت الفيديو :
الساعة 7 م بتوقيت مصر ولبنان و السعودية و سوريا و العراق و اليمن و الاردن و قطر
الساعة 8 م بتوقيت الامارات و سلطنة عمان
الساعة 6 م بتوقيت ليبيا و السودان
الساعة 5 بتوقيت الجزائر و تونس و المغرب

تابعوني علي فيسبوك 👇
www.facebook.com/travel.the.world.with.ahmed
تابعوني علي انستجرام 👇
www.instagram.com/travel_the_world2511/

#الهجرة #هجرة #هجره #اوروبا #الهجرة_الي_اوروبا #سفر #السفر_الي_اوروبا #المانيا #هولندا #dubai #السفر #الهجره #دبي #travel
#travelling #TravelEurope #هجرة_اوروبا

3 months ago (edited) | [YT] | 143