Ramil Şamilli Akif oğlu 8 noyabr 1977-ci ildə Bakının Sovetski qəsəbəsi, Bayır şəhər ərazisində doğulub. Repə 1993-ci ildən başlasa da, 2000-ci ildə ilk səsyazmalarını yazdırıb. 2004-cü ildə “Klan A Plan” qrupuna daxil olub. Qrup fəaliyyətində olduğu illər yaradıcılıq baxımdan kifayət qədər məhsuldar keçmişdir. 2005-ci ildə “Nabran” adlı repiylə uğur qazandıqdan sonra xalq tərəfindən bu təxəllüsə layiq görülüb. Solo fəaliyyətə başladığı müddətdən etibarən “Bomba”, “Oyna”, “ABRACADABRA”, "Tempi tut", “Basdalama damarımı”, “Gedək oppalara” kimi hit mahnılara imza atmışdır. Ən sevilən pop ulduzları ilə hazırladığı duetlər dinləyicilərin nəbzini tutmuş, ölkənin əsas əyləncə məkanlarında səslənmişdir. Bir çox reperlərin əlinin pula çatmasında böyük motivasiya rolu var. Azrep üçün önəmli işlər görən Ramil Nabran yaradıcılığını davam etdirməkdədir.
“Ən böyük istedad İNSAN olmaqdır!”
Ramil Nabran