Live Sri Lanka - Invidious

වෙනිසියුලාවට එල්ල කළ ප්‍රහාරයෙන් පසු එරට ජනාධිපති නිකලොස් මධුරෝ අමෙරිකානු අත්අඩංගුවට ගත් ආකාරය සම්බන්ධව ඩොනල්ඩ් ට්‍රම්ප් පළමු වරට අදහස් දක්වා තිබෙනවා.

ඒ විදෙස් මාධ්‍යක් වෙත අදහස් දක්වමින් වන අතර එහිදී ට්‍රම්ප් පවසා ඇත්තේ ඔහුව අල්ලා ගන්නා විට ඔහු සිට ඇත්තේ නිවසක නොව බලකොටුවක් වැනි ස්ථානයක බවයි.
එමෙන්ම ඔහුව අල්ලා ගන්නා විට තමන් එය සජීවීව නැරඹූ බවත් අමෙරිකානු ජනාධිපතිවරයා පවසා තිබෙනවා.

එමෙන්ම මෙම ප්‍රහාර මීට දින 4කට පෙර සිදුකිරීමට නියමිතව තිබුණද කාලගුණික තත්ත්වය හමුවේ එය වෙනස් වූ බවත් කාලගුණය යහපත් වූ වහාම ඒ සඳහා ක්‍රියාත්මක වන ලෙස තමන් දැන්වූ බවයි අමෙරිකානු ජනාධිපතිවරයා මාධ්‍ය වෙත පවසා ඇත්තේ.

කෙසේ නමුත් ප්‍රහාරයට සති කිහිපයකට පෙර මධුරෝට යටත් වන ලෙස දැන්වූ බවද අමෙරිකානු ජනාධිපතිවරයා එහිදී පවසා තිබෙනවා.
ඒ අනුව තමන් වෙනිසියුලානු ජනාධිපතිවරයාට කතා කළ යටත්වන ලෙස දැන්වූ බවද ට්‍රම්ප් විදෙස් මාධ්‍ය වෙත පවසා ඇත.

මේ අතර අමෙරිකා එක්සත් ජනපදයේ මෙරීන් බළකාව විසින් අල්ලාගත් වෙනිසියුලානු ජනාධිපති මධුරෝ සහ ඔහුගේ බිරිඳ නිව්යෝර්ක් බලා යමින් සිටින බවද ඩොනල්ඩ් ට්‍රම්ප් මාධ්‍ය වෙත පවසා තිබෙනවා.

එහිදී අදහස් දක්වමින් ට්‍රම්ප් සඳහන් කර ඇත්තේ ඔවුන් බොහෝ මිනිසුන් සහ අමෙරිකානුවන් විශාල ප්‍රමාණයක් මත්ද්‍රව්‍ය භාවිතයෙන් මරා දැමූ බවත් ඒ අනුව මෙම චෝදනා මත ඔවුන් දෙපළට නිව්යෝර්ක් හිදී අධි චෝදනා ගොනු කර ඇති බවයි.

මේ අතර වෙනිසියුලාවේ පවතින තත්ත්වය මත එරට බලය අත්පත් කරගැනීම සඳහා විපක්ෂය නායිකාව වන මාරියා කොරිනා මචාඩෝට සහාය ලබා දීම සම්බන්ධව සොයා බැලිය යුතු බව ට්‍රම්ප් පවසා තිබෙනවා.

මෙහිදී වෙනිසියුලාවේ දැනට උප ජනාධිපතිවරියක් සිටින බවත් ඔවුන් කුමන ආකාරයේ කටයුතු ඉදිරියට සිදුකරන්නේද යන්න තමන් නොදන්නා බව පැවසා ඇති අමෙරිකානු ජනාධිපතිවරයා පවසා ඇත්තේ රට තුළ ඉතිරිව සිටින ඕනෑම මධුරෝ පාක්ෂිකයෙකුට එරෙහිව දෙවන රැල්ලකට එක්සත් ජනපදය සූදානම් බවයි.

එමෙන්ම ඉදිරියේදී වෙනිසිලාවේ තෙල් සහ යටිතල පහසුකම් නැවත ගොඩනැගීම සඳහා අමෙරිකානු සමාගම් දැඩි ලෙස සම්බන්ධ වනු ඇතැයි තමා විශ්වාස කරන බවද ට්‍රම්ප් පවසා තිබෙනවා.

1 month ago | [YT] | 0

View 0 replies

Live Sri Lanka

හෙළයේ ගීත කෝකිලාවිය ලතා වල්පොල දිවි ගමනට සමුදෙයි

හෙළයේ ගීත කෝකිලාවිය ලෙස විරුධාවලි ලැබූ කලාශූරී ලතා වල්පොල මහත්මිය අද (15) අභාවප්‍රාප්ත වී තිබෙනවා.
මියයන විය ඇය 91 වන වියේ පසුවුණා.

වර්ෂ 1934 දී ගල්කිස්සේ දී උපත ලැබූ ලතා වල්පොල මහත්මිය 1946 වසරේ දී එවක රේඩියෝ සිලෝන් හි තම පළමු ගායනය ඉදිරිපත් කරන්නේ, වයස අවුරුදු 12ක පුංචි දැරියක් ලෙසයි.

ඇය මේ වනවිට ගීත දස දහසකට අධික ප්‍රමාණයක් ගායනා කර ඇති අතර, ඒ අතර විදෙස් භාෂා ගීත ද වනවා.

සිනමාවේ සදාකාලික 'ගී රාජිනිය' ලෙසද ලතා වල්පොල මහත්මිය විරුධාවලි ලබා ඇත්තේ.

1953 වසරේ දී එදා රෑ චිත්‍රපටයෙන් සිනමාවට පිවිසි ඇය ගෙවුණු දසක කිහිපය තුළ චිත්‍රපටි 600කට අධික ප්‍රමාණයකට තම හඬ දායකත්වය දක්වා තිබෙනවා.