廚職背遊梁芷靈 BackpaCooking

【🇬🇧Keep Calm & Carry On】早幾日出咗倫敦，做咗兩件非常開心嘅事☀️ 太耐未試過完全拋低剪片工作一天，增值吓自己、見吓好朋友💕

✅2024年同「10磅」say byebye🏃🏻‍♀️
✅2025年同「捱夜」say byebye💤
🎯2026年目標係「同多啲好朋友say hello」👋🏻

❤️我有用計劃、恆心同行動，一年一年進步、平衡生活同身心健康㗎，大家都要好好照顧自己🫶🏻 呢半年收到非常多觀眾朋友PM，擔心定居計劃多咗變數，希望今個週末，大家心情定返啲，明年繼續一切順利～

❄️呢排超凍，新片係專為天寒地凍嘅日子度身訂造！努力剪接中，希望禮拜日準時同大家見面，等大家快啲有得一齊煮🎬🔥

#英國生活

Skip the Carousel

1 2 3 4

3 weeks ago (edited) | [YT] | 2,066

廚職背遊梁芷靈 BackpaCooking

【⭐️26萬訂閱】 記得五年前發佈第一條YouTube影片時，試當真啱啱開台無幾耐。隨住呢半年一集一集見證佢哋倒數，不禁回想自己呢五年，拍YouTube又好，移民又好，正職又好，不知不覺都頂過咗好多奇難雜症，Trial & Error 中勉強成長🌊

今年拍咗好多自己好鍾意嘅背遊同餸菜，甚至乎有好多係明知冷門啲，都無理咁多，豁出去任性挑戰吓（然後再努力工作幫補返）

🍿一日仲有得拍，一日都繼續諗點樣用有限嘅資源，突破過去🎬

2026年，繼續好好把握喺英國生活嘅時光，去多啲新地方，見多啲新朋友、舊朋友❤️

P.S. 呢兩個月拍咗好多背遊系列！不過年尾工作比較忙，要努力慢慢剪，敬請期待🌍

#英國生活

1 month ago | [YT] | 2,451

廚職背遊梁芷靈 BackpaCooking

【🎓劍橋大學分享】一路以嚟，我習慣諗埋「一人前」煮法，拍咗咁耐，終於第一次同咁多「一人前」用家見面🥳

踏進超過500年歷史嘅St John’s College，喺莊嚴典雅嘅課室，同一班香港留學生傾偈！

當晚嘅每一位同學，個個全神貫注、主動發問，年紀輕輕就一個人飛到咁遠生活，兼顧學業之餘，既要照顧自己起居飲食，亦不忙結交來自世界各地嘅朋友，非常珍惜喺劍橋留學嘅分秒。

📖好開心同咁多留學生觀眾見面，大家都已經煮過好多味餸，炆牛腩、蒸水蛋、蕃茄炒蛋、煎三文魚… 有同學好謙虛咁話：「蒸水蛋未夠滑，失敗咗。」

我話：「每一次煮，都幫助我哋更加理解背後嘅科學原理，呢碟蒸水蛋只係成功嘅開始。」

我又同在座嘅同學仔講：「你哋全部都比我更加早煮出人生第一餐飯！」

分享會之後，同學仲帶我參觀校園，介紹咗好多劍橋大學傳統文化俾我聽。

🍽️第一次踏足數學橋，有幸披上學院袍，以拉丁文禱告，再享用一餐承傳幾個世紀嘅3-course formal dinner，被濃厚嘅英國傳統、熱情嘅同學包圍咗一晚，讓我重拾大學時期嘅青春活力❤️‍🔥

🌍事隔幾日，有啲同學仔發問嘅問題，言猶在耳，我都仲會諗出另一個方法去答，例如solo travel最重要嘅貼士，我覺得係學習帶少啲行李，呢個習慣日後慢慢一點一滴培養出更加簡約嘅價值觀，更加善用有限嘅資源去做更多嘅事。

正如蒸水蛋一樣，我都要多啲練習面對面同新朋友分享，下次表達得更加言簡意賅。

直到如今，去英國留學，仍然係改變我一生最多、最重大嘅決定。希望當晚嘅莘莘學子，有一個精彩難忘嘅留學時光！無論日後從事咩行業，都可以煮一餐飯燃點對生活嘅熱情❤️‍🔥

P.S. 特別多謝一班學生會幹事嘅安排同邀請！亦要多謝各位同學仔嘅爸爸媽媽多年來一齊睇片支持🥰

Skip the Carousel

1 2 3 4 5

1 month ago (edited) | [YT] | 2,231

廚職背遊梁芷靈 BackpaCooking

【🌍出發拍背遊】今日機場大擠塞，職員話因為朝早有火警，全體疏散，所以事後大擠塞。

🇬🇧Keep calm and carry on，估唔到全程混而不亂，最後準時順利起飛，完全無delay，lucky🥳

🦞唔講去邊度住，因為剪得嚟，可能已經係兩個月嘅事😆

🎯沿途剪緊最新一集煮餸片，希望好快面世

#英國生活 #歐洲旅行 ✈️

Skip the Carousel

1 2 3 4 5

2 months ago | [YT] | 1,348

廚職背遊梁芷靈 BackpaCooking

【🍂秋冬篇】睇完「三餸一湯」嘅朋友，邊個餸會係你哋最快煮呢？

我已經拍攝緊三四集煮餸系列，背遊系列同步有兩個耳目一新嘅旅程，寫緊行程同拍攝rundown！秋冬節目非常豐富，如火如荼製作中🔥

👍🏻Like / Comment / Share / Subscribe / 以上皆做，係對我哋製作莫大嘅支持！

希望有你繼續支持～期待收到大家嘅三餸一湯！

#英國三餸一湯

3 months ago | [YT] | 642

廚職背遊梁芷靈 BackpaCooking

【🛒就地取材】眨眼5年，迎來第70集「全部英國超級市場買得晒」！

由5年前，spring onion 37p，拍到依家 75p。雖然買餸貴咗，但係感恩超級市場愈來愈多新材料⭐️ 就地取材都可以煮多百幾味！

Sunday出新片，約定大家🍿

#新片預告 #三餸一湯
#廚職背遊梁芷靈

3 months ago | [YT] | 1,271

廚職背遊梁芷靈 BackpaCooking

【🎬順延一週】新一集想剪得好啲，今日出唔到住，等我剪多一星期先同大家分享🙌🏻

🍿歡迎睇住「背遊斯洛文尼亞🇸🇮」等等我

🙌🏻🙌🏻🙌🏻

3 months ago | [YT] | 1,344

廚職背遊梁芷靈 BackpaCooking

【🎬我的志願】絕大部份觀眾係由我喺德國、英國做廚師嘅時候，開始認識我。不過其實新聞系畢業嘅我，讀書時從來無想像過成為廚師。

大學時期喺製作公司實習之後，就一路時時刻刻想成為「旅遊 / 飲食節目」嘅製作人。

✂️我會通宵留喺學校 / 公司剪片、用兼職半年儲嘅錢，買咗人生第一部單反相機、第一支二手紅圈鏡頭。。。

🌊香港傳媒行業風高浪急，我曾經一度以為自己會同傳媒呢行say 拜拜，但係世事好奇妙，兜兜轉轉，努力拍咗幾年YouTube之後，開始覺得自己一步一步再次行近呢個陳年志願。

🌍 多得大家支持，俾機會我由「煮餸系列」，慢慢轉型，雙線發展埋「背遊系列」，慢慢成為「旅遊 / 飲食節目」嘅製作人。

🎤蚊型製作，要頂硬上兼顧埋最唔擅長嘅主持工作，力有不逮。鏡頭前嘅高矮肥瘦、樣貌聲線、年齡衣着，有時會蓋過咗鏡頭背後嘅努力。

前輩話：「以上係無數製作人仍然學習緊應對嘅課題。」

🔥繼續努力，希望作品能為多啲人帶來20-30分鐘嘅歡樂，甚至掃走一日嘅辛勞，成為合家歡時光嘅一部分。

🍿新一集背遊剪好70%啦，目標係今個Sunday同大家見面啦！ushhhhhh🦾✂️

#密切留意 #背遊系列
#廚職背遊梁芷靈

Skip the Carousel

1 2 3 4 5 6 7 8

3 months ago | [YT] | 3,668

廚職背遊梁芷靈 BackpaCooking

【🇮🇹意大利後記】呢幾年見證好多觀眾朋友，由香港嚟到英國，由人生路不熟，到精通英國窿窿罅罅，再開始explore 歐洲唔同城市... ✈️

💌然後今年好多觀眾不約而同話：「芷靈，平時我哋要等小朋友放假先可以去旅行，而呢啲旺季，去巴黎、羅馬、巴塞隆拿... 都又旺又貴，外遊負擔好大。」

💭於是，我就開始構思，拍攝一啲遊客少又好玩嘅歐洲城市。今次揀咗意大利，一個我第三次去嘅城市。

👧🏻第一次去，係小學六年班，媽媽帶我去探佢中學時期結交嘅一位意大利 pen friend。去嘅時候，pen friend 都已經做咗媽媽。睇返啲舊相，似乎當時就默默埋下咗我嚮往歐洲生活嘅種子。

🎓第二次去，係大學三年班，用兼職補習賺到嘅少少錢，帶媽媽再去探 pen friend。我跟pen friend媽媽學沖意大利咖啡、煮pasta，同三個囝囝踢波打籃球，佢哋教我意大利文，我教佢哋英文。

💶記得 Trieste 物價唔高，樣樣嘢都比大城市平10-20%，餐餐美食，又唔駛太多錢。

🌍今次第三次再去，好多回憶返晒嚟～

🍿每次製作，最希望大家睇得開心。可以成為大家喺世界各地生活，食飯開嚟睇嘅電視節目，給予我繼續進步嘅原動力，尤其係聽到好多嚟咗外國讀書嘅小朋友，鍾意一齊睇，成為一個粵語合家歡時間。

✂️下一集，努力剪接中！上星期，我仲一邊返工，一邊剪意大利，再一邊拍咗一集三餸一湯，再有好好兼顧休息！充實而開心～

🎬更多猛片陸續推出，密切期待！逢星期日不妨嚟我嘅YouTube Channel探吓我，睇吓有無新片啦～

🌈下個Sunday見！

#背遊系列
#廚職背遊梁芷靈

Skip the Carousel

1 2 3 4 5

3 months ago | [YT] | 1,490

廚職背遊梁芷靈 BackpaCooking

【😅出片挑戰：失敗】 尋晚10點，新片剪好70%！餘下30%，預計剪多8-10小時完成。以前嘅我，會繼續剪多5小時➡️瞓4小時➡️再起身剪5小時➡️ 出片！

但係依家嘅我會乖乖聽大家嘅叮囑：「唔好心急，要有足夠休息」 唔好勉強、慢工出細貨，況且趕住出片，好多時其實捨棄咗好多part。。。

於 ～ 是 ～

💻 我決定押後一星期出片，10點熄電腦➡️Me Time 片刻➡️準備瞓覺💤

呢個星期，精精神神繼續剪埋餘下30%✂️

🥛呢幾年，實在多得大家不厭其煩提醒我要注意休息，我先至更加認真思考如何分配時間、如何改善作息🫶🏻

🍿下個禮拜日 8月24號見🎬

歡迎重溫住最新一集先：
【靈記你問我答】白飯點解有毒素？

3 months ago | [YT] | 2,069