Gyan Journey - Invidious

Gyan Journey

🙏नमस्कार🙏

तुमचे स्वागत आहे Gyan journey Channel वर,

तुमच्या सर्वांसाठी अध्यात्म, विज्ञान आणि ज्ञान यांचे संगम साधणारे माहितीपूर्ण ठिकाण.😇
आमचे चॅनेल जीवन, ब्रह्मांड आणि स्वतःच्या गूढतेचा शोध घेण्यासाठी आहे, जे प्राचीन तत्त्वज्ञान आणि आधुनिक शोधांचे अनोखे मिश्रण तुमच्यासमोर सादर करते.

तुम्हाला आध्यात्मिक समज वाढवायची असेल, विज्ञानातील नव्या शोधांची उत्सुकता असेल किंवा नवीन ज्ञानाने तुमचा दृष्टिकोन विस्तृत करायचा असेल, तर आमच्याकडे प्रत्येकासाठी काहीना काही आहे. आमचे ध्येय आहे विचारप्रवर्तक, शैक्षणिक आणि ज्ञानप्रद विषय तुमच्या पर्यंत पोहचवणे.
जी तुम्हाला जगाकडे विस्तृत दृष्टिकोनातून पाहण्याची प्रेरणा देईल.

या शिकण्याच्या आणि शोधयात्रेच्या प्रवासात आमच्यात सामील व्हा.🙏 कृपया Subscribe करा आणि Notification साठी Bell Icon ला क्लिक करा!

तुमच्या कडे हि कोणता अध्यात्मिक ज्ञान आहे व तुमचे हि काही अनुभव असतील तुम्हाला ते लोकांपर्यंत पोचवायचे आहेत तर आमच्याशी संपर्क नक्की करा 🙏🙏🙏 धन्यवाद.

For Business/Work Inquiries, Email: gyanjourneywithus@gmail.com

View channel on YouTube

Switch Invidious Instance

Videos

Shorts

Livestreams

Playlists

Posts

Gyan Journey

🙏 दत्त जयंतीच्या पावन दिवशी
दत्तात्रेय भगवान तुमच्यावर कृपादृष्टी ठेवो.
जीवनातील अडचणी दूर होवोत,
वाटचाल सुख-समाधानाने भरून जावो.
दत्त जयंतीच्या हार्दिक शुभेच्छा 📿🙏

3 weeks ago | [YT] | 262

View 5 replies

Gyan Journey

हिमाचल प्रदेशातील कांगडा खोऱ्यात वसलेलं ज्वाला देवी शक्तीपीठ 🔥 हे भारतातील सर्वात अद्भुत आणि रहस्यमय स्थळांपैकी एक मानलं जातं. इथे ना कुठली मूर्ती आहे 🗿, ना दगड… फक्त भूमीतून प्रकट होणाऱ्या अखंड जिवंत ज्वाला आहेत ✨. शतकानुशतकं त्या अग्निज्योती सतत प्रज्वलित राहिल्या आहेत. पाऊस 🌧️, वारा 🌬️, भूकंप 🌍 काहीही झालं तरी त्या कधीच विझत नाहीत. शास्त्र सांगतं की सतीदेवीची जीभ 👅 इथे पडली होती आणि म्हणूनच या ज्वाला अनादी-अनंत काळापासून पेटत राहतात.

अनेक शास्त्रज्ञ 🔬 यांनी या ज्योतींचं रहस्य उलगडण्याचा प्रयत्न केला. त्या भूमिगत गॅसमुळे आहेत का? 💨 पृथ्वीच्या गर्भातून उसळणाऱ्या एखाद्या रासायनिक प्रक्रियेमुळे? ⚡ की खरोखरच दिव्य शक्तीचा श्वास आहेत? 🙏 पण आजवर कुणालाही ठोस उत्तर देता आलं नाही. अद्भुत म्हणजे, या ज्योती कधीच धगधगत नाहीत 🔥, धूर सोडत नाहीत, उलट निळसर-पिवळ्या शांत प्रकाशात ✨ सतत लुकलुकत राहतात.

लोककथेनुसार, गोरखनाथांचे शिष्य 🧘 असलेल्या काही सिद्धपुरुषांना सर्वप्रथम या ज्योतींचं दर्शन झालं. त्यांनी त्यांना देवीचं स्वरूप मानून तिथे ध्यान आणि साधना केली. पुढे इतिहासात सांगितलं जातं की मुघल बादशहा अकबर 👑 यानेही या स्थळाची परीक्षा घेतली होती. त्याने मंदिरावर सोन्याचं छत घातलं 🏰, पण दुसऱ्याच दिवशी ते छत राखेत रुपांतरित झालं 🕯️. हा चमत्कार पाहून अकबरानेही देवीसमोर आपलं मस्तक झुकवलं 🙇.

भाविकांच्या मते या ज्वाला म्हणजेच देवीचं अखंड स्वरूप आहे 🌺. देवीचं वचन आहे—
“मी या रूपात अखंड दिसत राहीन.”

म्हणूनच या ज्वाला आजही अविरत प्रज्वलित आहेत 🔥.

कांगड्याच्या डोंगररांगांमध्ये 🏞️ दडलेलं हे अद्भुत शक्तीपीठ जणू आपल्याला सांगतं—देवीची शक्ती फक्त मूर्तीतच नाही 🪔, तर अग्नीच्या जिवंत ज्योतीतही प्रकट होऊ शकते ✨.

आणि प्रश्न अजूनही तसाच उरतो—या ज्योती केवळ भूमीचं रहस्य आहेत का 🌍, की खऱ्या अर्थानं दिव्य शक्तीचं साक्षात दर्शन? 🙏🔥

2 months ago | [YT] | 27

View 2 replies

Gyan Journey

नवरात्र म्हणजे केवळ नऊ रात्रींचं व्रत नव्हे,
तर ब्रह्मांडाच्या गर्भातून उमलणाऱ्या आदिशक्तीचा स्पंदनांचा उत्सव.
या नऊ रात्रींत देवीचं गूढ स्वरूप प्रत्ययास येतं.
आणि ह्या गूढतेचं सर्वात प्रखर, सर्वात अद्भुत ग्रंथ रूप म्हणजे ... दुर्गा सप्तशती.

हा ग्रंथ म्हणजे केवळ अक्षरांचा ओघ नाही,
तर तो एक जिवंत श्वास आहे.
जसं मासा पाण्यावाचून राहू शकत नाही,
जसं बीजात अख्ख्या वृक्षाचं आयुष्य दडलेलं असतं, तसंच देवीभक्ताचं जीवन ह्या सप्तशतीच्या अध्यायांत वसलेलं असतं.
१३ अध्याय ... १३ ब्रह्मास्त्र.
प्रत्येक अध्याय हा जणू विश्वातील एखाद्या लपलेल्या शक्तिदालनाचं कुलूप उघडणारा मंत्र.

पहिला अध्याय ... मनातल्या काळोख्या चिंतेला दूर सारून प्रकाशाची दिशा दाखवतो.
दुसरा अध्याय ... सत्याच्या वाटेवर उभं राहून विजयाचा जयघोष करायला शिकवतो.
तिसरा अध्याय ... शत्रूंच्या सावल्या नाहीशा करून अंतर्मनाला निर्भय बनवतो.
चौथा अध्याय ... निष्काम भक्तीचा अमृतरस पाजतो.
पाचवा अध्याय ... अदृश्य भय, भूतबाधा, स्वप्नांचे वाईट फल... हे सर्व संपवतो.
सहावा अध्याय ... जादूटोणा, तंत्रबाधा, राहु-केतूचे ग्रहण ह्यांचं बंधन फोडून टाकतो.
सातवा अध्याय ... हृदयातल्या खरी, स्वच्छ मनोकामना पूर्ण करतो.
आठवा अध्याय ... हरवलेल्याला परत भेटवतो, विखुरलेल्याला पुन्हा जोडतो.
नववा अध्याय ... संततीच्या सुखासाठी, प्रगतीसाठी मायेचा हात देतो.
दहावा अध्याय ... भटकी संतती योग्य मार्गावर आणतो.
अकरावा अध्याय ... व्यवसाय, धन, सुख यांना स्थैर्य प्रदान करतो.
बारावा अध्याय ... मान-सन्मान पुन्हा उजळवतो आणि जुनाट रोगांच्या बेड्या तोडतो.
तेरावा अध्याय ... भगवतीच्या अखंड भक्तीचं अंतिम द्वार उघडतो.

दुर्गा सप्तशती म्हणजे शास्त्र, तंत्र, मंत्र, स्तोत्र या सगळ्यांच्या पलीकडचं एक अद्भुत विश्व.
जो याला स्वीकारतो, त्याच्या जीवनात देवीच्या चरणांची नादमय उपस्थिती ठाण मांडून बसते.

ह्या नवरात्रात एकदा का सप्तशतीच्या अक्षरांना हृदयात उतरवलं,
की मग तुम्ही फक्त भक्त नाही राहात… तुम्ही स्वतः देवीच्या प्रकाशाचे... तेजचे अंश बनता.

इदं न मम ।
लारा साळुंखे

3 months ago | [YT] | 27

View 2 replies

Gyan Journey

गुरुचरित्रात परान्न दोष सांगितले आहेत, त्यामुळे होणारे तोटे लक्षात घेऊन आपण परान्न टाळावयास हवे पण सध्या हे बऱ्याचदा शक्य होत नाही. कोणाकडे अन्नग्रहण करावे आणि कोणाकडे करू नये याचे काटेकोर नियम गुरुचरित्रात सांगितले आहेत. अन्न हे दोष अथवा वासना वहनाचे कार्य करते आणि याची प्रचिती नेहेमी येते. सांप्रत काळात परान्न हा भाग कोणी पाळत नसले तरी त्याचे दूरगामी परिणाम दिसून येतात. का असं सांगितलं असेल ? कोणाकडे केवळ जेवण्याने असा काय तोटा किंवा नुकसान होते ?? कैक उदाहरणे यादाखल देता येतील. नकारात्मक आणि सकारात्मक देखील.

थोरल्या महाराजांच्या चरित्रात एक कथा आहे. ब्रह्मावर्तास आप्पा खाडिलकर नावाचा एक ब्राह्मण होता. त्याला एकदा रक्ताची हगवण सुरु होऊन तो फार अशक्त झाला. त्या वेळी त्याच्या आईला कोणीतरी असा उपाय सांगितला कि तुम्ही पंचपक्वांन्ने तयार करून ते अन्न मुलावरून उतरून कोणास तरी खायला घाला म्हणजे मुलगा बरा होईल. हे ऐकून आप्पाच्या आईने तसे अन्न आपल्या मुलावरून उतरवून व्यंकटराव नावाच्या मनुष्यास बोलावून जेऊ घातले. याने आप्पाला बरे वाटले तर व्यंकटरावला तो आप्पाचा रोग जडला आणि तो दिवसेंदिवस अशक्त होऊ लागला. थोरले महाराज त्यावेळी ब्रह्मावर्तास होते, त्यांच्याकडे व्यंकटराव आल्यावर ते म्हणाले तू उतारा खाल्ल्यामुळे तुझी हि अवस्था झाली आहे. तु यातून बरा होशील असे दिसत नाही. यानंतर व्यंकटरावाने बरेच औषधोपचार केले पण स्वामी महाराज एकदा जे म्हणाले ते ब्रह्मवाक्य. शेवटी काही दिवसात त्याचे दम्याने देहावसान झाले. हा त्या अन्नाचा नकारात्मक परिणाम.

दत्त माहात्म्यात विष्णुदत्त ब्राह्मणाच्या घरी जडमूढ असा पुत्र जेवला तेव्हा, सतीचे हाताने मिळता अन्न l तयाचा भ्रम गेला निघोन ll असे म्हटले आहे. हा अन्नाचा सकारात्मक परिणाम.

प्रत्यक्ष दत्त महाराज विष्णुदत्त ब्राह्मणाकडे भोजनाकरीत आले होते, दत्त महाराजांना आग्रहाने जेऊ वाढल्याचे फळ हे मोक्षस्वरूप होते, यापेक्षा अधिक कोणते फळ असेल ??? आलेल्या अतिथीला आनंदाने केलेले अन्नदान हे आपल्या पापनिष्कृतिकरिता उपयुक्त ठरते.
श्री गुरुदेव दत्त !!! -

3 months ago | [YT] | 78

View 1 reply

Gyan Journey

जितेन्द्रिय गणाग्रणिरभिरत: परे ब्रम्हणी
कलौश्रृती पथावने त्रितनयोवतीर्णा: स्वयं
करात्त सुकमंडलू: कुमतखंडने दंडभृत
पदप्रणतवत्सलो: जयती वासुदेव यती:

श्रीमद् परमहंस परिव्राजकाचार्य वासुदेवानंद सरस्वती स्वामी महाराज यांच्या १७१व्या जन्मोत्सवाच्या हार्दिक शुभेच्छा त्यांची कृपादृष्टी त्यांच्या सर्व भक्तांवर सदैव राहो हीच त्यांच्या चरणकमली प्रार्थना.

4 months ago | [YT] | 274

View 8 replies

Gyan Journey

🏠 वास्तुशास्त्र – घराच्या ऊर्जेचं विज्ञान!
आपल्या यूट्यूब चॅनेलवर येत आहे एक खास एपिसोड, जिथे आपल्याशी संवाद साधणार आहेत वास्तुविशारद विजयश्री चितलांगे मॅम

📅 रिलीज डेट: १६ मे रात्री ९ वा.
🕉️ घरात सकारात्मक ऊर्जा कशी निर्माण करायची?
📐 वास्तुशास्त्रातले काही सामान्य गैरसमज
🔮 आधुनिक जीवनशैलीत वास्तुशास्त्राचं महत्त्व

हे सगळं आणि बरंच काही जाणून घ्या या खास संवादात!

🎥 नक्की पाहा आणि तुमचे प्रश्न/प्रतिक्रिया कमेंटमध्ये नोंदवा 🙏

7 months ago | [YT] | 8

View 0 replies

Gyan Journey

कर्नाटकचा मंजुनाथ शिवामू याला त्यांनी विचारलं
*हिंदु हैं की मुसलमान.?*
मंजुनाथ यांनी खोटंच सांगितलं की मुसलमान...
चल फिर आजान बोलके सुना...
आणि मग घातली गोळी.

हरियाणाचा विनय नरवाल याला विचारलं की
*हिंदु हैं या मुसलमान.?*
विनय यांनी काहीच उत्तर दिलं नाही म्हणून त्याचे कपडे उतरवले लिंग बघुन खात्री झाली की
ये बंदा अपना नही हैं....
आणि घातली गोळी.

उत्तर प्रदेशाचा शुभम द्विवेदी, महाराष्टातील दिलीप जयराम डेसले,
अतुल श्रीकांत मोने,
नेपाळचा सुंदीप नेवपाने...
अरबस्तानात स्थायिक असलेला आणि सुट्टीला काश्मिरात आलेला प्रदिपकुमार उधवाणी
असो की गुजरातचे हिम्मतभाई कालथीया असो....
सगळ्यांची ओळख हिंदु आहे याची खात्री करूनच त्यांना गोळ्या घातल्या गेल्यात.

उत्तर प्रदेश बिहारी लोकांना मराठीच्या मुद्द्यावर विरोध करतात म्हणून महाराष्ट्राच्या लोकांना सोडले नाही...
की पेरियार रामासामीचा बहुजनवाद मिरवत ब्राह्मणांना विरोध करतोय म्हणून तामिळनाडूच्या डॉ. परमेस्वरमला जीवाची बक्षीसी दिली नाही...

कोण मराठी बोलतो.?
कोणाचा जन्म तामिळनाडू कर्नाटकचा आहे की कोण बहुजन आहे की कोण ब्राह्मण...
कोण obc आहे की कोण बौद्ध याची माहिती त्यांच्यासाठी अजिबात महत्वाची नव्हती...
त्यांच्यासाठी महत्वाचं होतं ते म्हणजे काफीर मुक्त काश्मीर....

त्यांनी एकच केलं,
कपडे उतरवले लिंग तपासलं...
अपना हैं छोड दो गैर हैं गोलि मारो....

ममता का हो या मुलायम का,
ठाकरे का बंदा हैं या हुडा का
केजरीवाल को सपोर्ट करता हैं या स्टॅलिन को...
कोई फरक नही पडता.
सभी मारे जायेंगे क्यों की सभी पहले काफीर हैं.
वाजीबुल कत्ल...

#kashmir #kashmirtourism #attack #pahalagam #Hinduism #muslim #viralpost #trending #sad #life #pakistan #india #modi #amitshah

8 months ago | [YT] | 12

View 0 replies

Gyan Journey

📅 १८ एप्रिल रोजी घेऊन येत आहोत एक खास एपिसोड –
"उन्हाळ्यात काय खावं, काय टाळावं – आयुर्वेदिक दृष्टिकोनातून!" 🌿☀️

आपल्या खास गेस्ट असणार आहेत –
👩‍⚕️ डॉ. रिंचल गवळी मॅम – आयुर्वेद तज्ज्ञ आणि आरोग्य मार्गदर्शक

✅ शरीराला थंडावा देणारे पदार्थ
✅ उन्हाळ्यात पचनसंस्थेची काळजी कशी घ्यावी
✅ आयुर्वेदातील घरगुती टिप्स
✅ आहारातील योग्य आणि अयोग्य निवडी

ही माहिती तुमच्या कुटुंबासाठी खूप उपयुक्त ठरणार आहे –
🕉️ आरोग्य, आहार आणि आयुर्वेद यांचं सुंदर मिलन फक्त Gyanjourney पॉडकास्टमध्ये!🙏😄

📢 पहा, ऐका, आणि शेअर करा!

‪@rinchalgawali9646‬

#GyanJourney #PodcastMarathi #Ayurveda #SummerDiet #DrRinchalGawali #HealthTips #MarathiPodcast #उन्हाळ्यातीलआरोग्य

8 months ago | [YT] | 18

View 0 replies

Gyan Journey

*मारुतीस्तोत्र खरा अर्थ....न कंटाळता.... निदान एकदातरी वाचा... आणी वाचून झाल्यावर प्रत्येक ओळीचा अर्थ समजून घ्या.... विश्वास ठेवा अगर नका ठेऊ...समर्थ रामदास स्वामींच्याच शब्दात "तुझे आहे तुजपाशी परी. तू जागा चुकलासी"....*

इंग्लंड मधील शास्त्रज्ञ *स्टिफन हॉकिंग* यांनी लावलेल्या *‘सिम्युलेरीटी थेरम’* आणि *‘थर्मो- डायनॅमिक्स ऑफ ब्लॅकहोल्स’* या दोन क्रांतिकारी शोधामुळे विज्ञानाच्या क्षेत्रात फार मोठी क्रांती झाली.शास्त्र हे तर्क आणि सिद्धांत सिद्ध करण्याच्या कसोटीवर सिद्ध होते हे या *शरीराने विकलांग पण बुद्धीने अत्यंत कणखर असलेल्या शास्त्रज्ञाने जगाला दाखवून दिले.* ताऱ्याचा अंत होतो,तसाच संपूर्ण विश्वाचाही अंत होऊ शकतो असा निष्कर्ष हॉकिंग यांनी मांडला. जगभर हा सिद्धांत चर्चेचा विषय झाला.

*भारतीय अणू वैज्ञानिक श्री रामदास स्वामी......!खरेतर भारतीय विद्वान शास्त्रज्ञांना धर्माच्या कोंदणात बसवल्यामुळे त्यांना संत पद प्राप्त झाले पण त्यांनी मांडलेल्या सिद्धांताचा बोजवारा उडाला.* समर्थ रामदास स्वामी हे त्याचे ज्वलंत उदाहरण आहे.समर्थांनी लिहिलेले मारुती स्तोत्र धर्माची झापडे काढून *शास्त्रीय नजरेने पाहीले* तर फक्त मनन आणि चिंतन करून त्यांनी जे साहित्य (खरेतर शोध निबंध) लिहून ठेवले आहेत त्याचे अनन्य साधारण महत्व अधोरेखित होते.समर्थांना 'मारुती' या अणू शक्तिला ब्रिक हिस्ट्री ऑफ टाइम (विश्वोत्पत्तीचा सिद्धांत) हे म्हणायचे होते असा माझा ठाम विश्वास आहे. त्याची अनेक उदाहरणे फक्त एका मारुती स्त्रोत्रात दाखवता येतील.समर्थ रामदास स्वामी यांच्या ठायी अपरा मानसशास्त्र ज्याला *Advance Psychology* असेही म्हणतात ती जन्मताच अवगत होती.मानवता मनोविज्ञान (Humanistic Psychology) या गोष्टीचा विकास १९५० साली झाला असे मानले जाते.परंतु सुमारे ३५० वर्षापूर्वी मनश्चिकित्सा (Psychotherapy) या विषयात श्री रामदास स्वामी हे जगाच्या कितीतरी पुढे होते हे त्यांनी दासबोधातून सिद्ध केले आहे.मारुती स्त्रोत्रा तील काही श्लोकांचा या ठिकाणी आपण विचार करू या ---

*मारुती स्त्रोत्र हे अणु शक्ती चे वर्णन समर्थांनी एकांत गुहेत बसून कुठल्याही साधना शिवाय केले होते परंतु ते समजण्यात आपण कमी पडलो आहोत.*

१) मनासी टाकले मागे गतीसी तुळणा नसे.......
मनाचा वेग हा ध्वनी आणि प्रकाशाच्या वेगाच्या पेक्षा प्रचंड असतो हे त्यांनी सांगीतलय.अर्थात वेगा बद्दल त्यांना सखोल ज्ञान होते.

२)अणू पासोन ब्रम्हांडा एव्हडा होत जातसे........ *Big bang theory!!!*
या वाक्यात समर्थांना लहानात लहान कण ज्याला आपण अणू Atom असे म्हणतो आणि ब्रह्मांड म्हणजे अनेक सूर्यमाला असलेला समूह असे म्हणतो या खगोल शास्त्रीय सत्याची जाणीव करून दिली Big bang theory मध्ये महाविस्फोट सिद्धांत सांगितला आहे. महाविस्फोट सिद्धांतच्या अनुसार जवळजवळ १३.७ अब्ज वर्षापूर्वी अणू स्फोटातून एक उर्जा उत्पन्न झाली आणि तिचे स्वरूप सतत वाढत आहे. या स्फोटानंतर अंतरीक्ष हे १.३ सेकंदात निर्माण झाले होते *हे आता आधुनिक संशोधनात सिध्द झाले आहे ते समर्थांनी एका निर्जन गुहेत बसून आपल्याला सांगितले होते.*

३) कोटीच्या कोटि उड्डाणें,झेपावे उत्तरेकडे... पृथ्वीच्या कक्षेबाहेर जाताना जी याने सोडली जातात त्या यानांना *पृथ्वीची कक्षा सोडताना उत्तर दिशा अत्यंत योग्य असते हे त्यांनी जाणले होते.*

४) आरक्त देखिलें डोळा, ग्रासिलें सूर्यमंडळा ....
*सूर्य मंडळ या शब्दाचा अर्थ अनेक सूर्य आणि त्यांचे उपग्रह आहेत हे त्यांनी एकांतात बसून जाणले होते.*

५) वाढता वाढता वाढे, भेदिलें शून्यमंडळा......
*पृथ्वीच्या कक्षे बाहेर "शून्य मंडळ" म्हणजे निर्वात पोकळी असते हे त्यांना माहिती होते. या शिवाय पृथ्वीच्या कक्षेबाहेर जाताना प्रचंड उर्जा आवश्यक असते हे माहित असल्याने त्यांनी "भेदिले" हा शब्द प्रयोग केला आहे.*

६) दृढदेहो निसंदेहो, संख्या चन्द्रकळा गुणें.
*चंद्राच्या कलेसारखा विस्तार आणि नंतर चंद्रकला जशी लहान होत जाते तशी ब्रह्मांडाची अवस्था होणार आहे हे जे काही स्टिफन हॉकिंग यांनी सांगितले तेच समर्थ रामदास स्वामींनी जगाला सांगितले होते‌, पण आपण त्यांची दृष्टी समजून घेण्यास कमी पडलो.* प्रत्येक घटनेची शास्त्रीय कारण मीमांसा आपल्या देशातील संशोधकांनी केली होती. खगोल शास्त्राला आपण फल जोतिष्य थोतांड बनवले. *आपल्याच ज्ञान देवांचा,संताचा,आपण विनाकारण अजाणते पणी अपमान केला‌ शास्त्रज्ञ स्टिफन हॉकिंग हे इंग्लंड मधील ज्ञानदेव होते.* त्यांना आपण डोक्यावर घेणे उचितच आहे *पण आपल्या ज्ञानदेवांना जागतिक मान्यता कधी मिळणार हाच तर कळीचा मुद्दा आहे.* आपल्याला आपल्या संस्कृतीचा, अफाट ज्ञानाचा अभिमानाचा अभाव असल्याने *आपण अजूनही "तुझं आहे तुजपाशी पण मार्ग भुललाशी" याचा प्रत्यय येतो.*

- इदं न मम
🙏🏻🙏🏻🚩

8 months ago | [YT] | 101

View 4 replies

Gyan Journey

आपणा सर्वांना,
गुढीपाडव्याच्या आणि नूतन वर्षाच्या खूप खूप शुभेच्छा !!
हे वर्ष आपणा सर्वांना सुखाचे, समाधानाचे, आनंदाचे, यशाचे आणि आरोग्यदायी जावो 💐🌹🌷💐

8 months ago | [YT] | 37

View 4 replies