رانيا خطابRania Khattab

يوم، 27 يوليو، رحل عن عالمنا "دنجوان السينما المصرية" رشدي أباظة، بعد رحلة طويلة مع المرض، وقبل ما يقدر يكمّل تصوير آخر أفلامه "الأقوياء"، لتتحول كواليس الفيلم إلى واحدة من أغرب الحكايات في تاريخ السينما المصرية.
بعد إصابته بورم في المخ، سافر رشدي أباظة إلى لندن لتلقي العلاج، وهناك خضع لجراحة دقيقة استلزمت حلق شعره بالكامل، وبالفعل نجحت العملية وعاد إلى مصر وهو مصمم يرجع للشغل من جديد. وبمجرد عودته، اتفق مع المخرج أشرف فهمي على بطولة فيلم "الأقوياء"، وبدأ تصوير مشاهده.
لكن القدر كان أسرع... فخلال التصوير تدهورت حالته الصحية بشكل مفاجئ، ودخل المستشفى، ولم يخرج منها مرة أخرى، حتى رحل في 27 يوليو 1980، بعدما انتهى من تصوير نحو ثلث الفيلم فقط.
وهنا واجه صناع الفيلم أزمة كبيرة؛ فإلغاء الفيلم كان يعني خسائر ضخمة للمنتج، بالإضافة إلى ضياع آخر عمل بدأه رشدي أباظة. لذلك اتُخذ قرار جريء باستكمال التصوير.
وقع الاختيار على الفنان صلاح نظمي بسبب تقارب بنيته الجسدية مع رشدي أباظة، واعتمد المخرج على حيل إخراجية ذكية، فكان يصوره من الخلف، أو في الظل، أو بلقطات بعيدة، أو يركز على يديه وجسده حتى لا يظهر وجهه بوضوح، بينما ظلت المشاهد التي صورها رشدي أباظة بنفسه واضحة وقريبة من الكاميرا.
وانتشرت على مدار السنوات معلومة تقول إن الفنان أحمد زكي قام بدبلجة صوت رشدي أباظة في الفيلم، لكن عند مشاهدة النسخة المعروضة ستلاحظ أن المشاهد التي أكملها صلاح نظمي جاءت بصوته هو، وليس بصوت أحمد زكي.
والأكثر تأثيرًا أن نهاية الفيلم شهدت وفاة بطل الأحداث، وهي النهاية التي لم يعش رشدي أباظة ليصورها أو حتى يشاهدها، إذ قام صلاح نظمي بتصويرها بعد رحيله، ليصبح "الأقوياء" آخر فيلم ارتبط باسم رشدي أباظة، رغم أنه لم يكتمل بصوته ولا بظهوره حتى النهاية.
ويبقى الفيلم شاهدًا على آخر أيام أحد أهم نجوم السينما المصرية، وعلى محاولة صناع العمل الحفاظ على آخر ما تركه رشدي أباظة أمام الكاميرا.

Skip the Carousel

1 2 3 4 5 6 7 8 9 10

3 days ago | [YT] | 288

رانيا خطابRania Khattab

إحنا الجيل اللي بدأ يومه بصوت أم كلثوم ومحمد قنديل في الراديو، وعرفنا قيمة الوقت من برنامج "كلمتين وبس" للأستاذ فؤاد المهندس. 📻
عشنا على بساطة "سينما الأطفال"، وانبهرنا بـ "جولة الكاميرا" مع هند أبو السعود، ووعينا على ثقافة "العلم والإيمان" للدكتور مصطفى محمود. جيل ارتبط ببراءة "ماما نجوى" وبوزن "فوازير رمضان" وألف ليلة وليلة. 🌙✨
أيام كانت كلها بساطة وذكريات محفورة في القلب.. يا ليت الزمان يعود يوماً!
هل من جيل الطيبين هنا يشاركنا ذكرياتنا

Skip the Carousel

1 2

5 days ago | [YT] | 272

رانيا خطابRania Khattab

كتير من الناس يعرفوا الفنانة الكبيرة ماري منيب من أدوارها الكوميدية الشهيرة، لكن قليل جدًا اللي يعرف إن كان ليها مشروع خاص بعيد عن التمثيل.
في سنة 1960، افتتحت ماري منيب مقهى في حي شبرا، وكان اللي بيديره ابنها، بينما كانت هي بتحرص إنها تتابع شغله بنفسها.
الغريب في الحكاية إن ماري، بعد ما تخلص عرضها على مسرح الريحاني، ما كانتش تروح البيت ترتاح، لكنها كانت تتوجه آخر الليل للمقهى، وتقعد تراجع الحسابات بنفسها، وتطمن على سير الشغل، وكأنها "المعلمة" المسؤولة عن المكان.
اللي يشوفها على المسرح نجمة كبيرة، ويشوفها بعد ساعات وهي ماسكة الدفاتر وبتحسب الإيراد والمصروف، يعرف قد إيه كانت ست عملية، وعارفة قيمة الشغل والتعب.
الحكاية دي نشرتها مجلة الجيل في عدد 11 أبريل 1960، وكشفت جانب مختلف من شخصية ماري منيب، بعيدًا عن الأضواء والكاميرات، وأثبتت إنها ما كانتش مجرد فنانة عظيمة، لكنها كمان سيدة مجتهدة، بتدير شغلها بنفسها، ومؤمنة إن النجاح محتاج متابعة وتعب مهما كانت الشهرة كبيرة.

Skip the Carousel

1 2

5 days ago | [YT] | 303

رانيا خطابRania Khattab

مساء الخير علي احلي متابعين بقى لي فتره بفكر ان انا اعمل صفحه على الفيسبوك بس بصراحه كنت عايزه اعملها بشكل مختلف بعيدا عن الفيديوهات فكرت ان انا اعملها بوستات في ناس كتير بتحب تقرا البوستات وناخذ راي بعض فيها النهارده قررت ان انا اصلا عاملاها من بدري بس ما كنتش لسه قررت اعمل فيها ايه انا هسيب لكم اللينك واتمنى ان انتم تشرفوني فيها واكون اصدقاء واسره زي ما كونت اصدقاء واسره في القناه المتواضعه بتاعتي بتاعتكwww.facebook.com/share/1VveAtiV6R/ ده لينك الصفحه

2 weeks ago | [YT] | 347

رانيا خطابRania Khattab

ياترى الحركه دي عباره عن ايه والناس اللي عملت الحركه دي عندها كام سنة دلوقتي 😂❤

2 weeks ago | [YT] | 32

رانيا خطابRania Khattab

أيام زمان :
التلفزيون
يقفل الساعة ١٢ ليلا !! والمروحة على 5
وقاعد تحل واجب الخط ، وانت منبطح على ( بطنك) ....
كانت حياه جميلة ، الله عليك يا زمان فات 🤔

* كل مانشوف طيارة نقعد نصرخ ونشاور لها ،
ونقول مع السلامه مع السلامة !!!

* كنا نستنى الصف الرابع الابتدائي عشان نكتب ( بالحبر ) !!!

* تسألك امك( الساعة كم ) ؟؟؟
تقول لها : الكبير على 4 والصغير على 6..

* نستنى الامتحانات عشان ما ناخدش ( شنطة)

اكيييييد حاجة منهم عدت عليك او كلها 👇👇👇

1- يوم كنت صغير ، رسمت الشمس في زاوية الورقة ...

2- يوم كنت صغير كنت تفكر انه شكل القلب الحقيقي كدا ♥️ ...

3- تقفل باب الثلاجة ( شوي شوي )
بس عشان تعرف امتى ( تنطفي اللمبه ) ذكاء ..

4- حاولت توازن مفاتيح الكهرباء بين ( ON و OFF ) ...

5- لما أحد من اهلك يطلب منك ( كأس ماء )
لازم تشرب شوية وقبل ما تدخل تمسح فمك
علشان ما حدا يعرف إنك ( شربت ) .

( قمة الفخامة ) ايام الابتدائية😊👇👇👇

لما يعطيك الاستاذ أقلام وأوراق أو طباشير
ويقولك وصلها للاستاذ في الفصل الثاني ،
( تدخل ذاك الفصل) قدام الطلاب تحس نفسك
(مبعوث الأمم المتحدة) ...

( ​الله يرحم زمان اول ) قلوب نظيفة ...
اكيد ..انت ( تبتسم الآن ) على تلك الايام الحلوة
✍️جيل التسعينات والثمانينات والسبعينات أين أنتم ❤️مين عاش هذه الايام الحلوة..؟!! 🤔
وقووووول للزمان ارجع يازمااااان

2 weeks ago | [YT] | 500

رانيا خطابRania Khattab

يعني ايه يوم الجمعة زمان
يعني البيت كله بيصحى بدرى يفطروا مع بعض ويتجمعوا على ترابيزة أو طبلية واحدة.. فطار مصرى أصيل طعمية سخنة وفول وبيض وجبنة وعسل وعيش بلدى.

ويا سلام لو جايلك زيارة من البلد عيش فلاحى وكمان جبنة قريش ومش.. كوباية شاى أصيلة فى كوباية مش مج فنجان قهوة على سبرتاية بوش

تفتح التلفزيون تتفرج على سينما الأطفال ومغامرات الكلبة لاسى.. وثلاث جرائد موجودة، الأهرام والأخبار والجمهورية، ومجلة علاء الدين من اليوم اللى قبله عشان تتقرأ يوم الجمعة.

تسمع خطبة الجمعة من الجامع اللى جمبك أو تتفرج وتسمعها ف التلفزيون والولاد تنزل تصلى صلاة الجمعة مع الكبار بجلاليب بيضا وطواقى شكلهم بيفرح

وحملة نظافة فى كل البيوت وريحة البخور فى كل مكان تسمع القرآن فى كل البيوت.. سورة الكهف تتقرأ ودعوة حلوة من ست الحبايب بعد كل صلاة يمكن تكون ساعة استجابة.

تتفرج على عالم الحيوان وتستنى سر الأرض وتضحك مع القرموطى.. الكل مستنى الساعة 2 حديث الشعراوى بأسلوبه السلس

مع النجوم «ميكى ماوس» عبد الله أحمد عبدالله، ذكريات مع النجوم.. الفيلم العربى اللى بنستناه من الجمعة للجمعة فيلم قديم ومتكرر بس الكل بيحبه وبيتفرج عليه.

برنامج حياتى يحول المشاكل الاجتماعية لعمل درامى جميل ويحلها.. اللعب والأتارى اللى بيطلعوا يوم الجمعة مفيش مذاكرة فيه لعب، النهاردة أجازة

خروجة وفسحة حلوة بنحلم بيها طول الأسبوع موعودين بيها يوم الجمعة عشان سمعنا الكلام.

العيلة كلها تتجمع فى بيت العيلة لعب وضحك وهزار والأمهات كلها ف المطبخ بتجهز أحلى غدا.. والكل يتجمع الساعة 7 مستنين المسلسل العربى الحلقة مالهاش إعادة بعد ساعتين وإلا هانشوفها ع اليوتيوب.

«حديث الروح» قبل نشرة تسعة وأخبار الأسبوع كلها متجمعة فى نهاية الأسبوع

مستنين فيلم السهرة اللى بيخلص بدرى أصل التلفزيون بيقفل وبيعمل
وشششششششششششششششششششششششش
😢😍😢😍

3 weeks ago | [YT] | 412

رانيا خطابRania Khattab

كان زمان لما جار يجيب تليفزيون البلد كلها تتجمع عنده بمنتهي الفرح يتفرجوا .. لكن دلوقت كل بيت فيه شاشه .واتنين . وتلاته 📺
بس الفرحه مش موجوده .. ياترى ليه ؟!.
..
زمن الطيبين عدى وفات
كان زمان لما جار يجيب تليفزيون البلد كلها تتجمع عنده بمنتهي الفرح يتفرجوا .. لكن دلوقت كل بيت فيه شاشه .واتنين . وتلاته 📺

3 weeks ago | [YT] | 417

رانيا خطابRania Khattab

شكراً المنتخب المصري قدمتم أداءً مشرفًا يليق باسم مصر. فخورون بما قدمتم داخل الملعب.❤️❤️❤️❤️❤️

3 weeks ago | [YT] | 599

رانيا خطابRania Khattab

📸 صورة نادرة تجمع بين نجمتين من أهم نجمات الفن العربي... إحداهما في بداية الطريق، والأخرى كانت قد أصبحت نجمة كبيرة. ❤️

في هذه اللقطة الجميلة تظهر تحية كاريوكا تحتضن المطربة نجاة وهي لا تزال صغيرة السن، في مشهد مليء بالدفء والحنان. نظرة نجاة المليئة بالإعجاب والبراءة نحو تحية، وابتسامة تحية الهادئة، تعكسان علاقة إنسانية جميلة بعيدًا عن أجواء التصوير والاستعراض.

تألقت تحية كاريوكا بفستانها الأنيق المنقّط وإكسسواراتها المميزة التي كانت من علامات أناقة نجمات الأربعينيات والخمسينيات، بينما ظهرت نجاة بفستان بسيط يناسب عمرها، لتوثق الصورة مرحلة مبكرة من حياة فتاة ستصبح لاحقًا واحدة من أعذب الأصوات في العالم العربي.

هذه الصورة ليست مجرد لقطة قديمة، بل شهادة على تواصل الأجيال داخل الوسط الفني، حيث اجتمع دفء النجومية مع براءة البدايات في إطار واحد.

🌹 منقول

4 weeks ago | [YT] | 404