馬加貓

大家唔係咁勁呀嘛⋯

之前一直無咩人食嘅酒店串燒放題，尋日出片之後，嚟緊兩個星期六同日嘅買一送一時段全部比大家買晒🤣🤣

幫廚師呼籲：大家唔好落單咁瘋狂搞到餐廳淪陷呀🤣🤣

4 months ago | [YT] | 102

馬加貓

頭2集嘅馬加貓非洲撒哈拉沙漠之旅已經上線啦～

第一集同大家去咗摩洛哥嘅主要城市，實測非洲嘅自助餐，原來非洲嘅嘢食都唔係咁難食㗎～仲去咗好多人都好浪漫嘅藍色山城

至於第二集，馬加貓殺入撒哈拉沙漠，坐沙漠四驅車飄移睇日落，住宿沙漠中心嘅豪華營地同非洲人玩營火晚會～仲騎着駱駝等待日出嘅降臨，原來沙漠嘅中心係可以好靜㗎⋯⋯

如果你仲未睇呢次非洲沙漠之旅嘅頭兩集，唔好錯過啦，即刻撳返入去睇啦⋯⋯

Skip the Carousel

1 2 3

5 months ago | [YT] | 131

馬加貓

馬加貓強勢登陸非洲～～

Follow 我哋YouTube 同Instagram 緊貼最新非洲資訊～～

Skip the Carousel

1 2

6 months ago | [YT] | 140

馬加貓

香格里拉糖水鋪終極淪陷

Photo Credit to: threads@sywendy_lok_dic

8 months ago | [YT] | 300

馬加貓

【馬加貓YouTube 10萬訂閱達成】

出生在2020年9月27日的馬加貓，終於在2024年6月12日爬行到YouTube 十萬訂閱了。

爬行了3年幾的時間話長唔長，話短唔短，但回憶返三年幾前出生當日的想法，腦袋中應該從來沒有十萬訂閱這個概念。那時候想的，就是能夠堅持制作出十條八條影片就已經算很有堅持了

🔎究竟馬加貓是怎樣的？

馬加貓只是一隻貓，大家可能都想知道馬加貓究竟真實是怎樣的？

其實呢～馬加貓最大特質就是懶惰，首先懶得出街食飯拍攝題材，出街食飯拍完之後又懶得剪片，結果埋單計數通常只得每星期一片，更甚的是現在你看的這篇10萬訂閱達成文章，都花了個多月才寫成⋯但，總算好過沒有吧

🔎經營馬加貓的點滴

馬加貓只是一個興趣，馬加貓不是亦不會全職經營，所以一直以來都不是量產制作。但其實馬加貓都很嚮往這種經營模式，因為可以隨心所欲做自己鍾意做嘅嘢，沒有亦無需顧慮收入的制肘

很多YouTuber 都會很用心制作每一條影片，剪片用上幾天，寫稿用上幾天，後期制作也用上幾天，咁究竟馬加貓又係點嘅呢？馬加貓每段片都講足十幾分鐘九唔搭八的對白，究竟難唔難？其實呢⋯一啲都唔難，馬加貓每次都只是即時對住條片即場配音⋯

🔎經營YouTube 的最大興奮

雖然馬加貓只是YouTube 界別中的一顆微塵，但最令馬加貓興奮的就是還有一點點的支持者～～即係你哋呀～～

馬加貓過往制作過很多不同的馬加貓紀念品免費派發給觀眾，小至一個杯墊，更小至一個行李牌。制作的時候都會想一個問題，究竟這些東西有沒有人想要？派發活動究竟有沒有參與？幸好每次的活動都空前成功

更興奮的是，真是會有不少觀眾跟隨馬加貓的影片介紹去玩，去搵食，經常都會見到唔少觀眾留言同贊助商回饋表示餐廳霎時淪陷了⋯⋯這些都要感謝大家

🔎經營YouTube 的最大難處

作為YouTuber不能避免的一件事情就是遇上haters，馬加貓當然都遇上不少了。根據這三幾年的經驗和分析，飲食系YouTuber 牽涉的haters主要有兩大類

真實Haters
真心唔鍾意馬加貓的真實觀眾，就如一直都有很多觀眾唔鍾意馬加貓的演繹方式，但馬加貓明白無可能滿足所有的人

行家Haters
飲食YouTuber 牽涉各方利益，明爭暗鬥有如家常便飯，不少行家都出盡渾身解數以鞏固自身利益，馬加貓都多次身受其害。馬加貓平均每月只有1-2條贊助影片，亦由始至今一直不扮自費於影片中表明，未來會繼續堅決抵抗胡亂攻擊

🔎馬加貓的過去與未來

馬加貓誕生於疫情期間，百無聊賴之下產出了第一條Staycation影片。出生初期挾著Staycation熱，一直制作了不同有關它渡假和本地遊玩的影片。

其後，引入了當時史無前例的劣食實測系列，明將壽司一役更令馬加貓更為觀眾所認識，該影片到現時為止仍然是馬加貓頻道最多人收看的影片，點擊接近50萬

馬加貓秉承着與觀眾站在同一陣線的概念，於經濟不景氣下發掘和制作更多貧民系列的資訊，由貧民Staycation一直到今日的平過深圳系列

上年疫情完結正式通關，馬加貓都制作更多外遊系列，由近的澳門台北曼谷，到跨洋過海的澳洲日本等，提供觀眾更多的參考資訊。同時北上熱潮為香港飲食業帶來挑戰之餘，亦為很多飲食YouTuber帶來商機。

過去一段時間，馬加貓婉拒了超過數十個跨境合作的廣告邀約，馬加貓生於香港活於香港，將繼續以支持香港飲食為最大依歸

🔎下一個目標

馬加貓越大越懶惰，將繼續練精學懶，以最低制作時間制作更多資訊。除繼續恒常制作Youtube 影片外，馬加貓將投入更多時間及資源於instagram 短片制作，務求將多資訊更快捷更有效地與各位馬加觀眾分享。

你又Follow咗馬加貓instagram @horsepluscat 未呢？我哋instagram要再見㗎～拜拜

9 months ago | [YT] | 603

馬加貓

又嚟～～每逢有贊助影片都總有打手出現。

最近更加變本加厲， 將是非黑白完全顛倒混淆視聽，明明條片已經講好晒寫好晒係贊助影片，都竟然可以隨便屈你一鑊～～用時下最流行的「扮自費」作出攻擊～

大家為咗自身利益，其實可以去到幾盡🤣🤣🤣

11 months ago | [YT] | 300

馬加貓

【馬加貓新春賀詞】

各位市民大家好，我係馬加貓，喺龍貓年嘅大年初一，祝願各位市民遠離水魚，貓籠入水。

新春賀詞完畢～～

1 year ago (edited) | [YT] | 209

馬加貓

水魚年的最後一天～陰

唔經唔覺原來馬加貓3歲幾喇～多謝馬加軍一直以來的鼎力支持～～陪伴馬加貓生多一點貓毛

飲食YouTuber 界向來競爭激烈，兩年前馬加貓亦試過遭遇同行攻擊，幸好隨即當頭棒喝將之擊退，當以為一天都光晒之際⋯隨之而嚟嘅就係一連串嘅持續留言滋擾😵‍💫😵‍💫

就好似最近鮮選壽司同美登利壽司放題嘅「自費影片」，都不約而同地出現留言指影片係業配/廣告，仲煽動觀眾唔好睇片，再翻查當中留言者帳戶，原來只係啱啱新開戶4星期的有心人，佢嘅目的究竟係咩呢？相信聰明的馬加軍心裡有數～～

究竟呢啲留言來自何方而目的何在，微小力弱的馬加貓相信永遠都無法知曉。飲食YouTuber 界各懷鬼胎，馬加貓不扮清高，不扮自費，繼續與觀眾站在同一陣線！

1 year ago | [YT] | 193

馬加貓

號外~~

全城騙局出現後，市面湧現大量鮮活水魚，有火鍋放題店睇準呢個機會，大手購入水魚做火鍋湯底，創下香港歷史先河~~究竟邊間火鍋放題咁大膽? 做完水魚食水魚又會係咩滋味呢? 即刻睇片~~~

究竟係唔係因為馬加貓呢集食咗太多水魚，所以水魚返嚟搵馬加貓報仇呢.............

1 year ago | [YT] | 20

馬加貓

【全城拆解】

馬加貓啲片，平時無十萬都應該有幾萬views 喇，不過呢2023年十一月嘅某一日就發生咗一件不可思議嘅大事件呀。呢條台北漫遊片出片之後竟然無人睇，出咗片都成個月喇連4000 view都仲未有，仲一躍成為全馬加貓channel 中最低收視嘅影片，沒有之一，真係最最最低呀.......

究竟呢條片發生咗咩事呢? 而你，又可唔可以拆解到呢個謎呢? 請留下你嘅線索............

1 year ago | [YT] | 19