Nazirov Muxtor

Yil sarhisobi

1 week ago | [YT] | 2

Nazirov Muxtor

Muxtor Nazirov:
Oliy darajadagi tashriflar

2025-yil davomida Oʻzbekiston Prezidenti tomonidan xorijiy davlatlarga 28 ta tashrifi amalga oshirildi. Shuningdek, Oʻzbekistonga oliy darajada 23 ta tashrif qabul qilindi. Mazkur tashriflar doirasida 7 ta davlat, 17 ta rasmiy, 27 ta amaliy tashriflar tashkil etildi. Natijada siyosiy muloqotlar mazmunan chuqurlashib, uzoq muddatli hamkorlik uchun kelishuvlar va amaliy mexanizmlar shakllantirildi.

Shu bilan birga, 20 ga yaqin xalqaro tadbirlarda Davlatimiz Rahbarining ishtiroki O‘zbekistonning xalqaro maydondagi faol pozitsiyasi hamda mintaqaviy va global o‘rnini sezilarli darajada oshirdi.

O‘zbekiston mezbonligida o‘tkazilgan 10 ta nufuzli xalqaro tadbir dunyo hamjamiyatining mamlakatimizga bo‘lgan yuqori darajadagi ishonchini ifodaladi.

Mamlakatimiz tomonidan mintaqaviy hamkorlik va barqaror taraqqiyotga qaratilgan 100 ga yaqin muhim tashabbuslar ilgari surildi.

Facebook |  YouTube | Instagram | Twitter

Rasmiy delegatsiyalarning tashriflari

2025-yilda mamlakatimizga 600 dan ortiq yuqori darajadagi tashriflar hamda O‘zbekiston delegatsiyalarining xorijiy davlatlarga 700 ga yaqin yuqori darajadagi tashriflari yurtimizning faol diplomatiyasining yaqqol tasdig‘idir.

O‘zbekiston Tashqi ishlar vazirligi rahbariyati tomonidan chet davlatlarga 50 dan ziyod tashriflar amalga oshirildi. Umumiy hisobda xorijlik hamkorlar bilan 2,000 ga yaqin yuqori darajadagi uchrashuvlar va muzokaralar o‘tkazildi.

Bundan tashqari, xorijiy davlatlar tashqi ishlar vazirlari tomonidan O‘zbekistonga amalga oshirilgan 16 ta tashrif mamlakatimizning xalqaro maydondagi nufuzi ortib borayotganidan dalolat beradi.

Shuningdek, chet elda O‘zbekiston Tashqi ishlar vazirligi rahbari ishtirok etgan 29 ta ko‘p tomonlama tadbir orqali mamlakatimizning xalqaro tuzilmalar doirasidagi tashabbuslari va ustuvor yondashuvlari izchil ilgari surildi.

Facebook | YouTube | Instagram | Twitter

Iqtisodiy diplomatiya

2025-yilda elchixonalarimizda yurtimizning 14 ta hududi, 208 ta shahar va tumanlari bilan to‘g‘ridan-to‘g‘ri ishlash mexanizmi joriy etildi. O‘z navbatida “TIV - Elchixonalar - vazirlik, tarmoqlar va hududlar” formatida tizimli ishlar amalga oshirildi.

O‘zbekistonning diplomatik vakolatxonalari ko‘magida 2000 ga yaqin xorijiy kompaniyalar ishtirokida mamlakatimiz hududlarida 80 dan ortiq, xorijda esa 200 ga yaqin biznes-forumlar hamda 25 ta “Investorlar kuni” tadbirlari tashkil etildi.

Bundan tashqari, elchixonalarimiz ishtirokida 200 dan ortiq milliy eksportchi korxonalarga xorijiy hamkorlar topish, yangi bozorlar bilan bog‘lanish va eksport geografiyasini kengaytirish borasida amaliy ko‘mak ko‘rsatildi.

Facebook | YouTube | Instagram | Twitter

Skip the Carousel

1 2 3

1 week ago | [YT] | 9

Nazirov Muxtor

Ten Most Significant World Events in 2025 | Council on Foreign Relations share.google/XYl2A7WaBeOXHXNci

#АҚШ #2025
2025 йилдаги жаҳоннинг энг муҳим 10 воқеаси

АҚШнинг Council on Foreign Relations таҳлил маркази версиясига кўра, 2025 йилдаги жаҳоннинг 10 та энг муҳим воқеаси:

1. Дональд Трамп АҚШ ташқи сиёсатини беқарорлаштиргани.

2. Хитой ноёб ер минералларини қурол сифатида қўллай бошлагани.

3. Исроил ва АҚШ Эроннинг ядро объектларига ҳужум қилгани.

4. Украинадаги уруш давом этаётгани.

5. АҚШ Ғазо учун тинчлик режасини ишлаб чиқишда воситачи бўлиши.

6. Ҳамон гуманитар инқироз шароитида қолаётган Суданда фуқаролик уруши давом этаётгани.

7. Сунъий интелектлар (AI) рақобати кучаётгани.

8. Ҳиндистон ва Покистон ўртасидаги тўқнашув.

9. Кардинал Роберт Прево Папа Лев XIV этиб сайланиши.

10. Камбоджа ва Таиланд ўртасидаги тўқнашув.

Skip the Carousel

1 2 3 4 5 6 7 8 9 10

1 week ago | [YT] | 2

Nazirov Muxtor

#Япония #Марказий_Осиё #Хитой
Уч томонлама чақириқ: Хитой Япония - Марказий Осиё саммитини қандай қабул қилади?

Хитой мутахассислари Қозоғистоннинг Nightingale Int. таҳлилий гуруҳи билан суҳбатда таъкидлаганидек, қисқа муддатда Пекин Япониянинг Марказий Осиёдаги фаолиятига нейтрал иборалар орқали жавоб беришга ва очиқчасига тўғридан-тўғри қарама-қаршиликдан қочишга ҳаракат қилади. Акс ҳолда, бу минтақа давлатларини ошкора диверсификацияга ундаши мумкин.

Аммо СA+ формати институтлашгани ва муҳим ресурсларга тикилган гаровлар ошгани сайин, япон ёндашуви Хитойнинг асосий минераллар соҳасидаги устунликларини заифлаштириши ва глобал таъминот занжирларини қайта қуриш стратегиясининг бир қисми сифатида қабул қилиниши ойдинлашмоқда.

Хитой учун бу минтақада иқтисодий етакчиликни сақлаб қолиш ва япон "юмшоқ кучи" (ёрдам, таълим ва институционал ривожланиш дастурлари) таъсирини чеклаш йўлларини излаш заруратини англатади. Хитойлик тадқиқотчилар ўзлари ҳам тан оладики, бу Марказий Осиё элитаси орасида узоқ муддатли алоқалар тармоғини шакллантиради ва Пекинга рақобат босимини кучайтиради.

Сиёсий таҳлилчи Амирбек Салимов ушбу саммитдан Пекин учун учта таҳдид мавжудлигини қайд этади:

1. Ресурс ва иқтисодий айланмани четлаб ўтиш (Таъминот занжирлари учун кураш)

Хитой Япониядаги саммитни ўзининг муҳим хомашё ва юқори технологияли таъминот занжирлари устидан ҳукмронлигини бузишга қаратилган тўғридан-тўғри уриниш деб ҳисоблайди.

Мақсад — муҳим минераллар: Пекин Япониянинг вольфрам, ноёб ер элементлари ва мисга алоҳида эътибор қаратиб, Хитой экспортига боғлиқликни камайтиришга интилаётганини ҳисобга олади. Марказий Осиё давлатларини рағбатлантириш учун Япония "минералларни технологияга алмаштириш" формуласи (СИ ечимлари, қайта ишлаш ускуналари)ни таклиф қилади.

Таъсир воситаларини заифлаштириш: Хитой буни глобал технологик секторда ўзининг "ресурс таъсирини" заифлаштириш стратегияси деб қабул қилади.

Логистик четлаб ўтиш: Россия (ва билвосита Хитой)ни четлаб ўтувчи транспорт йўлаклари муҳокамаси Пекинда Евроосиё янги қуруқлик контурининг шаклланиши ҳақидаги хавотирларни кучайтиради. Бунда Хитой энди ягона тизим шакллантирувчи инфратузилма маркази эмас.

2. "Хитойга қарши камар"ни илгари суриш (геосиёсий чеклов)

Пекин Япония фаоллигини АҚШ стратегиясининг давоми сифатида, Хитойнинг "орқа ҳовлисида таъсир коалицияси"ни яратишга қаратилган деб талқин қилади.

"Иқтисодий НАТО": Хитой стратеглари бу ҳамкорликларни АҚШ-Япония-ЕИ блокидан Хитойни ўраб олиш учун яратилган зич инфратузилма ва ресурсга боғлиқлик тармоғи — "иқтисодий НАТО" деб ҳисоблайди.

Юмшоқ куч рақобати: Хитой савдо ҳажмида етакчи бўлса-да ($95 млрд. vs чекланган млрд. доллар), у японларнинг "миқдор ўрнига сифат" ёндашувидан хавотирда. Япониянинг институционал ривожланиш, элитани ўқитиш ва тезник ёрдам каби соҳаларга эътибор қаратгани узоқ муддатли тармоқларни шакллантириб, Хитойнинг сиёсий таъсирини сусайтиради.

АҚШ иттифоқчиси: Япония минтақада ғарбий нормалар ва стандартларни илгари сурувчи, Хитой учун "стратегик орқа майдон бўлган ҳудуд"да АҚШ сиёсатини "сокин равишда юритувчи" сифатида қабул қилинади.

3. Тайван ва хавфсизлик билан боғлиқлик (сиёсий истисно)

Энг кескин таҳдид саммит кун тартибининг Тайван атрофидаги кучайиб бораётган таранглик билан кесишишидир.

2025 йил контексти: 2025 йил охирида бош вазир Санае Такаичи Тайванда фавқулодда вазият Япониянинг омон қолишига таҳдид солишини айтганидан сўнг, Токио ва Пекин муносабатлари "кескин қарама-қаршилик" даражасига чиқди.

Янги хавфсизлик канали: Хитой Япониядаги саммит минтақавий хавфсизлик ва "Тайван масаласи"ни Пекиннинг иштирокисиз муҳокама қилиш учун дипломатик канал яратишидан хавотирда.

Норматив таҳдид: Пекин Япония ушбу платформадан Хитой манфаатларига зид бўлган хавфсизлик нормаларини халқаро даражага кўтариш учун фойдаланишидан, Марказий Осиёни Ҳинд-Тинч океан минтақасидаги Ғарбнинг Хитойни тийиб туриш стратегиясига амалда тортилишидан хавотирда.

Манба: Nightingale Int.

Мақоланинг батафсил версияси: nightingale-int.com/the-triple-threat-how-china-pe…

Skip the Carousel

1 2

2 weeks ago | [YT] | 10

Nazirov Muxtor

Muxtor Nazirov:
#Япония #Марказий_Осиё
Япония Марказий Осиёда “Ипак йўли дипломатияси”дан ресурс реализмига ўтмоқдами? 1/2

15.12.2025 | Собир Қурбонов (Nightingale Int., Қозоғистон)

Мақоланинг оригинал версияси инглиз тилида "Nightingale Int" сайтида эълон қилинган.

2025 йил декабрь ойида Токиода ўтказилиши режалаштирилган Япония – Марказий Осиё етакчилари биринчи саммити эълон қилиниши оддий дипломатик воқеадан анча кенг маънога эга. У Токионинг Евроосиё стратегиясини тубдан қайта кўриб чиқиш бошланганидан далолат беради.

Сўнгги 30 йил давомида Япониянинг минтақадаги иштироки “Ипак йўли дипломатияси” билан тавсифланиб келган эди. Бу маданий алмашинув, гуманитар ёрдам ва институционал қўллаб-қувватлашга асосланган юмшоқ куч доктринаси эди.
Бироқ 2025 йилдаги беқарор геосиёсий муҳит Токиони янги йўналишга бурилишга — “ресурс реализми”га мажбур қилди.

Глобал таъминот занжирларининг парчаланиши ва стратегик аҳамиятга эга минералларнинг Хитойга боғлиқ бўлмаган манбаларини таъминлаш зарурати шароитида Япония 1990-йилларга хос бўлган пассив, ёрдамга таянадиган босқичма-босқич ёндашувдан воз кечиб, саноат интеграциясига асосланган стратегияни танламоқда.

Бу янги давр донор–реципиент муносабатлари билан эмас, балки қатъий стратегик манфаатлар билан белгиланади: Япониянинг юқори технологияли иқтисодиёти учун зарур бўлган вольфрам, нодир ер элементлари ва мисни таъминлаш, шу билан бирга Марказий Осиё давлатларига геосиёсий қамалдан чиқиш учун керакли капитал ва технологияни таклиф этиш.

“Ипак йўли дипломатияси”нинг ўн йилликлари стратегик бурилиш учун пойдевор яратди.

Ушбу кескин стратегик бурилишга қарамасдан, ҳамкорлик учун асос мустаҳкамлигича қолмоқда. Япониянинг Марказий Осиёнинг беш давлати билан муносабатлари бошқа йирик кучларга хос бўлган катта савдо ҳажми ёки моҳияти сиёсий бўлган иттифоқлар билан бошланмаган. Аксинча, улар секин, мақсадли ва узоқ муддатли ёндашув орқали шаклланган.

1990-йилларда ишлаб чиқилган “Ипак йўли дипломатияси”нинг илк концепцияси Японияни янги мустақил бўлган республикаларнинг геосиёсий аҳамиятини илк англаган Осиё давлатларидан бири сифатида намоён қилди. У барқарорлик, иқтисодий модернизация ва инсон капитали ривожини ўз ичига олган стратегияни илгари сурди.

Тадқиқотчилар таъкидлашича, Токио томонидан амалга оширилган илк дипломатик ташаббуслар ва Расмий ривожланиш ёрдами (ODA) дастурлари минтақанинг ўтиш даврида жиддий бўшлиқни тўлдирган.

Ёрдам динамикаси Япония ODAсининг кўпинча эътибордан четда қоладиган нисбий аҳамиятини кўрсатади. 9/11дан кейинги илк йилларда АҚШ асосий донор бўлган (2002 йилда $466 млн.гача чиққан), аммо 2015 йилдан бери Япония Марказий Осиёда асосий ODA манбаси сифатида АҚШни ортда қолдирди. 2019 ва 2021 йилларда япон маблағлари АҚШ кўрсаткичларидан деярли икки баравар юқори бўлган (OECD ODA маълумотларига кўра), асосан Ўзбекистондаги капитал сиғими юқори инфратузилма кредитлари ҳисобидан.

Бу ташаббуслар давлатчиликни шакллантириш, давлат бошқаруви ислоҳотлари ҳамда муҳим транспорт ва энергетика тармоқларини тиклашни қўллаб-қувватлади. 2004 йилда “Марказий Осиё + Япония мулоқоти” ташкил этилиши ушбу жараённи институционаллаштириб, барқарор сиёсий мулоқот учун кўп томонлама платформани таъминлади. У бугунга келиб минтақанинг энг узоқ умр кўрган ташқи шериклик механизмларидан бирига айланиб, ҳозирги стратегик қарашлар учун замин яратди.

Япониянинг аралашмаслик имижи юқори даражадаги мулоқотга ўтишни осонлаштирмоқда.

Минтақада Япониянинг обрўси унинг изчил сиёсати билан белгиланади. Бошқа ташқи кучлар Марказий Осиёни рақобат, таъсир доиралари ёки фақат хомашё манбаи сифатида кўрган бир пайтда, Япония шаффофлик ва техник сифатга асосланган ривожланишга йўналтирилган ёндашувни танлади. Бу эса Токиони юқори стандартлар ва аралашмаслик билан боғланган ишончли шерик сифатида қабул қилинишига олиб келди.

Шу нуқтаи назардан, 2025 йил декабрдаги саммит муносабатларни стратегик босқичга кўтаришни англатади. Вақт танлови ҳал қилувчи аҳамиятга эга. Марказий Осиё иқтисодий диверсификация, демографик босим ва геосиёсий қайта жойлашув таъсирида тез ўзгармоқда.

Давоми қуйида
👇👇👇

Япония Марказий Осиёда “Ипак йўли дипломатияси”дан ресурс реализмига ўтмоқдами? 2/2

Шу билан бир вақтда Япония таъминот занжирларини хавфсизлаштириш ва Евроосиёнинг кам эътибор берилган ҳудудларида шерикликни мустаҳкамлаш мақсадида глобал алоқаларини қайта кўриб чиқмоқда. Бу икки кун тартибининг уйғунлиги ҳозир ҳар қачонгидан ҳам яққол кўринади.

Юқори технологияли инфратузилма ресурс қазиб олишга муқобил ривожланиш моделини таклиф этмоқда.

Иқтисодий жиҳатдан Япониянинг савдо ҳажмлари Хитой ёки Европа Иттифоқи билан солиштирганда кичик кўриниши мумкин, аммо унинг капитал таъсири нисбатан юқори ривожлантирувчи самарага эга. Япон компаниялари энергетика инфратузилмаси, илғор металлургия ва логистика каби энг стратегик соҳаларда фаолият юритмоқда. Тезкор ресурс қазиб олишга қаратилган инвестициялардан фарқли ўлароқ, Япония технология трансфери, экологик стандартлар ва узоқ муддатли маҳсулдорликка урғу беради.

Нодир ер металлари ҳажми ҳозирча катта эмас, асосий таъминотчи Қозоғистон ҳисобланади. 2019 йилгача харидорлар диверсификацияланган эди, ҳозир эса деярли барча ҳажмни Хитой сотиб олмоқда.

Япония халқаро ҳамкорлик агентлиги JICA Ўзбекистон, Қозоғистон, Қирғизистон, Тожикистон ва Туркманистонда трансформацион роль ўйнади. У транспорт инфратузилмаси, гидроэнергетикани тиклаш ва рақамли бошқарув бўйича йирик дастурларни молиялаштирди. JICAнинг институционал ривожланишга ва қатъий лойиҳа бошқарувига асосланган услуби маҳаллий ҳукуматларга янги кўникмаларни ўзлаштириш ва уларни лойиҳалардан ташқари ҳам қўллаш имконини берди.

Асосий соҳавий таъсирлар

Ўзбекистон (Энергетика ва барқарорлик):
Япония Mitsubishi Corporation, Mitsubishi Heavy Industries, Marubeni, JERA билан ҳамкорликда иссиқлик электр станцияларини замонавий комбинирланган газ турбина тизимлари орқали модернизация қилди. Навоий ИЭС модернизацияси самарадорликни ошириб, чиқиндиларни камайтирди. Шунингдек, Tokyo Rope компанияси тоғли ҳудудларда ер кўчишига қарши илғор технологияларни жорий қилди.

Қозоғистон (Критик минераллар ва саноат):
Sojitz, Sumitomo, Toshiba орқали руда қайта ишлаш самарадорлиги ва экологик хавфсизлик оширилди. Бу Қозоғистоннинг нодир ер элементлари, вольфрам ва мисни маҳаллий қайта ишлаш орқали қиймат занжирида юқори босқичга чиқиши учун муҳим. Водород бўйича тадқиқотлар келажак “яшил” занжирларга уланиш имконини очади.

Қирғизистон (Шаҳар барқарорлиги):
Япония қўллаб-қувватлаган сейсмик мустаҳкамлаш ишлари Бишкекда зилзилаларга тайёргарликни сезиларли даражада оширди.

Тожикистон ва Туркманистон:
Гидроэнергетика, сув бошқаруви ва энергия самарадорлиги бўйича мақсадли эксперт ёрдами кўрсатилди.

Инсон капиталига инвестициялар ислоҳотчи маъмурий элитани шакллантирмоқда.

Япониянинг энг барқарор стратегик активларидан бири — инсон капиталига сармоя. JDS, YLP ва JICA тренинглари минглаб давлат хизматчилари, муҳандислар ва иқтисодчиларни тайёрлади. Улар ҳозир вазирликлар, марказий банклар ва давлат корхоналарида муҳим лавозимларни эгаллаб турибди. Япон бошқарув меъёрлари — меритократия, далилга асосланган сиёсат ва этика — минтақадаги ислоҳотларга хизмат қилмоқда.

Токио Ғарб иттифоқлари ва Ҳинд-Тинч океанига очиладиган дарвоза вазифасини бажаради.

Геосиёсий жиҳатдан Япония билан ҳамкорлик Марказий Осиё давлатларининг кўпвекторли ташқи сиёсатини мустаҳкамлайди. Япония технология ва сиёсий бетарафликни мажбурлашсиз таклиф қилади. Шу билан бирга, у AQШ–Япония иттифоқи ва QUAD орқали кенг халқаро экотизимга уланиш имконини беради.

Бу ҳамкорлик АҚШ, Жанубий Корея, Австралия ва Жануби-Шарқий Осиё билан боғланишни енгиллаштиради. Япониянинг таъминот ва критик минералларга урғуси АҚШ ва ЕИ стандартлари билан уйғундир.

Саммит ёрдамдан саноат интеграциясига ўтишни мустаҳкамлаши керак.

Марказий Осиё иқлим босими ва инфратузилма эскириши олдидан чекланган вақтга эга. Япония билан шериклик ҳал қилувчи босқичга кирди:
▪️Ёрдамдан инновацияга ўтиш
Водород коридорлари
▪️Агро-технологиялар ва сув самарадорлиги

Агар саммит муваффақиятли бўлса, у Марказий Осиёни Евро-Атлантика ва Ҳинд-Тинч океани ўртасидаги стратегик кўприк сифатида мустаҳкамлайди.

Skip the Carousel

1 2 3 4 5

3 weeks ago | [YT] | 15

Nazirov Muxtor

#Европа_иттифоқи
Украинадаги уруш ва Европа Иттифоқининг стратегик ҳолати

Украинадаги уруш Европа ташқи сиёсатида қадр-қиммат риторикаси ва реал стратегик ҳисоб-китоблар ўртасидаги зиддиятни очиб берди. Халқаро муносабатлар назариясида бу ҳолат қоидаларга асосланган тартибот ва кучлар мувозанати ўртасидаги классик қарама-қаршилик сифатида талқин қилинади. Европанинг амалдаги сиёсати унинг норматив амбицияларидан кўра кўпроқ муайян чекловлар билан белгиланишини кўрсатади.

Европа ривожланиш модели ва ташқи боғлиқлик

🔷 Европанинг юқори ижтимоий фаровонлик модели ташқи омилларга таяниши ҳақида кўп маълумотлар бор. Айниқса, энергия ва хавфсизлик соҳаларидаги боғлиқлик ҳал қилувчи аҳамият касб этади.

🔷 Россиядан энергия импорти Европа иқтисодиёти учун узоқ вақт мобайнда рақобатбардошлик манбаи бўлиб хизмат қилди. Шу билан бирга, НАТО доирасида АҚШнинг ҳарбий етакчилиги Европа давлатларига “бепул хавфсизлик” эффектини берди.

🔷 XXI асрнинг биринчи чорагида катта давлатлар ўз ресурслари ва хавфсизлик кафолатларини сиёсий таъсир билан боғлашга интила бошлади. Бу жараён Европа Иттифоқини “стратегик автономия” концепциясини шакллантиришга ундади.

🔷 Бироқ тадқиқотларда қайд этилишича, Европа автономияси амалда тўлиқ эмас ва у АҚШга институционал ва ҳарбий жиҳатдан чуқур боғлиқ.

🔷 Реализм нуқтаи назаридан, давлатлар бир вақтнинг ўзида бир неча катта стратегик рақиб билан тўлиқ конфронтацияга киришишдан қочади. Европа ҳолати бунга яққол мисолдир.

🔷 Энергетикани диверсификация қилиш Россия билан қарама-қаршиликни маълум даражада юмшатган бўлса-да, АҚШсиз Европа хавфсизлиги масаласи тўлиқ ҳал этилмаган ҳолда қолмоқда.

Стратегик дилемма: автономия ёки муроса

🔷 Европа олдидаги танлов классик хавфсизлик дилеммасига мос келади. Стратегик автономия йўли катта ҳарбий харажатлар ва Европа жамиятларида ижтимоий келишувларнинг қайта кўриб чиқилишини талаб этади.

🔷 Россия билан маълум даражада чекланган муроса эса “таъсир зоналари” мантиғини легитимлаштириши билан хавф солади. Бу эса айниқса Шарқий Европа учун қабул қилиб бўлмас сценарий сифатида баҳоланиши мумкин.

🔷 Назаримда, Европа Иттифоқи ташқи сиёсатда бир хил таҳдид идрокига эга эмас. Цивилизация ва маданиятлар ўртасидаги фарқлар Шарқий ва Ғарбий Европа позицияларида яққол кўринади.

🔷 Бу ҳолат умумевропа даражасида стратегик қарор қабул қилишни институционал жиҳатдан қийинлаштирмоқда, айниқса Украинадаги уруши фонида Россияга қарши санкциялар пакетини қабул қилинишида, АҚШ - Европа иттифоқи алоқалари таранглашувида.

Уруш — қарорни кечиктириш механизми

🔷 Таъкидлаш жоизки, Украинадаги уруш Европа учун “strategic procrastination” функциясини бажармоқда. Яъни бу стратегик даражада қарор қабул қилишни онгли равишда кечиктириш амалиёти бўлиб, у вақтинчалик барқарорликни сақлаш, ички келишмовчиликларни яшириш ёки ташқи шароит ўзгаришини кутишни англатади.

🔷 Бу оддий сусткашлик эмас, балки одатда рационал ҳисоб-китобга асосланган сиёсий ҳаракатдир. Бу ҳолат халқаро инқирозлар вақтида йирик иттифоқлар учун хос бўлган стратегия ҳамдир.

🔷 Содда қилиб айтганда, уруш давом этаётгани Европага Россия билан муроса қилиш ёки тўлиқ стратегик автономияга ўтиш каби оғир қарорларни ортга суриш имконини беради. Уруш вақтинчалик консенсус яратади ва Европа ички бўлинишини очиқ инқирозга айлантирмайди.

🔷 Европа элитаси ташқи, назорат қилинмайдиган воқеалар (АҚШда сиёсий раҳбарият алмашиши ёки Россияда ички трансформация) масалани ўз-ўзидан ҳал қилади, деган умидни сақлаб қолаётгандек. Шу боис, уруш ҳозир Европа оғир қарор қабул қилиши учун вақт бермоқда.

🔷 Агар Европа ўз хавфсизлик ва ривожланиш моделини қайта кўриб чиқмаса, Россиядан кейинги даврда Хитой билан боғлиқ стратегик босимлар ҳам кучайиши мумкин. Бу эса Европа учун “кечиктирилган стратегик инқироз” хавфини оширади.

🔷 Хулоса қилганда, Украина уруши Европа Иттифоқи учун муваққат барқарорликни таъминлаётгандек кўринса-да, у Европа стратегик моделининг асосий муаммоларини ҳал этмаяпти. Реализм нуқтаи назаридан, Европа барибир ўз ресурслари, хавфсизлик кафолатлари ва суверенитет ўртасидаги мувозанатни қайта белгилашга мажбур бўлади.

Skip the Carousel

1 2 3 4

3 weeks ago | [YT] | 12

Nazirov Muxtor

📍 Toshkent shahrida jonli uchrashuv
🗓 20-dekabr
⏱️ Soat 14:00

🎙 Jonli uchrashuv. Yil yakuni

Mavzu: 2025: O‘zbekiston yo'li

Ekspertlar:

Siyosatshunoslar: Hamid Sodiq, Kamoliddin Rabbimov, Farhod Topilov, Farhod Karimov, Bektosh Berdiyev, Oybek Sirojov, Muxtor Nazirov, Jahongir Akramov, Abduvali Soyibnazarov, Islomxon Gafarov

Tarixchilar: G‘aybulla Boboyorov, Bahrom Irzayev, Nurbek Allabergenov

Iqtisodchilar: Muxtor Umarov, Abdulla Abduqodirov

Gidrometrolog: Humoyun Mag‘ripov

Murojaat uchun: @nurbekgofurov +998909204978

3 weeks ago | [YT] | 24

Nazirov Muxtor

t.me/Muxtor_Nazirov/840

2025-yilda Xalqaro siyosatda bo'lgan dolzarb masalalar yuzasidan berilgan asosiy maqolalar mundarijasi


1️⃣ 🌍⚖️ Xalqaro darajadagi dolzarb muammolar: Isroil-Falastin🇮🇱–🇵🇸 va Rossiya-Ukraina 🇷🇺–🇺🇦 urushi BMT’ga bdo‘lgan global ishonchni pasaytiryaptimi?🇺🇳

2 2️⃣ 🇺🇸 Президент Дональд Трампнинг Конгрессга мурожаатномаси: Иккинчи муддат учун зиддиятли тасаввурми?🏛

3️⃣ 🇺🇦➡️🌏Украинадаги уруш тугаганидан кейин Марказий Осиёни нима кутмоқда? 🇺🇿🇰🇿🇰🇬🇹🇯 🇹🇲

4️⃣ 📰⚠️ "Уруш вақтида ёлғон гапириш" мумкинми?

5️⃣ 🤝⛳️ Стив Уиткофф: гольфдаги шерик - бош музокарачи - Трампнинг Путин билан учраштирадиган одам. 🇺🇸

6️⃣ 🛡🇪🇺 Европанинг мудофаа сектори АҚШсиз яшай оладими? 🇺🇸

7️⃣ 🇺🇸🤝🇷🇺 Трамп ва Путин ўртасидаги музокаралардан кейинги баёнотларда нима муҳим 🗣📌

8️⃣ 🇷🇺 Дон битими 2.0. Кремль ўзининг янги Қора денгиз ташаббуси билан нимага эришмоқчи. ⚓️🌊

9️⃣ 🇨🇳🇷🇺🇮🇷🇰🇵 CRINK деб номланган янги "ўқ" Америкага қарши қандай ишлайди 🧭🧱

🔟 🇺🇿🇹🇯🇰🇬 Ўзбекистон, Тожикистон ва Қирғизистон давлат раҳбарларининг Ҳўжанд шаҳрида ўтган учрашувини қандай баҳолаш мумкин? 🤝

1️⃣1️⃣ 🇪🇺 Европа дунёни қандай кўрмоқда? 🌍👀

1️⃣2️⃣ 🇪🇺Европа мудофааси ва 2030 йилгача Европани қайта қуриш режаси бўйича Оқ китоб ҳақида 📄🛡

1️⃣3️⃣ 🇪🇺🇺🇸 ⚖️ Америка ултиматумига жавобан Европа нимани танлайди? 🇺🇸 🇪🇺

1️⃣4️⃣ 🌍"Йўлак урушлари" 🚧⚔️

1️⃣5️⃣ 🇨🇳📢 Синхуа: Си Цзиньпин: "Тариф урушида ғолиб йўқ"

1️⃣6️⃣ Халқаро тартиботда антиқа геосиёсий ходиса кузатиляпти(ми) 🌐❓ 🌍

1️⃣7️⃣ 🇺🇸🇷🇺🇨🇳 Трамп, Путин ва Си қандай қилиб Ер шарини бўлиб олиши мумкинлигини харита кўрсатади. 🗺👑

1️⃣8️⃣ 🚛📍 "Зангезур" йўлаги лойиҳасининг геосиёсий аҳамияти нимада? 🇦🇿🇦🇲

1️⃣9️⃣ Украина саҳнасидаги ўйинчилар ва “карталар” 4/1 🇺🇦🇷🇺🇺🇸

2️⃣0️⃣ 🤝 🇷🇺🇦🇫 Россия “Толибон” ҳаракати билан ҳамкорлик орқали Марказий Осиёда таъсирини кучайтирмоқда 🇷🇺🇦🇫

2️⃣1️⃣ 🇨🇳🧩🤝🇺🇿🇰🇿🇰🇬🇹🇯 Марказий Осиё - Хитой мулоқот форматининг институтлашуви нимадан дарак беради

2️⃣2️⃣ 🌐🤲 🇨🇳 Хитой дипломатиясида “Муштарак тақдир ҳамжамияти”ни шакллантириш концепцияси

2️⃣3️⃣ 🇺🇸📘 🌍 Катта Марказий Осиё учун Америка стратегияси

2️⃣4️⃣ 📘🇨🇳 "Оқ китоб" дунё тартиботининг Хитой моделига концептуал асосми?

2️⃣5️⃣ 🕊🇦🇿🇦🇲 Озарбайжон ва Арманистон ўртасидаги тинчлик битими хусусида

2️⃣6️⃣ ❄️🤝 🇺🇸🇷🇺 Аляскадаги Трамп–Путин учрашувидан кутилмалар ва реал сиёсий манзара


2️⃣7️⃣📜🌏 ШҲТ саммитидаги Ўзбекистон ташаббуслари таҳлили

2️⃣8️⃣ 🏛🇺🇿 🌐 Марказий ва Жанубий Осиёни ўзаро боғлашда Хитой ва Россия иштироки қандай?

2️⃣9️⃣ 📜🌏 #ШҲТ Тяньцзинь декларацияси

3️⃣1️⃣➕🤝 🇺🇿🌐 Ўзбекистон Республикаси Президентининг "ШҲТ плюс" саммитидаги ташаббуслари

3️⃣2️⃣🌍🔄 “Янги жаҳон тартиботи” эскисидан қанчалик фарқ қилади?

3️⃣3️⃣ 🧭🇺🇸 Ўзбекистон – АҚШ шериклик муносабатларининг сўнгги динамикаси

3️⃣4️⃣ 🛡 Марказий Осиё давлатларининг АҚШ билан муносабатлари: Трамп 2.0 даври истиқболлари 📑 🇺🇸

3️⃣4️⃣ 🛡📑 🇺🇸 Трамп АҚШ Миллий хавфсизлик стратегиясини тайёрламоқда

3️⃣5️⃣ 🏛🌐 🇺🇸 Вашингтонда ўтказиладиган C5+1 саммитидаги асосий масалалар

3️⃣6️⃣ 🏛🌐 🇺🇸 АҚШ Марказий Осиё давлатлари билан Россия–Хитой ҳукмронлигидан қочиш учун қандай ҳамкорлик қилиши керак? 3/1

3️⃣7️⃣ 🏛🌍"Озарбайжон – Туркия – Покистон" учлиги янги геосиёсий иттифоқми?

3️⃣8️⃣ 🏛 🇺🇸 🤝 🇺🇸 АҚШ миллий хавфсизлик стратегияси эълон қилинди

Skip the Carousel

1 2

3 weeks ago | [YT] | 6

Nazirov Muxtor

Oʻzbekiston Respublikasi Prezidenti Shavkat Mirziyoyevning Turkmaniston doimiy betarafligining 30 yilligi, Xalqaro betaraflik kuni va 2025-yil “Xalqaro tinchlik va ishonch yili” deb eʼlon qilinganiga bagʻishlangan xalqaro forumdagi nutqi
—
Выступление Президента Республики Узбекистан Шавката Мирзиёева на Международном форуме, посвящённом 30-летию провозглашения постоянного нейтралитета Туркменистана, Международному дню нейтралитета и объявлению 2025 года «Международным годом мира и доверия»
—
Address by the President of Uzbekistan Shavkat Mirziyoyev at the International Forum dedicated to the 30th Anniversary of Turkmenistan’s Permanent Neutrality, the International Day of Neutrality and the declaration of 2025 as the «International Year of Peace and Trust»

Prezident.uz|Facebook|Instagram|YouTube|X

3 weeks ago | [YT] | 24