Puri_Jagannath - Invidious

Puri_Jagannath

🙏IJay Jagannath l🙏
The Puri Jagannath Spiritual YouTube channel is a dedicated platform for devotees and spiritual seekers, focusing on the teachings, traditions, and culture surrounding Lord Jagannath.
It features a rich collection of videos, including enlightening discourses, devotional songs, temple rituals, and documentaries about the annual Rath Yatra.
The channel aims to inspire viewers through the deep spiritual wisdom of Jagannath, offering insights into Bhakti practices and the significance of Puri as a holy pilgrimage site.
Whether you seek to deepen your faith or learn more about Hindu spirituality, this channel serves as a vibrant resource for all things related to Lord Jagannath l

View channel on YouTube

Switch Invidious Instance

Videos

Shorts

Posts

Puri_Jagannath

*ତା.୦୧/୧୨/୨୦୨୪
ମଧ୍ୟଦେବଦୀପାବଳୀ, ଅମାବାସ୍ୟା ନାରାୟଣଙ୍କ ସାଗର ବିଜେ ନୀତି

1 year ago | [YT] | 2

View 0 replies

Puri_Jagannath

🙏*ତ୍ରିବିକ୍ରମ (ଡାଳିକିଆ) ବେଶ ଦର୍ଶନ*🙏⭕‼️⭕

1 year ago | [YT] | 18

View 1 reply

Puri_Jagannath

⚫❗⚫
ll ବାଙ୍କଚୂଡ଼ା ବେଶ ll
ମହାପ୍ରଭୁଙ୍କ ବେଶ ମଧ୍ୟରେ ବାଙ୍କଚୂଡ଼ା ବେଶ ଅନ୍ୟତମ। କାର୍ତ୍ତିକ ମାସର ପଞ୍ଚୁକ ମଧ୍ୟରେ ପଡୁଥିବା ଶୁକ୍ଳ ଦ୍ୱାଦଶୀ ତିଥିରେ ରତ୍ନ ସିଂହାସନରେ ଅଧିଷ୍ଠିତ ଠାକୁରଙ୍କ ବାଙ୍କଚୂଡ଼ା ବେଶ ଅନୁଷ୍ଠିତ ହୋଇଥାଏ। ଏହି ଦିନ ଆବକାଶ ନୀତି ଶେଷ ହେବାପରେ ପାଳିଆ ମେକାପ,ଖୁଣ୍ଟିଆ,ଚାଙ୍ଗଡା ମେକାପ ଏବଂ କେତେଜଣ ପୁଷ୍ପାଳକ ଶ୍ରୀବିଗ୍ରହଙ୍କୁ ବାଙ୍କଚୂଡ଼ା ବେଶରେ ସଜ୍ଜିତ କରିଥାନ୍ତି।

ଯେତେବେଳେ ଅକ୍ରୁର ଭଗବାନ ଶ୍ରୀକୃଷ୍ଣଙ୍କୁ ଏବଂ ବଳରାମ କୁ ଆଣିବାକୁ କଂସ ଦ୍ୱାରା ପ୍ରେରିତ ହୋଇ ଯାଇଥିଲେ ଗୋପପୁରକୁ ସେତେବେଳେ ଭଗବାନ ଶ୍ରୀକୃଷ୍ଣ ଓ ବଳରାମ ବାଙ୍କଚୂଡ ପକାଇ ଭକ୍ତ ଅକ୍ରୁରକୁ ଏହି ବେଶ ରେ ଦର୍ଶନ ଦେଇଥିଲେ ସେହି ସୃତିକୁ ଉଜ୍ଜୀବିତ କରିବା ପାଇଁ ପୁରୀ ଶ୍ରୀମନ୍ଦିରରେ ବହୁ ପୁରାତନ କାଳରୁ ବାଙ୍କଚୂଡ଼ା ବେଶ ପାଳିତ ହୋଇଆସୁଛି । ଏହି ବେଶର ବିଶେଷତ୍ୱ ଯେ ଜଗନ୍ନାଥ ଓ ବଳଭଦ୍ରଙ୍କ ଶ୍ରୀମସ୍ତକରେ ଚନ୍ଦ୍ରିକା ଚୂଳ ସହିତ ଦକ୍ଷିଣ ଦିଗକୁ ଆଡ ଖୋସା ପଡେ ଏବଂ ଏହି ଖୋସା(ବେଣୀ)ର ଅଗ୍ର ଗଣ୍ଠିରେ ଏକ ସୁବର୍ଣ୍ଣ କିଆ ଖଞ୍ଜା ଯାଇଥାଏ। ସୂଚନାଯୋଗ୍ୟ ଏକ ଛୋଟ ସ୍ୱର୍ଣ୍ଣ କୀରିଟ ଠାକୁରମାନଙ୍କ କପାଳର ଶୀର୍ଷ ଭାଗରେ ଶୋଭାପାଇଥାଏ। ଲକ୍ଷ୍ମୀନାରାୟଣ ବେଶରେ ଲାଗୁଥିବା ଅଧିକାଂଶ ଅଳଙ୍କାର ଏଥିରେ ବ୍ୟବହୃତ ହୋଇଥାଏ । ଜଗନ୍ନାଥ ଚକ୍ର ଓ ଶଙ୍ଖ ଏବଂ ବଳଭଦ୍ର ହଳମୂଷଳ ଧାରଣ କରନ୍ତି । ଏହି ବେଶରେ ସୁଭଦ୍ରାଙ୍କ ଆଭୂଷଣ ପରିବର୍ତ୍ତନ ହୁଏନାହିଁ । ମାତ୍ର ତାଙ୍କର ମସ୍ତକ ସୂବର୍ଣ୍ଣ କିଆରେ ଶୋଭିତ ହୁଏ । ଭୋଗ ମଣ୍ଡପ ଶେଷ ହେବାପରେ ଠାକୁରମାନଙ୍କ ଏହି ଆକର୍ଷଣୀୟ ବେଶ ଦର୍ଶନ ନିମିତ୍ତ ସର୍ବ ସାଧାରଣଙ୍କ ଉଦ୍ଦେଶ୍ୟରେ ସାହାଣ ମେଳା ଦର୍ଶନ ହେଇଥାଏ। ଏହି ବେଶ ଦର୍ଶନ ସମୟରେ ଭକ୍ତମାନେ ରତ୍ନ ସିଂହାସନ ସମୀପ ପର୍ଯ୍ୟନ୍ତ ଯାଇଥାନ୍ତି।

ବାଙ୍କଚୂଡ଼ା ବେଶ ଏକ କୃଷ୍ଣ ସଂପର୍କିତ ବେଶ । କବି ବନମାଳୀ ତାଙ୍କ ପଦ୍ୟାବଳୀରେ ଲେଖିଛନ୍ତି -

_“ ନିରେଖି ଚାହାଁରେ ସଖୀ ! ଏ କଦମ୍ବ ମୂଳକୁ_
_ସଂସାର ସାର ସୁଷମା ହୋଇବ କି କୁଳକୁ ।_
_ଶିରେ ବାଙ୍କଚୂଳ ଶିଖୀ ପୁଚ୍ଛ ଚଳାଚଳକୁ_
_ବିଲୋକିଲେ ସତୀ ଧୃତି ରହିବ କି କାଳକୁ ll”_

1 year ago | [YT] | 16

View 0 replies

Puri_Jagannath

*ll ଠିଆକିଆ ବେଶ ବା ଲକ୍ଷ୍ମୀନାରାୟଣ ବେଶ ll*⚫❗⚫
କାର୍ତ୍ତିକ ମାସ ଶୁକ୍ଳପକ୍ଷ ଏକାଦଶୀ ତିଥିରେ ମହାପ୍ରଭୁଙ୍କର ଠିଆକିଆ ବା ଲକ୍ଷ୍ମୀନାରାୟଣ ବେଶ ଅନୁଷ୍ଠିତ ହୁଏ । ଏହି ଦିନ ମହାପ୍ରଭୁ ଶ୍ରୀଜଗନ୍ନାଥ ନିଦରୁ ଉଠନ୍ତି । ଆଷାଢ଼ ଶୁକ୍ଳପକ୍ଷ ଏକାଦଶୀରୁ ମହାପ୍ରଭୁ ଶୟନ କରିଥାନ୍ତି । ମହାପ୍ରଭୁଙ୍କ ଏହି ଉତଥାପନ ଏକାଦଶୀକୁ ବଡ଼ ଏକାଦଶୀ ବୋଲି କୁହାଯାଏ । ଏହି ଦିନରୁ ପଞ୍ଚକ ମଧ୍ୟ ଆରମ୍ଭ ହୋଇଥାଏ । ଶାସ୍ତ୍ର ମତରେ ବଡ଼ ଏକାଦଶୀ ଠାରୁ ଶୁଭ ସମୟ ଆରମ୍ଭ ହେଉଥିବାରୁ ସମସ୍ତ ମାଙ୍ଗଳିକ କାର୍ଯ୍ୟ ମଧ୍ୟ ଆରମ୍ଭ କରାଯାଏ । ୪ ମାସ ପରେ ଶୟନରୁ ଉଠୁଥିବା ମହାପ୍ରଭୁ ମହାଲକ୍ଷ୍ମୀଙ୍କ ସହ ଭକ୍ତଙ୍କୁ ଦର୍ଶନ ଦିଅନ୍ତି । ସେଥିପାଇଁ ରତ୍ନସିଂହାସନରେ ଶ୍ରୀଜଗନ୍ନାଥଙ୍କ ଲକ୍ଷ୍ମୀନାରାୟଣ ବେଶ ଅନୁଷ୍ଠିତ ହୁଏ ।

ମସ୍ତକରେ ସୁବର୍ଣ୍ଣକିଆ ଠିଆ ଭାବରେ ଲାଗି ହେଉଥିବାରୁ ଏହି ବେଶକୁ ଠିଆକିଆ ବେଶ ମଧ୍ୟ କୁହାଯାଏ । ରାମାନୁଜଙ୍କର ଦର୍ଶନ ଅନୁଯାୟୀ ବ୍ରହ୍ମ ସଗୁଣ ଓ ସେ ନାରାୟଣ, ଲକ୍ଷ୍ମୀ ତାଙ୍କର ଶକ୍ତି । ଏହି ନ୍ୟାୟରେ ରାମାନୁଜ ଜଗନ୍ନାଥଙ୍କୁ ବ୍ରହ୍ମ ଭାବରେ ଦେଖିଥିବାରୁ ସେ ଲକ୍ଷ୍ମୀ ନାରାୟଣ ବେଶ ପ୍ରବର୍ତ୍ତନ କରିଥିଲେ ବୋଲି ଅନୁମାନ କରାଯାଏ । ଠାକୁରମାନଙ୍କର ଅବକାଶ ନୀତି ଶେଷ ହେବାପରେ ପୁଷ୍ପାଳକ ସେବକମାନେ ଶ୍ରୀଜୀଉମାନଙ୍କୁ ଏହି ବେଶରେ ସଜ୍ଜିତ କରାଇଥାନ୍ତି । ଏହି ବେଶ ଥାଇ ଠାକୁରମାନଙ୍କର ଗୋପାଳ ବଲ୍ଲଭ, ସକାଳଧୂପ, ବାଳଭୋଗ ଓ ଭୋଗମଣ୍ଡପ ନୀତି ଆଦି ସମ୍ପନ୍ନ ହୁଏ ।

ll ବେଶ ll
ଲକ୍ଷ୍ମୀନାରାୟଣ ବେଶରେ ସୁନାବେଶର ସମସ୍ତ ଅଳଙ୍କାର ଲାଗି ହୁଅନ୍ତି ମାତ୍ର ରାଜବେଶରେ ତିନିଗୋଟି ସୁନା କିରିଟ ଲାଗି ହୁଅନ୍ତି। ସେହିପରି କାର୍ତ୍ତିକ ମାସରେ ଅନୁଷ୍ଠିତ ରାଧାଦାମୋଦର ବେଶରେ ମହାପ୍ରଭୁ ହସ୍ତରେ ଶ୍ରୀଭୁଜ ଲାଗି ନହୋଇ ନଳୀଭୁଜ ଲାଗି ହୁଅନ୍ତି, ଏହି ନଳୀଭୁଜର ଶୀର୍ଷ ଦେଶରେ ଆୟୁଧର ଚିହ୍ନ ରହିଥାଏ । ମାତ୍ର ଲକ୍ଷ୍ମୀନାରାୟଣ ବେଶରେ ମହାପ୍ରଭୁ ଆୟୁଧ ଲାଗି ହୁଅନ୍ତି । ଶ୍ରୀଜଗନ୍ନାଥ ବାମ ହସ୍ତରେ ଶଙ୍ଖ ଓ ଡାହାଣ ହସ୍ତରେ ଚକ୍ର ଧରିଥାନ୍ତି । ବଳଭଦ୍ର ହଳ ଓ ମୂଷଳ ଧାରଣ କରନ୍ତି । ସୁଭଦ୍ରାଙ୍କ ବେଶରେ କିଛି ପରିବର୍ତ୍ତନ ହୁଏ ନାହିଁ କେବଳ ମସ୍ତକରେ ଠିଆକିଆ ଶୋଭାପାଏ । ଏହି ଠିଆକିଆ ଗୁଡ଼ିକୁ ଧରି ରଖିବା ପାଇଁ ଏକ ବଳା ମୁଖମଣ୍ଡଳରେ ଲାଗେ । ଠାକୁରମାନେ ପାଟବସ୍ତ୍ରରେ ସୁସଜ୍ଜିତ ହୋଇ ସୁବର୍ଣ୍ଣ ଅଳଙ୍କାରମାନ ଲାଗି ହୋଇ ଅତ୍ୟନ୍ତ ସୁନ୍ଦର ଦେଖାଯାଆନ୍ତି ।

ll ଅଳଙ୍କାର ll

ଶ୍ରୀମନ୍ଦିର ସତ୍ତ୍ୱଲିପି ଅନୁସାରେ ନିମ୍ନଲିଖିତ ଅଳଙ୍କାରମାନ ମାନ ଲାଗିହୁଏ
.1. ତ୍ରିସାଖା, ୨. ସୂର୍ଯ୍ୟ ଚନ୍ଦ୍ର ,୩. ତିଳକ , ୪. ତଡକୀ , ୫. କର୍ଣ୍ଣ କୁଣ୍ଡଳ , ୬. ସ୍ବର୍ଣ୍ଣ ଶ୍ରୀଭୁଜ, ୭. ହଳ , ୮. ମୁଷଳ, ୯. ଚକ୍ର , ୧୦. ଶଙ୍ଖ ,୧୧. ଅଳକା , ୧୨. କଦମ୍ବ ମାଳି , ୧୩. ହରିଡ଼ା ମାଳି , ୧୪. ବାହାଡ଼ା ମାଳି , ୧୫. ତାବିଜ ମାଳି ,୧୬. ବାଘ ନଖି ମାଳି , ୧୭. ସେବତୀ ମାଳି , ୧୯. ଓଡ଼ିଆଣି , ୨୦. ଟୋପର, ୨୧. ସ୍ବର୍ଣ୍ଣ କିଆ

ପୂର୍ବେ ରାମାନୁଜ ସଂପ୍ରଦାୟର ଏମାର ମଠ , ଶ୍ରୀ ରାମ ଦାସ ମଠ , ଉତ୍ତର ପାର୍ଶ୍ୱ ମଠ , ସିଦ୍ଧ ମଠ , ରାଘବ ଦାସ ମଠ ମାନଙ୍କର ମହନ୍ତ ଆସି ଶ୍ରୀଜୀଉଙ୍କ ସମ୍ମୁଖରେ ଶ୍ରୀମନ୍ ନାରାୟଣ ସ୍ତୋତ୍ରମ ପାଠ କରୁଥିଲେ। ଏହି ମନ ମୁଗ୍ଧକର ବେଶ ଦର୍ଶନ କରିବାକୁ ଲକ୍ଷ ଲକ୍ଷ ଭକ୍ତ ଶ୍ରୀ ମନ୍ଦିରରେ ଦର୍ଶନ କରିଥାନ୍ତି। ଭୋଗ ମଣ୍ଡପ ଶେଷ ହେବା ପରେ ଏହି ବେଶ ମଇଲମ ହୋଇ ମଧ୍ୟାହ୍ନ ଧୂପ ହୋଇଥାଏ।

1 year ago | [YT] | 11

View 0 replies

Puri_Jagannath

⚫❗⚫
ll ହରି ଉତ୍ଥାପନ ବା ପ୍ରବୋଧିନୀ ଏକାଦଶୀ ll

କାର୍ତ୍ତିକ ମାସର ଶୁକ୍ଳପକ୍ଷ ଏକାଦଶୀକୁ ପ୍ରବୋଧିନୀ ଏକାଦଶୀ କୁହାଯାଇଥାଏ । ବର୍ଷକ ଯାକର ୨୪ଟି ଏକାଦଶୀ ମଧ୍ୟରେ ସବୁଠାରୁ ଶୁଭ ଓ ମଙ୍ଗଳକାରୀ ଏକାଦଶୀ ହେଉଛି କାର୍ତ୍ତିକ ମାସ ଶୁକ୍ଳ ପକ୍ଷର ଏହି ଦେବୋତ୍ଥାନ ଏକାଦଶୀ।ଏହି ଏକାଦଶୀକୁ ଦେବଉଠନୀ ଏକାଦଶୀ ମଧ୍ୟ କୁହାଯାଏ। ଧାର୍ମିକ ମାନ୍ୟତା ଅନୁଯାୟୀ, ଭଗବାନ ବିଷ୍ଣୁ ଗତ ଚାରି ମାସ ଧରି କ୍ଷୀର ସାଗରରେ ଶୟନ କରିଥାନ୍ତି ଏବଂ ଦେବଉଠନୀ ଏକାଦଶୀ ଦିନ ନିଦ୍ରାରୁ ଜାଗ୍ରତ ହୁଅନ୍ତି। ସବୁ ଏକାଦଶୀ ମଧ୍ୟରୁ ଦେବଉଠନୀ ଏକାଦଶୀକୁ ସର୍ବଶ୍ରେଷ୍ଠ ବୋଲି ମାନ୍ୟତା ମଳିଛି। ଏହି ଏକାଦଶୀ ଦୀପାବଳି ପରେ ପାଳନ କରାଯାଇଥାଏ। ଦେବଉଠନୀ ଏକାଦଶୀରେ ଭଗବାନ ବିଷ୍ଣୁ ଯୋଗ ନିଦ୍ରାରୁ ଜାଗ୍ରତ ହେବା ପରେ ସମସ୍ତ ପ୍ରକାର ମାଙ୍ଗଳିକ କାର୍ଯ୍ୟ ଆରମ୍ଭ ହୋଇଥାଏ। ଏହି ଏକାଦଶୀ ବ୍ରତ ପାଳନ କରୁଥିବା ବ୍ୟକ୍ତିକୁ ସ୍ବର୍ଗ ଓ ବୈକୁଣ୍ଠ ପ୍ରାପ୍ତି ହୋଇଥାଏ। ଦେବୋତ୍ଥାନ ଏକାଦଶୀରେ କିଛି ଉପାୟ କରିବା ଦ୍ବାରା ବ୍ୟକ୍ତିଙ୍କୁ ମୋକ୍ଷ ପ୍ରାପ୍ତି ହେବା ସହ ସମସ୍ତ ଦୁର୍ଭାଗ୍ୟ ଦୂର ହୋଇଥାଏ ବୋଲି ଶାସ୍ତ୍ରରେ ଉଲ୍ଲେଖ ରହିଛି। ଦେବୋତ୍ଥାନ ଏକାଦଶୀ ଦିନ ଭଗବାନ ବିଷ୍ଣୁ ନିଦ୍ରାରୁ ଜାଗ୍ରତ ହୋଇଥାନ୍ତି। ଏଥିରେ ଦେବୀ-ଦେବତାଗଣ ଖୁସି ହୋଇ ଏହି ଦିନ ଦୀପ ଉତ୍ସବ ପାଳନ କରିଥାନ୍ତି। ଏହିଦିନ ଭଗବାନ ବିଷ୍ଣୁଙ୍କ ବିଶେଷ କୃପା ପାଇବା ପାଇଁ ନିଜ ଘରେ ଦୀପ ଜଳାନ୍ତୁ।

ଏଥିସହ, ଏହି ଦିନ ତୁଳସୀ ବିବାହ ମଧ୍ୟ କରାଯାଇଥାଏ। ସମସ୍ତ ଏକାଦଶୀ ମଧ୍ୟରେ ଦେବଉଠନୀ ଏକାଦଶୀ ଅତ୍ୟନ୍ତ ଶୁଭ ଫଳଦାୟୀ ହୋଇଥାଏ ବୋଲି ମାନ୍ୟତା ରହିଛି। ଏହି ଦିନ ଭଗବାନ ନାରାୟଣ ଜାଗ୍ରତ ହେବା ପରେ ଚତୁର୍ମାସ ବି ଶେଷ ହୋଇଯାଏ । ଏହାପରେ ବିବାହ କାର୍ଯ୍ୟ ଆରମ୍ଭ ହୋଇଥାଏ ।ତୁଳସୀ ବିବାହ ହିନ୍ଦୁ ଧର୍ମର ପ୍ରମୁଖ ପର୍ବ । ତୁଳସୀ ବିବାହରେ ମାତା ତୁଳସୀଙ୍କ ବିବାହ ଭଗବାନ ଶାଳଗ୍ରାମଙ୍କ ସହ କରାଯାଇଥାଏ । ବିଶ୍ବାସ ରହିଛି ଯେ ଯେଉଁ ବ୍ୟକ୍ତି ତୁଳସୀ ବିବାହର ଅନୁଷ୍ଠାନ କରିଥାନ୍ତି ସେମାନଙ୍କୁ କନ୍ୟାଦାନର ବରାବର ପୁଣ୍ୟ ଫଳ ମିଳିଥାଏ । ତୁଳସୀ ବିବାହ ପ୍ରତି ବର୍ଷ କାର୍ତ୍ତିକ ମାସ ଶୁକ୍ଳ ପକ୍ଷର ଏକାଦଶୀ ତିଥି ଦିନ କରାଯାଇଥାଏ । ଅନେକ ସ୍ଥାନରେ ଦ୍ବାଦଶୀ ଦିନ ମଧ୍ୟ ତୁଳସୀ ବିବାହ କରାଯାଇଥାଏ ।

ll ତୁଳସୀ ବିବାହର ପୂଜା ବିଧି ll :-

ତୁଳସୀ ଗଛର ଚାରିପଟେ ମଣ୍ଡପ ବନାନ୍ତୁ ।ତୁଳସୀ ଗଛ ଉପରେ ଲାଲ ଓଢ଼ଣୀ ଚଢ଼ାନ୍ତୁ ।ତଳସୀ ଗଛରେ ଶୃଙ୍ଗାର ଜିନିଷ ଅର୍ପଣ କରନ୍ତୁ । ଶ୍ରୀ ଗଣେଶଙ୍କ ପୂଜା ଏବଂ ଶାଳଗ୍ରାମଙ୍କର ବିଧିବଦ୍ଧ ପୂଜା କରନ୍ତୁ । ଭଗବାନ ଶାଳଗ୍ରାମଙ୍କ ମୂର୍ତ୍ତିର ସିଂହାସନ ହାତରେ ନେଇ ତୁଳସୀଙ୍କ ୭ପରିକ୍ରମା କରନ୍ତୁ । ଆରତୀ ପରେ ବିବାହ ମଙ୍ଗଳଗୀତ ସହ ବିବାହୋତ୍ସବ ପୂର୍ଣ୍ଣ କରାଯାଇଥାଏ ।

ମହିଳାମାନେ ସୁଖ-ସମୃଦ୍ଧି ପ୍ରାପ୍ତି ପାଇଁ ଏହିଦିନ ବ୍ରତ ରଖି ପୂଜା କରନ୍ତି। ଏହି ଦିନ ବ୍ରତ ରଖିବା ଦ୍ୱାରା ଅଶ୍ୱମେଧ ଏବଂ ଶହେଟି ରାଜସୂୟ ଯଜ୍ଞର ଫଳ ମିଳିଥାଏ। ଏହି ଏକାଦଶୀ ବ୍ରତ କରିବା ଦ୍ୱାରା ଭାଗ୍ୟ ଜାଗ୍ରତ ହୋଇଥାଏ।ଏହିଦିନ ଭଗବାନ ବିଷ୍ଣୁ କିମ୍ବା ନିଜ ଇଷ୍ଟଦେବୀଙ୍କ ଉପାସନା କରିବା ଉଚିତ। ଏହିଦିନ " ନମୋଃ ଭଗବତେ ବାସୁଦେବାୟ ନମଃ " ମନ୍ତ୍ର ଜପ କରିବା ଫଳରେ ଲାଭ ମିଳିଥାଏ।

ll ଏକାଦଶୀ ମାହାତ୍ମ୍ୟ ll :-

ll ଯୁଧିଷ୍ଠିର ଉବାଚ ll
କହନ୍ତି ପଣ୍ଡୁ ରାଜା ସୁତ l ହେ କୃଷ୍ଣ ଶୁଣନ୍ତୁ ଉଚିତ ll
କାର୍ତ୍ତିକ ଶୁକ୍ଳ ଏକାଦଶୀ l ଯେଉଁ ନାମରେ ତାକୁ ଭାଷି ll
କହ ମାହାତ୍ମ୍ୟ ବିଧି ଘେନି l ଯେ ରୂପେ ହେବ ପାପହାନି ll

ll ଶ୍ରୀକୃଷ୍ଣ ଉବାଚ ll
କୃଷ୍ଣ କହନ୍ତି ପଣ୍ଡୁ ସୁତ l ପଚାରି ଅଛ ଲୋକହିତ ll
ବ୍ରହ୍ମା ନାରଦ ସମ୍ବାଦରେ l କହିବା ଶୁଣ ହେ ଆଦରେ ll

ll ବ୍ରହ୍ମା ଉବାଚ ll
ବ୍ରହ୍ମା କହନ୍ତି ହେ ନାରଦ l କହିବା ଏକାଦଶୀ ଭେଦ ll
କାର୍ତ୍ତିକ ଶୁକ୍ଳ ଏକାଦଶୀ l ଏହାକୁ ବୋଧିନୀ ଆଭାଷି ll
ଇନ୍ଦ୍ରପୁରର ସମପୁର l ବେଭାର କି ଅବା କୁବେର ll
ସେ ସ୍ଥାନେ କହିଲେ ଅଧ୍ରୁବ l ଏ ହୋଇଥିଲେ ଦେବ ଧ୍ରୁବ ll

ll ଚନ୍ଦ୍ରଭାଗା ଉବାଚ ll
ଅଛନ୍ତି କେଉଁଠାରେ ପ୍ରିୟ l ସେଠାକୁ ବିପ୍ରେ ମୋତେ ନିଅ ll
ଦେଖିବି ପ୍ରିୟ ମୁଖ ଯାଇ l ଆପଣା ପୁଣ୍ୟ ଭାଗ ଦେଇ ll
କରିବି ସେ ସ୍ଥାନକୁ ଧୃବ l କର ଯେ ରୂପେ ଦେଖାଯିବ ll
ଦୁଇ ବିଯୋଗୀ ଜନଯୋଗ l କରି ପାଇବ ପୁଣ୍ୟ ଭାଗ ll
ଏମନ୍ତେ ସୋମଶର୍ମା ଶୁଣି l ଚନ୍ଦ୍ରଭାଗାକୁ ଗଲେ ଘେନି ll
ପ୍ରବେଶ କଲେ ନେଇ ସ୍ଥାନେ l ବାମଦେବଙ୍କ ସନ୍ନିଧାନେ ll
ଦେଖିଣ ବାମଦେବ ଋଷି l ଚନ୍ଦ୍ରଭାଗାକୁ ଦୟାବଶି ll
ସେ ବାମଦେବ ମହାମୁନି l ବେଦାନ୍ତ ମନ୍ତ୍ର ଜଳ ଘେନି ll
ଆପଣେ କଲେ ଅଭିଷେକ l ଗଲା ତାହାର ସେ ପାତକ ll
ହରିବାସର ଯେ ସ୍ଵଭାବ l କି ଅବା ମନ୍ତ୍ରର ପ୍ରଭାବ ll
ପାଇଲେ ଦିବ୍ୟ ଦେହ ଦେବ l ଦିବ୍ୟ ଗତିରେ ଯେ ସମ୍ଭବ ll
ପ୍ରୀତିରେ ଉଲ୍ଲସିତ ଦିଶେ l ପ୍ରବେଶ ପ୍ରିୟତମ ପାଶେ ll
ପ୍ରିୟାକୁ ଦେଖି ସେ ଶୋଭନ l ହୋଇଲେ ଆନନ୍ଦିତ ମନ ll
ଆହ୍ବାନ କରି ବାମ ଅଙ୍କେ l ପ୍ରିୟାକୁ ବସାଇ ନିଃଶଙ୍କେ ll
ପ୍ରେମରେ ପରବେଶ ହୋଇ l ପ୍ରିୟାକୁ ଚନ୍ଦ୍ରଭାଗା କହି ll
ହେ ପ୍ରିୟ ହିତବାକ୍ୟ ଶୁଣ l ମୋହର ଅଛି ଯେତେ ପୁଣ୍ୟ ll
ତାହା ମୁଁ ଦେଉଅଛି ଜାଣ l ତେଣେ ଅଧୃବ ଧୃବ ମଣ ll
ଆଠବରଷ ଦିନୁ ମୁହିଁ l ଶ୍ରଦ୍ଧାରେ ଚିତ୍ତେ ବିଧି ଚାହିଁ ll
ତୁ କରିଛୁ ଏକାଦଶୀ ବ୍ରତ l ସେ ପୁଣ୍ୟ ଦେଲି ମୁଁ ନିୟତ ll
ତୁମ୍ଭର ଅଧ୍ରୁବ ଏ ପୁର l ଧୃବ ହୋଇବ ପ୍ରାଣେଶ୍ଵର ll
ଏମନ୍ତ କହି ପ୍ରିୟ ସଙ୍ଗେ l ରମିଲା ଚନ୍ଦ୍ରଭାଗା ରଙ୍ଗେ ll
ସୁଦିବ୍ୟ ରୂପ ଆଭରଣ l ପାଇ ଭୁଞ୍ଚିଲା ଭୋଗମାନ ll
କରିବା ବିଷ୍ଣୁ ଉଜାଗର l ନିରସ୍ତ ପାପ ହୁଏ ଦୂର ll
ଯେ ଅଶ୍ଵମେଧ ଆଦି ଯୋଗେ l ଫଳ ମିଳଇ ସୁଖଭୋଗେ ll
ପାଇ ସେ ଫଳକୁ ସୁଖରେ l ହରି ବୋଧନୀ ଉଜାଗରେ ll
ତରି ସମସ୍ତ ତୀର୍ଥେ ସ୍ନାନ l ଦେଇ ମୋମହୀ ସ୍ଵର୍ଣ୍ଣମାନ ll
ସେ ଫଳ ନ ମିଳେ ନିର୍ଜଳେ l ବୋଧିନୀ ଜାଗରଣ ତଳେ ll
ଯେ କଲା ପ୍ରବୋଧିନୀ ବ୍ରତ l ଜାଗର ପୂଜାର ସହିତ ll
ସେହି ସୁକୃତ ହୋଇ ମାତ୍ର l ତେଣେ ସେ କୁଳ ହିଁ ପବିତ୍ର ll
ପ୍ରାଣୀଙ୍କ ମୃତ୍ୟୁ ଧନ ନାଶ l ନିତ୍ୟ ଏ ଦୁହେଁ ଅବଶେଷ ll
ଏମନ୍ତ ଜାଣି ସୁନିଶ୍ଚିତ l କରିବେ ଏ ବୈଷ୍ଣବ ବ୍ରତ ll
ଯେ କିଛି ତୀର୍ଥ ତ୍ରିଭୁବନେ l ସେମାନେ ଜାଣ ତା ଭୁବନେ ll
କାର୍ତ୍ତିକ ଶୁକ୍ଳ ଏକାଦଶୀ l ଯେ କଲା ଏହି ତୀର୍ଥବାସୀ ll
ସମସ୍ତ କୃତ ପରିହରି l ଶ୍ରୀକୃଷ୍ଣ ପ୍ରୀତି ହେତୁକରି ll
ବିଧିରେ ବୋଧିନୀ ଆଚରି l ବୈକୁଣ୍ଠେ ଆକୁଣ୍ଠେ ସଞ୍ଚରି ll
ଯେ କଲା ବୋଧିନୀ ବହୁତ l ପୁଣ୍ୟରେ ତାର କିମ୍ପା ଭୀତ ll
କାର୍ତ୍ତିକ ଏ ହରି ବୋଧିନୀ l ପରଲୋକରେ ମହାଦାନୀ ll
ଯେ କରେ ବୋଧିନୀ ଉପାସ l ଜାଣ ସେ କଲା ଯୋଗନ୍ୟାସ ll
ତତ୍ପରେ ସେହି ଜିତେନ୍ଦ୍ରିୟ l ତାହାର ମୋକ୍ଷ ଭାଗ୍ୟେ ଜୟ ll
ବିଷ୍ଣର ଅତି ପ୍ରିୟ ଏହି l ଧର୍ମ ସାରକୁ ଯେ ଦିଅଇ ll
ଯେଉଁ ବୋଧିନୀ ବ୍ରତ କରି l ମୁକ୍ତି ଲଭନ୍ତି ନରନାରୀ ll
କରି ବୋଧିନୀ ଉପବାସ l ନର ନ ପାଏ ଗର୍ଭେ ବାସ ll
ତେଣୁ ସମସ୍ତ ଧର୍ମ ଛାଡ଼ି l ବୋଧିନୀ ବ୍ରତକୁ ଆଚରି ll
କରି ବୋଧିନୀ ଉଜାଗର l ହୋଇ ଯେ ଯାଗରେ ତତ୍ପର ll
ତାର ନରହେ ପାପ ଗାତ୍ରେ l ଯେ ଜାତି ଇନ୍ଦ୍ରିୟଙ୍କ ମାତ୍ରେ ll
ଯେ ସ୍ନାନ ଦାନ ଜପ ହୋମ l କରି ଉଦ୍ଦେଶି ଜନାର୍ଦ୍ଦନ ll
ସେ ସର୍ବ ଅକ୍ଷୟ ହୁଅ l ହରି ବୋଧିନୀ ତିଥି ପାଇll
ଜନାର୍ଦ୍ଦନକୁ ଅର୍ଘ୍ୟ ଦେବ l ଚରଣେ ଶରଣ ପଶିବ ll
କରି ସମସ୍ତ ତୀର୍ଥ ସ୍ନାନ l ଦେଇ ସମସ୍ତ ଦାନମାନ ll
ମିଳଇ ଯେଉଁ ଫଳ ଜାଣ l ସେ ଅର୍ଘ୍ୟ ଦାନେ କୋଟି ଗୁଣ ll
ତଦନ୍ତେ ଭୋଜନ ବସନେ l ପୂଜା କରିବ ଗୁରୁଜନେ ll
ଦକ୍ଷିଣା ଦେଇ କରହୃଷ୍ଟ l ଯେଣୁ ତା ତୋଷେ ହରି ତୁଷ୍ଟ ll
ଯେ ପଢେ ବୈଷ୍ଣବ ପୁରାଣ l ଯେ ଅବା କରଇ ଶ୍ରବଣ ll
ପ୍ରତ୍ୟକ୍ଷ ଦେଇ କପିଳାକୁ l ଯେ ଫଳ ମିଳଇ ତାହାକୁ ll
କାର୍ତ୍ତିକେ ହେ ମୁନିସତ୍ତମ l ଯଥୋକ୍ତ କରେ ଯେଉଁ ଜନ ll
କରଇ ଏ ବୈଷ୍ଣବ ବ୍ରତ l ମୁକ୍ତି ତାହାର ସୁନିଶ୍ଚିତ ll
କେତକୀ ପତ୍ରେ ପୂଜା ପାଇ l ଲକ୍ଷ୍ମୀ ସହିତେ ଲକ୍ଷ୍ମୀସାଇଁ ll
ସୁପ୍ରୀତ ହୁଅନ୍ତି ସେ ଜାଣ l ଯେ ଭକ୍ତି ମୁକ୍ତିର କାରଣ ll
ଅଗସ୍ତ୍ୟ କୁସୁମେ ଯେ ଜନ l ପୂଜା କରଇ ଜନାର୍ଦ୍ଦନ ll
ନରକ ଅଗ୍ନି ତାକୁ ଦେଖି l ଲଭଇ ଯଥା ଜଳେ ଶିଖି ll
କାର୍ତ୍ତିକେ ମୁନି ପୁଷ୍ପେ ପୂଜା l ପାଇ ସେ ଦେବ ଦେବରାଜା ll
ଦିଅନ୍ତି ଅଭିମତ କାମ l ଯାବତ ସ୍ଥିତ ଏ ଆର୍ଯ୍ୟମ ll
ଯେ ସର୍ବ ପୁଷ୍ପ ଛାଡ଼ିକରି l ମୁନି ପୁଷ୍ପରେ ପୂଜେ ହରି ll
ବିଶେଷ ପ୍ରବୋଧିନୀ କାଳେ l ଯୁକ୍ତ ଯେ ଅଶ୍ଵମେଧ ଫଳେ ll
ତୁଳସୀ ମୁନି ପୁଷ୍ପେ ହରି l ଯେ ପୂଜେ ପ୍ରବୋଧିନୀ କରି ll
ଯାଏ ସକଳ ପାପ ତାର l ଯେ ଅବା ଜନ୍ମ ଅୟତର ll
ତୋଳି ତୁଳସୀଦଳ ମାନ l କି ଅବା ଅଗସ୍ତି କୁସୁମ ll
ଆରାଧି ଦେବ ଜନାର୍ଦ୍ଦନ lକାର୍ତ୍ତିକେ ଦିଏ ଯେଉଁ ଜନ ll
ଦଶ ସହସ୍ର ଜନ୍ମ ଭବ l ତାର ଯେ ପାତକ ବିଭବ ll
ତାହା ନାଶନ୍ତି ପଦ୍ମନାଭ l ନିଷ୍ପାପୀ ହୁଏ ସେ ମାନବ ll
ଦେଖନ୍ତି ଛୁଅନ୍ତି ସିଞ୍ଚନ୍ତି l ଦାନ କରନ୍ତି ଆରୋପନ୍ତି ll
କୀର୍ତ୍ତନ କରନ୍ତି ନମନ୍ତି l ସ୍ତୁତି କରିଣ ଯେ ପୂଜନ୍ତି ll
କରନ୍ତି ମହାପାପ ମାନ l ପୁଣ୍ୟବାନରେ ସୁଭୋଭନ ll
ପ୍ରସଙ୍ଗେ ମାହାତ୍ମ୍ୟ ଏହାର l ଶୁଣ କହିବା ଯୁଧିଷ୍ଠିର ll
ପୂର୍ବେ ଏକଇ ନୃପସୁତ l ନାମରେ ମୁଚୁକୁନ୍ଦ ଖ୍ୟାତll
ମହେନ୍ଦ୍ର କୁବେର ବରୁଣ l ଶମନ ଅଗ୍ନି ବିଭୀଷଣ ll
ଯାହାର ସୁ - ସ୍ଵଭାବ ବଳେ l ଏମାନେ ସ୍ନେହେ ମିତ୍ର ହେଲେ ll
ସେ ସତ୍ୟସିନ୍ଧ ନରପତି l ବିଷ୍ଣୁଙ୍କଠାରେ କଲେ ଭକ୍ତି ll
ବହୁତ ଭୂମିଦାନ କଲେ l ସତତ ବୈଷ୍ଣବ ପୂଜିଲେll
ରାଜ୍ୟକୁ ଅକଣ୍ଟକ କରି l ପାଳିଲେ ଧର୍ମ ଅବଧାରିll
ଜନ୍ମିଲା ଦୁହିତା ତାଙ୍କର l ରୂପେ ମୋହିଲା ସର୍ବ ନର ll
ପ୍ରାକ୍ତନ ଜନ୍ମ ଅନୁସାରେ l ଦେଲେ ଚନ୍ଦ୍ରଭାଗା ନାମରେ ll
ଚନ୍ଦ୍ରସେନର ଯେହୁ ସୁତ l ନାମରେ ଶୋଭନ ବିଦିତ ll
ଆନନ୍ଦେ ଶୋଭନକୁ କାଳେ l ଚନ୍ଦ୍ରଭାଗାକୁ ବିଭା କରେ ll
ଦୈବ ଯୋଗରେ ଏକାଦଶୀ l ମିଳିଲା ନିକଟରେ ଆସି ll
ଚନ୍ଦ୍ରଭାଗାର ମନେ ତାପ l ହୋଇଲା ଦେଖି ତାଙ୍କ ରୂପ ll
କି ହେବ ପ୍ରଭୁ ଦୟାନିଧି l ଆଜ ତ ଏକାଦଶୀ ବିଧି ll
ମୋ ଭର୍ତ୍ତା ଅତ୍ୟନ୍ତ ଦୁର୍ବଳl କ୍ଷୁଧାରେ ହୋଇବେ ବ୍ୟାକୁଳ ll
ଉଗ୍ର ଶାସନ ମୋର ତାତ l ଯାହାର ଡିଣ୍ଡିମ ବିଦିତ ll
ହରି ବାସରେ ନ ଭୁଞ୍ଜିବ l ଅନ୍ୟଥା ମୋର ଦଣ୍ଡ ହେବ ll
ଡିଣ୍ଡିମ ଘୋଷ ଆପେ ଶୁଣି l ଶୋଭନ ମନେ ଭୟ ଘେନି ll
ପ୍ରିୟକୁ କହିଲେ ଉପାୟ l ଦେବ ଅନ୍ୟଥା ମୋ ଅପାୟ ll

ll ଚନ୍ଦ୍ରଭାଗା ଉବାଚ ll
ଆମ୍ଭର ଘରେ ଆଜି କେହି l ଜୀବ ମାତ୍ରକେ ନ ଭୁଞ୍ଜଇ ll
ତୃଣ ଅନ୍ନକୁ ଅବା ବାରି l ତୋ ପିତା ଦେଇଛନ୍ତି ବାରି ll
ଆଜ ସମସ୍ତେ ନିରାହାର l ଦ୍ୱିରଦ ତୁରଙ୍ଗ ମାର୍ଜାର ll
କହିବା କି ଅବା ମାନବ l ଧୈର୍ଯ୍ୟ ଧରନ୍ତୁ ପ୍ରାଣଧବ ll
ହରି ବୋଧିନୀ ଉପୋଷଣ l କରି ମାଧବ ସମର୍ପଣ ll
କରି ଯାଆନ୍ତି ଶତଜନ୍ମ l ମହାପାତକ ଚୟ ଜନ ll
କଲେ ବୋଧିନୀ ମହାବ୍ରତ l ମହାପାତକ ହୁଏ ହତ ll
ତେଣୁ ବୋଧିନୀ ଉପବାସ l ବିଧିରେ କରିବ ମନୁଷ୍ୟ ll
ଏ ବ୍ରତ ତୋଷି ଭଗବାନ l କରି ଦିଗକୁ ଶୋଭାବନ ll
ବଇକୁଣ୍ଠକୁ ଯାଏ ଜନ l ଚଢି ଉତ୍ତମ ଦେବଯାନ ll
ଏଣୁ ଏ ବ୍ରତ ଯତ୍ନେ କର l ପାଇବ କୀର୍ତ୍ତି ପୁରଷ୍କାର ll
ପରକାଳରେ ବୈକୁଣ୍ଠ l ପାଇବ ଏହି ବ୍ରତ ନିଷ୍ଠ ll
ଏଥିରେ ସର୍ବ ପାପ ଯିବ l ଯୌବନେ ଯେ ଅବା ସମ୍ଭବ ll
ବାର୍ଦ୍ଧକ୍ୟେ ଯେ ଅବା ସଂଯତ l ସମସ୍ତ ନାଶେ ମହାବ୍ରତ ll
ଶତ ଜନ୍ମର କୃତ ପାପ l ହେଉ ବା ବହୁତ ଅଳପ ll
ହରନ୍ତି ସବୁ ଲକ୍ଷ୍ମୀସାଇଁ l ଏଥି ଭକ୍ତିରେ ପୂଜା ପାଇ ll
ଯେ ଧନ ଧାନ୍ୟକୁ ଦିଅଇ l ସମସ୍ତ ପାପକୁ ହରଇ ll
କରଇ ଗୃହର କଲ୍ୟାଣ l ଏ ବ୍ରତ ମହାପୁଣ୍ୟ ଜାଣ ll
କରି ଏ ବ୍ରତ ଉପବାସ l ଭକ୍ତିରେ ତୋଷି ହୃଷୀକେଶ ll
ଯାହାର ପାପ ଅନାୟାସ l ସେ ଜାଣେ ବଲ୍ଲଭ ବିଶେଷ ll
ସେ ଚନ୍ଦ୍ର ସୂର୍ଯ୍ୟ ଉପରାଗେ l ଫଳ କୀର୍ତ୍ତିତ ଅଛି ଆଗେ ll
ତହୁଁ ସହସ୍ର ଗୁଣ ଯୁତ l ବୋଧିନୀ ଜାଗରେ ସୁକୃତ ll
ସାଧ୍ୟୟ ଯେବା ଜପ ହୋମ l ଯେ ଦାନ ହରି ସମର୍ଚ୍ଚନ ll
ଏ ସର୍ବ ହୋଏ ଶତେ ଗୁଣ l ଯେବେ ବୋଧିନୀ ଦିନ ଜାଣ ll
ଜନ୍ମ କାଳରେ ଯେତେ ପୂଣ୍ୟ l କ୍ଳେଶରେ ଅର୍ଜିଥାଇ ଧନ ll
ସେ ସର୍ବ କାର୍ତ୍ତିକ ଅଭାବେ l ହୁଅନ୍ତି ଗଣା ଅସମ୍ଭବେ ll
ଅବଧି କରି ଯେ କାର୍ତ୍ତିକ l କରଇ ବଇରାବ ଲୋକ ll
ନ ପଡେ ତାର ଅନ୍ତ ଲୋଭେ l ସେ ଚାନ୍ଦ୍ରାୟଣ ଫଳ ଲଭେ ll
ସେ ନିତ୍ୟେ ଧର୍ମ ଶାସ୍ତ୍ର ବାଦେ l ନିଅଇ କାର୍ତ୍ତିକ ଆନନ୍ଦେ ll
ଏ ରୂପେ ନିତ୍ୟ ଏ ପ୍ରକାରେ l ଯେ ଭକ୍ତି କରନ୍ତି ସତ୍କାରେ ll
ତୁଳସୀ ଦେବୀ ପ୍ରସାଦରେ l ସେ ନ ପଡ଼ନ୍ତି ପ୍ରମୋଦରେ ll
କୋଟି ସହସ୍ର ଯୁଗ ତପ l ଫଳ ପାଆନ୍ତି ନିରାପତ ll
ଯେ ରୂପେ ଫଳୁ ବୀଜ ପଡ଼ି l ଭୂମିରେ ଜନ୍ମ ଯାଏ ବଢି ll
ସେ ରୂପେ ବଢଇ ସେ କୁଳ l ସର୍ବଦା ହୁଏ ନିରାକୁଳ ll
ଆକୁଳ ଯୁଗ ସହସ୍ରାନ୍ତ l ଏ ବଂଶ ବୈକୁଣ୍ଠେ ବିଶ୍ରାନ୍ତ ll
ସମସ୍ତ ତୀର୍ଥେ ସ୍ନାନ କରି l ସମସ୍ତ ଯାଗମାନ କରି ll
ଯେ ରୂପେ ତୃପ୍ତ ଲକ୍ଷ୍ମୀସାଇଁ l ତୁଳସୀ ଦଳେ ପୂଜା ପାଇ ll
ରତ୍ନ କାଞ୍ଚନ ସମୀଚନେ l ସେ ରୂପେ ନୁହନ୍ତି ଏମାନେ ll
ଗୋବିନ୍ଦ ପ୍ରିୟା ଅଟେ ଯେଣୁ l ତୁଳସୀ ଦଳେ ପୂଜ ତେଣୁ ll
ବିଶେଷ କାର୍ତ୍ତିକେ ନାରଦ l ତୁଳସୀ ଦଳେ କୃଷ୍ଣ ମୋଦ ll
ଯେ ଯଜ୍ଞ ଅନେକ କରଇ l ରତ୍ନ କାଞ୍ଚନ ଦାନ ଦେଇ ll
ସେ ଫଳ ପାଇ ବହୁଗୁଣେ l ତୁଳସୀ ଦେଇ ଜନାର୍ଦ୍ଦନେ ll
କର କାର୍ତ୍ତିକ ଯଥାଶକ୍ତି l ଏକାଦଶୀରେ ଥାଉ ମତି ll
ଶ୍ରୀକୃଷ୍ଣ କର ଭକ୍ତି ଭାବ l ଅବଶ୍ୟ ଜନେ ମୁକ୍ତ ହେବ ll
ଏକାଦଶୀର ସମ ହୋଇ l ତିନିଲୋକରେ ବ୍ରତ ନାହିଁ ll
ଯେ ସର୍ବ ପାପ ବିନାଶିବ l ଅଭୀଷ୍ଟ ଫଳକୁ ଯେ ଦେବ ll
ଏକାଦଶୀରେ ନ ଭୁଞ୍ଜିବ l ଯେବେ ସ୍ୱର୍ଗରେ ସ୍ପୃହା ହେବ ll
ଏକାଦଶୀରେ ଯେଉଁ ଜନ l କରଇ ପକ୍ୱାନ୍ନ ଭୋଜନ ll
ତହୁଁ ଅଧିକ ତିନି ଲୋକେ l ନାହିଁ ଚଣ୍ଡାଳ ପାପୀ ଏକେ ll

ଇତି ଶ୍ରୀ ସ୍କନ୍ଧପୁରାଣେ କାର୍ତ୍ତିକ ଶୁକ୍ଳଦେବ ପ୍ରବୋଧିନ୍ୟୈକାଦଶୀ ମାହାତ୍ମ୍ୟେ ଚତୁର୍ବିଂଶୋଽଧ୍ୟାୟଃ।।

1 year ago | [YT] | 0

View 0 replies

Puri_Jagannath

*ଦେହୀ ପଦ ପଲ୍ଲବ ମୁଦାରଂ....!!* ପବିତ୍ର ଅଁଳାନବମୀ ଓ ଶ୍ରୀରାଧା ରାଣୀଙ୍କର ପାଦ ଦର୍ଶନ ଅବସରରେ ହାର୍ଦ୍ଦିକ ଶୁଭେଚ୍ଛା ଓ ଶୁଭକାମନା ll
ସାକ୍ଷୀ ଗୋପାଳ ମନ୍ଦିର,ପୁରୀ ରୁ ବିଶେଷ ଦୃଶ୍ୟ ....
-------------------------------------------------------
( Divine Darshan of the Lotus Feet of Srimati Radharani ,the Eternal Consort of Lord Krishna .)
Some Pics from Sakhi Gopal Temple ,Puri 🚩 )

କିଛି ଶିକ୍ଷା ସାମାଜ ପାଇଁ
~~~~~~~~~~~~~~~~~
👉 ରାଧା ରାଣୀ... ,ଯିଏ ଭଗବାନ ଶ୍ରୀକୃଷ୍ଣ ଙ୍କ ବ୍ୟତୀତ ଆଉ କାହାରିକୁ ମଧ୍ଯ ଦେଖନ୍ତି ନାହିଁ , ଯିଏ ଜନ୍ମ ବେଳେ ଅନ୍ଧୁଣୀ ହେବାର ଅଭିନୟ କରିଥିଲେ ,ଆମେ ସେହି ଆର୍ଯ୍ଯବ୍ରତ ଭାରତ ଭୂଖଣ୍ଡ ତଥା ମହାପ୍ରଭୁ ଶ୍ରୀ ଜଗନ୍ନାଥଙ୍କ ଉତ୍କଳରେ ଜନ୍ମ ହୋଇଛେ ,କିନ୍ତୁ ଆଜି ପାଶ୍ଚାତ୍ୟ ସଭ୍ୟତାର ଚାକଚକ୍ୟ ରେ ଆମର ଯୁବପିଢ଼ି ପ୍ରାୟ ବିପଥଗାମୀ ll
ଯେଉଁ ଶ୍ରୀ ରାଧାଙ୍କ ପାଦ ଦର୍ଶନ କରିବା ପାଇଁ ଵର୍ଷେ ଅପେକ୍ଷା କରିବାକୁ ପଡେ ,ଆଜି ଆମର କନ୍ୟା ମାନେ ,ଝିଅ ବୋହୁ ମାନେ ଆଧୁନିକତା ନାମରେ କି କି ପ୍ରକାର୍ କପଡା ପରିଧାନ କରୁଛନ୍ତି ଆପଣ ମାନେ ସବୁ ଦେଖିଥିବେ😥

ଆଜି ଭଳି ଏକ ପବିତ୍ର ଦିନରେ ମୁଁ ସେଇ ବାପା ମା ,ଭାଇ ,ଭଉଣୀ ମାନଙ୍କ ପାଦ ତଳେ ପ୍ରଣାମ ପୂର୍ବକ ଅନୁରୋଧ କରୁଛି କି,ଆମ ଝିଅ ବୋହୁ ମାନଙ୍କୁ ଅନ୍ତତଃ ପକ୍ଷେ ଶିକ୍ଷା ଦିଅନ୍ତୁ😥🙏
*ଲଜ୍ଜା ନାରୀଣାଂ ଭୂଷଣ*
ଜୟ ରାଧେ🙏

1 year ago | [YT] | 3

View 0 replies

Puri_Jagannath

*ଆସନ୍ତାକାଲି ପବିତ୍ର ଅଁଳା ନବମୀ : ରାଧା ପାଦ ଦର୍ଶନ କରିବେ ଭକ୍ତ.....*
~~~^^^^^^~~~~~~~~~^^^^^~~~~
ଆସନ୍ତାକାଲି ପବିତ୍ର ଅଁଳା ନବମୀ । ଏଥିପାଇଁ ପୁରୀ ସ୍ଥିତ ସାକ୍ଷୀ ଗୋପାଳ ମନ୍ଦିରରେ ଶେଷ ପର୍ଯ୍ୟାୟରେ ପ୍ରସ୍ତୁତି ପହଞ୍ଚିଛି। ସାକ୍ଷୀଗୋପୀନାଥ ମନ୍ଦିରର ରଙ୍ଗ କାମ ଶେଷ ହୋଇଥିବା ବେଳେ ମନ୍ଦିର ଆଖପାଖକୁ ସାଜସଜା କରାଯାଇଛି। ଅଁଳା ନବମୀରେ ରାଧାପାଦ ଦର୍ଶନ ପାଇଁ ମନ୍ଦିରରେ ଶ୍ରଦ୍ଧାଳୁଙ୍କ ଭିଡ଼ ଜମିବ।

କାଲି ଓଡ଼ିଆଣୀ ବେଶରେ ଦର୍ଶନ ଦେବେ ମାଆ ରାଧାରାଣୀ। ଏଥିସହ ନଟବର ବେଶରେ ଦର୍ଶନ ଦେବେ ପ୍ରଭୁ ସାକ୍ଷୀଗୋପିନାଥ । ଆସନ୍ତାକାଲି ରାତି ୧ ଟାରୁ ମନ୍ଦିର ଖୋଲାଯାଇ ମଙ୍ଗଳ ଆଳତି ଓ ଅବକାଶ ନୀତି ଆଦି କରାଯାଇ ସୁସଜ୍ଜିତ ବେଶ କରାଯିବ। ସୁବର୍ଣ୍ଣ ଅଳଙ୍କାରରେ ସଜ୍ଜିତ ହେବେ ମାଆ ରାଧାରାଣୀ ଓ ପ୍ରଭୁ ସାକ୍ଷୀ ଗୋପୀନାଥ। ଶ୍ରଦ୍ଧାଳୁଙ୍କ ଭିଡ଼କୁ ନଜରରେ ରଖି ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି।

1 year ago | [YT] | 0

View 0 replies

Puri_Jagannath

#ନାଗଚତୁର୍ଥୀ
ଭାରତ ବର୍ଷରେ ବହୁ ପ୍ରାଚୀନ କାଳରୁ ବିଭିନ୍ନ ଜୀବ ଜନ୍ତୁଙ୍କୁ ପୂଜା କରିବାର ପରମ୍ପରା ରହି ଆସିଛି l ଗୋମାତା ହିନ୍ଦୁ ଜାତିର ନମସ୍ୟ ଓ ଗୋମାତା ଦେହରେ ସମସ୍ତ ଦେବାଦେବୀ ନିବାସ କରନ୍ତି ବୋଲି ବିଶ୍ୱାସ ରହିଛି l ବୃଷଭ ମହାଦେବଙ୍କ ବାହନ ଓ ପୂଜ୍ୟ l ସେମିତି ସର୍ପ ବା ନାଗ ଦେବତା ପୂଜାର ପରମ୍ପରା ଆମର ବହୁ ଶାସ୍ତ୍ର ଓ ପୁରାଣ ମାନଙ୍କରେ ଦେଖାଯାଏ l ଅନନ୍ତଶାୟୀ ବିଷ୍ଣୁ ସପ୍ତଫଣୀ ନାଗ ଉପରେ ଶୟନ କରିଛନ୍ତି l ସଦାଶିବ,ମା କାଳି ଓ ଦୁର୍ଗାଙ୍କର ଭୂଷଣ ନାଗ l ବାସୁକୀ ନାଗ ପୃଥିବୀକୁ ଶିରରେ ବହନ କରିଛି l ଲକ୍ଷ୍ମଣ ଓ ବଳରାମ ଶେଷ ନାଗଙ୍କ ଅବତାର ବୋଲି କଥା ରହିଛିl ବଳରାମ ମହାପ୍ରୟାଣ ବେଳେ ନାଗ ରୂପ ଧରି ସାଗର ମଧ୍ୟରେ ଉଭେଇ ଯାଇଥିଲେ l ସମସ୍ତ ଶିବ ମନ୍ଦିରରେ ନାଗ ଫଣା ତଳେ ଶିବ ଲିଙ୍ଗ ବିରାଜମାନ କରେ l ମହାଭାରତରେ ଦ୍ୱିତୀୟ ପାଣ୍ଡଵ ଭୀମଙ୍କ ବିଷଲଡୁ ଭକ୍ଷଣ ଜନିତ ବିଷ ନାଗ ମାନେ ହରଣ କରି ଥିଲେ l ସେ ପୁଣି ନାଗ କନ୍ୟା ବେଲାବଳୀକୁ ବିବାହ କରିଥିଲେ ଯାହାଙ୍କ ଗର୍ଭରୁ ବେଲାଳସେନ ଜନ୍ମ ହୋଇଥିଲେ l ଅର୍ଜୁନଙ୍କର ଜଣେ ପତ୍ନୀ ଉଲ୍ଲୁପି ନାଗ କନ୍ୟା ଥିଲେ ଓ ତାଙ୍କ ଗର୍ଭରୁ ପୁତ୍ର ଇରାବନ୍ତ ଜନ୍ମ ହୋଇଥିଲେ l ଅଶ୍ୱସେନ ନାଗ କର୍ଣ୍ଣର ବାଣରେ ଅବସ୍ଥାନ କରି ଅର୍ଜୁନଙ୍କ ଖାଣ୍ଡବବନ ଦହନର ପ୍ରତିଶୋଧ ନେବା ଉଦ୍ୟମ କରି ବିଫଳ ହୋଇଥିଲେ l କଳି ପ୍ରଭାବରୁ କରକୋଟକ ନାଗର ବିଷ ଜ୍ୱାଳାରେ ରାଜା ନଳ କୁରୂପ ହୋଇ ଦମୟନ୍ତୀଙ୍କ ଠାରୁ ବିଛିନ୍ନ ହୋଇ ଯାଇଥିଲେ l ବାସୁକୀ ନାଗକୁ ଖୁଆ ରଜ୍ଜୁ କରି ସାଗର ମନ୍ଥନ ହୋଇଥିଲା l ପରମ ଶାସ୍ତ୍ର ଭାଗବତର ଵ୍ୟାଖ୍ୟାନ ହୋଇଥିଲା ପରୀକ୍ଷିତ ମହାରାଜଙ୍କୁ ତକ୍ଷକ ନାଗ ଦଂଶନ କରୁ ବୋଲି ବ୍ରହ୍ମ ଅଭିଶାପରୁ l ପଶ୍ଚିମବଙ୍ଗ ଓ ଆସାମରେ ନାଗ ଦେବୀ ମନଶାଙ୍କୁ ପୂଜା କରାଯାଏ l ତାମିଲନାଡୁର ନାଗେରକୈଲ ଠାରେ ନାଗ ଦେବତାଙ୍କର ବିଶାଳ ମନ୍ଦିର ଅଛି ଓ ସେଠାରେ ପ୍ରତ୍ୟହ ନାଗ ପୂଜା ହୁଏ l ଭାରତୀୟ ଶାସ୍ତ୍ର,ପୁରାଣ ଓ ଇତିହାସର ନାଗ ସମ୍ବଧିତ ବହୁ କାହାଣୀ ଓ ଆଖ୍ୟାୟିକା ମାନ ରହିଛି l

ପୁଣି ବଦଭ୍ୟାସ ଛାଡୁ ନଥିବା ବ୍ୟକ୍ତିକୁ ଭାଗବତ ବାଣୀ ପ୍ରୟୋଗ କରି କୁହାଯାଏ :-
ସର୍ପରେ ଜାତ କଲୁ ମୋତେ l
ସ୍ଵଭାଵ ଛାଡ଼ିବି କେମନ୍ତେ ll

ଏସବୁକୁ ଅନୁଧ୍ୟାନ କଲେ ବୁଝାଯାଏ ଯେ ଭାରତରେ ନାଗ ବା ସର୍ପ ପୂଜାର ପରମ୍ପରା ବହୁ ପ୍ରାଚୀନ l ନାଗ ପୂଜା ତାମିଲ ଓ ତେଲୁଗୁ ସମ୍ପ୍ରଦାୟ ଭିତରେ ବହୁଳ ପ୍ରସାର ଲାଭ କରିଛି l ଏହି ପରମ୍ପରାରେ ଗୋଟିଏ ପୂଜା ହେଉଛି କାର୍ତ୍ତିକ ଶୁକ୍ଳ ପକ୍ଷ ଚତୁର୍ଥୀ ଦିନ ନାଗ ଦେବତାଙ୍କ ପୂଜା l ଏହା ନାଗ ଚତୁର୍ଥୀ ବା ନାଗଲ ଚତୁର୍ଥୀ ଭାବେ ପରିଚିତ l ନାଗ ପୁଜନ ହିନ୍ଦୁନାରୀ ମାନଙ୍କର ଅନ୍ୟତମ ପ୍ରଧାନ ବ୍ରତ l ଏହି ବ୍ରତ ପ୍ରଚଳିତ ହେବା ପଛରେ ଏକ ସୁନ୍ଦର କିମ୍ବଦନ୍ତୀ ଅଛି l

ବହୁଦିନ ତଳେ ଅବନ୍ତୀ ଦେଶରେ ଜଣେ ସାଧବ ରହୁଥିଲେ l ତାଙ୍କର ସାତ ପୁଅ ଓ ସାତ ବୋହୁ ଥିଲେ l ସାଧବ ବଡ଼ ଛଅ ବୋହୁଙ୍କୁ ବହୁତ ଆଦର ସ୍ନେହ କରେ କିନ୍ତୁ ସାନବୋହୂକୁ ଆଦୌ ଭଲ ପାଏନାହିଁ l ଘରର ସବୁ କାର୍ଯ୍ୟ ସାନ ବୋହୂକୁ କରିବାକୁ ତାଗିଦ କରିଥାଏ l ସାନ ବୋହୁ ନିର୍ଦ୍ବନ୍ଦରେ ଘରର ସବୁ କାର୍ଯ୍ୟ ସୁଚାରୁ ରୂପେ କରିଯାଏ l ଦିନେ ନାଗ ନାଗୁଣିଙ୍କ ସାତ ପୁଅ ନଦୀରେ ଗଡ଼ିଶା ମାଛ ହୋଇ ଖେଳୁଥିଲେ l ସାଧବ ବୁଢ଼ା ସେଦିନ ନଦୀକୁ ଗାଧୋଇ ଯାଇଥିଲା ଓ ନଦୀରୁ ଏହି ସାତଟି ମାଛ ଧରି ଆଣି ସାନ ବୋହୂକୁ ରୋଷେଇ କରିବାକୁ ଦେଲା l ସାନ ବୋହୁ ମାଛ ଗୁଡିକୁ ଦ୍ୱାର ବନ୍ଧ ପାଖରେ ରଖି ଦେଇ ରୋଷେଇ କରିବାକୁ ପାସୋରି ଯାଇଥିଲା l ଚାରି ପାଞ୍ଚ ଦିନ ପରେ ତାର ମାଛ କଥା ମନେପଡ଼ିଲା l ସେ ଯାଇ ଦେଖେ ତ ମାଛ ଗୁଡ଼ିକ ସାପଛୁଆ ପାଲଟି ଯାଇ ଖେଳୁଛନ୍ତି l ସାନ ବୋହୁ ସାପ ଛୁଆଗୁଡ଼ିକୁ ଆଣି ରୋଷେଇ ଘରେ ରଖିଲା ଓ ସେମାନଙ୍କୁ ଦୁଧ ଭାତ ଖାଇବାକୁ ଦେଇ ପୋଷିଲା l ଅଳ୍ପ ଦିନ ଭିତରେ ଛୁଆ ଗୁଡ଼ିକ ବଢ଼ିଗଲେ l ସାନବୋହୁ ସେମାନଙ୍କୁ ନେଇ ଗୋଟିଏ ଉଈ ହୁଙ୍କା ପାଖରେ ଛାଡ଼ି ଦେଇ ଆସିଲା l ସେହି ସାପ ଛୁଆ ଗୁଡ଼ିକ କ୍ରମେ ବଡ଼ ହୋଇଗଲେ ଓ ପାତାଳପୂରୀକୁ ନିଜ ବାପ ମାଆ ନାଗ ନାଗୁଣୀଙ୍କ ପାଖକୁ ଚାଲି ଗଲେ l ନାଗ ନାଗୁଣୀ ହଜି ଯାଇଥିବା ଛୁଆ ମାନଙ୍କୁ ପାଇ ବଡ଼ ଆନନ୍ଦ ହେଲେ l ଛୁଆମାନେ ତାଙ୍କର ପୂର୍ବ କଥା ଓ ସାଧବ ସାନ ବୋହୁ କଥା ବପା ମାଆଙ୍କୁ କହିଲେ l ସାନବୋହୁ ସେମାନଙ୍କୁ ପାଳି ଥିବାରୁ ତାକୁ ସେମାନେ ଧରମ ଭଉଣୀ କରିଛନ୍ତି ବୋଲି କହିଲେ l

କିଛି ଦିନ ଅତିବାହିତ ହୋଇଗଲା l ଦିନେ ନାଗ ଛୁଆମାନଙ୍କର ଧରମ ଭଉଣୀ କଥା ମନେ ପଡିଲା l ସେମାନେ ବହୁ ପ୍ରକାରର ଉପହାରମାନ ଧରି ଧରମ ଭଉଣୀ ସାଧବ ବୋହୂକୁ ସଙ୍ଖୋଳିବାକୁ ଆସିଲେ l ସାନବୋହୁ ଧରମ ଭାଈ ମାନଙ୍କୁ ଦେଖି ବଡ଼ ଖୁସୀ ହେଲା l ନାଗ ଭାଇମାନେ ଧରମ ଭଉଣୀକୁ ଖୁସିରେ ସବାରୀରେ ବସାଇ ପାତାଳ ପୁରକୁ ନେଇଗଲେ l ସାଧବ ବୋହୁ ପାତାଳ ପୁରରେ ମହା ସୁଖରେ ରହି କ୍ରମେ ନିଜ ଘର କଥା ଭୁଲିଗଲା l ଦିନେ ସେ ପାତାଳ ପୁରରେ ଗୋଟିଏ ଘର ଖୋଲି ଦେଖେତ ସେହି ଘରେ ବିଷଧର ସାପ ମାନେ ଫଁ ଫଁ ଫୁତ୍କାର କରୁଛନ୍ତି l ନାଗ ଓ ନାଗମାତାଙ୍କୁ ପଚାରି ଜାଣିଲାଯେ ଏହି ଫୁତ୍କାର କରୁଥିବା ସର୍ପ ମାନେ, ସଂସାରରେ ଅନ୍ୟାୟ, ଅନୀତି,ଅନାଚାର କରୁଥିବା ଲୋକ ମାନଙ୍କୁ ଦଂଶନ କରନ୍ତି l ସେହି ସର୍ପ ମାନଙ୍କୁ ନିଷ୍ଠାର ସହିତ ପୂଜା କଲେ ସେମାନଙ୍କ ଠାରୁ ବରଲାଭ କରି ମନୁଷ୍ୟ ସୁଖ ଶାନ୍ତି ଧନ, ଜନ, ଗୋପଲକ୍ଷ୍ମୀ ଯୁକ୍ତ ହୋଇଥାଏ l

କିଛି ଦିନ ପରେ ସାଧଵବୋହୁକୁ ନାଗ ଭାଇମାନେ ନାଗ ଲୋକରୁ ନେଇ ତା ନିଜ ଘରେ ଛାଡି ଦେଇ ଆସିଲେ l ସାନ ବୋହୁ ନାଗ ଲୋକରେ ଶୁଣି ଆସିଥିବା କଥା ଅନୁଯାୟୀ ନାଗମାନଙ୍କର ପୂଜା ଆରମ୍ଭ କଲା l କାର୍ତ୍ତିକ ଶୁକ୍ଳ ଚତୁର୍ଥୀ ଦିନ ସେ ନାଗ ପୂଜନ କରି ଥିବାରୁ ସେହିଦିନ ଠାରୁ ଏ ନାଗ ପୂଜାର ପ୍ରଚଳନ ହୋଇଛି l

ସନ୍ତାନ ଓ ଐଶ୍ଵର୍ଯ୍ୟ ପ୍ରାପ୍ତି କାମନା କରି ମହିଳା ମାନେ ଏହି ନାଗ ଚତୁର୍ଥୀ ବ୍ରତ ପାଳନ କରିଥାନ୍ତି l ସାଧାରଣତଃ କିଛି ମହିଳା ଏକତ୍ରିତ ହୋଇ ଏହି ବ୍ରତକୁ ଏକ ଓଷା ଭାବେ ପାଳନ କରିଥାନ୍ତି l ପୂଜାରେ ଅରୁଆ ଚାଉଳ, ବିରି, ମୁଗ ଚୁନା ସହିତ ଛେନା ଗୁଡ଼ ଘିଅ ନଡ଼ିଆ ମିଶାଇ ଭୋଗ ପ୍ରସ୍ତୁତ କରାଯାଏ l ଓଷେଇତି ମାନେ ସ୍ନାନ ଓ ନୂତନ ବସ୍ତ୍ର ପରିଧାନ କରି ପୂଜା ସ୍ଥାନକୁ ଲିପି ପରିଷ୍କାର କରି ଆସ୍ଥାନ ପ୍ରସ୍ତୁତ କରନ୍ତି l
ପୁରୋହିତ ତମ୍ବା , ପିତଳ , ସୁନା , ରୁପା ଇତ୍ୟାଦି ଧାତୁ ନିର୍ମିତ ନାଗମାନଙ୍କୁ ହଳଦୀ ପାଣିରେ ଗାଧୋଇ ଦେଇ ଆସ୍ଥାନରେ ନୂଆ ଲୁଗା ଉପରେ ସ୍ଥାପନ କରନ୍ତି l ସର୍ପ ମାନଙ୍କୁ ଫୁଲ ଚନ୍ଦନ ସିନ୍ଦୁର ଲଗାଇ ବେଶ କରାଯାଏ l ଆସ୍ଥାନ ନିକଟରେ ଉଈ ହୁଙ୍କା ଖଣ୍ଡେ ରଖି ଚନ୍ଦନ ସିନ୍ଦୁର ଫୁଲ ଦେଇ ସଜାଇ ଦିଆ ଯାଏ l ପୁରୋହିତ ଭୋଗ ଲଗାଇ ନାଗ ଚତୁର୍ଥୀ ମାହାତ୍ମ୍ୟ ପାଠ କରନ୍ତି l ଏହି ପୂଜା ସାଧାରଣତଃ ଅପରାହ୍ନ ସମୟରେ କରା ଯାଇ ଥାଏ l କେତେକ ସ୍ଥାନରେ ଏହି ପୂଜା ଉଈହୁଙ୍କା ପାଖରେ କରାଯାଏ l ଓଷେଇତି ମାନେ ଅତ୍ୟନ୍ତ ନିଷ୍ଠାର ସହିତ ବ୍ରତ ପାଳନ କରି ନାଗ ଦେବତାଙ୍କୁ ଭକ୍ତି ନିବେଦନ କରି ଥାଆନ୍ତି l ନାଗ ଚତୁର୍ଥୀ ମାହାତ୍ମ୍ୟରେ ଏ ବ୍ରତର ପାଳନ ଵିଧି ଓ ବ୍ରତର

ଫଳ ବିଷୟରେ ଲେଖା ଅଛି :-
ବୋଲନ୍ତି ନାଗ ନାଗୁଣୀ କହିବା ଶୁଣ ଦୁଲଣୀ
କାର୍ତ୍ତିକ ଶୁକଳ ପକ୍ଷ ଚତୁର୍ଥୀ ପକ୍ଷେ ଯେ l
ନାଗ ଚତୁର୍ଥୀ ପୁଣ ଯେ ବୋଲିକରି ଏହି ନାମ
ବ୍ରତୀ ଯେ ସକାଳୁ ସ୍ନାନ କରି ବହନ ହେ l
***
ମନାସିଲେ ପୁତ୍ର ପାଇ ଆରୋଗ୍ୟ ହୋଇ ଯେ
ଚକ୍ଷୁରେ ରୋଗ ନ ଲାଗଇ, ପ୍ରସନ କାଶି ନାଶ ଯେ
ଯେ ଏହି ପୂଜା କରଇ, ପାଦୁକା ପ୍ରସାଦ ପାଇ,
ମନାସିଲା କଥା ତାର ହୁଏ ଅପାର ଯେ l

ନାଗ ଚତୁର୍ଥୀରେ ମାନସିକ ସ୍ୱରୂପେ ବହୁ ବ୍ୟକ୍ତି ଶିବ ମନ୍ଦିର ମାନଙ୍କରେ ତମ୍ବା,ପିତଳ,ସୁନା,ରୁପା ଇତ୍ୟାଦି ଧାତୁ ନିର୍ମିତ ନାଗ ଶିବଙ୍କୁ ଲାଗି କରି ମହାମୃତ୍ୟୁଞ୍ଜୟ ମନ୍ତ୍ର ପାଠ କରିଥାନ୍ତି l ନାଗ ପୂଜନ ପାଇଁ ଆମର ଶାସ୍ତ୍ର ମାନଙ୍କରେ ବହୁ ମନ୍ତ୍ର ରହିଛି l ଶାସ୍ତ୍ରରେ ଥିବା କେତେଗୁଡିଏ ନାଗ ମାନଙ୍କର ନାମ ଯଥାକ୍ରମେ ବାସୁକୀ, ପଦ୍ମ, ମହାପଦ୍ମ, ତକ୍ଷକ, କୁଳିର, କର୍କଟ, ଶଂଖପାଳ, ମଣିଭଦ୍ର, ଐରାବତ, ଧ୍ରୁତରାଷ୍ଟ୍ର, ପ୍ରହ୍ଲାଦ ଇତ୍ୟାଦି l ନିମ୍ନରେ

ପ୍ରଦତ୍ତ ନାଗ ମନ୍ତ୍ରରେ ବିଭିନ୍ନ ନାଗ ମାନଙ୍କର ବର୍ଣ୍ଣନା ରହିଛି l

ଅନନ୍ତମ୍ ବାସୁକୀମ୍ ଶେଷ ପଦ୍ମନାଭ ଚ କମଲମ୍ l
ସଂସ୍ତପାଲ ଧାର୍ତ୍ତରାଷ୍ଟ୍ରମ୍ ତକ୍ଷକଂ କାଲିୟଂ ତଥା l
ଏତାନି ନବ ନାଗାନି ନାଗାନାମ୍ ଚ ମହାତ୍ମନାଂ l
ସାୟଂକାଲେ ପଠେନ୍ନିତ୍ୟଂ ପ୍ରାତଃ କାଲେ ବିଶେଷତଃ l
ତସ୍ମେ ବିଷଭୟଂ ନାସ୍ତି ସର୍ବତ୍ର ବିଜୟୀ ଭଵେତ ll

ନାଗ ଦେବତାଙ୍କ ପୂଜାରେ ମନୁଷ୍ୟର ଅକାଳ ମୃତ୍ୟୁ ଭୟ ଦୂର ହୁଏ l ଗୃହସ୍ଥର ଗୃହର ସର୍ବ ରିଷ୍ଟ ଖଣ୍ଡନ ହୋଇ ଶାନ୍ତି ବିରାଜମାନ କରେ l ମନୁଷ୍ୟ ଅଖଣ୍ଡ ସୌଭାଗ୍ୟ ପ୍ରାପ୍ତ ହୋଇ ସର୍ବତ୍ର ବିଜୟ ଲାଭ କରିଥାଏ l ଆସନ୍ତୁ ଏହି ନାଗ ଚତୁର୍ଥୀର ପବିତ୍ର ଦିନରେ ନାଗ ଦେବତାଙ୍କୁ ପ୍ରାର୍ଥନା କରି ଆଶୀର୍ବାଦ କାମନା କରିବା l

ଓଁ ଭୁଜଙ୍ଗେଶାୟ ଵିଦମହେ, ସର୍ପରାଜ ଧୀମହୀ
ତନୋ ନାଗ ପ୍ରଚୋଦୟାତ l#Nagachaturthi

1 year ago | [YT] | 0

View 0 replies

Puri_Jagannath

1 year ago | [YT] | 1

View 0 replies