VCK TAMILNADU - Invidious

VCK TAMILNADU

RSS

💙❤️என்றென்றும் எழுச்சி தமிழர் வழியில் பயணிப்போம்! அமைப்பாய் திரள்வோம் அதிகாரம் வெல்வோம்!!💙❤️

View channel on YouTube

Switch Invidious Instance

Videos

Shorts

Livestreams

Posts

VCK TAMILNADU

ஈகை பண்பு கொண்ட நற்சிந்தனையாளரான நடிகர் நானா படேகர் அவர்களுக்கு விடுதலைச் சிறுத்தைகள் கட்சியின் சார்பில் எமது அஞ்சலியை செலுத்துகிறோம்!

இந்திய திரையுலகின் தலைசிறந்த நடிகர்களில் ஒருவரான திரு. நானா படேகர் அவர்கள் காலமானார் என்கிற செய்தியறிந்து அதிர்ச்சியும், வேதனையுமடைந்தேன்.

இந்தியில் இவர் நடித்து தமிழில் மொழியாக்கம் செய்யப்பட்ட பல இந்தி திரைப்படங்கள் தமிழ்நாட்டில் வெளியாகியிருந்தாலும், தமிழில் இயக்குநர் இமயம் பாரதிராஜா அவர்கள் இயக்கிய பொம்மலாட்டம் திரைப்படத்திலும், தம்பி ரஞ்சித் அவர்கள் இயக்கி சூப்பர்ஸ்டார் ரஜினிகாந்த் அவர்கள் நடித்த காலா திரைப்படத்திலும் நடித்ததன் மூலம் தமிழ்த் திரையுலகிலும் தனது கலைத்தடத்தை பதித்தவர் நானா படேகர்.

இந்தி, மராத்தி உள்ளிட்ட பல மொழி படங்களில் நடித்து இந்திய சினிமாவிற்கு பெருமை சேர்த்தவர்.
பல தேசிய விருதுகளோடு பத்மஸ்ரீ விருதும் பெற்ற நானா படேகர் அவர்கள் ஒரு நடிகர் என்பதை கடந்து ஒரு இடதுசாரி சிந்தனையாளராக சமூகத்திற்கு பங்காற்றியவர் .
சக நகைச்சுவை நடிகர் மகரந்த் அனஸ்புரே அவர்களுடன் இணைந்து இருவர் பெயரையும் இணைத்து Naam Foundation என்கிற அறக்கட்டளையை நிறுவி, அதன் மூலம் மராத்வாடா மற்றும் விதர்பா பகுதிகளில் வறட்சியால் பாதிக்கப்பட்ட விவசாயிகளின் குடும்பங்களுக்கு நிதி உதவியது, தற்கொலை செய்த விவசாயிகளின் குடும்பத்திற்கு உதவித்தொகையாக மாதம் ரூ.15,000 வழங்கியது,
விவசாயிகளுக்கு பல உதவிகள் செய்தது என அவரது சமூக செயல்பாடுகள் போற்றுதலுக்குரியது.

ஈகை பண்பும், நற்சிந்தனையும் கொண்ட சிறந்த கலைஞரான நானா படேகரை இழந்துவாடும் அவரது குடும்பத்தினர் ரசிகர்கள் உள்ளிட்ட அனைவருக்கும் விடுதலைச் சிறுத்தைகள் கட்சியின் சார்பில் எமது ஆழ்ந்த இரங்கலைத் தெரிவித்து எமது அஞ்சலியை செலுத்துகிறோம்!

இவண்
தொல்காப்பியன் திருமாவளவன்,
நிறுவனர் - தலைவர்,
விசிக.