TROPASTORYA

PABOR KA BA NA PATALSIKIN SA PUWESTO SI PBBM?

Isinusulong ngayon ni Cavite 4th District Rep. Kiko Barzaga ang impeachment laban kay Pangulong Ferdinand Marcos Jr.

Ayon kay Barzaga, may mga isyung dapat sagutin ng administrasyon na umano’y dahilan ng kanyang hakbang.

Pero para sa ilan, isa lang daw itong usaping pulitikal na maaaring magdulot ng pagkakabaha-bahagi sa bansa.

Ikaw, pabor ka ba na ma-impeach si PBBM o dapat tapusin niya ang kanyang termino?

#tropastorya #PPBM #education #floodcontrol

2 months ago | [YT] | 13

TROPASTORYA

TROPATRIVIA: NAG-RESIGN DAHIL SA KORAPSYON?

Noong Pebrero 4, 2008, si Jose de Venecia Jr. ang unang Speaker ng House of Representatives na kusang nag-resign. Nawalan siya ng suporta ng mayorya matapos mabunyag ang kontrobersyal na NBN–ZTE broadband deal, kung saan may alegasyon ng overpricing at suhulan na kinasangkutan ng mga kaalyado ng Malacañang. Bilang protesta at upang maunahan ang planong pagpapatalsik, pinili niyang bumaba sa puwesto.

Makaraan ang halos labingpitong taon, isang katulad na pangyayari ang naganap nitong Setyembre 17, 2025 nang magbitiw naman ang kasalukuyang Speaker na si Martin Romualdez dahil sa imbestigasyon sa umano’y anomalya sa flood control projects.

Sa parehong kaso, ang pagbibitiw ay itinuring na hakbang para mapanatili ang kredibilidad ng Kamara, at hindi pag-amin ng kasalanan.

#MartinRomualdez #History #Tropatrivia

3 months ago | [YT] | 5

TROPASTORYA

TROPATRIVIA: HAPPY NINOY AQUINO DAY!

Tuwing Agosto 21, ginugunita ng bansa ang Ninoy Aquino Day bilang alaala sa pagkamatay ni Benigno “Ninoy” Aquino Jr., dating senador at simbolo ng paglaban sa diktadurya sa Pilipinas. Itinatag noong 2004 sa bisa ng Republic Act No. 9256, ang araw na ito ay isang national non-working holiday.

Si Ninoy Aquino ay kilala sa kanyang tapang at determinasyon sa politika. Bago pa man maging senador, nagsimula siya bilang batang konsehal sa Concepcion, Tarlac, at naging isa sa mga prominenteng lider na tumutol sa rehimeng Marcos.

Ang kanyang pamumuno at prinsipyo ang nagbigay inspirasyon sa maraming Pilipino na manindigan para sa demokrasya.

#NinoyAquinoDay
#tropatrivia
#tropastorya

4 months ago | [YT] | 4

TROPASTORYA

TROPATRIVIA: Unang Paglabas ng mga Pangalan sa Giyera Kontra Droga

Ngayong araw, Agosto 7, 2016, sa isang burol ng mga sundalong napatay sa Davao City, unang isinapubliko ni Pangulong Rodrigo Duterte ang kanyang kontrobersyal na “narco list.”

May mahigit 150 na opisyal ang pinangalanan kabilang ang mga mayor, hukom, sundalo, at pulis na umano’y sangkot sa ilegal na droga.

Ang araw na ito ang unang malakas na hudyat ng kanyang giyera kontra droga, gamit ang “name-and-shame” strategy na lalong nagpatingkad sa istilo ng kanyang pamumuno.

#tropastorya
#tropatrivia
#Duterte
#history

4 months ago | [YT] | 5

TROPASTORYA

TROPATRIVIA: Happy Birthday, Former Vice- President Leni Robredo! 🌷

Si Maria Leonor “Leni” Gerona Robredo ay isinilang noong Abril 23, 1965 sa Naga City. Bago siya pumasok sa mundo ng pulitika, isa siyang abogada na nagsilbi sa mga mahihirap at nasa laylayan ng lipunan. Kilala rin siya sa pagiging tahimik at simpleng tao kahit na galing sa isang kilalang pamilya sa Camarines Sur.

Kahit nanalo siyang Bise Presidente noong 2016, nanatili si Leni Robredo sa Naga City at araw-araw na bumiyahe patungong trabaho gamit ang bus, jeep, o tricycle patunay ng kanyang pagiging simple at maka-masa.

Sa kabila ng limitadong pondo, naipatupad ni Leni Robredo ang “Angat Buhay” program bilang isa sa pinakamalawak na outreach efforts ng gobyerno. Pagkatapos ng kanyang termino, ipinagpatuloy niya ito sa pamamagitan ng Angat Buhay Foundation, bilang patunay na para sa kanya, ang tunay na paglilingkod ay nagmumula sa puso, hindi sa posisyon.

#VPLeniRobredo
#VPLeni
#AngatBuhayLahat
#history
#tropatrivia
#tropastorya

8 months ago | [YT] | 12

TROPASTORYA

TROPATRIVIA: Nakakain kana rin ba ng Binignit?

Ang binignit o ginat-an ay isang tradisyonal na pagkain sa Pilipinas tuwing Biyernes Santo at buong Semana Santa, lalo na sa Visayas at Mindanao.

Sa Luzon, kilala naman ito bilang Ginataang Bilo-Bilo, isang mainit at malinamnam na pagkain na gawa sa malagkit na bigas na ginawang bilo-bilo, saging na saba, kamote, sago, at niluluto sa gata ng niyog. Depende sa lugar, maaari rin itong dagdagan ng langka, ube, o gabi.

May mga paniniwala ring nakapalibot sa pagkain na ito. Ayon sa ilan, ang hindi pagkain ng binignit tuwing Biyernes Santo ay malas, kaya’t ginagawa itong taunang tradisyon.

May mga nagkukuwento rin na habang niluluto ito, dapat hindi galit ang loob ng nagluluto upang lumabas ang tunay na malinamnam na lasa na isang pamahiin na pinapasa mula henerasyon hanggang henerasyon.

#binignit
#ginataangbilobilo
#tropastorya
#tropatrivia
#goodfriday

8 months ago | [YT] | 4

TROPASTORYA

TROPATRIVIA: Good Friday

Ang Biyernes Santo, o Good Friday, ay araw ng pag-alala sa kamatayan ni Hesus sa krus para sa kaligtasan ng sangkatauhan. Tinatawag itong "good" hindi dahil masaya, kundi dahil ito’y banal at puno ng kahulugan.

Sa halip na Misa, isinasagawa ang seremonyang Paggunita sa Pagpapakasakit ng Panginoon. Karaniwan din ang mga tradisyon tulad ng “Siete Palabras”.

Sa Pilipinas, malalim ang pagpapahalaga sa araw na ito. Marami ang nagpapapako, nagsasakripisyo, o nag-aayuno bilang anyo ng pagsisisi at pakikiisa sa paghihirap ni Jesus.

Tahimik ang mga bayan, at isinasantabi ang kasiyahan bilang paggalang sa sakripisyo ni Kristo. Sa gitna ng katahimikan ng Biyernes Santo, tayo’y inaanyayahang magnilay, magsisi, at muling yakapin ang dakilang pag-ibig na ipinakita sa atin sa pamamagitan ng krus.

#goodfriday
#tropastorya
#BiyernesSanto
#tropatrivia

8 months ago | [YT] | 7

TROPASTORYA

TROPATRIVIA:

Alam mo ba na si Nora Aunor ay sumali sa Tawag ng Tanghalan noong 1967, isa sa pinaka-prestihiyosong amateur singing contests noon sa radyo at telebisyon? Bagamat paborito siya ng maraming manonood, natalo siya sa Grand Finals kung saan isang resulta na ikinadismaya ng marami.

Pero sa halip na mawalan ng pag-asa, ginawa niya itong inspirasyon. Ginamit niya ang pagkatalo bilang motibasyon upang pagbutihin ang kanyang talento. Dahil sa kanyang malamig, emosyonal, at punong-puno ng damdaming boses, agad siyang napansin ng mga recording companies.

Kaya nga sinasabi ng marami, “Hindi mo kailangang manalo para magtagumpay.” Si Nora Aunor ay isang patunay na minsan, ang pagkatalo ang nagsisindi ng apoy ng tagumpay.

#NoraAunor
#ateguy
#tropastorya
#tropatrivia
#trivia

8 months ago | [YT] | 4

TROPASTORYA

TROPATRIVIA: Maundy Thursday

Ang Huwebes Santo ay isang mahalagang bahagi ng Semana Santa sa tradisyong Kristiyano, lalo na sa Simbahang Katolika. Nagmula ito sa sinaunang Kristiyanismo at ginugunita tuwing Huwebes bago ang Linggo ng Pagkabuhay.

Sa araw na ito ipinagdiriwang ang Huling Hapunan ni Hesus kasama ang kanyang labindalawang alagad, kung saan itinatag niya ang Sakramento ng Eukaristiya at Pagpapari. Isa ring mahalagang ritwal dito ang paghuhugas ng paa, na simbolo ng pagpapakumbaba at paglilingkod.

Sa Pilipinas, karaniwan ding ginagawa ang Visita Iglesia, kung saan bumibisita ang mga deboto sa pitong simbahan bilang panata at pagninilay.

#MaundayThursday
#HuwebesSanto
#tropastorya
#tropatrivia
#history

8 months ago | [YT] | 7

TROPASTORYA

TROPATRIVIA: Happy Araw ng Kagitingan! Mataas na pagpupugay sa lahat ng tunay na bayani!

Ngayong araw, Abril 9, ay ating ginugunita ang Araw ng Kagitingan, o National Day of Valor. Ito ay pag-alala sa kabayanihan ng mga sundalong Pilipino at Amerikano sa Labanan sa Bataan laban sa Imperial Japanese Army noong Ikalawang Digmaang Pandaigdig.

Noong Abril 9, 1942, sumuko si Major General Edward P. King, Jr., kasama ang humigit-kumulang 64,000 sundalong Pilipino at 12,000 sundalong Amerikano na halos gutom na at may sakit. Ang pagsuko ay humantong sa malagim na Bataan Death March, kung saan libu-libong sundalo ang sapilitang pinalakad ng mahigit 100 kilometro patungo sa Camp O'Donnell sa ilalim ng puwersang Hapones.

Saludo tayo sa lahat ng Pilipinong bayani na nagbuwis ng lahat para sa ating kasarinlan.

#ArawNgKagitingan
#DayOfValor
#tropastorya
#history
#tropatrivia

8 months ago | [YT] | 7